آب حیات
از عمیرہ احمد
قسط نمبر_11

ﺗﻢ ﮐﯿﺎ ﮐﺮ ﺭﮨﮯ ﮨﻮ ﺍﺱ ﻭﻗﺖ؟ ﺍﻣﺎﻣﮧ ﻻﺅﻧﺞ ﻣﯿﮟ ﮨﻮﻧﮯ ﻭﺍﻟﯽ ﮐﮭﮍﮐﮭﮍﺍﮨﭩﻮﮞ ﮐﻮ ﺳﻦ ﮐﺮ ﺭﺍﺕ ﮐﮯ ﺍُﺱ ﻭﻗﺖ ﺑﺎﮨﺮ ﻧﮑﻞ ﺁﺋﯽ ﺗﮭﯽ، ﻭﮦ ﺍُﺱ ﻭﻗﺖ ﺗﮩﺠّﺪ ﮐﮯ ﻟﯿﮯ ﺍﭨﮭﯽ ﺗﮭﯽ۔ ﺟﺒﺮﯾﻞ ﺍﺱ ﻭﯾﮏ ﺍﯾﻨﮉ ﭘﺮ ﮔﮭﺮ ﺁﯾﺎ ﮨﻮﺍ ﺗﮭﺎ ﺍﻭﺭ ﮐﺌﯽ ﺑﺎﺭ ﻭﮦ ﺑﮭﯽ ﺭﺍﺕ ﮐﮯ ﺍﺱ ﭘﮩﺮ ﭘﮍﮬﻨﮯ ﮐﮯ ﻟﯿﮯ ﺟﺎﮔﺘﺎ ﺍﻭﺭ ﭘﮭﺮ ﮐﭽﮫ ﻧﮧ ﮐﭽﮫ ﮐﮭﺎﻧﮯ ﮐﮯ ﻟﯿﮯ ﮐﭽﻦ ﺟﺎﺗﺎ۔ ﻣﮕﺮ ﺍﺱ ﺑﺎﺭ ﺍُﺱ ﮐﺎ ﺳﺎﻣﻨﺎ ﺣﻤﯿﻦ ﺳﮯ ﮨﻮﺍ ﺗﮭﺎ۔ ﻭﮦ ﮐﭽﻦ ﮐﺎﺅﻧﭩﺮ ﮐﮯ ﺳﺎﻣﻨﮯ ﭘﮍﯼ ﺍﯾﮏ ﺳﭩﻮﻝ ﭘﺮ ﺑﯿﭩﮭﺎ ﺳﻠﯿﭙﻨﮓ ﺳﻮﭦ ﻣﯿﮟ ﻣﻠﺒﻮﺱ ﺁﺋﺲ ﮐﺮﯾﻢ ﮐﺎ ﺍﯾﮏ ﻟﯿﭩﺮ ﻭﺍﻻ ﮐﯿﻦ ﮐﮭﻮﻟﮯ ﺍُﺳﯽ ﻣﯿﮟ ﺳﮯ ﺁﺋﺲ ﮐﺮﯾﻢ ﮐﮭﺎﻧﮯ ﻣﯿﮟ ﻟﮕﺎ ﮨﻮﺍ ﺗﮭﺎ۔
ﺍﻣﺎﻣﮧ ﮐﻮ ﺳﻮﺍﻝ ﮐﺮﻧﮯ ﮐﮯ ﺳﺎﺗﮫ ﮨﯽ ﺟﻮﺍﺏ ﻣﻞ ﮔﯿﺎ ﺗﮭﺎ ﺍﻭﺭ ﺍُﺱ ﻧﮯ ﺍﺱ ﮐﮯ ﮐﭽﮫ ﮐﮩﻨﮯ ﺳﮯ ﭘﮩﻠﮯ ﮨﯽ ﺑﮯ ﺣﺪ ﺧﻔﮕﯽ ﮐﮯ ﻋﺎﻟﻢ ﻣﯿﮟ ﮐﺎﺅﻧﭩﺮ ﮐﮯ ﺳﺎﻣﻨﮯ ﺁﺗﮯ ﮨﻮﺋﮯ ﺍُﺱ ﺳﮯ ﮐﮩﺎ۔
ﺣﻤﯿﻦ ﯾﮧ ﻭﻗﺖ ﮨﮯ ﺁﺋﺲ ﮐﺮﯾﻢ ﮐﮭﺎﻧﮯ ﮐﺎ؟ ﺍﻭﺭ ﻭﮦ ﺑﮭﯽ ﺍﺱ ﻃﺮﺡ؟ ” ﺍُﺱ ﮐﺎ ﺍﺷﺎﺭﮦ ﺍُﺱ ﮐﮯ ﮐﯿﻦ ﮐﮯ ﺍﻧﺪﺭ ﮨﯽ ﺁﺋﺲ ﮐﺮﯾﻢ ﮐﮭﺎﻧﮯ ﮐﯽ ﻃﺮﻑ ﺗﮭﺎ۔
ﻣﯿﮟ ﻧﮯ ﺻﺮﻑ ﺍﯾﮏ ﺳﮑﻮﭖ ﮐﮭﺎﻧﯽ ﺗﮭﯽ۔ ﻭﮦ ﻣﺎﮞ ﮐﮯ ﯾﮏ ﺩﻡ ﻧﻤﻮﺩﺍﺭ ﮨﻮﻧﮯ ﺍﻭﺭ ﺍﭘﻨﮯ ﺍﺱ ﻃﺮﺡ ﭘﮑﮍﮮ ﺟﺎﻧﮯ ﭘﺮ ﮔﮍﺑﮍﺍﯾﺎ ﺗﮭﺎ۔
ﻟﯿﮑﻦ ﯾﮧ ﮐﮭﺎﻧﮯ ﮐﺎ ﮐﻮﺋﯽ ﻭﻗﺖ ﻧﮩﯿﮟ ﮨﮯ۔ ﺍﻣﺎﻣﮧ ﻧﮯ ﺍُﺱ ﮐﮯ ﮨﺎﺗﮫ ﺳﮯ ﭼﻤﭻ ﮐﮭﯿﻨﭻ ﻟﯿﺎ ﺍﻭﺭ ﮈﮬﮑﻦ ﺳﮯ ﮐﯿﻦ ﺑﻨﺪ ﮐﺮﻧﮯ ﻟﮕﯽ۔
ﺍﺑﮭﯽ ﺗﻮ ﻭﺍﻗﻌﯽ ﺍﯾﮏ ﭼﻤﭻ ﮨﯽ ﮐﮭﺎﺋﯽ ﮨﮯ ﻣﯿﮟ ﻧﮯ۔ ﻭﮦ ﺑﮯ ﺍﺧﺘﯿﺎﺭ ﮐﺮﺍﮨﺎ۔ ﺩﺍﻧﺖ ﺻﺎﻑ ﮐﺮ ﮐﮯ ﺳﻮﻧﺎ۔ ﺍﻣﺎﻣﮧ ﻧﮯ ﺍُﺱ ﮐﮯ ﺟﻤﻠﮯ ﮐﻮ ﻧﻈﺮ ﺍﻧﺪﺍﺯ ﮐﺮﺗﮯ ﮨﻮﺋﮯ ﮐﯿﻦ ﮐﻮ ﻭﺍﭘﺲ ﻓﺮﯾﺰﺭ ﻣﯿﮟ ﺭﮐﮫ ﺩﯾﺎ۔ ﺣﻤﯿﻦ ﺟﯿﺴﮯ ﺍﺣﺘﺠﺎﺟﺎً ﺍﺳﯽ ﺍﻧﺪﺍﺯ ﻣﯿﮟ ﺳﭩﻮﻝ ﭘﺮ ﺑﯿﭩﮭﺎ ﺭﮨﺎ۔
ﺍﯾﮏ ﺗﻮ ﻣﯿﮟ ﺁﺝ ﮨﺎﺭﺍ ﺍﻭﺭ ﻣﯿﮟ ﻧﮯ ﺍﭘﻨﺎ ﭨﺎﺋﭩﻞ ﮐﮭﻮ ﺩﯾﺎ۔ ﺩﻭﺳﺮﺍ ﺁﭖ ﻣﺠﮭﮯ ﺁﺋﺲ ﮐﺮﯾﻢ ﮐﮯ ﺩﻭ ﺳﮑﻮﭘﺲ ﺗﮏ ﻧﮩﯿﮟ ﻟﯿﻨﮯ ﺩﮮ ﺭﮨﯿﮟ۔ ﺍﺱ ﻧﮯ ﺟﯿﺴﮯ ﻣﺎﮞ ﺳﮯ ﺍﺣﺘﺠﺎﺟﺎً ﮐﮩﺎ۔ ﻭﮦ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﮐﺎﺅﻧﭩﺮ ﮐﮯ ﺩﻭﺳﺮﯼ ﻃﺮﻑ ﮐﮭﮍﯼ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﮯ ﺍُﺳﮯ ﺩﯾﮑﮭﺘﯽ ﺭﮨﯽ ﭘﮭﺮ ﺍُﺱ ﻧﮯ ﻣﺪﮨﻢ ﺁﻭﺍﺯ ﻣﯿﮟ ﮐﮩﺎ۔
ﭨﺎﺋﭩﻞ ﺗﻢ ﻧﮯ ﺍﭘﻨﯽ ﻣﺮﺿﯽ ﺳﮯ ﮐﮭﻮﯾﺎ ﮨﮯ۔ ﺗﻤﮩﺎﺭﯼ ﺍﭘﻨﯽ ﭼﻮﺍﺋﺲ ﺗﮭﯽ ﯾﮧ۔ ﺣﻤﯿﻦ ﮐﻮ ﺟﯿﺴﮯ ﮐﺮﻧﭧ ﻟﮕﺎ ﺗﮭﺎ۔ ﻭﮦ ﻣﺎﮞ ﮐﻮ ﺩﯾﮑﮭﺘﺎ ﺭﮨﺎ ﭘﮭﺮ ﺍُﺱ ﻧﮯ ﮐﮩﺎ۔
who told you that ?
ﯾﮧ ﺿﺮﻭﺭﯼ ﻧﮩﯿﮟ۔ ﺍﻣﺎﻣﮧ ﻧﮯ ﮐﮩﺎ۔
ﺁﻝ ﺭﺍﺋﭧ ! ﻣﺠﮭﮯ ﭘﺘﮧ ﮨﮯ۔ ﺍُﺱ ﻧﮯ ﻣﺎﮞ ﺳﮯ ﻧﻈﺮﯾﮟ ﻣﻼﺋﮯ ﺑﻐﯿﺮ ﮐﮩﺎ۔
ﮐﺲ ﻧﮯ؟ ﺍﻣﺎﻣﮧ ﭘﻮﭼﮭﮯ ﺑﻐﯿﺮ ﻧﮩﯿﮟ ﺭﮦ ﺳﮑﯽ۔
ﺑﺎﺑﺎ ﻧﮯ۔ ﺍﺱ ﮐﺎ ﺟﻮﺍﺏ ﮐﮭﭩﺎﮎ ﺳﮯ ﺁﯾﺎ ﺗﮭﺎ۔ ﻭﮦ ﺩﻭﻧﻮﮞ ﺑﺎﭖ ﺑﯿﭩﺎ ﺍﯾﮏ ﺩﻭﺳﺮﮮ ﮐﻮ ﮨﺎﺗﮫ ﮐﯽ ﭘﺸﺖ ﮐﯽ ﻃﺮﺡ ﺟﺎﻧﺘﮯ ﺗﮭﮯ۔
ﺑﮩﺖ ﻏﻠﻂ ﮐﺎﻡ ﺗﮭﺎ۔ ﺗﻤﮩﯿﮟ ﯾﮧ ﻧﮩﯿﮟ ﮐﺮﻧﺎ ﭼﺎﮨﯿﮯ ﺗﮭﺎ۔ ﺍﻣﺎﻣﮧ ﻧﮯ ﺟﯿﺴﮯ ﺍﺳﮯ ﻣﻼﻣﺖ ﮐﺮﻧﮯ ﮐﯽ ﮐﻮﺷﺶ ﮐﯽ۔
ﺗﻢ ﻧﮯ ﯾﮧ ﮐﯿﻮﮞ ﮐﯿﺎ؟ ﺍﻣﺎﻣﮧ ﮐﻮ ﭘﻮﭼﮭﻨﺎ ﭘﮍﺍ۔
ﺁﭖ ﺟﺎﻧﺘﯽ ﮨﯿﮟ ﻣﻤّﯽ۔ ﻭﮦ ﺳﭩﻮﻝ ﺳﮯ ﺍﭨﮫ ﮐﺮ ﮐﮭﮍﺍ ﮨﻮ ﮔﯿﺎ ﺗﮭﺎ۔
ﺭﺋﯿﺴﮧ ﮐﮯ ﻟﯿﮯ؟ ﺍﻣﺎﻣﮧ ﻧﮯ ﻭﮦ ﺟﻮﺍﺏ ﺩﯾﺎ ﺟﺲ ﮐﯽ ﻃﺮﻑ ﺍُﺱ ﻧﮯ ﺍﺷﺎﺭﮦ ﮐﯿﺎ ﺗﮭﺎ۔
ﻓﯿﻤﻠﯽ ﮐﮯ ﻟﯿﮯ۔۔۔۔۔۔ ﺟﻮﺍﺏ ﮐﮭﭩﺎﮎ ﺳﮯ ﺁﯾﺎ ﺗﮭﺎ۔ ﺁﭖ ﻧﮯ ﺳﮑﮭﺎﯾﺎ ﺗﮭﺎ ﺍﭘﻨﮯ ﺑﮩﻦ ﺑﮭﺎﺋﯿﻮﮞ ﺳﮯ ﻣﻘﺎﺑﻠﮧ ﻧﮩﯿﮟ ﮨﻮﺗﺎ۔ ﻣﯿﮟ ﺟﯿﺖ ﺟﺎﺗﺎ ﺗﻮ ﺍُﺳﮯ ﮨﺮﺍ ﮐﺮ ﮨﯽ ﺟﯿﺘﺘﺎ ﻧﺎ۔ ﺍُﺳﮯ ﺑﮩﺖ ﺩﮐﮫ ﮨﻮﺗﺎ۔ ﺍﻣﺎﻣﮧ ﺑﻮﻝ ﻧﮩﯿﮟ ﺳﮑﯽ۔ ﻭﮦ ﺩﺱ ﺳﺎﻝ ﮐﺎ ﺗﮭﺎ ﻟﯿﮑﻦ ﺑﻌﺾ ﺩﻓﻌﮧ ﻭﮦ 100 ﺳﺎﻝ ﮐﯽ ﻋﻤﺮ ﻭﺍﻟﻮﮞ ﺟﯿﺴﯽ ﺑﺎﺗﯿﮟ ﮐﺮﺗﺎ ﺗﮭﺎ، ﺍُﺳﮯ ﺳﻤﺠﮫ ﻧﮩﯿﮟ ﺁﺋﯽ، ﻭﮦ ﺍُﺱ ﺳﮯ ﮐﯿﺎ ﮐﮩﺘﯽ۔ ﮈﺍﻧﭩﺘﯽ؟ ﻧﺼﯿﺤﺖ ﮐﺮﺗﯽ؟ ﺣﻤﯿﻦ ﺳﮑﻨﺪﺭ ﻻﺟﻮﺍﺏ ﻧﮩﯿﮟ ﮐﺮﺗﺎ ﺗﮭﺎ۔ ﺑﮯ ﺑﺲ ﮐﺮ ﺩﯾﺘﺎ ﺗﮭﺎ۔
”Goodnight“
ﻭﮦ ﺍﺏ ﻭﮨﺎﮞ ﺳﮯ ﭼﻼ ﮔﯿﺎ ﺗﮭﺎ۔ ﺍﻣﺎﻣﮧ ﺍُﺳﮯ ﺟﺎﺗﺎ ﮨﻮﺍ ﺩﯾﮑﮭﺘﯽ ﺭﮨﯽ۔ ﺍُﻥ ﺳﺐ ﮐﺎ ﺍُﺱ ﮐﮯ ﺑﺎﺭﮮ ﻣﯿﮟ ﯾﮧ ﺧﯿﺎﻝ ﺗﮭﺎ ﮐﮧ ﺣﻤﯿﻦ ﺻﺮﻑ ﺍﭘﻨﮯ ﺑﺎﺭﮮ ﻣﯿﮟ ﺳﻮﭼﺘﺎ ﺗﮭﺎ، ﻭﮦ ﻻﭘﺮﻭﺍ ﺗﮭﺎ، ﺣﺴّﺎﺱ ﻧﮩﯿﮟ ﺗﮭﺎ، ﻧﮧ ﮨﯽ ﻭﮦ ﺩﻭﺳﺮﻭﮞ ﮐﺎ ﺯﯾﺎﺩﮦ ﺍﺣﺴﺎﺱ ﮐﺮﺗﺎ ﺗﮭﺎ۔
ﺑﮍﻭﮞ ﮐﮯ ﺑﻌﺾ ﺧﯿﺎﻻﺕ ﺍﻭﺭ ﺑﻌﺾ ﺍﻧﺪﺍﺯﮮ ﺑﭽﮯ ﺑﮍﮮ ﻏﻠﻂ ﻣﻮﻗﻊ ﭘﺮ ﻏﻠﻂ ﺛﺎﺑﺖ ﮐﺮﺗﮯ ﮨﯿﮟ۔ ﺍﻣﺎﻣﮧ ﭼﭗ ﭼﺎﭖ ﮐﮭﮍﯼ ﺍُﺳﮯ ﺟﺎﺗﺎ ﺩﯾﮑﮭﺘﯽ ﺭﮨﯽ۔ ﺳﺎﻻﺭ ﻧﮯ ﭨﮭﯿﮏ ﮐﮩﺎ ﺗﮭﺎ۔ ﺍﺳﮯ ﺍﭘﻨﯽ ﺍﻭﻻﺩ ﭘﺮ ﻓﺨﺮ ﮨﻮﺍ ﺗﮭﺎ۔

---

ﺑﺎﺑﺎ ﺁﭖ ﺭﺋﯿﺴﮧ ﺳﮯ ﺑﺎﺕ ﮐﺮﺳﮑﺘﮯ ﮨﯿﮟ؟ ﻋﻨﺎﯾﮧ ﻧﮯ ﺍﯾﮏ ﺩﻭ ﺩﻥ ﺑﻌﺪ ﺳﺎﻻﺭ ﺳﮯ ﮐﮩﺎ، ﻭﮦ ﺍﺱ ﻭﻗﺖ ﺍﺑﮭﯽ ﺁﻓﺲ ﺳﮯ ﻭﺍﭘﺲ ﺁﯾﺎ ﺗﮭﺎ ﺍﻭﺭ ﮐﭽﮫ ﺩﯾﺮ ﻣﯿﮟ ﺍُﺳﮯ ﭘﮭﺮ ﮐﮩﯿﮟ ﺟﺎﻧﮯ ﮐﮯ ﻟﯿﮯ ﻧﮑﻠﻨﺎ ﺗﮭﺎ۔ ﺟﺐ ﻋﻨﺎﯾﮧ ﺍﺱ ﮐﮯ ﭘﺎﺱ ﺁ ﮔﺌﯽ ﺗﮭﯽ ﺍﻭﺭ ﺍُﺱ ﻧﮯ ﺑﻨﺎ ﺗﻤﮩﯿﺪ ﺍﺱ ﺳﮯ ﮐﮩﺎ ﺗﮭﺎ۔
ﮐﺲ ﺑﺎﺭﮮ ﻣﯿﮟ؟ ﺳﺎﻻﺭ ﻧﮯ ﺟﯿﺴﮯ ﮐﭽﮫ ﺣﯿﺮﺍﻥ ﮨﻮ ﮐﺮ ﭘﻮﭼﮭﺎ۔ ﻓﻮﺭﯼ ﻃﻮﺭ ﭘﺮ ﺍُﺱ ﮐﮯ ﺫﮨﻦ ﻣﯿﮟ ﺍﯾﺴﯽ ﮐﻮﺋﯽ ﺑﺎﺕ ﻧﮩﯿﮟ ﺁﺋﯽ ﺗﮭﯽ، ﺟﺲ ﭘﺮ ﺍُﺳﮯ ﺭﺋﯿﺴﮧ ﺳﮯ ﺑﺎﺕ ﮐﺮﻧﯽ ﭘﮍﺗﯽ۔
ﻭﮦ ﺍﭖ ﺳﯿﭧ ﮨﮯ۔ ﻭﮨﯽ spelling bee ﮐﯽ ﻭﺟﮧ ﺳﮯ۔ ﻋﻨﺎﯾﮧ ﻧﮯ ﺍُﺱ ﮐﻮ ﺑﺘﺎﻧﺎ ﺷﺮﻭﻉ ﮐﯿﺎ۔ ﻣﯿﮟ ﺍﺱ ﮐﻮ ﺳﻤﺠﮭﺎ ﺭﮨﯽ ﮨﻮﮞ۔ ﻟﯿﮑﻦ ﻣﺠﮭﮯ ﻟﮕﺘﺎ ﮨﮯ، ﻣﯿﺮﯼ ﺑﺎﺕ ﺍﺳﮯ ﺳﻤﺠﮫ ﻧﮩﯿﮟ ﺁﺭﮨﯿﮟ۔ ﻭﮦ ﺩﻭﺑﺎﺭﮦ spelling bee ﻣﯿﮟ ﺣﺼّﮧ ﻟﯿﻨﺎ ﭼﺎﮨﺘﯽ ﮨﮯ ﺍﻭﺭ ﻭﮦ ﮨﺮ ﺭﻭﺯ ﺭﺍﺕ ﮐﻮ ﺑﯿﭩﮫ ﮐﺮ ﺗﯿّﺎﺭﯼ ﮐﺮﺗﯽ ﮨﮯ ﺍﻭﺭ ﻣﺠﮭﮯ ﺑﮭﯽ ﮐﮩﺘﯽ ﮨﮯ ﮐﮧ ﻣﯿﮟ ﺍُﺱ ﮐﯽ ﺗﯿّﺎﺭﯼ ﮐﺮﻭﺍﺅﮞ۔ ﻋﻨﺎﯾﮧ ﺍﺏ ﺍُﺳﮯ ﺗﻔﺼﯿﻞ ﺳﮯ ﻣﺴﺌﻠﮧ ﺳﻤﺠﮭﺎ ﺭﮨﯽ ﺗﮭﯽ۔
ﭘﮩﻠﮯ ﺗﻮ ﺣﻤﯿﻦ ﺗﯿّﺎﺭﯼ ﮐﺮﻭﺍ ﺭﮨﺎ ﺗﮭﺎ ﺍُﺳﮯ۔ ﺳﺎﻻﺭ ﮐﻮ ﯾﺎﺩ ﺁﯾﺎ۔
ﮨﺎﮞ ﺣﻤﯿﻦ ﺍﻭﺭ ﻣﯿﮟ ﻧﮯ ﺩﻭﻧﻮﮞ ﻧﮯ ﮐﺮﻭﺍﺋﯽ ﺗﮭﯽ۔ ﻟﯿﮑﻦ ﺍﺏ ﻭﮦ ﻣﺠﮫ ﺳﮯ ﮐﮩﺘﯽ ﮨﮯ ﮐﮧ ﻣﯿﮟ ﺍُﺳﮯ ﺗﯿّﺎﺭﯼ ﮐﺮﻭﺍﺅﮞ۔ I don’t mind doing that ﻟﯿﮑﻦ ﻣﺠﮭﮯ ﻧﮩﯿﮟ ﭘﺘﮧ ﮐﮧ ﺍﺳﮯ ﺩﻭﺑﺎﺭﮦ ﺣﺼّﮧ ﻟﯿﻨﺎ ﭼﺎﮨﯿﮯ ﯾﺎ ﻧﮩﯿﮟ۔ ﭘﮭﺮ ﺍﺑﮭﯽ ﺗﻮ ﺍﯾﮏ ﺳﺎﻝ ﭘﮍﺍ ﮨﮯ ﺍﺱ ﻣﻘﺎﺑﻠﮯ ﻣﯿﮟ۔ ﺍﺳﮯ ﺍﭘﻨﯽ ﺳﭩﮉﯾﺰ ﭘﺮ ﺯﯾﺎﺩﮦ ﺩﮬﯿﺎﻥ ﺩﯾﻨﺎ ﭼﺎﮨﯿﮯ۔ ﻋﻨﺎﯾﮧ ﺩﮬﯿﻤﮯ ﻟﮩﺠﮯ ﻣﯿﮟ ﺑﺎﭖ ﮐﻮ ﺳﺐ ﺑﺘﺎﺗﯽ ﮔﺌﯽ ﺗﮭﯽ۔
ﺳﺎﻻﺭ ﮐﻮ ﻏﻠﻄﯽ ﮐﺎ ﺍﺣﺴﺎﺱ ﮨﻮﺍ، ﺍﻧﮩﯿﮟ ﺭﺋﯿﺴﮧ ﺳﮯ ﻓﻮﺭﯼ ﻃﻮﺭ ﭘﺮ ﺑﺎﺕ ﮐﺮﻧﯽ ﭼﺎﮨﯿﮯ ﺗﮭﯽ۔ ﯾﮧ ﺍﻥ ﮐﯽ ﻏﻠﻂ ﻓﮩﻤﯽ ﺗﮭﯽ ﮐﮧ ﻭﮦ ﺍﯾﮏ ﺁﺩﮪ ﺩﻥ ﻣﯿﮟ ﭨﮭﯿﮏ ﮨﻮ ﺟﺎﺗﯽ۔
ﺍُﺳﮯ ﺑﮭﯿﺠﻮ۔ ﺍُﺱ ﻧﮯ ﻋﻨﺎﯾﮧ ﺳﮯ ﮐﮩﺎ، ﻭﮦ ﭼﻠﯽ ﮔﺌﯽ۔ ﺳﺎﻻﺭ ﻧﮯ ﺍﭘﻨﯽ ﮔﮭﮍﯼ ﺩﯾﮑﮭﯽ۔ ﺍُﺱ ﮐﮯ ﭘﺎﺱ 20 ﻣﻨﭧ ﺗﮭﮯ ﮔﮭﺮ ﺳﮯ ﻧﮑﻠﻨﮯ ﮐﮯ ﻟﯿﮯ۔ ﻭﮦ ﮐﭙﮍﮮ ﭘﮩﻠﮯ ﮨﯽ ﺗﺒﺪﯾﻞ ﮐﺮ ﭼﮑﺎ ﺗﮭﺎ ﺍﻭﺭ ﺍﺏ ﮐﭽﮫ ﻓﺎﺋﻠﺰ ﺩﯾﮑﮫ ﺭﮨﺎ ﺗﮭﺎ۔ ﺭﺋﯿﺴﮧ ﺍﻭﺭ ﻋﻨﺎﯾﮧ ﺍﻣﺎﻣﮧ ﮐﯽ ﻧﺴﺒﺖ ﺍُﺱ ﺳﮯ ﺯﯾﺎﺩﮦ ﻗﺮﯾﺐ ﺗﮭﯿﮟ۔ ﺍُﻧﮩﯿﮟ ﺟﻮ ﺑﮭﯽ ﺍﮨﻢ ﺑﺎﺕ ﮐﺮﻧﯽ ﮨﻮﺗﯽ ﺗﮭﯽ ﻭﮦ ﺍﻣﺎﻣﮧ ﺳﮯ ﺑﮭﯽ ﭘﮩﻠﮯ ﺳﺎﻻﺭ ﺳﮯ ﮐﺮﺗﯽ ﺗﮭﯿﮟ۔
ﺑﺎﺑﺎ ! ﺩﺭﻭﺍﺯﮮ ﭘﺮ ﺩﺳﺘﮏ ﺩﮮ ﮐﺮ ﺭﺋﯿﺴﮧ ﺍﻧﺪﺭ ﺩﺍﺧﻞ ﮨﻮﺋﯽ ﺗﮭﯽ۔
ﺁﺅ ﺑﯿﭩﺎ ! ﺻﻮﻓﮯ ﭘﺮ ﺑﯿﭩﮭﮯ ﮨﻮﺋﮯ ﺳﺎﻻﺭ ﻧﮯ ﺍﺳﺘﻘﺒﺎﻟﯿﮧ ﺍﻧﺪﺍﺯ ﻣﯿﮟ ﺍﭘﻨﺎ ﺍﯾﮏ ﺑﺎﺯﻭ ﭘﮭﯿﻼﯾﺎ ﺗﮭﺎ، ﻭﮦ ﺍُﺱ ﮐﮯ ﻗﺮﯾﺐ ﺻﻮﻓﮧ ﭘﺮ ﺁ ﮐﺮ ﺑﯿﭩﮫ ﮔﺌﯽ۔ ﺳﺎﻻﺭ ﻧﮯ ﺍُﺳﮯ ﺻﻮﻓﮧ ﺳﮯ ﺍُﭨﮭﺎ ﮐﺮ ﺳﺎﻣﻨﮯ ﭘﮍﯼ ﺳﯿﻨﭩﺮ ﭨﯿﺒﻞ ﭘﺮ ﺑﭩﮭﺎ ﺩﯾﺎ۔ ﻭﮦ ﮐﭽﮫ ﺟﺰ ﺑﺰ ﮨﻮﺋﯽ ﺗﮭﯽ ﻟﯿﮑﻦ ﺍُﺱ ﻧﮯ ﺍﺣﺘﺠﺎﺝ ﻧﮩﯿﮟ ﮐﯿﺎ، ﻭﮦ ﺩﻭﻧﻮﮞ ﺍﺏ ﺑﺎﻟﮑﻞ ﺁﻣﻨﮯ ﺳﺎﻣﻨﮯ ﺗﮭﮯ۔ ﺳﺎﻻﺭ ﮐﭽﮫ ﺩﯾﺮ ﮐﮯ ﻟﺌﮯ ﺧﺎﻣﻮﺷﯽ ﺳﮯ ﺍﺳﮯ ﺩﯾﮑﮭﺘﺎ ﺭﮨﺎ۔ ﮔﻮﻝ ﺷﯿﺸﻮﮞ ﻭﺍﻟﯽ ﻋﯿﻨﮏ ﺳﮯ ﺍُﺳﮯ ﺩﯾﮑﮭﺘﮯ ﮨﻮﺋﮯ ﻭﮦ ﮨﻤﯿﺸﮧ ﮐﯽ ﻃﺮﺡ ﺑﮯ ﺣﺪ ﺗﻮﺟﮧ ﺳﮯ ﺍُﺱ ﮐﯽ ﺑﺎﺕ ﺳﻨﻨﮯ ﮐﯽ ﻣﻨﺘﻈﺮ ﺗﮭﯽ۔ ﺍُﺱ ﮐﮯ ﮔﮭﻨﮯ ﺳﯿﺎﮦ ﺑﺎﻟﻮﮞ ﻣﯿﮟ ﺑﻨﺪﮬﺎ ﮨﻮﺍ ﺭﺑﻦ ﺗﮭﻮﮌﺍ ﮈﮬﯿﻼ ﺗﮭﺎ۔ ﺟﻮ ﺍُﺱ ﮐﮯ ﮐﻨﺪﮬﻮﮞ ﺳﮯ ﮐﭽﮫ ﻧﯿﭽﮯ ﺟﺎﻧﮯ ﻭﺍﻟﮯ ﺑﺎﻟﻮﮞ ﮐﻮ ﮔُﺪّﯼ ﺳﮯ ﻟﮯ ﮐﺮ ﺳﺮ ﮐﮯ ﺑﺎﻟﮑﻞ ﺩﺭﻣﯿﺎﻥ ﺗﮏ ﺑﺎﻧﺪﮬﮯ ﮨﻮﺋﮯ ﺗﮭﺎ ﻟﯿﮑﻦ ﺍﯾﮏ ﻃﺮﻑ ﮈﮬﻠﮑﺎ ﮨﻮﺍ ﺗﮭﺎ۔ ﻣﺎﺗﮭﮯ ﭘﺮ ﺁﻧﮯ ﻭﺍﻟﮯ ﺑﺎﻟﻮﮞ ﮐﻮ ﺭﻭﮐﻨﮯ ﮐﮯ ﻟﺌﮯ ﺭﻧﮓ ﺑﺮﻧﮕﯽ ﮨﯿﺌﺮ ﺭﺑﻨﺰ ﺳﮯ ﺍُﺱ ﮐﺎ ﺳﺮ ﺑﮭﺮﺍ ﮨﻮﺍ ﺗﮭﺎ، ﯾﮧ ﻋﻨﺎﯾﮧ ﮐﺎ ﮐﺎﺭﻧﺎﻣﮧ ﺗﮭﺎ، ﺭﺋﯿﺴﮧ ﮐﻮ ﮨﯿﺌﺮ ﺭﺑﻨﺰ ﭘﺴﻨﺪ ﺗﮭﮯ۔ ﺳﺎﻻﺭ ﮐﻮ ﯾﺎﺩ ﺑﮭﯽ ﻧﮩﯿﮟ ﺗﮭﺎ ﻭﮦ ﺍُﺱ ﮐﮯ ﻟﺌﮯ ﮐﺘﻨﮯ ﺭﺑﻨﺰ ﺧﺮﯾﺪ ﭼﮑﺎ ﺗﮭﺎ ﻟﯿﮑﻦ ﮨﺮ ﺭﻭﺯ ﺑﺪﻟﮯ ﺟﺎﻧﮯ ﻭﺍﻟﮯ ﮐﭙﮍﻭﮞ ﮐﮯ ﺳﺎﺗﮫ ﻣﯿﭽﻨﮓ ﺭﺑﻨﺰ ﺩﯾﮑﮫ ﮐﺮ ﺍﻧﮩﯿﮟ ﺑﮭﯽ ﺍﻧﺪﺍﺯﮦ ﮨﻮ ﺟﺎﺗﺎ ﺗﮭﺎ ﮐﮧ ﺭﺋﯿﺴﮧ ﺍﺱ ﻣﻌﺎﻣﻠﮯ ﻣﯿﮟ ﺧﻮﺩ ﮐﻔﯿﻞ ﺗﮭﯽ۔
ﻋﻨﺎﯾﮧ ﻧﮯ ﻣﺠﮭﮯ ﺑﺘﺎﯾﺎ ﮐﮧ ﺗﻢ ﺍﭖ ﺳﯿﭧ ﮨﻮ۔ ﺳﺎﻻﺭ ﻧﮯ ﺑﺎﻵﺧﺮ ﺑﺎﺕ ﮐﺎ ﺁﻏﺎﺯ ﮐﯿﺎ۔ ﻭﮦ ﯾﮏ ﺩﻡ ﺑﻠﺶ ﮨﻮﺋﯽ۔
ﻧﮩﯿﮟ !… ﻧﮩﯿﮟ ﺗﻮ۔ ﺍﺱ ﻧﮯ ﮔﮍﺑﮍﺍ ﮐﺮ ﺳﺎﻻﺭ ﺳﮯ ﮐﮩﺎ۔ ﺳﺎﻻﺭ ﺍُﺳﮯ ﺩﯾﮑﮭﺘﺎ ﺭﮨﺎ، ﺭﺋﯿﺴﮧ ﻧﮯ ﭼﻨﺪ ﻟﻤﺤﮯ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺩﯾﮑﮭﻨﮯ ﮐﯽ ﮐﻮﺷﺶ ﮐﯽ، ﭘﮭﺮ ﻧﻈﺮﯾﮟ ﭼُﺮﺍﻟﯿﮟ۔ ﭘﮭﺮ ﺟﯿﺴﮯ ﮐﭽﮫ ﻣﺪﺍﻓﻌﺎﻧﮧ ﺍﻧﺪﺍﺯ ﻣﯿﮟ ﮨﺘﮭﯿﺎﺭ ﮈﺍﻟﺘﮯ ﮨﻮﺋﮯ ﮐﮩﺎ۔
“ I am not very upset…. Just a little bit ”
ﺍُﺱ ﻧﮯ ﺍﺏ ﺳﺮ ﺟﮭﮑﺎ ﻟﯿﺎ ﺗﮭﺎ۔
“ And why is that ”?
ﺳﺎﻻﺭ ﻧﮯ ﺟﻮﺍﺑﺎً ﭘﻮﭼﮭﺎ۔
“ Because I am very unlcky ”
ﺍﺱ ﻧﮯ ﺑﮯ ﺣﺪ ﮨﻠﮑﯽ ﺁﻭﺍﺯ ﻣﯿﮟ ﮐﮩﺎ۔ ﺳﺎﻻﺭ ﺑﻮﻝ ﮨﯽ ﻧﮩﯿﮟ ﺳﮑﺎ۔ ﺍُﺳﮯ ﺍُﺱ ﺳﮯ ﺍﺱ ﺟﻤﻠﮯ ﮐﯽ ﺗﻮﻗﻊ ﻧﮩﯿﮟ ﺗﮭﯽ۔
“ That’s so wrong to say Raeesa ”.
ﺳﺎﻻﺭ ﺳﯿﺪﮬﺎ ﺑﯿﭩﮭﮯ ﺑﯿﭩﮭﮯ ﺁﮔﮯ ﮐﻮ ﺟﮭﮏ ﮔﯿﺎ، ﻭﮦ ﺍﺏ ﮐﮩﻨﯿﺎﮞ ﺍﭘﻨﮯ ﮔﮭﭩﻨﻮﮞ ﭘﺮ ﭨﮑﺎﺋﮯ ﺍﺱ ﮐﮯ ﺩﻭﻧﻮﮞ ﮨﺎﺗﮫ ﭘﮑﮍﮮ ﮨﻮﺋﮯ ﺗﮭﺎ۔ ﺍُﺱ ﮐﮯ ﮨﺎﺗﮭﻮﮞ ﭘﺮ ﺁﻧﺴﻮﺅﮞ ﮐﮯ ﻗﻄﺮﮮ ﮔﺮﮮ ﺗﮭﮯ۔ ﻭﮦ ﺳﺮ ﺟﮭﮑﺎﺋﮯ ﺑﺎﭖ ﮐﮯ ﺳﺎﻣﻨﮯ ﺑﯿﭩﮭﯽ ﺍﺏ ﺭﻭ ﺭﮨﯽ ﺗﮭﯽ۔ ﺍُﺱ ﮐﮯ ﮔﻼﺳﺰ ﺩﮬﻨﺪﻻ ﮔﺌﮯ ﺗﮭﮯ۔ ﺳﺎﻻﺭ ﮐﻮ ﺗﮑﻠﯿﻒ ﮨﻮﺋﯽ، ﯾﮧ ﭘﮩﻼ ﻣﻮﻗﻊ ﺗﮭﺎ ﺍُﺱ ﻧﮯ ﺭﺋﯿﺴﮧ ﮐﻮ ﺍﺱ ﻃﺮﺡ ﺭﻭﺗﮯ ﺩﯾﮑﮭﺎ ﺗﮭﺎ۔ ﻋﻨﺎﯾﮧ ﺑﺎﺕ ﺑﺎﺕ ﭘﺮ ﺭﻭ ﭘﮍﻧﮯ ﻭﺍﻟﯽ ﺗﮭﯽ، ﺭﺋﯿﺴﮧ ﻧﮩﯿﮟ۔
“ I am ”……….
ﻭﮦ ﮨﭽﮑﯿﻮﮞ ﮐﮯ ﺩﺭﻣﯿﺎﻥ ﮐﮩﮧ ﺭﮨﯽ ﺗﮭﯽ۔
“ No you are not ”
ﺳﺎﻻﺭ ﻧﮯ ﺍُﺱ ﮐﮯ ﮔﻼﺳﺰ ﺍﺗﺎﺭﺗﮯ ﮨﻮﺋﮯ ﺍﻧﮩﯿﮟ ﻣﯿﺰ ﭘﺮ ﺭﮐﮭﺎ ﺍﻭﺭ ﺭﺋﯿﺴﮧ ﮐﻮ ﺍﭨﮭﺎ ﮐﺮ ﮔﻮﺩ ﻣﯿﮟ ﺑﭩﮭﺎ ﻟﯿﺎ۔ ﻭﮦ ﺑﺎﭖ ﮐﯽ ﮔﺮﺩﻥ ﻣﯿﮟ ﺑﺎﺯﻭ ﮈﺍﻟﮯ ﺍُﺱ ﮐﮯ ﺳﺎﺗﮫ ﻟﭙﭩﯽ ﮨﻮﺋﯽ ﺭﻭ ﺭﮨﯽ ﺗﮭﯽ۔ ﺟﯿﺴﮯ spelling bee ﺁﺝ ﮨﯽ ﮨﺎﺭﯼ ﺗﮭﯽ۔ ﺳﺎﻻﺭ ﮐﭽﮫ ﮐﮩﮯ ﺑﻐﯿﺮ console ﮐﺮﻧﮯ ﻭﺍﻟﮯ ﺍﻧﺪﺍﺯ ﻣﯿﮟ ﺍُﺳﮯ ﺗﮭﭙﮑﺘﺎ ﺭﮨﺎ۔
“ I let you down Baba ”
ﮨﭽﮑﯿﻮﮞ ﮐﮯ ﺩﺭﻣﯿﺎﻥ ﺍُﺱ ﻧﮯ ﺭﺋﯿﺴﮧ ﮐﻮ ﮐﮩﺘﮯ ﺳﻨﺎ۔ ﺑﺎﻟﮑﻞ ﺑﮭﯽ ﻧﮩﯿﮟ ﺭﺋﯿﺴﮧ … I am very proud of you ﺳﺎﻻﺭ ﻧﮯ ﺍُﺳﮯ ﮐﮩﺎ۔ ﺍﻣﺎﻣﮧ ﺑﺎﻟﮑﻞ ﺍُﺳﯽ ﻟﻤﺤﮯ ﮐﻤﺮﮮ ﮐﺎ ﺩﺭﻭﺍﺯﮦ ﮐﮭﻮﻝ ﮐﺮ ﺍﻧﺪﺭ ﺁﺋﯽ ﺗﮭﯽ ﺍﻭﺭ ﻭﮨﯿﮟ ﭨﮭﭩﮭﮏ ﮔﺌﯽ ﺗﮭﯽ، ﺳﺎﻻﺭ ﻧﮯ ﮨﻮﻧﭩﻮﮞ ﭘﺮ ﺍﻧﮕﻠﯽ ﮐﮯ ﺍﺷﺎﺭﮮ ﺳﮯ ﺍُﺳﮯ ﺧﺎﻣﻮﺵ ﺭﮨﻨﮯ ﮐﺎ ﮐﮩﺎ ﺗﮭﺎ۔
ﻣﯿﮟ ﻧﮯ ﺍﺗﻨﯽ ﻣﺤﻨﺖ ﮐﯽ ﺗﮭﯽ۔ ﻟﯿﮑﻦ ﻣﯿﮟ ﮐﺒﮭﯽ ﺣﻤﯿﻦ، ﺟﺒﺮﯾﻞ ﺑﮭﺎﺋﯽ ﺍﻭﺭ ﻋﻨﺎﯾﮧ ﺁﭘﯽ ﮐﯽ ﻃﺮﺡ ﮐﭽﮫ ﺑﮭﯽ ﺟﯿﺖ ﻧﮩﯿﮟ ﺳﮑﺘﯽ۔ ﮐﯿﻮﮞ ﮐﮧ ﻣﯿﮟ lucky ﻧﮩﯿﮟ ﮨﻮﮞ۔
ﻭﮦ ﺍﺱ ﮐﮯ ﺳﯿﻨﮯ ﻣﯿﮟ ﻣﻨﮧ ﭼﮭﭙﺎﺋﮯ ﺍﭘﻨﮯ ﺩﻝ ﮐﯽ ﺑﮭﮍﺍﺱ ﻧﮑﺎﻝ ﺭﮨﯽ ﺗﮭﯽ۔ ﺳﺎﻻﺭ ﮐﯽ ﻃﺮﺡ ﺍﻣﺎﻣﮧ ﮐﻮ ﺑﮭﯽ ﻋﺠﯿﺐ ﺗﮑﻠﯿﻒ ﮨﻮﺋﯽ ﺗﮭﯽ ﺍُﺱ ﮐﯽ ﺍﺱ ﺑﺎﺕ ﺳﮯ۔ ﻭﮦ ﺻﻮﻓﮧ ﭘﺮ ﺁ ﮐﺮ ﺳﺎﻻﺭ ﮐﮯ ﺑﺮﺍﺑﺮ ﺑﯿﭩﮫ ﮔﺌﯽ ﺗﮭﯽ۔ ﮐﺎﻓﯽ ﮐﺎ ﻭﮦ ﻣﮓ ﺍُﺱ ﻧﮯ ﭨﯿﺒﻞ ﭘﺮ ﺭﮐﮫ ﺩﯾﺎ ﺟﻮ ﻭﮦ ﺳﺎﻻﺭ ﮐﻮ ﺩﯾﻨﮯ ﺁﺋﯽ ﺗﮭﯽ۔ ﯾﮧ ﺳﺎﻻﺭ ﻧﮩﯿﮟ ﺗﮭﺎ ﺍﻣﺎﻣﮧ ﺗﮭﯽ ﺟﺲ ﻧﮯ ﺭﺋﯿﺴﮧ ﭘﺮ ﺟﺎﻥ ﻣﺎﺭﯼ ﺗﮭﯽ۔ ﺍُﺱ ﮐﯽ learning disabilities ﺩﻭﺭ ﮐﺮﻧﮯ ﮐﮯ ﻟﺌﮯ۔ ﺍُﺳﮯ ﺑﻮﻟﻨﺎ ﺍﻭﺭ ﺩﺭﺳﺖ ﺑﻮﻟﻨﺎ ﺳﮑﮭﺎﻧﮯ ﮐﮯ ﻟﺌﮯ۔ ﺍُﺳﮯ ﭘﮍﮬﻨﺎ ﻟﮑﮭﻨﺎ ﺳﮑﮭﺎﻧﮯ ﮐﮯ ﻟﺌﮯ۔ ﺳﺎﻻﺭ ﻧﮯ ﺻﺮﻑ ﺍُﺳﮯ adopt ﮐﯿﺎ ﺗﮭﺎ، ﺍﻣﺎﻣﮧ ﻧﮯ ﺍُﺱ ﮐﯽ ﺯﻧﺪﮔﯽ ﺑﺪﻝ ﺩﯼ ﺗﮭﯽ ﺍﻭﺭ ﺍُﺱ ﮐﺎ ﺧﯿﺎﻝ ﺗﮭﺎ ﺍﺏ ﺳﺐ ﮐﭽﮫ ﭨﮭﯿﮏ ﺗﮭﺎ۔ ﻟﯿﮑﻦ ﻭﮦ ﻓﺮﻕ ﺟﻮ ﻭﮦ ﺍﭘﻨﮯ ﺁﭖ ﻣﯿﮟ ﺍﻭﺭ ﺍُﻥ ﺗﯿﻨﻮﮞ ﻣﯿﮟ ﺩﯾﮑﮫ ﺭﮨﯽ ﺗﮭﯽ۔ ﺍُﺱ ﻧﮯ ﺍﻥ ﺩﻭﻧﻮﮞ ﮐﻮ ﮨﯽ ﭘﺮﯾﺸﺎﻥ ﮐﯿﺎ ﺗﮭﺎ۔
ﻭﮦ ﺭﻭﻧﮯ ﺩﮬﻮﻧﮯ ﮐﮯ ﺑﻌﺪ ﺍﺏ ﺧﺎﻣﻮﺵ ﮨﻮ ﮔﺌﯽ ﺗﮭﯽ، ﺳﺎﻻﺭ ﻧﮯ ﺍُﺳﮯ ﺧﻮﺩ ﺳﮯ ﺍﻟﮓ ﮐﺮﺗﮯ ﮨﻮﺋﮯ ﮐﮩﺎ۔
”?Enough“
ﺭﺋﯿﺴﮧ ﻧﮯ ﮔﯿﻠﮯ ﭼﮩﺮﮮ ﮐﮯ ﺳﺎﺗﮫ ﺳﺮ ﮨﻼﯾﺎ۔ ﺍُﺱ ﮐﮯ ﺑﺎﻝ ﺍﯾﮏ ﺑﺎﺭ ﭘﮭﺮ ﺑﮯ ﺗﺮﺗﯿﺐ ﺗﮭﮯ۔ ﺭﺑﻦ ﺍﯾﮏ ﺑﺎﺭ ﭘﮭﺮ ﮈﮬﯿﻼ ﮨﻮ ﭼﮑﺎ ﺗﮭﺎ۔ ﺳﺎﻻﺭ ﺳﮯ ﺍﻟﮓ ﮨﻮﺗﮯ ﮨﻮﺋﮯ ﺍُﺱ ﻧﮯ ﺍﻣﺎﻣﮧ ﮐﻮ ﺩﯾﮑﮭﺎ ﺗﮭﺎ ﺍﻭﺭ ﺟﯿﺴﮯ ﮐﭽﮫ ﺍﻭﺭ ﻧﺎﺩﻡ ﮨﻮﺋﯽ۔ ﺳﺎﻻﺭ ﻧﮯ ﺍُﺳﮯ ﺍﯾﮏ ﺑﺎﺭ ﭘﮭﺮ ﭨﯿﺒﻞ ﭘﺮ ﺑﭩﮭﺎ ﺩﯾﺎ۔
ﺗﻤﮩﯿﮟ ﮐﯿﻮﮞ ﻟﮕﺘﺎ ﮨﮯ۔ ﻭﮦ ﺗﯿﻨﻮﮞ lucky ﮨﯿﮟ ﺍﻭﺭ ﺗﻢ ﻧﮩﯿﮟ؟ ﺳﺎﻻﺭ ﻧﮯ ﺍُﺳﮯ ﺑﭩﮭﺎﻧﮯ ﮐﮯ ﺑﻌﺪ ﺍُﺱ ﮐﮯ ﮔﯿﻠﮯ ﮔﻼﺳﺰ ﺍﭨﮭﺎ ﮐﺮ ﭨﺸﻮ ﺳﮯ ﺍﺱ ﮐﮯ ﺷﯿﺸﮯ ﺭﮔﮍﺗﮯ ﮨﻮﺋﮯ ﺍُﺱ ﺳﮯ ﭘﻮﭼﮭﺎ۔
ﮐﯿﻮﮞ ﮐﮧ ﻭﮦ ﺟﺲ ﭼﯿﺰ ﻣﯿﮟ ﺣﺼّﮧ ﻟﯿﺘﮯ ﮨﯿﮟ ﺟﯿﺖ ﺟﺎﺗﮯ ﮨﯿﮟ، ﻣﯿﮟ ﻧﮩﯿﮟ ﺟﯿﺘﺘﯽ۔ ﻭﮦ ﺍﯾﮏ ﺑﺎﺭ ﭘﮭﺮ ﺭﻧﺠﯿﺪﮦ ﮨﻮﺋﯽ۔ ﻭﮦ ﺍﯾﮕﺰﺍﻣﺰ ﻣﯿﮟ ﻣﺠﮫ ﺳﮯ ﺍﭼﮭﮯ ﮔﺮﯾﮉﺯ ﻟﯿﺘﮯ ﮨﯿﮟ، ﻣﯿﮟ ﮐﺒﮭﯽ ﺍﮮ ﭘﻠﺲ ﻧﮩﯿﮟ ﻟﮯ ﺳﮑﺘﯽ۔ ﻣﯿﮟ ﮐﻮﺋﯽ ﺑﮭﯽ ﺍﯾﺴﺎ ﮐﺎﻡ ﻧﮩﯿﮟ ﮐﺮ ﺳﮑﺘﯽ ﺟﻮ ﻭﮦ ﻧﮩﯿﮟ ﮐﺮ ﺳﮑﺘﮯ۔ ﻟﯿﮑﻦ ﻭﮦ ﺑﮩﺖ ﺳﮯ ﺍﯾﺴﮯ ﮐﺎﻡ ﮐﺮ ﺳﮑﺘﮯ ﮨﯿﮟ ﺟﻮ ﻣﯿﮟ ﻧﮩﯿﮟ ﮐﺮ ﺳﮑﺘﯽ۔
ﺁﭨﮫ ﺳﺎﻝ ﮐﯽ ﻭﮦ ﺑﭽﯽ above average ﺗﮭﯽ۔ ﻟﯿﮑﻦ ﺍُﺱ ﮐﺎ ﺗﺠﺰﯾﮧ excellent ﺗﮭﺎ۔
ﺩﻧﯿﺎ ﻣﯿﮟ ﺻﺮﻑ ﮨﺮ ﻣﻘﺎﺑﻠﮧ ﺟﯿﺘﻨﮯ ﻭﺍﻟﮯ lucky ﻧﮩﯿﮟ ﮨﻮﺗﮯ۔ ﺳﺐ ﮐﭽﮫ ﮐﺮ ﺟﺎﻧﮯ ﻭﺍﻟﮯ lucky ﻧﮩﯿﮟ ﮨﻮﺗﮯ۔ Lucky ﻭﮦ ﮨﻮﺗﮯ ﮨﯿﮟ، ﺟﻨﮩﯿﮟ ﯾﮧ ﭘﺘﮧ ﭼﻞ ﺟﺎﺋﮯ ﮐﮧ ﻭﮦ ﮐﺲ ﮐﺎﻡ ﻣﯿﮟ ﺍﭼﮭﮯ ﮨﯿﮟ ﺍﻭﺭ ﭘﮭﺮ ﻭﮦ ﺍُﺱ ﮐﺎﻡ ﻣﯿﮟ excel ﮐﺮﯾﮟ ﺍﻭﺭ ﻓﺎﻟﺘﻮ ﮐﺎﻣﻮﮞ ﻣﯿﮟ ﺍﭘﻨﯽ energy ﺿﺎﺋﻊ ﻧﮧ ﮐﺮﯾﮟ۔ ﻭﮦ ﺍﺏ ﺍﺳﮯ ﺳﻤﺠﮭﺎ ﺭﮨﺎ ﺗﮭﺎ۔ ﺭﺋﯿﺴﮧ ﮐﮯ ﺁﻧﺴﻮ ﺗﮭﻢ ﭼﮑﮯ ﺗﮭﮯ ﻭﮦ ﺍﺏ ﺑﺎﭖ ﮐﺎ ﭼﮩﺮﮦ ﺩﯾﮑﮫ ﺭﮨﯽ ﺗﮭﯽ۔
” You have done exceptionally well
ﻟﯿﮑﻦ ﺑﺲ ﺗﻢ spelling bee ﻣﯿﮟ ﺍﺗﻨﺎ ﮨﯽ ﺍﭼﮭﺎ ﭘﺮﻓﺎﺭﻡ ﮐﺮ ﺳﮑﺘﯽ ﺗﮭﯽ۔ ﻭﮨﺎﮞ ﮐﭽﮫ ﺑﭽﮯ ﺍﯾﺴﮯ ﮨﻮﮞ ﮔﮯ ﺟﻮ ﺗﻢ ﺳﮯ ﺯﯾﺎﺩﮦ ﺍﭼﮭﮯ ﺗﮭﮯ ﺍﻭﺭ ﺍﻧﮩﻮﮞ ﻧﮯ ﺗﻤﮩﯿﮟ ﮨﺮﺍ ﺩﯾﺎ۔ ﻟﯿﮑﻦ ﺍُﻥ ﺩﺭﺟﻨﻮﮞ ﺑﭽﻮﮞ ﮐﺎ ﺳﻮﭼﻮ ﺟﻨﮩﯿﮟ ﺗﻢ ﮨﺮﺍ ﮐﺮ ﻓﺎﺋﻨﻞ ﺭﺍﺅﻧﮉ ﻣﯿﮟ ﭘﮩﻨﭽﯽ ﺗﮭﯽ، ﮐﯿﺎ ﻭﮦ ﺑﮭﯽ unlucky ﮨﯿﮟ؟ ﻭﮦ ﮐﯿﺎ ﯾﮧ ﺳﻮﭺ ﻟﯿﮟ ﮐﮧ ﻭﮦ ﮨﻤﯿﺸﮧ ﮨﺎﺭﺗﮯ ﺭﮨﯿﮟ ﮔﮯ؟ ﺳﺎﻻﺭ ﺍُﺱ ﺳﮯ ﭘﻮﭼﮫ ﺭﮨﺎ ﺗﮭﺎ، ﺭﺋﯿﺴﮧ ﻧﮯ ﺑﮯ ﺍﺧﺘﯿﺎﺭ ﺳﺮ ﻧﻔﯽ ﻣﯿﮟ ﮨﻼﯾﺎ۔
ﺣﻤﯿﻦ، ﺟﺒﺮﯾﻞ ﺍﻭﺭ ﻋﻨﺎﯾﮧ ﮐﺒﮭﯽ ﺳﭙﻮﺭﭨﺲ ﻣﯿﮟ ﺍﺗﻨﮯ exceptional ﻧﮩﯿﮟ ﺭﮨﮯ، ﺟﺘﻨﮯ ﺑﮩﺖ ﺳﮯ ﺩﻭﺳﺮﮮ ﺑﭽﮯ ﮨﯿﮟ۔ ﺍﺱ ﻟﺌﮯ ﯾﮧ ﻣﺖ ﮐﮩﻮ ﻭﮦ ﺳﺐ ﮐﺮ ﺳﮑﺘﮯ ﮨﯿﮟ۔ ﺍﺱ ﺑﺎﺭ ﺍﻣﺎﻣﮧ ﻧﮯ ﺍُﺳﮯ ﺳﻤﺠﮭﺎﯾﺎ، ﺭﺋﯿﺴﮧ ﻧﮯ ﺳﺮ ﮨﻼﯾﺎ۔ ﺑﺎﺕ ﭨﮭﯿﮏ ﺗﮭﯽ، ﻭﮦ ﺳﭙﻮﺭﭨﺲ ﻣﯿﮟ ﺍﭼﮭﮯ ﺗﮭﮯ ﻟﯿﮑﻦ ﻭﮦ ﺳﭙﻮﺭﭨﺲ ﻣﯿﮟ ﺍﭘﻨﮯ ﺳﮑﻮﻟﺰ ﮐﮯ ﺳﺐ ﺳﮯ ﻧﻤﺎﯾﺎﮞ ﺍﺳﭩﻮﮈﻧﭩﺲ ﻧﮩﯿﮟ ﺗﮭﮯ۔
ﺗﻤﮩﯿﮟ ﺍﺏ ﯾﮧ ﺩﯾﮑﮭﻨﺎ ﮨﮯ ﮐﮧ ﺗﻢ ﮐﺲ ﭼﯿﺰ ﻣﯿﮟ ﺑﮩﺖ ﺍﭼﮭﺎ ﮐﺮ ﺳﮑﺘﯽ ﮨﻮ ﺍﻭﺭ ﭘﮭﺮ ﺗﻤﮩﯿﮟ ﺍُﺳﯽ ﭼﯿﺰ ﻣﯿﮟ ﺩﻝ ﻟﮕﺎ ﮐﺮ ﮐﺎﻡ ﮐﺮﻧﺎ ﮨﮯ۔ ﮐﻮﺋﯽ ﺑﮭﯽ ﮐﺎﻡ ﺍﺱ ﻟﺌﮯ ﻧﮩﯿﮟ ﮐﺮﻧﺎ ﮐﮧ ﻭﮦ ﺟﺒﺮﯾﻞ، ﺣﻤﯿﻦ ﺍﻭﺭ ﻋﻨﺎﯾﮧ ﮐﺮ ﺭﮨﮯ ﮨﯿﮟ۔ ﺳﺎﻻﺭ ﻧﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﮐﮩﺎ ﺗﮭﺎ۔
ﯾﮧ ﺿﺮﻭﺭﯼ ﻧﮩﯿﮟ ﮨﻮﺗﺎ ﮐﮧ ﺻﺮﻑ ﺍﮮ ﭘﻠﺲ ﻭﺍﻻ ﮨﯽ ﺯﻧﺪﮔﯽ ﻣﯿﮟ ﺑﮍﮮ ﮐﺎﻡ ﮐﺮﮮ ﮔﺎ۔ ﺑﮍﺍ ﮐﺎﻡ ﺍﻭﺭ ﮐﺎﻣﯿﺎﺑﯽ ﺗﻮ ﺍﻟﻠﮧ ﮐﯽ ﻃﺮﻑ ﺳﮯ ﮨﻮﺗﯽ ﮨﮯ۔ ﺗﻢ ﺩﻋﺎ ﮐﯿﺎ ﮐﺮﻭ ﮐﮧ ﺍﻟﻠﮧ ﺗﻢ ﺳﮯ ﺑﮩﺖ ﺑﮍﮮ ﮐﺎﻡ ﮐﺮﻭﺍﺋﮯ ﺍﻭﺭ ﺗﻤﮩﯿﮟ ﺑﮩﺖ ﮐﺎﻣﯿﺎﺑﯽ ﺩﮮ۔ ﺭﺋﯿﺴﮧ ﻧﮯ ﺍُﻥ ﮔﻼﺳﺰ ﮐﻮ ﭨﮭﯿﮏ ﮐﯿﺎ ﺟﻮ ﺳﺎﻻﺭ ﻧﮯ ﺍُﺳﮯ ﻟﮕﺎﺋﮯ ﺗﮭﮯ۔
ﺗﻢ ﺭﺋﯿﺴﮧ ﮨﻮ۔ ﺣﻤﯿﻦ، ﺟﺒﺮﯾﻞ ﺍﻭﺭ ﻋﻨﺎﯾﮧ ﻧﮩﯿﮟ ﮨﻮ۔ ﺍﻭﺭ ﮨﺎﮞ ﺗﻢ ﺍُﻥ ﺳﮯ ﺍﻟﮓ ﮨﻮ that’s the best thing ﺍﻟﮓ ﮨﻮﻧﺎ ﺑﮩﺖ ﺍﭼﮭﯽ ﭼﯿﺰ ﮨﻮﺗﺎ ﮨﮯ ﺭﺋﯿﺴﮧ ﺍﻭﺭ ﺯﻧﺪﮔﯽ spelling bee ﮐﺎ ﺍﯾﮏ ﻣﻘﺎﺑﻠﮧ ﻧﮩﯿﮟ ﮨﻮﺗﺎ ﺟﺲ ﻣﯿﮟ ﮐﭽﮫ ﻟﻔﻆ spell ﮐﺮ ﮐﮯ ﭨﺎﺋﭩﻞ ﺟﯿﺘﻨﮯ ﮐﮯ ﺑﻌﺪ ﮨﻢ ﺧﻮﺩ ﮐﻮ lucky ﺍﻭﺭ ﻧﮧ ﺟﯿﺘﻨﮯ ﭘﺮ unlucky ﺳﻤﺠﮭﯿﮟ۔ ﻭﮦ ﺍﺏ ﺍُﺱ ﮐﺎ ﺭﺑﻦ ﺩﻭﺑﺎﺭﮦ ﺑﺎﻧﺪﮪ ﺭﮨﺎ ﺗﮭﺎ، ﺑﺎﻝ ﭨﮭﯿﮏ ﮐﺮﺗﮯ ﮨﻮﺋﮯ۔
ﺯﻧﺪﮔﯽ ﻣﯿﮟ words ﮐﻮ spell ﮐﺮﻧﮯ ﮐﮯ ﻋﻼﻭﮦ ﺑﮭﯽ ﺑﮩﺖ ﺳﺎﺭﯼ skills ﭼﺎﮨﯿﮯ۔ ﺍﯾﮏ، ﺩﻭ ﻧﮩﯿﮟ۔ 50-100 ﺍﻭﺭ ﺗﻤﮩﺎﺭﮮ ﭘﺎﺱ ﺑﮩﺖ ﺳﺎﺭﯼ skills ﮨﯿﮟ۔ ﺍﻭﺭ ﺑﮭﯽ ﺁﺋﯿﮟ ﮔﯽ۔ You will shine like a star ﺟﺲ ﺟﮕﮧ ﺑﮭﯽ ﺟﺎﺅ ﮔﯽ، ﺟﻮ ﺑﮭﯽ ﮐﺮﻭ ﮔﯽ۔
ﺭﺋﯿﺴﮧ ﮐﯽ ﺁﻧﮑﮭﯿﮟ، ﭼﮩﺮﮦ ﺍﻭﺭ ﮨﻮﻧﭧ ﺑﯿﮏ ﻭﻗﺖ ﭼﻤﮑﮯ ﺗﮭﮯ۔
ﺍﻭﺭ ﭘﺘﮧ ﮨﮯ ﺻﺤﯿﺢ ﻣﻌﻨﻮﮞ ﻣﯿﮟ lucky ﮐﻮﻥ ﮨﻮﺗﺎ ﮨﮯ؟ ﻭﮦ ﺟﺲ ﮐﯽ ﺍﭼﮭﺎﺋﯽ ﺍﻭﺭ ﺍﺧﻼﻕ ﻟﻮﮔﻮﮞ ﮐﻮ ﺍُﺳﮯ ﯾﺎﺩ ﺭﮐﮭﻨﮯ ﭘﺮ ﻣﺠﺒﻮﺭ ﮐﺮ ﺩﮮ ﺍﻭﺭ ﺗﻢ ﻣﯿﺮﯼ ﺑﮩﺖ ﺍﭼﮭﯽ ﺍﻭﺭ ﺑﮩﺖ ﺍﺧﻼﻕ ﻭﺍﻟﯽ lucky ﺑﯿﭩﯽ ﮨﻮ۔ ﻭﮦ ﺍﺏ ﭨﯿﺒﻞ ﺳﮯ ﺍُﺗﺮ ﮐﺮ ﺑﺎﭖ ﮐﮯ ﮔﻠﮯ ﻟﮕﯽ ﺗﮭﯽ، ﺟﯿﺴﮯ ﺍُﺳﮯ ﺳﻤﺠﮫ ﺁ ﮔﺌﯽ ﺗﮭﯽ ﮐﮧ ﻭﮦ ﺍﺳﮯ ﮐﯿﺎ ﺳﻤﺠﮭﺎﻧﺎ ﭼﺎﮦ ﺭﮨﺎ ﺗﮭﺎ۔
“ Yes I am ”
ﺍُﺱ ﻧﮯ ﺑﮍﯼ ﮔﺮﻡ ﺟﻮﺷﯽ ﺳﮯ ﺳﺎﻻﺭ ﺳﮯ ﮐﮩﺎ، ﺍُﺱ ﺳﮯ ﺍﻟﮓ ﮨﻮ ﮐﺮ ﻭﮦ ﺍﻣﺎﻣﮧ ﮐﮯ ﮔﻠﮯ ﻟﮕﯽ۔ ﺍﻣﺎﻣﮧ ﻧﮯ ﺍُﺱ ﮐﯽ ﮨﯿﺌﺮ ﺭﺑﻨﺰ ﻧﮑﺎﻝ ﮐﺮ ﺍﯾﮏ ﭨﮭﯿﮏ ﮐﯿﮟ۔
ﺳﺎﻻﺭ ﻧﮯ ﮐﺎﻓﯽ ﮐﺎ ﺍﯾﮏ ﺳﭗ ﻟﯿﺎ ﺍﻭﺭ ﺍُﺳﮯ ﺍﺩﮬﻮﺭﺍ ﭼﮭﻮﮌ ﮐﺮ ﻭﮨﺎﮞ ﺳﮯ ﭼﻼ ﮔﯿﺎ، ﺍُﺳﮯ ﺗﺎﺧﯿﺮ ﮨﻮ ﺭﮨﯽ ﺗﮭﯽ۔
ﺑﺎﺑﺎ ﻣﺠﮫ ﺳﮯ ﺧﻔﺎ ﺗﻮ ﻧﮩﯿﮟ ﮨﻮﺋﮯ ﻧﺎ؟ ﺳﺎﻻﺭ ﮐﮯ ﺟﺎﻧﮯ ﮐﮯ ﺑﻌﺪ ﺭﺋﯿﺴﮧ ﻧﮯ ﺍﻣﺎﻣﮧ ﺳﮯ ﭘﻮﭼﮭﺎ۔
ﻧﮩﯿﮟ ﺧﻔﺎ ﻧﮩﯿﮟ ﮨﻮﺋﮯ۔ ﻟﯿﮑﻦ ﺗﻤﮩﺎﺭﮮ ﺭﻭﻧﮯ ﺳﮯ ﮨﻤﺎﺭﺍ ﺩﻝ ﺩُﮐﮭﺎ۔ ﺍﻣﺎﻣﮧ ﻧﮯ ﺟﻮﺍﺑﺎً ﮐﮩﺎ۔
” I am so sorry Mummy …
ﻣﯿﮟ ﺩﻭﺑﺎﺭﮦ ﮐﺒﮭﯽ ﻧﮩﯿﮟ ﺭﻭﺅﮞ ﮔﯽ۔ ﺍُﺱ ﻧﮯ ﺍﻣﺎﻣﮧ ﺳﮯ ﻭﻋﺪﮦ ﮐﯿﺎ، ﺍﻣﺎﻣﮧ ﻧﮯ ﺍُﺳﮯ ﺗﮭﭙﮑﺎ۔
ﺗﻢ ﻣﯿﺮﯼ ﺑﮩﺎﺩﺭ ﺑﯿﭩﯽ ﮨﻮ۔ ﻋﻨﺎﯾﮧ ﺁﭘﯽ ﮐﯽ ﻃﺮﺡ ﺑﺎﺕ ﺑﺎﺕ ﭘﺮ ﺭﻭﻧﮯ ﻭﺍﻟﯽ ﺗﻮ ﻧﮩﯿﮟ۔ ﺭﺋﯿﺴﮧ ﻧﮯ ﭘﺮﺟﻮﺵ ﺍﻧﺪﺍﺯ ﻣﯿﮟ ﺳﺮ ﮨﻼﯾﺎ، ﺍُﺱ ﮐﮯ ﻣﺎﮞ ﺑﺎﭖ ﺍُﺳﮯ ﺳﺐ ﺳﮯ ﺯﯾﺎﺩﮦ ﺑﮩﺎﺩﺭ ﺍﻭﺭ ﺍﺧﻼﻕ ﻭﺍﻻ ﺳﻤﺠﮭﺘﮯ ﺗﮭﮯ ﺍﻭﺭ ﯾﮧ ﺍُﺳﮯ ﭘﺘﮧ ﮨﯽ ﻧﮩﯿﮟ ﺗﮭﺎ۔ ﻭﮦ ﺑﺎﺕ ﭼﯿﺖ ﺁﭨﮫ ﺳﺎﻟﮧ ﺭﺋﯿﺴﮧ ﮐﮯ ﺫﮨﻦ ﭘﺮ ﻧﻘﺶ ﮨﻮ ﮔﺌﯽ ﺗﮭﯽ۔ ﺍﻣﺎﻣﮧ ﺍﻭﺭ ﺳﺎﻻﺭ ﮐﻮ ﺩﻭﺑﺎﺭﮦ ﮐﺒﮭﯽ ﺍُﺱ ﮐﻮ ﺍﯾﺴﯽ ﮐﺴﯽ ﺑﺎﺕ ﭘﺮ ﺳﻤﺠﮭﺎﻧﺎ ﻧﮩﯿﮟ ﭘﮍﺍ ﺗﮭﺎ۔ ﺍُﺳﮯ ﺍﺏ ﯾﮧ ﻃﮯ ﮐﺮﻧﺎ ﺗﮭﺎ ﮐﮧ ﻭﮦ ﮐﺲ ﮐﺎﻡ ﻣﯿﮟ ﺍﭼﮭﯽ ﺗﮭﯽ ﮐﺲ ﮐﺎﻡ ﻣﯿﮟ excel ﮐﺮ ﺳﮑﺘﯽ ﺗﮭﯽ۔ ﺍُﺱ ﮐﮯ ﺑﺎﭖ ﻧﮯ ﺍُﺳﮯ ﮐﮩﺎ ﺗﮭﺎ۔ lucky ﻭﮦ ﺗﮭﺎ، ﺟﻮ ﯾﮧ ﺑﻮﺟﮫ ﻟﯿﺘﺎ ﺍﻭﺭ ﭘﮭﺮ ﺍﭘﻨﯽ energy ﮐﺴﯽ ﺍﻭﺭ ﭼﯿﺰ ﻣﯿﮟ ﺿﺎﺋﻊ ﮐﺮﻧﮯ ﮐﮯ ﺑﺠﺎﺋﮯ ﺍﺳﯽ ﺍﯾﮏ ﭼﯿﺰ ﻣﯿﮟ ﻟﮕﺎﺗﺎ۔ ﺭﺋﯿﺴﮧ ﺑﮭﯽ lucky ﮐﯽ ﺍﺱ ﻧﺌﯽ ﺗﻌﺮﯾﻒ ﭘﺮ ﭘﻮﺭﺍ ﺍُﺗﺮﻧﮯ ﮐﯽ ﺟﺪ ﻭ ﺟﮩﺪ ﻣﯿﮟ ﻣﺼﺮﻭﻑ ﺗﮭﯽ۔

---

ﺣﻤﯿﻦ ﺳﮑﻨﺪﺭ ﮐﺎ ﺍﻧﺘﺨﺎﺏ MIT ﮐﮯ SPLASH ﭘﺮﻭﮔﺮﺍﻡ ﻣﯿﮟ ﮨﻮ ﮔﯿﺎ ﺗﮭﺎ۔ ﻭﮦ ﺍﭘﻨﮯ ﺳﮑﻮﻝ ﮐﮯ ﺍﺱ ﭘﺮﻭﮔﺮﺍﻡ ﮐﮯ ﻟﺌﮯ ﻣﻨﺘﺨﺐ ﮨﻮﻧﮯ ﻭﺍﻻ ﭘﮩﻼ ﺍﻭﺭ ﻭﺍﺣﺪ ﺑﭽﮧ ﺗﮭﺎ۔ ﺍﺱ ﭘﺮﻭﮔﺮﺍﻡ ﮐﮯ ﺗﺤﺖ MIT ﮨﺮ ﺳﺎﻝ ﻏﯿﺮ ﻣﻌﻤﻮﻟﯽ ﺫﮨﺎﻧﺖ ﮐﮯ ﺣﺎﻣﻞ ﮐﭽﮫ ﺑﭽﻮﮞ ﮐﻮ ﺩﻧﯿﺎ ﮐﯽ ﺍُﺱ ﻣﻤﺘﺎﺯ ﺗﺮﯾﻦ ﯾﻮﻧﯿﻮﺭﺳﭩﯽ ﻣﯿﮟ ﭼﻨﺪ ﮨﻔﺘﮯ ﮔﺰﺍﺭﻧﮯ ﺍﻭﺭ ﻭﮨﺎﮞ ﭘﮍﮬﺎﻧﮯ ﻭﺍﻟﮯ ﺩُﻧﯿﺎ ﮐﮯ ﻗﺎﺑﻞ ﺗﺮﯾﻦ ﺍﺳﺎﺗﺬﮦ ﺳﮯ ﺳﯿﮑﮭﻨﮯ ﮐﺎ ﻣﻮﻗﻊ ﺩﯾﺘﯽ۔ ﯾﮧ ﺑﮩﺘﺮﯾﻦ ﺩﻣﺎﻏﻮﮞ ﮐﻮ ﺑﮯ ﺣﺪ ﮐﻢ ﻋﻤﺮﯼ ﻣﯿﮟ ﮨﯽ ﮐﮭﻮﺟﻨﮯ، ﭘﺮﮐﮭﻨﮯ ﺍﻭﺭ ﭼﻨﻨﮯ ﮐﺎ MIT ﮐﺎ ﺍﭘﻨﺎ ﺍﯾﮏ ﻋﻤﻞ ﺗﮭﺎ۔
ﺍﻣﺎﻣﮧ ﺍﻭﺭ ﺳﺎﻻﺭ ﮐﮯ ﻟﺌﮯ ﺣﻤﯿﻦ ﺳﮑﻨﺪﺭ ﮐﮯ ﺳﮑﻮﻝ ﮐﯽ ﻃﺮﺡ ﯾﮧ ﺑﮯ ﺣﺪ ﺍﻋﺰﺍﺯ ﮐﯽ ﺑﺎﺕ ﺗﮭﯽ۔ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﻭﮦ ﯾﮧ ﺟﺎﻧﻨﮯ ﭘﺮ ﮐﮧ ﺣﻤﯿﻦ ﺳﮑﻨﺪﺭ ﮐﺎ ﺍﻧﺘﺨﺎﺏ ﮨﻮ ﮔﯿﺎ ﺗﮭﺎ، ﻓﮑﺮﻣﻨﺪ ﮨﻮﺋﮯ ﺗﮭﮯ۔ ﻭﮦ ﺟﺒﺮﯾﻞ ﺳﮑﻨﺪﺭ ﮐﻮ ﺗﻦ ﺗﻨﮩﺎ ﮐﮩﯿﮟ ﺑﮭﯽ ﺑﮭﯿﺞ ﺳﮑﺘﮯ ﺗﮭﮯ ﻟﯿﮑﻦ ﺣﻤﯿﻦ ﮐﻮ ﺍﮐﯿﻠﮯ، ﺍﺱ ﻋﻤﺮ ﻣﯿﮟ، ﺍﺗﻨﮯ ﮨﻔﺘﻮﮞ ﮐﮯ ﻟﺌﮯ ﮐﮩﯿﮟ ﺑﮭﯿﺠﻨﺎ ﺍﻥ ﮐﮯ ﻟﺌﮯ ﺑﮯ ﺣﺪ ﻣﺸﮑﻞ ﻓﯿﺼﻠﮧ ﺗﮭﺎ۔ ﺧﺎﺹ ﻃﻮﺭ ﭘﺮ ﺍﻣﺎﻣﮧ ﮐﮯ ﻟﺌﮯ ﺟﻮ ﺍُﺱ ﺩﺱ ﺳﺎﻝ ﮐﮯ ﺑﭽّﮯ ﮐﻮ ﺧﻮﺩ ﺳﮯ ﺍﻟﮓ ﮐﺮ ﮐﮯ ﺍﺱ ﻃﺮﺡ ﺍﮐﯿﻠﮯ ﺑﮭﯿﺠﻨﮯ ﭘﺮ ﺑﺎﻟﮑﻞ ﺗﯿّﺎﺭ ﻧﮩﯿﮟ ﺗﮭﯽ ﻟﯿﮑﻦ ﯾﮧ ﺳﮑﻮﻝ ﮐﺎ ﺍﺻﺮﺍﺭ ﺍﻭﺭ ﺣﻤﯿﻦ ﮐﯽ ﺿﺪ ﺗﮭﯽ ﺟﺲ ﻧﮯ ﺍُﺳﮯ ﮔﮭﭩﻨﮯ ﭨﯿﮑﻨﮯ ﭘﺮ ﻣﺠﺒﻮﺭ ﮐﺮﺩﯾﺎ ﺗﮭﺎ۔
ﮨﻢ ﺍﻥ ﮐﯽ ﻗﺴﻤﺖ ﮐﻮ ﮐﻨﭩﺮﻭﻝ ﻧﮩﯿﮟ ﮐﺮ ﺳﮑﺘﮯ۔ ﮐﻞ ﮐﯿﺎ ﮨﻮﺗﺎ ﮨﮯ؟ ﮐﺲ ﻃﺮﺡ ﮨﻮﺗﺎ ﮨﮯ؟ ﮐﻮﺋﯽ ﭼﯿﺰ ﮨﻤﺎﺭﮮ ﮨﺎﺗﮫ ﻣﯿﮟ ﻧﮩﯿﮟ ﮨﮯ، ﺗﻮ ﻣﯿﮟ ﻣﺴﺘﻘﺒﻞ ﮐﮯ ﺧﻮﻑ ﮐﯽ ﻭﺟﮧ ﺳﮯ ﺍﻧﮩﯿﮟ ﮔﮭﺮ ﻣﯿﮟ ﻗﯿﺪ ﻧﮩﯿﮟ ﮐﺮﻭﮞ ﮔﺎ ﮐﮧ ﺩﻧﯿﺎ ﺍﻧﮩﯿﮟ ﮐﻮﺋﯽ ﻧﻘﺼﺎﻥ ﻧﮧ ﭘﮩﻨﭽﺎ ﺩﮮ۔ ﺳﺎﻻﺭ ﻧﮯ ﻭﺍﺿﺢ ﻃﻮﺭ ﭘﺮ ﺍُﺳﮯ ﮐﮩﺎ ﺗﮭﺎ۔
ﺍُﺳﮯ ﺟﺎﻧﮯ ﺩﻭ۔ ﺩﯾﮑﮭﻨﮯ ﺍﻭﺭ ﮐﮭﻮﺟﻨﮯ ﺩﻭ ﺩﻧﯿﺎ ﮐﻮ۔ ﮨﻤﺎﺭﯼ ﺗﺮﺑﯿﺖ ﺍﭼﮭﯽ ﮨﻮ ﮔﯽ ﺗﻮ ﮐﭽﮫ ﻧﮩﯿﮟ ﮨﻮ ﮔﺎ ﺍﺳﮯ۔ ﺍُﺱ ﻧﮯ ﺍﻣﺎﻣﮧ ﮐﻮ ﺗﺴﻠّﯽ ﺩﯼ ﺍﻭﺭ ﻭﮦ ﺑﮭﺎﺭﯼ ﺩﻝ ﺳﮯ ﻣﺎﻥ ﮔﺌﯽ ﺗﮭﯽ۔
ﺣﻤﯿﻦ ﺳﮑﻨﺪﺭ ﺳﺎﮌﮬﮯ ﺩﺱ ﺳﺎﻝ ﮐﯽ ﻋﻤﺮ ﻣﯿﮟ ﭘﮩﻠﯽ ﺑﺎﺭ MIT ﮐﯽ ﺩﻧﯿﺎ ﮐﮭﻮﺟﻨﮯ ﮔﯿﺎ ﺗﮭﺎ۔ ﺍﯾﮏ ﻋﺠﯿﺐ ﺗﺠﺴﺲ ﺍﻭﺭ ﺟﻮﺵ ﻭ ﺧﺮﻭﺵ ﮐﮯ ﺳﺎﺗﮫ۔ MIT ﺳﮯ ﺯﯾﺎﺩﮦ ﺍُﺳﮯ ﺍﺱ ﺑﺎﺕ ﭘﺮ ﺍﯾﮑﺴﺎﺋﭩﻤﻨﭧ ﮨﻮ ﺭﮨﯽ ﺗﮭﯽ ﮐﮧ ﻭﮦ ﮐﮩﯿﮟ ﺍﮐﯿﻼ ﺟﺎ ﺭﮨﺎ ﺗﮭﺎ۔ ﮐﺴﯽ ﺑﮍﮮ ﮐﯽ ﻃﺮﺡ۔
ﺍُﺳﮯ ﮔﮭﺮ ﺳﮯ ﺑﮭﯿﺠﺘﮯ ﮨﻮﺋﮯ ﺍُﻥ ﺳﺐ ﮐﺎ ﺧﯿﺎﻝ ﺗﮭﺎ، ﻭﮦ ﻭﮨﺎﮞ ﭼﻨﺪ ﺩﻥ ﺳﮯ ﺯﯾﺎﺩﮦ ﻧﮩﯿﮟ ﺭﮦ ﭘﺎﺋﮯ ﮔﺎ ﺍﯾﮉﺟﺴﭧ ﻧﮩﯿﮟ ﮨﻮ ﮔﺎ۔ Home sick ﮨﻮ ﺟﺎﺋﮯ ﮔﺎ ﺍﻭﺭ ﻭﺍﭘﺲ ﺁﻧﮯ ﮐﯽ ﺿﺪ ﮐﺮﮮ ﮔﺎ ﺍُﻥ ﮐﯽ ﺗﻮﻗﻌﺎﺕ ﺑﺎﻟﮑﻞ ﻏﻠﻂ ﺛﺎﺑﺖ ﮨﻮﺋﯽ ﺗﮭﯿﮟ۔ ﺍﯾﺴﺎ ﺑﺎﻟﮑﻞ ﻧﮩﯿﮟ ﮨﻮﺍ ﺗﮭﺎ۔ ﺣﻤﯿﻦ ﺳﮑﻨﺪﺭ ﻭﻗﺘﯽ ﻃﻮﺭ ﭘﺮ ﮨﯽ ﺳﮩﯽ ﻟﯿﮑﻦ ﻭﮨﺎﮞ ﺟﺎ ﮐﺮ ﻭﮦ ﺳﺐ ﮐﭽﮫ ﺑﮭﻮﻝ ﮔﯿﺎ ﺗﮭﺎ۔ ﻭﮦ ” ﺩُﻧﯿﺎ ” ﺗﮭﯽ ﺍﻭﺭ ” ﺩُﻧﯿﺎ ” ﻧﮯ ﺍﺱ ﺳﺎﮌﮬﮯ ﺩﺱ ﺳﺎﻝ ﮐﮯ ﺑﭽّﮯ ﮐﻮ ﺑﺮﯼ ﻃﺮﺡ fascinate ﮐﯿﺎ ﺗﮭﺎ۔ ﺍُﺱ ﺩﻧﯿﺎ ﻣﯿﮟ ﺫﮨﺎﻧﺖ ﻭﺍﺣﺪ ﺷﻨﺎﺧﺘﯽ ﻋﻼﻣﺖ ﺗﮭﯽ ﺍﻭﺭ ﻭﮦ ﺑﮯ ﺣﺪ ﺫﮨﯿﻦ ﺗﮭﺎ۔ ﻭﮨﺎﮞ ﺳﮯ ﻭﺍﭘﺲ ﺁﺗﮯ ﮨﻮﺋﮯ ﻭﮦ ﺍﭘﻨﮯ ﻣﺎﮞ ﺑﺎﭖ ﮐﮯ ﻟﺌﮯ ﯾﮧ ﺧﻮﺵ ﺧﺒﺮﯼ ﺑﮭﯽ ﻻﯾﺎ ﺗﮭﺎ ﮐﮧ SPLASH ﻣﯿﮟ ﺁﻧﮯ ﻭﺍﻻ ﺩﻧﯿﺎ ﮐﺎ ﺫﮨﯿﻦ ﺗﺮﯾﻦ ﺩﻣﺎﻍ ﻗﺮﺍﺭ ﺩﯾﺎ ﮔﯿﺎ ﺗﮭﺎ۔ 150 ﮐﯽ ﺫﮨﺎﻧﺖ ﺭﮐﮭﻨﮯ ﻭﺍﻟﮯ ﺻﺮﻑ ﭼﻨﺪ ﺑﭽﻮﮞ ﻣﯿﮟ ﺳﮯ ﺍﯾﮏ۔ ﺟﻨﮩﻮﮞ ﻧﮯ ﺍﺱ ﭘﺮﻭﮔﺮﺍﻡ ﮐﻮ ﺍﺱ ﺷﻨﺎﺧﺖ ﮐﮯ ﺳﺎﺗﮫ ﺍﭨﯿﻨﮉ ﮐﯿﺎ ﺗﮭﺎ ﺍﻭﺭ ﺍﭘﻨﯽ ﺻﻼﺣﯿﺘﻮﮞ ﮐﮯ ﺣﺴﺎﺏ ﺳﮯ ﺍُﻥ ﺑﭽﻮﮞ ﻣﯿﮟ ﺳﺮﻓﮩﺮﺳﺖ۔ ﺣﻤﯿﻦ ﺳﮑﻨﺪﺭ ﮐﻮ ﻧﮧ ﺻﺮﻑ ﺍُﺱ ﮐﯽ ﺫﮨﻨﯽ ﺻﻼﺣﯿﺘﻮﮞ ﮐﯽ ﻭﺟﮧ ﺳﮯ ﺳﻨﮕﻞ ﺁﺅﭦ ﮐﯿﺎ ﮔﯿﺎ ﺗﮭﺎ ﺑﻠﮑﮧ MIT ﻧﮯ ﺍُﺳﮯ ﺍﻥ ﺑﭽﻮﮞ ﻣﯿﮟ ﺑﮭﯽ ﺳﺮ ﻓﮩﺮﺳﺖ ﺭﮐﮭﺎ ﺗﮭﺎ ﺟﻦ ﮐﯽ ﭘﺮﻭﺭﺵ MIT ﻣﺴﺘﻘﺒﻞ ﮐﮯ ﺫﮨﯿﻦ ﺗﺮﯾﻦ ﺩﻣﺎﻏﻮﮞ ﮐﯽ ﮐﮭﻮﺝ ﮐﮯ ﭘﺮﻭﮔﺮﺍﻡ ﮐﮯ ﺗﺤﺖ ﮐﺮﻧﺎ ﭼﺎﮨﺘﯽ ﺗﮭﯽ۔ ﺍﻭﺭ ﺣﻤﯿﻦ ﺑﮯ ﺣﺪ ﺧﻮﺵ ﺗﮭﺎ ﺍﺱ ﺳﺐ ﮐﮯ ﺍﻏﺮﺍﺽ ﻭ ﻣﻘﺎﺻﺪ ﺳﮯ ﭘﻮﺭﯼ ﻃﺮﺡ ﺑﺎﺧﺒﺮ ﻧﮧ ﮨﻮﻧﮯ ﮐﮯ ﺑﺎﻭﺟﻮﺩ ﻭﮦ ﺻﺮﻑ ﺍﺳﯽ ﺑﺎﺕ ﭘﺮ ﺧﻮﺵ ﺗﮭﺎ ﮐﮧ ﺍُﺳﮯ ﺍﺏ ﺑﺎﺭ ﺑﺎ ﺭ MIT ﻣﯿﮟ ﺟﺎﻧﮯ ﮐﮯ ﻣﻮﺍﻗﻊ ﻣﻠﻨﮯ ﻭﺍﻟﮯ ﺗﮭﮯ ﮐﯿﻮﮞ ﮐﮧ ﺍُﺱ ﺍﺩﺍﺭﮮ ﻧﮯ ﮐﭽﮫ ﻣﻨﺘﺨﺐ ﺑﭽﻮﮞ ﮐﮯ ﻟﺌﮯ ﮨﺮ ﺳﺎﻝ MIT ﮐﮯ ﮐﭽﮫ ﭘﺮﻭﮔﺮﺍﻣﺰ ﻣﯿﮟ ﺷﺮﮐﺖ ﺍﻭﭘﻦ ﮐﺮ ﺩﯼ ﺗﮭﯽ۔ ﯾﮧ ﺍُﻥ ﺑﭽﻮﮞ ﮐﯽ ﺫﮨﺎﻧﺖ ﮐﻮ ﺍﯾﮏ tribute ﯾﺎ previlage ﺗﮭﯽ۔
ﻣﺠﮭﮯ ﮨﺮ ﺳﺎﻝ ﻭﮨﺎﮞ ﺟﺎﻧﺎ ﮨﮯ۔ ﺍﺱ ﻧﮯ ﮔﮭﺮ ﺁﺗﮯ ﮨﯽ ﮐﮭﺎﻧﮯ ﭘﺮ ﻣﺎﮞ ﺑﺎﭖ ﮐﻮ ﺍﻃﻼﻉ ﺩﯼ ﺗﮭﯽ۔ ﺟﻨﮩﻮﮞ ﻧﮯ ﺍُﺱ ﮐﯽ ﺑﺎﺕ ﮐﻮ ﺯﯾﺎﺩﮦ ﺗﻮﺟﮧ ﺳﮯ ﻧﮩﯿﮟ ﺳﻨﺎ ﺗﮭﺎ۔ ﺍﮔﺮ ﮐﺴﯽ ﭼﯿﺰ ﭘﺮ ﺳﺎﻻﺭ ﺳﮑﻨﺪﺭ ﻧﮯ ﻏﻮﺭ ﮐﯿﺎ ﺗﮭﺎ ﺗﻮ ﻭﮦ ﯾﮧ ﺗﮭﯽ ﮐﮧ ﻭﮦ ﺍﺗﻨﮯ ﺩﻥ ﺍُﻥ ﺳﮯ ﺍﻟﮓ ﺭﮨﻨﮯ ﮐﮯ ﺑﺎﻭﺟﻮﺩ ﺑﮯ ﺣﺪ ﺧﻮﺵ ﺍﻭﺭ ﻣﻄﻤﺌﻦ ﺗﮭﺎ۔
ﻧﮩﯿﮟ ﻣﯿﮟ ﻧﮯ ﮐﺴﯽ ﮐﻮ miss ﻧﮩﯿﮟ ﮐﯿﺎ۔ ﻣﯿﮟ ﻧﮯ ﻭﮨﺎﮞ ﺑﮩﺖ ﺍﻧﺠﻮﺍﺋﮯ ﮐﯿﺎ۔ ﺍُﺱ ﻧﮯ ﺍﭘﻨﯽ ﺍﺯﻟﯽ ﺻﺎﻑ ﮔﻮﺋﯽ ﮐﺎ ﻣﻈﺎﮨﺮﮦ ﮐﺮﺗﮯ ﮨﻮﺋﮯ ﺍﻣﺎﻣﮧ ﮐﯽ ﺍﯾﮏ ﺑﺎﺕ ﮐﮯ ﺟﻮﺍﺏ ﻣﯿﮟ ﺍﻋﻼﻥ ﮐﯿﺎ ﺗﮭﺎ ﺍﻭﺭ ﻭﮦ ﺩﻭﻧﻮﮞ ﺍﺳﮯ ﺩﯾﮑﮫ ﮐﺮ ﺭﮦ ﮔﺌﮯ
ﺗﮭﮯ۔ ﻭﮦ ﺑﮍﺍ ﮨﻮﺗﺎ ﺍﻭﺭ ﺍﯾﺴﯽ ﺑﺎﺕ ﮐﺮﺗﺎ ﺗﻮ ﻭﮦ ﺯﯾﺎﺩﮦ ﻏﻮﺭ ﻧﮧ ﮐﺮﺗﮯ ﻟﯿﮑﻦ ﻭﮦ ﺍﯾﮏ ﺑﭽﮧ ﺗﮭﺎ ﺍﻭﺭ ﺍﮔﺮ ﮐﺴﯽ ﺟﮕﮧ ﮐﮯ ﻣﺎﺣﻮﻝ ﻣﯿﮟ ﺍﺱ ﻗﺪﺭ ﻣﮕﻦ ﮨﻮ ﮔﯿﺎ ﺗﮭﺎ ﮐﮧ ﺍﺳﮯ ﺍﭘﻨﯽ ﻓﯿﻤﻠﯽ ﺑﮭﯽ ﺑﮭﻮﻝ ﮔﺌﯽ ﺗﮭﯽ ﺍﻭﺭ ﻭﮦ ﺍﭘﻨﮯ ﮔﮭﺮ ﺍﻭﺭ ﮔﮭﺮ ﻭﺍﻟﻮﮞ ﺳﮯ strong bonding ﮨﻮﻧﮯ ﮐﮯ ﺑﺎﻭﺟﻮﺩ ﺍﻧﮩﯿﮟ ﺑﮭﻮﻝ ﮔﯿﺎ ﺗﮭﺎ ﺗﻮ ﯾﮧ ﮐﻮﺋﯽ ﺑﮍﯼ ﺣﻮﺻﻠﮧ ﺍﻓﺰﺍ ﺑﺎﺕ ﻧﮩﯿﮟ ﺗﮭﯽ ﺍُﻥ ﺩﻭﻧﻮﮞ ﮐﮯ ﻟﺌﮯ۔
ﺁﭖ ﮐﻮ ﭘﺘﮧ ﮨﮯ ﺑﺎﺑﺎ ! ﻣﺠﮭﮯ ﺍﮔﻠﮯ ﺳﺎﻝ ﮈﮬﯿﺮ ﺳﺎﺭﯼ previlages ﻣﻠﯿﮟ ﮔﯽ، ﺟﺐ ﻣﯿﮟ ﻭﮨﺎﮞ ﺟﺎﺅﮞ ﮔﺎ ﭘﮭﺮ ﺍُﺱ ﺳﮯ ﺍﮔﻠﮯ ﺳﺎﻝ ﺍُﺱ ﺳﮯ ﺑﮭﯽ ﺯﯾﺎﺩﮦ۔ ﭘﮭﺮ ﺍُﺱ ﺳﮯ ﺍﮔﻠﮯ ﺳﺎﻝ ﺍُﺱ ﺳﮯ ﺑﮭﯽ ﺯﯾﺎﺩﮦ۔ ﻭﮦ ﺑﮯ ﺣﺪ ﺍﯾﮑﺴﺎﺋﭩﻤﻨﭧ ﺳﮯ ﺍُﻥ ﺩﻭﻧﻮﮞ ﮐﻮ ﺑﺘﺎ ﺭﮨﺎ ﺗﮭﺎ ﺟﯿﺴﮯ ﻭﮦ ﯾﮧ ﭘﻼﻥ ﺧﻮﺩ ﮨﯽ ﮐﺮ ﮐﮯ ﺁﯾﺎ ﺗﮭﺎ ﮐﮧ ﺍُﺳﮯ ﺍﺏ ﻭﮨﺎﮞ ﮨﺮ ﺳﺎﻝ ﺟﺎﻧﺎ ﺗﮭﺎ۔
،،،،،،،
ﻣﺠﮭﮯ ﺍﮔﻠﮯ ﺳﺎﻝ ﮈﮬﯿﺮ ﺳﺎﺭﯼ previlages ﻣﻠﯿﮟ ﮔﯽ، ﺟﺐ ﻣﯿﮟ ﻭﮨﺎﮞ ﺟﺎﺅﮞ ﮔﺎ ﭘﮭﺮ ﺍُﺱ ﺳﮯ ﺍﮔﻠﮯ ﺳﺎﻝ ﺍُﺱ ﺳﮯ ﺑﮭﯽ ﺯﯾﺎﺩﮦ۔ ﭘﮭﺮ ﺍُﺱ ﺳﮯ ﺍﮔﻠﮯ ﺳﺎﻝ ﺍُﺱ ﺳﮯ ﺑﮭﯽ ﺯﯾﺎﺩﮦ۔ ﻭﮦ ﺑﮯ ﺣﺪ ﺍﯾﮑﺴﺎﺋﭩﻤﻨﭧ ﺳﮯ ﺍُﻥ ﺩﻭﻧﻮﮞ ﮐﻮ ﺑﺘﺎ ﺭﮨﺎ ﺗﮭﺎ ﺟﯿﺴﮯ ﻭﮦ ﯾﮧ ﭘﻼﻥ ﺧﻮﺩ ﮨﯽ ﮐﺮ ﮐﮯ ﺁﯾﺎ ﺗﮭﺎ ﮐﮧ ﺍُﺳﮯ ﺍﺏ ﻭﮨﺎﮞ ﮨﺮ ﺳﺎﻝ ﺟﺎﻧﺎ ﺗﮭﺎ۔
ﺁﭖ ﮐﻮ ﭘﺘﮧ ﮨﮯ، ﻣﯿﮟ MIT ﮐﮯ ﮐﺴﯽ ﺑﮭﯽ Summer program ﮐﮯ ﻟﺌﮯ ﺍﭘﻼﺋﯽ ﮐﺮﻭﮞ ﺗﻮ ﻣﺠﮭﮯ enrol ﮐﺮ ﻟﯿﮟ ﮔﮯ ﻭﮦ، ﺍﻭﺭ ﻣﺠﮫ ﺳﮯ ﮐﻮﺋﯽ ﻓﯿﺲ ﻧﮩﯿﮟ ﻟﯿﮟ ﮔﮯ، ﺑﻠﮑﮧ ﻣﺠﮭﮯ ﻭﮨﺎﮞ ﺳﺐ ﮐﭽﮫ ﻓﺮﯼ ﻣﻠﮯ ﮔﺎ۔ ﺍُﺱ ﮐﺎ ﺧﯿﺎﻝ ﺗﮭﺎ ﺍُﺱ ﮐﮯ ﻣﺎﮞ ﺑﺎﭖ ﺍﺱ ﺧﺒﺮ ﭘﺮ ﺍُﺱ ﮐﯽ ﻃﺮﺡ ﺍﯾﮑﺴﺎﺋﭩﮉ ﮨﻮ ﺟﺎﺋﯿﮟ ﮔﮯ۔ ﻭﮦ ﺍﯾﮑﺴﺎﺋﭩﮉ ﻧﮩﯿﮟ ﮨﻮﺋﮯ ﺗﮭﮯ، ﻭﮦ ﺳﻮﭺ ﻣﯿﮟ ﭘﮍ ﮔﺌﮯ ﺗﮭﮯ۔
ﺗﻮ ﺑﺎﺑﺎ ﺁﭖ ﻣﺠﮭﮯ ﮨﺮ ﺳﺎﻝ ﻭﮨﺎﮞ ﺑﮭﯿﺠﺎ ﮐﺮﯾﮟ ﮔﮯ ﻧﺎ؟ ” ﺍﺱ ﻧﮯ ﺑﺎﻵﺧﺮ ﺳﺎﻻﺭ ﺳﮯ ﮐﮩﺎ۔ ﻭﮦ ﺟﯿﺴﮯ ﺁﺗﮯ ﮨﯽ ﺟﺎﻧﮯ ﮐﯽ ﯾﻘﯿﻦ ﺩﮨﺎﻧﯽ ﭼﺎﮨﺘﺎ ﺗﮭﺎ۔
ﺍﮔﻼ ﺳﺎﻝ ﺑﮩﺖ ﺩﻭﺭ ﮨﮯ ﺣﻤﯿﻦ۔ ﺟﺐ ﺍﮔﻼ ﺳﺎﻝ ﺁﺋﮯ ﮔﺎ ﺗﻮ ﺩﯾﮑﮭﺎ ﺟﺎﺋﮯ ﮔﺎ۔ ﺳﺎﻻﺭ ﻧﮯ ﮔﻮﻝ ﻣﻮﻝ ﺍﻧﺪﺍﺯ ﻣﯿﮟ ﺍُﺱ ﮐﯽ ﺑﺎﺕ ﮐﺎ ﺟﻮﺍﺏ ﺩﯾﺘﮯ ﮨﻮﺋﮯ ﮐﮩﺎ۔
ﻟﯿﮑﻦ ﮨﻤﯿﮟ ﭘﻼﻧﻨﮓ ﺗﻮ ﺍﺑﮭﯽ ﺳﮯ ﮐﺮﻧﯽ ﭼﺎﮨﯿﮯ ﻧﺎ۔ ﻭﮦ ﺣﻤﯿﻦ ﮐﻮ ﺩﯾﮑﮫ ﮐﺮ ﺭﮦ ﮔﯿﺎ ﺗﮭﺎ۔ ﻭﮦ ﭘﮩﻠﯽ ﺑﺎﺭ ﮐﺎﻡ ﮐﻮ ﭘﻼﻥ ﮐﺮﻧﮯ ﮐﯽ ﺑﺎﺕ ﮐﺮ ﺭﮨﺎ ﺗﮭﺎ ﯾﮧ ﺍُﺱ ﻧﻨﮭﮯ ﺫﮨﻦ ﭘﺮ MIT ﮐﺎ ﭘﮩﻼ ﺍﺛﺮ ﺗﮭﺎ۔
ﻣﯿﮟ ﻧﮯ ﺳﻮﭼﺎ ﮨﮯ۔ ﻣﯿﮟ MIT ﺳﮯ ﮨﯽ ﭘﮍﮬﻮﮞ ﮔﺎ۔ ﺍﺱ ﻧﮯ ﺟﯿﺴﮯ ﺑﺎﭖ ﮐﻮ ﺑﺘﺎﯾﺎ ﺗﮭﺎ۔ ” ﺑﮩﺖ ﺯﯾﺎﺩﮦ ” ﻭﮦ ﺩﻭﻧﻮﮞ ﺍُﺱ ﮐﯽ ﺑﺎﺕ ﺳﮯ ﻣﺤﻔﻮﻅ ﮨﻮﺋﮯ۔ ﻭﮨﺎﮞ ﺟﺎﻧﮯ ﺳﮯ ﭘﮩﻠﮯ ﺗﮏ ﻭﮦ ﺗﻌﻠﯿﻢ ﻣﯿﮟ ﺩﻟﭽﺴﭙﯽ ﻧﮧ ﺭﮐﮭﻨﮯ ﮐﺎ ﺍﻋﻼﻥ ﮐﺮﺗﺎ ﺭﮨﺘﺎ ﺗﮭﺎ ﺍﻭﺭ ﺍُﺱ ﮐﻮ ﯾﻘﯿﻦ ﺗﮭﺎ ﺩُﻧﯿﺎ ﮐﺎ ﺑﮍﺍ ﺍﻧﺴﺎﻥ ﻭﮦ ﮨﻮﺗﺎ ﮨﮯ ﺟﻮ ﺻﺮﻑ ﮨﺎﺋﯽ ﺳﮑﻮﻝ ﺗﮏ ﭘﮍﮬﮯ ﺍﻭﺭ ﺑﺲ۔۔۔۔۔۔۔۔۔۔۔۔۔ ﺍﻭﺭ ﻭﮦ ﭼﻮﻧﮑﮧ ﺧﻮﺩ ﺑﮭﯽ ﺍﯾﮏ ﺑﮍﺍ ﺍﻧﺴﺎﻥ ﺑﻨﻨﺎ ﭼﺎﮨﺘﺎ ﺗﮭﺎ ﺗﻮ ﻭﮦ ﺑﮭﯽ ﺻﺮﻑ ﮨﺎﺋﯽ ﺳﮑﻮﻝ ﺗﮏ ﮨﯽ ﭘﮍﮬﻨﺎ ﭼﺎﮨﺘﺎ ﺗﮭﺎ۔
ﺍﻭﺭ ﺍُﺱ ﮐﮯ ﺑﻌﺪ؟ ” ﺳﺎﻻﺭ ﻧﮯ ﺍُﺱ ﺳﮯ ﭘﻮﭼﮭﺎ۔
ﺍُﺱ ﮐﮯ ﺑﻌﺪ ﻣﯿﮟ ﻧﻮﺑﻞ ﺟﯿﺘﻮﮞ ﮔﺎ۔ ﺍُﺱ ﻧﮯ ﺑﮯ ﺣﺪ ﺍﻃﻤﯿﻨﺎﻥ ﺳﮯ ﮐﮩﺎ ﺗﮭﺎ۔ ﯾﻮﮞ ﺟﯿﺴﮯ ﻭﮦ spelling bee ﮐﯽ ﺑﺎﺕ ﮐﺮ ﺭﮨﺎ ﮨﻮ۔ ﻭﮦ ﺩﻭﻧﻮﮞ ﺍﺱ ﮐﺎ ﭼﮩﺮﮦ ﺩﯾﮑﮫ ﮐﺮ ﺭﮦ ﮔﺌﮯ۔

---

ﺁﭖ ﮐﯿﺎ ﮈﮬﻮﻧﮉ ﺭﮨﮯ ﮨﯿﮟ ﭘﺎﭘﺎ؟ ﺳﺎﻻﺭ ﻧﮯ ﺑﮯ ﺣﺪ ﻧﺮﻣﯽ ﺳﮯ ﺳﮑﻨﺪﺭ ﻋﺜﻤﺎﻥ ﺳﮯ ﭘﻮﭼﮭﺎ ﺗﮭﺎ۔ ﻭﮦ ﺩﻭ ﮔﮭﻨﭩﮯ ﺳﮯ ﺍُﻥ ﮐﮯ ﭘﺎﺱ ﺑﯿﭩﮭﺎ، ﺑﺎﺗﯿﮟ ﮐﺮﻧﮯ ﺳﮯ ﺯﯾﺎﺩﮦ ﺍُﻥ ﮐﯽ ﺑﺎﺗﯿﮟ ﺳﻦ ﺭﮨﺎ ﺗﮭﺎ۔ ﺍﻥ ﮐﯽ ﮔﻔﺘﮕﻮ ﻣﯿﮟ ﺍﺏ ﺍﻟﺰﺍﺋﻤﺮ ﺟﮭﻠﮑﻨﮯ ﻟﮕﺎ ﺗﮭﺎ۔ ﻭﮦ ﺟﻤﻠﻮﮞ ﮐﮯ ﺩﺭﻣﯿﺎﻥ ﺭﮎ ﮐﺮ ﮐﺴﯽ ﻟﻔﻆ ﮐﻮ ﯾﺎﺩ ﻧﮧ ﺁﻧﮯ ﭘﺮ ﮔﮍﺑﮍﺍﺗﮯ، ﺍُﻟﺠﮭﺘﮯ، ﺟﮭﻼﺗﮯ، ﺍﻭﺭ ﺑﮭﻮﻝ ﺟﺎﺗﮯ۔ ﺍﻭﺭ ﭘﮭﺮ ﻭﮦ ﺑﺎﺕ ﮐﺮﺗﮯ ﮐﺮﺗﮯ ﺍﭨﮫ ﮐﺮ ﮐﻤﺮﮮ ﻣﯿﮟ ﺍﺩﮬﺮ ﺍﺩﮬﺮ ﺟﺎﺗﮯ ﮨﻮﺋﮯ ﭼﯿﺰﯾﮟ ﺍﭨﮭﺎ ﺍﭨﮭﺎ ﮐﺮ ﺩﯾﮑﮭﻨﮯ ﻟﮕﮯ ﺗﮭﮯ۔ ﯾﻮﮞ ﺟﯿﺴﮯ ﺍﻧﮩﯿﮟ ﮐﺴﯽ ﭼﯿﺰ ﮐﯽ ﺗﻼﺵ ﺗﮭﯽ۔ ﺳﺎﻻﺭ ﻧﮯ ﺍﻧﮩﯿﮟ ﺑﺎﻵﺧﺮ ﭨﻮﮎ ﮐﺮ ﭘﻮﭼﮫ ﮨﯽ ﻟﯿﺎ ﺗﮭﺎ۔
ﯾﮩﯿﮟ ﺭﮐﮭﺎ ﺗﮭﺎ۔ ﺍﻧﮩﻮﮞ ﻧﮯ ﺳﺎﻻﺭ ﮐﮯ ﺟﻮﺍﺏ ﻣﯿﮟ ﮐﮩﺎ، ﻭﮦ ﺍﭘﻨﮯ ﺑﯿﮉ ﮐﮯ ﺳﺎﺋﯿﮉ ﭨﯿﺒﻞ ﮐﮯ ﭘﺎﺱ ﮐﮭﮍﮮ ﺗﮭﮯ۔ ﺳﺎﻻﺭ ﺑﮩﺖ ﺩﻭﺭ ﺻﻮﻓﮧ ﭘﺮ ﺑﯿﭩﮭﺎ ﮨﻮﺍ ﺗﮭﺎ۔
ﮐﯿﺎ؟ ﺳﺎﻻﺭ ﻧﮯ ﮐُﺮﯾﺪﺍ۔
ﺍﯾﮏ ﺳﮕﺎﺭ ﺑﺎﮐﺲ ﮐﺎﻣﺮﺍﻥ ﻧﮯ ﺑﮭﯿﺠﺎ ﺗﮭﺎ، ﻭﮨﯽ ﺩﮐﮭﺎﻧﺎ ﭼﺎﮨﺘﺎ ﺗﮭﺎ ﺗﻤﮩﯿﮟ۔ ” ﺍﻧﮩﻮﮞ ﻧﮯ ﺑﮯ ﺣﺪ ﺍﯾﮑﺴﺎﺋﭩﮉ ﺍﻧﺪﺍﺯ ﻣﯿﮟ ﮐﮩﺎ ﺍﻭﺭ ﺍﯾﮏ ﺑﺎﺭ ﭘﮭﺮ ﺗﻼﺵ ﺷﺮﻭﻉ ﮐﺮ ﺩﯼ۔ ﺳﮕﺎﺭ ﺑﺎﮐﺲ ﭼﮭﻮﭨﯽ ﭼﯿﺰ ﻧﮩﯿﮟ ﺗﮭﺎ ﻭﮦ ﺍﺱ ﮐﮯ ﺑﺎﻭﺟﻮﺩ ﺍُﺳﮯ ﺗﮑﯿﮯ ﺍﭨﮭﺎ ﺍﭨﮭﺎ ﮐﺮ ﮈﮬﻮﻧﮉ ﺭﮨﮯ ﺗﮭﮯ۔ ﭘﺘﮧ ﻧﮩﯿﮟ ﺍُﺱ ﻭﻗﺖ ﺍﻥ ﮐﮯ ﺫﮨﻦ ﻣﯿﮟ ﮈﮬﻮﻧﮉﻧﮯ ﻭﺍﻟﯽ ﭼﯿﺰ ﮐﯽ ﮐﻮﺋﯽ ﺷﮑﻞ ﺑﮭﯽ ﺗﮭﯽ ﯾﺎ ﻧﮩﯿﮟ۔ ﻭﮦ ﺍﻟﺰﺍﺋﻤﺮ ﮐﮯ ﺍُﺱ ﻣﺮﯾﺾ ﮐﻮ ﭘﮩﻠﯽ ﺑﺎﺭ ﺍﺱ ﺣﺎﻟﺖ ﻣﯿﮞﻤﺮﺽ ﮐﮯ ﺍﺛﺮﺍﺕ ﮐﮯ ﺳﺎﺗﮫ ﺩﯾﮑﮫ ﺭﮨﺎ ﺗﮭﺎ۔ ﺟﻮ ﺍُﺱ ﮐﺎ ﺑﺎﭖ ﺗﮭﺎ۔
ﺷﺎﯾﺪ ﻣﻼﺯﻡ ﻧﮯ ﮐﮩﯿﮟ ﺭﮐﮭﺎ ﮨﮯ۔ ﻣﯿﮟ ﺍُﺳﮯ ﺑﻼﺗﺎ ﮨﻮﮞ۔ ﺍﻧﮩﻮﮞ ﻧﮯ ﺑﺎﻵﺧﺮ ﺗﮭﮏ ﮐﮯ ﮐﮩﺎ ﺗﮭﺎ۔ ﻭﮦ ﺍﺏ ﻭﺍﭘﺲ ﺳﺎﻻﺭ ﮐﮯ ﭘﺎﺱ ﺁ ﮐﺮ ﺑﯿﭩﮫ ﮔﺌﮯ ﺗﮭﮯ ﺍﻭﺭ ﺍﻧﮩﻮﮞ ﻧﮯ ﺍُﺳﮯ ﺁﻭﺍﺯﯾﮟ ﺩﯾﻨﺎ ﺷﺮﻭﻉ ﮐﺮ ﺩﯾﮟ۔ ﺳﺎﻻﺭ ﻧﮯ ﺍُﻧﮩﯿﮟ ﭨﻮﮐﺎ۔
ﭘﺎﭘﺎ ﺍﻧﭩﺮﮐﺎﻡ ﮨﮯ ﺍﺱ ﮐﮯ ﺫﺭﯾﻌﮧ ﺑﻼﺋﯿﮟ۔ ﺳﺎﻻﺭ ﻧﮯ ﺳﺎﺋﯿﮉ ﭨﯿﺒﻞ ﭘﺮ ﭘﮍﺍ ﺍﻧﭩﺮﮐﺎﻡ ﮐﺎ ﺭﯾﺴﯿﻮﺭ ﺍﭨﮭﺎﺗﮯ ﮨﻮﺋﮯ ﺑﺎﭖ ﺳﮯ ﮐﮩﺎ۔
ﺍﺱ ﺳﮯ ﻭﮦ ﻧﮩﯿﮟ ﺁﺗﺎ۔ ﺍﻧﮩﻮﮞ ﻧﮯ ﺟﻮﺍﺑﺎً ﮐﮩﺎ ﺍﻭﺭ ﺩﻭﺑﺎﺭﮦ ﺍُﺳﮯ ﺁﻭﺍﺯﯾﮟ ﻟﮕﺎﻧﮯ ﻟﮕﮯ۔ ﻭﮦ ﺍﯾﮏ ﮨﯽ ﺳﺎﻧﺲ ﻣﯿﮟ ﺟﺴﮯ ﺁﻭﺍﺯﯾﮟ ﺩﮮ ﺭﮨﮯ ﺗﮭﮯ ﺍُﻥ ﮐﮯ ﮔﮭﺮ ﺍﺱ ﻭﻗﺖ ﻭﮦ ﻣﻼﺯﻡ ﻣﻮﺟﻮﺩ ﻧﮩﯿﮟ ﺗﮭﺎ، ﻭﮦ ﭼﮭﭩﯽ ﭘﺮ ﺗﮭﺎ ﺍﻭﺭ ﺳﺎﻻﺭ ﯾﮧ ﺟﺎﻧﺘﺎ ﺗﮭﺎ۔ ﻭﮦ ﺍُﻥ ﮐﺎ ﭘﺮﺍﻧﺎ ﻣﻼﺯﻡ ﺗﮭﺎ، ﺍُﺳﮯ ﻟﮕﺎ ﺍُﺳﮯ ﺑﺎﭖ ﮐﯽ ﻣﺪﺩ ﮐﺮﻧﯽ ﭼﺎﮨﯿﮯ۔ ﻣﻼﺯﻡ ﮐﻮ ﺧﻮﺩ ﺑﻼﻧﺎ ﭼﺎﮨﯿﮯ۔
ﻧﻤﺒﺮ ﺑﺘﺎ ﺩﯾﮟ . ﻣﯿﮟ ﺑﻼﺗﺎ ﮨﻮﮞ ﺍُﺳﮯ۔ ﺳﺎﻻﺭ ﻧﮯ ﺳﮑﻨﺪﺭ ﻋﺜﻤﺎﻥ ﮐﻮ ﺍﯾﮏ ﺑﺎﺭ ﭘﮭﺮ ﭨﻮﮐﺎ ﺗﮭﺎ۔
ﻧﻤﺒﺮ ﻧﮩﯿﮟ ﭘﺘﮧ، ﭨﮭﮩﺮﻭ ﻣﯿﮟ ﻓﻮﻥ ﺳﮯ ﺩﯾﺘﺎ ﮨﻮﮞ ﺗﻤﮩﯿﮟ۔ ﺍﻧﮩﻮﮞ ﻧﮯ ﺍُﺱ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﮩﺎ ﺗﮭﺎ ﺍﻭﺭ ﭘﮭﺮ ﺭﮐﮯ ﺑﻐﯿﺮ ﺍﭘﻨﯽ ﺟﯿﺒﯿﮟ ﭨﭩﻮﻟﻨﮯ ﻟﮕﮯ۔ ﺳﺎﻻﺭ ﻋﺠﯿﺐ ﮐﯿﻔﯿﺖ ﻣﯿﮟ ﺍﻧﭩﺮﮐﺎﻡ ﮐﺎ ﺭﯾﺴﯿﻮﺭ ﮨﺎﺗﮫ ﻣﯿﮟ ﻟﺌﮯ ﺑﯿﭩﮭﺎ ﺭﮨﺎ
ﻭﮦ ﺳﯿﻞ ﻓﻮﻥ ﺟﺴﮯ ﺍُﺱ ﮐﺎ ﺑﺎﭖ ﺗﻼﺵ ﮐﺮ ﺭﮨﺎ ﺗﮭﺎ ﻭﮦ ﺳﺎﻣﻨﮯ ﻣﯿﺰ ﭘﺮ ﭘﮍﺍ ﺗﮭﺎ۔ ﻭﮦ ﺍُﺱ ﺍﻧﭩﺮﮐﺎﻡ ﮐﮯ ﻧﻤﺒﺮ ﮐﻮ، ﺍﭘﻨﮯ ﺳﯿﻞ ﻓﻮﻥ ﮐﯽ ﯾﺎﺩﺩﺍﺷﺖ ﻣﯿﮟ ﮈﮬﻮﻧﮉﻧﺎ ﭼﺎﮨﺘﺎ ﺗﮭﺎ۔ ﺍﻭﺭ ﻭﮦ ﺍﻧﭩﺮﮐﺎﻡ ﭘﺮ ﺍُﺱ ﻣﻼﺯﻡ ﮐﺎ ﯾﮏ ﺣﺮﻓﯽ ﻧﻤﺒﺮ ﯾﺎﺩ ﻧﮩﯿﮟ ﺭﮐﮫ ﭘﺎﺗﺎ ﺗﮭﺎ۔ ﻭﮦ ﺍﻟﺰﺍﺋﻤﺮ ﮐﮯ ﺟﻦ ﮐﮯ ﮨﺎﺗﮭﻮﮞ ﺍﭘﻨﮯ ﺑﺎﭖ ﮐﻮ ﺯﯾﺮ ﮨﻮﺗﮯ ﺩﯾﮑﮫ ﺭﮨﺎ ﺗﮭﺎ، ﺗﮑﻠﯿﻒ ﺑﮍﺍ ﭼﮭﻮﭨﺎ ﻟﻔﻆ ﺗﮭﺎ ﺍﺱ ﮐﯿﻔﯿﺖ ﮐﮯ ﻟﺌﮯ ﺟﻮ ﺍُﺱ ﻧﮯ ﻣﺤﺴﻮﺱ ﮐﯽ ﺗﮭﯽ۔ ﻭﮦ ﺑﮩﺖ ﻋﺮﺻﮯ ﮐﮯ ﺑﻌﺪ ﺍﻣﺎﻣﮧ ﺍﻭﺭ ﺑﭽﻮﮞ ﮐﮯ ﺳﺎﺗﮫ ﺩﻭ ﮨﻔﺘﮯ ﮐﮯ ﻟﺌﮯ ﭘﺎﮐﺴﺘﺎﻥ ﺁﯾﺎ ﺗﮭﺎ۔ ﻃﯿّﺒﮧ ﮐﯽ ﻃﺒﻌﯿﺖ ﭨﮭﯿﮏ ﻧﮩﯿﮟ ﺗﮭﯽ ﺍﻭﺭ ﺳﺎﻻﺭ ﺍﻭﺭ ﺍُﺱ ﮐﯽ ﻣﻼﻗﺎﺕ ﮐﺌﯽ ﻣﮩﯿﻨﻮﮞ ﺳﮯ ﻧﮩﯿﮟ ﮨﻮﺋﯽ ﺗﮭﯽ ﺍﻭﺭ ﺍﺏ ﻭﮦ ﻃﯿّﺒﮧ ﮐﮯ ﮨﯽ ﺑﮯ ﺣﺪ ﺍﺻﺮﺍﺭ ﭘﺮ ﺑﺎﻵﺧﺮ ﭘﺎﮐﺴﺘﺎﻥ ﺁﯾﺎ ﺗﮭﺎ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﺗﻮ ﺍﭘﻨﮯ ﻭﺍﻟﺪﯾﻦ ﮐﯽ ﺣﺎﻟﺖ ﮐﻮ ﺩﯾﮑﮫ ﮐﺮ ﺑﮩﺖ ﺍﭖ ﺳﯿﭧ ﮨﻮﺍ ﺗﮭﺎ۔ﺧﺎﺹ ﻃﻮﺭ ﭘﺮ ﺳﮑﻨﺪﺭ ﻋﺜﻤﺎﻥ ﮐﻮ ﺩﯾﮑﮫ ﮐﺮ۔
ﺍُﺱ ﻧﮯ ﺍﻧﮩﯿﮟ ﮨﻤﯿﺸﮧ ﺑﮯ ﺣﺪ ﺻﺤﺖ ﻣﻨﺪ ﺍﻭﺭ ﭼﺎﻕ ﻭ ﭼﻮﺑﻨﺪ ﺩﯾﮑﮭﺎ ﺗﮭﺎ۔ ﻭﮦ ﺍﯾﮏ ﻣﺸﯿﻦ ﮐﯽ ﻃﺮﺡ ﮐﺎﻡ ﮐﺮﺗﮯ ﺭﮨﮯ ﺗﮭﮯ ﺳﺎﺭﯼ ﺯﻧﺪﮔﯽ۔ ﺍﻭﺭ ﮐﺎﻡ ﺍُﻥ ﮐﯽ ﺯﻧﺪﮔﯽ ﮐﯽ ﺳﺐ ﺳﮯ ﭘﺴﻨﺪﯾﺪﮦ ﺗﻔﺮﯾﺢ ﺗﮭﯽ ﺍﻭﺭ ﺍﺏ ﻭﮦ ﺑﮍﯼ ﺣﺪ ﺗﮏ ﮔﮭﺮ ﺗﮏ ﻣﺤﺪﻭﺩ ﮨﻮ ﮔﺌﮯ ﺗﮭﮯ۔ ﮔﮭﺮ ﻣﯿﮟ ﺳﮑﻨﺪﺭ ﻋﺜﻤﺎﻥ ﺍﻭﺭ ﻧﻮﮐﺮﻭﮞ ﮐﮯ ﻋﻼﻭﮦ ﮐﻮﺋﯽ ﻧﮩﯿﮟ ﺗﮭﺎ۔
ﺍﺳﻼﻡ ﺁﺑﺎﺩ ﻣﯿﮟ ﮨﯽ ﻣﻘﯿﻢ ﺳﺎﻻﺭ ﮐﺎ ﺑﮍﺍ ﺑﮭﺎﺋﯽ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﺍﭘﻨﮯ ﮔﮭﺮ ﻣﯿﮟ ﺭﮨﺘﺎ ﺗﮭﺎ۔ ﻭﮦ ﺳﮑﻨﺪﺭ ﻋﺜﻤﺎﻥ ﺍﻭﺭ ﻃﯿّﺒﮧ ﮐﻮ ﺍﭘﻨﮯ ﺳﺎﺗﮫ ﺗﻮ ﺭﮐﮭﻨﮯ ﭘﺮ ﺗﯿّﺎﺭ ﺗﮭﺎ ﻟﯿﮑﻦ ﻭﮦ، ﺍُﺱ ﮐﮯ ﺑﯿﻮﯼ، ﺑﭽﮯ، ﺳﮑﻨﺪﺭ ﻋﺜﻤﺎﻥ ﮐﮯ ﺍُﺱ ﭘﺮﺍﻧﮯ ﮔﮭﺮ ﻣﯿﮟ ﺷﻔﭧ ﮨﻮﻧﮯ ﭘﺮ ﺗﯿّﺎﺭ ﻧﮩﯿﮟ ﺗﮭﮯ ﺍﻭﺭ ﻃﯿّﺒﮧ ﺍﻭﺭ ﺳﮑﻨﺪﺭ ﻋﺜﻤﺎﻥ ﺍﭘﻨﺎ ﮔﮭﺮ ﭼﮭﻮﮌ ﮐﺮ ﺑﯿﭩﮯ ﮐﮯ ﮔﮭﺮ ﻧﮩﯿﮟ ﺟﺎﻧﺎ ﭼﺎﮨﺘﮯ ﺗﮭﮯ۔ ﺳﺎﻻﺭ ﺳﻤﯿﺖ ﺳﮑﻨﺪﺭ ﮐﮯ ﺗﯿﻨﻮﮞ ﺑﯿﭩﮯ ﺑﯿﺮﻭﻥِ ﻣﻠﮏ ﺗﮭﮯ، ﺑﯿﭩﯽ ﮐﺮﺍﭼﯽ۔ ﻭﮦ ﮔﮭﺮ ﺟﻮ ﮐﺴﯽ ﺯﻣﺎﻧﮯ ﻣﯿﮟ ﺍﻓﺮﺍﺩ ﺧﺎﻧﮧ ﮐﯽ ﭼﮩﻞ ﭘﮩﻞ ﺳﮯ ﮔﻮﻧﺠﺘﺎ ﺗﮭﺎ ﺍﺏ ﺧﺎﻟﯽ ﮨﻮ ﭼﮑﺎ ﺗﮭﺎ۔ ﺳﺎﻻﺭ ﭘﮩﻠﯽ ﺑﺎﺭ ﺳﮑﻨﺪﺭ ﻋﺜﻤﺎﻥ ﮐﯽ ﺑﯿﻤﺎﺭﯼ ﮐﮯ ﺍﻧﮑﺸﺎﻑ ﭘﺮ ﺑﮭﯽ ﺑﮯ ﺣﺪ ﺍﭖ ﺳﯿﭧ ﮨﻮﺍ ﺗﮭﺎ۔ ﻭﮦ ﺍﻧﮑﺸﺎﻑ ﺍُﺱ ﭘﺮ ﺍُﺱ ﮐﯽ ﺳﺮﺟﺮﯼ ﮐﮯ ﮐﺌﯽ ﻣﮩﯿﻨﻮﮞ ﺑﻌﺪ ﮨﻮﺍ ﺗﮭﺎ ﺍﻭﺭ ﻭﮦ ﺑﮭﯽ ﺑﮯ ﺣﺪ ﺍﺗﻔﺎﻗﯽ ﺍﻧﺪﺍﺯ ﻣﯿﮟ ﺟﺐ ﺳﮑﻨﺪﺭ ﻋﺜﻤﺎﻥ ﺍﭘﻨﮯ ﺍﯾﮏ ﻃﺒّﯽ ﻣﻌﺎﺋﻨﮯ ﮐﮯ ﻟﺌﮯ ﺍﻣﺮﯾﮑﮧ ﮔﺌﮯ ﺗﮭﮯ ﺍﻭﺭ ﺳﺎﻻﺭ ﮐﻮ ﺍُﻥ ﮐﯽ ﺑﯿﻤﺎﺭﯼ ﮐﯽ ﺗﻔﺼﯿﻼﺕ ﮐﺎ ﭘﺘﮧ ﭼﻼ ﺗﮭﺎ۔
ﺁﭖ ﻧﮯ ﻣﺠﮭﮯ ﮐﯿﻮﮞ ﻧﮩﯿﮟ ﺑﺘﺎﯾﺎ؟ ﺍُﺱ ﻧﮯ ﺳﮑﻨﺪﺭ ﻋﺜﻤﺎﻥ ﺳﮯ ﺷﮑﺎﯾﺖ ﮐﯽ ﺗﮭﯽ۔ ﺍﻧﮩﻮﮞ ﻧﮯ ﺟﻮﺍﺑﺎً ﻻﭘﺮﻭﺍ ﺍﻧﺪﺍﺯ ﻣﯿﮟ ﮨﻨﺴﺘﮯ ﮨﻮﺋﮯ ﮐﮩﺎ ﺗﮭﺎ۔
ﮐﯿﺎ ﺑﺘﺎﺗﺎ ﯾﺎﺭ۔ ﻣﺠﮭﮯ ﺍﭘﻨﯽ ﺑﯿﻤﺎﺭﯼ ﺳﮯ ﺯﯾﺎﺩﮦ ﺗﻤﮩﺎﺭﯼ ﺑﯿﻤﺎﺭﯼ ﮐﺎ ﺩُﮐﮫ ﮨﮯ۔ ﻣﯿﮟ 70 ﮐﺎ ﮨﻮ ﭼﮑﺎ ﮨﻮﮞ ﮐﻮﺋﯽ ﺑﯿﻤﺎﺭﯼ ﮨﻮ ﻧﮧ ﮨﻮ ﮐﺘﻨﺎ ﺟﯿﻮﮞ ﮔﺎ ﻣﯿﮟ؟ ﺍﻭﺭ ﺍﺱ ﻋﻤﺮ ﻣﯿﮟ ﺍﻟﺰﺍﺋﻤﺮ ﮐﮯ ﺑﻐﯿﺮ ﺑﮭﯽ ﮐﭽﮫ ﯾﺎﺩ ﻧﮩﯿﮟ ﺭﮨﺘﺎ ﺍﻧﺴﺎﻥ ﮐﻮ۔ ﻭﮦ ﺍﭘﻨﯽ ﺑﯿﻤﺎﺭﯼ ﮐﻮ ﻣﻌﻤﻮﻝ ﺑﻨﺎ ﮐﺮ ﭘﯿﺶ ﮐﺮﻧﮯ ﮐﯽ ﮐﻮﺷﺶ ﮐﺮ ﺭﮨﮯ ﺗﮭﮯ۔ ﺍﯾﺴﮯ ﺟﯿﺴﮯ ﯾﮧ ﮐﻮﺋﯽ ﭼﯿﺰ ﮨﯽ ﻧﮩﯿﮟ ﺗﮭﯽ۔
ﺍﻭﺭ ﺍﺏ ﻭﮨﯽ ﺑﯿﻤﺎﺭﯼ ﺍُﺱ ﮐﮯ ﺳﺎﻣﻨﮯ ﺍُﺱ ﮐﮯ ﺑﺎﭖ ﮐﯽ ﯾﺎﺩﺩﺍﺷﺖ ﮐﻮ ﮔُﮭﻦ ﮐﯽ ﻃﺮﺡ ﮐﮭﺎﻧﮯ ﻟﮕﯽ ﺗﮭﯽ۔
ﺯﻧﺪﮔﯽ ﻋﺠﯿﺐ ﺷﮯ ﮨﮯ، ﺍﻧﺴﺎﻥ ﺍُﺱ ﮐﮯ ﻃﻮﯾﻞ ﮨﻮﻧﮯ ﮐﯽ ﺩﻋﺎ ﺑﮭﯽ ﮐﺮﺗﺎ ﮨﮯ ﺍﻭﺭ ﺍﺱ ﮐﯽ ﻃﻮﺍﻟﺖ ﮐﮯ ﺍﺛﺮﺍﺕ ﺳﮯ ﮈﺭﺗﺎ ﺑﮭﯽ ﮨﮯ۔
ﺳﮑﻨﺪﺭ ﻋﺜﻤﺎﻥ ﺍﺑﮭﯽ ﺗﮏ ﺳﯿﻞ ﻓﻮﻥ ﮈﮬﻮﻧﮉﺗﮯ ﺟﺎ ﺭﮨﮯ ﺗﮭﮯ۔ ﺳﺎﻻﺭ ﻧﮯ ﻓﻮﻥ ﺍُﭨﮭﺎ ﮐﺮ ﺍﭘﻨﮯ ﺑﺎﭖ ﮐﮯ ﮨﺎﺗﮫ ﻣﯿﮟ ﺩﮮ ﺩﯾﺎ۔
ﺍﻭﮦ … ﺍﭼﮭﺎ … ﮨﺎﮞ … ﯾﮧ ﺭﮨﺎ … ﺍﻧﮩﻮﮞ ﻧﮯ ﻓﻮﻥ ﮨﺎﺗﮫ ﻣﯿﮟ ﻟﯿﺎ ﭘﮭﺮ ﺳﻮﭼﻨﮯ ﻟﮕﮯ ﺗﮭﮯ، ﮐﺲ ﻟﯿﮯ ﻟﯿﺎ ﺗﮭﺎ۔
ﯾﮧ ﻓﻮﻥ ﮐﺲ ﻟﯿﮯ ﺩﯾﺎ ﮨﮯ ﺗﻢ ﻧﮯ؟ ﻣﯿﮟ ﻧﮯ ﻣﺎﻧﮕﺎ ﺗﮭﺎ ﮐﯿﺎ؟ ﻭﮦ ﺍﺏ ﺍُﺱ ﺳﮯ ﭘﻮﭼﮫ ﺭﮨﮯ ﺗﮭﮯ، ﮐﻮﺋﯽ ﭼﯿﺰ ﺳﺎﻻﺭ ﮐﮯ ﺣﻠﻖ ﻣﯿﮟ ﮔﻮﻟﮧ ﺑﻦ ﮐﺮ ﭘﮭﻨﺴﯽ۔
ﻧﮩﯿﮟ، ﺑﺲ ﻣﯿﮟ ﺩﯾﻨﺎ ﭼﺎﮦ ﺭﮨﺎ ﺗﮭﺎ ﺁﭖ ﮐﻮ۔ ﻭﮦ ﮐﮩﺘﮯ ﮨﻮﺋﮯ ﯾﮏ ﺩﻡ ﺍُﭨﮫ ﮔﯿﺎ۔ ﻭﮦ ﺑﺎﭖ ﮐﮯ ﺳﺎﻣﻨﮯ ﺭﻭﻧﺎ ﻧﮩﯿﮟ ﭼﺎﮨﺘﺎ ﺗﮭﺎ۔
ﺗﻢ ﺍﺗﻨﯽ ﺟﻠﺪﯼ ﺟﺎ ﺭﮨﮯ ﮨﻮ، ﮐﯿﺎ ﺍﻭﺭ ﻧﮩﯿﮟ ﺑﯿﭩﮭﻮ ﮔﮯ؟ ﻭﮦ ﺟﯿﺴﮯ ﻣﺎﯾﻮﺱ ﮨﻮﺋﮯ ﺗﮭﮯ۔
ﺑﯿﭩﮭﻮﮞ ﮔﺎ، ﺗﮭﻮﮌﯼ ﺩﯾﺮ ﺗﮏ ﺁﺗﺎ ﮨﻮﮞ۔ ﻭﮦ ﺍُﻥ ﺳﮯ ﻧﻈﺮﯾﮟ ﭼﺮﺍﺗﺎ ﺑﮭﺮّﺍﺋﯽ ﺁﻭﺍﺯ ﻣﯿﮟ ﮐﮩﺘﺎ ﮨﻮﺍ ﻭﮨﺎﮞ ﺳﮯ ﻧﮑﻞ ﮔﯿﺎ ﺗﮭﺎ۔
ﺍﭘﻨﮯ ﺑﯿﮉ ﺭﻭﻡ ﺳﮯ ﻣﺘﺼﻞ ﺑﺎﺗﮫ ﺭﻭﻡ ﻣﯿﮟ، ﺑﺎﺗﮫ ﭨﺐ ﮐﮯ ﮐﻨﺎﺭﮮ ﺑﯿﭩﮭﺎ ﻭﮦ ﺧﻮﺩ ﭘﺮ ﻗﺎﺑﻮ ﻧﮩﯿﮟ ﺭﮐﮫ ﺳﮑﺎ ﺗﮭﺎ۔ ﻭﮦ ﺳﮑﻨﺪﺭ ﻋﺜﻤﺎﻥ ﮐﮯ ﺑﮯ ﺣﺪ ﻗﺮﯾﺐ ﺗﮭﺎ ﺍﻭﺭ ﯾﮧ ﻗﺮﺑﺖ ﺁﺝ ﻋﺠﯿﺐ ﻃﺮﺡ ﺳﮯ ﺍﺫﯾّﺖ ﺩﮮ ﺭﮨﯽ ﺗﮭﯽ ﺍُﺳﮯ۔ ﻭﮦ ﺍﭘﻨﯽ ﺯﻧﺪﮔﯽ ﮐﮯ ﮨﻨﮕﺎﻣﻮﮞ ﻣﯿﮟ ﺍﺗﻨﺎ ﻣﺼﺮﻭﻑ ﺭﮨﺎ ﺗﮭﺎ ﮐﮧ ﺍُﺱ ﻧﮯ ﺳﮑﻨﺪﺭ ﻋﺜﻤﺎﻥ ﮐﯽ ﺑﮕﮍﺗﯽ ﮨﻮﺋﯽ ﺫﮨﻨﯽ ﺣﺎﻟﺖ ﮐﻮ ﻧﻮﭨﺲ ﮨﯽ ﻧﮩﯿﮟ ﮐﯿﺎ ﺗﮭﺎ۔ ﻧﻮﭨﺲ ﺗﻮ ﺗﺐ ﮐﺮﺗﺎ ﺟﺐ ﻭﮦ ﺍُﻥ ﺳﮯ ﺑﺎﻗﺎﻋﺪﮔﯽ ﺳﮯ ﻣﻞ ﭘﺎﺗﺎ۔ SIF ﺍُﺳﮯ ﮔﺮﺩﺍﺏ ﮐﯽ ﻃﺮﺡ ﺍﻟﺠﮭﺎﺋﮯ ﮨﻮﺋﮯ ﺗﮭﺎ ﺍُﺱ ﮐﮯ ﭘﺮﻭﺟﯿﮑﭩﺲ ﻧﮯ ﺍﺏ ﺍﺱ ﮐﮯ ﭘﯿﺮﻭﮞ ﮐﻮ ﭘﺮﻭﮞ ﻣﯿﮟ ﺗﺒﺪﯾﻞ ﮐﺮ ﺩﯾﺎ ﺗﮭﺎ۔ ﻭﮦ ﺳﻔﺮ ﻣﯿﮟ ﺭﮨﺘﺎ ﺗﮭﺎ۔ ﭼﺎﺭ ﭘﺎﻧﭻ ﺳﺎﻝ ﻣﯿﮟ SIF ﺩﻧﯿﺎ ﮐﯽ ﺑﮍﯼ ﻓﻨﺎﻧﺸﻞ ﻣﺎﺭﮐﯿﭩﺲ ﻣﯿﮟ ﺍﯾﮏ ﺷﻨﺎﺧﺖ ﺑﻨﺎ ﺭﮨﺎ ﺗﮭﺎ۔ ﺑﮯ ﺣﺪ ﻣﻨﻔﺮﺩ ﺍﻧﺪﺍﺯ ﻣﯿﮟ ﺗﯿﺰ ﺭﻓﺘﺎﺭ ﺗﺮﻗﯽ ﮐﮯ ﺳﺎﺗﮫ۔ ﮐﺎﻡ ﮐﯽ ﺍﺱ ﺭﻓﺘﺎﺭ ﻧﮯ ﺍُﺳﮯ ﺑﮩﺖ ﺳﯽ ﭼﯿﺰﻭﮞ ﺳﮯ ﺑﮯ ﺧﺒﺮ ﺑﮭﯽ ﮐﯿﺎ ﺗﮭﺎ۔ ﻭﮨﺎﮞ ﺑﯿﭩﮭﮯ ﮨﻮﺋﮯ ﺍُﺱ ﻧﮯ ﺍﻋﺘﺮﺍﻑ ﮐﯿﺎ ﺗﮭﺎ ﺍﻭﺭ ﺍﺏ ﻭﮦ ﺣﻞ ﮈﮬﻮﻧﮉ ﺭﮨﺎ ﺗﮭﺎ ﺍﻭﺭ ﺣﻞ ﮈﮬﻮﻧﮉﻧﮯ ﺳﮯ ﺑﮭﯽ ﻧﮩﯿﮟ ﻣﻞ ﺭﮨﺎ ﺗﮭﺎ۔ ﻭﮦ ﺩﻭﻧﻮﮞ ﺍُﻥ ﮐﮯ ﺳﺎﺗﮫ ﻣﺴﺘﻘﻞ ﺍﻣﺮﯾﮑﮧ ﺷﻔﭧ ﮨﻮﻧﮯ ﭘﺮ ﮐﺒﮭﯽ ﺗﯿﺎﺭ ﻧﮩﯿﮟ ﮨﻮﺗﮯ، ﺳﺎﻻﺭ ﮐﻮ ﺍﺱ ﮐﺎ ﺍﻧﺪﺍﺯﮦ ﺗﮭﺎ ﺍﻭﺭ ﺍﻣﺮﯾﮑﮧ ﭼﮭﻮﮌ ﮐﺮ ﺍُﻥ ﮐﮯ ﭘﺎﺱ ﻣﺴﺘﻘﻞ ﺁﺟﺎﻧﺎ ﺳﺎﻻﺭ ﮐﮯ ﻟﺌﮯ ﻣﻤﮑﻦ ﻧﮩﯿﮟ ﺗﮭﺎ۔ ﺍﺱ ﮐﮯ ﺑﺎﻭﺟﻮﺩ ﺣﻞ ﺳﺎﻣﻨﮯ ﺗﮭﺎ۔ ﺑﮯ ﺣﺪ ﻣﺸﮑﻞ ﺗﮭﺎ، ﻟﯿﮑﻦ ﻣﻮﺟﻮﺩ ﺗﮭﺎ۔

---

---

” ﺍﻣﺎﻣﮧ ﺗﻢ ﺑﭽﻮﮞ ﮐﮯ ﺳﺎﺗﮫ ﭘﺎﮐﺴﺘﺎﻥ ﺷﻔﭧ ﮨﻮ ﺟﺎﺅ۔ ” ﺍُﺱ ﺭﺍﺕ ﺍُﺱ ﻧﮯ ﺑﺎﻵﺧﺮ ﺍﻧﺘﻈﺎﺭ ﮐﯿﮯ ﺑﻐﯿﺮ ﻭﮦ ﺣﻞ ﺍﻣﺎﻣﮧ ﮐﮯ ﺳﺎﻣﻨﮯ ﭘﯿﺶ ﮐﺮ ﺩﯾﺎ ﺗﮭﺎ۔ ﺍﻣﺎﻣﮧ ﮐﻮ ﺍﺱ ﮐﯽ ﺑﺎﺕ ﺳﻤﺠﮫ ﻣﯿﮟ ﮨﯽ ﻧﮩﯿﮟ ﺁﺋﯽ ﺗﮭﯽ۔
” ﮐﯿﺎ ﻣﻄﻠﺐ ” ﻣﯿﮟ ﭼﺎﮨﺘﺎ ﮨﻮﮞ ﺗﻢ ﺣﻤﯿﻦ، ﻋﻨﺎﯾﮧ ﺍﻭﺭ ﺭﺋﯿﺴﮧ ﮐﮯ ﺳﺎﺗﮫ ﭘﺎﮐﺴﺘﺎﻥ ﺁﺟﺎﺅ۔ ﻣﯿﺮﮮ ﭘﯿﺮﻧﭩﺲ ﮐﻮ ﻣﯿﺮﯼ ﺿﺮﻭﺭﺕ ﮨﮯ، ﻣﯿﮟ ﺍُﻥ ﮐﮯ ﭘﺎﺱ ﻧﮩﯿﮟ ﭨﮭﮩﺮ ﺳﮑﺘﺎ ﻟﯿﮑﻦ ﻣﯿﮟ ﺍﻧﮩﯿﮟ ﺍﺱ ﺣﺎﻟﺖ ﻣﯿﮟ ﺍﮐﯿﻼ ﺑﮭﯽ ﻧﮩﯿﮟ ﭼﮭﻮﮌ ﺳﮑﺘﺎ۔ ﺗﻢ ﻧﮯ ﺩﯾﮑﮭﺎ ﮨﮯ ﭘﺎﭘﺎ ﮐﻮ۔ ” ﻭﮦ ﺑﮯ ﺣﺪ ﺭﻧﺠﯿﺪﮦ ﺗﮭﺎ۔
” ﮨﻢ ﺍﻧﮩﯿﮟ ﺍﭘﻨﮯ ﭘﺎﺱ ﺭﮐﮫ ﺳﮑﺘﮯ ﮨﯿﮟ ﻭﮨﺎﮞ ﺍﻣﺮﯾﮑﮧ ﻣﯿﮟ ”… ﺍﻣﺎﻣﮧ ﻧﮯ ﺟﯿﺴﮯ ﺍﯾﮏ ﺗﺠﻮﯾﺰ ﭘﯿﺶ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔
” ﻭﮦ ﯾﮧ ﮔﮭﺮ ﻧﮩﯿﮟ ﭼﮭﻮﮌﯾﮟ ﮔﮯ ﺍﻭﺭ ﻣﯿﮟ ﺍﺱ ﻋﻤﺮ ﻣﯿﮟ ﺍﻧﮩﯿﮟ ﺍﻭﺭ ﺍﭖ ﺳﯿﭧ ﮐﺮﻧﺎ ﻧﮩﯿﮟ ﭼﺎﮨﺘﺎ۔ ﺗﻢ ﻟﻮﮒ ﯾﮩﺎﮞ ﺷﻔﭧ ﮨﻮ ﺟﺎﺅ … ﻣﯿﮟ ﺁﺗﺎ ﺟﺎﺗﺎ ﺭﮨﻮﮞ ﮔﺎ … ﺟﺒﺮﯾﻞ ﻭﯾﺴﮯ ﺑﮭﯽ ﯾﻮﻧﯿﻮﺭﺳﭩﯽ ﻣﯿﮟ ﮨﮯ، ﺍُﺳﮯ ﮔﮭﺮ ﮐﯽ ﺿﺮﻭﺭﺕ ﻧﮩﯿﮟ ﮨﮯ ﺍﻭﺭ ﻣﯿﮟ ﺗﻮ ﺍﻣﺮﯾﮑﮧ ﻣﯿﮟ ﺑﮭﯽ ﺳﻔﺮ ﮨﯽ ﮐﺮﺗﺎ ﺭﮨﺘﺎ ﮨﻮﮞ ﺯﯾﺎﺩﮦ۔ ﻣﺠﮭﮯ ﻭﮨﺎﮞ ﻓﯿﻤﻠﯽ ﮐﮯ ﮨﻮﻧﮯ ﻧﮧ ﮨﻮﻧﮯ ﺳﮯ ﺯﯾﺎﺩﮦ ﻓﺮﻕ ﻧﮩﯿﮟ ﭘﮍﺗﺎ۔ ” ﻭﮦ ﺍُﺱ ﺳﮯ ﻧﻈﺮﯾﮟ ﻣﻼﺋﮯ ﺑﻐﯿﺮ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﺍُﺱ ﮐﺎ ﭼﮩﺮﮦ ﺩﯾﮑﮭﺘﯽ ﺭﮨﯽ ﻭﮦ ﺳﺐ ﮐﭽﮫ ﺍﺱ ﻃﺮﺡ ﺁﺳﺎﻥ ﺑﻨﺎ ﮐﺮ ﭘﯿﺶ ﮐﺮ ﺭﮨﺎ ﺗﮭﺎ ﺟﯿﺴﮯ ﯾﮧ ﮐﻮﺋﯽ ﻣﺴﺌﻠﮧ ﮨﯽ ﻧﮩﯿﮟ ﺗﮭﺎ۔ ﺩﻭ ﻣﻨﭩﻮﮞ ﮐﺎ ﮐﺎﻡ ﺗﮭﺎ ﺟﻮ ﮐﯿﺎ ﺟﺎ ﺳﮑﺘﺎ ﺗﮭﺎ۔
” ﺗﻤﮩﺎﺭﮮ ﺍﭘﻨﮯ ﭘﯿﺮﻧﭩﺲ ﺑﮭﯽ ﮨﯿﮟ ﯾﮩﺎﮞ، ﻭﮦ ﺑﮭﯽ ﺑﮩﺖ ﺑﻮﮌﮬﮯ ﮨﯿﮟ۔ ﺗﻢ ﯾﮩﺎﮞ ﺭﮨﻮ ﮔﯽ ﺗﻮ ﺍﻥ ﺳﺐ ﮐﯽ ﺩﯾﮑﮫ ﺑﮭﺎﻝ ﮐﺮﺳﮑﻮ ﮔﯽ ”… ﻭﮦ ﺍُﺱ ﺳﮯ ﮐﮩﮧ ﺭﮨﺎ ﺗﮭﺎ۔ ﺍﻣﺎﻣﮧ ﻧﮯ ﮐﭽﮫ ﺧﻔﮕﯽ ﺳﮯ ﺍُﺱ ﺳﮯ ﮐﮩﺎ۔
” ﺗﻢ ﯾﮧ ﺳﺐ ﻣﯿﺮﮮ ﭘﯿﺮﻧﭩﺲ ﮐﮯ ﻟﺌﮯ ﻧﮩﯿﮟ ﮐﺮ ﺭﮨﮯ ﺳﺎﻻﺭ۔ ﺍﺱ ﻟﺌﮯ ﺍﻥ ﮐﺎ ﺣﻮﺍﻟﮧ ﻧﮧ ﺩﻭ۔ ”
” ﺗﻢ ﺍﻥ ﮐﮯ ﺑﺎﺭﮮ ﻣﯿﮟ ﻓﮑﺮ ﻣﻨﺪ ﻧﮩﯿﮟ ﮨﻮﺗﯽ ﮐﯿﺎ؟ ﺍﻧﮩﯿﮟ ﺍﺱ ﻋﻤﺮ ﻣﯿﮟ ﺩﯾﮑﮫ ﺑﮭﺎﻝ ﮐﯽ ﺿﺮﻭﺭﺕ ﮨﻮﮔﯽ … ﮐﻮﺋﯽ 24 ﮔﮭﻨﭩﮯ ﺳﺎﺗﮫ ﻧﮧ ﺭﮨﮯ، ﭼﻨﺪ ﮔﮭﻨﭩﮯ ﮨﯽ ﺭﮨﮯ ﻟﯿﮑﻦ ﺣﺎﻝ ﭼﺎﻝ ﭘﻮﭼﮭﻨﮯ ﻭﺍﻻ ﮨﻮ۔ ” ﻭﮦ ﮐﮩﮧ ﺭﮨﺎ ﺗﮭﺎ۔ ﺍﭘﻨﮯ ﭘﯿﺮﻧﭩﺲ ﮐﯽ ﺑﺎﺕ ﮐﺮﻧﮯ ﺳﮯ ﺯﯾﺎﺩﮦ ﺍُﺱ ﮐﮯ ﭘﯿﺮﻧﭩﺲ ﮐﯽ ﺑﺎﺕ ﮐﺮ ﺭﮨﺎ ﺗﮭﺎ۔ ﺍﻣﺎﻣﮧ ﮐﻮ ﺑُﺮﺍ ﻟﮕﺎ … ﺍُﺳﮯ ﺍﺱ ﺟﺬﺑﺎﺗﯽ ﺑﻠﯿﮏ ﻣﯿﻠﻨﮓ ﮐﯽ ﺿﺮﻭﺭﺕ ﻧﮩﯿﮟ ﺗﮭﯽ۔
” ﺳﺎﻻﺭ ﺍﺗﻨﮯ ﺳﺎﻟﻮﮞ ﻣﯿﮟ ﮐﺒﮭﯽ ﭘﮩﻠﮯ ﺗﻢ ﻧﮯ ﻣﯿﺮﮮ ﭘﯿﺮﻧﭩﺲ ﮐﯽ ﺩﯾﮑﮫ ﺑﮭﺎﻝ ﮐﻮ ﺍﯾﺸﻮ ﺑﻨﺎ ﮐﺮ ﻣﺠﮭﮯ ﭘﺎﮐﺴﺘﺎﻥ ﻣﯿﮟ ﺭﮐﮭﻨﮯ ﮐﯽ ﺑﺎﺕ ﻧﮩﯿﮟ ﮐﯽ۔ ﺁﺝ ﺑﮭﯽ ﺍُﻥ ﮐﻮ ﺍﯾﺸﻮ ﻧﮧ ﺑﻨﺎﺅ۔ ” ﻭﮦ ﮐﮩﮯ ﺑﻐﯿﺮ ﻧﮩﯿﮟ ﺭﮦ ﺳﮑﯽ ﺗﮭﯽ۔
” ﮨﺎﮞ ﻧﮩﯿﮟ ﮐﯽ ﺗﮭﯽ ﮐﯿﻮﮞ ﮐﮧ ﺁﺝ ﺳﮯ ﭘﮩﻠﮯ ﻣﯿﮟ ﻧﮯ ﮐﺒﮭﯽ ﺍﭘﻨﮯ ﭘﯿﺮﻧﭩﺲ ﮐﺎ ﯾﮧ ﺣﺎﻝ ﺑﮭﯽ ﻧﮩﯿﮟ ﺩﯾﮑﮭﺎ ﺗﮭﺎ۔ ” ﺍُﺱ ﻧﮯ ﺟﻮﺍﺑﺎً ﮐﮩﺎ۔ ﻭﮦ ﻗﺎﺋﻞ ﻧﮩﯿﮟ ﮨﻮﺋﯽ۔
” ﻣﺠﮭﮯ ﺟﺬﺑﺎﺗﯽ ﻃﻮﺭ ﭘﺮ ﺑﻠﯿﮏ ﻣﯿﻞ ﮐﺮﻧﮯ ﮐﯽ ﺿﺮﻭﺭﺕ ﻧﮩﯿﮟ ﮨﮯ۔ ” ﺍُﺱ ﻧﮯ ﺍﺳﯽ ﺍﻧﺪﺍﺯ ﻣﯿﮟ ﮐﮩﺎ ﺗﮭﺎ۔
” ﺗﻢ ﺍﻥ ﮐﮯ ﭘﺎﺱ ﺭﮨﻨﺎ ﻧﮩﯿﮟ ﭼﺎﮨﺘﯽ؟ ﯾﮩﺎﮞ ﻣﯿﺮﮮ ﮔﮭﺮ ﭘﺮ؟ ” ﺳﺎﻻﺭ ﻧﮯ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﺍُﺱ ﺳﮯ ﭘﻮﭼﮭﺎ۔
” ﻣﯿﮟ ﺗﻤﮩﺎﺭﮮ ﺳﺎﺗﮫ ﺑﮭﯽ ﺭﮨﻨﺎ ﭼﺎﮨﺘﯽ ﮨﻮﮞ۔ ” ﺍُﺱ ﻧﮯ ﺟﻮﺍﺑﺎً ﮐﮩﺎ۔ ﺳﺎﻻﺭ ﻧﮯ ﺍُﺱ ﺳﮯ ﻧﻈﺮﯾﮟ ﭼُﺮﺍ ﻟﯿﮟ۔
” ﺍُﻥ ﺳﺐ ﮐﻮ ﺗﻤﮩﺎﺭﯼ ﺿﺮﻭﺭﺕ ﮨﮯ ﺍﻣﺎﻣﮧ۔ ”
” ﺍﻭﺭ ﺗﻢ؟ ﺗﻤﮩﯿﮟ ﻣﯿﺮﯼ ﺿﺮﻭﺭﺕ ﻧﮩﯿﮟ ﮨﮯ؟ ” ﺍﻣﺎﻣﮧ ﻧﮯ ﮔِﻠﮧ ﮐﯿﺎ ﺗﮭﺎ۔
” ﺍﻥ ﺳﺐ ﮐﮯ ﭘﺎﺱ ﺯﻧﺪﮔﯽ ﮐﮯ ﺯﯾﺎﺩﮦ ﺳﺎﻝ ﻧﮩﯿﮟ ﮨﯿﮟ۔ ﻣﯿﮟ ﯾﮧ ﺑﻮﺟﮫ ﺍﭘﻨﮯ ﺿﻤﯿﺮ ﭘﺮ ﻧﮩﯿﮟ ﻟﯿﻨﺎ ﭼﺎﮨﺘﺎ ﮐﮧ ﻣﯿﮟ ﻧﮯ ﺯﻧﺪﮔﯽ ﮐﮯ ﺁﺧﺮﯼ ﺳﺎﻟﻮﮞ ﻣﯿﮟ ﺍﭘﻨﮯ ﻣﺎﮞ ﺑﺎﭖ ﮐﯽ ﭘﺮﻭﺍ ﻧﮩﯿﮟ ﮐﯽ۔ ” ﻭﮦ ﮐﮩﮧ ﺭﮨﺎ ﺗﮭﺎ۔ ﻭﮦ ﺍُﺱ ﺳﮯ ﮐﮩﮧ ﻧﮩﯿﮟ ﺳﮑﯽ ﻭﮦ ﺍُﺱ ﮐﮯ ﺳﺎﺗﮫ ﺑﮭﯽ ﺗﻮ ﺍﺳﯽ ﻟﺌﮯ ﭼﭙﮑﯽ ﺭﮨﻨﺎ ﭼﺎﮨﺘﯽ ﺗﮭﯽ۔ ﺍُﺳﮯ ﺑﮭﯽ ﺗﻮ ﺍُﺱ ﮐﯽ ﺯﻧﺪﮔﯽ ﮐﺎ ﭘﺘﮧ ﻧﮩﯿﮟ ﺗﮭﺎ۔ ﮈﺍﮐﭩﺮﺯ ﻧﮯ ﮐﮩﺎ ﺗﮭﺎ 7-5 ﺳﺎﻝ۔ ﺯﯾﺎﺩﮦ ﺳﮯ ﺯﯾﺎﮦ ﺩﺱ ﺳﺎﻝ۔ ﺍﻭﺭ ﻭﮦ ﺍُﺳﮯ ﺍُﺱ ﺳﮯ ﺑﮭﯽ ﭘﮩﻠﮯ ﺍﭘﻨﮯ ﺳﮯ ﺍﻟﮓ ﮐﺮﺭﮨﺎ ﺗﮭﺎ۔ ﻭﮦ ﯾﮧ ﺳﺎﺭﯼ ﺑﺎﺗﯿﮟ ﺳﻮﭼﻨﺎ ﮨﯽ ﻧﮩﯿﮟ ﭼﺎﮨﺘﯽ ﺗﮭﯽ۔ ﺯﻧﺪﮔﯽ ﮐﮯ ﮐﺴﯽ ﺑﮭﯿﺎﻧﮏ ﺧﻮﺍﺏ ﮐﮯ ﺑﺎﺭﮮ ﻣﯿﮟ … ﻣﺴﺘﻘﺒﻞ ﮐﮯ ﺑُﺮﮮ ﺩﻧﻮﮞ ﮐﮯ ﺑﺎﺭﮮ ﻣﯿﮟ … ﻭﮦ ﻓﯽ ﺍﻟﺤﺎﻝ ﺻﺮﻑ ﺣﺎﻝ ﮐﮯ ﺑﺎﺭﮮ ﻣﯿﮟ ﺳﻮﭼﻨﺎ ﭼﺎﮨﺘﯽ ﺗﮭﯽ … ﺟﻮ ﺳﺎﻣﻨﮯ ﺗﮭﺎ … ﺟﻮ ﺁﺝ ﺗﮭﺎ … ﻭﮦ ﺍُﺳﯽ ﻣﯿﮟ ﺟﯿﻨﺎ ﭼﺎﮨﺘﯽ ﺗﮭﯽ۔ ” ﺗﻤﮩﯿﮟ ﻣﯿﺮﯼ ﺿﺮﻭﺭﺕ ﮨﮯ ﺳﺎﻻﺭ … ﺍﮐﯿﻠﮯ ﺗﻢ ﮐﯿﺴﮯ ﺭﮨﻮ ﮔﮯ؟ ” ﻭﮦ ﺍُﺱ ﺳﮯ ﮐﮩﮧ ﺭﮨﯽ ﺗﮭﯽ۔ ” ﻣﯿﮟ ﺭﮦ ﻟﻮﮞ ﮔﺎ ﺍﻣﺎﻣﮧ … ﺗﻢ ﺟﺎﻧﺘﯽ ﮨﻮ ﻣﯿﮟ ﮐﺎﻡ ﻣﯿﮟ ﻣﺼﺮﻭﻑ ﺭﮨﺘﺎ ﮨﻮﮞ ﺗﻮ ﻣﺠﮭﮯ ﺳﺐ ﮐﭽﮫ ﺑﮭﻮﻝ ﺟﺎﺗﺎ ﮨﮯ۔ ” ﯾﮧ ﺳﭻ ﺗﮭﺎ ﻟﯿﮑﻦ ﺍُﺱ ﮐﻮ ﻧﮩﯿﮟ ﮐﮩﻨﺎ ﭼﺎﮨﯿﮯ ﺗﮭﺎ۔ ﺍﻣﺎﻣﮧ ﮨﺮﭦ ﮨﻮﺋﯽ ﺗﮭﯽ ﻭﮦ ﮐﭽﮫ ﺑﻮﻝ ﻧﮩﯿﮟ ﺳﮑﯽ ﺍُﺱ ﮐﯽ ﺁﻧﮑﮭﯿﮟ ﺁﻧﺴﻮﺅﮞ ﺳﮯ ﭘﻞ ﻣﯿﮟ ﺑﮭﺮ ﮔﺌﯽ ﺗﮭﯿﮟ۔ﺳﺎﻻﺭ ﺍُﺱ ﮐﮯ ﺑﺮﺍﺑﺮ ﺻﻮﻓﮧ ﭘﺮ ﺑﯿﭩﮭﺎ ﺗﮭﺎ ﺍُﺱ ﻧﮯ ﺍﻣﺎمہ؟

---

ﺍﻣﺎﻣﮧ ﮨﺮﭦ ﮨﻮﺋﯽ ﺗﮭﯽ ﻭﮦ ﮐﭽﮫ ﺑﻮﻝ ﻧﮩﯿﮟ ﺳﮑﯽ ﺍُﺱ ﮐﯽ ﺁﻧﮑﮭﯿﮟ ﺁﻧﺴﻮﺅﮞ ﺳﮯ ﭘﻞ ﻣﯿﮟ ﺑﮭﺮ ﮔﺌﯽ ﺗﮭﯿﮟ۔ﺳﺎﻻﺭ ﺍُﺱ ﮐﮯ ﺑﺮﺍﺑﺮ ﺻﻮﻓﮧ ﭘﺮ ﺑﯿﭩﮭﺎ ﺗﮭﺎ ﺍُﺱ ﻧﮯ ﺍﻣﺎﻣﮧ ﺳﮯ ﻧﻈﺮﯾﮟ ﭼُﺮﺍﻧﮯ ﮐﯽ ﮐﻮﺷﺶ ﮐﯽ ﺗﮭﯽ ﻧﮩﯿﮟ ﭼﺮﺍ ﺳﮑﺎ۔
” ﺯﻧﺪﮔﯽ ﻣﯿﮟ ﺍﻧﺴﺎﻥ ﺻﺮﻑ ﺍﭘﻨﯽ ﺿﺮﻭﺭﺗﻮﮞ ﮐﮯ ﺑﺎﺭﮮ ﻣﯿﮟ ﺳﻮﭼﺘﺎ ﺭﮨﮯ ﺗﻮ ﺧﻮﺩ ﻏﺮﺽ ﮨﻮﺟﺎﺗﺎ ﮨﮯ۔ ” ﺍُﺱ ﻧﮯ ﺍﻣﺎﻣﮧ ﮐﻮ ﺟﯿﺴﮯ ﻭﺿﺎﺣﺖ ﺍﯾﮏ ﻓﻼﺳﻔﯽ ﻣﯿﮟ ﻟﭙﭧ ﮐﺮ ﭘﯿﺶ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔ﺍﻣﺎﻣﮧ ﻗﺎﺋﻞ ﻧﮩﯿﮟ ﮨﻮﺋﯽ۔
” ﻣﺠﮭﮯ ﭘﺘﮧ ﮨﮯ ﺗﻤﮩﯿﮟ ﺿﺮﻭﺭﺕ ﻧﮩﯿﮟ ﮨﮯ … ﻧﮧ ﻣﯿﺮﯼ ﻧﮧ ﺑﭽﻮﮞ ﮐﯽ۔ ﺗﻤﮩﺎﺭﮮ ﻟﺌﮯ ﮐﺎﻡ ﮐﺎﻓﯽ ﮨﮯ … ﮐﺎﻡ ﺗﻤﮩﺎﺭﯼ ﻓﯿﻤﻠﯽ ﮨﮯ، ﺗﻤﮩﺎﺭﯼ ﺗﻔﺮﯾﺢ ﺑﮭﯽ … ﻟﯿﮑﻦ ﻣﯿﺮﯼ ﺯﻧﺪﮔﯽ ﻣﯿﮟ ﺗﻤﮩﺎﺭﮮ ﺍﻭﺭ ﺑﭽﻮﮞ ﮐﮯ ﻋﻼﻭﮦ ﺍﻭﺭ ﮐﭽﮫ ﻧﮩﯿﮟ ﮨﮯ۔ ﻣﯿﺮﺍ ﮐﺎﻡ ﺍﻭﺭ ﺗﻔﺮﯾﺢ ﺻﺮﻑ ﺗﻢ ﻟﻮﮒ ﮨﻮ۔ ” ﺍُﺱ ﻧﮯ ﺑﮭﺮﺍﺋﯽ ﮨﻮﺋﯽ ﺁﻭﺍﺯ ﻣﯿﮟ ﮔﻠﮧ ﺑﮭﯽ ﮐﯿﺎ ، ﺍُﺱ ﮐﯽ ﺑﮯ ﺣﺴﯽ ﺑﮭﯽ ﺑﺘﺎﺋﯽ، ﺍﭘﻨﯽ ﻣﺠﺒﻮﺭﯼ ﺑﮭﯽ ﺳﻨﺎﺋﯽ۔
” ﺗﻢ ﯾﮧ ﻧﮩﯿﮟ ﺳﻮﭼﺘﮯ ﮐﮧ ﺗﻢ ﺍﺑﮭﯽ ﺍﻧﮉﺭ ﭨﺮﯾﭩﻤﻨﭧ ﮨﻮ، ﺗﻤﮩﯿﮟ ﺑﮭﯽ ﮐﺴﯽ ﺧﯿﺎﻝ ﺭﮐﮭﻨﮯ ﻭﺍﻟﮯ ﮐﯽ ﺿﺮﻭﺭﺕ ﮨﮯ۔ ” ﻭﮦ ﺟﯿﺴﮯ ﺍُﺳﮯ ﯾﺎﺩ ﺩﻻ ﺭﮨﯽ ﺗﮭﯽ ﺑﯿﻤﺎﺭﯼ ﮐﺎ ﻧﺎﻡ ﻟﺌﮯ ﺑﻐﯿﺮ، ﮐﮧ ﺍُﺳﮯ ﺑﮭﯽ ﺗﯿﻤﺎﺭ ﺩﺍﺭ ﮐﯽ ﺿﺮﻭﺭﺕ ﺗﮭﯽ۔
” ﭘﺮﺍﻧﯽ ﺑﺎﺕ ﮨﻮﮔﺌﯽ ﺍﻣﺎﻣﮧ … ﻣﯿﮟ ﭨﮭﯿﮏ ﮨﻮﮞ ﭘﺎﻧﭻ ﺳﺎﻝ ﺳﮯ ﺍﺱ ﺑﯿﻤﺎﺭﯼ ﮐﮯ ﺳﺎﺗﮫ ﺯﻧﺪﮔﯽ ﮔﺰﺍﺭﺭﮨﺎ ﮨﻮﮞ … ﮐﭽﮫ ﻧﮩﯿﮟ ﮨﻮﺗﺎ ﻣﺠﮭﮯ۔ ” ﺍﺱ ﻧﮯ ﺟﯿﺴﮯ ﺍﻣﺎﻣﮧ ﮐﮯ ﺧﺪﺷﺎﺕ ﺩﯾﻮﺍﺭ ﭘﺮ ﭘﮍﮪ ﮐﺮ ﺑﮭﯽ ﭘﮭﻮﻧﮏ ﺳﮯ ﺍﻧﮩﯿﮟ ﺍﮌﺍﯾﺎ ﺗﮭﺎ۔
” ﻣﯿﮟ ﭘﺎﭘﺎ ﮐﻮ ﺍﺱ ﺣﺎﻝ ﻣﯿﮟ ﯾﮩﺎﮞ ﺍﺱ ﻃﺮﺡ ﻧﮩﯿﮟ ﭼﮭﻮﮌ ﺳﮑﺘﺎ ﻧﻮﮐﺮﻭﮞ ﮐﮯ ﺳﺮ ﭘﺮ … ﻣﯿﮟ ﺣﻤﯿﻦ ﮐﻮ ﺍُﻥ ﮐﮯ ﭘﺎﺱ ﺭﮐﮭﻨﺎ ﭼﺎﮨﺘﺎ ﮨﻮﮞ۔ ﻟﯿﮑﻦ ﻣﯿﮟ ﺣﻤﯿﻦ ﮐﻮ ﺍﮐﯿﻼ ﯾﮩﺎﮞ ﻧﮩﯿﮟ ﺭﮐﮫ ﺳﮑﺘﺎ ﺍﺱ ﻟﺌﮯ ﺗﻤﮩﺎﺭﯼ ﺿﺮﻭﺭﺕ ﮨﮯ ﺍﺱ ﮔﮭﺮ ﮐﻮ۔ ﺗﻢ ﺍﺳﮯ request ﺳﻤﺠﮭﻮ … ﺧﻮﺩ ﻏﺮﺿﯽ ﯾﺎ ﭘﮭﺮ ﺍﺻﺮﺍﺭ … ﻟﯿﮑﻦ ﻣﯿﮟ ﭼﺎﮨﺘﺎ ﮨﻮﮞ ﺗﻢ ﭘﺎﮐﺴﺘﺎﻥ ﺁﺟﺎﺅ … ﯾﮩﺎﮞ ﺍﺱ ﮔﮭﺮ ﻣﯿﮟ۔ ” ﺍﺱ ﻧﮯ ﺳﺎﻻﺭ ﮐﯽ ﺁﻭﺍﺯ ﺍﻭﺭ ﺁﻧﮑﮭﻮﮞ ﻣﯿﮟ ﺭﻧﺠﯿﺪﮔﯽ ﺩﯾﮑﮭﯽ ﺗﮭﯽ۔
” ﻣﯿﺮﮮ ﻟﺌﮯ ﺗﻤﮩﺎﺭﮮ ﺑﻐﯿﺮ ﺭﮨﻨﺎ ﺑﮯ ﺣﺪ ﻣﺸﮑﻞ ﮨﮯ … ﻣﯿﮟ ﻋﺎﺩﯼ ﮨﻮ ﮔﯿﺎ ﮨﻮﮞ ﺗﻤﮩﺎﺭﺍ ﺑﭽﻮﮞ ﮐﺎ … ﮔﮭﺮ ﮐﮯ ﺁﺭﺍﻡ ﮐﺎ … ﻟﯿﮑﻦ ﻣﯿﺮﮮ ﻣﺎﮞ ﺑﺎﭖ ﮐﮯ ﺑﮯ ﺣﺪ ﺍﺣﺴﺎﻧﺎﺕ ﮨﯿﮟ ﮨﻢ ﭘﺮ … ﺻﺮﻑ ﻣﺠﮫ ﭘﺮ ﮨﯽ ﻧﮩﯿﮟ ﮨﻢ ﺩﻭﻧﻮﮞ ﭘﺮ … ﻣﯿﮟ ﺍﭘﻨﯽ comfort ﮐﻮ ﺍُﻥ ﮐﯽ comfort ﮐﮯ ﻟﺌﮯ ﭼﮭﻮﮌﻧﮯ ﮐﺎ ﺣﻮﺻﻠﮧ ﺭﮐﮭﺘﺎ ﮨﻮﮞ … ﯾﮧ ﻓﺮﺽ ﮨﮯ ﻣﺠﮫ ﭘﺮ۔ ” ﻭﮦ ﺟﻮ ﮐﭽﮫ ﺍُﺱ ﺳﮯ ﮐﮩﮧ ﺭﮨﺎ ﺗﮭﺎ ﻭﮦ ﻣﺸﻮﺭﮦ ﺍﻭﺭ ﺭﺍﺋﮯ ﻧﮩﯿﮟ ﺗﮭﯽ ﻧﮧ ﮨﯽ ﺩﺭﺧﻮﺍﺳﺖ … ﻭﮦ ﻓﯿﺼﻠﮧ ﺗﮭﺎ ﺟﻮ ﻭﮦ ﮐﺮ ﭼﮑﺎ ﺗﮭﺎ ﺍﻭﺭ ﺍﺏ ﺻﺮﻑ ﺍُﺳﮯ ﺳﻨﺎ ﺭﮨﺎ ﺗﮭﺎ۔
ﻭﮦ ﺍُﺱ ﮐﺎ ﭼﮩﺮﮦ ﺩﯾﮑﮭﺘﯽ ﺭﮦ ﮔﺌﯽ ﻭﮦ ﻏﻠﻂ ﻧﮩﯿﮟ ﮐﮩﮧ ﺭﮨﺎ ﺗﮭﺎ ﻟﯿﮑﻦ ﻏﻠﻂ ﻭﻗﺖ ﭘﺮ ﮐﮩﮧ ﺭﮨﺎ ﺗﮭﺎ، ﻭﮦ ﺍُﺱ ﺳﮯ ﻗﺮﺑﺎﻧﯽ ﻣﺎﻧﮓ ﺭﮨﺎ ﺗﮭﺎ ﻟﯿﮑﻦ ﺑﮩﺖ ﺑﮍﯼ ﻣﺎﻧﮓ ﺭﮨﺎ ﺗﮭﺎ۔ ﻭﮦ ﮐﭽﮫ ﺑﮭﯽ ﮐﮩﮯ ﺑﻐﯿﺮ ﺍُﺱ ﮐﮯ ﭘﺎﺱ ﺳﮯ ﺍُﭨﮫ ﮔﺌﯽ ﺗﮭﯽ۔ ﻭﮦ saint ﻧﮩﯿﮟ ﺗﮭﯽ ﻟﯿﮑﻦ ﯾﮧ ﺑﺎﺕ ﺳﺎﻻﺭ ﮐﻮ ﺳﻤﺠﮫ ﻧﮩﯿﮟ ﺁﺗﯽ ﺗﮭﯽ۔

---

ﺩﻭ ﮨﻔﺘﻮﮞ ﮐﮯ ﺑﻌﺪ ﺍﻣﺮﯾﮑﮧ ﻭﺍﭘﺲ ﺟﺎﺗﮯ ﮨﻮﺋﮯ ﺳﺎﻻﺭ ﻧﮯ ﺳﮑﻨﺪﺭ ﻋﺜﻤﺎﻥ ﮐﻮ ﺍﭘﻨﮯ ﻓﯿﺼﻠﮯ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ ﺗﮭﺎ ﻭﮦ ﺧﻮﺵ ﻧﮩﯿﮟ ﮨﻮﺋﮯ ﺗﮭﮯ۔
” ﻧﮩﯿﮟ ﺑﮯ ﻭﻗﻮﻓﯽ ﮐﯽ ﺑﺎﺕ ﮨﮯ ﯾﮧ … ﺍﻣﺎﻣﮧ ﺍﻭﺭ ﺑﭽﻮﮞ ﮐﻮ ﯾﮩﺎﮞ ﺷﻔﭧ ﮐﺮﻧﺎ۔ ” ﺍﻧﮩﻮﮞ ﻧﮯ ﻓﻮﺭﯼ ﻃﻮﺭ ﭘﺮ ﮐﮩﺎ ﺗﮭﺎ۔ ” ﺍﻥ ﮐﯽ ﺳﭩﮉﯾﺰ ﮐﺎ ﮨﺤﺞ ﮨﻮﮔﺎ ﺍﻭﺭﯾﮩﺎﮞ ﮐﯿﻮﮞ ﻻﺭﮨﮯ ﮨﻮ ﺍُﻧﮩﯿﮟ ﺗُﮏ ﮐﯿﺎ ﺑﻨﺘﯽ ﮨﮯ؟ ” ﺳﺎﻻﺭ ﻧﮯ ﺍﻧﮩﯿﮟ ﯾﮧ ﻧﮩﯿﮟ ﺑﺘﺎﯾﺎ ﺗﮭﺎ ﮐﮧ ﻭﮦ ﺍُﻥ ﮐﮯ ﻟﺌﮯ ﮐﺮﺭﮨﺎ ﺗﮭﺎ ﯾﮧ ﺳﺐ۔
” ﺑﺲ ﭘﺎﭘﺎ ! ﻭﮨﺎﮞ ﻣﺸﮑﻞ ﮨﻮﺭﮨﺎ ﮨﮯ ﺳﺐ ﮐﭽﮫ manage ﮐﺮﻧﺎ، ﻣﺎﻟﯽ ﻃﻮﺭ ﭘﺮ۔ ” ﺍُﺱ ﻧﮯ ﺑﺎﭖ ﺳﮯ ﺟﮭﻮﭦ ﺑﻮﻻ ﻭﮦ ﺍﻧﮩﯿﮟ ﺯﯾﺮِ ﺍﺣﺴﺎﻥ ﮐﺮﻧﺎ ﻧﮩﯿﮟ ﭼﺎﮨﺘﺎ ﺗﮭﺎ۔ ” ﺑﮩﺖ ﺯﯾﺎﺩﮦ ﮨﻮﺗﮯ ﺟﺎﺭﮨﮯ ﮨﯿﮟ ﻭﮨﺎﮞ ﺍﺧﺮﺍﺟﺎﺕ۔ saving ﺑﺎﻟﮑﻞ ﻧﮩﯿﮟ ﮨﻮ ﺭﮨﯽ۔ ﯾﮩﺎﮞ ﮐﭽﮫ ﻋﺮﺻﮧ ﺭﮨﯿﮟ ﮔﮯ ﺗﻮ ﺗﮭﻮﮌﺍ ﺑﮩﺖ save ﮐﺮ ﻟﯿﮟ ﮔﮯ ﮨﻢ۔ ” ﺍُﺱ ﻧﮯ ﺑﮯ ﺣﺪ ﺭﻭﺍﻧﯽ ﺳﮯ ﺳﮑﻨﺪﺭ ﻋﺜﻤﺎﻥ ﺳﮯ ﮐﮩﺎ۔
” ﻟﯿﮑﻦ ﺗﻢ ﺗﻮ ﮐﮩﮧ ﺭﮨﮯ ﺗﮭﮯ SIF ﺑﮩﺖ ﮐﺎﻣﯿﺎﺏ ﮨﮯ … ﺗﻤﮩﺎﺭﺍ ﭘﯿﮑﺞ ﺑﮩﺖ ﺍﭼﮭﺎ ﮨﮯ۔ ” ﻭﮦ ﮐﭽﮫ ﻣﺘﻮﺣﺶ ﮨﻮﺋﮯ۔
” ﮨﺎﮞ ﻭﮦ ﺗﻮ ﺑﮩﺖ ﺍﭼﮭﺎ ﺟﺎﺭﮨﺎ ﮨﮯ ﺍُﺱ ﮐﮯ ﺣﻮﺍﻟﮯ ﺳﮯ ﻣﺴﺎﺋﻞ ﻧﮩﯿﮟ ﮨﯿﮟ ﻣﺠﮭﮯ ﻟﯿﮑﻦ ﺑﺲ savings ﻧﮩﯿﮟ ﮨﻮ ﭘﺎ ﺭﮨﯽ ﭘﮭﺮ ﺑﭽﯿﺎﮞ ﺑﮍﯼ ﮨﻮ ﺭﮨﯽ ﮨﯿﮟ ﻣﯿﮟ ﭼﺎﮦ ﺭﮨﺎ ﮨﻮﮞ ﮐﭽﮫ ﺳﺎﻝ ﭘﺎﮐﺴﺘﺎﻥ ﻣﯿﮟ ﺭﮨﯿﮟ۔ ﺍﭘﻨﯽ ﻭﯾﻠﯿﻮﺯ ﮐﺎ ﭘﺘﮧ ﮨﻮ، ﭘﮭﺮ ﻟﮯ ﺟﺎﺅﮞ ﺍﻧﮩﯿﮟ۔ ” ﺍُﺱ ﻧﮯ ﺍﭘﻨﮯ ﺑﮩﺎﻧﮯ ﮐﻮ ﮐﭽﮫ ﺍﺿﺎﻓﯽ ﺳﮩﺎﺭﮮ ﺩﯾﮯ۔ ﺳﮑﻨﺪﺭ ﻋﺜﻤﺎﻥ ﺍﺑﮭﯽ ﺑﮭﯽ ﭘﻮﺭﯼ ﻃﺮﺡ ﻗﺎﺋﻞ ﻧﮩﯿﮟ ﮨﻮﺋﮯ ﺗﮭﮯ۔
” ﺗﻢ ﺍﮐﯿﻠﮯ ﮐﯿﺴﮯ ﺭﮨﻮ ﮔﮯ ﺳﺎﻻﺭ؟ ﺗﻤﮩﺎﺭﺍ ﺍﺑﮭﯽ ﻋﻼﺝ ﮨﻮ ﺭﮨﺎ ﮨﮯ۔ ﺑﯿﻮﯼ، ﺑﭽﻮﮞ ﮐﮯ ﺑﻐﯿﺮ ﻭﮨﺎﮞ ﮐﻮﻥ ﺧﯿﺎﻝ ﺭﮐﮭﮯ ﮔﺎ ﺗﻤﮩﺎﺭﺍ؟ ” ﻭﮦ ﺍﭘﻨﯽ ﺗﺸﻮﯾﺶ ﮐﺎ ﺍﻇﮩﺎﺭ ﮐﺮ ﺭﮨﮯ ﺗﮭﮯ۔
” ﻣﯿﮟ ﺳﻮﭺ ﺭﮨﺎ ﮨﻮﮞ، ﻣﯿﺮﮮ ﭘﺎﺱ ﺟﻮ ﺍﮐﺎﺅﻧﭧ ﻣﯿﮟ ﮐﭽﮫ ﺭﻗﻢ ﮨﮯ ﻭﮦ ﺗﻤﮩﯿﮟ ﺩﮮ ﺩﻭﮞ ﺗﺎﮐﮧ ﺗﻤﮩﯿﮟ ﺍﮔﺮ ﮐﻮﺋﯽ ﻓﻨﺎﻧﺸﻞ ﻣﺴﺌﻠﮧ ﮨﮯ ﺗﻮ۔۔۔۔۔۔۔۔۔۔۔ ” ﺳﺎﻻﺭ ﻧﮯ ﺍُﻥ ﮐﯽ ﺑﺎﺕ ﮐﺎﭦ ﺩﯼ۔
” ﺑﺲ ﭘﺎﭘﺎ ! ﺍﺏ ﻧﮩﯿﮟ۔ ” ﺍُﺱ ﻧﮯ ﺑﺎﭖ ﮐﺎ ﮨﺎﺗﮫ ﭘﮑﮍ ﻟﯿﺎ ﺗﮭﺎ۔ ” ﺍﺏ ﺍﻭﺭ ﮐﭽﮫ ﻧﮩﯿﮟ۔ ﮐﺘﻨﺎ ﮐﺮﯾﮟ ﮔﮯ ﺁﭖ ﻣﯿﺮﮮ ﻟﺌﮯ؟ ﻣﺠﮭﮯ ﺑﮭﯽ ﮐﭽﮫ ﮐﺮﻧﮯ ﺩﯾﮟ۔ ﺍﺣﺴﺎﻥ ﻧﮩﯿﮟ ﮐﺮ ﺳﮑﺘﺎ ﺗﻮ ﺣﻖ ﮨﯽ ﺍﺩﺍ ﮐﺮﻧﮯ ﺩﯾﮟ ﻣﺠﮭﮯ۔ ” ﺍُﺱ ﻧﮯ ﻋﺠﯿﺐ ﺑﮯ ﺑﺴﯽ ﺳﮯ ﺑﺎﭖ ﺳﮯ ﮐﮩﺎ۔
” ﻣﺠﮭﮯ ﺗﻤﮩﺎﺭﯼ ﻓﮑﺮ ﺭﮨﮯ ﮔﯽ۔ ” ﺳﺎﻻﺭ ﻧﮯ ﺍﯾﮏ ﺑﺎﺭ ﭘﮭﺮ ﺍُﻥ ﮐﯽ ﺑﺎﺕ ﮐﺎﭨﺘﮯ ﮨﻮﺋﮯ ﮐﮩﺎ۔ ” ﻣﺠﮭﮯ ﺑﮭﯽ ﺁﭖ ﮐﯽ ﻓﮑﺮ ﺭﮨﺘﯽ ﮨﮯ ﭘﺎﭘﺎ۔ ”
” ﺍﺱ ﻟﺌﮯ ﺭﮐﮭﻨﺎ ﭼﺎﮨﺘﮯ ﮨﻮ ﺍﻥ ﺳﺐ ﮐﻮ ﯾﮩﺎﮞ؟ ” ﺳﮑﻨﺪﺭ ﻋﺜﻤﺎﻥ ﺟﯿﺴﮯ ﺑﻮﺟﮫ ﮔﺌﮯ ﺗﮭﮯ۔
” ﺁﭖ ﺟﻮ ﭼﺎﮨﮯ ﺳﻤﺠﮫ ﻟﯿﮟ۔ ”
” ﻣﯿﮟ ﺍﻭﺭ ﻃﯿّﺒﮧ ﺑﺎﻟﮑﻞ ﭨﮭﯿﮏ ﮨﯿﮟ، ﭘﺮﺍﻧﮯ ﻣﻼﺯﻡ ﮨﯿﮟ ﮨﻤﺎﺭﮮ ﭘﺎﺱ، ﻭﻓﺎﺩﺍﺭ۔ ﺳﺐ ﭨﮭﯿﮏ ﮨﮯ۔ ﺗﻢ ﻣﯿﺮﯼ ﻭﺟﮧ ﺳﮯ ﯾﮧ ﻣﺖ ﮐﺮﻭ۔ ” ﻭﮦ ﺍﺏ ﺑﮭﯽ ﺗﯿّﺎﺭ ﻧﮩﯿﮟ ﺗﮭﮯ، ﺍﻭﻻﺩ ﭘﺮ ﺍﻧﮩﻮﮞ ﻧﮯ ﮨﻤﯿﺸﮧ ﺍﺣﺴﺎﻥ ﮐﯿﺎ ﺗﮭﺎ۔ ﺍﺣﺴﺎﻥ ﻟﯿﻨﮯ ﮐﯽ ﻋﺎﺩﺕ ﮨﯽ ﻧﮩﯿﮟ ﺗﮭﯽ ﺍُﻧﮩﯿﮟ ﺍﻭﺭ ﻭﮦ ﺑﮭﯽ ﻋﻤﺮ ﮐﮯ ﺍﺱ ﺣﺼّﮧ ﻣﯿﮟ۔ ﺑﮯ ﺣﺪ ﺧﻮﺍﮨﺶ ﮨﻮﻧﮯ ﮐﮯ ﺑﺎﻭﺟﻮﺩ، ﻣﺠﺒﻮﺭ ﮨﻮﻧﮯ ﮐﮯ ﺑﺎﻭﺟﻮﺩ، ﺳﮑﻨﺪﺭ ﻋﺜﻤﺎﻥ ﺍﻭﻻﺩ ﮐﻮ ﺍﭘﻨﯽ ﻭﺟﮧ ﺳﮯ ﺗﮑﻠﯿﻒ ﻣﯿﮟ ﻧﮩﯿﮟ ﮈﺍﻟﻨﺎ ﭼﺎﮨﺘﮯ ﺗﮭﮯ۔ ” ﻣﯿﮟ ﻭﯾﺴﮯ ﺑﮭﯽ ﺳﻮﭼﺘﺎ ﮨﻮﮞ ﻓﯿﮑﭩﺮﯼ ﺟﺎﯾﺎ ﮐﺮﻭﮞ ﮐﺒﮭﯽ ﮐﺒﮭﺎﺭ۔ ﮐﺎﻡ ﻣﮑﻤّﻞ ﻃﻮﺭ ﭘﺮ ﭼﮭﻮﮌ ﺩﯾﺎ ﮨﮯ ﺍﺱ ﻟﺌﮯ ﺯﯾﺎﺩﮦ ﺑﮭﻮﻟﻨﮯ ﻟﮕﺎ ﮨﻮﮞ ﻣﯿﮟ۔ ” ﻭﮦ ﺍﭘﻨﮯ ﺍﻟﺰﺍﺋﻤﺮ ﮐﯽ ﺷﮑﻞ ﺑﺪﻝ ﺭﮨﮯ ﺗﮭﮯ۔
” ﺗﻤﮩﺎﺭﮮ ﺑﯿﻮﯼ ﺍﻭﺭ ﺑﭽﻮﮞ ﮐﻮ ﺗﻤﮩﺎﺭﮮ ﭘﺎﺱ ﺭﮨﻨﺎ ﭼﺎﮨﯿﮯ ﺳﺎﻻﺭ۔ ﺗﻢ ﺯﺑﺮﺩﺳﺘﯽ ﺍﻧﮩﯿﮟ ﯾﮩﺎﮞ ﻣﺖ ﺭﮐﮭﻮ۔ ﻣﯿﺮﮮ ﺍﻭﺭ ﻃﯿّﺒﮧ ﮐﮯ ﻟﺌﮯ ﺑﺲ۔ ” ﺍﻧﮩﻮﮞ ﻧﮯ ﺟﯿﺴﮯ ﺳﺎﻻﺭ ﮐﻮ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ۔
” ﺯﺑﺮﺩﺳﺘﯽ ﻧﮩﯿﮟ ﺭﮐﮫ ﺭﮨﺎ ﭘﺎﭘﺎ ! ﺍُﻥ ﮐﯽ ﻣﺮﺿﯽ ﺳﮯ ﮨﯽ ﺭﮐﮫ ﺭﮨﺎ ﮨﻮﮞ۔ ﻭﮦ ﯾﮩﺎﮞ ﺁﮐﺮ ﮨﻤﯿﺸﮧ ﺧﻮﺵ ﮨﻮﺗﮯ ﺭﮨﯿﮟ ﮨﯿﮟ، ﺍﺏ ﺑﮭﯽ ﺧﻮﺵ ﮨﻮﮞ ﮔﮯ۔ ” ﺍُﺱ ﻧﮯ ﺑﺎﭖ ﮐﻮ ﺗﺴﻠّﯽ ﺩﯼ ﺗﮭﯽ۔ ﺍُﺳﮯ ﺍﻧﺪﺍﺯﮦ ﺑﮭﯽ ﻧﮩﯿﮟ ﺗﮭﺎ، ﺑﺎﭖ ﮐﺎ ﺗﺠﺮﺑﮧ ﮐﺘﻨﺎ ﺩﺭﺳﺖ ﮨﻮﻧﮯ ﻭﺍﻻ ﺗﮭﺎ۔

---

” ﻣﯿﮟ ﭘﺎﮐﺴﺘﺎﻥ ﻧﮩﯿﮟ ﺟﺎﺅﮞ ﮔﺎ۔ ” ﭘﺎﮐﺴﺘﺎﻥ ﺷﻔﭧ ﮨﻮﻧﮯ ﮐﯽ ﺳﺐ ﺳﮯ ﺯﯾﺎﺩﮦ ﻣﺨﺎﻟﻔﺖ ﺣﻤﯿﻦ ﺳﮑﻨﺪﺭ ﮐﯽ ﻃﺮﻑ ﺳﮯ ﺁﺋﯽ ﺗﮭﯽ ﺍﻭﺭ ﯾﮧ ﻣﺨﺎﻟﻔﺖ ﺻﺮﻑ ﺳﺎﻻﺭ ﮐﮯ ﻟﺌﮯ ﮨﯽ ﻧﮩﯿﮟ ﺍﻣﺎﻣﮧ ﮐﮯ ﻟﺌﮯ ﺑﮭﯽ ﺧﻼﻑ ﺗﻮﻗﻊ ﺗﮭﯽ۔ ﻭﮦ ﭘﺎﮐﺴﺘﺎﻥ ﺟﺎﻧﮯ ﮐﮯ ﻟﺌﮯ ﮨﻤﯿﺸﮧ ﺗﯿﺎﺭ ﺭﮨﺘﺎ ﺗﮭﺎ۔ ﺩﺍﺩﺍ ﮐﮯ ﺳﺎﺗﮫ ﺍُﺱ ﮐﯽ ﺑﻨﺘﯽ ﺑﮭﯽ ﺑﮩﺖ ﺗﮭﯽ ﺍﻭﺭ ﻭﮦ ﺩﺍﺩﯼ ﮐﺎ ﻻﮈﻻ ﺑﮭﯽ ﺗﮭﺎ۔ ﭘﺎﮐﺴﺘﺎﻥ ﻣﯿﮟ ﺍُﺳﮯ ﺑﮍﯼ attractions ﺩﮐﮭﺘﯽ ﺗﮭﯿﮟ ﺍﻭﺭ ﺍﺏ ﯾﮏ ﺑﯿﮏ ﻣﺴﺘﻘﻞ ﻃﻮﺭ ﭘﺮ ﭘﺎﮐﺴﺘﺎﻥ ﺟﺎﮐﺮ ﺭﮨﻨﮯ ﭘﺮ ﺳﺐ ﺳﮯ ﺯﯾﺎﺩﮦ ﺍﻋﺘﺮﺍﺿﺎﺕ ﺍُﺳﯽ ﻧﮯ ﮐﯿﮯ ﺗﮭﮯ۔
” ﺑﯿﭩﺎ ﺩﺍﺩﺍ ﺍﻭﺭ ﺩﺍﺩﯼ ﺑﻮﮌﮬﮯ ﮨﻮ ﮔﺌﮯ ﮨﯿﮟ۔ ﺗﻢ ﻧﮯ ﺩﯾﮑﮭﺎ، ﻭﮦ ﺑﯿﻤﺎﺭ ﺑﮭﯽ ﺗﮭﮯ۔ ﺍﻧﮩﯿﮟ care ﮐﯽ ﺿﺮﻭﺭﺕ ﮨﮯ۔ ” ﺍﻣﺎﻣﮧ ﻧﮯ ﺍُﺳﮯ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﯽ ﺗﮭﯽ۔
” ﺍُﻥ ﮐﮯ ﭘﺎﺱ servants ﮨﯿﮟ۔ ﻭﮦ ﺍُﻥ ﮐﺎ ﺍﭼﮭﯽ ﻃﺮﺡ ﺧﯿﺎﻝ ﺭﮐﮫ ﺳﮑﺘﮯ ﮨﯿﮟ۔ ” ﻭﮦ ﺑﺎﻟﮑﻞ ﻗﺎﺋﻞ ﮨﻮﺋﮯ ﺑﻐﯿﺮ ﺑﻮﻻ۔
” ﺳﺮﻭﻧﭧ ﺍُﻥ ﮐﯽ ﺍﭼﮭﯽ ﮐﯿﺌﺮ ﻧﮩﯿﮟ ﮐﺮﺳﮑﺘﮯ۔ ” ﺍﻣﺎﻣﮧ ﻧﮯ ﺟﻮﺍﺑﺎً ﮐﮩﺎ۔
” ﺁﭖ ﺍﻧﮩﯿﮟ ﺍﻭﻟﮉ ﮨﻮﻡ ﺑﮭﯿﺞ ﺩﯾﮟ۔ ” ﻭﮦ ﺍُﺱ ﻣﻌﺎﺷﺮﮮ ﮐﺎ ﺑﭽﮧ ﺗﮭﺎ۔ ﺍُﺳﯽ ﻣﻌﺎﺷﺮﮮ ﮐﺎ ﺑﮯ ﺭﺣﻢ ﻟﯿﮑﻦ ﻋﻤﻠﯽ ﺣﻞ ﺑﺘﺎ ﺭﮨﺎ ﺗﮭﺎ۔
” ﮐﻞ ﮐﻮ ﮨﻢ ﺑﻮﮌﮬﮯ ﮨﻮ ﺟﺎﺋﯿﮟ ﮔﮯ ﺗﻮ ﺗﻢ ﮨﻤﯿﮟ ﺑﮭﯽ ﺍﻭﻟﮉ ﮨﻮﻡ ﻣﯿﮟ ﺑﮭﯿﺞ ﺩﻭ ﮔﮯ۔ ” ﺍﻣﺎﻣﮧ ﻧﮯ ﮐﭽﮫ ﻧﺎﺧﻮﺵ ﮨﻮﺗﮯ ﮨﻮﺋﮯ ﺍُﺱ ﺳﮯ ﮐﮩﺎ۔
” ﺁﭖ ﺍﻧﮩﯿﮟ ﯾﮩﺎﮞ ﻟﮯ ﺁﺋﯿﮟ۔ ” ﺣﻤﯿﻦ ﻧﮯ ﻣﺎﮞ ﮐﯽ ﺧﻔﮕﯽ ﮐﻮ ﻣﺤﺴﻮﺱ ﮐﯿﺎ۔
” ﻭﮦ ﯾﮩﺎﮞ ﻧﮩﯿﮟ ﺁﻧﺎ ﭼﺎﮨﺘﮯ۔ ﻭﮦ ﺍﭘﻨﺎ ﮔﮭﺮ ﻧﮩﯿﮟ ﭼﮭﻮﮌﻧﺎ ﭼﺎﮨﺘﮯ۔ ” ﺍﻣﺎﻣﮧ ﻧﮯ ﺍُﺱ ﺳﮯ ﮐﮩﺎ۔
” ﭘﮭﺮ ﮨﻢ ﺑﮭﯽ ﺍﭘﻨﺎ ﮔﮭﺮ ﮐﯿﻮﮞ ﭼﮭﻮﮌﯾﮟ؟ ﻣﯿﮟ ﺍﭘﻨﺎ ﺳﮑﻮﻝ ﮐﯿﻮﮞ ﭼﮭﻮﮌﻭﮞ؟ ” ﻭﮦ ﺩﻧﯿﺎ ﮐﮯ ﺩﺱ ﺫﮨﯿﻦ ﺗﺮﯾﻦ ﺩﻣﺎﻏﻮﮞ ﻣﯿﮟ ﺳﮯ ﺍﯾﮏ ﺗﮭﺎ۔ ﻏﻠﻂ ﺑﺎﺕ ﻧﮩﯿﮟ ﮐﮩﮧ ﺭﮨﺎ ﺗﮭﺎ۔ Rationally ﺑﺎﺕ ﮐﺮ ﺭﮨﺎ ﺗﮭﺎ۔ ﺩﻣﺎﻍ ﮐﺎ ﺳﺐ ﺳﮯ ﺑﮍﺍ ﻣﺴﺌﻠﮧ ﯾﮩﯽ ﮨﻮﺗﺎ ﮨﮯ۔ ﻭﮦ ﻋﻘﻞ ﺳﮯ ﺳﻮﭼﺘﺎ ﮨﮯ، ﺩﻝ ﺳﮯ ﻧﮩﯿﮟ۔
” ﯾﮧ ﮨﻤﺎﺭﺍ ﮔﮭﺮ ﻧﮩﯿﮟ ﮨﮯ ﺣﻤﯿﻦ ! ﮐﺮﺍﺋﮯ ﮐﺎ ﮨﮯ۔ ﮨﻢ ﺻﺮﻑ ﯾﮩﺎﮞ ﺭﮦ ﺭﮨﮯ ﮨﯿﮟ ﺍﻭﺭ ﺟﺐ ﮨﻢ ﺳﺐ ﭘﺎﮐﺴﺘﺎﻥ ﭼﻠﮯ ﺟﺎﺋﯿﮟ ﮔﮯ ﺗﻮ ﺑﺎﺑﺎ ﺍﻭﺭ ﺟﺒﺮﯾﻞ ﺍﺱ ﮔﮭﺮ ﮐﻮ ﭼﮭﻮﮌ ﺩﯾﮟ ﮔﮯ ﮐﯿﻮﮞ ﮐﮧ ﺍﻧﮩﯿﮟ ﺍﺗﻨﮯ ﺑﮍﮮ ﮔﮭﺮ ﮐﯽ ﺿﺮﻭﺭﺕ ﻧﮩﯿﮟ ﮨﻮﮔﯽ۔ ﺟﺒﺮﯾﻞ ﻭﯾﺴﮯ ﺑﮭﯽ ﯾﻮﻧﯿﻮﺭﺳﭩﯽ ﻣﯿﮟ ﮨﮯ۔ ﺗﻤﮩﺎﺭﮮ ﺑﺎﺑﺎ ﻧﯿﻮﯾﺎﺭﮎ ﺷﻔﭧ ﮨﻮﻧﺎ ﭼﺎﮨﺘﮯ ﮨﯿﮟ۔ ” ﺍﻣﺎﻣﮧ ﺍُﺳﮯ ﮐﮩﺘﯽ ﭼﻠﯽ ﮔﺌﯽ ﺗﮭﯽ۔
” ﺟﺒﺮﯾﻞ ﭘﺎﮐﺴﺘﺎﻥ ﻧﮩﯿﮟ ﺟﺎﺋﮯ ﮔﺎ؟ ” ﺣﻤﯿﻦ ﻧﮯ ﭘﻮﭼﮭﺎ۔
” ﻧﮩﯿﮟ، ﺗﻤﮩﺎﺭﮮ ﺑﺎﺑﺎ ﺍُﺳﮯ ﺍﺱ ﻟﺌﮯ ﭘﺎﮐﺴﺘﺎﻥ ﺑﮭﯿﺠﻨﺎ ﻧﮩﯿﮟ ﭼﺎﮨﺘﮯ ﮐﯿﻮﮞ ﮐﮧ ﻭﮦ ﯾﻮﻧﯿﻮﺭﺳﭩﯽ ﻣﯿﮟ ﮨﮯ۔ ﺍُﺱ ﮐﯽ ﺳﭩﮉﯾﺰ ﻣﺘﺎﺛﺮ ﮨﻮﮞ ﮔﯽ۔ ” ﺍﻣﺎﻣﮧ ﻧﮯ ﺍُﺳﮯ ﺳﻤﺠﮭﺎﯾﺎ۔
” ﻣﯿﺮﯼ ﺑﮭﯽ ﺗﻮ ﮨﻮﮞ ﮔﯽ، ﻣﺠﮭﮯ ﺑﮭﯽ ﮨﺮ ﺳﺎﻝ MIT ﺟﺎﻧﺎ ﮨﮯ، ﻣﯿﮟ ﮐﯿﺴﮯ ﺟﺎﺅﮞ ﮔﺎ۔ ” ﻭﮦ ﺧﻔﺎ ﮨﻮﺍ ﺗﮭﺎ ﺍﻭﺭ ﺑﮯ ﭼﯿﻦ ﺑﮭﯽ۔ ﺍُﺳﮯ ﺍﭘﻨﺎ ﺳﻤﺮ ﭘﺮﻭﮔﺮﺍﻡ ﺧﻄﺮﮮ ﻣﯿﮟ ﭘﮍﺗﺎ ﺩِﮐﮭﺎ ﺗﮭﺎ۔
” ﺗﻢ ﺍﺑﮭﯽ ﺳﮑﻮﻝ ﻣﯿﮟ ﮨﻮ۔ ﺟﺒﺮﯾﻞ ﯾﻮﻧﯿﻮﺭﺳﭩﯽ ﻣﯿﮟ ﮨﮯ … ﺍﻭﺭ ﭘﺎﮐﺴﺘﺎﻥ ﻣﯿﮟ ﺑﮩﺖ ﺍﭼﮭﮯ ﺳﮑﻮﻟﺰ ﮨﯿﮟ ﺗﻢ cover ﮐﺮ ﻟﻮ ﮔﮯ ﺳﺐ ﮐﭽﮫ … ﺟﺒﺮﯾﻞ ﻧﮩﯿﮟ ﮐﺮ ﺳﮑﮯ ﮔﺎ ﺍُﺳﮯ ﺁﮔﮯ ﻣﯿﮉﯾﺴﻦ ﭘﮍﮬﻨﯽ ﮨﮯ ”… ﺍﻣﺎﻣﮧ ﺍُﺳﮯ logic ﺩﯾﻨﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ ﺟﻮ ﺣﻤﯿﻦ ﮐﮯ ﺩﻣﺎﻍ ﻣﯿﮟ ﻧﮩﯿﮟ ﺑﯿﭩﮫ ﺭﮨﯽ ﺗﮭﯽ۔
“That’s not fair Mummy”
ﺣﻤﯿﻦ ﻧﮯ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﺎ۔
” ﺍﮔﺮ ﺟﺒﺮﯾﻞ ﭘﺎﮐﺴﺘﺎﻥ ﻧﮩﯿﮟ ﺟﺎﺋﮯ ﮔﺎ ﺗﻮ ﻣﯿﮟ ﺑﮭﯽ ﻧﮩﯿﮟ ﺟﺎﺅﮞ ﮔﺎ … ﻣﺠﮭﮯ MIT ﺟﺎﻧﺎ ﮨﮯ۔ ” ﻭﮦ ﻭﺍﺿﺢ ﻃﻮﺭ ﭘﺮ ﺑﻐﺎﻭﺕ ﮐﺮﺭﮨﺎ ﺗﮭﺎ۔
” ﭨﮭﯿﮏ ﮨﮯ ﺗﻢ ﻣﺖ ﺟﺎﺅ … ﻣﯿﮟ ﻋﻨﺎﯾﮧ ﺍﻭﺭ ﺭﺋﯿﺴﮧ ﭼﻠﮯ ﺟﺎﺗﮯ ﮨﯿﮟ ﺗﻢ ﯾﮩﺎﮞ ﺭﮨﻨﺎ ﺍﭘﻨﮯ ﺑﺎﺑﺎ ﮐﮯ ﭘﺎﺱ ”… ﺍﻣﺎﻣﮧ ﻧﮯ ﯾﮏ ﺩﻡ ﺍُﺱ ﺳﮯ ﺑﺤﺚ ﮐﺮﻧﺎ ﺑﻨﺪ ﮐﺮ ﺩﯾﺎ ﺗﮭﺎ۔ ” ﯾﮧ ﺗﻤﮩﺎﺭﮮ ﺑﺎﺑﺎ ﮐﺎ ﺣﮑﻢ ﮨﮯ ﺍﻭﺭ ﮨﻢ ﺳﺐ ﺍﺱ ﮐﻮ ﻣﺎﻧﯿﮟ ﮔﮯ … ﺗﻢ disobey ﮐﺮﻧﺎ ﭼﺎﮨﺘﮯ ﮨﻮ ﺗﻮ ﺗﻤﮩﺎﺭﯼ ﻣﺮﺿﯽ، ﻣﯿﮟ ﻣﺠﺒﻮﺭ ﻧﮩﯿﮟ ﮐﺮﻭﮞ ﮔﯽ۔ ”
ﺍﻣﺎﻣﮧ ﮐﮩﺘﮯ ﮨﻮﺋﮯ ﻭﮨﺎﮞ ﺳﮯ ﺍُﭨﮫ ﮐﺮ ﭼﻠﯽ ﮔﺌﯽ ﺗﮭﯽ۔ ﺩُﻧﯿﺎ ﮐﮯ ﻭﮦ ﺩﻭ ﺑﮩﺘﺮﯾﻦ ﺩﻣﺎﻍ ﺍﯾﮏ ﺩﻭﺳﺮﮮ ﮐﮯ ﺑﺎﻟﻤﻘﺎﺑﻞ ﺁﮔﺌﮯ ﺗﮭﮯ۔
” ﺗﻢ ﭘﺎﮐﺴﺘﺎﻥ ﻧﮩﯿﮟ ﺟﺎﻧﺎ ﭼﺎﮨﺘﮯ ﺣﻤﯿﻦ؟ ” ﺍُﺱ ﺭﺍﺕ ﺳﺎﻻﺭ ﻧﮯ ﺣﻤﯿﻦ ﮐﻮ ﺑﭩﮭﺎ ﮐﺮ ﭘﻮﭼﮭﺎ ﺗﮭﺎ۔ ﺍﻣﺎﻣﮧ ﻧﮯ ﺍُﺳﮯ ﮈﻧﺮ ﺳﮯ ﮐﭽﮫ ﺩﯾﺮ ﭘﮩﻠﮯ ﺍﺱ ﮐﮯ ﺍﻧﮑﺎﺭ ﮐﮯ ﺑﺎﺭﮮ ﻣﯿﮟ ﺑﺘﺎﯾﺎ ﺗﮭﺎ۔
” ﻧﮩﯿﮟ۔ ” ﺣﻤﯿﻦ ﻧﮯ ﺑﺎﭖ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻝ ﮐﺮ ﺩﯾﮑﮭﺘﮯ ﮨﻮﺋﮯ ﮐﮩﺎ ﺗﮭﺎ۔ ” ﺍﻭﺭ ﮐﻮﺋﯽ ﺑﮭﯽ ﺟﺎﻧﺎ ﻧﮩﯿﮟ ﭼﺎﮨﺘﺎ۔ ” ﺍُﺱ ﻧﮯ ﻣﺰﯾﺪ ﺗﺒﺼﺮﮦ ﮐﯿﺎ۔
” ﻣﯿﮟ ﮐﺴﯽ ﺍﻭﺭ ﮐﯽ ﻧﮩﯿﮟ ﺻﺮﻑ ﺗﻤﮩﺎﺭﯼ ﺑﺎﺕ ﮐﺮ ﺭﮨﺎ ﮨﻮﮞ۔ ” ﺳﺎﻻﺭ ﻧﮯ ﺍُﺳﮯ ﭨﻮﮎ ﺩﯾﺎ، ﺣﻤﯿﻦ ﺳﺮ ﺟﮭﮑﺎﺋﮯ ﭼﻨﺪ ﻟﻤﺤﮯ ﺧﺎﻣﻮﺵ ﺑﯿﭩﮭﺎ ﺭﮨﺎ ﭘﮭﺮ ﺍُﺱ ﻧﮯ ﺳﺮ ﺍُﭨﮭﺎ ﮐﺮ ﺑﺎﭖ ﮐﻮ ﺩﯾﮑﮭﺎ ﺍﻭﺭ ﻧﻔﯽ ﻣﯿﮟ ﺳﺮ ﮨﻼ ﺩﯾﺎ۔
” ﻭﺟﮧ؟ ” ﺳﺎﻻﺭ ﻧﮯ ﺍُﺳﯽ ﺍﻧﺪﺍﺯ ﻣﯿﮟ ﮐﮩﺎ۔
” ﺑﮩﺖ ﺳﺎﺭﯼ ﮨﯿﮟ۔ ” ﺍُﺱ ﻧﮯ ﺑﮯ ﺣﺪ ﻣﺴﺘﺤﮑﻢ ﺍﻧﺪﺍﺯ ﻣﯿﮟ ﺑﺎﭖ ﮐﻮ ﺟﻮﺍﺏ ﺩﯾﺎ۔
” ﮐﺴﯽ ﺑﮭﯽ ﮐﺎﻡ ﮐﻮ ﮐﺮﻧﮯ ﯾﺎ ﻧﮧ ﮐﺮﻧﮯ ﮐﯽ ﺻﺮﻑ ﺍﯾﮏ ﻭﺟﮧ ﮨﻮﺗﯽ ﮨﮯ، ﺑﺎﻗﯽ ﺳﺐ ﺑﮩﺎﻧﮯ ﮨﻮﺗﮯ ﮨﯿﮟ۔ ﺍﺱ ﻟﺌﮯ ﺗﻢ ﺻﺮﻑ ﻭﺟﮧ ﺑﺘﺎﺅ، ﺑﮩﺎﻧﮯ ﻧﮩﯿﮟ۔ ” ﺳﺎﻻﺭ ﻧﮯ ﺍﭘﻨﮯ ﮔﯿﺎﺭﮦ ﺳﺎﻟﮧ ﺑﯿﭩﮯ ﮐﮯ ﺫﺧﯿﺮﮦٔ ﺍﻟﻔﺎﻅ ﮐﯽ ﮨﻮﺍ ﻧﮑﺎﻟﺘﮯ ﮨﻮﺋﮯ ﮐﮩﺎ۔ ﺣﻤﯿﻦ ﺍﺱ ﻣﯿﭩﻨﮓ ﮐﮯ ﻟﺌﮯ ﭘﮩﻠﮯ ﺳﮯ ﺗﯿّﺎﺭ ﺗﮭﺎ ﺍﻭﺭ ﻭﺟﻮﮨﺎﺕ ﮐﻮ ﺟﻤﻊ ﮐﺮﻧﮯ ﭘﺮ ﺑﮭﯽ ﺍﭼﮭﺎ ﺧﺎﺻﺎ ﻭﻗﺖ ﺻﺮﻑ ﮐﺮ ﭼﮑﺎ ﺗﮭﺎ۔ ﺑﺎﭖ ﻧﮯ ﺟﯿﺴﮯ ﺍﻧﮕﻠﯽ ﺳﮯ ﭘﮑﮍ ﮐﺮ ﺩﻭﺑﺎﺭﮦ ﺯﯾﺮﻭ ﭘﺮ ﮐﮭﮍﺍ ﮐﺮ ﺩﯾﺎ ﺗﮭﺎ۔
” ﻣﯿﮟ ﭘﺎﮐﺴﺘﺎﻥ ﻣﯿﮟ adjust ﻧﮩﯿﮟ ﮨﻮﺳﮑﺘﺎ۔ ” ﺣﻤﯿﻦ ﻧﮯ ﺑﺎﻵﺧﺮ ﻭﮦ ﺍﯾﮏ ﻭﺟﮧ ﺗﻼﺵ ﮐﺮ ﮐﮯ ﭘﯿﺶ ﮐﯽ۔
” ﺍﮔﺮ ﺗﻢ ﮐﺎﻧﮕﻮ ﻣﯿﮟ adjust ﮨﻮﺳﮑﺘﮯ ﮨﻮ ﺗﻮ ﭘﺎﮐﺴﺘﺎﻥ ﻣﯿﮟ ﺑﮭﯽ ﮨﻮ ﺟﺎﺅ ﮔﮯ۔ ﺍﻓﺮﯾﻘﮧ ﺳﮯ ﺯﯾﺎﺩﮦ ﺑﺮﺍ ﻧﮩﯿﮟ۔ ” ﺳﺎﻻﺭ ﻧﮯ ﺍُﺳﯽ ﺍﻧﺪﺍﺯ ﻣﯿﮟ ﮐﮩﺎ۔
” ﺗﺐ ﻣﯿﮟ ﭼﮭﻮﭨﺎ ﺗﮭﺎ۔ ” ﺣﻤﯿﻦ ﻧﮯ ﻣﺪﺍﻓﻌﺎﻧﮧ ﺍﻧﺪﺍﺯ ﻣﯿﮟ ﮐﮩﺎ۔
” ﺗﻢ ﺍﺏ ﺑﮭﯽ ﭼﮭﻮﭨﮯ ﮨﯽ ﮨﻮ۔ ” ﺳﺎﻻﺭ ﻧﮯ ﺑﺎﺕ ﮐﺎﭨﯽ۔
” ﻟﯿﮑﻦ ﻣﯿﮟ ﺑﮍﺍ ﮨﻮ ﺭﮨﺎ ﮨﻮﮞ۔ ” ﺣﻤﯿﻦ ﻧﮯ ﺟﯿﺴﮯ ﺍﻋﺘﺮﺍﺽ ﮐﯿﺎ۔
” ﺍُﺱ ﻣﯿﮟ ﮐﺎﻓﯽ time ﻟﮕﮯ ﮔﺎ … ﺗﻤﮩﺎﺭﮮ ﻟﺌﮯ ﮐﻢ ﺍﺯ ﮐﻢ ﭘﭽﯿﺲ ﺳﺎﻝ۔ ” ﺳﺎﻻﺭ ﻧﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﺍُﺳﮯ tease ﮐﯿﺎ ﻭﮦ ﺑﺎﭖ ﮐﻮ ﺩﯾﮑﮫ ﮐﺮ ﺭﮦ ﮔﯿﺎ۔
“I am serious Baba”
ﺍُﺱ ﻧﮯ ﺳﺎﻻﺭ ﮐﯽ ﺑﺎﺕ ﺳﮯ ﻣﺤﻔﻮﻅ ﮨﻮﺋﮯ ﺑﻐﯿﺮ ﮐﮩﺎ۔ ” ﻣﯿﮟ ﭘﺎﮐﺴﺘﺎﻥ ﻧﮩﯿﮟ ﺟﺎﻧﺎ ﭼﺎﮨﺘﺎ۔ It’s not a good idea for Mummy either ” ﻭﮦ ﮐﺴﯽ ﺑﮍﮮ ﮐﯽ ﻃﺮﺡ ﺑﺎﭖ ﮐﮯ ﻓﯿﺼﻠﮯ ﭘﺮ ﺗﺒﺼﺮﮦ ﮐﺮﺭﮨﺎ ﺗﮭﺎ۔ ﺳﺎﻻﺭ ﺧﺎﻣﻮﺷﯽ ﺳﮯ ﺍُﺱ ﮐﯽ ﺑﺎﺕ ﺳُﻦ ﺭﮨﺎ ﺗﮭﺎ۔
” ﻣﺠﮭﮯ ﯾﮩﺎﮞ ﺗﻌﻠﯿﻢ ﺣﺎﺻﻞ ﮐﺮﻧﯽ ﮨﮯ۔ ﻣﯿﮟ ﻭﮨﺎﮞ holidays ﭘﺮ ﺟﺎﺳﮑﺘﺎ ﮨﻮﮞ ﮨﻤﯿﺸﮧ ﮐﮯ ﻟﺌﮯ ﻧﮩﯿﮟ۔ ” ﻭﮦ ﺑﺎﻟﮑﻞ ﺍﻣﺮﯾﮑﯽ ﺍﻧﺪﺍﺯ ﻣﯿﮟ ﺑﮯ ﺣﺪ ﺻﺎﻑ ﮔﻮﺋﯽ ﺳﮯ ﺑﺎﭖ ﮐﻮ ﺑﺘﺎ ﺭﮨﺎ ﺗﮭﺎ ﮐﮧ ﻭﮦ ﮐﯿﺎ ﮐﺮ ﺳﮑﺘﺎ ﺗﮭﺎ ﺍﻭﺭ ﮐﯿﺎ ﻧﮩﯿﮟ۔
” ﭼﻨﺪ ﺳﺎﻟﻮﮞ ﮐﯽ ﺑﺎﺕ ﮨﮯ ﺣﻤﯿﻦ۔ ﺍُﺱ ﮐﮯ ﺑﻌﺪ ﺗﻢ ﺑﮭﯽ ﺍﺱ ﻗﺎﺑﻞ ﮨﻮﺟﺎﺅ ﮔﮯ ﮐﮧ ﺍﻣﺮﯾﮑﮧ ﻣﯿﮟ ﻭﺍﭘﺲ ﺁﮐﺮ ﮐﮩﯿﮟ ﺑﮭﯽ ﭘﮍﮪ ﺳﮑﻮ۔ ” ﺳﺎﻻﺭ ﻧﮯ ﺍُﺱ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﮩﺎ، ﻭﮦ ﮔﯿﺎﺭﮦ ﺳﺎﻝ ﮐﺎ ﺑﭽّﮧ ﺑﺎﭖ ﮐﻮ ﺑﮯ ﺣﺪ ﻣﺪﻟّﻞ ﺩﻻﺋﻞ ﺩﯾﻨﮯ ﮐﯽ ﮐﻮﺷﺶ ﮐﺮﺭﮨﺎ ﺗﮭﺎ۔
” ﭼﻨﺪ ﺳﺎﻝ ﺳﮯ ﺑﮩﺖ ﻓﺮﻕ ﭘﮍﺗﺎ ﮨﮯ۔ ﺍﯾﮏ ﺳﺎﻝ ﺳﮯ ﺑﮭﯽ ﺑﮩﺖ ﻓﺮﻕ ﭘﮍﺗﺎ ﮨﮯ۔ ” ﺍُﺱ ﻧﮯ ﺳﺎﻻﺭ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﮩﺎ۔
” ﺗﻮ ﺗﻢ ﯾﮧ ﻗﺮﺑﺎﻧﯽ ﻧﮩﯿﮟ ﺩﻭ ﮔﮯ؟ ” ﺳﺎﻻﺭ ﻧﮯ ﺍﺱ ﺑﺎﺭ ﺑﺎﺕ ﺑﺪﻟﯽ۔
” ﺟﺒﺮﯾﻞ ﺑﮭﯽ ﺗﻮ ﺩﮮ ﺳﮑﺘﺎ ﮨﮯ ﻗﺮﺑﺎﻧﯽ … ﺁﭖ ﺑﮭﯽ ﺗﻮ ﺩﮮ ﺳﮑﺘﮯ ﮨﯿﮟ۔ ﻣﯿﮟ ﮨﯽ ﮐﯿﻮﮞ؟ ” ﺍُﺱ ﻧﮯ ﺟﻮﺍﺑﺎً ﺍُﺳﯽ ﺍﻧﺪﺍﺯ ﻣﯿﮟ ﮐﮩﺎ۔
ﺩﻧﯿﺎ ﮐﮯ ﺑﮍﮮ ﺑﮍﮮ ﺍﺩﺍﺭﻭﮞ ﮐﮯ ﺑﺮﺍﺑﺮ ﮨﻮ ﮐﮯ، ﺍﻥ ﮐﮯ ﺳﺎﻣﻨﮯ ﺑﯿﭩﮫ ﮐﺮ ﺍُﻥ ﺳﮯ financial deals ﮐﺮﻧﺎ ﺍﻭﺭ ﺑﺎﺕ ﺗﮭﯽ۔ ﺍُﻥ ﮐﮯ ﺳﻮﺍﻻﺕ ﺍﻭﺭ ﺍﻋﺘﺮﺍﺿﺎﺕ ﮐﮯ ﺍﻧﺒﺎﺭ ﮐﻮ ﺳﻤﯿﭩﻨﺎ ﺁﺳﺎﻥ ﮐﺎﻡ ﺗﮭﺎ۔ ﺍﭘﻨﮯ ﮔﯿﺎﺭﮦ ﺳﺎﻝ ﮐﮯ ﺑﯿﭩﮯ ﮐﻮ ﺍﺱ ﺑﺎﺕ ﭘﺮ ﻗﺎﺋﻞ ﮐﺮﻧﺎ ﺯﯾﺎﺩﮦ ﻣﺸﮑﻞ ﺗﮭﺎ ﮐﮧ ﻭﮦ ﻗﺮﺑﺎﻧﯽ ﮐﯿﻮﮞ ﺩﮮ ﺟﻮ ﺍُﺱ ﮐﺎ ﺑﮭﺎﺋﯽ ﻧﮩﯿﮟ ﺩﮮ ﺭﮨﺎ ﺗﮭﺎ … ﺍُﺱ ﮐﺎ ﺑﺎﭖ ﺑﮭﯽ ﻧﮩﯿﮟ ﺩﮮ ﺭﮨﺎ ﺗﮭﺎ … ﭘﮭﺮ ﻭﮦ ﮐﯿﻮﮞ؟
ﺍﻭﺭ ﺍﺱ ﮐﯿﻮﮞ ﮐﺎ ﺟﻮﺍﺏ ﻓﺎﺭﻣﻮﻟﻮﮞ ﺍﻭﺭ equations ﻣﯿﮟ ﻧﮩﯿﮟ ﻣﻠﺘﺎ ﺗﮭﺎ، ﺻﺮﻑ ﺍُﻥ ﺍﺧﻼﻗﯽ ﺍﻗﺪﺍﺭ ﻣﯿﮟ ﻣﻠﺘﺎ ﺗﮭﺎ ﺟﻦ ﺳﮯ ﺍُﺱ ﻧﮯ ﺍﭘﻨﯽ ﺍﻭﻻﺩ ﮐﯽ ﺗﺮﺑﯿﺖ ﮐﯽ ﺗﮭﯽ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ ﺍُﺱ ﮐﯽ ﺍﻭﻻﺩ ﺍُﺱ ﺳﮯ ﯾﮧ ﺳﻮﺍﻝ ﮐﺮﺭﮨﯽ ﺗﮭﯽ۔
” ﺗﻢ ﺟﺎﻧﺘﮯ ﮨﻮ ﺗﻤﮩﺎﺭﮮ ﺩﺍﺩﺍ ﮐﻮ ﺍﻟﺰﺍﺋﻤﺮ ﮨﮯ، ﻭﮦ ﺑﮩﺖ ﺑﻮﮌﮬﮯ ﮨﻮ ﭼﮑﮯ ﮨﯿﮟ ﺍﻭﺭ ﺍﻧﮩﯿﮟ ﺿﺮﻭﺭﺕ ﮨﮯ ﮐﮧ ﮐﻮﺋﯽ ﺍﻥ ﮐﮯ ﭘﺎﺱ ﮨﻮ … ﺗﻢ ﺳﮯ ﺍﻧﮩﯿﮟ ﺯﯾﺎﺩﮦ ﻣﺤﺒﺖ ﮨﮯ ﺍﺱ ﻟﺌﮯ ﻣﯿﮟ ﭼﺎﮨﺘﺎ ﺗﮭﺎ ﺗﻢ ﺍُﻥ ﮐﮯ ﭘﺎﺱ ﺭﮨﻮ۔ ” ﺳﺎﻻﺭ ﻧﮯ ﺟﯿﺴﮯ ﻭﮦ ﺟﻮﺍﺏ ﮈﮬﻮﻧﮉﻧﺎ ﺷﺮﻭﻉ ﮐﯿﮯ ﺟﻦ ﺳﮯ ﻭﮦ ﺍﺳﮯ ﺳﻤﺠﮭﺎ ﭘﺎﺗﺎ۔
” ﻭﯾﺴﮯ ﺑﮭﯽ ﺟﺐ ﺗﻤﮩﺎﺭﯼ ﻣﻤﯽ، ﻋﻨﺎﯾﮧ ﺍﻭﺭ ﺭﺋﯿﺴﮧ ﮐﮯ ﺳﺎﺗﮫ ﯾﮩﺎﮞ ﺳﮯ ﭼﻠﯽ ﺟﺎﺋﯿﮟ ﮔﯽ ﺗﻮ ﺗﻢ ﯾﮩﺎ ﮞ ﮐﺲ ﮐﮯ ﭘﺎﺱ ﺭﮨﻮ ﮔﮯ؟ ﮔﮭﺮ ﻣﯿﮟ ﺗﻤﮩﺎﺭﯼ ﺩﯾﮑﮫ ﺑﮭﺎﻝ ﮐﮯ ﻟﺌﮯ ﮐﻮﺋﯽ ﻧﮩﯿﮟ ﮨﻮﮔﺎ۔ ” ﺳﺎﻻﺭ ﻧﮯ ﮐﮩﻨﺎ ﺷﺮﻭﻉ ﮐﯿﺎ۔
“I can take care of myself” ﺣﻤﯿﻦ ﻧﮯ ﺑﺎﭖ ﮐﯽ
ﺑﺎﺕ ﺧﺘﻢ ﮨﻮﻧﮯ ﭘﺮ ﮐﮩﺎ ﺗﮭﺎ۔ ” ﻣﯿﮟ ﺍﺗﻨﺎ ﭼﮭﻮﭨﺎ ﻧﮩﯿﮟ ﮨﻮﮞ ﺑﺎﺑﺎ … ﻣﯿﮟ ﺍﮐﯿﻼ ﺭﮦ ﺳﮑﺘﺎ ﮨﻮﮞ۔ ﺁﭖ ﻣﺠﮭﮯ ﺑﻮﺭﮈﻧﮓ ﻣﯿﮟ ﺑﮭﯽ ﺭﮐﮫ ﺳﮑﺘﮯ ﮨﯿﮟ ﯾﺎ ﭘﮭﺮ ﻣﯿﮟ ﮐﺴﯽ relative ﮐﮯ ﭘﺎﺱ ﺑﮭﯽ ﺭﮦ ﺳﮑﺘﺎ ﮨﻮﮞ۔ ” ﺍُﺱ ﻧﮯ ﺳﺎﻻﺭ ﮐﮯ ﺳﺎﻣﻨﮯ ﺍﯾﮏ ﮐﮯ ﺑﻌﺪ ﺍﯾﮏ solutions ﺭﮐﮭﻨﺎ ﺷﺮﻭﻉ ﮐﯿﺎ۔
” ﺍُﻥ ﻣﯿﮟ ﺳﮯ ﺍﯾﮏ ﺑﮭﯽ option ﻣﯿﺮﮮ ﻟﺌﮯ ﻗﺎﺑﻞِ ﻗﺒﻮﻝ ﻧﮩﯿﮟ ﮨﮯ، ﺗﻤﮩﯿﮟ ﺳﺐ ﮐﮯ ﺳﺎﺗﮫ ﭘﺎﮐﺴﺘﺎﻥ ﺟﺎﻧﺎ ﮨﮯ۔ ” ﺳﺎﻻﺭ ﻧﮯ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﺍُﺱ ﺳﮯ ﮐﮩﺎ۔
” ﺁﭖ ﻣﺠﮫ ﻣﯿﮟ ﺍﻭﺭ ﺟﺒﺮﯾﻞ ﻣﯿﮟ ﻓﺮﻕ ﮐﯿﻮﮞ ﮐﺮﺗﮯ ﮨﯿﮟ ﺑﺎﺑﺎ؟ ” ﺍُﺱ ﮐﮯ ﺍﮔﻠﮯ ﺟﻤﻠﮯ ﻧﮯ ﺳﺎﻻﺭ ﮐﺎ ﺩﻣﺎﻍ ﮔﮭﻤﺎ ﮐﺮ ﺭﮐﮫ ﺩﯾﺎ ﺗﮭﺎ۔ ﺍﺱ ﻧﮯ ﺍﭘﻨﮯ ﮔﯿﺎﺭﮦ ﺳﺎﻟﮧ ﺑﯿﭩﮯ ﮐﺎ ﭼﮩﺮﮦ ﺩﯾﮑﮭﺎ ﺟﺲ ﻧﮯ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺍُﺱ ﺳﮯ ﺍﯾﺴﺎ ﺳﻮﺍﻝ ﯾﺎ ﺍﯾﺴﯽ ﺷﮑﺎﯾﺖ ﮐﯽ ﺗﮭﯽ۔
” ﻓﺮﻕ … ؟ ﺗﻢ ﺍﺱ ﻓﺮﻕ ﮐﻮ define ﮐﺮﺳﮑﺘﮯ ﮨﻮ؟ ” ﺳﺎﻻﺭ ﭘﮩﻠﮯ ﺳﮯ ﺑﮭﯽ ﺯﯾﺎﺩﮦ ﺳﻨﺠﯿﺪﮦ ﮨﻮ ﮔﯿﺎ ﺗﮭﺎ۔ ﻭﮦ ﺳﻤﺠﮭﺘﺎ ﺗﮭﺎ ﺍُﺳﮯ ﭘﺎﻧﭻ ﻣﻨﭧ ﻟﮕﻨﮯ ﻭﺍﻟﮯ ﺗﮭﮯ ﺯﯾﺎﺩﮦ ﺳﮯ ﺯﯾﺎﺩﮦ ﺍُﺳﮯ ﺳﻤﺠﮭﺎﻧﮯ ﻣﯿﮟ ﺍﻭﺭ ﺍﺏ ﺟﯿﺴﮯ ﯾﮧ ﺍﯾﮏ ﭘﯿﻨﮉﻭﺭﮦ ﺑﺎﮐﺲ ﮨﯽ ﮐﮭﻠﻨﮯ ﻟﮕﺎ ﺗﮭﺎ۔
” ﺁﭖ ﺟﺒﺮﯾﻞ ﮐﻮ ﻣﺠﮫ ﺳﮯ ﺑﮩﺘﺮ ﺳﻤﺠﮭﺘﮯ ﮨﯿﮟ۔ ” ﺍﮔﻼ ﺗﺒﺼﺮﮦ ﭘﮩﻠﮯ ﺳﮯ ﺑﮭﯽ ﺯﯾﺎﺩﮦ ﺧﻄﺮﻧﺎﮎ ﺗﮭﺎ۔ ﺍﯾﮏ ﺩﻭﺳﺮﮮ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﮯ ﻭﮦ ﺩﯾﮑﮭﺘﮯ ﺭﮨﮯ۔ ﭘﮭﺮ ﮐﭽﮫ ﺩﯾﺮ ﺑﻌﺪ ﺳﺎﻻﺭ ﻧﮯ ﺍُﺱ ﺳﮯ ﮐﮩﺎ۔
” ﺍﻭﺭ ﻣﯿﮟ ﺍُﺳﮯ ﮐﯿﻮﮞ ﺑﮩﺘﺮﺳﻤﺠﮭﺘﺎ ﮨﻮﮞ؟ ” ﻭﮦ ﺟﯿﺴﮯ ﺍُﺱ ﮐﮯ ﺍﺱ ﺍﻟﺰﺍﻡ ﮐﯽ ﺑﮭﯽ ﻭﺿﺎﺣﺖ ﭼﺎﮨﺘﺎ ﺗﮭﺎ۔
” ﮐﯿﻮﮞ ﮐﮧ ﻭﮦ ﺣﺎﻓﻆِ ﻗﺮﺁﻥ ﮨﮯ … ﻣﯿﮟ ﻧﮩﯿﮟ ﮨﻮﮞ۔ ” ﺑﮯ ﺣﺪ ﺭﻭﺍﻧﯽ ﺳﮯ ﮐﮩﮯ ﮔﺌﮯ ﺍﺱ ﺟﻤﻠﮯ ﻧﮯ ﺳﺎﻻﺭ ﮐﻮ ﻓﺮﯾﺰ ﮐﯿﺎ ﺗﮭﺎ … ﻭﮦ ﻭﺍﻗﻌﯽ ﭘﯿﻨﮉﻭﺭﮦ ﺑﺎﮐﺲ ﮨﯽ ﮐﮭﻮﻝ ﺑﯿﭩﮭﺎ ﺗﮭﺎ ﻟﯿﮑﻦ ﺑﮩﺖ ﻏﻠﻂ ﺣﻮﺍﻟﮯ ﺳﮯ۔
ﻭﮦ ﺑﺎﻏﯽ ﻧﮩﯿﮟ ﺗﮭﺎ … ﻧﮧ ﮨﯽ ﺑﺪﺗﻤﯿﺰ ﻧﮧ ﮨﯽ ﺑﺪﻟﺤﺎﻅ، ﻟﯿﮑﻦ ﻭﮦ ﺟﻮ ﺳﻮﭼﺘﺎ ﺍﻭﺭ ﻣﺤﺴﻮﺱ ﮐﺮﺗﺎ ﺗﮭﺎ ﻭﮦ ﮐﮩﮧ ﺩﯾﺘﺎ ﺗﮭﺎ۔ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ ﺳﺎﻻﺭ ﮐﻮ ﻟﮕﺎ ﻭﮦ ﺳﮑﻨﺪﺭ ﻋﺜﻤﺎﻥ ﺗﮭﺎ ﺍﻭﺭ ﺍﭘﻨﮯ ﺳﺎﻣﻨﮯ ﺁﻥ ﺑﯿﭩﮭﺎ ﺗﮭﺎ … ﻻﺟﻮﺍﺏ … ﺑﮯ ﺑﺲ … ﺗﺎﺭﯾﺦ ﯾﻘﯿﻨﺎً ﺍﭘﻨﮯ ﺁﭖ ﮐﻮ ﺩﮨﺮﺍﺗﯽ ﺗﮭﯽ ﻟﯿﮑﻦ ﺍﭘﻨﯽ ﻣﺮﺿﯽ ﮐﮯ ﻭﻗﺖ ﭘﺮ۔
” ﺗﻤﮩﯿﮟ ﺟﺒﺮﯾﻞ ﺑﺮﺍ ﻟﮕﺘﺎ ﮨﮯ؟ ” ﺳﺎﻻﺭ ﻧﮯ ﺑﮯ ﺣﺪ ﻣﺪﮨﻢ ﺁﻭﺍﺯ ﻣﯿﮟ ﺍُﺱ ﺳﮯ ﭘﻮﭼﮭﺎ۔
”He is my only brother…
ﻣﺠﮭﮯ ﻭﮦ ﮐﯿﺴﮯ ﺑُﺮﺍ ﻟﮓ ﺳﮑﺘﺎﮨﮯ، ﻟﯿﮑﻦ ﻣﺠﮭﮯ ﺁﭖ ﻟﻮﮔﻮﮞ ﮐﺎ ﯾﮧ attitude ﺍﭼﮭﺎ ﻧﮩﯿﮟ ﻟﮕﺘﺎ ”… ﺣﻤﯿﻦ ﮐﻮ ﯾﮧ ﺷﮑﺎﯾﺖ ﮐﺐ ﺳﮯ ﮨﻮﻧﯽ ﺷﺮﻭﻉ ﮨﻮﺋﯽ ﺗﮭﯽ ﺍُﺱ ﮐﺎ ﺍﻧﺪﺍﺯﮦ ﺳﺎﻻﺭ ﮐﻮ ﻧﮩﯿﮟ ﮨﻮﺍ۔ ﻟﯿﮑﻦ ﻭﮦ ﺍﺱ ﻭﻗﺖ ﻭﮨﺎﮞ ﻋﺠﯿﺐ ﺳﯽ ﮐﯿﻔﯿﺖ ﻣﯿﮟ ﺑﯿﭩﮭﺎ ﮨﻮﺍ ﺗﮭﺎ۔
” ﺍﯾﺴﺎ ﻧﮩﯿﮟ ﮨﮯ ﺣﻤﯿﻦ۔ ” ﺍُﺱ ﻧﮯ ﺑﺎﻵﺧﺮ ﺣﻤﯿﻦ ﺳﮯ ﮐﮩﺎ۔ ﻭﮦ ﺍﭘﻨﮯ ﺳﻠﯿﭙﻨﮓ ﺳﻮﭦ ﮐﮯ ﭘﺎﺟﺎﻣﮯ ﮐﻮ ﮔﮭﭩﻨﮯ ﺳﮯ ﺭﮔﮍ ﺭﮨﺎ ﺗﮭﺎ ﺟﯿﺴﮯ ﺍُﺱ ﻣﯿﮟ ﺳﻮﺭﺍﺥ ﮨﯽ ﮐﺮ ﺩﯾﻨﺎ ﭼﺎﮨﺘﺎ ﮨﻮ۔
” ﺑﺎﺑﺎ … ﻣﯿﮟ ﺁﺟﺎﺅﮞ؟ ” ﻭﮦ ﺟﺒﺮﯾﻞ ﺗﮭﺎ ﺟﻮ ﺩﺭﻭﺍﺯﮮ ﭘﺮ ﺩﺳﺘﮏ ﺩﮮ ﮐﺮ ﺍﻧﺪﺭ ﺩﺍﺧﻞ ﮨﻮﺍ ﺗﮭﺎ … ﮔﻔﺘﮕﻮ ﮐﮯ ﻋﺠﯿﺐ ﻣﺮﺣﻠﮯ ﭘﺮ ﻭﮦ ﺍﻧﺪﺭ ﺁﯾﺎ ﺗﮭﺎ۔ ﺳﺎﻻﺭ ﺍﻭﺭ ﺣﻤﯿﻦ ﺩﻭﻧﻮﮞ ﮨﯽ ﺍﭘﻨﯽ ﺍﭘﻨﯽ ﺟﮕﮧ ﭘﺮ ﮐﭽﮫ ﺟﺰﺑﺰ ﮨﻮﺋﮯ ﺗﮭﮯ۔
” ﮨﺎﮞ ﺁﺟﺎﺅ۔ ” ﺳﺎﻻﺭ ﻧﮯ ﺍُﺱ ﺳﮯ ﮐﮩﺎ، ﻭﮦ ﺍﻧﺪﺭ ﺁﮐﺮ ﺣﻤﯿﻦ ﮐﮯ ﺑﺮﺍﺑﺮ ﻣﯿﮟ ﺻﻮﻓﮧ ﭘﺮ ﺑﯿﭩﮫ ﮔﯿﺎ ﭘﮭﺮ ﺍُﺱ ﻧﮯ ﺍﯾﮏ ﻧﻈﺮ ﺣﻤﯿﻦ ﮐﻮ ﺩﯾﮑﮭﺎ ﺟﻮ ﺍُﺱ ﺳﮯ ﻧﻈﺮﯾﮟ ﻧﮩﯿﮟ ﻣﻼ ﺭﮨﺎ ﺗﮭﺎ ﭘﮭﺮ ﺍُﺱ ﻧﮯ ﺑﺎﭖ ﺳﮯ ﮐﮩﺎ۔
” ﺩﺍﺩﺍ ﮐﮯ ﭘﺎﺱ ﻣﯿﮟ ﭘﺎﮐﺴﺘﺎﻥ ﭼﻼ ﺟﺎﺗﺎ ﮨﻮﮞ … ﻣﯿﮟ ﺯﯾﺎﺩﮦ ﺍﭼﮭﮯ ﻃﺮﯾﻘﮯ ﺳﮯ ﺍُﻥ ﮐﯽ ﺩﯾﮑﮫ ﺑﮭﺎﻝ ﮐﺮ ﺳﮑﻮﮞ ﮔﺎ ” ﮐﻤﺮﮮ ﻣﯿﮟ ﻋﺠﯿﺐ ﺧﺎﻣﻮﺷﯽ ﭼﮭﺎﺋﯽ ﺗﮭﯽ۔ ﻧﮧ ﺳﺎﻻﺭ ﮐﭽﮫ ﮐﮩﮧ ﺳﮑﺎ، ﻧﮧ ﺣﻤﯿﻦ ﮐﭽﮫ ﺑﻮﻝ ﺳﮑﺎ ﺗﮭﺎ۔ ﺍُﻥ ﺩﻭﻧﻮﮞ ﮐﯽ ﺁﻭﺍﺯ ﺯﯾﺎﺩﮦ ﺍﻭﻧﭽﯽ ﻧﮩﯿﮟ ﺗﮭﯽ ﻟﯿﮑﻦ ﺟﺒﺮﯾﻞ ﭘﮭﺮ ﺑﮭﯽ ﯾﻘﯿﻨﺎً ﯾﮧ ﮔﻔﺘﮕﻮ ﺳُﻦ ﮐﺮ ﮨﯽ ﺁﯾﺎﺗﮭﺎ۔
” ﻣﻤﯽ ﺍﻭﺭ ﺣﻤﯿﻦ ﯾﮩﯿﮟ ﺭﮨﯿﮟ ﺁﭖ ﮐﮯ ﭘﺎﺱ … ﻣﯿﮟ ﺍﮐﯿﻠﮯ ﺑﮭﯽ ﺍُﻥ ﮐﻮ ﺳﻨﺒﮭﺎﻝ ﺳﮑﺘﺎ ﮨﻮﮞ۔ ” ﻭﮦ ﮨﻤﯿﺸﮧ ﮐﯽ ﻃﺮﺡ ﻣﺪﮨﻢ، ﻣﺴﺘﺤﮑﻢ ﺁﻭﺍﺯ ﻣﯿﮟ ﮐﮩﮧ ﺭﮨﺎ ﺗﮭﺎ۔
” ﭘﺎﮐﺴﺘﺎﻥ ﻣﯿﮟ ﻭﯾﺴﮯ ﺑﮭﯽ ﻣﯿﮉﯾﺴﻦ ﮐﯽ ﺗﻌﻠﯿﻢ ﮐﮯ ﻟﺌﮯ ﮐﻢ ﻭﻗﺖ ﻟﮕﺘﺎ ﮨﮯ۔ ﯾﻮﻧﯿﻮﺭﺳﭩﯽ ﮐﺎ ﺳﺎﻝ ﺿﺎﺋﻊ ﮨﻮﻧﮯ ﺳﮯ ﺑﮭﯽ ﻓﺮﻕ ﻧﮩﯿﮟ ﭘﮍﮮ ﮔﺎ۔ ” ﻭﮦ ﺍﺗﻨﮯ ﺁﺭﺍﻡ ﺳﮯ ﮐﮩﮧ ﺭﮨﺎ ﺗﮭﺎ ﺟﯿﺴﮯ ﯾﮧ ﮐﻮﺋﯽ ﻣﺴﺌﻠﮧ ﮨﯽ ﻧﮩﯿﮟ ﺗﮭﺎ … ﺟﺒﺮﯾﻞ ﺍﯾﺴﺎ ﮨﯽ ﺗﮭﺎ، ﮐﺴﯽ panic ﮐﮯ ﺑﻐﯿﺮ ﻣﺴﺌﻠﮯ ﮐﺎ ﺣﻞ ﻧﮑﺎﻟﻨﮯ ﻭﺍﻻ۔
” ﻣﯿﮟ ﺗﻢ ﺳﮯ ﺑﻌﺪ ﻣﯿﮟ ﺑﺎﺕ ﮐﺮﻭﮞ ﮔﺎ ﺟﺒﺮﯾﻞ۔ ” ﺳﺎﻻﺭ ﻧﮯ ﺍُﺳﮯ ﺩﺭﻣﯿﺎﻥ ﻣﯿﮟ ﮨﯽ ﭨﻮﮎ ﺩﯾﺎ۔
” ﻣﯿﮟ ﮔﮭﺮ ﻣﯿﮟ ﺳﺐ ﺳﮯ ﺑﮍﺍ ﮨﻮﮞ ﺑﺎﺑﺎ … ﻣﯿﺮﯼ ﺫﻣّﮧ ﺩﺍﺭﯼ ﺳﺐ ﺳﮯ ﺯﯾﺎﺩﮦ ﮨﮯ … ﺣﻤﯿﻦ ﮐﻮ ﺁﭖ ﯾﮩﯿﮟ ﺭﮨﻨﮯ ﺩﯾﮟ ﺍﻭﺭ ﻣﺠﮭﮯ ﺟﺎﻧﮯ ﺩﯾﮟ … ﺍﻭﺭ ﻣﯿﮟ ﯾﮧ ﺳﺐ ﺑﮩﺖ ﺧﻮﺷﯽ ﺳﮯ ﮐﮩﮧ ﺭﮨﺎ ﮨﻮﮞ، ﻣﺠﮭﮯ ﮐﻮﺋﯽ ﺧﻔﮕﯽ ﻧﮩﯿﮟ ﮨﮯ۔ ” ﺟﺒﺮﯾﻞ ﻧﮯ ﺳﺎﻻﺭ ﮐﮯ ﭨﻮﮐﻨﮯ ﮐﮯ ﺑﺎﻭﺟﻮﺩ ﺍُﺱ ﺳﮯ ﮐﮩﺎ ﺍﻭﺭ ﺍُﭨﮫ ﮐﮭﮍﺍ ﮨﻮﺍ۔
ﺍُﺱ ﮐﮯ ﮐﻤﺮﮮ ﺳﮯ ﺟﺎﻧﮯ ﮐﮯ ﺑﻌﺪ ﺑﮭﯽ ﺳﺎﻻﺭﺍﻭﺭ ﺣﻤﯿﻦ ﺧﺎﻣﻮﺵ ﮨﯽ ﺑﯿﭩﮭﮯ ﺭﮨﮯ ﺗﮭﮯ ﻭﮦ ﺑﮯ ﺣﺪ awkward ﺻﻮﺭﺕ ﺣﺎﻝ ﺗﮭﯽ ﺟﺲ ﮐﺎ ﺳﺎﻣﻨﺎ ﺍﻥ ﺩﻭﻧﻮﮞ ﻧﮯ ﭼﻨﺪ ﻟﻤﺤﮯ ﭘﮩﻠﮯ ﮐﯿﺎ ﺗﮭﺎ۔
” ﻣﯿﺮﮮ ﺍﻭﺭ ﺍﻣﺎﻣﮧ ﮐﮯ ﻟﺌﮯ ﺗﻢ ﻣﯿﮟ ﺍﻭﺭ ﺟﺒﺮﯾﻞ ﻣﯿﮟ ﮐﻮﺋﯽ ﻓﺮﻕ ﻧﮩﯿﮟ۔ ﺍُﺳﮯ ﻗﺮﺁﻥ ﭘﺎﮎ ﺣﻔﻆ ﮐﺮﻧﮯ ﮐﮯ ﻟﺌﮯ ﻋﺰﺕ ﺩﯾﺘﮯ ﮨﯿﮟ ﻟﯿﮑﻦ ﺗﻢ ﺗﯿﻨﻮﮞ ﭘﺮ ﺍُﺳﮯ ﺑﺮﺗﺮﯼ ﻧﮩﯿﮟ ﺩﯾﺘﮯ۔ ﺍﺱ ﻟﺌﮯ ﯾﮧ ﮐﺒﮭﯽ ﻣﺖ ﺳﻤﺠﮭﻨﺎ ﮐﮧ ﮨﻢ ﺩﻭﻧﻮﮞ ﺗﻢ ﭼﺎﺭﻭﮞ ﻣﯿﮟ ﮐﻮﺋﯽ ﺗﻔﺮﯾﻖ ﮐﺮﯾﮟ ﮔﮯ۔ ” ﺳﺎﻻﺭ ﻧﮯ ﺑﮩﺖ ﻟﻤﺒﯽ ﺧﺎﻣﻮﺷﯽ ﮐﮯ ﺑﻌﺪ ﺍُﺱ ﺳﮯ ﮐﮩﻨﺎ ﺷﺮﻭﻉ ﮐﯿﺎ ﺗﮭﺎ۔
” ﺗﻤﮩﺎﺭﮮ ﺩﺍﺩﺍ ﻣﯿﺮﯼ ﺫﻣّﮧ ﺩﺍﺭﯼ ﮨﯿﮟ ﺍﻭﺭ ﻣﯿﺮﺍ ﺧﯿﺎﻝ ﺗﮭﺎ ﻣﯿﮟ ﺍﭘﻨﯽ ﺫﻣّﮧ ﺩﺍﺭﯼ ﺗﻤﮩﺎﺭﮮ ﺍﻭﺭ ﺟﺒﺮﯾﻞ ﮐﮯ ﺳﺎﺗﮫ ﺑﺎﻧﭧ ﺳﮑﺘﺎ ﺗﮭﺎ … ﺍﺱ ﻟﺌﮯ ﯾﮧ ﮐﻮﺷﺶ ﮐﯽ۔ ﻟﯿﮑﻦ ﺗﻢ ﭘﺮ ﺯﺑﺮﺩﺳﺘﯽ ﻧﮩﯿﮟ ﮐﺮﻭﮞ ﮔﺎ ﻣﯿﮟ … ﺗﻢ ﻧﮩﯿﮟ ﺟﺎﻧﺎ ﭼﺎﮨﺘﮯ، ﻣﺖ ﺟﺎﺅ۔ ” ﺳﺎﻻﺭ ﺍُﺱ ﺳﮯ ﮐﮩﺘﮯ ﮨﻮﺋﮯ ﺍﭨﮫ ﮐﺮ ﭼﻼ ﮔﯿﺎ، ﺣﻤﯿﻦ ﻭﮨﯿﮟ ﺑﯿﭩﮭﺎ ﺭﮨﺎ … ﺳﺮ ﺟﮭﮑﺎﺋﮯ … ﺧﺎﻣﻮﺵ … ﺳﻮﭼﺘﮯ ﮨﻮﺋﮯ۔

---

---

“ I hope you are not upset with me ”
ﺟﺒﺮﯾﻞ ﺳﭩﮉﯼ ﭨﯿﺒﻞ ﭘﺮ ﺑﯿﭩﮭﺎ ﭘﮍﮪ ﺭﮨﺎ ﺗﮭﺎ ﺟﺐ ﺍُﺱ ﻧﮯ ﮐﻤﺮﮮ ﮐﺎ ﺩﺭﻭﺍﺯﮦ ﮐﮭﻠﺘﮯ ﺍﻭﺭ ﺣﻤﯿﻦ ﮐﻮ ﺍﻧﺪﺭ ﺁﺗﮯ ﺩﯾﮑﮭﺎ۔ ﺩﻭﻧﻮﮞ ﮐﮯ ﺩﺭﻣﯿﺎﻥ ﺧﺎﻣﻮﺵ ﻧﻈﺮﻭﮞ ﮐﺎ ﺗﺒﺎﺩﻟﮧ ﮨﻮﺍ ﭘﮭﺮ ﺟﺒﺮﯾﻞ ﺩﻭﺑﺎﺭﮦ ﺍﭘﻨﯽ ﮐﺘﺎﺏ ﮐﯽ ﻃﺮﻑ ﻣﺘﻮﺟﮧ ﮨﻮﮔﯿﺎ۔ ﺣﻤﯿﻦ ﺑﺴﺘﺮ ﭘﺮ ﺟﺎﮐﺮ ﻟﯿﭩﺎ ﺍُﺳﮯ ﺩﯾﮑﮭﺘﺎ ﺭﮨﺎ۔ ﭘﮭﺮ ﺍُﺱ ﻧﮯ ﺑﺎﻵﺧﺮ ﺍُﺳﮯ ﻣﺨﺎﻃﺐ ﮐﯿﺎ ﺗﮭﺎ۔
“ Upse?t ”
ﺟﺒﺮﯾﻞ ﻧﮯ ﭘﻠﭧ ﮐﺮ ﺍُﺳﮯ ﮐﭽﮫ ﺣﯿﺮﺍﻧﯽ ﺩﯾﮑﮭﺎ ﺗﮭﺎ ” ﮐﯿﻮﮞ؟ ” ﺣﻤﯿﻦ ﺍُﭨﮫ ﮐﺮ ﺑﯿﭩﮫ ﮔﯿﺎ ﺑﮍﮮ ﻣﺤﺘﺎﻁ ﺍﻧﺪﺍﺯ ﻣﯿﮟ ﺍُﺱ ﻧﮯ ﮔﻔﺘﮕﻮ ﮐﺎ ﺁﻏﺎﺯ ﮐﯿﺎ۔
” ﺗﻢ ﻧﮯ ﮨﻤﺎﺭﯼ ﺑﺎﺗﯿﮟ ﺳُﻨﯽ ﺗﮭﯿﮟ؟ ” ﻭﮦ ﮐﭽﮫ ﺑﮭﯽ ﮐﮩﻨﮯ ﺳﮯ ﭘﮩﻠﮯ ﺟﯿﺴﮯ ﺗﺼﺪﯾﻖ ﭼﺎﮨﺘﺎ ﺗﮭﺎ۔ ﺍﯾﮏ ﻟﻤﺤﮧ ﮐﮯ ﻟﯿﮯ ﺟﺒﺮﯾﻞ ﺍُﺳﮯ ﺩﯾﮑﮭﺘﺎ ﺭﮨﺎ، ﭘﮭﺮ ﺍُﺱ ﻧﮯ ﺳﺮ ﮨﻼﺗﮯ ﮨﻮﺋﮯ ﮐﮩﺎ ” ﮨﺎﮞ ” ﺣﻤﯿﻦ ﮐﮯ ﺗﺎﺛﺮﺍﺕ ﺑﺪﻟﮯ۔ ﮨﻠﮑﯽ ﺷﺮﻣﻨﺪﮔﯽ ﻧﮯ ﺍُﺳﮯ ﺟﯿﺴﮯ ﮐﭽﮫ ﺍﻭﺭ defensive ﮐﯿﺎ ﺗﮭﺎ۔
” ﺍﺳﯽ ﻟﺌﮯ ﭘﻮﭼﮫ ﺭﮨﺎ ﺗﮭﺎ ﺗﻢ ﻣﺠﮫ ﺳﮯ ﺧﻔﺎ ﺗﻮ ﻧﮩﯿﮟ ﮨﻮ ﻧﺎ؟ ” ﺣﻤﯿﻦ ﻧﮯ ﺍﺏ ﺍﭘﻨﮯ ﺟﻤﻠﮯ ﮐﻮ ﺫﺭﺍ ﺳﺎ ﺑﺪﻻ۔ ” ﻧﮩﯿﮟ ” ﺟﺒﺮﯾﻞ ﻧﮯ ﺍُﺳﯽ ﺍﻧﺪﺍﺯ ﻣﯿﮟ ﮐﮩﺎ۔ﺣﻤﯿﻦ ﺍﭘﻨﮯ ﺑﺴﺘﺮ ﺳﮯ ﺍُﭨﮫ ﮐﺮ ﺍُﺱ ﮐﮯ ﻗﺮﯾﺐ ﺁﮐﺮ ﮐﮭﮍﺍ ﮨﻮﮔﯿﺎ۔ ” ﻟﯿﮑﻦ ﻣﺠﮭﮯ ﻣﺎﯾﻮﺳﯽ ﺿﺮﻭﺭ ﮨﻮﺋﯽ۔ ” ﺟﺒﺮﯾﻞ ﻧﮯ ﺍُﺱ ﮐﮯ ﻗﺮﯾﺐ ﺁﻧﮯ ﭘﺮ ﺟﯿﺴﮯ ﺍﭘﻨﮯ ﺟﻤﻠﮯ ﮐﻮ ﻣﮑﻤّﻞ ﮐﯿﺎ۔ﺣﻤﯿﻦ ﺍﺏ ﺳﭩﮉﯼ ﭨﯿﺒﻞ ﺳﮯ ﭘﺸﺖ ﭨﮑﺎﺋﮯ ﮐﮭﮍﺍ ﺗﮭﺎ۔
I didn’t mean that ”… ﺗﻢ ﻣﯿﺮﮮ ﺑﮭﺎﺋﯽ ﮨﻮ ﺍﻭﺭ ﻣﯿﮟ ﺗﻢ ﺳﮯ ﺑﮩﺖ ﭘﯿﺎﺭ ﮐﺮﺗﺎ ﮨﻮﮞ … Trust me I have nothing against you ”… ﺣﻤﯿﻦ ﻧﮯ ﺟﯿﺴﮯ ﺍُﺳﮯ ﺻﻔﺎﺋﯽ ﺩﯾﻨﮯ ﮐﯽ ﮐﻮﺷﺶ ﮐﯽ۔
“ I know it ”.…
ﺟﺒﺮﯾﻞ ﻧﮯ ﻧﺮﻣﯽ ﺳﮯ ﺍُﺳﮯ ﭨﻮﮐﺎ ﺍﻭﺭ ﺍُﺱ ﮐﺎ ﺑﺎﺯﻭ ﮨﻠﮑﮯ ﺳﮯ ﺗﮭﭙﺘﮭﭙﺎﯾﺎ ” ﻟﯿﮑﻦ ﺗﻤﮩﯿﮟ ﺑﺎﺑﺎ ﺳﮯ ﺍﯾﺴﯽ ﺑﺎﺕ ﻧﮩﯿﮟ ﮐﺮﻧﯽ ﭼﺎﮨﯿﮯ ﺗﮭﯽ …” He must have been shocked … ﺟﺒﺮﯾﻞ ﺍﺏ ﺍُﺳﮯ ﺳﻤﺠﮭﺎ ﺭﮨﺎ ﺗﮭﺎ۔ ” ﺗﻢ ﻭﺍﻗﻌﯽ ﺳﻤﺠﮭﺘﮯ ﮨﻮ ﮐﮧ ﻭﮦ ﻣﺠﮭﮯ ﺗﻢ ﺳﮯ ﺯﯾﺎﺩﮦ ﺍﮨﻤﯿﺖ ﺩﯾﺘﮯ ﮨﯿﮟ … ﻓﺮﻕ ﮐﺮﺗﮯ ﮨﯿﮟ؟ ” ﻭﮦ ﺍُﺱ ﺳﮯ ﮐﮩﮧ ﺭﮨﺎ ﺗﮭﺎ ” ﺟﺒﮑﮧ ﻣﺠﮭﮯ ﻟﮕﺘﺎ ﺗﮭﺎ ﻭﮦ ﺗﻤﮩﯿﮟ ﺯﯾﺎﺩﮦ importance ﺩﯾﺘﮯ ﮨﯿﮟ۔ ” ﺟﺒﺮﯾﻞ ﻧﮯ ﺟﻮﺍﺑﺎً ﺍُﺳﮯ ﮐﮩﺎ ﺗﮭﺎ ”… ﮐﺎﻓﯽ ﺳﺎﻝ ﺍﯾﺴﮯ ﮨﯽ ﻟﮕﺘﺎ ﺭﮨﺎ ”… ﺟﺒﺮﯾﻞ ﻧﮯ ﺟﯿﺴﮯ ﺑﺎﺕ ﺍﺩﮬﻮﺭﯼ ﭼﮭﻮﮌﯼ، ﺣﻤﯿﻦ ﻧﮯ ﮐﭽﮫ ﺗﺠﺴﺲ ﺳﮯ ﮐﺮﯾﺪﺍ ” ﭘﮭﺮ؟ ” ” ﭘﮭﺮ ﻣﯿﮟ ﺑﮍﺍ ﮨﻮﮔﯿﺎ۔ ” ﻭﮦ ﻣﺴﮑﺮﺍﯾﺎ ﺗﮭﺎ … And I realized ”… ﮐﮧ ﺍﯾﺴﺎ ﻧﮩﯿﮟ ﮨﮯ۔ ” ﻭﮦ ﮐﮩﮧ ﺭﮨﺎ ﺗﮭﺎ ” ﮐﭽﮫ qualities ﮐﻮ ﻭﮦ ﻣﺠﮫ ﻣﯿﮟ ﺯﯾﺎﺩﮦ ﭘﺴﻨﺪ ﮐﺮﺗﮯ ﮨﯿﮟ ﮐﭽﮫ ﺗﻢ ﻣﯿﮟ، ﻟﯿﮑﻦ ﺍﻧﮩﻮﮞ ﻧﮯ ﮨﻢ ﺩﻭﻧﻮﮞ ﻣﯿﮟ ﮐﺒﮭﯽ ﻓﺮﻕ ﻧﮩﯿﮟ ﮐﯿﺎ، ﺍﮔﺮ ﮐﯿﺎ ﺑﮭﯽ ﮨﻮﮔﺎ ﺗﻮ ﺍُﺱ ﮐﯽ ﮐﻮﺋﯽ ﻭﺟﮧ ﮨﻮﮔﯽ۔ ” ﻭﮦ ﺍُﺱ ﮐﺎ ﺑﮍﺍ ﺑﮭﺎﺋﯽ ﺗﮭﺎ ﺍﻭﺭ ﺑﮍﮮ ﺑﮭﺎﺋﯽ ﮨﯽ ﮐﯽ ﻃﺮﺡ ﺍُﺳﮯ ﺳﻤﺠﮭﺎ ﺭﮨﺎ ﺗﮭﺎ۔ ﺣﻤﯿﻦ ﺧﺎﻣﻮﺷﯽ ﺳﮯ ﺑﺎﺕ ﺳُﻦ ﺭﮨﺎ ﺗﮭﺎ۔ ﺟﺐ ﺍُﺱ ﻧﮯ ﺑﺎﺕ ﺧﺘﻢ ﮐﯽ ﺗﻮ ﺣﻤﯿﻦ ﻧﮯ ﺍُﺱ ﺳﮯ ﮐﮩﺎ۔
” ﻣﯿﮟ ﯾﮧ ﻧﮩﯿﮟ ﭼﺎﮨﺘﺎ ﮐﮧ ﺗﻢ ﺍﭘﻨﯽ ﯾﻮﻧﯿﻮﺭﺳﭩﯽ ﭼﮭﻮﮌ ﮐﺮ ﭘﺎﮐﺴﺘﺎﻥ ﺟﺎﺅ … ﻣﯿﮟ ﺍﺗﻨﺎ selfish ﻧﮩﯿﮟ ﮨﻮﮞ ”… ﻭﮦ ﺟﯿﺴﮯ ﺍُﺳﮯ ﺻﻔﺎﺋﯽ ﺩﯾﻨﮯ ﮐﯽ ﮐﻮﺷﺶ ﮐﺮﺭﮨﺎ ﺗﮭﺎ “ I just want to stay here ” ﺍُﺱ ﻧﮯ ﺟﺒﺮﯾﻞ ﺳﮯ ﮐﮩﺎ ﺗﮭﺎ۔
” ﺗﻤﮩﯿﮟ ﮐﻮﺋﯽ selfish ﺳﻤﺠﮫ ﺑﮭﯽ ﻧﮩﯿﮟ ﺭﮨﺎ ﺣﻤﯿﻦ … ﺗﻤﮩﺎﺭﯼ ﭼﻮﺍﺋﺲ ﮐﯽ ﺑﺎﺕ ﮨﮯ ﺍﻭﺭ ﺑﺎﺑﺎ ﺍﺱ ﻟﺌﮯ ﺗﻤﮩﯿﮟ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﺮ ﺭﮨﮯ ﺗﮭﮯ ﮐﯿﻮﮞ ﮐﮧ ﺗﻢ ﭼﮭﻮﭨﮯ ﮨﻮ ﺍﻭﺭ ﯾﮩﺎﮞ ﺗﻢ ﺍﮐﯿﻠﮯ ﻧﮩﯿﮟ ﺭﮦ ﺳﮑﺘﮯ … ﺑﺎﺑﺎ ﺑﮩﺖ ﺑﺰﯼ ﮨﯿﮟ، ﮐﺌﯽ ﺑﺎﺭ ﮐﺌﯽ ﮐﺌﯽ ﺩﻥ ﮔﮭﺮ ﻧﮩﯿﮟ ﺁ ﭘﺎﺗﮯ … ﺗﻢ ﺍﮐﯿﻠﮯ ﮐﯿﺴﮯ ﺭﮨﻮ ﮔﮯ ﺍُﻥ ﮐﮯ ﺳﺎﺗﮫ … ﺻﺮﻑ ﺍﺱ ﻟﺌﮯ ﺗﻤﮩﯿﮟ ﭘﺎﮐﺴﺘﺎﻥ ﺑﮭﯿﺠﻨﺎ ﭼﺎﮨﺘﮯ ﺗﮭﮯ ﻭﮦ ”… ﺍُﺱ ﻧﮯ ﺟﺒﺮﯾﻞ ﮐﯽ ﺑﺎﺕ ﮐﺎﭦ ﺩﯼ ﺍﻭﺭ ﺑﮯ ﺣﺪ ﮨﻠﮑﯽ ﻟﯿﮑﻦ ﻣﺴﺘﺤﮑﻢ ﺁﻭﺍﺯ ﻣﯿﮟ ﺍُﺱ ﺳﮯ ﮐﮩﺎ۔ I don’t want you to go to Pakistan ” ﺗﻤﮩﺎﺭﯼ ﺳﭩﮉﯾﺰ ﻣﺘﺎﺛﺮ ﮨﻮﮞ ﮔﯽ … ﻣﯿﮟ ﭼﻼ ﺟﺎﺅﮞ ﮔﺎ … ﺣﺎﻻﻧﮑﮧ ﻣﯿﮟ ﺧﻮﺵ ﻧﮩﯿﮟ ﮨﻮﮞ ﻟﯿﮑﻦ ﻣﺠﮭﮯ ﻟﮕﺘﺎ ﮨﮯ ﻣﯿﮟ ﺳﺐ ﮐﻮ ﻧﺎﺭﺍﺽ ﮐﺮ ﮐﮯ ﯾﮩﺎﮞ stay ﻧﮩﯿﮟ ﮐﺮﺳﮑﺘﺎ۔ ” ﻭﮦ ﮐﮩﺘﮯ ﮨﻮﺋﮯ ﺍﭘﻨﮯ ﺑﺴﺘﺮ ﮐﯽ ﻃﺮﻑ ﭼﻼ ﮔﯿﺎ۔ ﺟﺒﺮﯾﻞ ﮐﻮ ﻟﮕﺎ ﻭﮦ ﮐﭽﮫ ﺍُﻟﺠﮭﺎ ﮨﻮﺍ ﺗﮭﺎ … ﺟﺒﺮﯾﻞ ﺍُﺳﮯ ﻟﯿﭩﺘﮯ ﮨﻮﺋﮯ ﺩﯾﮑﮭﺘﺎ ﺭﮨﺎ ﭘﮭﺮ ﺍُﺱ ﻧﮯ ﺣﻤﯿﻦ ﺳﮯ ﮐﮩﺎ۔
” ﭼﻨﺪ ﺳﺎﻟﻮﮞ ﮐﯽ ﺑﺎﺕ ﮨﮯ ﺣﻤﯿﻦ … ﭘﮭﺮ ﺑﺎﺑﺎ ﺗﻤﮩﯿﮟ ﺑﮭﯽ ﻭﺍﭘﺲ ﺍﻣﺮﯾﮑﮧ ﺑﻼ ﻟﯿﮟ ﮔﮯ …” You can pursue your dreams … ﺟﺒﺮﯾﻞ ﻧﮯ ﺟﯿﺴﮯ ﺍُﺳﮯ ﺗﺴﻠّﯽ ﺩﯾﻨﮯ ﮐﯽ ﮐﻮﺷﺶ ﮐﯽ۔
“ I don’t dream much ”… ﺍُﺱ ﻧﮯ ﺟﻮﺍﺑﺎً ﭼﺎﺩﺭ ﺍﭘﻨﮯ ﺍﻭﭘﺮ ﮐﮭﯿﻨﭽﺘﮯ ﮨﻮﺋﮯ ﮐﮩﺎ ﺗﮭﺎ … ﺟﺒﺮﯾﻞ ﺍُﺳﮯ ﺩﯾﮑﮫ ﮐﺮ ﺭﮦ ﮔﯿﺎ … ﺣﻤﯿﻦ ﮐﮯ ﺩﻣﺎﻍ ﻣﯿﮟ ﮐﯿﺎ ﺗﮭﺎ ﺍُﺳﮯ ﺑﻮﺟﮭﻨﺎ ﺑﮍﺍ ﻣﺸﮑﻞ ﺗﮭﺎ، ﺻﺮﻑ ﺩﻭﺳﺮﻭﮞ ﮐﮯ ﻟﺌﮯ ﮨﯽ ﻧﮩﯿﮟ، ﺷﺎﯾﺪ ﺍُﺱ ﮐﮯ ﺍﭘﻨﮯ ﻟﺌﮯ ﺑﮭﯽ۔
ﺟﺒﺮﯾﻞ ﺍﯾﮏ ﺑﺎﺭ ﭘﮭﺮ ﺍﭘﻨﯽ ﺳﭩﮉﯼ ﭨﯿﺒﻞ ﭘﺮ ﭘﮍﮬﻨﮯ ﺑﯿﭩﮫ ﮔﯿﺎ ﺗﮭﺎ ﻭﮦ ﺍُﺱ ﻭﯾﮏ ﺍﯾﻨﮉ ﭘﺮ ﮔﮭﺮ ﺁﯾﺎ ﮨﻮﺍ ﺗﮭﺎ ﺍﺏ ﺍُﺳﮯ ﮐﻞ ﭘﮭﺮ ﻭﺍﭘﺲ ﺟﺎﻧﺎ ﺗﮭﺎ، ﺍُﺱ ﮐﺎ ﺍﮔﻼ ﺳﻤﺴﭩﺮ ﺷﺮﻭﻉ ﮨﻮﻧﮯ ﻭﺍﻻ ﺗﮭﺎ۔
?“ Who will stay with Baba ” ﮐﺎﻏﺬ ﭘﺮ ﮐﭽﮫ ﻟﮑﮭﺘﮯ ﮨﻮﺋﮯ ﺍُﺱ ﮐﺎ ﮨﺎﺗﮫ ﺭُﮎ ﮔﯿﺎ … ﺟﺒﺮﯾﻞ ﻧﮯ ﭘﻠﭧ ﮐﺮ ﺍﯾﮏ ﺑﺎﺭ ﭘﮭﺮ ﺑﺴﺘﺮ ﭘﺮ ﻟﯿﭩﺘﮯ ﮨﻮﺋﮯ ﺣﻤﯿﻦ ﮐﻮ ﺩﯾﮑﮭﺎ، ﺍُﺱ ﻧﮯ ﺗﻘﺮﯾﺒﺎً ﺩﺱ ﻣﻨﭧ ﺑﻌﺪ ﺍُﺳﮯ ﻣﺨﺎﻃﺐ ﮐﯿﺎ ﺗﮭﺎ ﺟﺐ ﻭﮦ ﯾﮧ ﺳﻤﺠﮫ ﺭﮨﺎ ﺗﮭﺎ ﮐﮧ ﻭﮦ ﺳﻮ ﭼﮑﺎ ﺗﮭﺎ۔ ﺍﻭﺭ ﺍُﺱ ﮐﮯ ﺳﻮﺍﻝ ﻧﮯ ﮐﺴﯽ ﮐﺮﻧﭧ ﮐﯽ ﻃﺮﺡ ﺍُﺳﮯ ﺟﯿﺴﮯ ﺣﻤﯿﻦ ﮐﯽ ﺳﻮﭺ ﺗﮏ ﺭﺳﺎﺋﯽ ﺩﯼ ﺗﮭﯽ۔ ﻭﮦ ﻭﺍﻗﻌﯽ ﺑﮯ ﺣﺪ ﮔﮩﺮﺍ ﺗﮭﺎ … ﯾﮧ MIT ﻧﮩﯿﮟ ﺗﮭﯽ … ﺍﻣﺮﯾﮑﮧ ﻧﮩﯿﮟ ﺗﮭﺎ … ﺟﻮ ﺣﻤﯿﻦ ﮐﻮ ﻭﺍﭘﺲ ﺟﺎﻧﮯ ﺳﮯ ﮐﮭﯿﻨﭻ ﺭﮨﺎ ﺗﮭﺎ … ﯾﮧ ﺳﺎﻻﺭ ﺳﮑﻨﺪﺭ ﮐﯽ ﺑﯿﻤﺎﺭﯼ ﺗﮭﯽ ﺟﺲ ﻧﮯ ﺣﻤﯿﻦ ﮐﻮ ﺍُﺳﮯ ﺍﮐﯿﻼ ﭼﮭﻮﮌ ﺩﯾﻨﮯ ﭘﺮ ﻣﺘﻮﺣﺶ ﮐﯿﺎ ﺗﮭﺎ۔
ﻭﮦ ﻭﮨﺎﮞ ﺑﺎﭖ ﮐﮯ ﭘﺎﺱ ﺭُﮐﻨﺎ ﭼﺎﮨﺘﺎ ﺗﮭﺎ … ﺑﻐﯿﺮ ﺍُﺳﮯ ﯾﮧ ﺑﺘﺎﺋﮯ ﮐﮧ ﻭﮦ ﺍُﺱ ﮐﯽ ﻭﺟﮧ ﺳﮯ ﻭﮨﺎﮞ ﺭﮨﻨﺎ ﭼﺎﮨﺘﺎ ﺗﮭﺎ … ﮐﯿﻮﮞ ﮐﮧ ﻭﮦ ﺍُﺱ ﮐﮯ ﺑﺎﺭﮮ ﻣﯿﮟ ﻓﮑﺮﻣﻨﺪ ﺗﮭﺎ … ﺑﺎﻟﮑﻞ ﺍُﺳﯽ ﻃﺮﺡ ﺟﯿﺴﮯ ﺳﺎﻻﺭ ﺳﮑﻨﺪﺭ ﺍﭘﻨﮯ ﺑﺎﭖ ﮐﮯ ﺑﺎﺭﮮ ﻣﯿﮟ ﻓﮑﺮﻣﻨﺪ ﺗﮭﺎ ، ﻟﯿﮑﻦ ﺍُﺳﮯ ﯾﮧ ﺑﺘﺎﻧﺎ ﻧﮩﯿﮟ ﭼﺎﮨﺘﺎ ﺗﮭﺎ …
” ﺗﻢ ﺑﺎﺑﺎ ﮐﯽ ﻭﺟﮧ ﺳﮯ ﺭُﮐﻨﺎ ﭼﺎﮨﺘﮯ ﮨﻮ؟ ” ﺟﺒﺮﯾﻞ ﻧﮯ ﺟﯿﺴﮯ ﺍُﺱ ﮐﺎ ﺭﺍﺯ ﺍﻓﺸﺎ ﮐﺮ ﺩﯾﺎ ﺗﮭﺎ۔ ﺣﻤﯿﻦ ﮐﮯ ﭼﺎﺩﺭ ﺳﮯ ﮈﮬﮑﮯ ﻭﺟﻮﺩ ﻣﯿﮟ ﺣﺮﮐﺖ ﮨﻮﺋﯽ … ﺷﺎﯾﺪ ﺍﭘﻨﮯ ﺩﻝ ﮐﺎ ﺑﮭﯿﺪ ﯾﻮﮞ ﻓﺎﺵ ﮨﻮﺟﺎﻧﮯ ﮐﯽ ﺗﻮﻗﻊ ﻧﮩﯿﮟ ﺗﮭﯽ ﺍُﺳﮯ … ﻟﯿﮑﻦ ﺍُﺱ ﻧﮯ ﺟﻮﺍﺏ ﻧﮩﯿﮟ ﺗﮭﺎ … ﺍُﺱ ﻧﮯ ﭼﺎﺩﺭ ﺑﮭﯽ ﺍﭘﻨﮯ ﭼﮩﺮﮮ ﺳﮯ ﻧﮩﯿﮟ ﮨﭩﺎﺋﯽ … ﺟﺒﺮﯾﻞ ﭘﮭﺮ ﺑﮭﯽ ﺍُﺳﮯ ﺩﯾﮑﮭﺘﺎ ﺭﮨﺎ۔
ﺣﻤﯿﻦ ﺳﮑﻨﺪﺭ ﺍﯾﮏ ﺧﺮﮔﻮﺵ ﮐﯽ ﻃﺮﺡ ﺳُﺮﻧﮕﯿﮟ ﺑﻨﺎﻧﮯ ﮐﺎ ﻣﺎﮨﺮ ﺗﮭﺎ … ﭘﻠﮏ ﺟﮭﭙﮑﻨﮯ ﻣﯿﮟ ﮐﯿﺎ ﮐﯿﺎ ﮐﮭﻮﺩ ﮐﺮ ﮐﮩﺎﮞ ﺳﮯ ﮐﮩﺎﮞ ﭘﮩﻨﭽﻨﮯ ﮐﺎ ﺷﻮﻗﯿﻦ … ﻭﮦ ﭘﻠﮏ ﺟﮭﭙﮑﺘﮯ ﻣﯿﮟ ﺩﻝ ﺳﮯ ﻧﮑﻠﺘﺎ ﺗﮭﺎ ﻭﮦ ﻟﻤﺤﮧ ﺑﮭﺮ ﻣﯿﮟ ﺩﻝ ﻣﯿﮟ ﻭﺍﭘﺲ ﺁﻧﮑﻠﺘﺎ ﺗﮭﺎ۔
ﺟﺒﺮﯾﻞ ﺳﮑﻨﺪﺭ ﺍﭘﻨﮯ ﺍُﺱ ﭼﮭﻮﭨﮯ ﺑﮭﺎﺋﯽ ﮐﻮ ﺩﯾﮑﮭﺘﺎ ﺭﮨﺎ ﺟﺲ ﮐﯽ ﺍُﺳﮯ ﺍﮐﺜﺮ ﺳﻤﺠﮫ ﻧﮩﯿﮟ ﺁﺗﯽ ﺗﮭﯽ ﺍﻭﺭ ﺟﺐ ﺁﺗﯽ ﺗﮭﯽ ﺗﻮ ﺍُﺳﮯ ﺍﭘﻨﯽ ﺳﻤﺠﮫ ﺑﻮﺟﮫ ﭘﺮ ﺷﮏ ﮨﻮﻧﮯ ﻟﮕﺘﺎ ﺗﮭﺎ۔

---

” ﺗﻢ ﺳﺐ ﻟﻮﮒ ﺟﺎﺭﮨﮯ ﮨﻮ؟ ” ﺑﺎﺭ ﺑﺎﺭ ﭘﻮﭼﮭﻨﮯ ﺍﻭﺭ ﺍﺱ ﮐﺎ ﺟﻮﺍﺏ ﻋﻨﺎﯾﮧ ﺳﮯ ﮨﺎﮞ ﻣﯿﮟ ﻣﻠﻨﮯ ﮐﮯ ﺑﺎﻭﺟﻮﺩ ﺍﯾﺮﮎ ﮐﻮ ﯾﻘﯿﻦ ﻧﮩﯿﮟ ﺁﺭﮨﺎ ﺗﮭﺎ ﮐﮧ ﯾﮧ ﻣﻤﮑﻦ ﺗﮭﺎ ﺍﻭﺭ ﮐﺒﮭﯽ ﮨﻮﺳﮑﺘﺎ ﺗﮭﺎ۔
” ﻟﯿﮑﻦ ﮐﯿﻮﮞ؟ ” ﺍﮔﻼ ﺳﻮﺍﻝ ﮐﺮﻧﮯ ﮐﺎ ﺧﯿﺎﻝ ﺍُﺳﮯ ﺑﮍﯼ ﺩﯾﺮ ﺑﻌﺪ ﺁﯾﺎ ﺗﮭﺎ ﺣﺎﻻﻧﮑﮧ ﻋﻨﺎﯾﮧ ﺍُﺱ ﺳﻮﺍﻝ ﺳﮯ ﭘﮩﻠﮯ ﺍﺱ ﮐﺎ ﺑﮭﯽ ﺟﻮﺍﺏ ﺩﮮ ﭼﮑﯽ ﺗﮭﯽ۔
” ﺑﺎﺑﺎ ﭼﺎﮨﺘﮯ ﮨﯿﮟ ﮨﻢ ﮐﭽﮫ ﺳﺎﻝ ﺩﺍﺩﺍ ﺩﺍﺩﯼ ﮐﮯ ﭘﺎﺱ ﺭﮨﯿﮟ … ﻭﮦ ﺍﮐﯿﻠﮯ ﮨﯿﮟ ﭘﺎﮐﺴﺘﺎﻥ ﻣﯿﮟ۔ ” ﻋﻨﺎﯾﮧ ﺳﮯ ﮨﻤﯿﺸﮧ ﮐﯽ ﻃﺮﺡ ﺑﮍﮮ ﺗﺤﻤﻞ ﺳﮯ ﺍﺱ ﮐﮯ ﺍﺱ ﺳﻮﺍﻝ ﮐﺎ ﺟﻮﺍﺏ ﺍﯾﮏ ﺑﺎﺭ ﭘﮭﺮ ﺩﮨﺮﺍﯾﺎ۔
” ﭼﻨﺪ ﺳﺎﻝ؟ ﮐﺘﻨﮯ ﺳﺎﻝ؟ ” ﺍﯾﺮﮎ ﺑﮯ ﺣﺪ ﮈﺳﭩﺮﺑﮉ ﺗﮭﺎ۔ ” ﭘﺘﮧ ﻧﮩﯿﮟ ”… ﻋﻨﺎﯾﮧ ﻧﮯ ﺟﻮﺍﺏ ﺩﯾﺎ ﺍﻭﺭ ﺍُﺳﮯ ﻭﺍﻗﻌﯽ ﺍﺱ ﺳﻮﺍﻝ ﮐﺎ ﺟﻮﺍﺏ ﻧﮩﯿﮟ ﭘﺘﮧ ﺗﮭﺎ۔
” ﻟﯿﮑﻦ ﯾﮧ ﮔﮭﺮ ﮐﯿﻮﮞ ﭼﮭﻮﮌ ﺭﮨﮯ ﮨﻮ ﺗﻢ ﻟﻮﮒ؟ ﺗﻤﮩﺎﺭﮮ ﻓﺎﺩﺭ ﺍﻭﺭ ﺟﺒﺮﻝ ﺗﻮ ﻧﮩﯿﮟ ﺟﺎ ﺭﮨﮯ؟ ” ﺍﯾﺮﮎ ﻧﮯ ﺍُﺳﯽ ﺍﻧﺪﺍﺯ ﻣﯿﮟ ﮐﮩﺎ ﺗﮭﺎ۔
” ﺑﺎﺑﺎ ﻧﯿﻮﯾﺎﺭﮎ ﺷﻔﭧ ﮨﻮﺭﮨﮯ ﮨﯿﮟ ﺟﺒﺮﯾﻞ ﻭﯾﺴﮯ ﮨﯽ ﯾﻮﻧﯿﻮﺭﺳﭩﯽ ﻣﯿﮟ ﮨﮯ … ﺍﺗﻨﺎ ﺑﮍﺍ ﮔﮭﺮ ﮨﻤﺎﺭﯼ ﺿﺮﻭﺭﺕ ﻧﮩﯿﮟ ﺭﮨﺎ ﺍﺏ۔ ” ﻋﻨﺎﯾﮧ ﻧﮯ ﺩﮨﺮﺍﯾﺎ۔ ﻟﯿﮑﻦ ﺗﻢ ﭘﺮﯾﺸﺎﻥ ﻣﺖ ﮨﻮ … ﮨﻢ ﻟﻮﮒ ﺍﻣﺮﯾﮑﮧ ﺗﻮ ﺁﺗﮯ ﺟﺎﺗﮯ ﺭﮨﯿﮟ ﮔﮯ … ﺍﻭﺭ ﺗﻢ ﭘﺎﮐﺴﺘﺎﻥ ﺁﺳﮑﺘﮯ ﮨﻮ … ﺟﺐ ﺑﮭﯽ ﺗﻤﮩﺎﺭﺍ ﺩﻝ ﭼﺎﮨﮯ۔ ” ﻋﻨﺎﯾﮧ ﮐﻮ ﺍﻧﺪﺍﺯﮦ ﺗﮭﺎ ﺍُﺱ ﮐﯽ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﺟﺬﺑﺎﺗﯽ ﻭﺍﺑﺴﺘﮕﯽ ﮐﺎ … ﻭﮦ ﺍُﻥ ﮐﮯ ﺑﻐﯿﺮ ﺍﮐﯿﻼ ﺭﮦ ﺟﺎﻧﮯ ﻭﺍﻻ ﺗﮭﺎ۔
ﻭﮦ ﺩﻭﻧﻮﮞ ﺍﺱ ﻭﻗﺖ ﺳﮑﻮﻝ ﮐﮯ ﮔﺮﺍﺅﻧﮉ ﮐﮯ ﺍﯾﮏ ﺑﯿﻨﭻ ﭘﺮ ﺑﺮﯾﮏ ﮐﮯ ﺩﻭﺭﺍﻥ ﺑﯿﭩﮭﮯ ﮨﻮﺋﮯ ﺗﮭﮯ … ﺍﯾﺮﮎ ﻧﮯ ﺍُﺱ ﮐﯽ ﺑﺎﺗﻮﮞ ﮐﮯ ﺟﻮﺍﺏ ﻣﯿﮟ ﮐﭽﮫ ﺑﮭﯽ ﻧﮩﯿﮟ ﮐﮩﺎ ﺗﮭﺎ، ﻭﮦ ﺑﺲ ﺧﺎﻣﻮﺵ ﺑﯿﭩﮭﺎ ﺭﮨﺎ ﺗﮭﺎ ۔
،،،،،،،،
ﻭﮦ ﺩﻭﻧﻮﮞ ﺍﺱ ﻭﻗﺖ ﺳﮑﻮﻝ ﮐﮯ ﮔﺮﺍﺅﻧﮉ ﮐﮯ ﺍﯾﮏ ﺑﯿﻨﭻ ﭘﺮ ﺑﺮﯾﮏ ﮐﮯ ﺩﻭﺭﺍﻥ ﺑﯿﭩﮭﮯ ﮨﻮﺋﮯ ﺗﮭﮯ … ﺍﯾﺮﮎ ﻧﮯ ﺍُﺱ ﮐﯽ ﺑﺎﺗﻮﮞ ﮐﮯ ﺟﻮﺍﺏ ﻣﯿﮟ ﮐﭽﮫ ﺑﮭﯽ ﻧﮩﯿﮟ ﮐﮩﺎ ﺗﮭﺎ، ﻭﮦ ﺑﺲ ﺧﺎﻣﻮﺵ ﺑﯿﭩﮭﺎ ﺭﮨﺎ ﺗﮭﺎ ﯾﻮﮞ ﺟﯿﺴﮯ ﺍُﺱ shock ﮐﻮ digest ﮐﺮﻧﮯ ﮐﯽ ﮐﻮﺷﺶ ﮐﺮﺭﮨﺎ ﺗﮭﺎ ﺟﻮ ﻋﻨﺎﯾﮧ ﮐﮯ ﺍﻧﮑﺸﺎﻑ ﻧﮯ ﺍُﺳﮯ ﺩﯾﺎ ﺗﮭﺎ۔
” ﮐﯿﺎ ﻣﯿﮟ ﺗﻢ ﻟﻮﮔﻮﮞ ﮐﮯ ﺳﺎﺗﮫ ﻧﮩﯿﮟ ﺟﺎﺳﮑﺘﺎ؟ ” ﺍﯾﮏ ﻟﻤﺒﯽ ﺧﺎﻣﻮﺷﯽ ﮐﮯ ﺑﻌﺪ ﺍﯾﺮﮎ ﻧﮯ ﺑﺎﻵﺧﺮ ﺍُﺱ ﺳﮯ ﮐﮩﺎ۔ ﺳﻮﺍﻝ ﻧﮯ ﻋﻨﺎﯾﮧ ﮐﻮ ﻣﺸﮑﻞ ﻣﯿﮟ ﮈﺍﻝ ﺩﯾﺎ۔ ﺟﻮﺍﺏ ﻭﮦ ﺟﺎﻧﺘﯽ ﺗﮭﯽ ﻟﯿﮑﻦ ﺩﮮ ﻧﮩﯿﮟ ﺳﮑﺘﯽ ﺗﮭﯽ۔
” ﺗﻤﮩﺎﺭﯼ ﻣﻤّﯽ ﺍﻭﺭ ﻓﯿﻤﻠﯽ ﮐﻮ ﺗﻤﮩﺎﺭﯼ ﺿﺮﻭﺭﺕ ﮨﮯ، ﺗﻢ ﺍُﻧﮩﯿﮟ ﭼﮭﻮﮌ ﮐﺮ ﮨﻤﺎﺭﮮ ﺳﺎﺗﮫ ﮐﯿﺴﮯ ﺟﺎﺳﮑﺘﮯ ﮨﻮ؟ ” ﻋﻨﺎﯾﮧ ﻧﮯ ﺍﭘﻨﮯ ﺍﻧﮑﺎﺭ ﮐﻮ ﺑﮯ ﺣﺪ ﻣﻨﺎﺳﺐ ﺍﻟﻔﺎﻅ ﻣﯿﮟ ﺍُﺱ ﺗﮏ ﭘﮩﻨﭽﺎﯾﺎ ﺗﮭﺎ۔
” ﻣﻤّﯽ ﮐﻮ ﮐﻮﺋﯽ ﺍﻋﺘﺮﺍﺽ ﻧﮩﯿﮟ ﮨﻮﮔﺎ … ﻣﯿﮟ ﺍُﻥ ﺳﮯ ﺍﺟﺎﺯﺕ ﻟﮯ ﺳﮑﺘﺎ ﮨﻮﮞ … ﮐﯿﺎ ﺗﻢ ﻟﻮﮒ ﻣﺠﮭﮯ ﺍﭘﻨﮯ ﺳﺎﺗﮫ ﺭﮐﮫ ﺳﮑﺘﮯ ﮨﻮ؟ ” ﺍﯾﮏ ﺍﻭﺭ ﺳﻮﺍﻝ ﺁﯾﺎ … ﻋﻨﺎﯾﮧ ﺍﯾﮏ ﺑﺎﺭ ﭘﮭﺮ ﻭﮨﯿﮟ ﮐﮭﮍﯼ ﮨﻮﮔﺌﯽ۔
” ﺍﯾﺮﮎ ﻣﯿﮟ ﻧﮩﯿﮟ ﺟﺎﻧﺘﯽ … ﻣﯿﮟ ﻣﻤّﯽ ﺍﻭﺭ ﺑﺎﺑﺎ ﺳﮯ ﭘﻮﭼﮫ ﺳﮑﺘﯽ ﮨﻮﮞ ﻟﯿﮑﻦ ﺍﭘﻨﯽ ﻓﯿﻤﻠﯽ ﮐﻮ ﺍﺱ ﻃﺮﺡ ﭼﮭﻮﮌ ﮐﺮ ﺍﯾﮏ ﺩﻭﺳﺮﯼ ﻓﯿﻤﻠﯽ ﮐﮯ ﺳﺎﺗﮫ ﺟﺎﻧﺎ ﭨﮭﯿﮏ ﻧﮩﯿﮟ ﮨﮯ۔ ” ﻋﻨﺎﯾﮧ ﻧﮯ ﮐﮩﺎ ﺗﮭﺎ۔ ﻭﮦ 13 ﺳﺎﻝ ﮐﯽ ﺗﮭﯽ ﺍُﺳﮯ ﺑﮍﻭﮞ ﮐﯽ ﻃﺮﺡ ﻧﮩﯿﮟ ﺳﻤﺠﮭﺎ ﺳﮑﺘﯽ ﺗﮭﯽ ﭘﮭﺮ ﺑﮭﯽ ﺍُﺱ ﻧﮯ ﮐﻮﺷﺶ ﮐﯽ ﺗﮭﯽ۔
ﺍﯾﺮﮎ ﺍُﺱ ﮐﯽ ﺑﺎﺕ ﭘﺮ ﺧﺎﻣﻮﺵ ﺭﮨﺎ ﭘﮭﺮ ﺍُﺱ ﻧﮯ ﮐﮩﺎ
” ﭼﻨﺪ ﺳﺎﻟﻮﮞ ﺗﮏ ﻣﯿﮟ ﻭﯾﺴﮯ ﮨﯽ ﯾﻮﻧﯿﻮﺭﺳﭩﯽ ﭼﻼ ﺟﺎﺅﮞ ﮔﺎ … ﮔﮭﺮ ﺳﮯ ﺗﻮ ﻭﯾﺴﮯ ﺑﮭﯽ ﺟﺎﻧﺎ ﮨﯽ ﮨﻮﮔﺎ ﻣﺠﮭﮯ۔ ” ﺍُﺱ ﻧﮯ ﺳﻮﭼﮯ ﺳﻤﺠﮭﮯ ﺑﻐﯿﺮ ﮐﮩﺎ۔
” ﭘﮭﺮ ﺗﻮ ﺍﻭﺭ ﺑﮭﯽ ﺿﺮﻭﺭﯼ ﮨﮯ ﮐﮧ ﯾﮧ ﻭﻗﺖ ﺗﻢ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﮔﺰﺍﺭﻭ۔ ” ﻋﻨﺎﯾﮧ ﻧﮯ ﺍُﺳﯽ ﻧﺮﻡ ﻟﮩﺠﮯ ﻣﯿﮟ ﮐﮩﺎ۔
” ﻣﯿﮟ ﺍﭘﻨﮯ ﺁﭖ ﮐﻮ ﺗﻤﮩﺎﺭﯼ ﻓﯿﻤﻠﯽ ﮐﺎ ﺣﺼّﮧ ﺳﻤﺠﮭﺘﺎ ﮨﻮﮞ، ﮐﯿﺎ ﺗﻢ ﻟﻮﮒ ﺍﯾﺴﺎ ﻧﮩﯿﮟ ﺳﻤﺠﮭﺘﮯ؟ ” ﺍﯾﺮﮎ ﻧﮯ ﺟﻮﺍﺑﺎً ﺍُﺱ ﺳﮯ ﮐﮩﺎ ﺍﻭﺭ ﺟﯿﺴﮯ ﭘﮭﺮ ﺳﮯ ﺍُﺳﮯ ﻣﺸﮑﻞ ﻣﯿﮟ ﮈﺍﻻ۔
” ﻣﯿﮟ ﻣﻤّﯽ ﺳﮯ ﺑﺎﺕ ﮐﺮﻭﮞ ﮔﯽ ﺍﯾﺮﮎ۔ ” ﻋﻨﺎﯾﮧ ﻧﮯ ﺍﺱ argument ﺳﮯ ﻧﮑﻠﻨﮯ ﮐﮯ ﻟﺌﮯ ﺟﯿﺴﮯ ﺍﯾﮏ ﺣﻞ ﺗﻼﺵ ﮐﯿﺎ۔
” ﺍﮔﺮ ﺗﻢ ﻟﻮﮒ ﭼﻠﮯ ﮔﺌﮯ ﺗﻮ ﻣﯿﺮﺍ ﮔﮭﺮ ﺍﯾﮏ ﺑﺎﺭ ﭘﮭﺮ ﺳﮯ ﭨﻮﭦ ﺟﺎﺋﮯ ﮔﺎ۔ ” ﺍﯾﺮﮎ ﻧﮯ ﺍُﺱ ﺳﮯ ﮐﮩﺎ ” ﻣﯿﺮﮮ ﭘﺎﺱ ﮐﻮﺋﯽ ﺍﯾﺴﯽ ﺟﮕﮧ ﻧﮩﯿﮟ ﺭﮨﮯ ﮔﯽ ﺟﮩﺎﮞ ﻣﯿﮟ ﺟﺎ ﺳﮑﻮﮞ۔ ” ﺍُﺱ ﻧﮯ ﺟﯿﺴﮯ ﻣﻨّﺖ ﻭﺍﻟﮯ ﺍﻧﺪﺍﺯ ﻣﯿﮟ ﮐﮩﺎ ﺗﮭﺎ ﯾﻮﮞ ﺟﯿﺴﮯ ﯾﮧ ﺳﺐ ﻋﻨﺎﯾﮧ ﮐﮯ ﮨﺎﺗﮫ ﻣﯿﮟ ﺗﮭﺎ، ﻭﮦ ﭼﺎﮨﺘﯽ ﺗﻮ ﺳﺐ ﮐُﭽﮫ ﺭﮎ ﺟﺎﺗﺎ۔
ﻋﻨﺎﯾﮧ ﮐﺎ ﺩﻝ ﺑُﺮﯼ ﻃﺮﺡ ﭘﺴﯿﺠﺎ ﺗﮭﺎ۔
” ﺍﯾﺴﮯ ﻣﺖ ﮐﮩﻮ ﺍﯾﺮﮎ … ﺩﻭﺭ ﺟﺎﻧﮯ ﺳﮯ ﯾﮧ ﺗﮭﻮﮌﯼ ﮨﻮﺗﺎ ﮨﮯ ﮐﮧ ﺗﻤﮩﺎﺭﮮ ﺳﺎﺗﮫ ﮨﻤﺎﺭﺍ ﺗﻌﻠﻖ ﺑﮭﯽ ﺧﺘﻢ ﮨﻮﺟﺎﺋﮯ ﮔﺎ، ﮨﻢ ﻟﻮﮒ ﻣﻠﺘﮯ ﺭﮨﯿﮟ ﮔﮯ … ﺑﺎﺕ ﺑﮭﯽ ﮐﺮﯾﮟ ﮔﮯ Emails ﺑﮭﯽ … ﭼﮭﭩﯿﻮﮞ ﻣﯿﮟ ﺗﻢ ﮨﻤﺎﺭﮮ ﭘﺎﺱ ﭘﺎﮐﺴﺘﺎﻥ ﺁﺳﮑﺘﮯ ﮨﻮ … ﺍﻭﺭ ﮨﻢ ﯾﮩﺎﮞ ﺍﻣﺮﯾﮑﮧ … ﮐﭽﮫ ﺑﮭﯽ ﺧﺘﻢ ﮨﻮﻧﮯ ﻧﮩﯿﮟ ﺟﺎﺭﮨﺎ۔ ” ﻋﻨﺎﯾﮧ ﻧﮯ ﺍُﺳﮯ ﺗﺴﻠّﯽ ﺩﯾﻨﮯ ﮐﯽ ﮐﻮﺷﺶ ﮐﯽ، ﯾﮧ ﺟﺎﻧﺘﮯ ﮨﻮﺋﮯ ﺑﮭﯽ ﮐﮧ ﺍﯾﺮﮎ ﭨﮭﯿﮏ ﮐﮩﮧ ﺭﮨﺎ ﺗﮭﺎ … ﻓﺎﺻﻠﮧ ﺩﯾﻮ ﮨﻮﺗﺎ ﮨﮯ، ﺳﺎﺭﮮ ﺗﻌﻠﻖ ﮐﮭﺎﺟﺎﺗﺎ ﮨﮯ … ﭘﯿﺎﺭ ﮐﺎ، ﺩﻝ ﮐﺎ ، ﺩﻭﺳﺘﯽ ﮐﺎ، ﺭﺷﺘﻮﮞ ﮐﺎ۔
” ﺍﮔﺮ ﻭﮦ ﺳﺐ ﻧﮩﯿﮟ ﺭﮎ ﺳﮑﺘﮯ ﺗﻮ ﺗﻢ ﺭُﮎ ﺟﺎﺅ۔ ” ﺍﯾﺮﮎ ﻧﮯ ﯾﮏ ﺩﻡ ﺍُﺱ ﺳﮯ ﮐﮩﺎ، ﻭﮦ ﺑُﺮﯼ ﻃﺮﺡ ﮔﮍﺑﮍﺍﺋﯽ۔
” ﻣﯿﮟ ﮐﯿﺴﮯ ﺭُﮎ ﺳﮑﺘﯽ ﮨﻮﮞ … ﭘﮩﻠﮯ ﮨﯽ ﺣﻤﯿﻦ ﺿﺪ ﮐﺮﺭﮨﺎ ﮨﮯ … ﺍﻭﺭ ﺍُﺱ ﮐﯽ ﺑﺎﺕ ﮐﻮﺋﯽ ﻧﮩﯿﮟ ﻣﺎﻥ ﺭﮨﺎ ﺍﻭﺭ ﻣﺠﮭﮯ ﺗﻮ ﮐﻮﺋﯽ ﺍﻋﺘﺮﺍﺽ ﺑﮭﯽ ﻧﮩﯿﮟ ﮨﮯ … ﻣﯿﮟ ﻣﻤّﯽ ﮐﯽ help ﮐﺮﻧﺎ ﭼﺎﮨﺘﯽ ﮨﻮﮞ ﺩﺍﺩﺍ ﺩﺍﺩﯼ ﮐﺎ ﺧﯿﺎﻝ ﺭﮐﮭﻨﮯ ﻣﯿﮟ۔ ” ﺍُﺱ ﻧﮯ ﺍﯾﺮﮎ ﺳﮯ ﮐﮩﺎ ﺗﮭﺎ، ﻭﮦ ﺑﮯ ﺍﺧﺘﯿﺎﺭ ﺍُﺱ ﺳﮯ ﮐﭽﮫ ﮐﮩﻨﺎ ﭼﺎﮨﺘﺎ ﺗﮭﺎ ﻟﯿﮑﻦ ﺭُﮎ ﮔﯿﺎ۔ ﺍﺗﻨﮯ ﺳﺎﻝ ﻋﻨﺎﯾﮧ ﮐﮯ ﺳﺎﺗﮫ ﭘﮍﮬﻨﮯ ﺍُﺱ ﮐﮯ ﺳﺎﺗﮫ ﺩﻭﺳﺘﯽ ﺍﻭﺭ ﺗﻘﺮﯾﺒﺎً ﮨﺮ ﺭﻭﺯ ﺍُﺱ ﮐﮯ ﮔﮭﺮ ﺟﺎﻧﮯ ﮐﮯ ﺑﺎﻭﺟﻮﺩ ﺍُﻥ ﮐﮯ ﺩﺭﻣﯿﺎﻥ ﺍﯾﺴﯽ ﺑﮯ ﺗﮑﻠﻔﯽ ﻧﮩﯿﮟ ﺗﮭﯽ ﮐﮧ ﻭﮦ ﺍُﺳﮯ ﮐﭽﮫ ﺑﮭﯽ ﮐﮩﮧ ﺩﯾﺘﺎ ﯾﺎ ﮐﮩﮧ ﺳﮑﺘﺎ۔ ﻋﻨﺎﯾﮧ ﺳﮑﻨﺪﺭ ﮐﺎ ﻭﮦ ﺭﮐﮫ ﺭﮐﮭﺎﺅ ﻣﺎﮞ ﺑﺎﭖ ﮐﯽ ﻃﺮﻑ ﺳﮯ genes ﻣﯿﮟ ﺁﯾﺎ ﺗﮭﺎ ﯾﺎ ﺧﺎﻧﺪﺍﻧﯽ ﺗﺮﺑﯿﺖ ﺗﮭﯽ، ﻟﯿﮑﻦ ﯾﮧ ﺟﺲ ﺑﮭﯽ ﻭﺟﮧ ﺳﮯ ﺗﮭﺎ ﺍﺱ ﻧﮯ ﻋﻨﺎﯾﮧ ﺳﮑﻨﺪﺭ ﮐﻮ ﮨﻤﯿﺸﮧ ﺍﭘﻨﯽ ﮐﻼﺱ ﮐﮯ ﻟﮍﮐﻮﮞ ﮐﮯ ﻟﺌﮯ enigmatic ﺭﮐﮭﺎ ﺗﮭﺎ ﺍﻭﺭ ﺍﯾﺮﮎ ﮐﮯ ﻟﺌﮯ …fantasy ﻭﮦ ﺟﺲ ﻣﻌﺎﺷﺮﮮ ﻣﯿﮟ ﭘﻞ ﺑﮍﮪ ﺭﮨﮯ ﺗﮭﮯ ﻭﮨﺎﮞ “ I love you ” ﮨﯿﻠﻮ ﮨﺎﺋﮯ ﺟﯿﺴﯽ ﭼﯿﺰ ﺑﻦ ﮐﺮ ﺭﮦ ﮔﺌﯽ ﺗﮭﯽ … ﮐﻮﺋﯽ ﺑﮭﯽ ﮐﺴﯽ ﺳﮯ ﺑﮭﯽ ﮐﺒﮭﯽ ﺑﮭﯽ ﮐﮩﮧ ﺳﮑﺘﺎ ﺗﮭﺎ ﺍﻭﺭ ﺳﻨﻨﮯ ﮐﮯ ﻟﺌﮯ ﺗﯿّﺎﺭ ﺭﮨﺘﺎ ﺗﮭﺎ۔ ﻧﮧ ﯾﮧ ﺑُﺮﯼ ﭼﯿﺰ ﺳﻤﺠﮭﯽ ﺟﺎﺗﯽ ﺗﮭﯽ ﻧﮧ ﺑُﺮﺍ ﺑﻨﺎﺩﯾﻨﮯ ﻭﺍﻟﯽ ﭼﯿﺰ … ﺍﺱ ﮐﮯ ﺑﺎﻭﺟﻮﺩ ﺍﯾﺮﮎ ﮐﻮ ﺟﮭﺠﮭﮏ ﺗﮭﯽ ﺍُﺳﮯ ﻟﮕﺘﺎ ﺗﮭﺎ ﻭﮦ ﺍﮔﺮ ﮐﺒﮭﯽ ﻋﻨﺎﯾﮧ ﺳﮯ ﺍﭘﻨﯽ ﻣﺤﺒّﺖ ﮐﺎ ﺍﻇﮩﺎﺭ ﺍﺱ ﻃﺮﺡ ﮐﺮﮮ ﮔﺎ ﺗﻮ ﻭﮦ ﻧﺎﺭﺍﺽ ﮨﻮﺟﺎﺋﮯ ﮔﯽ ﺍﻭﺭ ﭘﮭﺮ ﺷﺎﯾﺪ ﺍﺱ ﮔﮭﺮ ﻣﯿﮟ ﺍُﺱ ﮐﺎ ﺩﺍﺧﻠﮧ ﮨﯽ ﺑﻨﺪ ﮨﻮﺟﺎﺋﮯ ﮔﺎ۔ ﺍﻭﺭ ﭘﮭﺮ ﺍﺱ ﻧﮯ ﺍﻣﺎﻣﮧ ﺳﮯ ﻭﻋﺪﮦ ﮐﯿﺎ ﺗﮭﺎ ﮐﮧ ﻭﮦ ﺍﯾﺴﯽ ﮐﻮﺋﯽ ﺑﺎﺕ ﻋﻨﺎﯾﮧ ﺳﮯ ﻧﮩﯿﮟ ﮐﮩﮯ ﮔﺎ ﺟﺐ ﺗﮏ ﻭﮦ ﺑﮍﺍ ﻧﮩﯿﮟ ﮨﻮﺟﺎﺗﺎ، ﺯﻧﺪﮔﯽ ﻣﯿﮟ ﮐﭽﮫ ﺑﻦ ﻧﮩﯿﮟ ﺟﺎﺗﺎ … ﺍﻭﺭ ﺍﯾﺮﮎ ﺍﺏ ﺍﭼﺎﻧﮏ ﺍﭘﻨﮯ ﺁﭖ ﮐﻮ ﺍﯾﮏ ﻣﺨﻤﺼﮯ ﻣﯿﮟ ﭘﺎﺭﮨﺎ ﺗﮭﺎ … ﻭﮦ ﺍﺏ ﺟﺎﺭﮨﯽ ﺗﮭﯽ … ﺷﺎﯾﺪ ﮨﻤﯿﺸﮧ ﮐﮯ ﻟﺌﮯ … ﺍﻭﺭ ﭘﺘﮧ ﻧﮩﯿﮟ ﻭﮦ ﻟﻮﮒ ﺩﻭﺑﺎﺭﮦ ﮐﺒﮭﯽ ﻣﻞ ﺑﮭﯽ ﭘﺎﺗﮯ ﺗﮭﮯ ﯾﺎ ﻧﮩﯿﮟ ﺗﻮ ﮐﯿﺎ ﺍُﺳﮯ ﺍُﺱ ﺳﮯ ﮐﮩﻨﺎ ﭼﺎﮨﯿﮯ ﺗﮭﺎ ﻭﮦ ﺳﺐ ﺟﻮ ﻭﮦ ﻋﻨﺎﯾﮧ ﮐﮯ ﻟﺌﮯ ﺩﻝ ﻣﯿﮟ ﻣﺤﺴﻮﺱ ﮐﺮﺗﺎ ﺗﮭﺎ … ﯾﺎ ﺍﯾﺴﮯ ﮨﯽ ﺧﺎﻣﻮﺵ ﺭﮨﻨﺎ ﭼﺎﮨﯿﮯ ﺗﮭﺎ۔
ﺍُﺱ ﺩﻥ ﭘﮩﻠﯽ ﺑﺎﺭ ﻋﻨﺎﯾﮧ ﮐﮯ ﺣﻮﺍﻟﮯ ﺳﮯ ﺍﯾﺮﮎ ﺑُﺮﯼ ﻃﺮﺡ ﭘﺮﯾﺸﺎﻥ ﮨﻮﺍ ﺗﮭﺎ … ﺍُﺳﮯ ﯾﮧ ﻧﮩﯿﮟ ﻟﮓ ﺭﮨﺎ ﺗﮭﺎ ﮐﮧ ﻭ ﮦ ﺟﺎﺭﮨﯽ ﺗﮭﯽ، ﺍُﺳﮯ ﻟﮓ ﺭﮨﺎ ﺗﮭﺎ ﻭﮦ ﺍُﺳﮯ ﮐﮭﻮﻧﮯ ﻭﺍﻻ ﺗﮭﺎ … ﺍﻭﺭ ﺍُﺱ ﮐﮯ ﭘﺎﺱ ﺍﺱ ﻣﺴﺌﻠﮯ ﮐﺎ ﮐﻮﺋﯽ ﺣﻞ ﻓﻮﺭ ﯼ ﻃﻮﺭ ﭘﺮ ﺳﻤﺠﮫ ﻧﮩﯿﮟ ﺁﺭﮨﺎ ﺗﮭﺎ ﺍﻭﺭ ﺟﻮ ﺣﻞ ﻭﮨﺎﮞ ﺑﯿﭩﮭﮯ ﺑﯿﭩﮭﮯ ﺍﯾﺮﮎ ﮐﺎ ﺑﺎﻵﺧﺮ ﺳﻤﺠﮫ ﺁﯾﺎ ﺗﮭﺎ … ﻭﮦ ﮐﺲ ﻗﺪﺭ ﺑﮯ ﻭﻗﻮﻓﺎﻧﮧ ﺗﮭﺎ ﺍﺱ ﮐﺎ ﺍُﺳﮯ ﺍﻧﺪﺍﺯﮦ ﺑﮭﯽ ﻧﮩﯿﮟ ﺗﮭﺎ۔

---

“ I want to marry your daughter ”
ﯾﮧ ﺍُﺱ ﺩﻭ ﺻﻔﺤﻮﮞ ﭘﺮ ﻣﺸﺘﻤﻞ ﺧﻂ ﮐﯽ ﮨﯿﮉ ﻻﺋﻦ ﺗﮭﯽ ﺟﻮ ﺳﺎﻻﺭ ﮐﻮ ﺍﯾﺮﮎ ﮐﯽ ﻃﺮﻑ ﺳﮯ ﻣﻼ ﺗﮭﺎ ﺍﻭﺭ ﺳﺎﻻﺭ ﻧﮯ ﺑﮯ ﺣﺪ ﺧﺎﻣﻮﺷﯽ ﮐﮯ ﻋﺎﻟﻢ ﻣﯿﮟ ﺍُﺱ ﺧﻂ ﮐﻮ ﭘﮍﮬﺎ ﺗﮭﺎ۔ ﻭﮦ ﺷﺎﮐﮉ ﮨﻮﺍ ﺗﮭﺎ ﺍﺱ ﻟﺌﮯ ﻧﮩﯿﮟ ﮐﮧ ﻭﮦ ﺍﯾﺮﮎ ﮐﯽ ﻃﺮﻑ ﺳﮯ ﺍﯾﺴﮯ ﮐﺴﯽ ﺧﻂ ﮐﯽ ﺗﻮﻗﻊ ﻧﮩﯿﮟ ﮐﺮ ﺭﮨﺎ ﺗﮭﺎ ﺑﻠﮑﮧ ﺍﺱ ﻟﺌﮯ ﮐﯿﻮﮞ ﮐﮧ ﺍُﺱ ﻧﮯ ﯾﮧ ﺳﻮﭼﺎ ﮨﯽ ﻧﮩﯿﮟ ﺗﮭﺎ ﮐﮧ ﻋﻨﺎﯾﮧ ﺍﺗﻨﯽ ﺑﮍﯼ ﮨﻮ ﮔﺌﯽ ﮨﮯ ﮐﮧ ﮐﻮﺋﯽ ﺍُﺱ ﮐﮯ ﺣﻮﺍﻟﮯ ﺳﮯ ﺍُﺱ ﺳﮯ ﺍﯾﺴﯽ ﺑﺎﺕ ﺑﮭﯽ ﮐﺮ ﺳﮑﺘﺎ ﺗﮭﺎ … ﻭﮦ ﺍﺱ ﻣﻌﺎﻣﻠﮯ ﻣﯿﮟ ﺭﻭﺍﯾﺘﯽ ﮨﯽ ﺗﮭﺎ ﺟﺴﮯ ﺍﺑﮭﯽ ﺑﮭﯽ ﺍﭘﻨﯽ ﺑﯿﭩﯽ ﺑﮩﺖ ﭼﮭﻮﭨﯽ ﻟﮓ ﺭﮨﯽ ﺗﮭﯽ۔
ﺍﻣﺎﻣﮧ ﺍُﺳﮯ ﭼﺎﺋﮯ ﺩﯾﻨﮯ ﺑﯿﮉﺭﻭﻡ ﻣﯿﮟ ﺁﺋﯽ ﺗﮭﯽ ﺟﺐ ﺍُﺱ ﻧﮯ ﮈﺍﮎ ﭼﯿﮏ ﮐﺮﺗﮯ ﺳﺎﻻﺭ ﮐﻮ ﺍﯾﮏ ﮐﺎﻏﺬ ﮨﺎﺗﮫ ﻣﯿﮟ ﻟﺌﮯ ﺳﻮﭼﻮﮞ ﻣﯿﮟ ﮔُﻢ ﺩﯾﮑﮭﺎ۔ ﻭﮦ ﭼﺎﺋﮯ ﮐﺎ ﮐﭗ ﺭﮐﮫ ﮐﺮ ﺟﺎﻧﮯ ﻟﮕﯽ ﺗﮭﯽ ﺟﺐ ﺳﺎﻻﺭ ﻧﮯ ﺍُﺳﮯ ﺭﻭﮎ ﻟﯿﺎ ﺍﻭﺭ ﻭﮦ ﺧﻂ ﺍُﺳﮯ ﺗﮭﻤﺎ ﺩﯾﺎ۔ ﺍﻣﺎﻣﮧ ﻧﮯ ﮐﭽﮫ ﺍُﻟﺠﮭﮯ ﺍﻧﺪﺍﺯ ﻣﯿﮟ ﺍُﺱ ﺧﻂ ﮐﻮ ﭘﮑﮍﺍ ﺗﮭﺎ ﻟﯿﮑﻦ ﭘﮩﻠﯽ ﮨﯿﮉﻧﮓ ﭘﺮ ﻧﻈﺮ ﮈﺍﻟﺘﮯ ﮨﯽ ﺍُﺱ ﮐﺎ ﺩﻣﺎﻍ ﺟﯿﺴﮯ ﺑﮭﮏ ﺳﮯ ﺍُﮌ ﮔﯿﺎ ﺗﮭﺎ … ﺩﻭﺳﺮﯼ ﻻﺋﻦ ﭘﺮ ﻧﻈﺮ ﮈﺍﻟﮯ ﺑﻐﯿﺮ ﺑﮭﯽ ﻭﮦ ﺟﺎﻧﺘﯽ ﺗﮭﯽ ﻭﮦ ﮐﻮﻥ ﮨﻮﺳﮑﺘﺎ ﺗﮭﺎ، ﻏﺼّﮯ ﮐﯽ ﺍﯾﮏ ﻟﮩﺮ ﺍُﺱ ﮐﮯ ﺍﻧﺪﺭ ﺍﺗﺮ ﺁﺋﯽ ﺗﮭﯽ ﺍﻭﺭ ﺳُﺮﺥ ﭼﮩﺮﮮ ﮐﮯ ﺳﺎﺗﮫ ﺍُﺱ ﻧﮯ ﺳﺎﻻﺭ ﺳﮯ ﮐﮩﺎ ” ﺍﯾﺮﮎ؟ ”
ﺳﺎﻻﺭ ﻧﮯ ﺳﺮ ﮨﻼﺗﮯ ﮨﻮﺋﮯ ﭼﺎﺋﮯ ﮐﺎ ﺳﭗ ﻟﯿﺎ ﺍﻭﺭ ﺍُﺳﮯ ﮐﮩﺎ ” ﺳﺎﺭﺍ ﻟﯿﭩﺮ ﭘﮍﮬﻮ۔ ” ﺍﻣﺎﻣﮧ ﻧﮯ ﻟﯿﭩﺮ ﭘﺮ ﺍﯾﮏ ﻧﻈﺮ ﮈﺍﻟﺘﮯ ﮨﻮﺋﮯ ﮐﮩﺎ ” ﺍﺳﮯ ﭘﮍﮬﮯ ﺑﻐﯿﺮ ﺑﮭﯽ ﻣﯿﮟ ﺟﺎﻧﺘﯽ ﮨﻮﮞ ﺍُﺱ ﻧﮯ ﮐﯿﺎ ﻟﮑﮭﺎ ﮨﻮﮔﺎ۔ ” ﻭﮦ ﭘﮭﺮ ﺑﮭﯽ ﺧﻂ ﭘﮍﮪ ﺭﮨﯽ ﺗﮭﯽ۔ ﺳﺎﻻﺭ ﭼﻮﻧﮑﺎ ﺗﮭﺎ ” ﺗﻢ ﺳﮯ ﺑﺎﺕ ﮐﯽ ﮨﮯ ﺍُﺱ ﻧﮯ ﭘﮩﻠﮯ؟ ” ” ﻧﮩﯿﮟ ﻣﯿﮟ ﭘﮭﺮ ﺑﮭﯽ ﺟﺎﻧﺘﯽ ﮨﻮﮞ ” ﺍﻣﺎﻣﮧ ﻧﮯ ﺑﺎﻵﺧﺮ ﺧﻂ ﺧﺘﻢ ﮐﺮﺗﮯ ﮨﻮﺋﮯ ﺍُﺳﮯ ﺗﮩﮧ ﮐﺮ ﮐﮯ ﺳﺎﻻﺭ ﮐﯽ ﻃﺮﻑ ﺑﮍﮬﺎﯾﺎ۔ ﻭﮦ ﺑﮩﺖ ﺧﻔﺎ ﻟﮓ ﺭﮨﯽ ﺗﮭﯽ۔
ﺧﻂ ﻣﯿﮟ ﺍﯾﺮﮎ ﻧﮯ ﺣﺘﯽ ﺍﻟﻤﻘﺪﻭﺭ ﺑﮯ ﺣﺪ ﻣﻨﺎﺳﺐ ﺍﻧﺪﺍﺯ ﻣﯿﮟ ﺳﺎﻻﺭ ﺳﮑﻨﺪﺭ ﺳﮯ ﻋﻨﺎﯾﮧ ﮐﮯ ﻟﺌﮯ ﺍﭘﻨﯽ ﭘﺴﻨﺪﯾﺪﮔﯽ ﮐﺎ ﺍﻇﮩﺎﺭ ﮐﯿﺎ؟

---

(جاری ہے)