آب حیات
از عمیرہ احمد
قسط نمبر_01

ﺍﺱ ﻧﮯ ﺩﻭﺭ ﺳﮯ ﺳﺎﻻﺭ ﮐﻮ ﺍﭘﻨﯽ ﻃﺮﻑ ﺁﺗﮯ ﺩﯾﮑﮭﺎ۔ﺍﺱ ﮐﮯ ﮨﺎﺗ ﻣﯿﮟ ﺳﻮﻓﭧ ﮈﺭﻧﮏ ﮐﺎ ﺍﯾﮏ ﮔﻼﺱ ﺗﮭﺎ۔
” ﺗﻢ ﯾﮩﺎﮞ ﺁﮐﺮ ﮐﯿﻮﮞ ﺑﯿﭩﮫ ﮔﺌﯽ؟ “ ﺍﻣﺎﻣﮧ ﮐﮯ ﻗﺮﯾﺐ ﺁﺗﮯ ﮨﻮﮰ ﺍﺱ ﻧﮯ ﺩﻭﺭ ﺳﮯ ﮐﮩﺎ۔
” ﺍﯾﺴﮯ ﮨﯽ۔۔۔ ﺷﺎﻝ ﻟﯿﻨﮯ ﺁﺋﯽ ﺗﮭﯽ۔۔۔ﭘﮭﺮ ﯾﮩﯽ ﺑﯿﭩﮫ ﮔﺌﯽ۔ “ ﻭﮦ ﻣﺴﮑﺮﺍﺋﯽ۔ﺍﺱ ﮐﮯ ﻗﺮﯾﺐ ﺑﯿﭩﮭﺘﮯ ﮨﻮﮰ ﺳﺎﻻﺭ ﻧﮯ ﺳﻮﻓﭧ ﮈﺭﻧﮏ ﮐﺎ ﮔﻼﺱ ﺍﭘﻨﯽ ﭨﺎﻧﮕﻮﮞ ﮐﮯ ﺩﺭﻣﯿﺎﻥ ﻧﯿﭽﮯ ﺭﮐﮫ ﺩﯾﺎ۔ﺍﻣﺎﻣﮧ ﻟﮑﮍﯼ ﮐﮯﺳﺘﻮﻥ ﺳﮯ ﭨﯿﮏ ﻟﮕﺎﮰ ﺍﯾﮏ ﮔﮭﭩﻨﮯ ﭘﺮ ﮐﮭﺎﻧﮯ ﮐﯽ ﭘﻠﯿﭧ ﭨﮑﺎﮰ ﮐﮭﺎﺗﮯ ﮨﻮﮰ ﺩﻭﺭ ﻻﻥ ﻣﯿﮟ ﺍﯾﮏ ﮐﯿﻨﻮﭘﯽ ﮐﮯ ﻧﯿﭽﮯ ﺍﺳﭩﯿﺞ ﭘﺮ ﺑﯿﭩﮭﮯ
ﮔﻠﻮﮐﺎﺭ ﮐﻮ ﺩﯾﮑﮫ ﺭﮨﯽ ﺗﮭﯽ،ﺟﻮ ﻧﺌﯽ ﻏﺰﻝ ﺷﺮﻭﻉ ﮐﺮﻧﮯ ﺳﮯ ﭘﮩﻠﮯ ﺳﺎﺭﻧﺪﻭﮞ ﮐﻮ ﮨﺪﺍﯾﺎﺕ ﺩﮮ ﺭﮨﺎ ﺗﮭﺎ۔ﺳﺎﻻﺭ ﻧﮯﮐﺎﻧﭩﺎ ﺍُﭨﮭﺎ ﮐﺮ ﺍﺳﮑﯽ ﭘﻠﯿﭧ ﺳﮯ ﮐﺒﺎﺏ ﮐﺎ ﺍﯾﮏ ﭨﮑﺮﺍ ﺍﭘﻨﮯ ﻣﻨﮧ ﻣﯿﮟ ﮈﺍﻻ۔ﻭﮦ ﺑﮭﯽ ﺍﺏ ﮔﻠﻮﮐﺎﺭ ﮐﯽ ﻃﺮﻑ ﻣﺘﻮﺟﮧ ﺗﮭﺎ ﺟﻮ ﺍﭘﻨﯽ ﻧﺌﯽ ﻏﺰﻝ ﺷﺮﻭﻉ ﮐﺮ ﭼﮑﺎ ﺗﮭﺎ۔
” ﺍﻧﺠﻮﺍﮰ ﮐﺮ ﺭﮨﯽ ﮨﻮ؟ “ ﺳﺎﻻﺭ ﻧﮯ ﺍﺱ ﺳﮯ ﭘﻮﭼﮭﺎ .
” ﮨﺎﮞ “ ﺍﺱ ﻧﮯ ﻣﺴﮑﺮﺍ ﮐﮯﮐﮩﺎ ﻭﮦ ﻏﺰﻝ ﺳﻦ ﺭﮨﯽ ﺗﮭﯽ .
؎ﮐﺴﯽ ﮐﯽ ﺁﻧﮑﮫ ﭘﺮﻧﻢ ﮨﮯ،ﻣﺤﺒﺖ ﮨﻮ ﮔﺌﯽ ﮨﻮ ﮔﯽ
ﺯﺑﺎﮞ ﭘﮯ ﻗﺼﮧ ﻏﻢ ﮨﮯ،ﻣﺤﺒﺖ ﮨﻮ ﮔﺌﯽ ﮨﻮ ﮔﯽ
ﻭﮦ ﺑﮭﯽ ﻏﺰﻝ ﺳﻨﻨﮯ ﻟﮕﺎ ﺗﮭﺎ۔
؎ ﮐﺒﮭﯽ ﮨﻨﺴﻨﺎ ﮐﺒﮭﯽ ﺭﻭﻧﺎ،ﮐﺒﮭﯽ ﮨﻨﺲ ﮨﻨﺲ ﮐﮯ ﺭﻭ ﺩﯾﻨﺎ
ﻋﺠﺐ ﺩﻝ ﮐﺎ ﯾﮧ ﻋﺎﻟﻢ ﮨﮯ، ﻣﺤﺒﺖ ﮨﻮ ﮔﺌﯽ ﮨﻮ ﮔﯽ
” ﺍﭼﮭﺎ ﮔﺎ ﺭﮨﺎ ﮨﮯ “ ۔ﺍﻣﺎﻣﮧ ﻧﮯ ﺳﺘﺎﺋﺸﯽ ﺍﻧﺪﺍﺯ ﻣﯿﮟ ﮐﮩﺎ۔ﺳﺎﻻﺭ ﻧﮯ ﮐﭽﮫ ﮐﮩﻨﮯ ﮐﮯ ﺑﺠﺎﮰ ﺳﺮ ﮨﻼ ﺩﯾﺎ۔
؎ ﺧﻮﺷﯽ ﮐﺎﺣﺪ ﺳﮯ ﺑﮍﮪ ﺟﺎﻧﺎﺑﮭﯽ،ﺍﺏ ﺍﮎ ﺑﯿﻘﺮﺍﺭﯼ ﮨﮯ
ﻧﮧ ﻏﻢ ﮨﻮﻧﺎ ﺑﮭﯽ ﺍﮎ ﻏﻢ ﮨﮯ، ﻣﺤﺒﺖ ﮨﻮ ﮔﺌﯽ ﮨﻮ ﮔﯽ
ﺳﺎﻻﺭ ﺳﻮﻓﭧ ﮈﺭﻧﮏ ﭘﯿﺘﮯﭘﯿﺘﮯ ﮨﻨﺲ ﭘﮍﺍ۔ﺍﻣﺎﻣﮧ ﻧﮯ ﺍﺳﮑﺎ ﭼﮩﺮﮦ ﺩﯾﮑﮭﺎ۔ﻭﮦ ﺟﯿﺴﮯ ﮐﮩﯿﮟ ﺍﻭﺭ ﭘﮩﻨﭽﺎ ﮨﻮﺍ ﺗﮭﺎ۔
” ﺗﻤﮩﯿﮟ ﮐﭽﮫ ﺩﯾﻨﺎ ﭼﺎﮦ ﺭﮨﺎ ﺗﮭﺎﻣﯿﮟ۔۔۔۔۔ “ ﻭﮦ ﺟﯿﮑﭧ ﮐﯽ ﺟﯿﺐ ﻣﯿﮟ ﺳﮯ ﮐﭽﮫ ﮈﮬﻮﻧﮉ ﮐﺮ ﻧﮑﺎﻟﻨﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ۔
” ﺑﮩﺖ ﺩﻧﻮﮞ ﺳﮯ ﺩﯾﻨﺎ ﭼﺎﮨﺘﺎ ﺗﮭﺎ ﻟﯿﮑﻦ۔۔ “ ﻭﮦ ﺑﺎﺕ ﮐﺮﺗﮯ ﮐﺮﺗﮯ ﺭﮎ ﮔﯿﺎ۔ﺍﺳﮑﮯ ﮨﺎﺗﮫ ﻣﯿﮟ ﺍﯾﮏ ﮈﺑﯿﺎ ﺗﮭﯽ۔ﺍﻣﺎﻣﮧ ﮐﮯ ﭼﮩﺮﮮ ﭘﺮ ﺑﮯ ﺍﺧﺘﯿﺎﺭ ﻣﺴﮑﺮﺍﮨﭧ ﺁﺋﯽ۔ ” ﺍﭼﮭﺎ ﺗﻮ ﺍﺳﮯ ﺧﯿﺎﻝ ﺁﮔﯿﺎ۔۔ “ ﺍﺱ ﻧﮯ ﮈﺑﯿﺎ ﻟﯿﺘﮯ ﮨﻮﮰ ﺳﻮﭼﺎ ﺍﻭﺭﺍﺳﮯﮐﮭﻮﻻ۔
ﻭﮦ ﺳﺎﮐﺖ ﺭﮦ ﮔﺌﯽ۔۔ﺍﻧﺪﺭ ﺍﯾﺌﺮﺭﻧﮕﺰ ﺗﮭﮯ ۔۔ﺍﻥ ﺍﯾﺮﻧﮕﺰﺳﮯ ﺗﻘﺮﯾﺒﺎً ﻣﻠﺘﮯ ﺟﻠﺘﮯ۔۔ﺟﻮ ﻭﮦ ﺍﮐﺜﺮ ﺍﭘﻨﮯ ﮐﺎﻧﻮﮞ ﻣﯿﮟ ﭘﮩﻨﺘﯽ ﺗﮭﯽ۔ﺍﺱ ﻧﮯ ﻧﻈﺮﯾﮟ ﺍﭨﮭﺎ ﮐﺮ ﺳﺎﻻﺭ ﮐﻮ ﺩﯾﮑﮭﺎ۔
” ﻣﯿﮟ ﺟﺎﻧﺘﺎ ﮨﻮﮞ ﯾﮧ ﺍﺗﻨﮯ ﻭﯾﻠﯿﻮﺍﯾﺒﻞ ﺗﻮ ﻧﮩﯿﮟ ﮨﻮﻧﮕﮯ ﺟﺘﻨﮯ ﺗﻤﮩﺎﺭﮮ ﻓﺎﺩﺭ ﮐﮯ۔۔ﻟﯿﮑﻦ ﻣﺠﮭﮯ ﺍﭼﮭﺎ ﻟﮕﮯﮔﺎ ﺍﮔﺮ ﮐﺒﮭﯽ ﮐﺒﮭﺎﺭ ﺗﻢ ﺍﻧﮩﯿﮟ ﭘﮩﻨﻮ “ ۔ﺍﻥ ﺍﯾﺮﺭﻧﮕﺰ ﮐﻮ ﺩﯾﮑﮭﺘﮯ ﮨﻮﮰ ﺍﺳﮑﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺁﮔﺌﮯ۔
” ﺗﻢ ﻧﮩﯿﮟ ﭘﮩﻨﻨﺎ ﭼﺎﮨﺘﯽ ﺗﻮ ﭨﮭﯿﮏ ﮨﮯ۔۔۔ﻣﯿﮟ ﺭﯾﭙﻠﯿﺲ ﮐﺮﻧﮯ ﮐﮯ ﻟﯿﮯ ﻧﮩﯿﮟ ﺩﮮ ﺭﮨﺎﮨﻮﮞ ۔ “ ﺳﺎﻻﺭﻧﮯ ﺍﺳﮑﯽ ﺁﻧﮑﮭﻮﮞ ﻣﯿﮟ ﻧﻤﻮﺩﺍﺭ ﮨﻮﻧﮯ ﻭﺍﻟﯽ ﻧﻤﯽ ﮐﻮ ﺩﯾﮑﮫ ﮐﺮ ﺑﮯﺳﺎﺧﺘﮧ ﮐﮩﺎ۔ﻭﮦ ﻧﮩﯿﮟ ﺟﺎﻧﺘﺎﺗﮭﺎ۔۔۔ﺑﮩﺖ ﺳﺎﺭﯼ ﭼﯿﺰﯾﮟ ﭘﮩﻠﮯ ﮨﯽ ﺍﭘﻨﯽ ﺟﮕﮧ ﺑﺪﻝ ﭼﮑﯽ ﮨﯿﮟ۔ﺍﻭﺭ ﺍﭘﻨﯽ ﺟﮕﮧ ﺑﻨﺎ ﭼﮑﯽ ﮨﯿﮟ۔
ﺍﺳﮑﯽ ﺧﻮﺍﮨﺶ ﺍﻭﺭ ﺍﺭﺍﺩﮮ ﮐﮯ ﻧﮧ ﮨﻮﻧﮯ ﮐﮯ ﺑﺎﻭﺟﻮﺩ ۔
ﮐﭽﮫ ﮐﮩﻨﮯ ﮐﯽ ﺑﺠﺎﮰ ﺍﻣﺎﻣﮧ ﻧﮯ ﺍﭘﻨﮯ ﺩﺍﺋﯿﮟ ﮐﺎﻥ ﻣﯿﮟ ﻟﭩﮑﺘﺎ ﮨﻮﺍ ﺟﮭﻤﮑﺎ ﺍﺗﺎﺭﺍ۔
” ﻣﯿﮟ ﭘﮩﻨﺎ ﺳﮑﺘﺎ ﮨﻮﮞ؟ “ ﺳﺎﻻﺭ ﻧﮯ ﺍﯾﮏ ﺍﯾﺮﺭﻧﮓ ﻧﮑﺎﻟﺘﮯ ﮨﻮﮰ ﭘﻮﭼﮭﺎ۔ﺍﻣﺎﻣﮧ ﻧﮯ ﺳﺮ ﮨﻼ ﺩﯾﺎ۔ﺳﺎﻻﺭ ﻧﮯ ﺑﺎﺭﯼ ﺑﺎﺭﯼ ﺍﺳﮑﮯ ﺩﻭﻧﻮﮞ ﮐﺎﻧﻮﮞ ﻣﯿﮟ ﺍﯾﺮﺭﻧﮕﺰ ﭘﮩﻨﺎ ﺩﯾﺌﮯ ۔
ﻭﮦ ﻧﻢ ﺁﻧﮑﮭﻮﮞ ﮐﮯ ﺳﺎﺗﮫ ﻣﺴﮑﺮﺍﺋﯽ۔ﻭﮦ ﺑﮩﺖ ﺩﯾﺮ ﺗﮏ ﮐﭽﮫ ﮐﮩﮯﺑﻐﯿﺮﻣﺒﮩﻮﺕ ﺍﺳﮯ ﺩﯾﮑﮭﺘﺎ ﺭﮨﺎ۔
” ﺍﭼﮭﯽ ﻟﮓ ﺭﮨﯽ ﮨﻮ۔ “ ﻭﮦ ﺍﺳﮑﮯ ﮐﺎﻧﻮﮞ ﻣﯿﮟ ﻟﭩﮑﺘﮯ ﮨﻠﮑﻮﺭﮮ ﮐﮭﺎﺗﮯ ﻣﻮﺗﯽ ﮐﻮ ﭼﮭﻮﺗﮯ ﮨﻮﮰ ﻣﺪﮬﻢ ﺁﻭﺍﺯ ﻣﯿﮟ ﺑﻮﻻ۔
” ﺗﻤﮩﯿﮟ ﻣﺠﮫ ﺳﮯ ﺯﯾﺎﺩﮦ ﮐﻮﺋﯽ ﻣﺤﺒﺖ ﻧﮩﯿﮟ ﮐﺮ ﺳﮑﺘﺎ۔۔۔ﻣﺠﮫ ﺳﮯ ﺯﯾﺎﺩﮦ ﺧﯿﺎﻝ ﻧﮩﯿﮟ ﺭﮐﮫ ﺳﮑﺘﺎﺗﻤﮩﺎﺭﺍ۔۔ﻣﯿﺮﮮ ﭘﺎﺱ ﺍﯾﮏ ﻭﺍﺣﺪ ﻗﯿﻤﺘﯽ ﭼﯿﺰ ﺗﻢ ﮨﻮ “ ۔ﺍﺳﮑﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﮯ ﻭﮦ ﺍﺱ ﺳﮯ ﮐﮩﮧ ﺭﮨﺎ ﺗﮭﺎ۔ﻭﻋﺪﮦ ﮐﺮ ﺭﮨﺎ ﺗﮭﺎ۔ﯾﺎﺩﮨﺎﻧﯽ ﮐﺮﺍ ﺭﮨﺎ ﺗﮭﺎ۔ﯾﺎ ﮐﭽﮫ ﺟﺘﺎ ﺭﮨﺎ ﺗﮭﺎ۔ﻭﮦ ﺟﮭﮏ ﮐﺮ ﺍﺏ ﺍﺳﮑﯽ ﮔﺮﺩﻥ ﭼﻮﻡ ﺭﮨﺎ ﺗﮭﺎ۔
” ﻣﺠﮭﮯ ﻧﻮﺍﺯﺍ ﮔﯿﺎ ﮨﮯ۔ “ ﺳﯿﺪﮬﺎ ﮨﻮﺗﮯ ﮨﻮﮰ ﺍﺱ ﻧﮯ ﺳﺮﺷﺎﺭﯼ ﺳﮯ ﮐﮩﺎ۔
” ﺭﻭﻣﺎﻧﺲ ﮨﻮ ﺭﮨﺎ ﮨﮯ؟ “ ﺍﭘﻨﮯ ﻋﻘﺐ ﺳﮯ ﺁﻧﮯ ﻭﺍﻟﯽ ﮐﺎﻣﺮﺍﻥ ﮐﯽ ﺁﻭﺍﺯ ﭘﺮ ﺩﻭﻧﻮﮞ ﭨﮭﭩﮑﮯ ﺗﮭﮯ۔ﻭﮦ ﺷﺎﯾﺪ ﺷﺎﺭﭦ ﮐﭧ ﮐﯽ ﻭﺟﮧ ﺳﮯ ﺑﺮﺁﻣﺪﮮ ﮐﮯ ﺍﺱ ﺩﺭﻭﺍﺯﮮ ﺳﮯ ﻧﮑﻼ ﺗﮭﺎ۔
” ﮐﻮﺷﺶ ﮐﺮ ﺭﮨﮯ ﮨﯿﮟ۔ “ ﺳﺎﻻﺭ ﻧﮯ ﭘﻠﭩﮯ ﺑﻐﯿﺮ ﮐﮩﺎ۔
” ﮔﮉﻟﮏ “ ﻭﮦ ﮐﮩﺘﮯ ﮨﻮﮰ ﺍﻥ ﮐﮯ ﭘﺎﺱ ﺳﮯ ﺳﯿﮍﮬﯿﺎﮞ ﺍﺗﺮﺗﺎ ﮨﻮﺍ ﺍﻧﮩﯿﮟ ﺩﯾﮑﮭﮯ ﺑﻐﯿﺮ ﭼﻼ ﮔﯿﺎ۔ﺍﻣﺎﻣﮧ ﮐﯽ ﺭﮐﯽ ﮨﻮﺋﯽ ﺳﺎﻧﺲ ﺑﺤﺎﻝ ﮨﻮﺋﯽ۔ﻭﮦ ﺟﮭﻨﭗ ﮔﺌﯽ ﺗﮭﯽ۔ﺳﺎﻻﺭ ﺍﻭﺭ ﺍﺳﮑﯽ ﻓﯿﻤﻠﯽ ﮐﻢ ﺍﺯ ﮐﻢ ﺍﻥ ﻣﻌﺎﻣﻼﺕ ﻣﯿﮟ ﺑﮯﺣﺪ ﺁﺫﺍﺩ ﺧﯿﺎﻝ ﺗﮭﮯ۔
؎ﮐﺴﯽ ﮐﻮ ﺳﺎﻣﻨﮯ ﭘﺎ ﮐﺮ ﮐﺴﯽ ﮐﮯ ﺳُﺮﺥ ﮨﻮﻧﭩﻮﮞ ﭘﺮ
ﺍﻧﻮﮐﮭﺎ ﺳﺎ ﺗﺒﺴﻢ ﮨﮯ، ﻣﺤﺒﺖ ﮨﻮ ﮔﺌﯽ ﮨﻮ ﮔﯽ
ﺍﻣﺎﻣﮧ ﮐﻮ ﻟﮕﺎ ﻭﮦ ﺯﯾﺮﻟﺐ ﮔﻠﻮﮐﺎﺭ ﮐﮯ ﺳﺎﺗﮫ ﮔﻨﮕﻨﺎ ﺭﮨﺎ ﮨﮯ۔
؎ﺟﮩﺎﮞ ﻭﯾﺮﺍﻥ ﺭﺍﮨﯿﮟ ﺗﮭﯽ، ﺟﮩﺎﮞ ﺣﯿﺮﺍﻥ ﺁﻧﮑﮭﯿﮟ ﺗﮭﯽ
ﻭﮨﺎﮞ ﭘﮭﻮﻟﻮﮞ ﮐﺎ ﻣﻮﺳﻢ ﮨﮯ، ﻣﺤﺒﺖ ﮨﻮ ﮔﺌﯽ ﮨﻮ ﮔﯽ۔۔۔۔

ﻟﮑﮍﯾﻮﮞ ﮐﯽ ﺍﻥ ﺳﯿﮍﮬﯿﻮﮞ ﭘﺮ ﺍﯾﮏ ﺩﻭﺳﺮﮮ ﮐﮯ ﻗﺮﯾﺐ ﺑﯿﭩﮭﮯ ﻭﮦ ﺧﺎﻣﻮﺷﯽ ﮐﻮ ﺗﻮﮌﺗﯽ ﺁﺱ ﭘﺎﺱ ﮐﮯ ﭘﮭﺎﮌﻭﮞ ﮐﯽ ﻃﺮﺡ ﭘﮭﯿﻠﺘﯽ ﮔﻠﻮﮐﺎﺭ ﮐﯽ ﺳﺮﯾﻠﯽ ﺁﻭﺍﺯ ﮐﻮ ﺳﻦ ﺭﮬﮯ ﺗﮭﮯ۔ﺯﻧﺪﮔﯽ ﮐﮯ ﻭﮦ ﯾﺎﺩﻭﮞ ﮐﺎ ﺣﺼﺎ ﺑﻦ ﺭﮬﮯ ﺗﮭﮯ۔ﺩﻭﺑﺎﺭﮦ ﻧﺎ ﺁﻧﮯ ﮐﮯ ﻟﯿﮯ ﮔﺰﺭ ﺭﮬﮯ ﺗﮭﮯ۔
ﺍﻥ ﮐﮯ ﺍﭘﺎﺭﭨﻤﻨﭧ ﮐﯽ ﻭﯾﻮﺍﺭ ﭘﺮ ﻟﮕﻨﮯ ﻭﺍﻟﯽ ﺍﻥ ﺩﻭﻧﻮﮞ ﮐﯽ ﭘﮭﻠﯽ ﺍﮐﭩﮭﯽ ﺗﺼﻮﯾﺮ ﺍﺱ ﻓﺎﺭﻡ ﮬﺎﻭﺱ ﮐﯽ ﺳﯿﮍﮬﯿﻮﮞ ﮐﯽ ﮬﯽ ﺗﮭﯽ۔
ﺳﺮﺥ ﻟﺒﺎﺱ ﻣﯿﮟ ﮔﻮﻟﮉﻥ ﮐﮍﮬﺎﺉ ﻭﺍﻟﯽ ﺳﯿﺎﮦ ﭘﺸﯿﻤﻨﮧ ﺷﺎﻝ ﺍﭘﻨﮯ ﺑﺎﺯﻭﺅﮞ ﮐﮯ ﮔﺮﺩ ﺍﻭﮌﮬﮯ ﮐﮭﻠﮯ ﺳﯿﺎﮦ ﺑﺎﻟﻮﮞ ﮐﻮ ﮐﺎﻧﻮﮞ ﮐﯽ ﻟﻮﺅﮞ ﮐﮯ ﭘﯿﭽﮭﮯ ﺳﻤﯿﭩﮯ ﺧﻮﺷﯽ ﺍﺱ ﮐﯽ ﻣﺴﮑﺮﺍﮬﭧ ﺍﻭﺭ ﺁﻧﮑﮭﻮﮞ ﮐﯽ ﭼﻤﮏ ﻣﯿﮟ ﻧﮭﯽ ﺑﻠﮑﮯ ﺍﺱ ﻗﺮﺏ ﻣﮯ ﺟﮭﻠﮏ ﺭﮬﯽ ﺗﮭﯽ۔ﺟﻮ ﺍﺳﮑﮯ ﺍﻭﺭ ﺳﺎﻻﺭ ﮐﮯ ﺩﺭﻣﯿﺎﻥ ﻧﻈﺮ ﺁﺭﮬﺎ ﺗﮭﺎ۔ﺳﻔﯿﺪ ﺷﺮﭦ ﺍﻭﺭ ﺳﯿﺎﮦ ﺟﯿﮑﭧ ﻣﯿﮟ ﺍﺳﮯ ﺳﺎﺗﮫ ﻟﮕﺎﮮ ﺳﺎﻻﺭ ﮐﯽ ﺁﻧﮑﮭﻮﮞ ﮐﯽ ﭼﻤﮏ ﺟﯿﺴﮯ ﺍﺱ ﻓﻮﭨﻮ ﮔﺮﺍﻑ ﻣﮯ ﻣﻮﺟﻮﺩ ﮬﺮ ﺩﻭﺳﺮﯼ ﮬﺮ ﺷﮯ ﮐﻮ ﻣﺎﺕ ﺩﮮ ﺭﮬﯽ ﺗﮭﯽ۔ﮐﻮﺉ ﺑﮭﯽ ﮐﯿﻤﺮﮮ ﮐﮯ ﻟﯿﮯ ﺑﻨﺎﮮ ﮬﻮﮮ ﺍﺱ ﺍﯾﮏ ﭘﻮﺯ ﻣﮯ ﻧﻈﺮ ﺁﻧﮯ ﻭﺍﻟﮯ ﺟﻮﮌﮮ ﮐﻮ ﺩﯾﮑﮫ ﮐﺮ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺿﺮﻭﺭ ﭨﮭﭩﮑﺘﺎ۔
ﺳﮑﻨﺪﺭ ﻧﮯ ﺍﺱ ﻓﻮﭨﻮ ﮔﺮﺍﻑ ﮐﻮ ﻓﺮﯾﻢ ﮐﺮﻭﺍ ﮐﺮ ﺍﻧﮭﯿﮟ ﮬﯽ ﻧﮭﯽ ﺑﮭﯿﺠﺎ ﺗﮭﺎ ﺍﻧﮭﻮﮞ ﻧﮯ ﺍﭘﻨﯽ ﻓﯿﻤﻠﯽ ﻭﺍﻝ ﻓﻮﭨﻮﺯ ﻣﯿﮟ ﺑﮭﯽ ﺍﺱ ﺗﺼﻮﯾﺮ ﮐﺎ ﺍﺿﺎﻓﺎ ﮐﯿﺎ ﺗﮭﺎ

---

ﻭﮦ ﺷﺨﺺ ﺩﯾﻮﺍﺭ ﭘﺮ ﻟﮕﯽ ﺍﺱ ﺗﺼﻮﻳﺮ ﮐﮯ ﺳﺎﻣﻨﮯ ﺍﺏ ﭘﻨﺪﺭﮦ ﻣﻨﭧ ﺳﮯ ﮐﮭﮍﺍ ﺗﮭﺎ۔ﭘﻠﮑﯿﮟ ﺟﮭﭙﮑﺎﮮ ﺑﻐﻴﺮ ﭨﮑﭩﮑﯽ ﻟﮕﺎﺋﮯ ﺍﺱ ﻟﮍﮐﯽ ﮐﺎ ﭼﮭﺮﺍ ﺩﯾﮑﮭﺘﮯ ﮬﻮﮮ ۔ﭼﮭﺮﮮ ﻣﯿﮟ ﮐﻮﺉ ﺷﺒﺎﮨﺖ ﺗﻼﺵ ﮐﺮﺗﮯ ﮬﻮﮮ ۔ﺍﺱ ﺷﺨﺺ ﮐﮯ ﺷﺠﺮﮦ ﻣﯿﮟ ﺩﺑﮯ ﺁﺗﺶ ﻓﺸﺎﮞ ﮐﯽ ﺷﺮﻭﻋﺎﺕ ﮈﮬﻮﻧﮉﺗﮯ ﮬﻮﮮ ۔ﺍﮔﺮ ﻭﮦ ﺍﺱ ﺷﺨﺺ ﮐﻮ ﻧﺸﺎﻧﺎ ﺑﻨﺎ ﺳﮑﺘﺎ ﺗﮭﺎ ﺗﻮ ﺍﺳﯽ ﺟﮕﮧ ﺳﮯ ﺑﻨﺎ ﺳﮑﺘﺎ ﺗﮭﺎ۔ﻭﮦ ﮬﻮﻧﭧ ﮐﺎﭨﺘﮯ ﮬﻮﮮ ﺳﺎﺗﮫ ﺳﺎﺗﮫ ﮐﭽﮫ ﺑﮍﺑﮍﺍ ﺭﮬﺎ ﺗﮭﺎ۔ﺧﻮﺩ ﮐﻼﻣﯽ۔ﺍﯾﮏ ﺳﮑﯿﻨﮉﻝ ﮐﺎ ﺗﺎﻧﺎ ﺑﺎﻧﺎ ﺗﯿﺎﺭ ﮐﺮﻧﮯ ﮐﮯ ﻟﯿﮯ ﺍﯾﮏ ﺳﮯ ﺍﯾﮏ ﻣﮑﺮﻭﮦ ﻓﺮﯾﺐ ﮐﺎ ﺟﺎﻝ۔ﻭﺟﻮﮨﺎﺕ۔ﺣﻘﺎﺉﻕ ﮐﻮ ﻣﺨﻔﯽ ﮐﺮﻧﮯ ﻭﮦ ﺍﯾﮏ ﮔﮭﺮﺍ ﺳﺎﻧﺲ ﻟﮯ ﮐﺮ ﺍﭘﻨﮯ ﻋﻘﺐ ﻣﯿﮟ ﺑﯿﭩﮭﮯ ﮬﻮﮮ ﻟﻮﮔﻮﮞ ﮐﻮ ﮐﭽﮫ ﮬﺪﺍﯾﺎﺕ ﺩﯾﻨﮯ ﮐﮯ ﻟﯿﮯ ﻣﮍﺍ ﺗﮭﺎ۔
ﺳﯽ ﺁﺉ ﺍﮮ ﮬﯿﮉ ﮐﻮﺍﭨﺮﺯ ﮐﮯ ﺍﺱ ﮐﻤﺮﮮ ﮐﯽ ﻟﮕﯽ ﺩﯾﻮﺍﺭﻭﮞ ﭘﺮ ﻟﮕﮯ ﺑﻮﺭﮈﺯ ﭼﮭﻮﭨﮯ ﻣﻮﭨﮯ ﭼﺎﺭﭨﺲ ﻧﻮﭨﺲ ﻓﻮﭨﻮ ﮔﺮﺍﻓﺲ ﺍﻭﺭ ﺍﯾﮉﺭﯾﺴﺰ ﮐﯽ ﭼﭩﻮﮞ ﺳﮯ ﺑﮭﺮﮮ ﺗﮭﮯ۔
ﮐﻤﺮﮮ ﻣﯿﮟ ﻣﻮﺟﻮﺩ ﭼﺎﺭ ﺁﺩﻣﯿﻮﮞ ﻣﮯ ﺳﮯ ﺗﯿﻦ ﺍﺱ ﻭﻗﺖ ﮐﻤﭙﻴﻮﭨﺮﺯ ﭘﺮ ﻣﺨﺘﻠﻒ ﮈﯾﭩﺎ ﮐﮭﻨﮑﮭﺎﻟﻨﮯ ﻣﯿﮟ ﻟﮕﮯ ﺗﮭﮯ۔ﯾﮧ ﮐﺎﻡ ﻭﮦ ﭘﭽﮭﻠﮯﮈﮨﯿﮍﮦ ﻣﺎﮦ ﺳﮯ ﮐﺮ ﺭﮬﮯ ﺗﮭﮯ۔ﺍﺱ ﮐﻤﺮﮮ ﻣﮟ ﺟﮕﮧ ﺟﮕﮧ ﺑﮍﮮ ﺑﮍﮮ ﮈﺑﮯ ﭘﮍﮮ ﺗﮭﮯ۔ﺟﻮ ﻣﺨﺘﻠﻒ ﻓﺎﺀﯾﻠﺰ ﻧﯿﻮﺯ ﭘﯿﭙﺮﺯ ﮐﮯ ﺗﺮﺍﺷﻮﮞ ﺍﻭﺭ ﺩﻭﺳﺮﮮ ﺭﯾﮑﺎﺭﮈﺭ ﺳﮯ ﺑﮭﺮﮮ ﺗﮭﮯ۔ﮐﻤﺮﮮ ﻣﮯ ﻣﻮﺟﻮﺩ ﺭﯾﮑﺎﺭﮈ ﮐﯿﺒﻨﭩﺲ ﭘﮭﻠﮯ ﮬﯽ ﺑﮭﺮ ﮬﻮﺉ ﺗﮭﯽ۔ﮐﻤﺮﮮ ﻣﮯ ﻣﻮﺟﻮﺩ ﺗﻤﺎﻡ ﮈﯾﭩﺎ ﺍﻥ ﮐﻤﭙﻴﻮﭨﺮ ﮐﯽ ﮬﺎﺭﮈ ﮈﺳﮑﺲ ﻣﮯ ﺑﮭﯽ ﻣﺤﻔﻮﻅ ﺗﮭﺎ۔
ﮐﻤﺮﮮ ﻣﮯ ﻣﻮﺟﻮﺩ ﺍﺩﻣﯽ ﭘﭽﮭﻠﮯ ﮈﯾﮍﮦ ﻣﺎﮦ ﺳﮯ ﺍﺱ ﺷﺨﺺ ﮐﮯ ﺑﺎﺭﮮ ﻣﮯ ﺁﻧﮯﻭﺍﻻ ﺗﻤﺎﻡ ﺁﻥ ﻻﺋﻦ ﺭﯾﮑﺎﺭﮈ ﺍﻭﺭ ﻣﻌﻠﻮﻣﺎﺕ ﺍﮐﭩﮭﯽ ﮐﺮﺗﮯ ﺭﮬﮯ۔ﮐﻤﺮﮮ ﻣﮯ ﻣﻮﺟﻮﺩ ﺗﯿﺴﺮﺍ ﺁﺩﻣﯽ ﺍﺱ ﺷﺨﺺ ﺍﻭﺭ ﺍﺳﮑﯽ ﻓﯿﻤﻠﯽ ﮐﯽ ﺍﯾﻤﯿﻞ ﮐﺎ ﺭﯾﮑﺎﺭﮈ ﮐﮭﻨﮕﺎﻟﺘﺎ ﺭﮬﺎ ﺗﮭﺎ۔ﭼﻮﺗﮭﺎ ﺷﺨﺺ ﺍﺱ ﻓﯿﻤﻠﯽ ﺍﻭﺭ ﻣﺎﻝ ﻣﻌﻠﻮﻣﺎﺕ ﭼﯿﮏ ﮐﺮﺗﺎ ﺭﮬﺎ۔ﺍﻥ ﺳﺎﺭﯼ ﺟﺪﻭﺟﮩﺪ ﮐﺎ ﻧﺘﯿﺠﮧ ﺍﻥ ﺗﺼﻮﻳﺮﻭﮞ ﺍﻭﺭ ﺷﺠﺮﮦ ﻧﺼﺐ ﮐﯽ ﺻﻮﺭﺕ ﻣﮯ ﺍﻥ ﺑﻮﺭﮈﺯ ﭘﺮ ﻣﻮﺟﻮﺩ ﺗﮭﺎ۔
ﻭﮦ ﭼﺎﺭ ﻟﻮﮒ ﺩﻋﻮﮦ ﮐﺮ ﺳﮑﺘﮯ ﺗﮭﮯ ﮐﮯ ﺍﺱ ﺷﺨﺺ ﺍﻭﺭ ﺍﺱ ﮐﯽ ﻓﯿﻤﻠﯽ ﮐﯽ ﭘﻮﺭﯼ ﺯﻧﺪﮔﯽ ﮐﺎ ﺭﯾﮑﺎﺭﮈ ﺍﮔﺮ ﺧﺪﺍ ﮐﮯ ﭘﺎﺱ ﻣﻮﺟﻮﺩ ﺗﮭﺎ ﺗﻮ ﺍﺱ ﮐﯽ ﺍﯾﮏ ﮐﺎﭘﯽ ﺍﺱ ﮐﻤﺮﮮ ﻣﯿﮟ ﻣﻮﺟﻮﺩ ﺗﮭﯽ۔ﺍﺱ ﺷﺨﺺ ﮐﮯ ﺑﺎﺭﮮ ﻣﯿﮟ ﮐﻮﺉ ﺑﮭﯽ ﭼﯿﺰ ﺍﯾﺴﯽ ﻧﮭﯽ ﺗﮭﯽ ﺟﻮ ﺍﻥ ﮐﮯ ﻋﻠﻢ ﻣﯿﮟ ﻧﮭﯽ ﺗﮭﯽ ﯾﺎ ﺟﺲ ﮐﮯ ﺑﺎﺭﮮ ﻣﯿﮟ ﻭﮦ ﺛﺒﻮﺕ ﻧﮭﮯ ﺩﮮ ﺳﮑﺘﮯ ﺗﮭﮯ۔
ﺳﯽ ﺁﺉ ﮐﮯ ﺷﺪﯾﺪ ﺁﭘﺮﯾﺸﻨﺰ ﺳﮯ ﻟﯿﮑﺮ ﺍﺱ ﮐﯽ ﮔﺮﻝ ﻓﺮﯾﻨﮉ ﺗﮏ ﺍﺱ ﮐﯽ ﻣﺎﻟﯽ ﻣﻌﻠﻮﻣﺎﺕ ﺳﮯ ﻟﮯ ﮐﺮ ﺍﺱ ﮐﯽ ﺍﻭﻻﺩ ﮐﯽ ﭘﺮﺳﻨﻞ ﺍﻭﺭ ﭘﺮﺍﺋﻮﯾﭧ ﻻﺋﻒ ﺗﮏ ﺍﻥ ﮐﮯ ﭘﺎﺱ ﺗﻤﺎﻡ ﺗﻔﺼﯿﻼﺕ ﻣﻮﺟﻮﺩ ﺗﮭﯽ۔
ﻟﯿﮑﻦ ﺳﺎﺭﺍ ﻣﺴﺌﻠﮧ ﯾﮧ ﺗﮭﺎ ﮐﮧ ﮈﯾﮍﮦ ﻣﺎﮦ ﮐﯽ ﺍﺱ ﻣﺤﻨﺖ ﺍﻭﺭ ﭘﻮﺭﯼ ﺩﻧﯿﺎ ﺳﮯ ﺍﮐﭩﮭﮯ ﮐﯿﮯ ﮬﻮﮮ ﺍﺱ ﮈﯾﭩﺎ ﻣﮯ ﺳﮯ ﻭﮦ ﮐﻮﺉ ﺑﮭﯽ ﺍﯾﺴﯽ ﭼﯿﺰ ﻧﮭﯽ ﻧﮑﺎﻝ ﺳﮑﮯ ﺟﺲ ﺳﮯ ﺍﺱ ﮐﯽ ﮐﺮﺩﺍﺭ ﮐﺸﯽ ﮐﺮ ﺳﮑﺘﮯ۔
ﻭﮦ ﭨﯿﻢ ﺟﻮ ﭘﻨﺪﺭﮦ ﺳﺎﻝ ﺳﮯ ﺍﺳﯽ ﻣﻘﺼﺪ ﻣﯿﮟ ﮐﺎﻡ ﮐﺮﺗﯽ ﺭﮬﯽ ﺗﮭﯽ ﯾﮧ ﭘﮭﻠﯽ ﺑﺎﺭ ﺗﮭﺎ ﮐﮧ ﻭﮦ ﺍﺗﻨﯽ ﺳﺮ ﺗﻮﮌ ﻣﺤﻨﺖ ﮐﮯ ﺑﺎﻭﺟﻮﺩ ﺍﺱ ﺷﺨﺺ ﺍﻭﺭ ﺍﺱ ﮐﮯ ﮔﮭﺮﺍﻧﮯ ﮐﮯ ﮐﺴﯽ ﺷﺨﺺ ﮐﮯ ﺣﻮﺍﻟﮯ ﺳﮯ ﮐﺴﯽ ﻗﺴﻢ ﮐﺎ ﺑﺮﯼ ﺣﺮﮐﺖ ﯾﺎ ﺷﺎﺋﺴﺘﮧ ﻋﻤﻞ ﮐﯽ ﻧﺸﺎﻥ ﺩﮬﯽ ﻧﮭﯽ ﮐﺮ ﭘﺎﺉ ﺗﮭﯽ۔
ﺩﻭ ﺳﻮ ﭘﻮﺍﺋﻨﭩﺲ ﮐﯽ ﻭﮦ ﭼﯿﮏ ﻟﺴﭧ ﺟﻮ ﺍﻧﮭﯿﮟ ﺩﯼ ﮔﺊ ﺗﮭﯽ ﺩﻭ ﺳﻮ ﮐﺮﺍﺳﺰ ﺳﮯ ﺑﮭﺮﯼ ﮬﺆﯼ ﺗﮭﯽ۔
ﺍﻭﺭ ﯾﮧ ﺳﺐ ﺍﻥ ﮐﯽ ﺯﻧﺪﮔﯽ ﻣﯿﮟ ﭘﮭﻠﯽ ﺑﺎﺭ ﮬﻮ ﺭﮬﺎ ﺗﮭﺎ۔ﺍﻧﮭﻮﮞ ﻧﮯ ﺍﯾﺴﺎ ﺻﺎﻑ ﺭﯾﮑﺎﺭﮈ ﮐﺴﯽ ﮐﺎ ﻧﮭﯽ ﺩﯾﮑﮭﺎ ﺗﮭﺎ۔
ﮐﺴﯽ ﺣﺪ ﺗﮏ ﺳﺘﺎﺋﺶ ﮐﮯ ﺟﺰﺑﺎﺕ ﺭﮐﮭﻨﮯ ﮐﮯ ﺑﺎﻭﺟﻮﺩ ﺍﯾﮏ ﺁﺧﺮﯼ ﮐﻮﺷﺶ ﮐﺮ ﺭﮬﮯ ﺗﮭﮯ۔ﺍﯾﮏ ﺁﺧﺮﯼ ﮐﻮﺷﺶ ﮐﻤﺮﮮ ﮐﮯ ﺍﯾﮏ ﺑﻮﺭﮈ ﺳﮯ ﺩﻭﺳﺮﮮ ﺍﻭﺭ ﺩﻭﺳﺮﮮ ﺳﮯ ﺗﯿﺴﺮﮮ ﺗﮏ ﺟﺎﺗﮯ ﺟﺎﺗﮯ ﻭﮦ ﺁﺩﻣﯽ ﺍﺱ ﺷﺠﺮﮦ ﻧﺴﺐ ﮐﯽ ﺍﯾﮏ ﺗﺼﻮﯾﺮ ﭘﺮ ﺭﮐﺎ ﺗﮭﺎ۔ﺍﺱ ﺗﺼﻮﯾﺮ ﮐﮯ ﺍﮔﮯ ﮐﭽﮫ ﺍﻭﺭ ﺗﺼﻮﯾﺮﯾﮟ ﺗﮭﯽ ﺍﻭﺭ ﺍﻥ ﮐﮯ ﺳﺎﺗﮫ ﺑﻠﭧ ﭘﻮﺍﺋﻨﭩﺲ ﺍﯾﮏ ﺩﻡ ﺟﯿﺴﮯ ﺑﺠﻠﯽ ﮐﺎ ﺟﮭﭩﮑﺎ ﻟﮕﺎ ﮬﻮ۔ﺍﺱ ﻧﮯ ﺍﺱ ﻟﮍﮐﯽ ﮐﯽ ﺗﺼﻮﯾﺮ ﮐﮯ ﻧﯿﭽﮯ ﺍﯾﮏ ﺗﺎﺭﺥ ﭘﯿﺪﺍﺋﺶ ﻟﮑﮭﯽ ﮬﻮﺉ ﺩﯾﮑﮭﯽ ﭘﮭﺮ ﻣﮍ ﮐﺮ ﺍﯾﮏ ﮐﻤﭙﻴﻮﭨﺮ ﮐﮯ ﺳﺎﻣﻨﮯ ﺑﯿﭩﮭﮯ ﮬﻮﮮ ﺁﺩﻣﯽ ﮐﻮ ﻭﮦ ﺳﺎﻝ ﺑﺘﺎﺗﮯ ﮬﻮﮮ ﮐﮭﺎ۔
” ﺩﯾﮑﮭﻮ ﯾﮧ ﺍﺱ ﺳﺎﻝ ﮐﮭﺎﮞ ﺗﮭﺎ؟ “ ﮐﻤﭙﻴﻮﭨﺮ ﭘﺮ ﺑﯿﭩﮭﮯ ﮬﻮﮮ ﺁﺩﻣﯽ ﻧﮯ ﭼﻨﺪ ﻣﻨﭩﻮﮞ ﮐﮯ ﺑﻌﺪ ﺳﮑﺮﯾﻦ ﺩﯾﮑﮭﺘﮯ ﮬﻮﮮ ﮐﮭﺎ۔
” ﭘﺎﮐﺴﺘﺎﻥ ﻣﯿﮟ “ ۔ﺍﺱ ﺷﺨﺺ ﮐﮯ ﮬﻮﻧﭩﻮﮞ ﭘﺮ ﺑﮯ ﺍﺧﺘﯿﺎﺭ ﻣﺴﮑﺮﺍﮨﭧ ﺁﺉ ﺗﮭﯽ۔
” ﮐﺐ ﺳﮯ ﮐﺐ ﺗﮏ؟؟ “ ۔ﺍﺱ ﺁﺩﻣﯽ ﻧﮯ ﺍﮔﻼ ﺳﻮﺍﻝ ﮐﯿﺎ؟ﮐﻤﭙﻴﻮﭨﺮ ﮐﮯ ﺳﺎﻣﻨﮯ ﺑﯿﭩﮭﮯ ﮬﻮﮮ ﺁﺩﻣﯽ ﻧﮯ ﺗﺎﺭﯾﺨﯿﮟ ﺑﺘﺎﺉ۔
ﺁﺧﺮ ﮐﺎﺭ ﮬﻤﯿﮟ ﮐﭽﮫ ﻣﻞ ﮬﯽ ﮔﯿﺎ۔ﺍﺱ ﺁﺩﻣﯽ ﻧﮯ ﺑﮯ ﺍﺧﺘﯿﺎﺭ ﺳﯿﭩﯽ ﺑﺠﺎﺗﮯ ﮬﻮﮮ ﮐﮩﺎ۔ﺍﻧﮭﯿﮟ ﺟﮭﺎﺯ ﮈﺑﻮﻧﮯ ﮐﮯ ﻟﮯ ﺗﺎﺭﭘﯿﮉﻭ ﻣﻞ ﮔﯿﺎ ﺗﮭﺎ۔
ﯾﮧ ﭘﻨﺪﺭﮦ ﻣﻨﭧ ﭘﮭﻠﮯ ﮐﯽ ﺭﻭﺩﺍﺩ ﺗﮭﯽ۔ﭘﻨﺪﺭﻩ ﻣﻨﭧ ﺑﻌﺪ ﺍﺏ ﻭﮦ ﺟﺎﻧﺘﺎ ﺗﮭﺎ ﮐﮧ ﺍﺳﮯ ﺍﺱ ﺁﺗﺶ ﻓﺸﺎﮞ ﮐﺎ ﻣﻨﮧ ﮐﮭﻮﻟﻨﮯ ﮐﮯ ﻟﯿﮯ ﮐﯿﺎ ﮐﺮﻧﺎ ﮬﮯ۔

---

ﻭﮦ ﯾﮩﺎﮞ ﮐﺴﯽ ﺟﺰﺑﺎﺗﯽ ﻣﻼﻗﺎﺕ ﮐﮯ ﻟﯿﮯ ﻧﮭﯿﮟ ﺁﺋﯽ ﺗﮭﯽ۔ﺳﻮﺍﻝ ﺟﻮﺍﺏ ﮐﮯ ﮐﺴﯽ ﻟﻤﺒﮯ ﭼﻮﮌﮮ ﺳﯿﺸﻦ ﮐﮯ ﻟﯿﮯ ﺑﮭﯽ ﻧﮭﯿﮟ۔ﻟﻌﻨﺖ ﻭﻣﻼﻣﺖ ﮐﮯ ﮐﺴﯽ ﻣﻨﺼﻮﺑﮯ ﮐﻮ ﻋﻤﻠﯽ ﺟﺎﻣﮧ ﭘﮩﻨﺎﻧﮯ ﮐﮯ ﻟﯿﮯ ﺑﮭﯽ ﻧﮭﯿﮟ۔ﻭﮦ ﯾﮩﺎﮞ ﮐﺴﯽ ﮐﺎ ﺿﻤﯿﺮ ﺟﮭﻨﺠﮭﻮﮌﻧﮯ ﮐﮯ ﻟﯿﮯ ﺁﺋﯽ ﺗﮭﯽ۔ﻧﺎ ﮬﯽ ﮐﺴﯽ ﺳﮯ ﻧﻔﺮﺕ ﮐﺎ ﺍﻇﮩﺎﺭ ﮐﺮﻧﮯ ﮐﮯ ﻟﯿﮯ ﺁﺋﯽ ﺗﮭﯽ۔ﻧﺎ ﮬﯽ ﻭﮦ ﮐﺴﯽ ﮐﻮ ﯾﮧ ﺑﺘﺎﻧﮯ ﮐﮯ ﻟﯿﮯ ﮐﮯ ﻭﮦ ﺍﺯﯾﺖ ﮐﮯ ﻣﺎﺅﻧﭧ ﺍﯾﻮﺭﺳﭧ ﭘﮯ ﮐﮭﮍﯼ ﮬﮯ۔ﻧﺎ ﮬﯽ ﻭﮦ ﺍﭘﻨﮯ ﺑﺎﭖ ﮐﻮ ﮔﺮﯾﺒﺎﻥ ﺳﮯ ﭘﮑﮍﻧﮯ ﭼﺎﮬﺘﯽ ﺗﮭﯽ۔ﻧﺎ ﺍﺳﮯ ﯾﮧ ﺑﺘﺎﻧﺎ ﭼﺎﮬﺘﯽ ﺗﮭﯽ ﮐﮯ ﺍﺱ ﻧﮯ ﺍﺱ ﮐﯽ ﺯﻧﺪﮔﯽ ﺑﺮﺩﺑﺎﺭ ﮐﺮ ﺩﯼ ﺗﮭﯽ۔ﺍﺱ ﮐﮯ ﺻﺤﺖ ﻣﻨﺪ ﺯﮨﻦ ﺍﻭﺭ ﺟﺴﻢ ﮐﻮ ﻣﻔﻠﻮﺝ ﮐﺮ ﺩﯾﺎ ﺗﮭﺎ۔
ﻭﮦ ﺳﺐ ﮐﭽﮫ ﮐﮩﺘﯽ۔ﯾﮧ ﺳﺐ ﮐﭽﮫ ﮐﺮﺗﯽ ﺍﮔﺮ ﺍﺳﮯ ﯾﻘﯿﻦ ﮬﻮﺗﺎ ﮐﮯ ﯾﮧ ﺳﺐ ﮐﺮﻧﮯ ﮐﮯ ﺑﻌﺪ ﺍﺳﮑﻮ ﺳﮑﻮﻥ ﻣﻞ ﺟﺎﮮ ﮔﺎ۔ﺍﺱ ﮐﺎ ﺑﺎﭖ ﺍﺣﺴﺎﺱ ﺟﺮﻡ ﯾﺎ ﭘﭽﮭﺘﺎﻭﮮ ﺟﯿﺴﯽ ﮐﻮﺉ ﭼﯿﺰ ﭘﺎﻟﻨﮯ ﻟﮕﮯ ﮔﺎ۔
ﭘﭽﮭﻠﮯ ﮐﺊ ﮨﻔﺘﮯ ﺳﮯ ﻭﮦ ﺍﺑﻼ ﭘﺎ ﺗﮭﯽ۔ﻭﮦ ﺭﺍﺗﻮﮞ ﮐﻮ ﺳﮑﻮﻥ ﺁﻭﺭ ﮔﻮﻟﯿﺎﮞ ﻟﯿﮯ ﺑﻐﯿﺮ ﻧﮭﯽ ﺳﻮ ﭘﺎ ﺭﮬﯽ ﺗﮭﯽ۔ﺍﻭﺭ ﺍﺱ ﺳﮯ ﺑﮍﮪ ﮐﺮ ﺗﮑﻠﯿﻒ ﺩﮦ ﭼﯿﺰ ﯾﮧ ﺗﮭﯽ ﮐﮧ ﻭﮦ ﺳﮑﻮ ﺁﻭﺭ ﺍﺩﻭﯾﺎﺕ ﻟﯿﻨﺎ ﻧﮭﯽ ﭼﺎﮬﺘﯽ ﺗﮭﯽ۔ﻭﮦ ﺳﻮﻧﺎ ﻧﮭﯽ ﭼﺎﮬﺘﯽ ﺗﮭﯽ۔ﻭﮦ ﺳﻮﭼﻨﺎ ﭼﺎﮬﺘﯽ ﺗﮭﯽ ۔ﺍﺱ ﺑﮭﯿﺎﻧﮏ ﺧﻮﺍﺏ ﮐﮯ ﺑﺎﺭﮮ ﻣﮯ ﺟﺲ ﻣﯿﮟ ﻭﮦ ﭼﻨﺪ ﮨﻔﺘﮯ ﭘﮭﻠﮯ ﺩﺍﺧﻞ ﮬﻮﺉ ﺗﮭﯽ ﺍﻭﺭ ﺟﺲ ﺳﮯ ﺍﺏ ﻭﮦ ﺳﺎﺭﯼ ﺯﻧﺪﮔﯽ ﻧﮩﯿﮟ ﻧﮑﻞ ﺳﮑﺘﯽ ﺗﮭﯽ۔
ﻭﮦ ﯾﮩﺎﮞ ﺁﻧﮯ ﺍﮮ ﭘﮩﻠﮯ ﭘﻮﺭﯼ ﺭﺍﺕ ﺭﻭﺗﯽ ﺭﮨﯽ ﺗﮭﯽ۔ﯾﮧ ﺑﮯﺑﺴﯽ ﮐﯽ ﻭﺟﮧ ﺳﮯ ﻧﮩﯿﮟ ﺗﮭﺎ۔ﯾﮧ ﺍﺫﯾﺖ ﮐﯽ ﻭﺟﮧ ﺳﮯ ﺑﮭﯽ ﻧﮩﯿﮟ ﺗﮭﺎ۔ﯾﮧ ﺍﺱ ﻏﺼﮧ ﮐﯽ ﻭﺟﮧ ﺳﮯﺗﮭﺎ ﺟﻮﻭﮦ ﺍﭘﻨﮯ ﺑﺎﭖ ﮐﮯ ﻟﯿﮯ ﺍﭘﻨﮯ ﺩﻝ ﻣﯿﮟ ﺍﺗﻨﮯ ﺩﻧﻮﮞ ﺳﮯ ﻣﺤﺴﻮﺱ ﮐﺮﺭﮨﯽ ﺗﮭﯽ۔ﯾﮧ ﺁﺗﺶ ﻓﺸﺎﮞ ﺗﮭﺎ ﯾﺎ ﺟﯿﺴﮯﮐﻮﺋﯽ ﺍﻻٶ ﺟﻮﺍﺳﮑﻮ ﺍﻧﺪﺭﺳﮯﺳﻠﮕﺎﺭﮨﺎ ﺗﮭﺎ،ﺍﻧﺪﺭ ﺳﮯ ﺟﻼ ﺭﮨﺎ ﺗﮭﺎ۔
ﮐﺴﯽ ﺳﮯ ﭘﻮﭼﮭﮯ ،ﮐﺴﯽ ﮐﻮ ﺑﺘﺎﮰ ﺑﻐﯿﺮ ﯾﻮﮞ ﺍﭨﮫ ﮐﺮ ﻭﮨﺎﮞ ﺁﺟﺎﻧﮯﮐﺎ ﻓﯿﺼﻠﮧ ﺟﺬﺑﺎﺗﯽ ﺗﮭﺎ،ﺍﺣﻤﻘﺎﻧﮧ ﺗﮭﺎ،ﺍﻭﺭ ﻏﻠﻂ ﺗﮭﺎ۔۔۔ﺍﺱ ﻧﮯ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍﯾﮏ ﺟﺬﺑﺎﺗﯽ،ﺍﺣﻤﻘﺎﻧﮧ ﺍﻭﺭ ﻏﻠﻂ ﻓﯿﺼﻠﮧ ﺑﮯ ﺣﺪ ﺳﻮﭺ ﺳﻤﺠﮫ ﮐﺮ ﮐﯿﺎ ﺗﮭﺎ۔ﺍﯾﮏ ﺍﺧﺘﺘﺎﻡ ﭼﺎﮨﺘﯽ ﺗﮭﯽ ﻭﮦ ﺍﭘﻨﯽ ﺯﻧﺪﮔﯽ ﮐﮯ ﺍﺱ ﺑﺎﺏ ﮐﮯ ﻟﯿﮯ،ﺟﺴﮑﮯ ﺑﻐﯿﺮ ﻭﮦ ﺁﮔﮯ ﻧﮩﯿﮟ ﺑﮍﮪ ﺳﮑﺘﯽ ﺗﮭﯽ،ﺍﻭﺭﺟﺴﮑﯽ ﻣﻮﺟﻮﺩﮔﯽ ﮐﺎ ﺍﻧﮑﺸﺎﻑ ﺍﺳﮑﮯﻟﯿﮯ ﺩﻝ ﺩﮨﻼ ﺩﯾﻨﮯ ﻭﺍﻻ ﺗﮭﺎ۔
ﺍﺳﮑﺎ ﺍﯾﮏ ﻣﺎﺿﯽ ﺗﮭﺎ۔ ﻭﮦ ﺟﺎﻧﺘﯽ ﺗﮭﯽ ﻟﯿﮑﻦ ﺍﺳﮯ ﮐﺒﮭﯽ ﯾﮧ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮯ ﺍﺳﮑﮯ ﻣﺎﺿﯽ ﮐﺎ ” ﻣﺎﺿﯽ “ ﺑﮭﯽ ﮨﻮﺳﮑﺘﺎ ﺗﮭﺎ۔ﺍﯾﮏ ﺩﻓﻌﮧ ﮐﺎ ﺫﮐﺮ ﺗﮭﺎ ﺟﺐ ﻭﮦ ﺧﻮﺵ ﺗﮭﯽ ﺍﭘﻨﯽ ﺯﻧﺪﮔﯽ ﻣﯿﮟ۔۔۔۔ﺟﺐ ﻭﮦ ﺧﻮﺩ ﮐﻮﺑﺎ ﺳﻌﺎﺩﺕ ﺳﻤﺠﮭﺘﯽ ﺗﮭﯽ۔ ﺍﻭﺭ ” ﻣﻘﺮﺏ “ ﺳﮯ ” ﻣﻌﻠﻮﻥ “ ﮨﻮﻧﮯ ﮐﺎ ﻓﺎﺻﻠﮧ ﺍﺳﻨﮯ ﭼﻨﺪ ﺳﯿﮑﻨﮉﺯ ﻣﯿﮟ ﻃﮯ ﮐﯿﺎ ﺗﮭﺎ۔ﭼﻨﺪ ﺳﯿﮑﻨﮉﺯ ﺑﮭﯽ ﺷﺎﯾﺪ ﺯﯾﺎﺩﮦ ﻭﻗﺖ ﺗﮭﺎ۔۔ﺷﺎﯾﺪ ﺍﺱ ﺳﮯ ﺑﮭﯽ ﺑﮩﺖ ﮐﻢ ﻭﻗﺖ ﺗﮭﺎ ﺟﺲ ﻣﯿﮟ ﻭﮦ ﺍﺣﺴﺎﺱ ﮐﻤﺘﺮﯼ،ﺍﺣﺴﺎﺱ ﻣﺤﺮﻭﻣﯽ،ﺍﺣﺴﺎﺱ ﻧﺪﺍﻣﺖ ﺍﻭﺭ ﺫﻟﺖ ﻭ ﺑﺪﻧﺎﻣﯽ ﮐﮯ ﺍﯾﮏ ﮈﮬﯿﺮ ﻣﯿﮟ ﺗﺒﺪﯾﻞ ﮨﻮﺋﯽ ﺗﮭﯽ۔
ﺍﻭﺭ ﯾﮩﺎﮞ ﻭﮦ ﺍﺱ ﮈﮬﯿﺮ ﮐﻮ ﺩﻭﺑﺎﺭﮦ ﻭﮨﯽ ﺷﮑﻞ ﺩﯾﻨﮯ ﺁﺋﯽ ﺗﮭﯽ۔۔ﺍﺱ ﺑﻮﺟﮫ ﮐﻮ ﺍﺱ ﺷﺨﺺ ﮐﮯ ﺳﺎﻣﻨﮯ ﺍﺗﺎﺭ ﭘﮭﯿﻨﮑﻨﮯ ﺁﺋﯽ ﺗﮭﯽ۔۔ﺟﺲ ﻧﮯ ﻭﮦ ﺑﻮﺟﮫ ﺍﺱ ﭘﮯ ﻻﺩﺍ ﺗﮭﺎ۔۔۔ﺯﻧﺪﮔﯽ
ﮐﺴﯽ ﮐﻮ ﺍﺱ ﻭﻗﺖ ﯾﮧ ﭘﺘﺎ ﻧﮩﯿﮟ ﺗﮭﺎ ﮐﮧ ﻭﮦ ﻭﮨﺎﮞ ﺗﮭﯽ۔۔۔ﮐﺴﯽ ﮐﻮ ﭘﺘﺎ ﮨﻮﺗﺎﺗﻮ ﻭﮦ ﻭﮨﺎﮞ ﺁ ﮨﯽ ﻧﮩﯿﮟ ﺳﮑﺘﯽ ﺗﮭﯽ۔۔۔ﺍﺳﮑﺎ ﻓﻮﻥ ﭘﭽﮭﻠﮯ ﮐﺌﯽ ﮔﮭﻨﭩﻮﮞ ﺳﮯ ﺁﻑ ﺗﮭﺎ۔ ﻭﮦ ﭼﻨﺪ ﮔﮭﻨﭩﻮﮞ ﮐﮯ ﻟﯿﮯ ﺧﻮﺩ ﮐﻮ ﺍﺱ ﺩﻧﯿﺎ ﺳﮯ ﺩﻭﺭ ﻟﮯ ﺁﺋﯽ ﺗﮭﯽ،ﺟﺴﮑﺎ ﻭﮦ ﺣﺼﮧ ﺗﮭﯽ۔ﺍﺱ ﺩﻧﯿﺎ ﮐﺎ ﺣﺼﮧ۔۔۔ﯾﺎ ﭘﮭﺮ ﺍﺱ ﺩﻧﯿﺎ ﮐﺎ ﺣﺼﮧ ﺟﺲ ﻣﯿﮟ ﻭﮦ ﺍﺱ ﻭﻗﺖ ﻣﻮﺟﻮﺩ ﺗﮭﯽ؟؟ ﯾﺎ ﭘﮭﺮﺍﺳﮑﯽ ﮐﻮﺋﯽ ﺑﻨﯿﺎﺩ ﻧﮩﯿﮟ ﺗﮭﯽ۔۔؟ﻭﮦ ﮐﮩﯿﮟ ﮐﯽ ﻧﮩﯿﮟ ﺗﮭﯽ۔۔ﺍﻭﺭ ﺟﮩﺎﮞ ﮐﯽ ﺗﮭﯽ،ﺟﺲ ﺳﮯ ﺗﻌﻠﻖ ﺭﮐﮭﺘﯽ ﺗﮭﯽ، ﺍﺳﮑﻮ ﺍﭘﻨﺎ ﻧﮩﯿﮟ ﺳﮑﺘﯽ ﺗﮭﯽ۔
ﺍﻧﺘﻈﺎﺭ ﻟﻤﺒﺎ ﮨﻮ ﮔﯿﺎ ﺗﮭﺎ۔۔ﺍﻧﺘﻈﺎﺭ ﮨﻤﯿﺸﮧ ﻟﻤﺒﺎ ﮨﻮﺗﺎ ﮨﮯ۔
۔۔ﮐﺴﯽ ﺑﮭﯽ ﭼﯿﺰ ﮐﺎ ﺍﻧﺘﻈﺎﺭ ﮨﻤﯿﺸﮧ ﻟﻤﺒﺎ ﮨﻮﺗﺎ ﮨﮯ۔۔ﭼﺎﮨﮯ ﺁﻧﮯ ﻭﺍﻟﯽ ﺷﮯ ﭘﺎٶﮞ ﮐﯽ ﺯﻧﺠﯿﺮ ﺑﻨﻨﮯ ﻭﺍﻟﯽ ﮨﻮ ﯾﺎ ﮔﻠﮯ ﮐﺎ ﮨﺎﺭ۔۔ ﺳﺮ ﮐﺎ ﺗﺎﺝ ﺑﻦ ﮐﺮ ﺳﺠﻨﺎ ﮨﻮ ﺍﺱ ﻧﮯ ﯾﺎﭘﺎٶﮞ ﮐﯽ ﺟﻮﺗﯽ۔۔ﺍﻧﺘﻈﺎﺭ ﮨﻤﯿﺸﮧ ﻟﻤﺒﺎ ﮨﯽ ﻟﮕﺘﺎ ﮨﮯ۔
ﻭﮦ ﺍﯾﮏ ﺳﻮﺍﻝ ﮐﺎ ﺟﻮﺍﺏ ﭼﺎﮨﺘﯽ ﺗﮭﯽ ﺍﭘﻨﮯ ﺑﺎﭖ ﺳﮯ۔۔۔ﺻﺮﻑ ﺍﯾﮏ ﭼﮭﻮﭨﮯ ﺳﮯ ﺳﻮﺍﻝ ﮐﺎ۔۔ﺍﺱ ﻧﮯ ﺍﺳﮑﯽ ﻓﯿﻤﻠﯽ ﮐﻮ ﮐﯿﻮﮞ ﻣﺎﺭ ﮈﺍﻻ؟؟

---

ﮔﺮﯾﻨﮉ ﺣﯿﺎﺕ ﮨﻮﭨﻞ ﮐﺎ ﮨﺎﻝ ﺭﻭﻡ ﺍﺱ ﻭﻗﺖ Scripps National Spellings Bee ﮐﮯ 92 ﻭﯾﮟ ﻣﻘﺎﺑﻠﮯ ﮐﮯ ﻓﺎﺋﻨﻞ ﻣﯿﮟ ﭘﮩﻨﭽﻨﮯ ﻭﺍﻟﮯ ﻓﺮﯾﻘﯿﻦ ﺳﻤﯿﺖ ﺩﯾﮕﺮ ﺷﺮﮐﺎ ﺍﻥ ﮐﮯ ﻭﺍﻟﺪﯾﻦ،ﺑﮩﻦ ﺑﮭﺎﺋﯿﻮﮞ ﺍﻭﺭ ﺍﺱ ﻣﻘﺎﺑﻠﮯ ﮐﻮ ﺩﯾﮑﮭﻨﮯ ﮐﮯ ﻟﯿﮯ ﻣﻮﺟﻮﺩ ﻟﻮﮔﻮﮞ ﺳﮯ ﮐﮭﭽﺎ ﮐﮭﭻ ﺑﮭﺮﺍ ﮨﻮﻧﮯ ﮐﮯ ﺑﺎﻭﺟﻮﺩ ﺍﯾﺴﺎ ﺧﺎﻣﻮﺵ ﺗﮭﺎ ﮐﮧ ﺳﻮﺋﯽ ﮔﺮﻧﮯ ﮐﯽ ﺁﻭﺍﺯ ﺑﮭﯽ ﺳﻨﯽ ﺟﺎﺳﮑﮯ۔
ﻭﮦ ﺩﻭ ﺍﻓﺮﺍﺩ ﺟﻮ ﻓﺎﺋﻨﻞ ﻣﯿﮟ ﭘﮩﻨﭽﮯ ﺗﮭﮯ،ﺍﻥ ﮐﮯ ﺩﺭﻣﯿﺎﻥ ﭼﻮﺩﮬﻮﺍﮞ ﺭﺍٶﻧﮉ ﮐﮭﯿﻼ ﺟﺎ ﺭﮨﺎ ﺗﮭﺎ۔ ﺗﯿﺮﮦ ﺳﺎﻟﮧ ﻧﯿﻨﺴﯽ ﺍﭘﻨﮯ ﻟﻔﻆ ﮐﮯ ﮨﺠﮯ ﮐﺮﻧﮯ ﮐﮯ ﻟﯿﮯ ﺍﭘﻨﯽ ﺟﮕﮧ ﭘﺮ ﺁﭼﮑﯽ ﺗﮭﯽ۔ﭘﭽﮭﻠﮯ ﺑﺎﻧﻮﮮ ﺳﺎﻟﻮﮞ ﺳﮯ ﺍﺱ ﮨﺎﻝ ﺭﻭﻡ ﻣﯿﮟ ﺩﻧﯿﺎ ﮐﮯ ﺑﯿﺴﭧ ﺍﺳﭙﯿﻠﺮ ﮐﯽ ﺗﺎﺝ ﭘﻮﺷﯽ ﮨﻮ ﺭﮨﯽ ﺗﮭﯽ۔
ﺍﻣﺮﯾﮑﮧ ﮐﯽ ﻣﺨﺘﻠﻒ ﺭﯾﺎﺳﺘﻮﮞ ﮐﮯ ﻋﻼﻭﮦ ﺩﻧﯿﺎ ﮐﮯ ﺑﮩﺖ ﺳﺎﺭﮮ ﻣﻤﺎﻟﮏ ﻣﯿﮟ ﺍﺳﭙﻠﻨﮓ ﺑﯽ ﮐﮯ ﻣﻘﺎﻣﯽ ﻣﻘﺎﺑﻠﮯ ﺟﯿﺖ ﮐﺮ ﺁﻧﮯ ﻭﺍﻟﮯ ﭘﻨﺪﺭﮦ ﺳﺎﻝ ﺳﮯ ﮐﻢ ﻋﻤﺮ ﮐﮯ ﺑﭽﮯ ﺍﺱ ﺁﺧﺮﯼ ﺭﺍٶﻧﮉ ﮐﻮ ﺟﯿﺘﻨﮯ ﮐﮯ ﻟﯿﮯ ﺳﺮ ﺩﮬﮍ ﮐﯽ ﺑﺎﺫﯼ ﻟﮕﺎﮰ ﮨﻮﮰ ﺗﮭﮯ۔ﺍﯾﺴﯽ ﮨﯽ ﺍﯾﮏ ﺑﺎﺫﯼ ﮐﮯ ﺷﺮﮐﺎ ﺁﺝ ﺑﮭﯽ ﺳﭩﯿﺞ ﭘﺮ ﻣﻮﺟﻮﺩ ﺗﮭﮯ۔
”Sassafras“ ﻧﯿﻨﺴﯽ ﻧﮯ ﺭﮐﯽ ﮨﻮﺋﯽ ﺳﺎﻧﺲ ﮐﮯ ﺳﺎﺗﮫ ﭘﺮﻭﻧﺎٶﻧﺴﺮ ﮐﺎ ﻟﻔﻆ ﺳﻨﺎ
۔ﺍﺱ ﻧﮯ ﭘﺮﻭﻧﺎٶﻧﺴﺮ ﮐﻮ ﻟﻔﻆ ﺩﮨﺮﺍﻧﮯ ﮐﮯ ﻟﯿﮯ ﮐﮩﺎ،ﭘﮭﺮﺍﺱ ﻧﮯ ﺍﺱ ﻟﻔﻆ ﮐﻮ ﺧﻮﺩ ﺩﮨﺮﺍﯾﺎ۔ﻭﮦ ﭼﯿﻤﭙﺌﻦ ﺷﭗ ﻭﺭﮈﺯ ﻣﯿﮟ ﺳﮯ ﺍﯾﮏ ﺗﮭﺎ ﻟﯿﮑﻦ ﻓﻮﺭﯼ ﻃﻮﺭ ﭘﺮ ﺍﺳﮯ ﻭﮦ ﯾﺎﺩ ﻧﮩﯿﮟ ﺁﺳﮑﺎ۔ ﺑﮩﺮﺣﺎﻝ ﺍﺳﮑﯽ ﺳﺎٶﻧﮉ ﺳﮯﻭﮦ ﺍﺳﮯ ﺑﮩﺖ ﻣﺸﮑﻞ ﻧﮩﯿﮟ ﻟﮕﺎ ﺗﮭﺎ ﺍﻭﺭ ﺍﮔﺮ ﺳﻨﻨﮯ ﻣﯿﮟ ﺍﺗﻨﺎ ﻣﺸﮑﻞ ﻧﮩﯿﮟ ﺗﮭﺎ ﺗﻮ ﺍﺳﮑﺎ ﻣﻄﻠﺐ ﺗﮭﺎ،ﻭﮦ ﺗﺮﮐﯽ ﻟﻔﻆ ﮨﻮ ﺳﮑﺘﺎ ﺗﮭﺎ۔
ﻧﻮ ﺳﺎﻟﮧ ﺩﻭﺳﺮﺍ ﻓﺎﺋﻨﻠﺴﭧ ﺍﭘﻨﯽ ﮐﺮﺳﯽ ﭘﺮ ﺑﯿﭩﮭﮯ،ﮔﻠﮯ ﻣﯿﮟ ﻟﭩﮑﮯ ﺍﭘﻨﮯ ﻧﻤﺒﺮ ﮐﺎﺭﮈﮐﮯ ﭘﯿﭽﮭﮯ ﺍﻧﮕﻠﯽ ﺳﮯ ﺍﺱ ﻟﻔﻆ ﮐﯽ ﮨﺠﮯ ﮐﺮﻧﮯ ﻣﯿﮟ ﻟﮕﺎ ﮨﻮﺍ ﺗﮭﺎ۔ﻭﮦ ﺍﺳﮑﺎ ﻟﻔﻆ ﻧﮩﯿﮟ ﺗﮭﺎ ﻟﯿﮑﻦ ﻭﮨﺎﮞ ﺑﯿﭩﮭﺎ ﮨﺮ ﺑﭽﮧ ﮨﯽ ﻻﺷﻌﻮﺭﯼ ﻃﻮﺭ ﭘﺮ ﺍﺱ ﻭﻗﺖ ﯾﮩﯽ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﺎ،ﺟﻮ ﻣﻘﺎﺑﻠﮯ ﺳﮯ ﺁﻭﭦ ﮨﻮﭼﮑﺎ ﺗﮭﺎ۔
ﻓﯿﻨﺴﯽ ﮐﺎ ﺭﯾﮕﻮﻟﺮ ﭨﺎﺋﻢ ﺧﺘﻢ ﮨﻮ ﭼﮑﺎ ﺗﮭﺎ۔
“ S_a_s_s ” ﺍﺱ ﻧﮯ ﺭﮎ ﺭﮎ ﮐﺮ ﻟﻔﻆ ﮐﮯ ﮨﺠﮯ ﮐﺮﻧﺎ ﺷﺮﻭﻉ ﮐﯽ۔ ﻭﮦ ﭘﮩﻠﮯ ﭼﺎﺭ ﺣﺮﻭﻑ ﺑﻨﺎﻧﮯ ﮐﮯ ﺑﻌﺪ ﺍﯾﮏ ﻟﻤﺤﮯ ﮐﮯ ﻟﯿﮯ ﺭﮐﯽ۔ﺯﯾﺮﻟﺐ ﺍﺱ ﻧﮯ ﺑﺎﻗﯽ ﭘﺎﻧﭻ ﺣﺮﻭﻑ ﺩﻭﮨﺮﺍﮰ ﭘﮭﺮ ﺩﻭﺑﺎﮦ ﺑﻮﻟﻨﺎ ﺷﺮﻭﻉ ﮐﯿﺎ۔
“ a_f_r ” ﻭﮦ ﺍﯾﮏ ﺑﺎﺭ ﭘﮭﺮ ﺭﮐﯽ۔ﺩﻭﺳﺮﮮﻓﺎﺋﻨﻠﺲﭦ ﻧﮯ ﺑﯿﭩﮭﮯ ﺑﯿﭩﮭﮯ ﺯﯾﺮﻟﺐ ﺁﺧﺮﯼ ﺩﻭ ﻟﻔﻆ ﮐﻮ ﺩﮨﺮﺍﯾﺎ۔
“ u_s ” ﻣﺎﺋﯿﮏ ﮐﮯ ﺳﺎﻣﻨﮯ ﮐﮭﮍﯼ ﻧﯿﻨﺴﯽ ﻧﮯﺑﮭﯽ ﺑﻠﮑﻞ ﺍﺳﯽ ﻭﻗﺖ ﯾﮩﯽ ﺩﻭ ﻟﻔﻆ ﺑﻮﻟﮯ ﺍﻭﺭ ﭘﮭﺮ ﺑﮯ ﯾﻘﯿﻨﯽ ﺳﮯ ﺍﺱ ﮔﮭﻨﭩﯽ ﮐﻮﺑﺠﺘﮯ ﺳﻨﺎ ، ﺟﻮ ﺳﭙﯿﻠﻨﮓ ﮐﮯ ﻏﻠﻂ ﮨﻮﻧﮯ ﭘﺮ ﺑﺠﺘﯽ ﺗﮭﯽ۔ﺷﺎﮎ ﺻﺮﻑ ﺍﺱ ﮐﮯ ﭼﮩﺮﮮ ﭘﺮ ﻧﮩﯿﮟ ﺗﮭﺎ۔ﺍﺱ ﺩﻭﺳﺮﮮ ﻓﺎﺋﻨﻠﺴﭧ ﮐﮯ ﭼﮩﺮﮮ ﭖ ﺑﮭﯽ ﺗﮭﺎ۔ﭘﺮﻭﻧﺎٶﻧﺴﺮ ﺍﺏ ﺍﺱ ﻟﻔﻆ ﮐﮯ ﺩﺭﺳﺖ ﺍﺳﭙﻠﻨﮓ ۔ sassafras ﺩﻭﮨﺮﺍ ﺭﮨﺎ ﺗﮭﺎ۔
ﻓﯿﻨﺴﯽ ﻧﮯ ﺑﮯ ﺍﺧﺘﯿﺎﺭ ﺍﭘﻨﯽ ﺁﻧﮑﮭﯿﮟ ﺑﻨﺪ ﮐﯽ ۔
” ﺁﺧﺮﯼ ﻟﯿﭩﺮ ﺳﮯ ﭘﮩﻠﮯ A ﮨﯽ ﮨﻮﻧﺎ ﭼﺎﮨﯿﮯ ﺗﮭﺎ۔۔۔۔ﻣﯿﮟ ﻧﮯ u ﮐﯿﺎ ﺳﻮﭺ ﮐﺮ ﮐﮩﮧ ﺩﯾﺎ؟ “ ﺍﺱ ﻧﮯ ﺧﻮﺩ ﮐﻮ ﮐﻮﺳﺎ۔ ﺗﻘﺮﯾﺒﺎً ﻓﻖ ﺭﻧﮕﺖ ﮐﮯ ﺳﺎﺗﮫ ﻓﯿﻨﺴﯽ ﮔﺮﺍﮨﻢ ﻧﮯ ﻣﻘﺎﺑﻠﮯ ﮐﮯ ﺷﺮﮐﺎ ﮐﮯ ﻟﯿﮯ ﺭﮐﮭﯽ ﮨﻮﺋﯽ ﮐﺮﺳﯿﻮﮞ ﮐﯽ ﻃﺮﻑ ﭼﻠﻨﺎ ﺷﺮﻭﻉ ﮐﺮ ﺩﯾﺎ۔ﮨﺎﻝ ﺗﺎﻟﯿﻮﮞ ﺳﮯ ﮔﻮﻧﺞ ﺭﮨﺎ ﺗﮭﺎ۔ﯾﮧ ﻣﻤﮑﻨﮧ ﺭﻧﺮﺯ ﺍﭖ ﮐﻮ ﮐﮭﮍﮮ ﮨﻮ ﮐﺮ ﺩﯼ ﺟﺎﻧﮯ ﻭﺍﻟﯽ ﺩﺍﺩﻭﺗﺤﺴﯿﻦ ﺗﮭﯽ۔ﻧﻮ ﺳﺎﻟﮧ ﺩﻭﺳﺮﺍ ﻓﺎﺋﻨﻞ ﻣﯿﮟ ﭘﮩﻨﭽﻨﮯ ﻭﺍﻻ ﺑﮭﯽ ﺍﺱ ﮐﮯ ﻟﯿﮯ ﮐﮭﮍﺍ ﺗﺎﻟﯿﺎﮞ ﺑﺠﺎ ﺭﮨﺎ ﺗﮭﺎ۔ﻧﯿﻨﺴﯽ ﮐﮯ ﻗﺮﯾﺐ ﭘﮩﻨﭽﻨﮯ ﭘﺮ ﺍﺳﻨﮯ ﺁﮔﮯ ﺑﮍﮪ ﮐﺮ ﺍﺱ ﺳﮯ ﮨﺎﺗﮫ ﻣﻼﯾﺎ۔ﻧﯿﻨﺴﯽ ﻧﮯ ﺍﯾﮏ ﻣﺪﮬﻢ ﻣﺴﮑﺮﺍﮨﭧ ﮐﮯ ﺳﺎﺗﮫ ﺍﺳﮑﺎ ﺟﻮﺍﺏ ﺩﯾﺎ ﺍﻭﺭ ﺍﭘﻨﯽ ﺳﯿﭧ ﺳﻨﺒﮭﺎﻝ ﻟﯽ۔ﮨﺎﻝ ﻣﯿﮟ ﻣﻮﺟﻮﺩ ﻟﻮﮒ ﺩﻭﺑﺎﺭﮦ ﺍﭘﻨﯽ ﻧﺸﺴﺘﯿﮟ ﺳﻨﺒﮭﺎﻝ ﭼﮑﮯ ﺗﮭﮯﺍﻭﺭ ﺩﻭﺳﺮﺍ ﻓﺎﺋﻨﻠﺴﭧ ﻣﺎﺋﯿﮏ ﮐﮯ ﺳﺎﻣﻨﮯ ﺍﭘﻨﯽ ﺟﮕﮧ ﭘﺮ ﺁﭼﮑﺎ ﺗﮭﺎ۔ﻧﯿﻨﺴﯽ ﺍﺳﮯ ﺩﯾﮑﮫ ﺩﮨﯽ ﺗﮭﯽ۔ ﺍﺳﮯ ﺍﯾﮏ ﻣﻮﮨﻮﻡ ﺳﯽ ﺍﻣﯿﺪ ﺗﮭﯽ ﮐﮧ۔ﺍﮔﺮﻭﮦ ﺑﮭﯽ ﺍﭘﻨﮯ ﻟﻔﻆ ﮐﮯﻏﻠﻂ ﮨﺠﮯ ﮐﺮﺗﺎ ﺗﻮ ﻭﮦ ﺍﯾﮏ ﺑﺎﺭ ﭘﮭﺮ ﺍﭘﻨﮯ ﻓﺎﺋﻨﻞ ﺭﺍٶﻧﮉ ﻣﯿﮟ ﻭﺍﭘﺲ ﺁﺟﺎﺗﯽ۔
“ That was a catch 22 ”
ﺍﺱ ﺳﮯ ﺍﺱ ﻧﮯ ﮨﺎﺗﮫ ﻣﻼﺗﮯ ﮨﻮﮰ ﮐﮩﺎ ﺗﮭﺎ۔ﻭﮦ ﺍﻧﺪﺍﺯﮦ ﻧﮩﯿﮟ ﻟﮕﺎﺳﮑﯽ،ﻭﮦ ﺍﺳﮑﮯ ﻟﯿﮯ ﮐﮩﮧ ﺭﮨﺎ ﺗﮭﺎ ﯾﺎﻭﮦ ﺍﺱ ﻟﻔﻆ ﮐﻮ ﻭﺍﻗﻌﯽ ﺍﭘﻨﮯﻟﯿﮯ ﺑﮭﯽ catch 22 ﮨﯽ ﺳﻤﺠﮫ ﺭﮨﺎ ﺗﮭﺎ۔۔ﻭﮦ ﭼﺎﮨﺘﯽ ﺗﮭﯽ ﺍﯾﺴﺎ ﮨﻮﺗﺎ۔۔۔۔ﮨﺮ ﮐﻮﺋﯽ ﭼﺎﮨﺘﺎ۔
ﺳﯿﻨﭩﺮﺍﺳﭩﯿﺞ ﭘﺮ ﺍﺏ ﻭﮦ ﻧﻮﺳﺎﻟﮧ ﻓﺎﺋﻨﻠﺴﭧ ﺗﮭﺎ۔ﺍﭘﻨﯽ ﺍﺳﯽ ﺷﺮﺍﺭﺗﯽ ﻣﺴﮑﺮﺍﮨﭧ ﺍﻭﺭ ﮔﮩﺮﯼ ﺳﯿﺎﮦ ﭼﻤﮑﺘﯽ ﺁﻧﮑﮭﻮﮞ ﮐﮯ ﺳﺎﺗﮫ۔ﺍﺱ ﻧﮯ ﺍﺳﭩﯿﺞ ﺳﮯ ﻧﯿﭽﮯ ﺑﯿﭩﮭﮯ ﭼﯿﻒ ﭘﺮﻭﻧﺎٶﻧﺴﺮ ﮐﻮ ﺩﯾﮑﮭﺘﮯ ﮨﻮﮰ ﺳﺮﮨﻼﯾﺎ۔ﺟﻮﻧﺎﺗﮭﻦ ﺟﻮﺍﺑﺎً ﻣﺴﮑﺮﺍﯾﺎ ﺗﮭﺎ ﺍﻭﺭ ﺻﺮﻑ ﺟﻮﻧﺎﺗﮭﻦ ﮨﯽ ﻧﮩﯿﮟ،ﻭﮨﺎﮞ ﺳﺐ ﮐﮯ ﻟﺒﻮﮞ ﭘﺮ ﺍﯾﺴﯽ ﮨﯽ ﻣﺴﮑﺮﺍﮨﭧ ﺗﮭﯽ۔ﻭﮦ ﻧﻮ ﺳﺎﻟﮧ ﻓﺎﺋﻨﻠﺴﭧ ﺍﺱ ﭼﯿﻤﭙﺌﻦ ﺷﭗ ﮐﻮ ﺩﯾﮑﮭﻨﮯ ﻭﺍﻟﮯ ﺣﺎﺿﺮﯾﻦ ﮐﺎﺳﻮﯾﭧ ﮨﺎﺭﭦ ﺗﮭﺎ۔
ﺍﺱ ﮐﮯ ﭼﮩﺮﮮ ﭘﺮ ﺑﻼ ﮐﯽ ﻣﻌﺼﻮﻣﻴﺖ ﺗﮭﯽ۔ﭼﻤﮑﺘﯽ ﮨﻮﺋﯽ ﺗﻘﺮﯾﺒﺎً ﮔﻮﻝ ﺁﻧﮑﮭﯿﮟ ﺟﻮ ﮐﺴﯽ ﮐﺎﺭﭨﻮﻥ ﮐﺮﯾﮑﭩﺮ ﮐﯽ ﻃﺮﺡ ﭘﺮ ﺟﻮﺵ ﺍﻭﺭ ﺟﺎﻧﺪﺍﺭ ﺗﮭﯿﮟ ﺍﻭﺭ ﮐﮯ ﺗﻘﺮﯾﺒﺎً ﮔﻼﺑﯽ ﮨﻮﻧﭧ ﺟﻦ ﭘﺮﻭﮦ ﻭﻗﺘﺎً ﻓﻮﻗﺘﺎً ﺯﺑﺎﻥ ﭘﮭﯿﺮ ﺭﮨﺎ ﺗﮭﺎ،ﺍﻭﺭ ﺟﻦ ﭘﺮ ﺁﻧﮯ ﻭﺍﻻ ﺯﺭﺍ ﺳﺎ ﺧﻢ ﺑﮩﺖ ﺳﮯﻟﻮﮔﻮﮞ ﮐﻮ ﺑﻼﻭﺟﮧ ﻣﺴﮑﺮﺍﻧﮯ ﭘﺮ ﻣﺠﺒﻮﺭ ﮐﺮ ﺭﮨﺎ ﺗﮭﺎ۔۔۔ﻭﮦ ” ﻣﻌﺼﻮﻡ ﻓﺘﻨﮧ “ ﺗﮭﺎ۔ﯾﮧ ﺻﺮﻑ ﺍﺳﮑﮯ ﻭﺍﻟﺪﯾﻦ ﺟﺎﻧﺘﮯ ﺗﮭﮯ،ﺟﻮ ﺩﻭﺳﺮﮮ ﺑﭽﻮﮞ ﮐﮯ ﻭﺍﻟﺪﯾﻦ ﮐﮯﺳﺎﺗﮫ ﺍﺳﭩﯿﺞ ﮐﯽ ﺑﺎﺋﯿﮟ ﻃﺮﻑ ﭘﮩﻠﯽ ﺭﻭ ﻣﯿﮟ ﺍﭘﻨﯽ ﺑﯿﭩﯽ ﮐﮯ ﺳﺎﺗﮫ ﺑﯿﭩﮭﮯ ﮨﻮﮰ ﺗﮭﮯ۔ﻭﮨﺎﮞ ﺑﯿﭩﮭﮯ ﺩﻭﺳﺮﮮ ﻓﺎﺋﻨﻠﺴﭩﺲ ﮐﮯ ﻭﺍﻟﺪﯾﻦ ﮐﮯ ﺑﺮﻋﮑﺲ ﻭﮦ ﺑﮯ ﺣﺪ ﭘُﺮ ﺳﮑﻮﻥ ﺗﮭﮯ۔
ﺍﻥ ﮐﮯ ﭼﮩﺮﮮ ﭘﺮ ﺍﺏ ﺑﮭﯽ ﮐﻮﺋﯽ ﭨﯿﻨﺸﻦ ﻧﮭﯿﮟ ﺗﮭﯽ۔ﺟﺐ ﺍﻥ ﮐﺎ ﺑﯿﭩﺎ ﭼﯿﻤﭙﺌﻦ ﺷﭗ ﻭﺭﮈ ﮐﮯ ﻟﯿﮯ ﺁﮐﺮ ﮐﮭﮍﺍ ﺗﮭﺎ۔ﭨﯿﻨﺸﻦ ﺍﮔﺮ ﮐﺴﯽ ﮐﮯ ﭼﮩﺮﮮ ﭘﺮ ﺗﮭﯽ ﺗﻮ ﻭﮦ ﺍﻥ ﮐﯽ ﺳﺎﺕ ﺳﺎﻟﮧ ﺑﯿﭩﯽ ﮐﮯ ﭼﮩﺮﮮ ﭘﺮ ﺗﮭﯽ۔ﺟﻮ ﺩﻭ ﺩﻥ ﭘﺮ ﻣﺸﺘﻤﻞ ﺍﺱ ﭘﻮﺭﮮ ﻣﻘﺎﺑﻠﮯ ﮐﮯ ﺩﻭﺭﺍﻥ ﮨﻠﮑﺎﻥ ﺭﮬﯽ ﺗﮭﯽ۔ﺍﻭﺭ ﺍﺏ ﻭﮦ ﺁﻧﮑﮭﻮﮞ ﭘﺮ ﮔﻼﺳﺰ ﭨﮑﺎﮮ ﭘﻮﺭﮮ ﺍﻧﮩﻤﺎﮎ ﮐﮯ ﺳﺎﺗﮫ ﺍﭘﻨﮯ ﻧﻮ ﺳﺎﻟﮧ ﺑﮭﺎﺋﯽ ﮐﻮ ﺩﯾﮑﮫ ﺭﮬﯽ ﺗﮭﯽ ﺟﻮ ﭘﺮﻭﻧﺎﺅﻧﺴﺮ ﮐﮯ ﻟﻔﻆ ﮐﮯ ﻟﯿﮯ ﺗﯿﺎﺭﺗﮭﺎ۔
cappelletti ۔
ﺟﻮﻧﺎﺗﮭﻦ ﻧﮯ ﻟﻔﻆ ﺍﺩﺍ ﮐﯿﺎ۔ﺍﺱ ﻓﺎﺋﻨﻠﺴﭧ ﮐﮯ ﭼﮩﺮﮮ ﭘﺮ ﺍﭼﺎﻧﮏ ﺍﯾﺴﯽ ﻣﺴﮑﺮﺍﮨﭧ ﺁﺋﯽ ﺗﮭﯽ۔ﺟﯿﺴﮯ ﻭﮦ ﺑﻤﺸﮑﻞ ﮐﻨﭩﺮﻭﻝ ﮐﺮ ﺭﮬﺎ ﮬﻮ۔ﺍﺱ ﮐﯽ ﺁﻧﮑﮭﯿﮟ ﭘﮩﻠﮯ ﮐﻼﮎ ﻭﺍﺋﺰ ﭘﮭﺮ ﺍﯾﻨﭩﯽ ﮐﻼﮎ ﻭﺍﺋﺰ ﮔﮭﻮﻣﻨﺎ ﺷﺮﻭﻉ ﮬﻮﺋﯽ ۔ﮬﺎﻝ ﻣﯿﮟ ﮐﭽﮫ ﮐﮭﻠﮑﮭﻼﮨﭩﯿﮟ ﺍﺑﮭﺮ ﺁﺋﯽ ﺗﮭﯽ۔ﺍﺱ ﻧﮯ ﭼﻤﭙﯿﻦ ﺷﭗ ﻣﯿﮟ ﺍﭘﻨﺎ ﮬﺮ ﻟﻔﻆ ﺳﻨﻨﮯ ﮐﮯ ﺑﻌﺪ ﺍﺳﯽ ﻃﺮﺡ ﺭﯼ ﺍﯾﮑﭧ ﮐﯿﺎ ﺗﮭﺎ۔ﺑﮭﯿﻨﭽﯽ ﮬﻮﺋﯽ ﻣﺴﮑﺮﺍﮨﭧ ﺍﻭﺭ ﮔﮭﻮﻣﺘﯽ ﮬﻮﺋﯽ ﺁﻧﮑﮭﯿﮟ ۔ﮐﻤﺎﻝ ﮐﯽ ﺧﻮﺩ ﺍﻋﺘﻤﺎﺩﯼ ﺗﮭﯽ۔ﮐﺊ ﺩﯾﮑﮭﻨﮯ ﻭﺍﻟﻮﮞ ﻧﮯ ﺍﺳﮯ ﺩﺍﺩ ﺩﯼ۔ﺍﺱ ﮐﮯ ﺣﺼﮯ ﻣﯿﮟ ﺁﻧﮯ ﻭﺍﻟﮯ ﺍﻟﻔﺎﻅ ﺩﻭﺳﺮﻭﮞ ﮐﯽ ﻧﺴﺒﺖ ﺯﯾﺎﺩﮦ ﻣﺸﮑﻞ ﺗﮭﮯ۔ﯾﮧ ﺍﺱ ﮐﮯ ﻟﯿﮯ ﻣﺸﮑﻞ ﻭﻗﺖ ﮬﻮﺗﺎ ﺗﮭﺎ۔ﻟﯿﮑﻦ ﺑﮯ ﺣﺪ ﺭﻭﺍﻧﯽ ﺳﮯ ﺑﻐﯿﺮ ﺍﭨﮑﮯ ﺑﻐﻴﺮ ﮔﮭﺒﺮﺍﮮ ﺍﺳﯽ ﭘﺮ ﺍﻋﺘﻤﺎﺩ ﻣﺴﮑﺮﺍﮨﭧ ﮐﮯ ﺳﺎﺗﮫ ﻭﮦ ﮨﺮ ﭘﮩﺎﮌ ﺳﺮ ﮐﺮﺗﺎ ﺭﮬﺎ ﺍﻭﺭ ﺁﺧﺮﯼ ﭼﻮﭨﯽ ﮐﮯ ﺳﺎﻣﻨﮯ ﮐﮭﮍﺍ ﺗﮭﺎ۔
definition please ..
ﺍﺱ ﻧﮯ ﺍﭘﻨﺎ ﺭﯾﮕﻮﻟﺮ ﭨﺎﺋﻢ ﺍﺳﺘﻌﻤﺎﻝ ﮐﺮﻧﺎ ﺷﺮﻭﻉ ﮐﯿﺎ۔ language of origin . ﺍﺱ ﻧﮯ ﭘﺮﻭﻧﺎﺅﻧﺴﺮ ﮐﮯ ﺟﻮﺍﺏ ﮐﮯ ﺑﻌﺪ ﺍﮔﻼ ﺳﻮﺍﻝ ﮐﯿﺎ۔ﺍﭨﺎﻟﯿﻦ ﺍﺱ ﻧﮯ ﭘﺮﻭﻧﺎﺅﻧﺴﺮ ﮐﮯ ﺳﻮﺍﻝ ﮐﻮ ﺩﮨﺮﺍﺗﮯ ﮨﻮﮰﮐﭽﮫ ﺳﻮﭼﻨﮯ ﻭﺍﻟﮯ ﺍﻧﺪﺍﺯ ﻣﯿﮟ ﮬﻮﻧﭩﻮﮞ ﮐﻮ ﺩﺍﺋﻴﮟ ﺑﺎﺋﻴﮟ ﺣﺮﮐﺖ ﺩﯼ۔ﺍﺱ ﮐﯽ ﺑﮩﻦ ﺑﮯ ﭼﯿﻨﯽ ﺍﻭﺭ ﺗﻨﺎﺅ ﮐﯽ ﮐﯿﻔﯿﺖ ﻣﯿﮟ ﺍﺳﮯ ﺩﯾﮑﮫ ﺭﮬﯽ ﺗﮭﯽ۔
ﺍﺱ ﮐﮯ ﻭﺍﻟﺪﯾﻦ ﺍﺏ ﺑﮭﯽ ﭘﺮ ﺳﮑﻮﻥ ﺗﮭﮯ۔ﺍﺱ ﮐﮯ ﺗﺎﺛﺮﺍﺕ ﺑﺘﺎ ﺭﮬﮯ ﺗﮭﮯ ﮐﮯ ﻟﻔﻆ ﺍﺱ ﮐﮯ ﻟﯿﮯ ﺁﺳﺎﻥ ﺗﮭﺎ۔ﻭﮦ ﺍﯾﺴﮯ ﮬﯽ ﺗﺎﺛﺮﺍﺕ ﮐﮯ ﺳﺎﺗﮫ ﭘﭽﮭﻠﮯ ﺗﻤﺎﻡ ﺍﻟﻔﺎﻅ ﮨﺠﮯ ﮐﺮﺗﺎ ﺭﮬﺎ ﺗﮭﺎ۔
ﭘﻠﯿﺰ ﺍﺱ ﻟﻔﻆ ﮐﻮ ﮐﺴﯽ ﺟﻤﻠﮯ ﻣﯿﮟ ﺍﺳﺘﻌﻤﺎﻝ ﮐﺮﯾﮟ۔ﻭﮦ ﺍﺏ ﭘﺮﻭﻧﺎﺅﻧﺴﺮ ﺳﮯ ﮐﮩﮧ ﺭﮬﺎ ﺗﮭﺎ۔ﭘﺮﻭﻧﺎﺅﻧﺴﺮ ﮐﺎ ﺑﺘﺎﯾﺎ ﮬﻮﺍ ﺟﻤﻠﮧ ﺳﻨﻨﮯ ﮐﮯ ﺑﻌﺪ ﮔﻠﮯ ﻣﯿﮟ ﻟﭩﮑﮯ ﮬﻮﺋﮯ ﻧﻤﺒﺮ ﮐﺎﺭﮈ ﮐﯽ ﭘﺸﺖ ﭘﺮ ﺍﻧﮕﻠﯽ ﺳﮯ ﺍﺱ ﻟﻔﻆ ﮐﻮ ﻟﮑﮭﻨﮯ ﻟﮕﺎ۔
ﺍﺏ ﺁﭖ ﮐﺎ ﭨﺎﺋﻢ ﺧﺘﻢ ﮬﻮﻧﮯ ﻭﺍﻻ ﮬﮯ۔ﺍﺳﮯ ﺁﺧﺮﯼ ﺗﯿﺲ ﺳﯿﮑﻨﮉ ﮐﮯ ﺷﺮﻭﻉ ﮬﻮﻧﮯ ﭘﺮ ﺍﻃﻼﻉ ﺩﯼ ﮔﺊ ﺟﺲ ﻣﯿﮟ ﺍﺱ ﻧﮯ ﺍﭘﻨﮯ ﻟﻔﻆ ﮐﻮ ﮨﺠﮯ ﮐﺮﻧﺎ ﺗﮭﺎ۔ﺍﺱ ﮐﯽ ﺁﻧﮑﮭﯿﮟ ﮔﮭﻮﻣﻨﺎ ﺑﻨﺪ ﮬﻮ ﮔﺊ ﺗﮭﯽ۔
…cappelletti
ﺍﺱ ﻧﮯ ﺍﯾﮏ ﺑﺎﺭ ﭘﮭﺮ ﻟﻔﻆ ﮐﻮ ﺩﮨﺮﺍﯾﺎ۔
c ۔ a ۔ p-p-e-l-l.. .
ﻭﮦ ﮨﺠﮯ ﮐﺮﺗﮯ ﮬﻮﺋﮯ ﺍﻳﮏ ﻟﻔﻆ ﮐﮯ ﻟﯿﮯ ﺭﮐﺎ۔ﭘﮭﺮ ﺳﺎﻧﺲ ﻟﯿﺘﮯ ﮬﻮﺋﮯ ﺍﺱ ﻧﮯ ﺩﻭﺑﺎﺭﻩ ﮨﺠﮯ ﮐﺮﻧﺎ ﺷﺮﻭﻉ ﮐﯿﺎ۔
e-t-t-i …..
ﮨﺎﻝ ﺗﺎﻟﻴﻮﮞ ﺳﮯ ﮔﻮﻧﺞ ﺍﭨﮭﺎ ﺗﮭﺎ۔ﺍﻭﺭ ﺑﮩﺖ ﺩﻳﺮ ﺗﮏ ﮔﻮﻧﺠﺘﺎ ﺭﮬﺎ۔
ﺍﺳﭙﻴﻠﻨﮓ ﺑﯽ ﮐﺎ ﻧﯿﺎ ﭼﻤﭙﯿﻦ ﺻﺮﻑ ﺍﻳﮏ ﻟﻔﻆ ﮐﮯ ﻓﺎﺻﻠﮯ ﭘﺮ ﺭﮦ ﮔﯿﺎ ﺗﮭﺎ۔
ﺗﺎﻟﻴﻮﮞ ﮐﯽ ﮔﻮﻧﺞ ﺗﮭﻤﻨﮯ ﮐﮯ ﺑﻌﺪ ﺟﻮﻧﺎﺗﮭﻦ ﻧﮯ ﺍﺳﮯ ﺁﮔﺎﻩ ﮐﯿﺎ ﺗﮭﺎ ﮐﮧ ﺍﺳﮯ ﺍﺏ ﺍﻳﮏ ﺍﺿﺎﻓﯽ ﻟﻔﻆ ﮐﮯ ﺣﺮﻑ ﺑﺘﺎﻧﮯ ﮬﻴﮟ۔ﺍﺱ ﻧﮯ ﺳﺮ ﮬﻼﯾﺎ۔ﺍﺱ ﻟﻔﻆ ﮐﯽ ﮨﺠﮯ ﻧﺎ ﮐﺮﻧﮯ ﮐﯽ ﺻﻮﺭﺕ ﻣﻴﮟ ﻧﻴﻨﺴﯽ ﺍﻳﮏ ﺑﺎﺭ ﭘﮭﺮ ﺳﮯ ﻣﻘﺎﺑﻠﮯ ﻣﻴﮟ ﻭﺍﭘﺲ ﺁﺟﺎﺗﯽ۔
…weissnichtwo
ﺍﺱ ﮐﮯ ﻟﯿﮯ ﻟﻔﻆ ﭘﺮﻭﻧﺎﺅﻧﺲ ﮐﯿﺎ ﮔﯿﺎ ۔ﺍﻳﮏ ﻟﻤﺤﮯ ﮐﮯ ﻟﯿﮯ ﺍﺱ ﮐﮯ ﭼﮩﺮﮮ ﮐﯽ ﻣﺴﮑﺮﺍﮨﭧ ﻏﺎﺋﺐ ﮬﻮﮔﺊ ﺗﮭﯽ۔ﭘﮭﺮ ﺍﺱ ﮐﺎ ﻣﻨﮧ ﮐﮭﻼ ﺍﻭﺭ ﺍﻧﮑﮭﻴﮟ ﭘﮭﻴﻞ ﮔﺊ ﺗﮭﻴﮟ۔
ﺍﻭ ﻣﺎﺋﯽ ﮔﺎﺭﮈ ﺍﺱ ﮐﮯ ﻣﻨﮧ ﺳﮯﺑﮯ ﺍﺧﺘﯿﺎﺭ ﻧﮑﻼ ﺗﮭﺎ۔ﻭﮦ ﺳﮑﺘﮧ ﻣﻴﮟ ﺗﮭﺎ ﺍﻭﺭ ﺍﺱ ﭼﻤﭙﯿﻦ ﺷﭗ ﻣﯿﮟ ﯾﮧ ﭘﮩﻼ ﻣﻮﻗﻊ ﺗﮭﺎ ﮐﯽ ﺍﺱ ﮐﯽ ﺁﻧﮑﮭﯿﮟ ﺍﻭﺭ ﻭﮦ ﺧﻮﺩ ﺍﺱ ﻃﺮﺡ ﺟﺎﻣﺪ ﮬﻮﺍ ﺗﮭﺎ۔
ﻧﻴﻨﺴﯽ ﺑﮯ ﺍﺧﯿﺘﺎﺭ ﺍﭘﻨﯽ ﮐﺮﺳﯽ ﭘﺮ ﺳﻴﺪﮬﯽ ﮬﻮ ﮐﺮ ﺑﯿﭩﮫ ﮔﺊ۔ﺗﻮ ﮐﻮﺋﯽ ﺍﯾﺴﺎ ﻟﻔﻆ ﺁﮔﯿﺎ ﺗﮭﺎ ﺟﻮ ﺍﺳﮯ ﺩﻭﺑﺎﺭﻩ ﭼﻤﭙﯿﻦ ﺷﭗ ﻣﯿﮟ ﻭﺍﭘﺲ ﻻ ﺳﮑﺘﺎ ﺗﮭﺎ۔
ﺍﺱ ﮐﮯ ﻭﺍﻟﺪﯾﻦ ﮐﻮ ﭘﮩﻠﯽ ﺑﺎﺭ ﺍﺱ ﮐﮯ ﺗﺎﺛﺮﺍﺕ ﻧﮯ ﺑﮯ ﭼﻴﻦ ﮐﯿﺎ ﺗﮭﺎ۔ﺍﻥ ﮐﺎ ﺑﯿﭩﺎ ﺍﺏ ﺍﭘﻨﮯ ﻧﻤﺒﺮ ﮐﺎﺭﮈ ﺳﮯ ﺍﭘﻨﺎ ﭼﮩﺮﮦ ﺣﺎﺿﺮﻳﻦ ﺳﮯ ﭼﮭﭙﺎ ﺭﮬﺎ ﺗﮭﺎ۔ﺣﺎﺿﺮﯾﻦ ﺍﺱ ﮐﯽ ﺍﻧﮕﻠﯿﻮﮞ ﺍﻭﺭ ﮬﺎﺗﮭﻮﮞ ﮐﯽ ﮐﭙﮑﭙﺎﮨﭧ ﺑﮍﯼ ﺁﺳﺎﻧﯽ ﺳﮯ ﺍﺳﮑﺮﻳﻦ ﭘﺮ ﺩﻳﮑﮫ ﺳﮑﺘﮯ ﺗﮭﮯ۔ﺍﻭﺭ ﺍﻥ ﻣﯿﮟ ﺳﮯ ﺑﮩﺖ ﺳﻮﮞ ﻧﮯ ﺍﺱ ﺑﭽﮯ ﮐﮯ ﻟﯿﮯ ﻭﺍﻗﻌﯽ ﺑﮩﺖ ﮬﻤﺪﺭﺩﯼ ﻣﺤﺴﻮﺱ ﮐﯽ ﺗﮭﯽ۔ﻭﮬﺎﮞ ﺑﮩﺖ ﮐﻢ ﺗﮭﮯ ﺟﻮ ﺍﺱ ﺟﻴﺘﺘﮯ ﮬﻮﺋﮯ ﺩﻳﮑﮭﻨﺎ ﻧﮭﯿﮟ ﭼﺎﮬﺘﮯ ﺗﮭﮯ۔
ﮨﺎﻝ ﻣﯿﮟ ﺑﻴﭩﮭﺎ ﮬﻮﺍ ﺻﺮﻑ ﺍﻳﮏ ﺷﺨﺺ ﻣﻄﻤﺌﻦ ﺍﻭﺭ ﭘﺮ ﺳﮑﻮﻥ ﺗﮭﺎ۔ﭘﺮ ﺳﮑﻮﻥ ﯾﺎ ﭘﺮﺟﻮﺵ ؟ﮐﮩﻨﺎ ﻣﺸﮑﻞ ﺗﮭﺎ ﺍﻭﺭ ﻭﮦ ﺍﺱ ﺑﭽﮯ ﮐﯽ ﺳﺎﺕ ﺳﺎﻟﮧ ﺑﮩﻦ ﺗﮭﯽ۔ﺟﻮ ﺍﭘﻨﮯ ﻣﺎﮞ ﺑﺎﭖ ﮐﮯ ﺩﺭﻣﯿﺎﻥ ﺑﻴﭩﯽ ﮬﻮﺋﯽ ﺗﮭﯽ۔ﺟﺲ ﻧﮯ ﺍﭘﻨﮯ ﺑﮭﺎﺋﯽ ﮐﮯ ﺗﺎﺛﺮﺍﺕ ﭘﺮ ﭘﮩﻠﯽ ﺑﺎﺭ ﺑﮍﮮ ﺍﻃﻤﻴﻨﺎﻥ ﮐﮯ ﺳﺎﺗﮫ ﮐﺮﺳﯽ ﮐﯽ ﭘﺸﺖ ﮐﮯ ﺳﺎﺗﮫ ﻣﺴﮑﺮﺍﺗﮯ ﮬﻮﺋﮯ ﭨﻴﮏ ﻟﮕﺎﺋﯽ ۔ﮔﻮﺩ ﻣﯿﮟ ﺭﮐﮭﮯ ﮬﻮﺋﮯ ﺍﭘﻨﮯ ﺩﻭﻧﻮﮞ ﮨﺎﺗﮭﻮﮞ ﮐﻮ ﺑﮩﺖ ﺁﮨﺴﺘﮧ ﺁﮨﺴﺘﮧ ﺍﺱ ﻧﮯ ﺗﺎﻟﯽ ﮐﮯ ﺍﻧﺪﺍﺯ ﻣﯿﮟ ﺑﺠﺎﻧﺎ ﺑﮭﯽ ﺷﺮﻭﻉ ﮐﺮ ﺩﯾﺎ ﺗﮭﺎ۔ﺍﺱ ﮐﮯ ﻣﺎﮞ ﺑﺎﭖ ﻧﮯ ﺑﻴﮏ ﻭﻗﺖ ﺗﺎﻟﯽ ﺑﺠﺎﺗﮯ ﮬﻮﺋﮯ ﺍﺱ ﮐﮯ ﮨﺎﺗﮭﻮﮞ ﮐﻮ ﺍﻭﺭ ﺍﺱ ﮐﮯ ﻣﺴﮑﺮﺍﺗﮯ ﭼﮩﺮﮮ ﮐﻮ ﺍﻟﺠﮭﺘﮯ ﮬﻮﺋﮯ ﺍﻧﺪﺍﺯ ﻣﯿﮟ ﺩﻳﮑﮭﺎ۔ﭘﮭﺮ ﺍﺳﭩﻴﺞ ﭘﺮ ﺍﭘﻨﮯ ﻟﺮﺯﺗﮯ ﮐﺎﻧﭙﺘﮯ ﮐﻨﻔﻴﻮﺯ ﺑﻴﭩﮯ ﮐﻮ ﺟﻮ ﻧﻤﺒﺮ ﮐﺎﺭﮈ ﮐﮯ ﭘﻴﭽﮭﮯ ﺍﭘﻨﺎ ﭼﮩﺮﮦ ﭼﮭﭙﺎﺋﮯ ﺍﻧﮕﻠﯽ ﺳﮯ ﮐﭽﮫ
ﻟﮑﮭﻨﮯ ﺍﻭﺭ ﺑﮍﺑﮍﺍﻧﮯ ﻣﯿﮟ ﻣﺼﺮﻭﻑ ﺗﮭﺎ۔ ..

---

ﺍﺱ ﮐﺘﺎﺏ ﮐﺎ ﭘﮩﻼ ﺑﺎﺏ ﺍﮔﻠﮯ ﻧﻮ ﺍﺑﻮﺍﺏ ﺳﮯ ﻣﺨﺘﻠﻒ ﺗﮭﺎ۔ﺍﺳﮯ ﭘﮍﮬﻨﮯ ﻭﺍﻻ ﮐﻮﺋﯽ ﺑﮭﯽ ﺷﺨﺺ ﯾﮧ ﻓﺮﻕ ﻣﺤﺴﻮﺱ ﮐﻴﮯ ﺑﻐﯿﺮ ﻧﮭﯿﮟ ﺭﮦ ﺳﮑﺘﺎ ﺗﮭﺎ۔ﮐﮧ ﭘﮩﻼ ﺑﺎﺏ ﺍﻭﺭ ﺍﮔﻠﮯ ﻧﻮ ﺍﺑﻮﺍﺏ ﺍﻳﮏ ﺷﺨﺺ ﮐﮯ ﻟﮑﮭﮯ ﮬﻮﺋﮯ ﻧﮭﯿﮟ ﻟﮓ ﺭﮬﮯ ﺗﮭﮯ۔ﻭﮦ ﺍﻳﮏ ﺷﺨﺺ ﻧﮯ ﻟﮑﮭﮯ ﺑﮭﯽ ﻧﮭﯿﮟ ﺗﮭﮯ۔
ﻭﮦ ﺟﺎﻧﺘﯽ ﺗﮭﯽ ﮐﮧ ﻭﮦ ﺍﺱ ﮐﯽ ﺯﻧﺪﮔﯽ ﮐﯽ ﭘﮩﻠﯽ ﺑﺪ ﺩﯾﺎﻧﺘﯽ ﺗﮭﯽ ﻟﻴﮑﻦ ﯾﮧ ﻧﮭﯿﮟ ﺟﺎﻧﺘﯽ ﺗﮭﯽ ﮐﮧ ﺁﺧﺮﯼ ﺑﮭﯽ ﻳﮩﯽ ﮬﻮﮔﯽ۔ﺍﺱ ﮐﺘﺎﺏ ﮐﺎ ﭘﮩﻼ ﺑﺎﺏ ﺍﺱ ﮐﮯ ﻋﻼﻭﻩ ﺍﺏ ﮐﻮﺋﯽ ﺍﻭﺭ ﻧﮩﯿﮟ ﭘﮍﮪ ﺳﮑﺘﺎ ﺗﮭﺎ۔ﺍﺱ ﻧﮯ ﭘﮩﻼ ﺑﺎﺏ ﺑﺪﻝ ﺩﯾﺎ ﺗﮭﺎ۔
ﻧﻢ ﺁﻧﮑﮭﻮﮞ ﮐﮯ ﺳﺎﺗﮫ ﺍﺱ ﻧﮯ ﭘﺮﻧﭧ ﮐﻤﺎﻧﮉ ﺩﯼ۔ﭘﺮﻧﭩﺮ ﺑﺮﻕ ﺭﻓﺘﺎﺭﯼ ﺳﮯ ﭘﭽﺎﺱ ﺻﻔﺤﮯ ﻧﮑﺎﻟﻨﮯ ﻟﮕﺎ۔ﺟﻮ ﺍﺱ ﮐﺘﺎﺏ ﮐﺎ ﺗﺮﻣﯿﻢ ﺷﺪﮦ ﭘﮩﻼ ﺑﺎﺏ ﺗﮭﺎ۔
ﺍﺱ ﻧﮯ ﭨﻴﺒﻞ ﭘﺮ ﭘﮍﯼ ﮈﺳﮏ ﺍﭨﮭﺎﺋﯽ ﺍﻭﺭ ﺑﮯ ﺣﺪ ﺗﮭﮑﮯ ﮬﻮﺋﮯ ﺍﻧﺪﺍﺯ ﻣﯿﮟ ﺍﺱ ﭘﺮ ﻧﻈﺮ ﮈﺍﻟﯽ ۔ﭘﮭﺮ ﺍﺱ ﻧﮯ ﺍﺳﮯ ﺩﻭ ﺣﺼﻮﮞ ﻣﯿﮟ ﺗﻮﮌ ﮈﺍﻻ ۔ﭘﮭﺮ ﭼﻨﺪ ﺍﻭﺭ ﭨﮑﮍﮮ ” ﺍﭘﻨﯽ ﮨﺘﮭﯿﻠﯽ ﭘﺮ ﭘﮍﮮ ﺍﻥ ﭨﮑﺮﻭﮞ ﮐﻮ ﺩﻳﮑﮭﻨﮯ ﮐﮯ ﺑﻌﺪ ﺍﺱ ﻧﮯ ﺍﻧﮭﯿﮟ ﮈﺳﭧ ﺑﻦ ﻣﯿﮟ ﮈﺍﻝ ﺩﯾﺎ۔
ﮈﺳﮏ ﮐﺎ ﮐﻮﺭ ﺍﭨﮭﺎ ﺍﺱ ﻧﮯ ﺯﻳﺮ ﻟﺐ ﺍﺱ ﭘﺮ ﻟﮑﮭﮯ ﭼﻨﺪ ﻟﻔﻈﻮﮞ ﮐﻮ ﭘﮍﮬﺎ۔ﭘﮭﺮ ﭼﻨﺪ ﻟﻤﺤﮯ ﭘﮩﻠﮯ ﻟﻴﭗ ﭨﺎﭖ ﺳﮯ ﻧﮑﺎﻟﯽ ﮬﻮﺋﯽ ﮈﺳﮏ ﺍﺱ ﻧﮯ ﮐﻮﺭ ﻣﯿﮟ ﮈﺍﻝ ﺩﯼ۔
ﭘﺮﻧﭩﺮ ﺗﺐ ﺗﮏ ﺍﭘﻨﺎﮐﺎﻡ ﻣﮑﻤﻞ ﮐﺮ ﭼﮑﺎ ﺗﮭﺎ۔ﺍﺱ ﻧﮯ ﭨﺮﮮ ﻣﯿﮟ ﺳﮯ ﺍﻥ ﺻﻔﺤﺎﺕ ﮐﻮ ﻧﮑﺎﻝ ﻟﯿﺎ۔ﺑﮍﯼ ﺍﺣﺘﯿﺎﻁ ﮐﮯ ﺳﺎﺗﮫ ﺍﻧﮭﻴﮟ ﺍﻳﮏ ﻓﺎﺋﻞ ﻣﯿﮟ ﺭﮐﮫ ﮐﺮ ﺍﺱ ﻧﮯ ﺍﻧﮭﯿﮟ ﺩﻭﺳﺮﯼ ﻓﺎﺋﻠﺰ ﮐﻮﺭﺭﺯ ﮐﮯ ﺳﺎﺗﮫ ﺭﮐﮫ ﺩﯾﺎ۔ﺟﻦ ﻣﯿﮟ ﺍﺱ ﮐﺘﺎﺏ ﮐﮯ ﺑﺎﻗﯽ ﻧﻮ ﺍﺑﻮﺍﺏ ﺗﮭﮯ۔
ﺍﻳﮏ ﮔﮩﺮﺍ ﺳﺎﻧﺲ ﻟﻴﺘﮯ ﮬﻮﺋﮯ ﮐﮭﮍﯼ ﮬﻮﺋﯽ ۔ﮐﮭﮍﮮ ﮬﻮ ﮐﺮ ﺍﺱ ﻧﮯ ﺁﺧﺮﯼ ﻧﻈﺮ ﺍﺱ ﻟﻴﭗ ﭨﺎﭖ ﮐﯽ ﻣﺪﮬﻢ ﭘﮍﺗﯽ ﺍﺳﮑﺮﻳﻦ ﭘﺮ ﮈﺍﻟﯽ ۔ﺍﺳﮑﺮﻳﻦ ﺗﺎﺭﻳﮏ ﮬﻮﻧﮯ ﺳﮯ ﭘﮩﻠﮯ ﺍﺱ ﭘﺮ ﺍﻳﮏ ﺗﺤﺮﯾﺮ ﺍﺑﮭﺮﯼ ﺗﮭﯽ ! ۔ will be waitng
ﺍﺱ ﮐﯽ ﺁﻧﮑﮭﻮﮞ ﻣﯿﮟ ﭨﮩﺮﯼ ﻧﻤﯽ ﺍﻳﮏ ﺩﻡ ﭼﮭﻠﮏ ﭘﮍﯼ ﺗﮭﯽ۔ﺍﺳﮑﺮﻳﻦ ﺍﺏ ﺗﺎﺭﻳﮏ ﮬﻮﮔﺊ۔ﺍﺱ ﻧﮯ ﭘﻠﭧ ﮐﺮ ﺍﻳﮏ ﻧﻈﺮ ﮐﻤﺮﮮ ﮐﻮ ﺩﻳﮑﮭﺎ۔ﭘﮭﺮ ﺑﻴﮉ ﮐﯽ ﻃﺮﻑ ﭼﻠﯽ ﺁﺋﯽ۔ﺍﻳﮏ ﻋﺠﻴﺐ ﺳﯽ ﺗﮭﮑﻦ ﺍﺱ ﮐﮯ ﻭﺟﻮﺩ ﭘﺮ ﭼﮭﺎﻧﮯ ﻟﮕﯽ ﺗﮭﯽ۔
‏***
ﺑﯿﮉ ﭘﺮ ﺑﯿﭩﮫ ﮐﺮ ﭼﻨﺪ ﻟﻤﺤﮯ ﺍﺱ ﻧﮯ ﺑﯿﮉ ﺳﺎﺋﯿﮉ ﭨﯿﺒﻞ ﭘﺮ ﭘﮍﯼ ﭼﯿﺰﻭﮞ ﭘﺮ ﻧﻈﺮ ﺩﻭﮌﺍﺋﯽ۔
ﻭﮦ ﭘﺘﺎ ﻧﮩﯿﮟ ﮐﺐ ﻭﮨﺎﮞ ﺍﭘﻨﯽ ﺭﯾﺴﭧ ﻭﺍﭺ ﭼﮭﻮﮌ ﮔﯿﺎ ﺗﮭﺎ۔ ﺷﺎﯾﺪ ﺭﺍﺕ ﮐﻮ ﺟﺐ ﻭﮦ ﻭﮨﺎﮞ ﺗﮭﺎ۔ﻭﮦ ﻭﺿﻮﮐﺮﻧﮯ ﮔﯿﺎ ﺗﮭﺎ۔ﭘﮭﺮ ﺷﺎﯾﺪ ﺍﺳﮯ ﯾﺎﺩ ﻧﮩﯿﮟ ﺭﮨﺎ۔ﻭﮦ ﺭﺳﭧ ﻭﺍﭺ ﺍﭨﮭﺎ ﮐﺮ ﺍﺳﮯ ﺩﯾﮑﮭﻨﮯ ﻟﮕﯽ۔ﺳﯿﮑﻨﮉ ﮐﯽ ﺳﻮﺋﯽ ﺗﯿﺰﯼ ﺳﮯ ﺍﭘﻨﺎ ﺳﻔﺮ ﻃﮯ ﮐﺮ ﺭﮨﯽ ﺗﮭﯽ۔ﺯﻧﺪﮔﯽ ﻣﯿﮟ ﺳﯿﮑﻨﮉ ﮐﯽ ﺳﻮﺋﯽ ﮐﺒﮭﯽ ﻧﮩﯿﮟ ﺭﮐﺘﯽ۔ﺻﺮﻑ ﻣﯿﻨﭧ ﺍﻭﺭ ﮔﮭﻨﭩﮯ ﮨﯿﮟ ﺟﻮ ﺭﮐﺘﮯ ﮨﻮﮰ ﻧﻈﺮ ﺁﺗﮯ ﮨﯿﮟ۔۔۔ﺳﻔﺮ ﺧﺘﻢ ﮨﻮﺗﺎ ﮨﮯ ﺳﻔﺮ ﺷﺮﻭﻉ ﮨﻮ ﺟﺎﺗﺎ ﮨﮯ۔
ﺑﮩﺖ ﺩﯾﺮﺍﺱ ﮔﮭﮍﯼ ﭘﺮ ﺍﻧﮕﻠﯿﺎﮞ ﭘﮭﯿﺮﺗﯽ ﻭﮦ ﺟﯿﺴﮯ ﺍﺱ ﮐﯽ ﻟﻤﺲ ﮐﻮ ﭼﮭﻮﺗﯽ ﺭﮨﯽ۔ ﻭﮦ ﻟﻤﺲ ﻭﮨﺎﮞ ﻧﮩﯿﮟ ﺗﮭﺎ۔ﻭﮦ ﺍﺱ ﮔﮭﺮ ﮐﯽ ﻭﺍﺣﺪ ﮔﮭﮍﯼ ﺗﮭﯽ،ﺟﺴﮑﺎ ﭨﺎﺋﻢ ﺑﺎﻟﮑﻞ ﭨﮭﯿﮏ ﮨﻮﺗﺎ ﺗﮭﺎ . ﺻﺮﻑ ﻣﯿﻨﭧ ﻧﮩﯿﮟ،ﺳﯿﮑﻨﮉ ﺗﮏ۔۔۔ﮐﺎﻣﻠﯿﺖ ﺍﺱ ﮔﮭﮍﯼ ﻣﯿﮟ ﻧﮩﯿﮟ ﺗﮭﯽ۔ﺍﺱ ﺷﺨﺺ ﮐﮯ ﻭﺟﻮﺩ ﻣﯿﮟ ﺗﮭﯽ ﺟﺴﮑﮯ ﮨﺎﺗﮫ ﭘﺮ ﻭﮦ ﮨﻮﺗﯽ ﺗﮭﯽ۔
ﺍﺱ ﻧﮯ ﺁﻧﮑﮭﻮﮞ ﮐﯽ ﻧﻤﯽ ﺻﺎﻑ ﮐﺮﺗﮯ ﮨﻮﮰ ﺍﺱ ﮔﮭﮍﯼ ﮐﻮ ﺩﻭﺑﺎﺭﮦ ﺳﺎﺋﯿﮉ ﭨﯿﺒﻞ ﭘﺮ ﺭﮐﮫ ﺩﯾﺎ۔ﮐﻤﺒﻞ ﺍﭘﻨﮯ ﺍﻭﭘﺮ ﮐﮭﯿﻨﭽﺘﮯ ﮨﻮﮰ ﻭﮦ ﺑﺴﺘﺮ ﭘﺮ ﻟﯿﭧ ﮔﺌﯽ۔ﺍﺱ ﻧﮯ ﻻﺋﭧ ﺑﻨﺪ ﻧﮩﯿﮟ ﮐﯽ۔۔ﺍﺱ ﻧﮯ ﺩﺭﻭﺍﺯﮦ ﺑﮭﯽ ﻣﻔﻘﻞ ﻧﮩﯿﮟ ﮐﯿﺎ ﺗﮭﺎ۔ﻭﮦ ﺍﺳﮑﺎ ﺍﺗﺘﻈﺎﺭ ﮐﺮ ﺭﮨﯽ ﺗﮭﯽ۔ﺑﻌﺾ ﺩﻓﻌﮧ ﺍﻧﺘﻈﺎﺭ ﺑﮩﺖ ” ﻟﻤﺒﺎ “ ﮨﻮﺗﺎ ﮨﮯ۔۔۔ﺑﻌﺾ ﺩﻓﻌﮧ ﺍﻧﺘﻈﺎﺭ ﺑﮩﺖ ” ﻣﺨﺘﺼﺮ “ ﮨﻮﺗﺎ ﮨﮯ۔
ﺍﺱ ﮐﯽ ﺁﻧﮑﮭﻮﮞ ﻣﯿﮟ ﻧﯿﻨﺪ ﺍﺗﺮﻧﮯ ﻟﮕﯽ۔۔۔ﻭﮦ ” ﺍﺳﮯ “ ﺳﻤﺠﮫ ﺭﮨﯽ ﺗﮭﯽ۔ﮨﻤﯿﺸﮧ ﮐﯽ ﻃﺮﺡ ﺁﯾﺖ ﺍﻟﮑﺮﺳﯽ ﮐﺎ ﻭﺭﺩ ﮐﺮﺗﮯ ﮨﻮﮰ ﻭﮦ ﺍﺳﮯ ﭼﺎﺭﻭﮞ ﻃﺮﻑ ﭘﮭﻮﻧﮏ ﺭﮨﯽ ﺗﮭﯽ ﺟﺐ ﺍﺳﮯ ﯾﺎﺩ ﺁﯾﺎ۔ﻭﮦ ﺍﺱ ﻭﻗﺖ ﻭﮨﺎﮞ ﮨﻮﺗﺎ ﺗﻮﺍﺱ ﺳﮯﺁﯾﺖ ﺍﻟﮑﺮﺳﯽ ﺍﭘﻨﮯ ﺍﻭﭘﺮ ﭘﮭﻮﻧﮑﻨﮯ ﮐﯽ ﻓﺮﻣﺎﺋﺶ ﮐﺮﺗﺎ۔
ﺑﯿﮉ ﺳﺎﺋﯿﮉ ﭨﯿﺒﻞ ﭘﺮ ﭘﮍﮮ ﺍﯾﮏ ﻓﻮﭨﻮ ﻓﺮﯾﻢ ﮐﻮ ﺍﭨﮭﺎ ﮐﺮ ﺍﺱ ﻧﮯ ﺑﮍﯼ ﻧﺮﻣﯽ ﮐﮯ ﺳﺎﺗﮫ ﺍﺱ ﭘﺮ ﭘﮭﻮﻧﮏ ﻣﺎﺭﯼ ﭘﮭﺮ، ﻓﺮﯾﻢ ﮐﮯ ﺷﯿﺸﮯ ﭘﺮ ﺟﯿﺴﮯ ﮐﺴﯽ ﻧﻈﺮ ﻧﮧ ﺁﻧﮯ ﻭﺍﻟﯽ ﮔﺮﺩ ﮐﻮ ﺍﭘﻨﯽ ﺍﻧﮕﻠﯿﻮﮞ ﺳﮯ ﺻﺎﻑ ﮐﯿﺎ۔ﭼﻨﺪ ﻟﻤﺤﮯ ﺗﮏ ﻭﮦ ﻓﺮﯾﻢ ﻣﯿﮟ ﺍﯾﮏ ﭼﮩﺮﮮ ﮐﻮ ﺩﯾﮑﮭﺘﯽ ﺭﮨﯽ،ﭘﮭﺮ ﺍﺱ ﻧﮯ ﺍﺳﮑﻮ ﺩﻭﺑﺎﺭﮦ ﺳﺎﺋﯿﮉ ﭨﯿﺒﻞ ﭘﺮ ﺭﮐﮫ ﺩﯾﺎ۔ ﺳﺐ ﮐﭽﮫ ﺟﯿﺴﮯ ﺍﯾﮏ ﺑﺎﺭ ﭘﮭﺮﺳﮯ ﯾﺎﺩ ﺁﻧﮯ ﻟﮕﺎ ﺗﮭﺎ۔۔۔۔ﺍﺳﮑﺎ ﻭﺟﻮﺩ ﺟﯿﺴﮯ ﺍﯾﮏ ﺑﺎﺭ ﭘﮭﺮ ﺭﯾﺖ ﺑﻨﻨﮯ ﻟﮕﺎ ﺗﮭﺎ۔ﺁﻧﮑﮭﻮﮞ ﻣﯿﮟ ﺍﯾﮏ ﺑﺎﺭ ﭘﮭﺮ ﺳﮯ ﻧﻤﯽ ﺁﻧﮯ ﻟﮕﯽ ﺗﮭﯽ۔
ﺍﺱ ﻧﮯ ﺁﻧﮑﮭﯿﮟ ﺑﻨﺪ ﮐﺮﻟﯿﮟ۔ ” ﺁﺝ “ ﺍﺳﮯ ﺑﮩﺖ ﺩﯾﺮ ﮨﻮ ﮔﺌﯽ ﺗﮭﯽ۔

---

” ﺍﯾﮑﺴﯿﻮﺯ ﻣﯿﮟ “ ۔ ﻭﮦ ﮐﮩﺘﮯ ﮨﻮﮰ ﺍﭨﮫ ﮐﺮ ﺑﺎﺭ ﮐﯽ ﻃﺮﻑ ﭼﻠﯽ ﮔﺌﯽ ﺗﮭﯽ۔ﺍﺳﮑﯽ ﻧﻈﺮﻭﮞ ﻧﮯ ﺟﯿﮑﯽ ﮐﺎ ﺗﻌﺎﻗﺐ ﮐﯿﺎ۔ﻭﮦ ﺑﺎﺭ ﮐﺎٶﻧﭩﺮ ﭘﺮ ﺑﺎﺭ ﭨﯿﻨﮉﺭ ﺳﮯ ﺑﺎﺕ ﮐﺮ ﺭﮨﯽ ﺗﮭﯽ۔ﺍﺳﮑﯽ ﺳﯿﺎﮦ ﺑﯿﮏ ﻟﯿﺲ ﮈﺭﯾﺲ ﺳﮯ ﺍﺳﮑﯽ ﺳﻔﯿﺪ ﺧﻮﺑﺼﻮﺭﺕ ﭘﺸﺖ ﻗﻤﺮ ﮐﮯ ﺧﻢ ﺗﮏ ﻧﻈﺮ ﺁﺭﮨﯽ ﺗﮭﯽ۔ﺍﺱ ﻧﮯ ﻧﻈﺮ ﮨﭩﺎﺗﮯ ﮨﻮﮰ ﺍﭘﻨﮯﺳﺎﻣﻨﮯ ﭘﮍﮮ ﺍﻭﺭﻧﺞ ﺟﻮﺱ ﮐﺎ ﺍﯾﮏ ﮔﮭﻮﻧﭧ ﺑﮭﺮﺍ۔ﺑﮩﺖ ﻋﺮﺻﮯ ﮐﮯ ﺑﻌﺪ ﺍﺱ ﻧﮯ ﮐﺴﯽ ﻋﻮﺭﺕ ﮐﮯ ﺟﺴﻢ ﭘﺮ ﻏﻮﺭ ﮐﯿﺎ ﺗﮭﺎ ﺍﻭﺭ ﺑﮩﺖ ﻋﺮﺻﮯ ﮐﮯ ﺑﻌﺪ ﻭﮦ ﮐﺴﯽ ﻋﻮﺭﺕ ﮐﮯ ﺳﺎﺗﮫ ﺍﮐﯿﻠﮯ ﮐﺴﯽ ﺑﺎﺭ ﻣﯿﮟ ﺑﯿﭩﮭﺎ ﺗﮭﺎ۔ﻭﮦ ﺍﯾﮏ ﮨﻮﭨﻞ ﮐﺎ ﺑﺎﺭﺭﻭﻡ ﺗﮭﺎﻟﯿﮑﻦ ﻭﮦ ﮐﺴﯽ ﺍﯾﺴﯽ ﺟﮕﮧ ﭘﺮ ﺑﮭﯽ ﺑﮩﺖ ﻋﺮﺻﮯ ﺑﻌﺪ ﺁﯾﺎ ﺗﮭﺎ۔
ﻭﮦ ﮨﺎﺗﮫ ﻣﯿﮟ ﭘﮑﮍﮮ ﮔﻼﺱ ﺳﮯ ﺩﻭﺳﺮﺍ ﮔﮭﻮﻧﭧ ﻟﮯ ﺭﮨﺎ ﺗﮭﺎﺟﺐ ﺟﯿﮑﯽ ﺩﻭ ﺷﯿﻤﭙﺌﻦ ﮔﻼﺳﺰ ﮐﮯ ﺳﺎﺗﮫ ﻭﺍﭘﺲ ﺁﮔﺌﯽ ﺗﮭﯽ۔
” ﻣﯿﮟ ﻧﮩﯿﮟ ﭘﯿﺘﺎ۔ “ ﺍﺱ ﻧﮯ ﺍﯾﮏ ﮔﻼﺱ ﺍﭘﻨﮯ ﺳﺎﻣﻨﮯ ﺭﮐﮭﻨﮯ ﭘﺮ ﭼﻮﻧﮏ ﮐﺮ ﺍﺳﮯ ﯾﺎﺩ ﺩﻻﯾﺎ ﺗﮭﺎ۔
” ﯾﮧ ﺷﯿﻤﭙﺌﻦ ﮨﮯ۔ “ ﺟﯿﮑﯽ ﻧﮯ ﺟﻮﺍﺑﺎًﮐﻨﺪﮬﮯ ﮐﻮ ﮨﻼﺗﮯ ﮨﻮﮰ ﺑﮯ ﺣﺪ ﮔﮩﺮﯼ ﻣﺴﮑﺮﺍﮨﭧ ﮐﮯ ﺳﺎﺗﮫ ﺍﺱ ﺳﮯﮐﮩﺎ۔ﺍﺳﮑﺎ ﺍﭘﻨﺎ ﮔﻼﺱ ﺍﺱ ﮐﮯ ﮨﺎﺗﮫ ﻣﯿﮟ ﺗﮭﺎ۔
” ﺷﯿﻤﭙﺌﻦ ﺷﺮﺍﺏ ﻧﮩﯿﮟ ﮨﻮﺗﯽ ﮐﯿﺎ؟ “ ﺍﺱ ﻧﮯ ﺟﻮﺍﺑﺎًﺟﯿﺴﮯ ﻣﺰﺍﻕ ﺍﮌﺍﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ۔ﻭﮦ ﭨﯿﺒﻞ ﭘﺮ ﭘﮍﯼ ﺳﮕﺮﯾﭧ ﮐﯽ ﮈﺑﯿﺎ ﺳﮯ ﺍﺏ ﺍﯾﮏ ﺳﮕﺮﯾﭧ ﻧﮑﺎﻝ ﮐﺮ ﻻﺋﭩﺮ ﮐﯽ ﻣﺪﺩ ﺳﮯ ﺳﻠﮕﺎ ﺭﮨﺎ ﺗﮭﺎ۔ ﺟﯿﮑﯽ ﻧﮯ ﺁﮔﮯ ﺟﮭﮕﺘﮯ ﮨﻮﮰ ﺑﮍﯼ ﺳﮩﻮﻟﺖ ﺳﮯ ﺍﺱ ﮐﮯ ﮨﻮﻧﭩﻮﮞ ﻣﯿﮟ ﺩﺑﺎ ﺳﮕﺮﯾﭧ ﻧﮑﺎﻝ ﻟﯿﺎ۔ﻭﮦ ﺍﺳﮯ ﺩﯾﮑﮫ ﮐﺮ ﺭﮦ ﮔﯿﺎ۔ﺍﺳﮑﯽ ﯾﮧ ﺣﺮﮐﺖ ﺑﮯ ﺣﺪ ﻏﯿﺮ ﻣﺘﻮﻗﻊ ﺗﮭﯽ۔ﻭﮦ ﺍﺏ ﺍﺳﮑﯽ ﺳﮕﺮﯾﭧ ﮐﻮ ﺍﭘﻨﮯ ﺩﺍﺋﯿﮟ ﮨﺎﺗﮫ ﮐﯽ ﺍﻧﮕﻠﯿﻮﮞ ﻣﯿﮟ ﺩﺑﺎﮰ ﺑﺎﺋﯿﮟ ﮨﺎﺗﮫ ﻣﯿﮟ ﺷﯿﻤﭙﺌﻦ ﮔﻼﺱ ﭘﮑﮍﮮ ﻣﺴﮑﺮﺍﺗﮯ ﮨﻮﮰ ﺳﯿﮕﺮﭦ ﮐﮯ ﮐﺶ ﻟﮯ ﺭﮨﯽ ﺗﮭﯽ۔ﺍﺱ ﻧﮯ ﻧﻈﺮﯾﮟ ﭼُﺮﺍﺗﮯ ﮨﻮﮰ ﺳﮕﺮﯾﭧ ﮐﯽ ﮈﺑﯿﺎ ﺳﮯ ﺍﯾﮏ ﺍﻭﺭ ﺳﮕﺮﯾﭧ ﻧﮑﺎﻝ ﻟﯿﺎ۔
” ﺁٶ ﮈﺍﻧﺲ ﮐﺮﯾﮟ “ ۔
ﻭﮦ ﺟﯿﮑﯽ ﮐﯽ ﺁﻓﺮ ﭘﺮﺍﯾﮏ ﺑﺎﺭ ﭘﮭﺮ ﭼﻮﻧﮑﺎ۔ﻭﮦ ﮈﺍﻧﺲ ﻓﻠﻮﺭ ﭘﺮ ﺭﻗﺺ ﮐﺮﺗﮯ ﭼﻨﺪ ﺟﻮﮌﻭﮞ ﮐﻮ ﺩﯾﮑﮫ ﺭﮨﯽ ﺗﮭﯽ۔ﺑﺎﺭﺭﻭﻡ ﻣﯿﮟ ﺍﺱ ﻭﻗﺖ ﺯﯾﺎﺩﮦ ﻟﻮﮒ ﻧﮩﯿﮟ ﺗﮭﮯ ﺍﻭﺭ ﺍﻥ ﻣﯿﮟ ﺳﮯ ﺑﮭﯽ ﺻﺮﻑ ﭼﻨﺪ ﺍﯾﮏ ﮨﯽ ﮈﺍﻧﺲ ﻓﻮﺭ ﭘﺮ ﻣﻮﺟﻮﺩ ﺗﮭﮯ،ﺟﻨﮩﯿﮟ ﻭﺍﻗﻌﯽ ﮈﺍﻧﺲ ﮐﺮﻧﺎ ﺗﮭﺎ۔ﻭﮦ ﺍﺳﯽ ﮨﻮﭨﻞ ﮐﮯ ﻧﺎﺋﭧ ﮐﻠﺐ ﻣﯿﮟ ﻣﻮﺟﻮﺩ ﺗﮭﮯ۔
” ﻣﯿﮟ ﮈﺍﻧﺲ ﻧﮩﯿﮟ ﮐﺮﺗﺎ۔ “ ﺍﺱ ﻧﮯ ﺳﮕﺮﯾﭧ ﮐﺎ ﮐﺶ ﻟﯿﺘﮯ ﮨﻮﮰ ﻻﺋﭩﺮ ﺭﮐﮭﺎ۔
” ﺁﺗﺎ ﻧﮩﯿﮟ ﮨﮯ؟ “ ﺟﯿﮑﯽ ﮨﻨﺴﯽ ﺗﮭﯽ۔
” ﭘﺴﻨﺪ ﻧﮩﯿﮟ ﮨﮯ۔ “ ﻭﮦ ﻣﺴﮑﺮﺍﯾﺎ ﺗﮭﺎ۔ﻭﮦ ﺷﯿﻤﭙﺌﻦ ﮐﺎ ﮔﮭﻮﻧﭧ ﺑﮭﺮﺗﮯ ﮨﻮﮰ ﻋﺠﯿﺐ ﺳﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﺍﺳﮑﯽ ﺁﻧﮑﮭﻮﮞ ﻣﯿﮟ ﺩﯾﮑﮭﺘﯽ ﺭﮨﯽ۔ﺍﺱ ﻧﮯ ﺭﺍﮐﮫ ﺟﮭﺎﮌﻧﮯ ﮐﮯ ﺑﮩﺎﻧﮯ ﻧﻈﺮﯾﮟ ﭼُﺮﺍﺋﯿﮟ۔ﺟﯿﮑﯽ ﮐﯽ ﻣﺴﮑﺮﺍﮨﭧ ﻣﺰﯾﺪ ﮔﮩﺮﯼ ﮨﻮ ﮔﺌﯽ ﺗﮭﯽ۔
” ﺷﺮﺍﺏ ﮐﺒﮭﯽ ﻧﮩﯿﮟ ﭘﯽ ﺗﻢ ﻧﮯ؟ “ ﺍﺱ ﻧﮯ ﮨﺎﺗﮫ ﻣﯿﮟ ﭘﮑﮍﺍ ﮔﻼﺱ ﻣﯿﺰ ﭘﺮ ﺭﮐﮭﺘﮯ ﮨﻮﮰ ﮐﭽﮫ ﺁﮔﮯ ﮐﻮ ﺟﮭﮑﺘﮯ ﮨﻮﮰ ﭘﻮﭼﮭﺎ۔
ﺍﺱ ﺷﺨﺺ ﮐﯽ ﻧﻈﺮﯾﮟ ﺍﯾﮏ ﻟﻤﺤﮯ ﮐﮯ ﻟﯿﮯ ﮔﻼﺱ ﺳﮯ ﺍﭨﮭﯽ ﺗﮭﯽ،ﭘﮭﺮ ﺍﺱ ﻧﮯ ﺟﯿﮑﯽ ﮐﻮ ﺩﯾﮑﮭﺎ۔
” ﺑﮩﺖ ﻋﺮﺻﮧ ﭘﮩﻠﮯ۔ “ ﺍﺱ ﻧﮯ ﺟﯿﺴﮯ ﺍﻋﺘﺮﺍﻑ ﮐﯿﺎ۔
” ﺷﯿﻤﭙﺌﻦ؟ “ ﺟﯿﮑﯽ ﻧﮯ ﻣﺼﻨﻮﻋﯽ ﺣﯿﺮﺕ ﺳﮯ ﮐﮩﺎ۔
” ﯾﮧ ﺑﮭﯽ۔ “ ﺑﮯ ﺗﺎﺛﺮ ﭼﮩﺮﮮ ﮐﮯ ﺳﺎﺗﮫ ﺍﺱ ﻧﮯ ﮈﺍﻧﺲ ﻓﻠﻮﺭ ﮐﻮ ﺩﯾﮑﮭﺘﮯ ﮨﻮﮰ ﮐﮩﺎ۔ﮔﻼﺱ ﺩﻭﺑﺎﺭﮦ ﺍُﭨﮭﺎﺗﮯ ﮨﻮﮰ ﺍﻭﺭ ﺳﺎﻣﻨﮯ ﺑﯿﭩﮭﮯ ﮨﻮﮰ ﻣﺮﺩ ﮐﮯ ﭼﮩﺮﮮ ﭘﺮ ﻧﻈﺮﯾﮟ ﺟﻤﺎﮰ ﺟﯿﮑﯽ ﻧﮯ ﺍﭘﻨﯽ ﺯﻧﺪﮔﯽ ﻣﯿﮟ ﺁﻧﮯ ﻭﺍﻟﮯ ﭘﺮﮐﺸﺶ ﺗﺮﯾﻦ ﻣﺮﺩﻭﮞ ﮐﯽ ﻓﮩﺮﺳﺖ ﻣﯿﮟ ﺍﺳﮑﻮ ﺭﮐﮭﺎ ﺗﮭﺎ۔ﻭﮦ ﺑﻼﺷﺒﮧ ﭨﺎﭖ ﭘﺮﺗﮭﺎ۔ﯾﮧ ﺍﺳﮑﮯ ﺟﺴﻤﺎﻧﯽ ﺧﺪﻭﺧﺎﻝ ﻧﮩﯿﮟ ﺗﮭﮯ،ﺟﺴﮑﯽ ﺑﻨﺎ ﭘﺮ ﻭﮦ ﺍﺳﮯ ﯾﮧ ﺩﺭﺟﮧ ﺩﮮ ﺭﮨﯽ ﺗﮭﯽ۔ﺍﺳﮑﯽ ﺯﻧﺪﮔﯽ ﻣﯿﮟ ﺷﮑﻞ ﻭﺻﻮﺭﺕ ﮐﮯ ﺍﻋﺘﺒﺎﺭ ﺳﮯ ﺍﺱ ﺳﮯ ﺯﯾﺎﺩﮦ ﺧﻮﺑﺼﻮﺭﺕ ﻣﺮﺩ ﺁﮰ ﺗﮭﮯ۔ﺳﺎﻣﻨﮯ ﺑﯿﭩﮭﮯ ﮨﻮﮰ ﺷﺨﺺ ﻣﯿﮟ ﮐﭽﮫ ﺍﻭﺭ ﺗﮭﺎ،ﺟﻮﺍﺳﮯ ﺑﮯﺣﺪ ﻣﻤﺘﺎﺯ ﮐﺮ ﺭﮨﺎ ﺗﮭﺎ۔ﺍﺳﮑﯽ ﺑﮯ ﺣﺪ ﻣﺮﺩﺍﻧﮧ ﺁﻭﺍﺯ ﺍﺳﮑﺎ ﺭﮐﮫ ﺭﮐﮭﺎٶ،ﺷﻔﺎﻑ ﺯﮨﻦ ﺍﻭﺭ ﺑﮯ ﺭﯾﺎ ﮔﮩﺮﯼ ﺁﻧﮑﮭﯿﮟ،ﺍﺳﮑﯽ ﻣﺴﮑﺮﺍﮨﭧ ﯾﺎ ﭘﮭﺮ ﺍﺳﮑﯽ ﺗﻤﮑﻨﺖ ﺍﻭﺭ ﺭﻋﻮﻧﺖ۔۔۔ﻭﮦ ﻧﮧ ﭼﺎﮨﺘﮯ ﮨﻮﮰ ﺑﮭﯽ ﺍﺳﮑﯽ ﻃﺮﻑ ﮐﮭﻨﭻ ﺭﮨﯽ ﺗﮭﯽ۔۔ﺍﻭﺭ ﺍﺱ ﻣﯿﮟ ﺍﺳﮑﺎ ﻗﺼﻮﺭ ﻧﮩﯿﮟ ﺗﮭﺎ۔ﻭﮦ ﺩﻋﻮﮮ ﺳﮯ ﮐﮩﮧ ﺳﮑﺘﯽ ﺗﮭﯽ ﮐﮯ ﻭﮦ ﻣﺮﺩ ﮐﺴﯽ ﺑﮭﯽ ﻋﻮﺭﺕ ﮐﻮ ﻣﺘﻮﺟﮧ ﮐﺮ ﺳﮑﺘﺎ ﺗﮭﺎ۔ﺍﺱ ﻧﮯﺍﺳﮑﮯ ﮐﺮﯾﮑﭩﺮ ﭘﺮﻭﻓﺎﺋﻞ ﻣﯿﮟ ﭘﮍﮬﺎ ﺗﮭﺎ ﮐﮯ ﻭﮦ womanizer ﻧﮩﯿﮟ ﺗﮭﺎ۔۔۔۔ﺍﺳﮯ ﺣﯿﺮﺕ ﺗﮭﯽ ﻭﮦ ﮐﯿﻮﮞ ﻧﮩﯿﮟ ﺗﮭﺎ۔۔۔ﺍﺳﮯ ﮨﻮﻧﺎ ﭼﺎﮨﯿﮯ ﺗﮭﺎ۔ﺍﺱ ﭘﺮ ﻧﻈﺮﯾﮟ ﺟﻤﺎﮰ ﺍﺱ ﻧﮯ ﺳﻮﭼﺎ ﺍﻭﺭ ﺑﻠﮑﻞ ﺍﺳﯽ ﻟﻤﺤﮯ ﺍﺱ ﺷﺨﺺ ﻧﮯ ﮈﺍﻧﺲ ﻓﻠﻮﺭ ﺳﮯ ﻧﻈﺮﯾﮟ ﮨﭩﺎ ﮐﺮ ﺍﺳﮯ ﺩﯾﮑﮭﺎ۔ﺟﯿﮑﯽ ﮐﯽ ﻣﺴﮑﺮﺍﮨﭧ ﺑﮯ ﺍﺧﺘﯿﺎﺭ ﮔﮩﺮﯼ ﮨﻮﺋﯽ ﺗﮭﯽ۔ﻭﮦ ﺑﮭﯽ ﺑﮯ ﻣﻘﺼﺪ ﻣﺴﮑﺮﺍﯾﺎ ﺗﮭﺎ۔ﻭﮦ ﺑﮩﺖ ﻋﺮﺻﮯ ﮐﮯ ﺑﻌﺪ ﮐﺴﯽ ﻋﻮﺭﺕ ﮐﯽ ﮐﻤﭙﻨﯽ ﮐﻮ ﺍﻧﺠﻮﺍﮰ ﮐﺮ ﺭﮨﺎ ﺗﮭﺎ۔
ﻭﮦ ﺧﻮﺑﺼﻮﺭﺕ ﺗﮭﯽ ﺍﺳﻤﺎﺭﭦ ﺗﮭﯽ۔۔۔ﺍﻭﺭ ﻭﮦ ﻣﻀﻄﺮﺏ ﺗﮭﺎ، ﻧﮧ ﮨﻮﺗﺎ ﺗﻮ ﺍﺱ ﻭﻗﺖ ﻭﮦ ﺩﻭ ﮔﮭﻨﭩﮯﺍﯾﮏ ﺍﺟﻨﺒﯽ ﻋﻮﺭﺕ ﮐﮯ ﺳﺎﺗﮫ ﮐﺒﮭﯽ ﻧﮧ ﺑﯿﭩﮭﺎ ﮨﻮﺗﺎ۔
ً”ﺗﻤﮩﺎﺭﯼ ﺷﯿﻤﭙﺌﻦ؟ “ ﺟﯿﮑﯽ ﻧﮯ ﺍﯾﮏ ﺑﺎﺭ ﭘﮭﺮ ﺍﺳﮯ ﯾﺎﺩﺩﻻﯾﺎ۔
” ﺗﻢ ﻟﮯ ﺳﮑﺘﯽ ﮨﻮ۔ “ ﺍﺱ ﻧﮯ ﺟﻮﺍﺑﺎً ﮔﻼﺱ ﺍﺳﮑﯽ ﻃﺮﻑ ﺑﮍﮬﺎﯾﺎ۔
” ﺍﮔﺮ ﭘﮩﻠﮯ ﭘﯿﺘﮯ ﺗﮭﮯ ﺗﻮ ﺍﺏ ﺍﺱ ﻣﯿﮟ ﮐﯿﺎ ﺑﺮﺍﺋﯽ ﻧﻈﺮ ﺁﮔﺌﯽ؟ “ ﺟﯿﮑﯽ ﺍﺱ ﺑﺎﺭ ﺳﻨﺠﯿﺪﮦ ﮨﻮﺋﯽ ﺗﮭﯽ۔
” ﻣﺰﮮ ﮐﮯ ﻟﯿﮯ ﭘﯿﺘﺎﺗﮭﺎﺟﺐ ﻣﺰﺍ ﺁﻧﺎ ﺧﺘﻢ ﮨﻮﮔﯿﺎ ﺗﻮ ﭼﮭﻮﮌ ﺩﯼ۔ “ ﻭﮦ ﺍﺳﮑﯽ ﺑﺎﺕ ﭘﺮ ﺑﮯ ﺍﺧﺘﯿﺎﺭ ﮨﻨﺴﯽ۔ ﻭﮦ ﺍﺳﮯ ﺩﯾﮑﮭﺘﺎ ﺭﮨﺎ۔
ﺟﻴﮑﯽ ﺩﻭﻧﻮﮞ ﮨﺎﺗﮫ ﭨﻴﺒﻞ ﭘﺮ ﺭﮐﮭﺘﮯ ﮬﻮﺋﮯ ﺁﮔﮯ ﺟﮭﮑﯽ ﺍﻭﺭ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﺘﮯ ﮬﻮﺋﮯ ﺍﺱ ﻧﮯ ﮐﮩﺎ۔ﺗﻤﮩﯿﮟ ﭘﺘﺎ ﮬﮯ ﻣﺠﮭﮯ ﺗﻢ ﻣﯿﮟ ﺳﺎﺣﺮﺍﻧﮧ ﮐﺸﺶ ﻣﺤﺴﻮﺱ ﮬﻮ ﺭﮨﯽ ﮬﮯ۔ﻭﮦ ﻣﺴﮑﺮﺍﯾﺎ ﺗﮭﺎ۔ﻳﻮﮞ ﺟﻴﺴﮯ ﺍﺱ ﮐﮯ ﺟﻤﻠﮯ ﺳﮯ ﻣﺤﻔﻮﻅ ﮬﻮﺍ ﮬﻮ۔
” ﻣﻴﺮﮮ ﻟﯿﮯ ﺧﻮﺷﯽ ﮐﯽ ﺑﺎﺕ ﮬﮯ “ ﺍﺱ ﻧﮯ ﺟﻮﺍﺑﺎ ﮐﮩﺎ ﺗﮭﺎ۔ﺟﻴﮑﯽ ﻧﮯ ﺑﮍﮮ ﻏﻴﺮ ﻣﺤﺴﻮﺱ ﺍﻧﺪﺍﺯ ﻣﯿﮟ ﻣﻴﺰ ﭘﺮ ﺭﮐﮭﮯ ﺍﺱ ﮐﮯ ﮨﺎﺗﮫ ﭘﺮ ﮨﺎﺗﮫ ﺭﮐﮭﺎ۔ﻭﮦ ﮨﺎﺗﮫ ﮨﭩﺎﻧﺎ ﭼﺎﮬﺘﺎ ﺗﮭﺎ ﻟﻴﮑﻦ ﭼﺎﮨﺘﮯ ﮬﻮﺋﮯ ﺑﮭﯽ ﻧﮧ ﮨﭩﺎ ﺳﮑﺎ۔ﺍﺱ ﮐﯽ ﮨﺎﺗﮫ ﮐﯽ ﭘﺸﺖ ﭘﺮ ﺑﻈﺎﮨﺮ ﻏﻴﺮ ﻣﺤﺴﻮﺱ ﺍﻧﺪﺍﺯ ﻣﯿﮟ ﺍﻧﮕﻠﯿﺎﮞ ﭘﮭﻴﺮ ﺭﮬﯽ ﺗﮭﯽ۔ﺍﺱ ﻧﮯ ﺑﺎﺋﻴﮟ ﮨﺎﺗﮫ ﻣﯿﮟ ﭘﮑﮍﺍ ﺳﮕﺮﻳﭧ ﺍﻳﺶ ﭨﺮﮮ ﻣﯿﮟ ﺑﺠﮭﺎ ﺩﯾﺎ۔ﻭﮦ ﺩﻭﻧﻮﮞ ﺍﺏ ﺍﻳﮏ ﺩﻭﺳﺮﮮ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﮯ ﺍﻳﮏ ﺩﻭﺳﺮﮮ ﮐﻮ ﺧﺎﻣﻮﺷﯽ ﺳﮯ ﺩﻳﮑﮫ ﺭﮬﮯ ﺗﮭﮯ۔ﭘﮭﺮ ﺟﻴﮑﯽ ﻧﮯﮐﮩﺎ۔
“ do u belive in one night stands ”
ﺟﻮﺍﺏ ﻓﻮﺭﯼ ﺁﯾﺎ ﺗﮭﺎ۔
” ﺟﯽ ﺑﻠﮑﻞ “ ۔

---

ﺍﻳﻨﭩﻮﮞ ﺳﮯ ﺑﻨﮯ ﭼﻮﻟﮩﮯ ﭘﺮ ﺭﮐﮭﯽ،ﮔﮭﺴﯽ ﮬﻮﺋﯽ ﭘﺮﺍﻧﯽ ﻣﭩﯽ ﮐﯽ ﮨﻨﮉﯾﺎ ﻣﯿﮟ ﺳﺎﮒ ﺍﭘﻨﮯ ﭘﺎﻧﯽ ﻣﯿﮟ ﮔﻞ ﺭﮬﺎ ﺗﮭﺎ۔ﺍﺱ ﺑﻮﮌﮬﯽ ﻋﻮﺭﺕ ﻧﮯ ﻧﮩﺮ ﮐﮯ ﮐﻨﺎﺭﮮ ﺳﮯ ﭼﻨﯽ ﮬﻮﺋﯽ ﺧﺸﮏ ﺟﮭﺎﮌﯾﻮﮞ ﮐﯽ ﭨﮩﻨﻴﻮﮞ ﮐﻮ ﺗﻮﮌ ﺗﻮﮌ ﮐﺮ ﭼﻮﻟﮩﮯ ﻣﯿﮟ ﭘﮭﻴﻨﮑﻨﺎ ﺷﺮﻭﻉ ﮐﻴﺎ۔ﻭﮦ ﺁﮒ ﮐﻮ ﺍﺳﯽ ﻃﺮﺡ ﺑﮭﮍﮐﺎﺋﮯ ﺭﮐﮭﻨﮯ ﮐﯽ ﺍﻳﮏ ﮐﻮﺷﺶ ﺗﮭﯽ۔ﻭﮦ ﻣﭩﯽ ﺳﮯ ﻟﻴﭙﮯ ﮬﻮﺋﮯ ﮔﺮﻡ ﻓﺮﺵ ﭘﺮ ﭼﻮﻟﮭﮯ ﮐﮯ ﻗﺮﻳﺐ ﺁﮐﺮ ﺑﻴﭩﮫ ﮔﺊ۔ﭘﺎﺅﮞ ﺳﮯ ﭼﭙﻞ ﺍﺗﺎﺭ ﮐﺮ ﺍﺱ ﻧﮯ ﺍﭘﻨﮯ ﺳﺮﺩ ﮨﻠﮑﮯ ﮨﻠﮑﮯ ﭘﻴﺮﻭﮞ ﮐﻮ ﺩﮬﻮﭖ ﺳﮯ ﮔﺮﻡ ﻓﺮﺵ ﺳﮯ ﺟﻴﺴﮯ ﮐﭽﮫ ﺣﺪﺕ ﭘﮩﻨﭽﺎﻧﮯ ﮐﯽ ﮐﻮﺷﺶ ﮐﯽ ﮬﻮ۔
ﺍﻣﺎﮞ ﺍﺱ ﻋﻤﺮ ﻣﻴﮟ ﭘﻨﺠﻮﮞ ﮐﮯ ﺑﻞ ﺑﻴﭩﮭﮯ ﻟﮑﮍﯾﻮﮞ ﮐﻮ ﺗﻮﮌ ﻣﺮﻭﮌ ﮐﺮ ﭼﻮﻟﮩﮯ ﻣﯿﮟ ﺟﻮﻧﮏ ﺭﮨﯽ ﺗﮭﯽ۔ﺍﮒ ﻣﯿﮟ ﻟﮑﮍﯾﻮﮞ ﮐﮯ ﺗﮍﺧﻨﮯ ﺍﻭﺭ ﭼﭩﺨﻨﮯ ﮐﯽ ﺁﻭﺍﺯﻳﮟ ﺁﺭﮬﯽ ﺗﮭﯽ۔ﻭﮦ ﺳﺎﮒ ﮐﯽ ﮨﺎﻧﮉﯼ ﺳﮯ ﺍﭨﮭﺘﯽ ﺑﮭﺎﭖ ﺍﻭﺭ ﺍﺱ ﻣﯿﮟ ﺍﭨﮭﺘﮯ ﺍﺑﺎﻝ ﺩﻳﮑﮭﺘﯽ ﺭﮬﯽ۔
” ﻣﺮﺩ ﮐﯿﺎ ﮐﺮﺗﺎ ﮨﮯ ﺗﻴﺮﺍ “ ؟ﻭﮦ ﺍﻣﺎﮞ ﮐﮯ ﺍﺱ ﺍﭼﺎﻧﮏ ﺳﻮﺍﻝ ﭘﺮ ﭼﻮﻧﮑﯽ ﺍﻭﺭ ﺑﮍﺑﮍﺍﺋﯽ …
ﮐﯿﺎ ﮐﺮﺗﺎ ﮬﮯ ﺍﺱ ﻧﮯ ﺟﻴﺴﮯ ﯾﺎﺩ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ،ﭘﮭﺮ ﮐﮩﺎ۔ ” ﮐﺎﻡ ﮐﺮﺗﺎ ﮬﮯ “ ۔
” ﮐﯿﺎ ﮐﺎﻡ ﮐﺮﺗﺎ ﮬﮯ “ ؟ﺍﻣﺎﮞ ﻧﮯ ﭘﮭﺮ ﭘﻮﭼﮭﺎ ۔
” ﺑﺎﮨﺮ ﮐﺎﻡ ﮐﺮﺗﺎ ﮬﮯ “ ۔ ﻭﮦ ﺳﺎﮒ ﮐﻮ ﺩﻳﮑﮭﺘﮯ ﮬﻮﺋﮯ ﺑﮍﺑﮍﺍﺋﯽ ۔
” ﭘﺮﺩﯾﺲ ﻣﯿﮟ ﮬﮯ؟ “ ﺑﻮﮌﮬﯽ ﻋﻮﺭﺕ ﻧﮯ ﺟﻮﺍﺑﺎً ﭘﻮﭼﮭﺎ۔ﻭﮦ ﺑﮭﯽ ﺍﺏ ﺍﺱ ﮐﯽ ﻃﺮﺡ ﺯﻣﯿﻦ ﭘﺮ ﺑﻴﭩﮫ ﮔﺊ ﺗﮭﯽ۔ﺍﻭﺭ ﺍﺱ ﻧﮯ ﺍﭘﻨﮯ ﮔﮭﭩﻨﻮﮞ ﮐﮯ ﮔﺮﺩ ﺍﺱ ﮐﯽ ﻃﺮﺡ ﺑﺎﺯﻭ ﻟﭙﯿﭧ ﻟﯿﮯ ﺗﮭﮯ۔
” ﮨﺎﮞ ﭘﺮﺩﯾﺲ ﻣﯿﮟ ﮨﮯ ﻭﮦ۔ “ ﺍﺳﯽ ﻃﺮﺡ ﺳﺎﮒ ﮐﻮ ﺩﻳﮑﮭﺘﮯ ﮬﻮﺋﮯ ﺑﻮﻟﯽ۔
” ﺗﻮ ﺗﻮ ﯾﮩﺎﮞ ﮐﺲ ﮐﮯ ﭘﺎﺱ ﮬﮯ ﺳﺴﺮﺍﻟﻴﻮﮞ ﮐﮯ ﭘﺎﺱ؟ “
” ﻧﮭﻴﮟ “ ۔
” ﭘﮭﺮ؟؟ “
” ﻣﯿﮟ ﮐﺴﯽ ﮐﯽ ﭘﺎﺱ ﻧﮭﯿﮟ ﮬﻮﮞ “ ۔ﺳﺎﮒ ﭘﺮ ﻧﻈﺮﻳﮟ ﺟﻤﺎﺋﮯ ﺍﺱ ﻧﮯ ﺭﺍﺑﻂ ﺟﻮﺍﺏ ﺩﯾﺎ۔
” ﻣﺮﺩ ﻧﮯ ﮔﮭﺮ ﺳﮯ ﻧﮑﺎﻝ ﺩﯾﺎ ﮬﮯ ﮐﯿﺎ “ ؟ﺍﺱ ﻧﮯ ﭼﻮﻧﮏ ﮐﺮ ﺍﺱ ﻋﻮﺭﺕ ﮐﻮ ﭼﻮﻧﮏ ﮐﺮ ﺩﻳﮑﮭﺎ۔
” ﻧﮭﻴﮟ “ ۔
” ﭘﮭﺮ ﺗﻮ ﻟﮍ ﮐﺮ ﺁﺋﯽ ﮬﮯ ﮐﯿﺎ؟ “
” ﻧﮭﻴﮟ “ ۔ ﺍﺱ ﭘﮭﺮ ﺳﮯ ﺑﮯ ﺳﺎﺧﺘﮧ ﺳﺮ ﮨﻼﯾﺎ ۔
” ﺗﻮ ﭘﮭﺮ ﯾﮭﺎﮞ ﮐﺲ ﮐﮯ ﻟﯿﮯ ﺁﺋﯽ ﮬﮯ۔؟ “
” ﺳﮑﻮﻥ ﮐﮯ ﻟﯿﮯ “ ۔ﺍﺱ ﻧﮯ ﺑﮯ ﺍﺧﯿﺘﺎﺭ ﮐﮩﺎ۔
” ﺳﮑﻮﻥ ﮐﮩﻴﮟ ﻧﮭﯿﮟ …“
ﻭﮦ ﺍﺱ ﻋﻮﺭﺕ ﮐﺎ ﭼﮩﺮﮦ ﺩﻳﮑﮭﻨﮯ ﻟﮕﯽ۔
” ﺟﻮ ﭼﻴﺰ ﺩﻧﯿﺎ ﻣﯿﮟ ﮬﮯ ﮨﯽ ﻧﮩﻴﮟ،ﺍﺳﮯ ﺩﻧﯿﺎ ﻣﯿﮟ ﮐﯿﺎ ﮈﮬﻮﻧﮉﻧﺎ؟ “ ﺍﺱ ﻧﮯ ﺣﻴﺮﺕ ﺳﮯ ﺍﺱ ﻋﻮﺭﺕ ﮐﻮ ﺩﻳﮑﮭﺎ۔ﻭﮦ ﮔﮩﺮﯼ ﺑﺎﺕ ﺗﮭﯽ ﺍﻭﺭ ﺍﺱ ﻋﻮﺭﺕ ﮐﮯ ﻣﻨﮧ ﺳﮯ ﺳﻦ ﮐﺮ ﺍﻭﺭ ﮔﮩﺮﯼ ﻟﮕﯽ ﺗﮭﯽ۔ﺍﺳﮯ ﺟﻮ ﺍﺱ ﺟﮭﮕﯽ ﻣﯿﮟ ﺑﻴﭩﮭﯽ ﺁﮒ ﻣﯿﮟ ﻟﮑﮍﯾﺎﮞ ﺟﻮﻧﮏ ﺭﮬﯽ ﺗﮭﯽ۔
” ﭘﮭﺮ ﺑﻨﺪﮦ ﺭﮬﮯ ﮐﻴﻮﮞ ﺍﺱ ﺩﻧﯿﺎ ﻣﯿﮟ ﺍﮔﺮ ﺑﮯ ﺳﮑﻮﻥ ﺭﮨﺘﺎ ﮬﮯ؟ ““
ﻭﮦ ﺍﺱ ﺳﮯ ﯾﮧ ﺳﻮﺍﻝ ﻧﮭﯿﮟ ﭘﻮﭼﮭﻨﺎ ﭼﺎﮬﺘﯽ ﺗﮭﯽ ﺟﻮ ﺍﺱ ﻧﮯ ﭘﻮﭼﮭﺎ ﺗﮭﺎ۔
” ﺗﻮ ﭘﮭﺮ ﮐﮩﺎﮞ ﺭﮬﮯ۔؟ “ ﻟﮑﮍﯾﺎﮞ ﺟﮭﻮﻧﮑﺘﯽ ﺍﺱ ﻋﻮﺭﺕ ﻧﮯ ﺍﻳﮏ ﻟﻤﺤﮧ ﮐﮯ ﻟﯿﮯ ﺭﮎ ﮐﺮ ﭘﻮﭼﮭﺎ۔ﻭﮦ ﮐﭽﮫ ﻻﺟﻮﺍﺏ ﮬﻮﺗﮯ ﮬﻮﺋﮯ ﺩﻭﺑﺎﺭﻩ ﺳﺎﮒ ﮐﻮ ﺩﻳﮑﮭﻨﮯ ﻟﮕﯽ۔
” ﻣﺮﺩ ﮐﮩﺘﺎ ﻧﮭﯿﮟ ﻭﺍﭘﺲ ﺁﻧﮯ ﮐﻮ۔؟ “
” ﭘﮩﻠﮯ ﮐﮩﺘﺎ ﺗﮭﺎ۔ﺍﺏ ﻧﮭﻴﮟ ﮐﮩﺘﺎ ۔ “
ﺍﺱ ﻧﮯ ﺧﻮﺩ ﺑﮭﯽ ﻟﮑﮍﯾﻮﮞ ﮐﮯ ﭼﮭﻮﭨﮯ ﭼﮭﻮﭨﮯ ﭨﮑﺮﮮ ﮐﺮ ﮐﮯ ﺁﮒ ﻣﯿﮟ ﭘﮭﻴﮑﻨﮯ ﺷﺮﻭﻉ ﮐﺮ ﺩﻳﮯ۔
” ﺑﮯ ﭼﺎﺭﮦ ﺍﮐﯿﻼ ﮬﮯ ﻭﮨﺎﮞ “ ؟ﻭﮦ ﺍﯾﮏ ﻟﻤﺤﮯ ﮐﮯ ﻟﯿﮯ ﭨﮭﭩﮑﯽ۔
” ﮨﺎﮞ “ ﺍﺱ ﻧﮯ ﺍﺱ ﺑﺎﺭ ﻣﺪﮬﻢ ﺁﻭﺍﺯ ﻣﯿﮟ ﺟﻮﺍﺏ ﺩﯾﺎ۔ﻭﮦ ﺑﻮﮌﮬﯽ ﻋﻮﺭﺕ ﺍﺏ ﭘﻼﺳﭩﮏ ﮐﮯ ﺍﯾﮏ ﺷﺎﭘﺮ ﻣﯿﮟ ﭘﮍﺍ ﮬﻮﺍ ﺁﭨﺎ ﺗﮭﺎﻟﯽ ﻣﯿﮟ ﮈﺍﻝ ﺭﮨﯽ ﺗﮭﯽ۔
” ﺗﻮ ﺍﮐﯿﻼ ﭼﮭﻮﮌ ﮐﺮ ﺁﮔﺌﯽ ﺍﺳﮯ؟ “ ﺩﮬﻮﭖ ﻣﯿﮟ ﭘﮍﮮ ﺍﯾﮏ ﮔﮭﮍﮮ ﺳﮯ ﺍﯾﮏ ﮔﻼﺱ ﭘﺎﻧﯽ ﻧﮑﺎﻟﺘﮯ ﮬﻮﺋﮯ ﺍﻣﺎﮞ ﻧﮯ ﺟﻴﺴﮯ ﺍﻓﺴﻮﺱ ﮐﯿﺎ ﺗﮭﺎ۔ﻭﮦ ﺑﮯ ﻣﻘﺼﺪ ﺁﮒ ﻣﯿﮟ ﻟﮑﮍﯾﻮﮞ ﮐﻮ ﭘﮭﻴﻨﮑﺘﯽ ﺭﮬﯽ۔
” ﺗﺠﮫ ﺳﮯ ﭘﯿﺎﺭ ﻧﮭﯿﮟ ﮐﺮﺗﺎ ﺗﮭﺎ؟ “ ﻭﮦ ﺍﯾﮏ ﻟﻤﺤﮯ ﮐﮯ ﻟﯿﮯ ﺳﺎﮐﺖ ﮬﻮﺋﯽ ۔
” ﮐﺮﺗﺎ ﺗﮭﺎ “ ۔ﺍﺱ ﮐﯽ ﺁﻭﺍﺯ ﺑﮯ ﺣﺪ ﻣﺪﮬﻢ ﺗﮭﯽ۔
” ﺧﯿﺎﻝ ﻧﮭﯿﮟ ﺭﮐﮭﺘﺎ ﺗﮭﺎ۔؟ “ ﺳﺎﮒ ﺳﮯ ﺍﭨﮭﺘﯽ ﺑﮭﺎﭖ ﮐﯽ ﻧﻤﯽ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺍﺗﺮﻧﮯ ﻟﮕﯽ۔ﺍﺳﮯ ﺑﮍﮮ ﻋﺮﺻﮯ ﮐﮯ ﺑﻌﺪ ﭘﺘﺎ ﻧﮩﯿﮟ ﮐﯿﺎ ﮐﯿﺎ ﯾﺎﺩ ﺁﯾﺎ ﺗﮭﺎ۔
” ﺭﮐﮭﺘﺎ ﺗﮭﺎ “ ۔ﺁﻭﺍﺯ ﺍﻭﺭ ﺑﮭﯽ ﻣﺪﮬﻢ ﮬﻮ ﮔﺊ ﺗﮭﯽ۔
ﺍﻣﺎﮞ ﺍﺏ ﮐﮯ ﺍﺱ ﮐﮯ ﭘﺎﺱ ﺑﻴﭩﮭﯽ ﺍﺱ ﺗﮭﺎﻟﯽ ﻣﯿﮟ ﺩﻭ ﺭﻭﭨﻴﻮﮞ ﮐﺎ ﺁﭨﺎ ﮔﻮﻧﺪﮪ ﺭﮬﯽ ﺗﮭﯽ۔ ” ﺭﻭﭨﯽ ﮐﭙﮍﺍ ﻧﮩﯿﮟ ﺩﻳﺘﺎ ﺗﮭﺎ؟؟ “
ﺍﺱ ﻧﮯ ﭼﺎﺩﺭ ﺳﮯ ﺍﭘﻨﯽ ﺁﻧﮑﮭﯿﮟ ﺭﮔﮍﻳﮟ۔ ” ﺩﻳﺘﺎ ﺗﮭﺎ۔ “ ﻭﮦ ﺍﭘﻨﯽ ﺁﻭﺍﺯ ﺧﻮﺩ ﺑﮭﯽ ﺑﻤﺸﮑﻞ ﺳﻨﯽ ﺗﮭﯽ۔
” ﺗﻮ ﻧﮯ ﭘﮭﺮ ﺑﮭﯽ ﭼﮭﻮﮌ ﺩﯾﺎ ﺍﺳﮯ “ ؟؟ ” ﺗﻮ ﻧﮯ ﺑﮭﯽ ﺍﻟﻠﮧ ﺳﮯ ﺑﻨﺪﮮ ﻭﺍﻻ ﻣﻌﺎﻣﻠﮧ ﮐﯿﺎ ﺍﺱ ﮐﮯ ﺳﺎﺗﮫ۔۔۔ﺳﺐ ﮐﭽﮫ ﻟﮯ ﮐﺮ ﺑﮭﯽ ﺩﻭﺭ ﮬﻮﮔﺊ ﺍﺱ ﺳﮯ۔ “
ﺍﻣﺎﮞ ﻧﮯ ﺁﭨﺎ ﮔﻮﻧﺪﮬﺘﮯ ﮬﻮﺋﮯ ﺟﯿﺴﮯ ﮨﻨﺲ ﮐﺮ ﮐﮩﺎ۔ﻭﮦ ﺑﻮﻝ ﺑﮭﯽ ﻧﮧ ﺳﮑﯽ ﺗﮭﯽ۔ﺑﻮﻟﻨﮯ ﮐﮯ ﻟﯿﮯ ﮐﭽﮫ ﺗﮭﺎ ﮬﯽ ﻧﮭﯿﮟ۔ﭘﻠﮑﯿﮟ ﺟﮭﭙﮑﺎﺋﮯ ﺑﻐﯿﺮ ﻭﮦ ﺑﺲ ﺍﻣﺎﮞ ﮐﻮ ﺩﻳﮑﮭﺘﯽ ﺭﮬﯽ۔
” ﺗﺠﮭﮯ ﯾﮧ ﮈﺭ ﺑﮭﯽ ﻧﮭﯿﮟ ﻟﮕﺎ ﮐﮯ ﮐﻮﺋﯽ ﺩﻭﺳﺮﯼ ﻋﻮﺭﺕ ﻟﮯ ﺁﺋﮯ ﮔﺎ ﻭﮦ؟؟ “
” ﻧﮭﻴﮟ “ ۔ﺍﺱ ﺑﺎﺭ ﺁﭨﺎ ﮔﻮﻧﺪﮬﺘﮯ ﮬﻮﺋﮯ ﺍﻣﺎﮞ ﻧﮯ ﺍﺱ ﮐﺎ ﭼﮩﺮﮦ ﺩﻳﮑﮭﺎ ﺗﮭﺎ۔
” ﺗﺠﮭﮯ ﭘﯿﺎﺭ ﻧﮭﯿﮟ ﮬﮯ ﺍﺱ ﺳﮯ “ ؟؟ﮐﯿﺎ ﺳﻮﺍﻝ ﺁﯾﺎ ﺗﮭﺎ۔ﻭﮦ ﻧﻈﺮﻳﮟ ﭼﺮﺍ ﮔﺊ ﺗﮭﯽ۔
ﺍﺱ ﮐﯽ ﭼﭗ ﻧﮯ ﺟﻴﺴﮯ ﺍﻣﺎﮞ ﮐﻮ ﺍﯾﮏ ﺍﻭﺭ ﺳﻮﺍﻝ ﺩﯾﺎ۔
” ﮐﺒﮭﯽ ﭘﯿﺎﺭ ﮐﯿﺎ ﮨﮯ “ ؟ﺁﻧﮑﮭﻮﮞ ﻣﯿﮟ ﺳﻴﻼﺏ ﺁﯾﺎ ﺗﮭﺎ۔ﮐﭽﮫ ﯾﺎﺩ ﺁﮔﯿﺎ ﺗﮭﺎ۔

---

” ﮐﯿﺎ ﺗﮭﺎ۔ “ ﺍﺱ ﻧﮯ ﺁﻧﺴﻮٶﮞ ﮐﻮﺑﮩﻨﮯ ﺩﯾﺎ ﺗﮭﺎ۔
” ﭘﮭﺮ ﮐﯿﺎﮨﻮﺍ؟ “ ﺍﻣﺎﮞ ﻧﮯ ﺍﺳﮑﮯ ﺁﻧﺴﻮٶﮞ ﮐﻮ ﻧﻈﺮ ﺍﻧﺪﺍﺯ ﮐﺮﺩﯾﺎ ﺗﮭﺎ۔
” ﻧﮩﯿﮟ ﻣﻼ۔ “ ﺳﺮ ﺟﮭﮑﺎﮰ ﺍﺱ ﻧﮯ ﺁﮒ ﻣﯿﮟ ﮐﭽﮫ ﺍﻭﺭ ﻟﮑﮍﯾﺎﮞ ﮈﺍﻟﯿﮟ۔
” ﻣﻼﻧﮩﯿﮟ ﯾﺎ ﺍﺳﻨﮯ ﭼﮭﻮﮌ ﺩﯾﺎ؟ “ ﺍﺳﮑﮯ ﻣﻨﮧ ﻣﯿﮟ ﺟﯿﺴﮯ ﮨﺮﯼ ﻣﺮﭺ ﺁﺋﯽ ﺗﮭﯽ۔
” ﺍﺱ ﻧﮯ ﭼﮭﻮﮌ ﺩﯾﺎ۔ “ ﭘﺘﺎ ﻧﮩﯿﮟ ﺳﺎﮒ ﺯﯾﺎﺩﮦ ﭘﺎﻧﯽ ﭼﮭﻮﮌ ﺭﮨﺎ ﺗﮭﺎ ﯾﺎ ﺍﺳﮑﯽ ﺁﻧﮑﮭﯿﮟ۔۔۔ﭘﺮ ﺁﻧﭻ ﺍﻭﺩ ﺁﻧﺴﻮ ﺩﻭﻧﻮﮞ ﺟﮕﮧ ﺗﮭﮯ۔
” ﭘﯿﺎﺭ ﻧﮩﯿﮟ ﮐﺮﺗﺎ ﮨﻮﮔﺎ۔ “ ﺍﻣﺎﮞ ﻧﮯ ﺑﮯ ﺳﺎﺧﺘﮧ ﮐﮩﺎ۔
” ﭘﯿﺎﺭ ﮐﺮﺗﺎ ﺗﮭﺎ ﻟﯿﮑﻦ ﺍﻧﺘﻈﺎﺭ ﻧﮩﯿﮟ ﮐﺮ ﺳﮑﺘﺎ ﺗﮭﺎ “ ﺍﺱ ﻧﮯ ﭘﺘﺎ ﻧﮩﯿﮟ ﮐﯿﻮﮞ ﺍﺳﮑﯽ ﻃﺮﻑ ﺳﮯ ﺻﻔﺎﺋﯽ ﺩﯼ ﺗﮭﯽ۔
” ﺟﻮ ﭘﯿﺎﺭ ﮐﺮﺗﺎ ﮨﮯ ﻭﮦ ﺍﻧﺘﻈﺎﺭ ﮐﺮﺗﺎ ﮨﮯ۔ “ ﺟﻮﺍﺏ ﮐﮭﭩﺎﮎ ﺳﮯ ﺁﯾﺎ ﺗﮭﺎﺍﻭﺭ ﺍﺳﮑﯽ ﺳﺎﺭﯼ ﻭﺿﺎﺣﺘﻮﮞ، ﺩﻟﯿﻠﻮﮞ ﮐﮯﭘﺮﺧﭽﮯ ﺍُﮌﺍ ﮔﯿﺎ ﺗﮭﺎ۔ﻭﮦ ﺭﻭﺗﮯ ﮨﻮﮰ ﮨﻨﺴﯽ ﺗﮭﯽ ﯾﺎ ﭘﮭﺮ ﺷﺎﯾﺪ ﮨﻨﺴﺘﮯ ﮨﻮﮰ ﺭﻭﺋﯽ ﺗﮭﯽ۔ﮐﯿﺎ ﺳﻤﺠﮭﺎ ﺩﯾﺎ ﺗﮭﺎ ﺍﺱ ﻋﻮﺭﺕ ﻧﮯ ﺟﻮ ﺩﻝ ﻭ ﺩﻣﺎﻍ ﮐﺒﮭﯽ ﺳﻤﺠﮭﺎ ﮨﯽ ﻧﮩﯿﮟ ﺳﮑﮯ ﺗﮭﮯﺍﺳﮯ۔
” ﺍﺱ ﺁﺩﻣﯽ ﮐﯽ ﻭﺟﮧ ﺳﮯ ﮔﮭﺮ ﭼﮭﻮﮌ ﺁﺋﯽ ﺍﭘﻨﺎ؟ “ ﺍﻣﺎﮞ ﻧﮯ ﭘﮭﺮ ﭘﻮﭼﮭﺎ۔
” ﻧﮩﯿﮟ۔۔۔ﺑﺲ ﻭﮨﺎﮞ ﺑﮯ ﺳﮑﻮﻧﯽ ﺗﮭﯽ، ﺍﺱ ﻟﯿﮯ ﺁﮔﺌﯽ “ ﺍﺱ ﻧﮯ ﺑﮭﯿﮕﮯ ﮨﻮﮰ ﭼﮩﺮﮮ ﮐﮯ ﺳﺎﺗﮫ ﮐﮩﺎ۔
” ﮐﯿﺎ ﺑﮯ ﺳﮑﻮﻧﯽ ﺗﮭﯽ۔ “ ﻭﮦ ﺑﺮﺳﺘﯽ ﺁﻧﮑﮭﻮﮞ ﮐﮯ ﺳﺎﺗﮫ ﺑﺘﺎﺗﯽ ﮔﺌﯽ۔ﺍﻣﺎﮞ ﭼﭗ ﭼﺎﭖ ﺁﭨﺎ ﮔﻮﻧﺪﮬﺘﯽ ﺭﮨﯽ۔ﺍﺳﮑﮯ ﺧﺎﻣﻮﺵ ﮨﻮﻧﮯ ﭘﺮ ﺑﮭﯽ ﺍﺱ ﻧﮯ ﮐﭽﮫ ﻧﮩﯿﮟ ﮐﮩﺎ ﺗﮭﺎ۔ﺧﺎﻣﻮﺷﯽ ﮐﺎ ﻭﻗﻔﮧ ﻃﻮﯾﻞ ﮨﻮ ﮔﯿﺎ ﺗﮭﺎ۔۔۔ﺑﮯ ﺣﺪ ﻃﻮﯾﻞ۔۔ﺍﻣﺎﮞ ﺁﭨﺎ ﮔﻮﻧﺪﮬﻨﮯ ﮐﮯ ﺑﻌﺪ ﺳﺎﮒ ﻣﯿﮟ ﮈﻭﺋﯽ ﭼﻼﻧﮯ ﻟﮕﯽ ﺗﮭﯽ۔ ﻭﮦ ﭨﺎﻧﮕﻮﮞ ﮐﮯ ﮔﺮﺩ ﺑﺎﺯﻭ ﻟﭙﯿﭩﮯ ﺳﺎﮒ ﮐﻮ ﮔﮭﻠﺘﮯ ﺩﯾﮑﮭﺘﯽ ﺭﮨﯽ۔
” ﻭﮨﺎﮞ ﻧﮩﺮ ﮐﮯ ﮐﻨﺎﺭﮮ ﮐﯿﻮﮞ ﮐﮭﮍﯼ ﺗﮭﯽ؟ “ ﺍﻣﺎﮞ ﻧﮯ ﺍﯾﮏ ﺩﻡ ﺳﺎﮒ ﮔﮭﻮﭨﺘﮯ ﮨﻮﮰ ﺍﺱ ﺳﮯ ﭘﻮﭼﮭﺎ۔ﺍﺱ ﻧﮯ ﺳﺮ ﺍﭨﮭﺎ ﮐﺮ ﺍﻣﺎﮞ ﮐﺎ ﭼﮩﺮﮦ ﺩﯾﮑﮭﺎ۔

---

ﺑﯿﺮﻭﻧﯽ ﮔﯿﭧ ﮨﻤﯿﺸﮧ ﮐﯽ ﻃﺮﺡ ﮔﮭﺮ ﻣﯿﮟ ﮐﺎﻡ ﮐﺮﻧﮯ ﻭﺍﻟﯽ ﻣﻼﺯﻣﮧ ﻧﮯ ﮐﮭﻮﻻ ﺗﮭﺎ۔ﮈﺭﺍﺋﯿﻮﻭﮮ ﭘﺮ ﮔﺎﮌﯼ ﮐﮭﮍﯼ ﮐﺮﺗﮯ ﮨﻮﮰ ﺍﺱ ﻧﮯ ﺍﺑﮭﯽ ﮈﺭﺍﺋﯿﻮﻧﮓ ﺳﯿﭧ ﮐﺎ ﺩﺭﻭﺍﺯﮦ ﮐﮭﻮﻻ ﮨﯽ ﺗﮭﺎ ﮐﮧ ﮨﺮ ﺭﻭﺯ ﮐﯽ ﻃﺮﺡ ﻻﻥ ﻣﯿﮟ ﮐﮭﯿﻠﺘﮯ ﺍﺱ ﮐﮯ ﺩﻭﻧﻮﮞ ﺑﭽﮯ ﺑﮭﺎﮔﺘﮯ ﮨﻮﮰ ﺍﺳﮑﮯ ﭘﺎﺱ ﺁﮔﺌﮯ ﺗﮭﮯ۔ﭼﺎﺭ ﺳﺎﻟﮧ ﺟﺒﺮﯾﻞ ﭘﮩﻠﮯ ﭘﮩﻨﭽﺎ ﺗﮭﺎ۔ﮈﺭﺍﺋﯿﻮﻧﮓ ﺳﯿﭧ ﭘﺮ ﺑﯿﭩﮭﮯ ﺑﯿﭩﮭﮯ ﺍﺱ ﻧﮯ ﺍﭘﻨﮯ ﺑﯿﭩﮯ ﮐﺎ ﭼﮩﺮﮦ ﭼﻮﻣﺎ ﺗﮭﺎ۔ﻭﮦ ﭘﺴﯿﻨﮯ ﺳﮯ ﺷﺮﺍﺑﻮ ﺗﮭﺎ۔ﺍﺱ ﻧﮯ ﺍﺳﮯ ﺍﭘﻨﮯ ﺳﺎﺗﮫ ﻟﮕﺎﯾﺎ۔
” ﺍﻟﺴﻼﻡ ﻋﻠﯿﮑﻢ “ ﺟﺒﺮﯾﻞ ﻧﮯ ﺭﻭﺯﺍﻧﮧ ﮐﯽ ﺭﺳﻮﻣﺎﺕ ﭘﻮﺭﯼ ﮐﯿﮟ۔ﮔﺎﮌﯼ ﻣﯿﮟ ﭘﮍﮮ ﭨﺸﻮ ﺑﺎﮐﺲ ﺳﮯ ﭨﺸﻮ ﻧﮑﺎﻝ ﮐﺮ ﺍﺱ ﻧﮯ ﺟﺒﺮﯾﻞ ﮐﺎ ﭼﮩﺮﮦ ﺻﺎﻑ ﮐﯿﺎ ﺟﻮ ﺍﺱ ﻧﮯ ﺑﮍﯼ ﻓﺮﻣﺎﺑﺮﺩﺍﺭﯼ ﺳﮯ ﮐﺮﻭﺍﯾﺎﺗﮭﺎ۔ﺩﻭ ﺳﺎﻟﮧ ﻋﻨﺎﯾﮧ ﺗﺐ ﺗﮏ ﮨﺎﻧﭙﺘﯽ ﮐﺎﻧﭙﺘﯽ،ﺷﻮﺭ ﻣﭽﺎﺗﯽ ﮔﺮﺗﯽ ﭘﮍﺗﯽ ﺍﺳﮑﮯ ﭘﺎﺱ ﺁﮔﺌﯽ ﺗﮭﯽ۔ﺩﻭﺭ ﺳﮯ ﭘﮭﯿﻠﮯ ﺍﺱ ﮐﮯ ﺑﺎﺯﻭﺅﮞ ﮐﻮ ﺩﯾﮑﮫ ﮐﺮ ﻭﮦ ﮐﭽﮫ ﺍﻭﺭ ﮐﮭﻠﮑﻼﺋﯽ ﺗﮭﯽ۔ﺍﺱ ﻧﮯ ﮨﻤﯿﺸﮧ ﮐﯽ ﻃﺮﺡ ﺍﺳﮯ ﺩﻭﺭ ﺳﮯ ﮔﻮﺩ ﻣﯿﮟ ﻟﯿﺎ ﺗﮭﺎ۔ﺑﮩﺖ ﺯﻭﺭ ﺳﮯ ﺍﺳﮯ ﺑﮭﯿﻨﭽﻨﮯ ﮐﮯ ﺑﻌﺪ ﺍﺱ ﻧﮯ ﺑﺎﺭﯼ ﺑﺎﺭﯼ ﺍﭘﻨﯽ ﺑﯿﭩﯽ ﮐﮯ ﺩﻭﻧﻮﮞ ﮔﺎﻝ ﭼﻮﻣﮯ۔ﺗﺐ ﺗﮏ ﺟﺒﺮﯾﻞ ﮈﺭﺍﺋﯿﻮﻧﮓ ﺳﯿﭧ ﮐﺎ ﺩﺭﻭﺍﺯﮦ ﺑﻨﺪ ﮐﺮ ﭼﮑﺎ ﺗﮭﺎ۔ﺍﺱ ﻧﮯ ﻋﻨﺎﯾﮧ ﮐﻮ ﺍﺏ ﻧﯿﭽﮯ ﺍﺗﺎﺭ ﺩﯾﺎ۔ﻭﮦ ﺩﻭﻧﻮﮞ ﺑﺎﭖ ﺳﮯ ﻣﻠﻨﮯ ﮐﮯ ﺑﻌﺪ ﺩﻭﺑﺎﺭﮦ ﻻﻥ ﻣﯿﮟ ﺑﮭﺎﮒ ﮔﺌﮯ ﺗﮭﮯ۔ﺟﮩﺎﮞ ﻭﮦ ﻣﻼﺯﻣﮧ ﮐﯽ ﺩﻭ ﺑﯿﭩﯿﻮﮞ ﮐﮯ ﺳﺎﺗﮫ ﻓﭧ ﺑﺎﻝ ﮐﮭﯿﻠﻨﮯ ﻣﯿﮟ ﻣﺼﺮﻭﻑ ﺗﮭﮯ۔ﻭﮦ ﭼﻨﺪ ﻟﻤﺤﮯ ﮈﺭﺍﺋﯿﻮﻭﮮ ﭘﺮ ﮐﮭﮍﺍ ﺍﭘﻨﮯ ﺩﯾﮑﮭﺘﺎ ﺭﮨﺎ۔ ﭘﮭﺮ ﮔﺎﮌﯼ ﮐﮯ ﭘﭽﮭﻠﮯ ﺣﺼﮯ ﺳﮯ ﺑﺮﯾﻒ ﮐﯿﺲ ﺍﻭﺭ ﺟﯿﮑﭧ ﻧﮑﺎﻟﺘﮯ ﮨﻮﮰ ﻭﮦ ﮔﮭﺮ ﮐﮯﺍﻧﺪﺭﻭﻧﯽ ﺩﺭﻭﺍﺯﮮ ﮐﯽ ﻃﺮﻑ ﺑﮍﮪ ﮔﯿﺎ۔ﺍﺳﮑﯽ ﺑﯿﻮﯼ ﺗﺐ ﺗﮏ ﺍﺳﮑﮯ ﺍﺳﺘﻘﺒﺎﻝ ﮐﮯ ﻟﯿﮯ ﺩﺭﻭﺍﺯﮮ ﺗﮏ ﺁﭼﮑﯽ ﺗﮭﯽ۔ﺩﻭﻧﻮﮞ ﮐﯽ ﻧﻈﺮﯾﮟ ﻣﻠﯽ ﺗﮭﯿﮟ۔ﻭﮦ ﺣﯿﺮﺍﻧﯽ ﺳﮯ ﺍﺳﮑﮯﭘﺎﺱ ﺁﺗﮯ ﮨﻮﮰ ﻣﺴﮑﺮﺍﺋﯽ۔
” ﺗﻢ ﺟﻠﺪﯼ ﺁﮔﺌﮯ ﺁﺝ؟ “ ﺍﺱ ﻧﮯ ﮨﻤﯿﺸﮧ ﮐﯽ ﻃﺮﺡ ﺍﺳﮯ ﮔﻠﮯ ﻟﮕﺎﺗﮯ ﮨﻮﮰ ﺍﺳﮑﮯ ﺑﺎﻟﻮﮞ ﮐﻮ ﮨﻮﻟﮯ ﺳﮯ ﺳﮩﻼﺗﮯ ﮨﻮﮰ ﮐﮩﺎ۔
” ﮨﺎﮞ ﺁﺝ ﺯﯾﺎﺩﮦ ﮐﺎﻡ ﻧﮩﯿﮟ ﺗﮭﺎ۔ “ ﻭﮦ ﺟﻮﺍﺑﺎًﺍﺳﮑﮯ ﮨﺎﺗﮫ ﺳﮯ ﺟﯿﮑﭧ ﻟﯿﺘﮯ ﮨﻮﮰ ﮨﻨﺴﯽ۔ﻭﮦ ﺟﻮﺍﺏ ﺩﯾﻨﮯ ﮐﯽ ﺑﺠﺎﮰ ﻣﺴﮑﺮﺍ ﺩﯾﺎ۔
ﺍﭘﻨﮯ ﺑﯿﮉﺭﻭﻡ ﻣﯿﮟ ﺍﺱ ﻧﮯ ﺟﺐ ﺗﮏ ﺍﭘﻨﺎ ﺑﺮﯾﻒ ﮐﯿﺲ ﺭﮐﮭﺎ ﺍﻭﺭ ﺟﻮﺗﮯ ﺍﺗﺎﺭﮮ،ﻭﮦ ﺍﺳﮑﮯ ﻟﯿﮯ ﭘﺎﻧﯽ ﻟﮯ ﺁﺋﯽ ﺗﮭﯽ۔
” ﺗﻤﮩﺎﺭﯼ ﻃﺒﻌﺖ ﭨﮭﯿﮏ ﮨﮯ؟ “ ﻭﮦ ﺍﺳﮑﮯ ﮨﺎﺗﮫ ﻣﯿﮟ ﭘﮑﮍﯼ ﭨﺮﮮ ﺳﮯ ﮔﻼﺱ ﺍﭨﮭﺎ ﺭﮨﺎ ﺗﮭﺎ،ﺟﺐ ﺍﺱ ﻧﮯ ﺍﭼﺎﻧﮏ ﭘﻮﭼﮭﺎ ﺗﮭﺎ۔ﺍﺱ ﻧﮯ ﭼﻮﻧﮏ ﮐﺮ ﺍﺳﮑﯽ ﺷﮑﻞ ﺩﯾﮑﮭﯽ۔
” ﮨﺎﮞ۔۔ﺑﻠﮑﻞ۔۔۔ﮐﯽﻭﮞ؟ “
” ﻧﮩﯿﮟ ﻣﺠﮭﮯ ﺗﮭﮑﮯ ﮨﻮﮰ ﻟﮕﮯ ﮨﻮ۔۔ﺍﺱ ﻟﯿﮯ ﭘﻮﭼﮫ ﺭﮨﯽ ﮨﻮﮞ “ ﺍﺱ ﻧﮯ ﺟﻮﺍﺏ ﺩﯾﻨﮯ ﮐﯽ ﺑﺠﺎﮰ ﮔﻼﺱ ﻣﻨﮧ ﺳﮯ ﻟﮕﺎ ﻟﯿﺎ۔ﻭﮦ ﭨﺮﮮ ﻟﮯ ﮐﺮ ﭼﻠﯽ ﮔﺌﯽ۔
ﮐﭙﮍﮮ ﺗﺒﺪﯾﻞ ﮐﺮ ﮐﮯ ﻭﮦ ﻻٶﻧﭻ ﻣﯿﮟ ﺁﮔﯿﺎ ﺗﮭﺎ۔ﻻﻥ ﻣﯿﮟ ﺍﺳﮑﮯ ﺩﻭﻧﻮﮞ ﺑﭽﮯ ﺍﺑﮭﯽ ﺑﮭﯽ ﻓﭩﺒﺎﻝ ﮐﮯﭘﯿﭽﮭﮯ ﺑﮭﺎﮔﺘﮯ ﭘﮭﺮ ﺭﮨﮯ ﺗﮭﮯ۔ﻭﮦ ﻻٶﻧﭻ ﮐﯽ ﮐﮭﮍﮐﯽ ﮐﮯ ﺳﺎﻣﻨﮯ ﺟﺎ ﮐﮯ ﮐﮭﮍﺍ ﮨﻮ ﮔﯿﺎ۔ﮐﺎﻧﮕﻮ ﮐﺎ ﻣﻮﺳﻢ ﺍﺳﮯ ﮐﺒﮭﯽ ﭘﺴﻨﺪ ﻧﮩﯿﮟ ﺭﮨﺎ ﺗﮭﺎ۔ﺍﻭﺭ ﺍﺳﮑﯽ ﻭﺟﮧ ﻭﮦ ﺑﺎﺭﺵ ﺗﮭﯽ،ﺟﻮ ﮐﺴﯽ ﻭﻗﺖ ﺑﮭﯽ ﺷﺮﻭﻉ ﮨﻮ ﺳﮑﺘﯽ ﺗﮭﯽ،ﺍﻭﺭ ﺟﻮ ﺷﺎﯾﺪ ﺍﺑﮭﯽ ﮐﭽﮫ ﺩﯾﺮ ﻣﯿﮟ ﭘﮭﺮ ﺳﮯ ﺷﺮﻭﻉ ﮨﻮﻧﮯ ﻭﺍﻟﯽ ﺗﮭﯽ۔
ﮐﻨﮓ ﺳﺎﺷﺎ ﻣﯿﮟ ﭘﭽﮭﻠﮯ ﮐﺌﯽ ﺩﻧﻮﮞ ﺳﮯ ﮨﺮ ﺭﻭﺯ ﺍﺳﯽ ﻭﻗﺖ ﺷﺮﻭﻉ ﮨﻮﺗﯽ ﺗﮭﯽ۔ﺳﮧ ﭘﮩﺮ ﮐﮯ ﺁﺧﺮﯼ ﭼﻨﺪ ﮔﮭﻨﭩﮯ۔۔۔ﺍﯾﮏ ﮈﮬﯿﮍ ﮔﮭﻨﭩﮯ ﮐﯽ ﺑﺎﺭﺵ۔۔ﺍﻭﺭﺍﺳﮑﮯ ﺑﻌﺪ ﻣﻄﻠﻊ ﺻﺎﻑ۔
” ﭼﺎﮰ “ ﻭﮦ ﺍﭘﻨﯽ ﺑﯿﻮﯼ ﮐﯽ ﺁﻭﺍﺯ ﭘﺮ ﺑﺎﮨﺮ ﻻﻥ ﻣﯿﮟ ﺩﯾﮑﮭﺘﮯ ﺑﮯﺍﺧﺘﯿﺎﺭ ﭘﻠﭩﺎ۔ﻭﮦ ﺍﯾﮏ ﭨﺮﮮ ﻣﯿﮟ ﭼﺎﮰ ﮐﮯ ﺩﻭ ﻣﮓ ﺍﻭﺭ ﺍﯾﮏ ﭘﻠﯿﭧ ﻣﯿﮟ ﭼﻨﺪ ﮐﻮﮐﯿﺰ ﻟﯿﮯ ﮐﮭﮍﯼ ﺗﮭﯽ۔
” ﺗﮭﯿﻨﮑﺲ “ ﻭﮦ ﺍﯾﮏ ﻣﮓ ﺍﻭﺭ ﺍﯾﮏ ﺑﺴﮑﭧ ﺍﭨﮭﺎﺗﮯ ﮨﻮﮰ ﻣﺴﮑﺮﺍﯾﺎ۔
” ﺑﺎﮨﺮ ﭼﻠﺘﮯ ﮨﯿﮟ ﺑﭽﻮﮞ ﮐﮯ ﭘﺎﺱ “ ﻭﮦ ﺑﺎﮨﺮ ﺟﺎﺗﮯ ﮨﻮﮰ ﺑﻮﻟﯽ۔
” ﻣﯿﮟ ﺗﮭﻮﮌﯼ ﺩﯾﺮﻣﯿﮟ ﺁﺗﺎ ﮨﻮﮞ ﮐﺴﯽ ﮐﺎﻝ ﮐﺎ ﺍﻧﺘﻈﺎﺭ ﮐﺮ ﺭﮨﺎ ﮨﻮﮞ “ ﻭﮎ ﺳﺮ ﮨﻼﺗﮯ ﮨﻮﮰ ﺑﺎﮨﺮ ﭼﻠﯽ ﮔﺌﯽ۔ﭼﻨﺪ ﻣﻨﭩﻮﮞ ﮐﮯ ﺑﻌﺪ ﺍﺱ ﻧﮯﺍﭘﻨﯽ ﺑﯿﻮﯼ ﮐﻮ ﻻﻥ ﻣﯿﮟ ﻧﻤﻮﺩﺍﺭ ﮨﻮﺗﮯ ﺩﯾﮑﮭﺎ۔ﻻﻥ ﮐﮯ ﺍﯾﮏ ﮐﻮﻧﮯ ﻣﯿﮟ ﭘﮍﯼ ﮐﺮﺳﯽ ﭘﺮ ﺑﯿﭩﮭﺘﮯ ﮨﻮﮰ،ﻭﮦ ﮐﮭﮍﮐﯽ ﻣﯿﮟ ﺍﺳﮯ ﺩﯾﮑﮫ ﮐﺮ ﻣﺴﮑﺮﺍﺋﯽ ﺗﮭﯽ۔ﻭﮦ ﺑﮭﯽ ﺟﻮﺍﺑﺎًﻣﺴﮑﺮﺍ ﺩﯾﺎ ﺗﮭﺎ۔ﭼﺎﮰ ﮐﺎ ﻣﮓ ﺍﻭﺭ ﺑﺴﮑﭧ ﮐﯽ ﭘﻠﯿﭧ ﺍﺏ ﻻﻥ ﻣﯿﮟ ﺍﺳﮑﮯ ﺳﺎﻣﻨﮯ ﭘﮍﮮ ﭨﯿﺒﻞ ﭘﺮ ﭘﮍﮮ ﺗﮭﮯ۔ﺍﺱ ﻧﮯ ﺑﺎﺭﯼ ﺑﺎﺭﯼ ﺟﺒﺮﯾﻞ ﺍﻭﺭ ﻋﻨﺎﯾﮧ ﮐﻮﺍﺳﮑﮯ ﭘﺎﺱ ﺁﮐﺮ ﺑﺴﮑﭧ ﻟﯿﺘﮯ ﺩﯾﮑﮭﺎ۔ﺟﺒﺮﯾﻞ ﻧﮯ ﺩﻭ ﺑﺴﮑﭧ ﻟﮯ ﮐﺮ ﻧﻮﻧﻮ ﺍﻭﺭ ﻟﻮﯾﺎ ﮐﻮ ﺩﯾﺌﮯ ﺗﮭﮯ۔ﭼﺎﺭﻭﮞ ﺑﭽﮯ ﺍﯾﮏ ﺑﺎﺭ ﭘﮭﺮ ﻓﭩﺒﺎﻝ ﺳﮯ ﮐﮭﯿﻠﻨﮯ ﻟﮕﮯ ﺗﮭﮯ۔ ﺍﺱ ﮐﯽ ﺑﯿﻮﯼ ﺍﺏ ﻣﮑﻤﻞ ﻃﻮﺭ ﭘﺮ ﺑﭽﻮﮞ ﮐﯽ ﻃﺮﻑ ﻣﺘﻮﺟﮧ ﺗﮭﯽ۔ﭼﺎﮰ ﮐﮯ ﮔﮭﻮﻧﭧ ﻟﯿﺘﮯ ﮨﻮﮰ ﺩﺍﺋﯿﮟ ﮐﻨﺪﮬﮯ ﭘﺮ ﭘﮍﯼ ﺷﺎﻝ ﺳﮯ ﺍﭘﻨﮯ ﺟﺴﻢ ﮐﺎ ﻭﮦ ﺣﺼﮧ ﭼﮭﭙﺎﮰ ﺟﮩﺎﮞ ﺍﯾﮏ ﻧﺌﯽ ﺯﻧﺪﮔﯽ ﭘﺮﻭﺭﺵ ﭘﺎ ﺭﮨﯽ ﺗﮭﯽ۔ﺍﺳﮑﮯ ﮨﺎﮞ ﺗﯿﺴﺮﺍ ﺑﭽﮧ ﮨﻮﻧﮯ ﺟﺎ ﺭﮨﺎ ﺗﮭﺎ۔ﻭﮦ ﻓﭩﺒﺎﻝ ﮐﮯ ﭘﯿﭽﮭﮯ ﺑﮭﺎﮔﺘﮯ ﺑﭽﻮﮞ ﮐﻮ ﺩﯾﮑﮭﺘﮯ ﮨﻮﮰ ﻭﻗﺘﺎًﻓﻮﻗﺘﺎً ﮨﻨﺲ ﺭﮨﯽ ﺗﮭﯽ ﺍﻭﺭ ﭘﮭﺮ ﺍﻧﮩﯿﮟ ﮨﺪﺍﯾﺎﺕ ﺩﯾﻨﮯ ﻟﮕﯽ۔
ﻻٶﻧﭻ ﮐﯽ ﮐﮭﮍﮐﯽ ﮐﮯ ﺳﺎﻣﻨﮯ ﮐﮭﮍﮮ ﺑﺎﮨﺮ ﺩﯾﮑﮭﺘﮯ ﮨﻮﮰ ﻭﮦ ﺟﯿﺴﮯ ﺍﯾﮏ ﻓﻠﻢ ﺩﯾﮑﮫ ﺭﮨﺎ ﺗﮭﺎ۔۔۔ﺍﯾﮏ ﻣﮑﻤﻞ ﻓﻠﻢ۔۔ﺍﺱ ﮐﮯ ﮨﺎﺗﮫ ﻣﯿﮟ ﭘﮑﮍﯼ ﭼﺎﮰ ﭨﮭﻨﮉﯼ ﮨﻮ ﭼﮑﯽ ﺗﮭﯽ۔ﺍﯾﮏ ﮔﮩﺮﮦ ﺳﺎﻧﺲ ﻟﮯ ﮐﺮ ﺍﺱ ﻧﮯ ﻣﮓ ﻭﮨﯽ ﺭﮐﮫ ﺩﯾﺎ۔ﺍﺳﮑﯽ ﺑﯿﻮﯼ ﮐﺎ ﺍﻧﺪﺍﺯﮦ ﭨﮭﯿﮏ ﺗﮭﺎ۔ﻭﮦ ﭨﮭﯿﮏ ﻧﮩﯿﮟ ﺗﮭﺎ۔
ﻭﮦ ﮐﮭﮍﮐﯽ ﮐﮯ ﺷﯿﺸﮯ ﺳﮯ ﺑﺎﮨﺮ ﻻﻥ ﻣﯿﮟ ﻧﻈﺮ ﺁﻧﮯ ﻭﺍﻟﯽ ﺍﯾﮏ ﺧﻮﺵ ﻭ ﺧﺮﻡ ﻓﯿﻤﻠﯽ ﮐﻮ ﺩﯾﮑﮫ ﺭﮨﺎ ﺗﮭﺎ۔ﺁﺋﯿﮉﯾﻞ ﭘﺮﻓﯿﮑﭧ ﻻﺋﻒ ﮐﺎﺍﯾﮏ ﻣﻨﻈﺮ۔۔۔ﺍﺳﮑﮯ ﺑﭽﻮﮞ ﮐﮯ ﺑﭽﭙﻦ ﮐﮯ ﻗﯿﻤﺖ ﻟﻤﺤﮯ۔۔ﺍﭘﻨﮯ ﺍﻧﺪﺭ ﺍﯾﮏ ﻧﻨﮭﺎ ﻭﺟﻮﺩ ﻟﯿﮯ ﺍﺳﮑﯽ ﺑﯿﻮﯼ ﮐﺎ ﻣﻄﻤﺌﻦ ﻭ ﻣﺴﺮﻭﺭ ﭼﮩﺮﮦ۔ﭼﻨﺪ ﭘﯿﭙﺮﺯ ﮐﻮ ﭘﮭﺎﮌ ﮐﺮ ﭘﮭﯿﻨﮏ ﺩﯾﻨﮯ ﺳﮯ ﯾﮧ ﺯﻧﺪﮔﯽ ﺍﯾﺴﮯ ﮨﯽ ﺧﻮﺑﺼﻮﺭﺕ ﺭﮦ ﺳﮑﺘﯽ ﺗﮭﯽ۔ﻭﮦ ﺍﯾﮏ ﻟﻤﺤﮯ ﮐﮯ ﻟﯿﮯ ﮐﻤﺰﻭﺭ ﭘﮍﺍ۔ﺍﻭﻻﺩ ﺍﻭﺭ ﺑﯿﻮﯼ ﻭﺍﻗﻌﯽ ﺍﻧﺴﺎﻥ ﮐﯽ ﺁﺯﻣﺎﺋﺶ ﮨﻮﺗﮯ ﮨﯿﮟ۔ ﺍﻧﮑﮯ ﻟﯿﮯ ﺟﻨﮩﯿﮟ ” ﻣﺎﻝ “ ﺁﺯﻣﺎﻧﮯ ﺳﮯ ﻗﺎﺻﺮ ﺭﮨﺘﺎ ﺗﮭﺎ۔
ﺍﻧﮭﯿﮟ ﺩﯾﮑﮭﺘﮯ ﮬﻮﺋﮯ ﺍﺑﮭﯽ ﺑﮭﯽ ﻭﮦ ﺍﺱ ﺑﺎﺕ ﮐﺎ ﺷﮑﺎﺭ ﮬﻮ ﺭﮬﺎ ﺗﮭﺎ۔ﺍﯾﮏ ﻣﺮﺩ،ﺍﯾﮏ ﺷﻮﮨﺮ ﺍﻭﺭ ﺍﯾﮏ ﺑﺎﭖ ﮐﮯ ﻃﻮﺭ ﭘﺮ ﻻﻥ ﻣﯿﮟ ﻣﻮﺟﻮﺩ ﺍﺱ ﮐﯽ ﻓﯿﻤﻠﯽ ﺍﺱ ﮐﯽ ﺫﻣﮧ ﺩﺍﺭﯼ ﺗﮭﯽ۔ﻭﮦ ﺍﻥ ﺳﮯ ُُﺧﻮﻥ،،ﺍﻭﺭ ُﻣﺤﺒﺖ “ ﮐﮯ ﺭﺷﺘﻮﮞ ﺳﮯ ﺟﮍﺍ ﮬﻮﺍ ﺗﮭﺎ۔
ﺍﯾﮏ ﻟﻤﺤﮧ ﮐﮯ ﻟﯿﮯ ﺍﺱ ﮐﯽ ﻧﻈﺮ ﺑﮭﭩﮏ ﮐﺮ ﺟﺒﺮﻳﻞ ﺍﻭﺭ ﻋﻨﺎﻳﮧ ﮐﮯ ﺳﺎﺗﮫ ﮐﮭﻴﻠﻨﮯ ﻭﺍﻟﯽ ﭼﺎﺭ ﺍﻭﺭ ﭼﮭﮯ ﺳﺎﻝ ﮐﯽ ﺍﻥ ﺩﻭ ﺳﯿﺎﮦ ﻓﺎﺭﻡ ﻻﻏﺮ ﺑﭽﻴﻮﮞ ﭘﺮ ﮔﺊ ﺗﮭﯽ۔ﺍﺱ ﮐﮯ ﺧﻮﺑﺼﻮﺭﺕ ﮔﻮﺭﮮ ﺑﭽﻮﮞ ﮐﮯ ﺳﺎﺗﮫ ﮐﮭﯿﻠﺘﮯ ﮬﻮﺋﮯ ﺍﻭﺭ ﺑﮭﯽ ﺯﯾﺎﺩﮦ ﺑﺪ ﺻﻮﺭﺕ ﻟﮓ ﺭﮬﯽ ﺗﮭﯽ۔ﮨﻴﮉﯼ ﮐﯽ ﻭﮦ ﺩﻭﻧﻮﮞ ﺑﻴﭩﻴﺎﮞ ﺍﺱ ﻭﻗﺖ ﻣﻨﺎﺳﺐ ﻟﺒﺎﺱ ﺍﻭﺭ ﺟﻮﺗﻮﮞ ﻣﯿﮟ ﻣﻠﺒﻮﺱ ﺗﮭﯽ ﺗﻮ ﺍﺱ ﮐﯽ ﻭﺟﮧ ﮨﻴﮉﯼ ﮐﺎ ﺍﻥ ﮐﮯ ﮔﮭﺮ ﮐﺎﻡ ﮐﺮﻧﺎ ﺗﮭﺎ۔ﻭﺭﻧﮧ ﻭﮦ ﮔﻮﻣﺒﮯ ﮐﮯ ﻏﺮﻳﺒﻮﮞ ﮐﮯ ﮨﺰﺍﺭﻭﮞ ﺑﭽﻮﮞ ﮐﯽ ﻃﺮﺡ ﺍﭘﻨﺎ ﺑﭽﭙﻦ ﮐﺴﯽ ﺑﮭﯽ ﺳﮩﻮﻟﺖ ﮐﮯ ﺑﻐﯿﺮ ﭼﺎﺋﻠﮉ ﻟﻴﺒﺮ ﮐﮯ ﻃﻮﺭ ﭘﺮ ﮔﺰﺍﺭ ﺭﮬﯽ ﮬﻮﺗﯽ۔ﺍﻭﺭ ﻭﮬﺎﮞ ﺳﮯ ﭼﻠﮯ ﺟﺎﻧﮯ ﮐﮯ ﺑﻌﺪ ﺍﻥ ﮐﺎ ﻣﺴﺘﻘﺒﻞ ﺑﮭﯽ ﭘﮭﺮ ﮐﺴﯽ ﻏﯿﺮ ﯾﻘﯿﻨﯽ ﺻﻮﺭﺕ ﺣﺎﻝ ﮐﺎ ﺷﮑﺎﺭ ﮬﻮ ﺟﺎﺗﺎ۔ﺑﺎﻟﮑﻞ ﺍﺳﯽ ﻃﺮﺡ ﺟﺲ ﻃﺮﺡ ﻣﻐﺮﺑﯽ ﺍﺳﺘﻌﻤﺎﺭﯾﺖ ﮐﮯ ﻭﮬﺎﮞ ﺁﺟﺎﻧﮯ ﺳﮯ ﭘﻮﺭﺍ ﺍﻓﺮﯾﻘﮧ ﺑﮯ ﯾﻘﯿﻨﯽ ﺍﻭﺭ ﻋﺪﻡ ﺍﺳﺘﺤﮑﺎﻡ ﮐﺎ ﭼﮑﺎﺭ ﮬﻮ ﺭﮬﺎ ﺗﮭﺎ۔ﻭﮦ ﺍﺳﯽ ﻣﻐﺮﺑﯽ ﺍﺳﺘﻌﻤﺎﺭﯾﺖ ﮐﮯ ﻧﻤﺎﺋﻨﺪﮮ ﮐﮯ ﻃﻮﺭ ﭘﺮ ﻭﮬﺎﮞ ﻣﻮﺟﻮﺩ ﺗﮭﺎ۔
ﺍﺱ ﻧﮯ ﺍﭘﻨﯽ ﺗﯿﺲ ﺳﺎﻟﮧ ﻣﻼﺯﻣﮧ ﮐﻮ ﮈﺭﺍﺋﯿﻮﮮ ﭘﺮ ﮐﮭﮍﮮ ﺍﭘﻨﯽ ﺑﭽﻴﻮﮞ ﮐﯽ ﮐﺴﯽ ﮐﮏ ﭘﺮ ﺗﺎﻟﯿﺎﮞ ﺑﺠﺎﺗﮯ ﺩﯾﮑﮭﺎ۔ﺑﻠﮑﻞ ﻭﯾﺴﮯ ﮬﯽ ﺟﯿﺴﮯ ﻻﻥ ﮐﮯ ﺍﯾﮏ ﮐﻮﻧﮯ ﻣﯿﮟ ﺍﯾﮏ ﮐﺮﺳﯽ ﭘﺮ ﺑﯿﭩﮭﯽ ﺍﺱ ﮐﯽ ﺑﯿﻮﯼ ﺍﭘﻨﮯ ﺩﻭﻧﻮﮞ ﺑﭽﻮﮞ ﮐﻮ ﮐﮭﯿﻠﺘﮯ ﺩﯾﮑﮫ ﮐﺮ ﺧﻮﺵ ﮬﻮ ﺭﮬﯽ ﺗﮭﯽ۔ﮨﻴﮉﯼ ﻧﮯ ﺧﻮﺩ ﮐﺒﮭﯽ ﺑﭽﭙﻦ ﻧﮭﯽ ﻭﯾﮑﮭﺎ ﺗﮭﺎ۔ﻭﮦ ﭘﯿﺪﺍ ﮬﻮﻧﮯ ﮐﮯ ﻓﻮﺭﻥ ﺑﻌﺪ ﺑﺎﻟﻎ ﮬﻮﮔﺊ ﺗﮭﯽ۔ﺍﻓﺮﯾﻘﮧ ﮐﮯ ﻧﻮﮮ ﻓﯿﺼﺪ ﺑﭽﻮﮞ ﮐﯽ ﻃﺮﺡ ﺟﻨﮭﯿﮟ ﺑﭽﭙﻦ ﯾﺎ ﺑﻘﺎﺋﮯ ﺯﻧﺪﮔﯽ ﻣﯿﮟ ﺳﮯ ﺍﯾﮏ ﭼﯿﺰ ﻣﻞ ﺳﮑﺘﯽ ﮬﮯ۔ﺑﭽﭙﻦ ﺑﮩﺮﺣﺎﻝ ﺍﻥ ﺁﭘﺸﻨﺰ ﻣﯿﮟ ﺳﮯ ﺗﮭﺎ ﺟﻮ ﭘﺮﯾﻤﯿﻢ ﮐﯽ ﻟﺴﭧ ﻣﯿﮟ ﺁﺗﮯ ﺗﮭﮯ۔ﺍﻭﺭ ﺍﯾﺴﺎ ﮬﯽ ﺁﭘﺸﻦ ﺍﭘﻨﮯ ﺑﭽﻮﮞ ﮐﻮ ﺩﯾﻨﮯ ﮐﮯ ﻟﯿﮯ ﮨﯿﮉﯼ ﺳﻨﮕﻞ ﭘﯿﺮﻧﭧ ﮐﮯ ﻃﻮﺭ ﭘﺮ ﺟﺎﻥ ﺗﻮﮌ ﻣﺤﻨﺖ ﮐﺮ ﺭﮬﯽ ﺗﮭﯽ۔ﻭﮦ ﺍﻥ ﮐﮯ ﺳﺎﺗﮫ ﺍﻧﺴﺎﻧﯿﺖ ﮐﮯ ﺭﺷﺘﮯ ﮐﮯ ﺳﺎﺗﮫ ﻣﻨﺴﻠﮏ ﺗﮭﺎ۔
ﺍﯾﮏ ﻟﻤﺒﮯ ﻋﺮﺻﮯ ﮐﮯ ﺑﻌﺪ ﻭﮦ ﭘﮩﻠﯽ ﺑﺎﺭ ﮐﮭﮍﺍ ﺍﭘﻨﯽ ﺍﻭﻻﺩ ﺍﻭﺭ ﺍﺱ ﻋﻮﺭﺕ ﮐﯽ ﺍﻭﻻﺩ ﮐﺎ ﻣﻮﺍﺯﻧﮧ ﮐﺮ ﺭﮬﺎ ﺗﮭﺎ۔ﺍﭘﻨﯽ ﺑﯿﻮﯼ ﮐﯽ ﺯﻧﺪﮔﯽ ﺍﻭﺭ ﺍﺱ ﻋﻮﺭﺕ ﮐﯽ ﺯﻧﺪﮔﯽ ﮐﺎ ﻣﻮﺍﺯﻧﮧ ﮐﺮ ﺭﮬﺎ ﺗﮭﺎ۔ﺣﺎﻻﻧﮑﮧ ﻭﮦ ﺍﺝ ﻭﮬﺎﮞ ﺍﺱ ﮐﺎﻡ ﮐﮯ ﻟﯿﮯ ﻧﮭﯽ ﮐﮭﮍﺍ ﺗﮭﺎ۔
ﺍﺱ ﮐﺎ ﻓﻮﻥ ﺑﺠﻨﮯ ﻟﮕﺎ ﺗﮭﺎ۔ﺍﺱ ﻧﮯ ﮔﮭﺮﺍ ﺳﺎﻧﺲ ﻟﮯ ﮐﺮ ﮐﺎﻟﺮ ﺁﺉ ﮈﯼ ﺩﯾﮑﮭﯽ۔ﺍﺱ ﮐﺎ ﺟﺴﻢ ﺍﯾﮏ ﻟﻤﺤﮯ ﮐﮯ ﻟﯿﮯ ﺗﻨﺎ ﺗﮭﺎ۔ﮐﺎﻝ ﮐﺮﺗﮯ ﮬﻮﺋﮯ ﺍﺳﮯ ﺍﻧﺪﺍﺯﮦ ﺗﮭﺎ ﮐﮯ ﺩﻭﺳﺮﯼ ﻃﺮﻑ ﻭﮦ ﮐﺲ ﺳﮯ ﺑﺎﺕ ﮐﺮﻧﮯ ﻭﺍﻻ ﮬﮯ۔ﺍﺳﮯ ﺍﭘﻨﯽ ﻓﯿﻤﻠﯽ ﺍﻭﺭ ﺍﺳﺘﻌﻔﯽ ﻣﯿﮟ ﺳﮯ ﺍﯾﮏ ﮐﺎ ﺍﻧﺘﺨﺎﺏ ﮐﺮﻧﺎ ﭘﮍﺍ .

---

ﭘﺮﯾﺰﯾﮉﻧﭧ ﻧﮯ ﮐﺎﻓﯽ ﮐﺎ ﺧﺎﻟﯽ ﮐﭗ ﻣﯿﺰ ﭘﺮ ﺭﮐﮫ ﺩﯾﺎ۔ﭘﭽﮭﻠﮯ ﭘﺎﻧﭻ ﮔﮭﻨﭩﮯ ﻣﯿﮟ ﯾﮧ ﮐﺎﻓﯽ ﮐﺎ ﺁﭨﮭﻮﺍﮞ ﮐﭗ ﺗﮭﺎ۔ﺟﻮ ﺍﺱ ﻧﮯ ﭘﯿﺎ ﺗﮭﺎ۔ﺍﺱ ﻧﮯ ﺯﻧﺪﮔﯽ ﻣﯿﮟ ﮐﺒﮭﯽ ﺍﺗﻨﯽ ﮐﺎﻓﯽ ﻧﮭﯿﮟ ﭘﯽ ﺗﮭﯽ۔ﻣﮕﺮ ﺯﻧﺪﮔﯽ ﻣﯿﮟ ﮐﺒﮭﯽ ﺍﺳﮯ ﺍﺱ ﻃﺮﺡ ﮐﺎ ﻓﯿﺼﻠﮧ ﺑﮭﯽ ﻧﮭﯿﮟ ﮐﺮﻧﺎ ﭘﮍﺍ ﺗﮭﺎ۔ﻭﮦ between tha devil and blue see ‏( ﺍﮔﮯ ﮔﮍﮬﺎ ﭘﯿﭽﮭﮯ ﮐﮭﺎﺉ : ‏) ﻭﺍﻟﯽ ﺻﻮﺭﺕ ﺣﺎﻝ ﺳﮯ ﺩﻭ ﭼﺎﺭ ﺗﮭﺎ۔ﺍﻭﺭ ﺍﭘﻨﮯ ﻋﮩﺪ ﺻﺪﺍﺭﺕ ﮐﮯ ﺍﯾﮏ ﺑﮩﺖ ﻏﻠﻂ ﻭﻗﺖ ﭘﺮ ﺍﯾﺴﯽ ﺻﻮﺭﺕ ﺣﺎﻝ ﺳﮯ ﺩﻭ ﭼﺎﺭ ﺗﮭﺎ۔ﮐﺎﻧﮕﺮﯾﺲ ﮐﮯ ﺍﻟﯿﮑﺸﻨﺰ ﺳﺮ ﭘﺮ ﺗﮭﮯ . ۔ﺍﻭﺭ ﯾﮧ ﻓﯿﺼﻠﮧ ﺍﻥ ﺍﻟﯿﮑﺸﻨﺰ ﮐﮯ ﻧﺘﺎﺋﺞ ﭘﺮ ﺑﺮﯼ ﻃﺮﺡ ﺍﺛﺮ ﺍﻧﺪﺍﺯ ﮬﻮﺗﺎ۔ﺑﺮﯼ ﻃﺮﺡ ﮐﺎ ﻟﻔﻆ ﻧﺎ ﮐﺎﻓﯽ ﺗﮭﺎ۔ﺍﺱ ﮐﯽ ﭘﺎﺭﭨﯽ ﺩﺭﺍﺻﻞ ﺍﻟﯿﮑﺸﻦ ﮬﺎﺭ ﺟﺎﺗﯽ۔ﻟﯿﮑﻦ ﺍﺱ ﻓﯿﺼﻠﮯ ﮐﻮ ﻧﺎ ﮐﺮﻧﮯ ﮐﮯ ﺍﺛﺮﺍﺕ ﺯﯾﺎﺩﮦ ﻣﻀﺮ ﺗﮭﮯ۔ﻭﮦ ﺍﺳﮯ ﺟﺘﻨﺎ ﭨﺎﻝ ﺳﮑﺘﺎ ﺗﮭﺎ۔ﭨﺎﻝ ﭼﮑﺎ ﺗﮭﺎ۔ﮐﯿﮭﻨﭻ ﺳﮑﺘﺎ ﺗﮭﺎ ﮐﮭﯿﻨﭻ ﭼﮑﺎ ﺗﮭﺎ۔ﺍﺏ ﺍﺱ ﮐﮯ ﮐﮯ ﭘﺎﺱ ﺿﺎﺋﻊ ﮐﺮﻧﮯ ﮐﮯ ﻟﯿﮯ ﻣﺰﯾﺪ ﻭﻗﺖ ﻧﮭﯽ ﺗﮭﺎ۔ﮐﭽﮫ ﻻﺑﯿﺰ ﮐﯽ ﻗﻮﺕ ﺑﺮﺩﺍﺷﺖ ﺟﻮﺍﺏ ﺩﮮ ﺭﮬﯽ ﺗﮭﯽ۔ﮐﭽﮫ ﭘﺎﻭﺭ ﭘﻠﯿﺌﺮﺯ ﺩﺑﮯ ﻟﻔﻈﻮﮞ ﻣﯿﮟ ﺍﭘﻨﯽ ﻧﺎﺭﺍﺿﯽ ﺍﻭﺭ ﺷﺪﻳﺪ ﺭﺩ ﻋﻤﻞ ﺳﮯ ﺍﺳﮯ ﺧﺒﺮﺩﺍﺭ ﮐﺮ ﺭﮬﮯ ﺗﮭﮯ۔ﻓﺎﺭﻥ ﺁﻓﺲ ﺍﺳﮯ ﻣﺴﻠﺴﻞ ﻣﺘﻌﻠﻘﮧ ﻣﻤﺎﻟﮏ ﺳﮯ ﺍﻣﺮﯾﮑﻦ ﺳﻔﺎﺭﺕ ﮐﺎﺭﻭﮞ ﮐﻮ ﺗﻘﺮﯾﺒﺎً ﺭﻭﺯﺍﻧﮧ ﮐﯽ ﺑﻨﯿﺎﺩ ﭘﺮ ﺁﻧﮯ ﻭﺍﻟﮯ ﮐﻮﺭﯾﺌﺮﺯ ﺍﻭﺭ ﮐﻨﺴﺮﺯ ﮐﮯ ﺑﺎﺭﮮ ﻣﯿﮟ ﺁﮔﺎﻩ ﮐﺮ ﺭﮬﮯ ﺗﮭﮯ۔ﺍﻭﺭ ﺧﻮﺩ ﻭﮦ ﺩﻭ ﮨﻔﺘﮯ ﮐﮯ ﺩﻭﺭﺍﻥ ﻣﺴﺘﻘﻞ ﮨﺎﭦ ﻻﺋﻦ ﭘﺮ ﺭﮨﺎ ﺗﮭﺎ۔۔۔۔
۔۔۔۔۔۔۔۔۔۔

ﺍﻣﺮﯾﮑﺎ ﮐﯽ ﺑﯿﻦ ﺍﻻﻗﻮﺍﻣﯽ ﭘﺴﭙﺎﺋﯽ ﺍﯾﮏ ﺍﻟﯿﮑﺸﻦ ﮨﺎﺭﻧﮯ ﺳﮯ ﺯﯾﺎﺩﮦ ﺳﻨﮕﯿﻦ ﺗﮭﯽ۔ﻣﮕﺮ ﺍﺱ ﮐﮯ ﭘﺎﺱ ﺁﭘﺸﻨﺰ ﻧﺎ ﮬﻮﻧﮯ ﮐﮯ ﺑﺮﺍﺑﺮ ﺗﮭﮯ۔ﺍﭘﻨﯽ ﮐﯿﺒﻨﭧ ﮐﮯ ﭼﮭﮯ ﺍﮬﻢ ﺗﺮﯾﻦ ﻣﻤﺒﺮ ﮐﮯ ﺳﺎﺗﮫ ﭘﺎﻧﭻ ﮔﮭﻨﭩﮯ ﮐﯽ ﻃﻮﯾﻞ ﮔﻔﺖ ﻭ ﺗﻨﻘﯿﺪ ﮐﮯ ﺑﻌﺪ ﻭﮦ ﺟﯿﺴﮯ ﺗﮭﮏ ﮐﺮ ﭘﻨﺪﺭﮦ ﻣﻨﭧ ﮐﺎ ﺍﯾﮏ ﻭﻗﻔﮧ ﻟﯿﻨﮯ ﭘﺮ ﻣﺠﺒﻮﺭ ﮨﻮ ﮔﯿﺎ ﺗﮭﺎ۔ﺍﻭﺭ ﺍﺱ ﻭﻗﺖ ﻭﮦ ﺍﺱ ﻭﻗﻔﮯ ﮐﮯ ﺁﺧﺮﯼ ﮐﭽﮫ ﻣﻨﭧ ﮔﺰﺍﺭ ﺭﮬﺎ ﺗﮭﺎ۔
ﭨﯿﺒﻞ ﺳﮯ ﮐﭽﮫ ﭘﯿﭙﺮ ﺍﭨﮭﺎ ﮐﺮ ﻭﮦ ﭘﮭﺮ ﺳﮯ ﺩﯾﮑﮭﻨﮯ ﻟﮕﺎ۔ﻭﮦ ﮐﯿﺒﻨﭧ ﺁﻓﺲ ﻣﯿﮟ ﭘﺎﻧﭻ ﮔﮭﻨﭩﮯ ﮬﻮﻧﮯ ﻭﺍﻟﯽ ﻃﻮﯾﻞ ﻣﯿﭩﻨﮓ ﮐﮯ ﺑﻠﭧ ﭘﻮﺍﺋﻨﭩﺲ ﺗﮭﮯ۔ﺍﺱ ﮐﯽ ﮐﯿﺒﻨﭧ ﮐﮯ ﻭﮦ ﭼﮫ ﻣﻤﺒﺮ ﺩﻭ ﮔﺮﻭﭘﺲ ﻣﯿﮟ ﺑﭩﮯ ﮬﻮﺋﮯ ﺗﮭﮯ۔ﻭﮦ ﻣﺨﺘﻠﻒ ﻻﺑﯿﺰ ﮐﮯ ﺳﺎﺗﮫ ﺗﮭﮯ ﻭﮦ ﭨﺎﺉ ﺍﺱ ﮐﮯ ﮐﺎﺳﭩﻨﮓ ﻭﻭﭦ ﺳﮯ ﭨﻮﭨﻨﮯ ﻭﺍﻟﯽ ﺗﮭﯽ ﺍﻭﺭ ﯾﮩﯽ ﭼﯿﺰ ﺍﺳﮯ ﺍﺗﻨﺎ ﺑﮯ ﺑﺲ ﮐﺮ ﺭﮬﯽ ﺗﮭﯽ۔ﺍﺱ ﻓﯿﺼﻠﮯ ﮐﯽ ﺯﻣﮧ ﺩﺍﺭﯼ ﮨﺮ ﮨﺎﻝ ﻣﯿﮟ ﺍﺳﯽ ﮐﮯ ﺯﻣﮧ ﺗﮭﯽ ﯾﮧ ﺍﺱ ﮐﮯ ﻋﮩﺪ ﺻﺪﺍﺭﺕ ﻣﯿﮟ ﮨﻮﺗﺎ ﺍﻭﺭ ﺍﺳﮑﯽ ﮐﺎﺳﭩﻨﮓ ﻭﻭﭦ ﻣﯿﮟ ﮬﻮﺗﺎ۔ﺍﮔﺮ ﮬﻮﺗﺎ ﺗﻮ۔ﺍﻭﺭ ﺍﺱ ﺫﻣﮧ ﺩﺍﺭﯼ ﮐﻮ ﻭﮦ ﻻﮐﮫ ﮐﻮﺷﺶ ﮐﮯ ﺑﺎﺟﻮﺩ ﮐﮭﯿﮟ ﺍﻭﺭ ﻣﻨﺘﻘﻞ ﻧﮭﯽ ﮐﺮ ﭘﺎﺭﮬﺎ ﺗﮭﺎ۔
ﺍﺱ ﻧﮯ ﮬﺎﺗﮫ ﻣﯿﮟ ﭘﮑﮍﮮ ﮐﺎﻏﺬﺍﺕ ﮐﻮ ﺍﯾﮏ ﺑﺎﺭ ﭘﮭﺮ ﺩﯾﮑﮭﻨﺎ ﺷﺮﻭﻉ ﮐﯿﺎ۔ﻭﮦ ﺑﻠﭩﺲ ﭘﻮﺍﺋﻨﭩﺲ ﺍﺱ ﻭﻗﺖ ﺍﺱ ﮐﮯ ﻟﯿﮯ ﺑﻠﭩﺲ ﮐﺎ ﮐﺎﻡ ﮐﺮ ﺭﮬﮯ ﺗﮭﮯ۔
ﺑﺮﯾﮏ ﮐﮯ ﺁﺧﺮﯼ ﺩﻭ ﻣﻨﭩﺲ ﺗﮭﮯ ﺟﺐ ﻭﮦ ﻓﯿﺼﻠﮧ ﭘﺮ ﭘﮩﻨﭻ ﮔﯿﺎ ﺗﮭﺎ۔ﺑﻌﺾ ﺩﻓﻌﮧ ﺗﺎﺭﯾﺦ ﺑﻨﺎﻧﮯ ﻭﺍﻟﻮﮞ ﮐﮯ ﮨﺎﺗﮭﻮﮞ ﮐﻮ ﺟﮑﮍ ﮐﺮ ﺧﻮﺩ ﮐﻮ ﺑﻨﻮﺍﺗﯽ ﮬﮯ۔
ﺍﻭﺭ ﺗﺎﺭﯾﺦ 17 ﺟﻨﻮﺭﯼ 2030 ﮐﻮ ﺑﮭﯽ ﯾﮩﯽ ﮐﺮ ﺭﮬﯽ ﺗﮭﯽ۔
…………………………………………

ﻭﮦ ﯾﺨﻨﯽ ﻣﯿﮟ ﮈﻭﺑﮯ ﮬﻮﺋﮯ ﺭﻭ ﮐﮯ ﭨﮑﮍﮮ ﭼﻤﭽﮑﮯ ﺳﺎﺗﮫ ﺍﭘﻨﮯ ﺑﺎﭖ ﮐﻮ ﮐﮭﻼ ﺭﮬﺎ ﺗﮭﺎ۔ﺍﺱ ﮐﺎ ﺑﺎﭖ ﺍﯾﮏ ﻟﻘﻤﮯ ﮐﻮ ﭼﺒﺎﻧﮯ ﺍﻭﺭ ﻧﮑﻠﻨﮯ ﻣﯿﮟ ﺩﻭ ﻣﻨﭧ ﻟﮕﺎ ﺭﮬﺎ ﺗﮭﺎ۔ﻭﮦ ﮨﺮ ﺑﺎﺭ ﭘﯿﺎﻟﮯ ﻣﯿﮟ ﺻﺮﻑ ﺍﺗﻨﯽ ﮬﯽ ﯾﺨﻨﯽ ﮈﺍﻟﺘﺎ ﺟﺲ ﻣﯿﮟ ﺍﯾﮏ ﭨﮑﮍﺍ ﮈﻭﺏ ﺟﺎﺗﺎ۔ﭘﮭﺮ ﭼﻤﭽﮯ ﮐﮯ ﺳﺎﺗﮫ ﺍﺱ ﭨﮑﮍﮮ ﮐﻮ ﺍﭘﻨﮯ ﺑﺎﭖ ﮐﮯ ﻣﻨﮧ ﻣﯿﮟ ﮈﺍﻟﻨﮯ ﮐﮯ ﺑﻌﺪ ﻭﮦ ﺑﮯ ﺣﺪ ﺗﺤﻤﻞ ﺳﮯ ﭘﯿﺎﻟﮯ ﻣﯿﮟ ﻧﯿﺎ ﭨﮑﮍﺍ ﺍﻭﺭ ﮔﺮﻡ ﯾﺨﻨﯽ ﮈﺍﻟﺘﺎ۔ﻟﻘﻤﮯ ﮐﮯ ﭼﺒﺎﺋﮯ ﺟﺎﻧﮯ ﺗﮏ ﺭﻭﭨﯽ ﮐﺎ ﻧﯿﺎ ﭨﮑﮍ ﭘﺎﻧﯽ ﻣﯿﮟ ﭘﮭﻮﻟﻨﮯ ﻟﮕﺘﺎ۔
ﻭﮦ ﺍﯾﮏ ﮬﯽ ﻭﻗﺖ ﻣﯿﮟ ﯾﺨﻨﯽ ﺍﺱ ﭘﯿﺎﻟﮯ ﻣﯿﮟ ﮈﺍﻟﺘﺎ ﺗﻮ ﯾﺨﻨﯽ ﺍﺱ ﻭﻗﺖ ﺗﮏ ﭨﮭﻨﮉﯼ ﮬﻮﺟﺎﺗﯽ۔ﯾﺨﻨﯽ ﮐﺎ ﺍﯾﮏ ﭘﯿﺎﻟﮧ ﭘﯿﻨﮯ ﻣﯿﮟ ﺍﺱ ﮐﺎ ﺑﺎﭖ ﺗﻘﺮﯾﺒﺎً ﺍﯾﮏ ﮔﮭﻨﭩﺎ ﻟﮕﺎﺗﺎ ﺗﮭﺎ۔ﭨﮭﻨﮉﯼ ﯾﺨﻨﯽ ﻣﯿﮟ ﮈﻭﺑﮯ ﮬﻮﺋﮯ ﺭﻭﭨﯽ ﮐﮯ ﭨﮑﮍﮮ ﺑﮭﯽ ﻭﮦ ﺍﺱ ﺭﻏﺒﺖ ﺳﮯ ﮐﮭﺎ ﺭﮬﺎ ﺗﮭﺎ ﺟﯿﺴﮯ ﻭﮦ ﺍﻥ ﮔﺮﻡ ﻟﻘﻤﻮﮞ ﮐﻮ ﮐﮭﺎ ﺭﮬﺎ ﺗﮭﺎ۔ﺍﺱ ﮐﮯ ﺯﺍﺋﻘﮯ ﮐﯽ ﺣﺲ ﺁﮨﺴﺘﮧ ﺁﮨﺴﺘﮧ ﺧﺘﻢ ﮬﻮ ﺭﮬﯽ ﺗﮭﯽ۔ﭨﮭﻨﮉﯼ ﺍﻭﺭ ﮔﺮﻡ ﭼﯿﺰ ﻣﯿﮟ ﺗﺨﺼﯿﺺ ﮐﺮﻧﺎ ﻭﮦ ﮐﺐ ﮐﺎ ﭼﮭﻮﮌ ﭼﮑﺎ ﺗﮭﺎ۔ﯾﮧ ﺻﺮﻑ ﺍﺱ ﮐﯽ ﺩﯾﮑﮫ ﺑﮭﺎﻝ ﮐﺮﻧﮯ ﻭﺍﻟﮯ ﺍﺱ ﮐﯽ ﻓﯿﻤﻠﯽ ﮐﮯ ﺍﻓﺮﺍﺩ ﺗﮭﮯ۔ﺟﻮ ﺍﺱ ﺗﺨﺼﯿﺺ ﮐﻮ ﺍﺱ ﮐﮯ ﻟﯿﮯ ﺍﺏ ﺑﮭﯽ ﺑﺮﻗﺮﺍﺭ ﺭﮐﮭﻨﮯ ﮐﯽ ﮐﻮﺷﺶ ﮐﺮ ﺭﮬﮯ ﺗﮭﮯ۔ﺍﺏ ﺑﮭﯽ ﺧﻮﺭﺍﮎ ﮐﻮ ﺍﺱ ﮐﮯ ﻟﯿﮯ ﻣﻤﮑﻨﮧ ﺣﺪ ﺗﮏ ﺯﺍﺋﻘﮧ ﺩﺍﺭ ﺑﻨﺎ ﮐﺮ ﺩﮮ ﺭﮬﮯ ﺗﮭﮯ۔ﯾﮧ ﺟﺎﻧﺘﮯ ﮬﻮﺋﮯ ﺑﮭﯽ ﮐﮯ ﻭﮦ ﺍﺱ ﺯﺍﺋﻘﮯ ﺳﮯ ﻟﻄﻒ ﺍﻧﺪﻭﺯ ﮬﻮ ﺳﮑﺘﺎ ﮬﮯ ﻧﺎ ﺍﺱ ﮐﻮ ﯾﺎﺩ ﺭﮐﮫ ﺳﮑﺘﺎ ﮬﮯ۔
ﺑﺎﭖ ﮐﻮ ﮐﮭﺎﻧﺎ ﮐﮭﻼﻧﮯ ﮐﮯ ﺳﺎﺗﮫ ﺳﺎﺗﮫ ﺍﺱ ﻧﮯ ﺍﻭﺭ ﺍﺱ ﮐﯽ ﺑﯿﻮﯼ ﻧﮯ ﺑﮭﯽ ﻭﮬﺎﮞ ﺑﯿﭩﮭﮯ ﮐﮭﺎﻧﺎ ﮐﮭﺎ ﻟﯿﺎ ﺗﮭﺎ۔ﻭﮦ ﺟﺐ ﺑﮭﯽ ﯾﮭﺎﮞ ﺁﺗﺎ ﺗﮭﺎ ﺗﯿﻨﻮﮞ ﻭﻗﺖ ﮐﺎ ﮐﮭﺎﻧﺎ ﺑﺎﭖ ﮐﮯ ﮐﻤﺮﮮ ﻣﯿﮟ ﺍﺳﮯ ﮐﮭﻼﺗﮯ ﮬﻮﺋﮯ ﮬﯽ ﮐﮭﺎ ﺗﺎ ﺗﮭﺎ۔ﺍﻭﺭ ﺍﺱ ﮐﯽ ﻋﺪﻡ ﻣﻮﺟﻮﺩﮔﯽ ﻣﯿﮟ ﯾﮧ ﮐﺎﻡ ﺍﺳﮑﯽ ﺑﯿﻮﯼ ﺍﻭﺭ ﺑﭽﮯ ﮐﺮﺗﮯ ﺗﮭﮯ۔ﺍﻥ ﮐﮯ ﮔﮭﺮ ﮐﺎ ﮈﺍﺋﻨﻨﮓ ﺭﻭﻡ ﻧﺎ ﮬﻮﻧﮯ ﮐﮯ ﺑﺮﺍﺑﺮ ﺍﺳﺘﻌﻤﺎﻝ ﮬﻮﺗﺎ ﺗﮭﺎ۔ﺍﺱ ﮐﮯ ﺑﺎﭖ ﮐﺎ ﺑﯿﮉﺭﻭﻡ ﺍﺱ ﮐﯽ ﻓﯿﻤﻠﯽ ﮐﮯ ﺍﻓﺮﺍﺩ ﮐﯽ ﺑﮩﺖ ﺳﺎﺭﯼ ﺳﺮﮔﺮﻣﯿﻮﮞ ﮐﺎ ﻣﺮﮐﺰ ﺗﮭﺎ۔ﯾﮧ ﺍﺱ ﺷﺨﺺ ﮐﯽ ﺗﻨﮩﺎﺋﯽ ﮐﻮ ﻣﭩﺎﻧﮯ ﮐﯽ ﮐﻮﺷﺶ ﺗﮭﯽ۔ﺟﻮ ﭘﭽﮭﻠﮯ ﮐﺊ ﺳﺎﻝ ﺳﮯ ﺑﺴﺘﺮ ﭘﺮ ﭘﮍﺍ ﺗﮭﺎ۔ﺍﻭﺭ ﺍﻟﺰﺍﺋﻤﺮﺯ ﮐﯽ ﺁﮐﺮﯼ ﺳﭩﯿﺞ ﻣﯿﮟ ﭘﮩﻨﭻ ﭼﮑﺎ ﺗﮭﺎ۔ﭨﺮﺍﻟﯽ ﻣﯿﮟ ﭘﮍﺍ ﻧﯿﭙﮑﻦ ﺍﭨﮭﺎ ﮐﺮ ﺍﺱ ﻧﮯ ﺍﭘﻨﮯ ﺑﺎﭖ ﮐﮯ ﮬﻮﻧﭩﻮﮞ ﮐﮯ ﮐﻮﻧﻮﮞ ﺳﮯ ﻧﮑﻠﻨﮯ ﻭﺍﻟﮯ ﯾﺨﻨﯽ ﮐﮯ ﻗﻄﺮﮮ ﺻﺎﻑ ﮐﯿﮯ ﺟﻮ ﭼﻨﺪ ﻟﻤﺤﮯ ﭘﮩﻠﮯ ﻧﻤﻮﺩﺍﺭ ﮬﻮﺋﮯ ﺗﮭﮯ۔ﺍﺱ ﮐﮯ ﺑﺎﭖ ﻧﮯ ﺧﺎﻟﯽ ﺁﻧﮑﮭﻮﮞ ﮐﮯ ﺳﺎﺗﮫ ﺍﺳﮯ ﺩﯾﮑﮭﺎ ﺟﻦ ﺳﮯ ﻭﮦ ﮬﻤﯿﺸﮧ ﺩﯾﮑﮭﺘﺎ ﺗﮭﺎ۔ﻭﮦ ﺍﺳﮯ ﮐﮭﺎﻧﺎ ﮐﮭﻼﺗﮯ ﮬﻮﺋﮯ ﺟﻮﺍﺏ ﮐﯽ ﺗﻮﻗﻊ ﮐﯿﮯ ﺑﻐﯿﺮ ﺍﺱ ﺳﮯ ﺑﺎﺕ ﮐﺮﻧﮯ ﮐﯽ ﮐﻮﺷﺶ ﮐﺮﺗﺎ ﺗﮭﺎ۔ﺍﺱ ﮐﮯ ﺑﺎﭖ ﮐﯽ ﺧﺎﻣﻮﺷﯽ ﮐﮯ ﻭﻗﻔﮯ ﺍﺏ ﮔﮭﻨﭩﻮﮞ ﺗﮏ ﻣﺸﺘﻤﻞ ﮬﻮﻧﮯ ﻟﮕﮯ۔ﮔﮭﻨﭩﻮﮞ ﮐﮯ ﺑﻌﺪ ﺍﯾﮏ ﻟﻔﻆ ﺍﯾﮏ ﺟﻤﻠﮧ ﺍﺱ ﮐﮯ ﻣﻨﮧ ﺳﮯ ﻧﮑﻠﺘﺎ ﺗﮭﺎ۔
ﺟﺲ ﮐﺎ ﺗﻌﻠﻖ ﺍﺳﮑﯽ ﺯﻧﺪﮔﯽ ﮐﮯ ﮐﺴﯽ ﺳﺎﻝ ﮐﯽ ﮐﺴﯽ ﯾﺎﺩ ﺳﮯ ﮨﻮﺗﺎ ﺗﮭﺎ ﺍﻭﺭ ﻭﮦ ﺳﺐ ﺍﺱ ﺟﻤﻠﮯ ﮐﻮ ﺣﺎﻝ ﮐﮯ ﺳﺎﺗﮫ ﺟﻮﮌﻧﮯ ﮐﯽ ﮐﻮﺷﺶ ﻣﯿﮟ ﻟﮓ ﺟﺎﺗﮯ ﺗﮭﮯ۔
ﺍﺳﮑﺎ ﺑﺎﭖ ﯾﮏ ﭨﮏ ﮐﮭﺎﻧﺎ ﮐﮭﺎﺗﮯ ﺍﺳﯿﮯ ﺩﯾﮑﮭﺘﺎ ﺗﮭﺎ۔ﺍﺏ ﺑﮭﯽ ﺩﯾﮑﮫ ﺭﮨﺎ ﺗﮭﺎ۔ﻭﮦ ﺟﺎﻧﺘﺎ ﺗﮭﺎ، ﺍﺳﮑﺎ ﺑﺎﭖ ﺟﯿﺴﮯ ﺍﯾﮏ ﺍﺟﻨﺒﯽ ﮐﺎ ﭼﮩﺮﮦ ﭘﮩﭽﺎﻧﻨﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ۔ﺍﺳﮑﻮ ﮐﮭﺎﻧﺎ ﮐﮭﻼﻧﮯ ﮐﯽ ﮐﻮﺋﯽ ﺍﺣﺘﯿﺎﻁ،ﮐﻮﺋﯽ ﻣﺤﺒﺖ،ﮐﻮﺋﯽ ﻟﮕﻦ ﺍﺳﮑﯽ ﯾﺎﺩﺍﺷﺖ ﭘﺮ ﮐﮩﯿﮟ ﻣﺤﻔﻮﻅ ﻧﮩﯿﮟ ﮨﻮ ﺭﮨﯽ ﺗﮭﯽ۔ﻭﮦ ﺍﯾﮏ ﺍﺟﻨﺒﯽ ﮐﮯ ﮨﺎﺗﮫ ﺳﮯ ﮐﮭﺎﻧﺎ ﮐﮭﺎ ﺭﮨﺎ ﺗﮭﺎ ﺍﻭﺭ ﺍﺳﮑﯽ ﺧﺘﻢ ﮨﻮﺗﮯ ﺩﻣﺎﻏﯽ ﺧﻠﯿﮯ ﺳﺎﺭﺍ ﻭﻗﺖ ﺍﺱ ﺍﺟﻨﺒﯽ ﮐﮯ ﭼﮩﺮﮮ ﮐﻮ ﮐﻮﺋﯽ ﻧﺎﻡ ﺩﯾﻨﮯ ﮐﯽ ﮐﻮﺷﺶ ﻣﯿﮟ ﻟﮕﮯ ﺭﮨﺘﮯ ﺗﮭﮯ۔
ﻭﮦ ﯾﮧ ﺑﮭﯽ ﺟﺎﻧﺘﺎ ﺗﮭﺎ ﮐﮧ ﺍﺳﮑﮯ ﺑﺎﭖ ﮐﻮ ﺍﺱ ﮐﮯ ﮨﺎﺗﮫ ﺳﮯ ﮐﮭﺎﯾﺎ ﺩﻭﭘﮩﺮ ﮐﺎ ﮐﮭﺎﻧﺎ ﺗﮏ ﻧﮩﯿﮟ ﯾﺎﺩ ﮨﻮﮔﺎ۔ﻭﮦ ﺟﺘﻨﯽ ﺑﺎﺭ ﺍﺳﮑﮯ ﮐﻤﺮﮮ ﻣﯿﮟ ﺁﺗﺎ ﮨﻮﮔﺎ۔ﻭﮦ ﺍﭘﻨﮯ ﺑﺎﭖ ﮐﮯ ﻟﯿﮯ ﺍﯾﮏ ﻧﯿﺎ ﺷﺨﺺ،ﺍﯾﮏ ﻧﯿﺎ ﭼﮩﺮﮦ ﮨﻮﮔﺎ ﺍﻭﺭ ﺻﺮﻑ ﻭﮨﯽ ﻧﮩﯿﮟ ﺍﺳﮑﯽ ﻓﯿﻤﻠﯽ ﮐﮯ ﺗﻤﺎﻡ ﺍﻓﺮﺍﺩ ﺑﮭﯽ۔ﺍﺳﮑﺎ ﺑﺎﭖ ﺷﺎﯾﺪ ﺣﯿﺮﺍﻥ ﮨﻮﺗﺎ ﮨﻮﮔﺎ ﮐﮯ ﺍﺳﮑﮯ ﮐﻤﺮﮮ ﻣﯿﮟ ﺑﺎﺭ ﺑﺎﺭ ﻧﺌﮯ ﻟﻮﮒ ﮐﯿﻮﮞ ﺁﺗﮯ ﮨﯿﮟ۔ﺍﺳﮑﺎ ﺑﺎﭖ ﺍﭘﻨﮯ ﮔﮭﺮ ﻣﯿﮟ ﺍﺟﻨﺒﯿﻮﮞ ﮐﮯ ﺳﺎﺗﮫ ﺭﮨﺘﺎ ﺗﮭﺎ۔ ﻭﮦ ﻟﻮﮒ ﺟﻮ ﺍﺳﮯ ﮐﮭﺎﻧﺎ ﮐﮭﻼﺗﮯ ﮨﯿﮟ،ﺑﺎﺗﮫ ﺭﻭﻡ ﻟﮯ ﮐﺮ ﺟﺎﺗﮯ ﺗﮭﮯ،ﻧﮩﻼﺗﮯ ﺗﮭﮯ، ﮐﭙﮍﮮ ﺑﺪﻟﺘﮯ ﺗﮭﮯ،ﺑﺎﺗﯿﮟ ﮐﺮﺗﮯ ﺗﮭﮯ۔ﻟﯿﮑﻦ ﻭﮦ ﯾﮧ ﺳﺐ ﮐﯿﻮﮞ ﮐﺮﺗﮯ ﺗﮭﮯ؟ﺍﻭﺭ ﭘﮭﺮ ” ﮐﯿﻮﮞ؟ “ ﮐﺎ ﯾﮧ ﺳﻮﺍﻝ ﺑﮭﯿﺎﺳﮑﮯ ﺯﮨﻦ ﮐﯽ ﺍﺳﮑﺮﯾﻦ ﺳﮯ ﻣﭧ ﮔﯿﺎ ﯾﺎ ﺷﺎﯾﺪ ﺗﺤﯿﻞ ﮨﻮ ﮔﯿﺎ۔
ﺍﺱ ﻧﮯ ﯾﺨﻨﯽ ﮐﺎ ﺁﺧﺮﯼ ﭼﻤﭽﮧ ﺍﭘﻨﮯ ﺑﺎﭖ ﮐﮯ ﻣﻨﮧ ﻣﯿﮟ ﮈﺍﻻ۔ﭘﮭﺮ ﭘﯿﺎﻟﮧ ﭨﺮﺍﻟﯽ ﻣﯿﮟ ﺭﮐﮫ ﺩﯾﺎ۔ﺍﺏ ﻭﮦ ﺍﭘﻨﮯ ﺑﺎﭖ ﮐﻮ ﺍﺳﯽ ﻃﺮﺡ ﭼﻤﭽﮯ ﮐﮯ ﺳﺎﺗﮫ ﭘﺎﻧﯽ ﭘﻼ ﺭﮨﺎ ﺗﮭﺎ۔ﺍﺳﮑﺎﺑﺎﭖ ﻟﻤﺒﺎ ﮔﮭﻮﻧﭧ ﻧﮩﯿﮟ ﺑﮭﺮﺳﮑﺘﺎﺗﮭﺎ۔
ﺍﺳﮑﯽ ﺑﯿﻮﯼ ﮐﭽﮫ ﺩﯾﺮ ﭘﮩﻠﮯ ﮐﻤﺮﮮ ﺳﮯ ﺍُﭨﮫ ﮐﺮ ﮔﺌﯽ ﺗﮭﯽ۔ﺍﺳﮑﺎ ﺳﺎﻣﺎﻥ ﮐﭽﮫ ﺩﯾﺮ ﭘﮩﻠﮯ ﺍﯾﺮﭘﻮﺭﭦ ﺟﺎﭼﮑﺎ ﺗﮭﺎ۔ﺍﺏ ﺑﺎﮨﺮ ﺍﯾﮏ ﮔﺎﮌﯼ ﺍﺳﮑﮯ ﺍﻧﺘﻈﺎﺭ ﻣﯿﮟ ﮐﮭﮍﯼ ﺗﮭﯽ۔ ﺟﻮ ﺍﺳﮯ ﺗﮭﻮﮌﯼ ﺩﯾﺮ ﻣﯿﮟ ﺍﯾﺌﺮﭘﻮﺭﭦ ﻟﮯ ﺟﺎﺗﯽ۔ﺍﺳﮑﺎ ﺍﺳﭩﺎﻑ ﺑﮯ ﺻﺒﺮﯼ ﺳﮯ ﺍﺱ ﮐﻤﺮﮮ ﺳﮯ ﺍﺳﮑﯽ ﺑﺮﺁﻣﺪﮔﯽ ﮐﺎ ﻣﻨﺘﻈﺮ ﺗﮭﺎ۔
ﺍﺱ ﻧﮯ ﮔﻼﺱ ﻭﺍﭘﺲ ﺭﮐﮭﺘﮯ ﮨﻮﮰ ﺑﯿﮉ ﭘﺮ ﺑﯿﭩﮫ ﮐﺮ ﺍﭘﻨﮯ ﺑﺎﭖ ﮐﯽ ﮔﺮﺩﻥ ﮐﮯ ﮔﺮﺩ ﭘﮭﯿﻼﯾﺎ ﮨﻮﺍ ﻧﯿﭙﮑﻦ ﮨﭩﺎﯾﺎ۔ﭘﮭﺮ ﮐﭽﮫ ﺩﯾﺮ ﺗﮏ ﻭﮦ ﺍﭘﻨﮯ ﺑﺎﭖ ﮐﮯ ﮨﺎﺗﮫ ﺍﭘﻨﮯ ﮨﺎﺗﮭﻮﮞ ﻣﯿﮟ ﻟﮯ ﮐﺮ ﺑﯿﭩﮭﺎ ﺭﮨﺎ۔ﺁﮨﺴﺘﮧ ﺁﮨﺴﺘﮧ ﺍﺱ ﻧﮯ ﺍﭘﻨﮯ ﺑﺎﭖ ﮐﻮ ﺍﭘﻨﯽ ﺭﻭﺍﻧﮕﯽ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ ﺗﮭﺎ ﺍﻭﺭ ﺍﺱ ﺗﺸﮑﺮ ﻭ ﺍﺣﺴﺎﻥ ﻣﻨﺪﯼ ﮐﮯ ﺑﺎﺭﮮﻣﯿﮟ ﺟﻮ ﻭﮦ ﺍﭘﻨﮯ ﺑﺎﭖ ﮐﮯﻟﯿﮯ ﻣﺤﺴﻮﺱ ﮐﺮﺗﺎ ﺗﮭﺎ ﺍﻭﺭ ﺧﺎﺹ ﻃﻮﺭ ﭘﺮ ﺁﺝ ﻣﺤﺴﻮﺱ ﮐﺮ ﺭﮨﺎ ﺗﮭﺎ۔ﺍﺳﮑﺎ ﺑﺎﭖ ﺍﺳﮯ ﺧﺎﻟﯽ ﻧﻈﺮﻭﮞ ﺳﮯ ﺩﯾﮑﮫ ﺍﻭﺭ ﺳﻦ ﺭﮨﺎ ﺗﮭﺎ ﻭﮦ ﺟﺎﻧﺘﺎ ﺗﮭﺎ ﮐﮯﻭﮦ ﮐﭽﮫ ﻧﮩﯿﮟ ﺳﻤﺠﮫ ﺭﮨﺎ،ﻟﯿﮑﻦ ﯾﮧ ﺍﯾﮏ ﺭﺳﻢ ﺗﮭﯽ۔ﺟﻮ ﻭﮦ ﮨﻤﯿﺸﮧ ﺍﺩﺍ ﮐﺮﺗﺎ ﺗﮭﺎ۔ﺍﺱ ﻧﮯ ﺍﭘﻨﯽ ﺑﺎﺕ ﺧﺘﻢ ﮐﺮﻧﮯ ﮐﮯ ﺑﻌﺪ ﺑﺎﺕ ﮐﮯ ﮨﺎﺗﮫ ﭼﻮﻣﮯ ﭘﮭﺮ ﺍﻧﮩﯿﮟ ﻟﭩﺎ ﮐﺮ ﮐﻤﺒﻞ ﺍﮌﮬﺎ ﺩﯾﺎ ﺍﻭﺭ ﮐﭽﮫ ﺩﯾﺮ ﺑﮯ ﻣﻘﺼﺪ ﺑﯿﮉ ﮐﮯ ﭘﺎﺱ ﮐﮭﮍﺍﺍﺳﮯ ﺩﯾﮑﮭﺘﺎ ﺭﮨﺎ ﺗﮭﺎ۔ﺍﺳﮑﮯ ﺑﻌﺪ ﭘﺘﺎ ﻧﮩﯿﮟ ﻭﮦ ﮐﺐ ﺩﻭﺑﺎﺭﮦ ﺍﭘﻨﮯ ﺑﺎﭖ ﮐﮯ ﭘﺎﺱ ﺁﻧﮯ ﮐﮯ ﻗﺎﺑﻞ ﮨﻮﺗﺎ۔
ﻭﮦ ﯾﮧ ﻧﮩﯿﮟ ﺟﺎﻧﺘﺎ ﺗﮭﺎ ﮐﮯﻭﮦ ﺁﺧﺮﯼ ﮐﮭﺎﻧﺎ ﺗﮭﺎ ﺟﻮ ﺍﺱ ﻧﮯ ﺍﭘﻨﮯ ﺑﺎﭖ ﮐﮯ ﺳﺎﺗﮫ ﮐﮭﺎﯾﺎ ﺗﮭﺎ۔

---

ﺍﺳﮑﺎ ﮨﺎﺗﮫ ﭘﮑﮍﮮ ﻭﮦ ﺍﺳﮯ ﺍﺏ ﮐﺴﯽ ﺭﺍﺳﺘﮯ ﭘﺮ ﻟﮯ ﺟﺎﻧﮯ ﻟﮕﺎ۔
ﺍﯾﮏ ﻗﺪﻡ۔۔۔ﺩﻭﺳﺮﺍ ﻗﺪﻡ۔۔۔۔ﺗﯿﺴﺮﺍ۔۔ﭖﮬﺮ ﻭﮦ ﭨﮭﭩﮏ ﮐﺮ ﺭﮔﺌﯽ۔ﻭﮦ ﺍﯾﮏ ﺟﮭﯿﻞ ﺗﮭﯽ۔ ﭼﮭﻮﭨﯽ ﺳﯽ ﺟﮭﯿﻞ ﺟﺲ ﮐﮯ ﮐﻨﺎﺭﮮ ﭘﺮ ﻭﮦ ﺗﮭﮯ۔ﮨﻠﮑﯽ ﻧﯿﻠﯽ ﺭﻧﮕﺖ ﮐﮯ ﺷﻔﺎﻑ ﭘﺎﻧﯽ ﮐﯽ ﺟﮭﯿﻞ۔۔۔ﺟﺴﮑﮯ ﭘﺎﻧﯽ ﻣﯿﮟ ﻭﮦ ﺭﻧﮓ ﺑﺮﻧﮕﯽ ﻣﭽﮭﻠﯿﺎﮞ ﺗﯿﺮﺗﮯ ﮨﻮﮰ ﺩﯾﮑﮫ ﺳﮑﺘﯽ ﺗﮭﯽ۔
ﺍﻭﺭ ﺍﺳﮑﯽ ﺗﮧ ﻣﯿﮟ ﺑﮯﺷﻤﺎﺭ ﺭﻧﮕﻮﮞ ﮐﮯ ﻣﻮﺗﯽ۔۔ﭘﺘﮭﺮ۔۔ﺳﯿﭗﺍﮞ۔
ﺟﮭﯿﻞ ﮐﮯ ﭘﺎﻧﯽ ﭘﺮ ﺁﺑﯽ ﭘﺮﻧﺪﮮ ﺗﯿﺮ ﺭﮨﮯ ﺗﮭﮯ۔ﺧﻮﺑﺼﻮﺭﺕ ﺭﺍﺝ ﮨﻨﺲ،ﺟﮭﯿﻞ ﮐﮯ ﭼﺎﺭﻭﮞ ﺍﻃﺮﺍﻑ ﭘﮭﻮﻝ ﺗﮭﮯ،ﺍﻭﺭ ﺑﮩﺖ ﺳﮯ ﭘﮭﻮﻝ ﺟﮭﯿﻞ ﮐﮯ ﭘﺎﻧﯽ ﺗﮏ ﭼﻠﮯ ﮔﺌﮯ ﺗﮭﮯ ﮐﭽﮫ ﭘﺎﻧﯽ ﮐﯽ ﺳﻄﺢ ﭘﺮ ﺗﯿﺮ ﺭﮨﮯ ﺗﮭﮯ۔
ﻣﮕﺮ ﺍﺳﮑﮯ ﻗﺪﻣﻮﮞ ﮐﻮ ﺍﻥ ﻣﯿﮟ ﺳﮯ ﮐﺴﯽ ﭼﯿﺰ ﻧﮯ ﻧﮩﯿﮟ ﺭﻭﮐﺎﺗﮭﺎ۔ﺍﺳﮑﮯ ﻗﺪﻣﻮﮞ ﮐﻮ ﺭﻭﮐﻨﮯ ﻭﺍﻟﯽ ﺷﮯ ﺟﮭﯿﻞ ﮐﮯ ﮐﻨﺎﺭﮮ ﭘﺮ ﻣﻮﺟﻮﺩ ﻟﮑﮍﯼ ﮐﯽ ﻭﮦ ﺧﻮﺑﺼﻮﺭﺕ ﭼﮭﻮﭨﯽ ﺳﯽ ﻭﮦ ﮐﺸﺘﯽ ﺗﮭﯽ،ﺟﻮ ﭘﺎﻧﯽ ﻣﯿﮟ ﮨﻠﮑﻮﺭﮮ ﻟﮯ ﺭﮨﯽ ﺗﮭﯽ۔ ﺍﺱ ﻧﮯ ﺑﮯ ﺍﺧﺘﯿﺎﺭ ﮐﮭﻠﮑﮭﻼ ﮐﺮ ﺍﺳﮯ ﺩﯾﮑﮭﺎ۔
” ﯾﮧ ﻣﯿﺮﯼ ﮨﮯ؟ “ ﻭﮦ ﻣﺴﮑﺮﺍ ﺩﯾﺎ۔
ﻭﮦ ﺍﭘﻨﺎ ﮨﺎﺗﮫ ﭼﮭﮍﺍ ﮐﺮ ﺑﭽﻮﮞ ﮐﯽ ﻃﺮﺡ ﺑﮭﺎﮔﺘﯽ ﮐﺸﺘﯽ ﮐﯽ ﻃﺮﻑ ﮔﺌﯽ۔ﻭﮦ ﺍﺳﮑﮯ ﭘﯿﭽﮭﮯ ﻟﭙﮑﺎ۔

ﺟﺎﺭﯼ ﮨﮯ۔۔۔