آب حیات
از عمیرہ احمد
قسط نمبر_14

ﺍﮔﺮ ﺗﻢ ﺍﺱ ﺁﻭﺍﺯ ﺍﻭﺭ ﺍﻧﺪﺍﺯ ﻣﯿﮟ ﻣﺠﮫ ﺳﮯ ﺑﺎﺕ ﮐﺮﻧﺎ ﭼﺎﮨﺘﮯ ﮨﻮ ﺗﻮ ﻣﯿﮟ ﯾﮩﺎﮞ ﺍﯾﮏ ﻣﻨﭧ ﺑﮭﯽ ﻣﺰﯾﺪ ﺿﺎﺋﻊ ﻧﮩﯿﮟ ﮐﺮﻧﺎ ﭼﺎﮨﻮﮞ ﮔﺎ۔ ” ﺟﺒﺮﯾﻞ ﻧﮯ ﮐﮩﺘﮯ ﮨﻮﺋﮯ ﺍﯾﮏ ﮨﺎﺗﮫ ﺳﮯ ﺍﭘﻨﺎ ﻭﺍﻟﭧ ﺟﯿﺐ ﺳﮯ ﻧﮑﺎﻻ ﺍﻭﺭ ﺩﻭﺳﺮﮮ ﮨﺎﺗﮫ ﮐﻮ ﻓﻀﺎ ﻣﯿﮟ ﺫﺭﺍ ﺳﺎ ﺑﻠﻨﺪ ﮐﺮ ﮐﮯ ﻭﯾﭩﺮ ﮐﻮ ﺍﭘﻨﯽ ﻃﺮﻑ ﻣﺘﻮﺟﮧ ﮐﯿﺎ ﺍﻭﺭ ﺍُﺳﮯ ﺑﻞ ﻻﻧﮯ ﮐﺎ ﺍﺷﺎﺭﮦ ﮐﯿﺎ۔ ﺍﺣﺴﻦ ﺳﻌﺪ ﮐﻮ ﯾﮏ ﺩﻡ ﮨﯽ ﺍﺣﺴﺎﺱ ﮨﻮﺍ، ﻭﮦ ﺳﺎﻣﻨﮯ ﺑﯿﭩﮭﮯ ﮨﻮﺋﮯ ﺷﺨﺺ ﮐﻮ ﻏﻠﻂ ﻃﺮﯾﻘﮯ ﺳﮯ ﮨﯿﻨﮉﻝ ﮐﺮﻧﮯ ﮐﯽ ﮐﻮﺷﺶ ﮐﺮ ﺭﮨﺎ ﺗﮭﺎ۔
” ﻣﯿﮟ ﺍﭘﻨﮯ ﺑﯿﭩﮯ ﮐﮯ ﻗﺘﻞ ﮐﯽ ﻭﺟﮧ ﺳﮯ ﺍﺱ ﻗﺪﺭ ﻓﺮﺳﭩﺮﯾﭩﮉ ﮨﻮﮞ ﮐﮧ۔۔۔۔۔۔۔۔۔۔۔۔۔۔۔۔۔ I am sorry ۔ ” ﻭﮦ ﺍﮔﻠﮯ ﮨﯽ ﻟﻤﺤﮯ ﮔﺮﮔﭧ ﮐﯽ ﻃﺮﺡ ﺍﯾﮏ ﺑﺎﺭ ﭘﮭﺮ ﺭﻧﮓ ﺑﺪﻝ ﮔﯿﺎ ﺗﮭﺎ۔ ﺍﺏ ﺍُﺱ ﮐﯽ ﺁﻭﺍﺯ ﮨﻠﮑﯽ ﺗﮭﯽ، ﺑﮭﻨﭽﯽ ﮨﻮﺋﯽ ﻣﭩﮭﯿﺎﮞ ﮈﮬﯿﻠﯽ ﭘﮍ ﮔﺌﯽ ﺗﮭﯿﮟ ﺍﻭﺭ ﻭﮦ ﺍﯾﮏ ﮨﺎﺗﮫ ﺳﮯ ﺍﭘﻨﺎ ﻣﺎﺗﮭﺎ ﺍﻭﺭ ﮐﻨﭙﭩﯿﺎﮞ ﺭﮔﮍ ﺭﮨﺎ ﺗﮭﺎ۔ ﺟﺒﺮﯾﻞ ﻧﮯ ﺍُﺱ ﺗﺒﺪﯾﻠﯽ ﮐﻮ ﺑﮭﯽ ﺍﺗﻨﯽ ﮨﯽ ﺑﺎﺭﯾﮑﯽ ﺳﮯ ﺩﯾﮑﮭﺎ ﺗﮭﺎ ﺟﺘﻨﯽ ﺑﺎﺭﯾﮑﯽ ﺳﮯ ﺍُﺱ ﻧﮯ ﭘﮩﻠﯽ ﺗﺒﺪﯾﻠﯽ ﺩﯾﮑﮭﯽ ﺗﮭﯽ ﺍﻭﺭ ﺍُﺱ ﻧﮯ ﺍﺣﺴﻦ ﺳﻌﺪ ﮐﯽ ﻣﻌﺬﺭﺕ ﮐﻮ ﻗﺒﻮﻝ ﮐﯿﺎ ﺗﮭﺎ۔
” ﺗﻢ ﻣﯿﺮﮮ ﻣﺴﻠﻤﺎﻥ ﺑﮭﺎﺋﯽ ﮨﻮ ﺍﻭﺭ ﻣﯿﮟ ﭼﺎﮨﺘﺎ ﮨﻮﮞ ﮐﮧ ﺗﻤﮩﯿﮟ ﺍﺱ ﺩﮬﻮﮐﮯ ﺳﮯ ﺑﭽﺎ ﻟﻮﮞ، ﺟﻮ ﻣﯿﮟ ﻧﮯ ﮐﮭﺎﯾﺎ۔ ” ﺍُﺱ ﮐﺎ ﺍﮔﻼ ﺟﻤﻠﮧ ﺟﺒﺮﯾﻞ ﮐﮯ ﺳﺮ ﮐﮯ ﺍﻭﭘﺮ ﺳﮯ ﮔﺰﺭ ﮔﯿﺎ ﺗﮭﺎ۔ ﺍﺣﺴﻦ ﺳﻌﺪ ﺍﺏ ﺑﮯ ﺣﺪ ﻧﺮﻡ ﺍﻭﺭ ﺩﮬﯿﻤﮯ ﺍﻧﺪﺍﺯ ﻣﯿﮟ ﺑﺎﺕ ﮐﺮ ﺭﮨﺎ ﺗﮭﺎ، ﺑﮯ ﺣﺪ ﺷﺎﺋﺴﺘﮕﯽ ﮐﮯ ﺳﺎﺗﮫ۔ ﺟﺒﺮﯾﻞ ﻧﮯ ﭨﻮﮐﮯ ﺑﻐﯿﺮ ﺍُﺳﮯ ﺑﺎﺕ ﮐﺮﻧﮯ ﺩﯼ۔
” ﻣﯿﺮﯼ ﺑﯿﻮﯼ ﺍﯾﮏ characterless ﻋﻮﺭﺕ ﮨﮯ۔ ﺟﺲ ﻃﺮﺡ ﺍُﺱ ﻧﮯ ﺗﻤﮩﯿﮟ ﺍُﻟّﻮ ﺑﻨﺎﯾﺎ ﮨﮯ، ﺍﭘﻨﯽ ﻣﻈﻠﻮﻣﯿﺖ ﺍﺳﺘﻌﻤﺎﻝ ﮐﺮ ﮐﮯ۔ ﺍُﺳﯽ ﻃﺮﺡ ﺗﻢ ﺳﮯ ﭘﮩﻠﮯ ﺩﺭﺟﻨﻮﮞ ﮐﻮ ﺑﻨﺎ ﭼﮑﯽ ﮨﮯ۔ ﻭﮦ ﮐﺴﯽ ﺑﮭﯽ ﻣﺮﺩ ﮐﻮ ﻣﻨﭩﻮﮞ ﻣﯿﮟ ﺍﭘﻨﯽ ﻣﭩﮭﯽ ﻣﯿﮟ ﮐﺮ ﮐﮯ ﺍﻧﮕﻠﯿﻮﮞ ﭘﺮ ﻧﭽﺎ ﺳﮑﺘﯽ ﮨﮯ۔ ” ﺍُﺱ ﮐﮯ ﻟﮩﺠﮯ ﻣﯿﮟ ﻋﺎﺋﺸﮧ ﮐﮯ ﻟﺌﮯ ﺍﺗﻨﺎ ﺯﮨﺮ ﻣﻮﺟﻮﺩ ﺗﮭﺎ ﮐﮧ ﺟﺒﺮﯾﻞ ﺩﻡ ﺑﺨﻮﺩ ﺭﮦ ﮔﯿﺎ ﺗﮭﺎ۔ ﻭﮦ ﺟﻦ ﻟﻮﮔﻮﮞ ﻣﯿﮟ ﺍُﭨﮭﺘﺎ ﺑﯿﭩﮭﺘﺎ ﺗﮭﺎ ﻭﮨﺎﮞ ﻃﻼﻕ ﺑﮭﯽ ﮨﻮﺗﯽ ﺗﮭﯽ، ﺑﺮﯾﮏ ﺍﭖ ﺑﮭﯽ، ﻣﮕﺮ ﮐﻮﺋﯽ ﺍﭘﻨﯽ ﺑﯿﻮﯼ ﮐﮯ ﺑﺎﺭﮮ ﻣﯿﮟ ﺍﺱ ﻃﺮﺡ ﮐﯽ ﮔﻔﺘﮕﻮ ﻧﮩﯿﮟ ﮐﺮﺗﺎ ﺗﮭﺎ ﺟﺲ ﻃﺮﺡ ﮐﯽ ﮔﻔﺘﮕﻮ ﺍﺣﺴﻦ ﮐﺮ ﺭﮨﺎ ﺗﮭﺎ۔
” ﻣﯿﺮﺍ ﻋﺎﺋﺸﮧ ﮐﮯ ﺳﺎﺗﮫ ﮐﺴﯽ ﻗﺴﻢ ﮐﺎ ﮐﻮﺋﯽ ﺗﻌﻠﻖ ﻧﮩﯿﮟ ﺗﮭﺎ ﺍﻭﺭ ﻣﯿﮟ ﺳﻤﺠﮫ ﻧﮩﯿﮟ ﭘﺎ ﺭﮨﺎ ﮐﮧ ﺗﻤﮩﺎﺭﯼ ﺑﺎﺗﻮﮞ ﮐﻮ ﺍﻟﺰﺍﻣﺎﺕ ﺳﻤﺠﮭﻮﮞ ﯾﺎ ﻏﻠﻂ ﻓﮩﻤﯽ؟ ” ﺟﺒﺮﯾﻞ ﻣﺪﺍﺧﻠﺖ ﮐﯿﮯ ﺑﻐﯿﺮ ﻧﮩﯿﮟ ﺭﮦ ﺳﮑﺎ ﺗﮭﺎ۔
” ﯾﮧ ﺣﻘﺎﺋﻖ ﮨﯿﮟ۔ ” ﺍﺣﺴﻦ ﻧﮯ ﺟﻮﺍﺑﺎً ﮐﮩﺎ۔
” ﺟﻮ ﺑﮭﯽ ﮨﮯ، ﻣﺠﮭﮯ ﺍﻥ ﻣﯿﮟ ﺩﻟﭽﺴﭙﯽ ﻧﮩﯿﮟ۔ ﻋﺎﺋﺸﮧ ﺍﯾﮏ ﺑﮩﺖ ﺍﭼﮭﯽ ﻟﮍﮐﯽ ﮨﮯ ﺍﻭﺭ ﻣﯿﮟ ﻧﮯ ﺻﺮﻑ ﺍﺱ ﻟﺌﮯ ﺍُﺱ ﮐﯽ ﻣﺪﺩ ﮐﯽ ﮐﯿﻮﻧﮑﮧ ﺍُﺱ ﮐﯽ ﺑﮩﻦ ﻣﯿﺮﯼ ﮐﻼﺱ ﻓﯿﻠﻮ ﺗﮭﯽ۔۔۔۔۔۔۔۔۔۔۔۔ ” ﺍﺣﺴﻦ ﻧﮯ ﺍُﺱ ﮐﯽ ﺑﺎﺕ ﮐﺎﭨﯽ۔
” ﺗﻢ ﺍُﺱ ﮐﯽ ﺑﮩﻦ ﮐﻮ ﺟﺎﻧﺘﮯ ﮨﻮ ﮔﮯ، ﺍﺱ ﻋﻮﺭﺕ ﮐﻮ ﻧﮩﯿﮟ۔ ﺍﺱ ﻓﺎﺣﺸﮧ ﺍﻭﺭ ﺣﺮّﺍﻓﮧ ﮐﻮ ﻧﮩﯿﮟ۔۔۔۔۔۔۔۔۔۔۔۔۔۔۔۔ ”
۔ ” Language please ” ﺟﺒﺮﯾﻞ ﮐﺎ ﭼﮩﺮﮦ ﺍﻭﺭ ﮐﺎﻧﻮﮞ ﮐﯽ ﻟﻮﯾﮟ ﺑﯿﮏ ﻭﻗﺖ ﺳُﺮﺥ ﮨﻮﺋﯽ ﺗﮭﯿﮟ۔ ﻭﮦ ﺍﺣﺴﻦ ﺳﻌﺪ ﺳﮯ ﺍﺱ ﻃﺮﺡ ﮐﮯ ﺍﻟﻔﺎﻅ ﮐﯽ ﺗﻮﻗﻊ ﻧﮩﯿﮟ ﮐﺮ ﺭﮨﺎ ﺗﮭﺎ۔
” ﺗﻢ ﺍﮔﺮ ﺍﺱ ﻋﻮﺭﺕ ﮐﻮ ﺟﺎﻧﺘﮯ ﮨﻮﺗﮯ ﺗﻮ ﺗﻤﮩﯿﮟ ﺍﻥ ﺍﻟﻔﺎﻅ ﭘﺮ ﮐﺒﮭﯽ ﺍﻋﺘﺮﺍﺽ ﻧﮧ ﮨﻮﺗﺎ۔ ﯾﮧ ﺍﺱ ﺳﮯ ﺯﯾﺎﺩﮦ ﮔﻨﺪﮮ ﺍﻟﻔﺎﻅ deserve ﮐﺮﺗﯽ ﮨﮯ۔ ” ﺍﺣﺴﻦ ﮐﯽ ﺯﺑﺎﻥ ﻭﯾﺴﮯ ﮨﯽ ﭼﻠﺘﯽ ﺭﮨﯽ ﺗﮭﯽ۔
” ﻭﮦ ﺗﻤﮩﺎﺭﯼ ﺑﯿﻮﯼ ﺭﮦ ﭼﮑﯽ ﮨﮯ، ﺗﻤﮩﺎﺭﮮ ﺍﯾﮏ ﺑﭽّﮯ ﮐﯽ ﻣﺎﮞ ﮨﮯ۔ ﮐﻢ ﺍﺯ ﮐﻢ ﺗﻢ ﺳﮯ ﯾﮧ ﺍﻟﻔﺎﻅ deserve ﻧﮩﯿﮟ ﮐﺮﺗﯽ۔ ﺑﯿﻮﯼ ﺑُﺮﯼ ﮨﻮ ﺳﮑﺘﯽ ﮨﮯ، ﻣﺎﮞ ﺑﮭﯽ۔ ﻣﮕﺮ ﻋﻮﺭﺕ ﮐﯽ ﻋﺰﺕ ﮨﻮﺗﯽ ﮨﮯ ﻧﺎ۔ ﺍﺗﻨﯽ respect ﺗﻮ ﺩﮐﮭﺎﺅ، ﺍُﺱ ﮐﮯ ﻟﺌﮯ۔ ” ﺟﺒﺮﯾﻞ ﺑﮯ ﺣﺪ ﭨﮭﻨﮉﮮ ﻣﺰﺍﺝ ﮐﺎ ﺗﮭﺎ ﻟﯿﮑﻦ ﺟﻮ ” ﮔﻔﺘﮕﻮ ” ﻭﮦ ﺳُﻦ ﺭﮨﺎ ﺗﮭﺎ ﻭﮦ ﺍُﺱ ﺟﯿﺴﮯ ﭨﮭﻨﮉﮮ ﻣﺰﺍﺝ ﮐﮯ ﺷﺨﺺ ﮐﻮ ﮐﮭﻮﻻ ﺩﯾﻨﮯ ﮐﮯ ﻟﺌﮯ ﺑﮭﯽ ﮐﺎﻓﯽ ﺗﮭﯽ۔
” ﺟﻮ ﻋﻮﺭﺕ ﺑﯿﻮﯼ ﺭﮦ ﭼﮑﯽ ﮨﻮ، ﺍُﺱ ﮐﯽ ﮐﯿﺎ ﻋﺰﺕ ”! ﺍﺣﺴﻦ ﺳﻌﺪ ﻧﮯ ﺟﻮﺍﺏ ﻧﮩﯿﮟ ﺩﯾﺎ ﺗﮭﺎ، ﺍﭘﻨﯽ ﺫﮨﻨﯿﺖ ﮐﻮ ﺍُﺱ ﮐﮯ ﺳﺎﻣﻨﮯ ﻧﻨﮕﺎ ﮐﺮّ ﮐﮯ ﺭﮐﮫ ﺩﯾﺎ ﺗﮭﺎ۔
۔ ” Then I pity on you ﺍﻭﺭ ﺍُﺱ ﻋﻮﺭﺕ ﮐﻮ ﺑﮭﯽ، ﺟﻮ ﺗﻤﮩﺎﺭﯼ ﺑﯿﻮﯼ ﺭﮨﯽ۔ ” ﺟﺒﺮﯾﻞ ﻧﮯ ﺑﮯ ﺣﺪ ﺳﺮﺩ ﻟﮩﺠﮯ ﻣﯿﮟ ﺍُﺱ ﺳﮯ ﮐﮩﺎ ﺗﮭﺎ۔ ﺍُﺳﮯ ﺍﻧﺪﺍﺯﮦ ﮨﻮ ﮔﯿﺎ ﺗﮭﺎ ﻭﮦ ﻏﻠﻂ ﺷﺨﺺ ﮐﻮ ﺳﻤﺠﮭﺎﻧﮯ ﺑﯿﭩﮭﺎ ﺗﮭﺎ۔
” ﺍُﺱ ﺳﮯ ﺗﻤﮩﺎﺭﺍ ﮐﻮﺋﯽ ﺭﺷﺘﮧ ﻧﮩﯿﮟ، ﭘﮭﺮ ﺗﻤﮩﯿﮟ ﮐﯿﻮﮞ ﺗﮑﻠﯿﻒ ﮨﻮ ﺭﮨﯽ ﮨﮯ؟ ” ﺍﺣﺴﻦ ﺳﻌﺪ ﻧﮯ ﺟﻮﺍﺑﺎً ﺍُﺳﮯ ﺍﯾﮏ ﺟﮭﻠﺴﺎﻧﮯ ﻭﺍﻟﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﮐﮩﺎ ﺗﮭﺎ۔
” ﺗﻢ ﺍُﺳﮯ ﺟﺎﻧﺘﮯ ﮨﯽ ﮐﺘﻨﺎ ﮨﻮ ﮐﮧ ﺍﯾﮏ ﺷﻮﮨﺮ ﮐﯽ ﺭﺍﺋﮯ ﮐﻮ ﺭﺩ ﮐﺮ ﺭﮨﮯ ﮨﻮ؟ ”
” ﻣﯿﮟ ﺍُﺳﮯ ﺳﻮﻟﮧ ﺳﺎﻝ ﮐﯽ ﻋﻤﺮ ﺳﮯ ﺟﺎﻧﺘﺎ ﮨﻮﮞ، ﺍُﺳﮯ ﺑﮭﯽ، ﺍُﺱ ﮐﯽ ﻓﯿﻤﻠﯽ ﮐﻮ ﺑﮭﯽ۔ ﺍﻭﺭ ﻭﮦ ﺍﯾﮏ ﺑﮩﺖ ﺍﭼﮭﯽ ﻟﮍﮐﯽ ﺗﮭﯽ ﺍﻭﺭ ﮨﮯ۔ ”
ﺍﺣﺴﻦ ﺳﻌﺪ ﮐﮯ ﭼﮩﺮﮮ ﭘﺮ ﺍﯾﮏ ﺭﻧﮓ ﺁ ﮐﺮ ﮔﺰﺭﺍ ﺗﮭﺎ۔
۔ “ So I was right, it was an old affair ”
۔ “ Shut Up! You are sick ” ﺟﺒﺮﯾﻞ ﮐﻮ ﺍﺏ ﺍﭘﻨﮯ ﺳﺮ ﻣﯿﮟ ﺩﺭﺩ ﻣﺤﺴﻮﺱ ﮨﻮﻧﮯ ﻟﮕﺎ ﺗﮭﺎ۔ ﺍُﺳﮯ ﻟﮓ ﺭﮨﺎ ﺗﮭﺎ، ﻭﮦ ﺗﮭﻮﮌﯼ ﮨﯽ ﺩﯾﺮ ﻣﯿﮟ ﺍﺣﺴﻦ ﺳﻌﺪ ﮐﮯ ﺳﺎﺗﮫ ﺍُﺳﯽ ﮐﯽ ﻃﺮﺡ ﮔﺎﻟﻢ ﮔﻠﻮﭺ ﭘﺮ ﺍُﺗﺮ ﺁﺋﮯ ﮔﺎ، ﻭﮦ ﺷﺨﺺ ﮐﺴﯽ ﮐﻮ ﺑﮭﯽ infuriate ﮐﺮﻧﮯ ﮐﯽ ﺻﻼﺣﯿﺖ ﺭﮐﮭﺘﺎ ﺗﮭﺎ، ﻭﮦ ﮐﺴﯽ ﮐﻮ ﺑﮭﯽ ﭘﺎﮔﻞ ﮐﺮ ﺳﮑﺘﺎ ﺗﮭﺎ۔
” ﺗﻢ ﻣﺠﮫ ﺳﮯ ﮐﺲ ﻟﺌﮯ ﻣﻠﻨﮯ ﺁﺋﮯ ﮨﻮ؟ ” ﺟﺒﺮﯾﻞ ﻧﮯ ﺍُﺱ ﺑﻞ ﺟﯿﮑﭧ ﮐﮯ ﺍﻧﺪﺭ ﺑﻞ ﮐﯽ ﺭﻗﻢ ﺭﮐﮭﺘﮯ ﮨﻮﺋﮯ ﺑﮯ ﺣﺪ ﺑﮯ ﺯﺍﺭﯼ ﺳﮯ ﮐﮩﺎ،، ﺟﻮ ﻭﯾﭩﺮ ﺑﮩﺖ ﭘﮩﻠﮯ ﺭﮐﮫ ﮐﺮ ﮔﯿﺎ ﺗﮭﺎ۔ ﯾﮧ ﺟﯿﺴﮯ ﺍﺣﺴﻦ ﺳﻌﺪ ﮐﮯ ﻟﺌﮯ ﺍﺷﺎﺭﮦ ﺗﮭﺎ ﮐﮧ ﻭﮦ ﻭﮨﺎﮞ ﺳﮯ ﺟﺎﻧﺎ ﭼﺎﮨﺘﺎ ﺗﮭﺎ۔
” ﻣﯿﮟ ﺗﻤﮩﯿﮟ ﺻﺮﻑ ﺍﺱ ﻋﻮﺭﺕ ﮐﮯ ﺑﺎﺭﮮ ﻣﯿﮟ ﺑﺘﺎﻧﮯ ﺁﯾﺎ ﺗﮭﺎ ﮐﮧ۔۔۔۔۔۔۔۔۔۔۔۔ ” ﺟﺒﺮﯾﻞ ﻧﮯ ﺑﮯ ﺣﺪ ﺩﺭﺷﺘﯽ ﺳﮯ ﺍُﺱ ﮐﯽ ﺑﺎﺕ ﮐﺎﭨﯽ۔
” ﺍﻭﺭ ﻣﯿﮟ ﺍﻧﭩﺮﺳﭩﮉ ﻧﮩﯿﮟ ﮨﻮﮞ، ﺍُﺱ ﮐﮯ ﯾﺎ ﺍُﺱ ﮐﮯ ﮐﺮﺩﺍﺭ ﮐﮯ ﺑﺎﺭﮮ ﻣﯿﮟ ﮐﭽﮫ ﺑﮭﯽ ﺳُﻨﻨﮯ ﻣﯿﮟ۔ I am just not ﮐﯿﻮﻧﮑﮧ ﻭﮦ ﮐﯿﺎ ﮨﮯ، ﮐﯿﺴﯽ ﮨﮯ ﯾﮧ ﻣﯿﺮﺍ ﻣﺴﺌﻠﮧ ﻧﮩﯿﮟ ﮨﮯ۔
” Is that clear to you ”?
” ﭘﮭﺮ ﺗﻢ ﺍُﺱ ﻋﻮﺭﺕ ﮐﻮ ﺳﭙﻮﺭﭦ ﮐﺮﻧﺎ ﺑﻨﺪ ﮐﺮﻭ۔ ” ﺍﺣﺴﻦ ﺳﻌﺪ ﻧﮯ ﺟﻮﺍﺑﺎً ﺍُﺱ ﺳﮯ ﮐﮩﺎ ﺗﮭﺎ۔
” ﻣﯿﮟ ﺍُﺳﮯ ﺍﺱ ﻟﯿﮯ ﺳﭙﻮﺭﭦ ﮐﺮ ﺭﮨﺎ ﮨﻮﮞ ﮐﯿﻮﻧﮑﮧ ﮐﻮﺋﯽ ﻣﺎﮞ ﺍﭘﻨﯽ ﺍﻭﻻﺩ ﮐﻮ ﻧﮩﯿﮟ ﻣﺎﺭ ﺳﮑﺘﯽ۔ ﻭﮦ negligent ﮨﻮ ﺑﮭﯽ ﺗﻮ ﺑﮭﯽ ﺍﺱ negligence ﮐﺎ ﻣﻄﻠﺐ ﯾﮧ ﻧﮩﯿﮟ ﮨﮯ ﮐﮧ ﻭﮦ ﺍُﺱ ﺍﻭﻻﺩ ﮐﻮ ﻣﺎﺭﻧﺎ ﭼﺎﮨﺘﯽ ﺗﮭﯽ ﺍﻭﺭ ﺍُﺱ ﮐﮯ ﺧﻼﻑ ﻗﺘﻞ ﮐﺎ ﮐﯿﺲ ﮐﺮ ﺩﯾﺎ ﺟﺎﺋﮯ۔ ” ﺟﺒﺮﯾﻞ ﺍﺏ ﺑﮯ ﺣﺪ blunt ﮨﻮ ﺭﮨﺎ ﺗﮭﺎ۔ ﯾﮧ ﺷﺎﯾﺪ ﺍﺣﺴﻦ ﮐﺎ ﺭﻭﯾﮧ ﺗﮭﺎ، ﺟﺲ ﻧﮯ ﺍُﺱ ﮐﺎ ﺳﺎﺭﺍ ﻟﺤﺎﻅ ﻣﻨﭩﻮﮞ ﻣﯿﮟ ﻏﺎﺋﺐ ﮐﺮ ﺩﯾﺎ ﺗﮭﺎ۔
” ﺗﻢ ﭘﮩﻠﮯ ﯾﮧ ﻃﮯ ﮐﺮﻭ ﮐﮧ ﺗﻤﮩﯿﮟ ﻋﺎﺋﺸﮧ ﺳﮯ ﻧﻔﺮﺕ ﮨﮯ ﮐﯿﻮﮞ؟ ﺍُﺱ ﮐﮯ ﻋﻮﺭﺕ ﮨﻮﻧﮯ ﮐﯽ ﻭﺟﮧ ﺳﮯ؟ ﺑﯿﻮﯼ ﮨﻮﻧﮯ ﮐﯽ ﻭﺟﮧ ﺳﮯ؟ Characterless ﮨﻮﻧﮯ ﮐﯽ ﻭﺟﮧ ﺳﮯ ﯾﺎ ﺍﭘﻨﮯ ﺑﯿﭩﮯ ﮐﻮ ﻣﺎﺭﻧﮯ ﮐﮯ ﺷﺒﮧ ﮐﯽ ﻭﺟﮧ ﺳﮯ؟ ﺗﻢ ﺑﯿﭩﮫ ﮐﺮ ﯾﮧ ﻃﮯ ﮐﺮﻭ ﮐﮧ ﺗﻤﮩﺎﺭﯼ ﺍﺗﻨﯽ ﮔﮩﺮﯼ ﻧﻔﺮﺕ ﮐﯽ ﻭﺟﮧ ﮨﮯ ﮐﯿﺎ؟ ” ﺟﺒﺮﯾﻞ ﺍُﺱ ﺳﮯ ﮐﮩﺘﺎ ﮔﯿﺎ ﺗﮭﺎ۔
۔ “ That’s none of your business ” ﺍﺣﺴﻦ ﺳﻌﺪ ﻧﮯ ﺩﺭﺷﺘﯽ ﺳﮯ ﮐﮩﺎ ﺗﮭﺎ۔
” ﻣﯿﮟ ﺗﻢ ﺳﮯ psychiatry ﭘﮍﮬﻨﮯ ﻧﮩﯿﮟ ﺁﯾﺎ۔ ” ﺟﺒﺮﯾﻞ ﻧﮯ ﺳﺮ ﮨﻼﯾﺎ
۔ Exatctly” ﻣﯿﮟ ﺑﮭﯽ ﺗﻢ ﺳﮯ morality ﭘﮍﮬﻨﮯ ﻧﮩﯿﮟ ﺁﯾﺎ۔ ﺗﻢ ﻣﺴﻠﻤﺎﻥ ﮨﻮ، ﺑﮩﺖ ﺍﭼﮭﯽ ﻃﺮﺡ ﺟﺎﻧﺘﮯ ﮨﻮ ﮐﮧ ﺟﺲ ﻋﻮﺭﺕ ﮐﻮ ﻃﻼﻕ ﺩﮮ ﺩﯼ ﮔﺌﯽ ﮨﻮ، ﺍُﺱ ﮐﮯ ﺣﻮﺍﻟﮯ ﺳﮯ ﮐﯿﺎ ﺫﻣّﮧ ﺩﺍﺭﯾﺎﮞ ﻋﺎﺋﺪ ﮨﻮﺗﯽ ﮨﯿﮟ ﺍﻭﺭ ﺍُﺱ ﻣﯿﮟ ﮐﻢ ﺍﺯ ﮐﻢ ﯾﮧ ﺫﻣّﮧ ﺩﺍﺭﯼ ﺷﺎﻣﻞ ﻧﮩﯿﮟ ﮨﮯ ﮐﮧ ﺗﻢ ﮨﺮ ﻣﺮﺩ ﮐﮯ ﺳﺎﻣﻨﮯ ﺑﯿﭩﮫ ﮐﺮ ﺍﺱ ﭘﺮ ﮐﯿﭽﮍ ﺍُﭼﮭﺎﻟﻮ۔ ”
” ﺗﻢ ﻣﺠﮭﮯ ﻣﯿﺮﺍ ﺩﯾﻦ ﺳﮑﮭﺎﻧﮯ ﮐﯽ ﮐﻮﺷﺶ ﻣﺖ ﮐﺮﻭ۔ ” ﺍﺣﺴﻦ ﺳﻌﺪ ﻧﮯ ﺍُﺱ ﮐﯽ ﺑﺎﺕ ﮐﺎﭦ ﮐﺮ ﺑﮯ ﺣﺪ ﺗﻨّﻔﺮ ﺳﮯ ﮐﮩﺎ ﺗﮭﺎ۔ ” ﻣﯿﮟ ﺣﺎﻓﻆ ﻗﺮﺁﻥ ﮨﻮﮞ، ﺍﻭﺭ ﺗﺒﻠﯿﻎ ﮐﺮﺗﺎ ﮨﻮﮞ۔ ﺩﺭﺟﻨﻮﮞ ﻏﯿﺮ ﻣﺴﻠﻤﻮﮞ ﮐﻮ ﻣﺴﻠﻤﺎﻥ ﮐﺮ ﭼﮑﺎ ﮨﻮﮞ۔ ﺗﻢ ﻣﺠﮭﮯ ﯾﮧ ﻣﺖ ﺑﺘﺎﺅ ﮐﮧ ﻣﯿﺮﺍ ﺩﯾﻦ ﻣﺠﮫ ﭘﺮ ﻋﻮﺭﺗﻮﮞ ﮐﮯ ﺣﻮﺍﻟﮯ ﺳﮯ ﮐﯿﺎ ﺫﻣﮧ ﺩﺍﺭﯼ ﻋﺎﺋﺪ ﮐﺮﺗﺎ ﮨﮯ ﺍﻭﺭ ﮐﯿﺎ ﻧﮩﯿﮟ۔ ﺗﻢ ﺍﭘﻨﮯ ﺩﯾﻦ ﮐﯽ ﻓﮑﺮ ﮐﺮﻭ ﮐﮧ ﺍﯾﮏ ﻧﺎﻣﺤﺮﻡ ﻋﻮﺭﺕ ﮐﮯ ﺳﺎﺗﮫ ﺍﻓﯿﺌﺮ ﭼﻼ ﺭﮨﮯ ﮨﻮ ﺍﻭﺭ ﻣﺠﮫ ﺳﮯ ﮐﮩﮧ ﺭﮨﮯ ﮨﻮ ﮐﮧ ﻣﯿﮟ ﺍﭘﻨﯽ ﺳﺎﺑﻘﮧ ﺁﻭﺍﺭﮦ ﺑﯿﻮﯼ ﮐﯽ ﺷﺎﻥ ﻣﯿﮟ ﻗﺼﯿﺪﮮ ﭘﮍﮬﻮﮞ۔ ” ﻭﮦ ﺑﺎﺕ ﻧﮩﯿﮟ ﮐﺮ ﺭﮨﺎ ﺗﮭﺎ۔ ﺯﮨﺮ ﺗﮭﻮﮎ ﺭﮨﺎ ﺗﮭﺎ۔ ﻭﮦ ﺟﺒﺮﯾﻞ ﮐﯽ ﺯﻧﺪﮔﯽ ﻣﯿﮟ ﺁﻧﮯ ﻭﺍﻻ ﭘﮩﻼ ﺗﺒﻠﯿﻐﯽ ﺗﮭﺎ، ﺟﺲ ﮐﯽ ﺯﺑﺎﻥ ﻣﯿﮟ ﺟﺒﺮﯾﻞ ﻧﮯ ﻣﭩﮭﺎﺱ ﮐﯽ ﺟﮕﮧ ﮐﮍﻭﺍﮨﭧ ﺩﯾﮑﮭﯽ ﺗﮭﯽ۔
” ﺗﻤﮩﺎﺭﯼ ﺗﺼﻮﯾﺮﯾﮟ ﻣﯿﮟ ﻧﮯ ﺷﺎﺩﯼ ﮐﮯ ﺑﻌﺪ ﺑﮭﯽ ﺍُﺱ ﮐﮯ ﻟﯿﭗ ﭨﺎﭖ ﻣﯿﮟ ﺩﯾﮑﮭﯽ ﺗﮭﯿﮟ ﺍﻭﺭ ﺗﺐ ﺍُﺱ ﻧﮯ ﮐﮩﺎ ﺗﮭﺎ ﺗﻢ ﺍُﺱ ﮐﯽ ﺑﮩﻦ ﮐﮯ ﺩﻭﺳﺖ ﮨﻮ، ﺗﻤﮩﺎﺭﺍ ﺍﻭﺭ ﺍُﺱ ﮐﺎ ﮐﻮﺋﯽ ﺗﻌﻠﻖ ﻧﮩﯿﮟ۔ ﻟﯿﮑﻦ ﻣﯿﮟ ﻏﻠﻂ ﻧﮩﯿﮟ ﺗﮭﺎ، ﻣﯿﺮﺍ ﺷﮏ ﭨﮭﯿﮏ ﺗﮭﺎ۔ ﮐﻮﺋﯽ ﻟﮍﮐﯽ ﺑﮩﻦ ﮐﮯ ﺑﻮﺍﺋﮯ ﻓﺮﯾﻨﮉ ﮐﯽ ﺗﺼﻮﯾﺮﯾﮟ ﺍﭘﻨﮯ laptop ﻣﯿﮟ ﺟﻤﻊ ﮐﺮ ﮐﮯ ﻧﮩﯿﮟ ﺭﮐﮭﺘﯽ ﮨﮯ۔ ” ﺍﺣﺴﻦ ﺳﻌﺪ ﮐﮩﮧ ﺭﮨﺎ ﺗﮭﺎ ﺍﻭﺭ ﺟﺒﺮﯾﻞ ﺩﻡ ﺑﺨﻮﺩ ﺗﮭﺎ۔ ” ﺍﻭﺭ ﺁﺝ ﺗﻢ ﻧﮯ ﺑﺎﻵﺧﺮ ﺑﺘﺎ ﺩﯾﺎ ﮐﮧ ﯾﮧ affair ﮐﺘﻨﺎ ﭘُﺮﺍﻧﺎ ﺗﮭﺎ۔ ﺍﺳﯽ ﻟﺌﮯ ﺗﻮ ﺍُﺱ ﻋﻮﺭﺕ ﻧﮯ ﺟﺎﻥ ﭼﮭﮍﺍﺋﯽ ﮨﮯ، ﻣﯿﺮﮮ ﺑﯿﭩﮯ ﮐﻮ ﻣﺎﺭ ﮐﺮ۔ ” ﺍُﺱ ﮐﯽ ﺫﮨﻨﯽ ﺣﺎﻟﺖ ﺍﺱ ﻭﻗﺖ ﺟﺒﺮﯾﻞ ﮐﻮ ﻗﺎﺑﻞِ ﺭﺣﻢ ﻟﮓ ﺭﮨﯽ ﺗﮭﯽ۔ ﺍﺗﻨﯽ ﻗﺎﺑﻞِ ﺭﺣﻢ ﮐﮧ ﻭﮦ ﺑﮯ ﺍﺧﺘﯿﺎﺭ ﮐﮩﻨﮯ ﭘﺮ ﻣﺠﺒﻮﺭ ﮨﻮﮔﯿﺎ ﺗﮭﺎ۔
” ﺍﺣﺴﻦ ﺍُﺱ ﻧﮯ ﺗﻤﮩﺎﺭﮮ ﺑﯿﭩﮯ ﮐﻮ ﻧﮩﯿﮟ ﻣﺎﺭﺍ۔ ﻭﮦ ﺳﺮﺟﺮﯼ ﻣﯿﮟ ﮨﻮﻧﮯ ﻭﺍﻟﯽ ﺍﯾﮏ ﻏﻠﻄﯽ ﺳﮯ ﻣﺎﺭﺍ ﮔﯿﺎ۔ ” ﺍُﺱ ﮐﯽ ﺯﺑﺎﻥ ﺳﮯ ﻭﮦ ﻧﮑﻼ ﺗﮭﺎ ﺟﻮ ﺷﺎﯾﺪ ﺍُﺱ ﮐﮯ ﻻﺷﻌﻮﺭ ﻣﯿﮟ ﺗﮭﺎ ﺍﻭﺭ ﺟﺲ ﺳﮯ ﻭﮦ ﺧﻮﺩ ﻧﻈﺮﯾﮟ ﭼُﺮﺍﺗﺎ ﭘﮭﺮ ﺭﮨﺎ ﺗﮭﺎ۔ ﺍﺣﺴﻦ ﮐﻮ ﺍﺱ ﮐﺎ ﺟﻤﻠﮧ ﺳُﻦ ﮐﺮ ﮐﺮﻧﭧ ﻟﮕﺎ ﺗﮭﺎ ﺍﻭﺭ ﺟﺒﺮﯾﻞ ﭘﭽﮭﺘﺎﯾﺎ ﺗﮭﺎ۔ ﻭﮦ ﺍﯾﮏ ﺑﺮﺍ ﺩﻥ ﺗﮭﺎ ﺍﻭﺭ ﺍُﺱ ﺑُﺮﮮ ﺩﻥ ﮐﺎ ﻭﮦ ﺑﺪﺗﺮﯾﻦ ﻭﻗﺖ ﺗﮭﺎ۔
” ﺗﻢ ﮐﯿﺴﮯ ﺟﺎﻧﺘﮯ ﮨﻮ ﯾﮧ؟ ” ﺍﺣﺴﻦ ﻧﮯ ﺳﺮﺳﺮﺍﺗﯽ ﮨﻮﺋﯽ ﺁﻭﺍﺯ ﻣﯿﮟ ﺍُﺱ ﺳﮯ ﮐﮩﺎ ﺗﮭﺎ ۔
” ﮐﯿﻮﻧﮑﮧ ﻣﯿﮟ ﺍُﺱ ﺁﭘﺮﯾﺸﻦ ﭨﯿﻢ ﮐﺎ ﺣﺼّﮧ ﺗﮭﺎ۔ ” ﺍﺱ ﺑﺎﺭ ﺟﺒﺮﯾﻞ ﻧﮯ ﺳﻮﭺ ﺳﻤﺠﮫ ﮐﺮ ﮐﮩﺎ ﺗﮭﺎ۔ ﺑﺪﺗﺮﯾﻦ ﺍﻧﮑﺸﺎﻑ ﻭﮦ ﺗﮭﺎ ﺟﻮ ﮨﻮ ﭼﮑﺎ ﺗﮭﺎ۔ ﺍﺏ ﺍﺱ ﮐﮯ ﺑﻌﺪ ﮐﯽ ﺗﻔﺼﯿﻼﺕ ﮐﺎ ﭘﺘﮧ ﭼﻞ ﺟﺎﻧﺎ ﯾﮧ ﻧﺎ ﭼﻠﻨﺎ ﺑﮯ ﻣﻌﻨﯽ ﺗﮭﺎ۔ ﺍﺣﺴﻦ ﺩﻡ ﺳﺎﺩﮬﮯ ﺍُﺱ ﮐﺎ ﭼﮩﺮﮦ ﺩﯾﮑﮫ ﺭﮨﺎ ﺗﮭﺎ۔ ﺳﺎﮐﺖ، ﭘﻠﮑﯿﮟ ﺟﮭﭙﮑﺎﺋﮯ ﺑﻐﯿﺮ۔ ﺍُﺱ ﮐﮯ ﭼﮩﺮﮮ ﮐﺎ ﺭﻧﮓ ﺳﺎﻧﻮﻻ ﺗﮭﺎ ﯾﺎ ﺳُﺮﺥ ﯾﺎ ﺯﺭﺩ۔ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﺟﯿﺴﮯ ﺟﺒﺮﯾﻞ ﮐﮯ ﻟﺌﮯ ﯾﮧ ﻃﮯ ﮐﺮﻧﺎ ﻣﺸﮑﻞ ﮨﻮ ﮔﯿﺎ ﺗﮭﺎ۔
” ﻭﮦ ﺳﺮﺟﺮﯼ ﻣﯿﮟ ﻧﮯ ﻧﮩﯿﮟ ﮐﯽ ﺍﺣﺴﻦ۔ ﻣﯿﮟ assist ﮐﺮ ﺭﮨﺎ ﺗﮭﺎ ﮈﺍﮐﭩﺮ ﻭﯾﺰﻝ ﮐﻮ، ﺍﻭﺭ ﻣﺠﮭﮯ ﯾﮧ ﺑﮭﯽ ﯾﻘﯿﻦ ﻧﮩﯿﮟ ﮨﮯ ﮐﮧ ﺳﺮﺟﺮﯼ ﻣﯿﮟ ﻭﺍﻗﻌﯽ ﮐﻮﺋﯽ ﻏﻠﻄﯽ ﮨﻮﺋﯽ ﺗﮭﯽ ﯾﺎ ﻭﮦ ﻣﯿﺮﺍ ﻭﮨﻢ ﺗﮭﺎ۔ ” ﺟﺒﺮﯾﻞ ﻧﮯ ﺍُﺱ ﮐﮯ ﺳﺎﻣﻨﮯ ﺟﯿﺴﮯ ﻭﺿﺎﺣﺖ ﺩﯾﻨﮯ ﮐﯽ ﮐﻮﺷﺶ ﮐﯽ ﺗﮭﯽ۔ ﺍﺣﺴﻦ ﺳﻌﺪ ﻭﮨﺎﮞ ﺍُﺳﮯ ﻋﺎﺋﺸﮧ ﻋﺎﺑﺪﯾﻦ ﺳﮯ ﺑﺪﮔُﻤﺎﻥ ﮐﺮﻧﮯ ﺁﯾﺎ ﺗﮭﺎ ﻟﯿﮑﻦ ﺍُﺳﮯ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﺍُﺳﮯ ﺟﻮﺍﺑﺎً ﺟﺒﺮﯾﻞ ﺳﮯ ﮐﯿﺎ ﭘﺘﮧ ﭼﻠﻨﮯ ﻭﺍﻻ ﺗﮭﺎ۔
ﻭﮦ ﯾﮏ ﺩﻡ ﺍُﭨﮭﺎ ﺗﮭﺎ ﺍﻭﺭ ﭘﮭﺮ ﻭﮨﺎﮞ ﺳﮯ ﭼﻼ ﮔﯿﺎ ﺗﮭﺎ۔ ﺟﺒﺮﯾﻞ ﺳﮑﻨﺪﺭ ﻭﮨﺎﮞ ﺑﯿﭩﮭﺎ ﺭﮦ ﮔﯿﺎ ﺗﮭﺎ۔

---

۔ “ Hello back in USA ” ﺻﺒﺢ ﺳﻮﯾﺮﮮ ﺍﭘﻨﮯ ﻓﻮﻥ ﮐﯽ ﺳﮑﺮﯾﻦ ﭘﺮ ﺍُﺑﮭﺮﻧﮯ ﻭﺍﻟﯽ ﺍﺱ ﺗﺤﺮﯾﺮ ﺍﻭﺭ ﺑﮭﯿﺠﻨﮯ ﻭﺍﻟﮯ ﮐﮯ ﻧﺎﻡ ﻧﮯ ﺭﺋﯿﺴﮧ ﮐﻮ ﭼﻨﺪ ﻟﻤﺤﻮﮞ ﮐﮯ ﻟﺌﮯ ﺳﺎﮐﺖ ﮐﯿﺎ ﺗﮭﺎ۔ ﺍﺱ ﮐﮯ ﺑﺎﻭﺟﻮﺩ ﮐﮧ ﻭﮦ ﯾﮧ ﺗﻮﻗﻊ ﮐﺮ ﺭﮨﯽ ﺗﮭﯽ ﮐﮧ ﻭﮦ ﻭﺍﭘﺲ ﺁﻧﮯ ﮐﮯ ﺑﻌﺪ ﺍُﺱ ﺳﮯ ﺭﺍﺑﻄﮧ ﺿﺮﻭﺭ ﮐﺮﮮ ﮔﺎ۔ ﺣﺎﻻﺕ ﺟﻮ ﺑﮭﯽ ﺗﮭﮯ، ﺍُﻥ ﺩﻭﻧﻮﮞ ﮐﮯ ﺩﺭﻣﯿﺎﻥ ﺑﮩﺮﺣﺎﻝ ﺍﯾﺴﺎ ﮐﭽﮫ ﻧﮩﯿﮟ ﮨﻮﺍ ﺗﮭﺎ ﮐﮧ ﺍُﻥ ﺩﻭﻧﻮﮞ ﮐﻮ ﺍﯾﮏ ﺩﻭﺳﺮﮮ ﺳﮯ ﭼﮭﭙﻨﺎ ﭘﮍﺗﺎ۔ “ Welcome Back ” ﮐﺎ ﭨﯿﮑﺴﭧ ﺍُﺳﮯ ﺑﮭﯿﺠﺘﮯ ﮨﻮﺋﮯ ﺭﺋﯿﺴﮧ ﻧﮯ ﺍﯾﮏ ﺑﺎﺭ ﭘﮭﺮ ﺧﻮﺩ ﮐﻮ ﯾﺎﺩ ﺩﻻﯾﺎ ﺗﮭﺎ ﮐﮧ ﺯﻧﺪﮔﯽ ﻣﯿﮟ ﮨﻮﻧﮯ ﻭﺍﻟﮯ ﺍُﺱ ﭘﮩﻠﮯ ﺑﺮﯾﮏ ﺍﭖ ﮐﻮ ﺍُﺱ ﻧﮯ ﺩﻝ ﭘﺮ ﻧﮩﯿﮟ ﻟﯿﻨﺎ ﺗﮭﺎ ﺍﻭﺭ ﺑﺎﺭ ﺑﺎﺭ ﺧﻮﺩ ﮐﻮ ﯾﮧ ﯾﺎﺩ ﺩﮨﺎﻧﯽ ﺿﺮﻭﺭﯼ ﺗﮭﯽ۔ ﺩﺭﺩ ﺧﺘﻢ ﻧﮩﯿﮟ ﮨﻮ ﺭﮨﺎ ﺗﮭﺎ، ﻟﯿﮑﻦ ﮐﻢ ﺿﺮﻭﺭ ﮨﻮﺗﺎ ﺗﮭﺎ۔ ﮐﭽﮫ ﺩﯾﺮ ﮐﮯ ﻟﺌﮯ ﺗﮭﻤﺘﺎ ﺿﺮﻭﺭ ﺗﮭﺎ۔
” ﯾﻮﻧﯿﻮﺭﺳﭩﯽ ﺟﺎ ﺭﮨﯽ ﮨﻮ؟ ” ﻭﮦ ﻧﮩﺎ ﮐﺮ ﻧﮑﻠﯽ ﺗﻮ ﺍُﺱ ﻧﮯ ﻓﻮﻥ ﭘﺮ ﮨﺸﺎﻡ ﮐﺎ ﺍﮔﻼ ﭨﯿﮑﺴﭧ ﺩﯾﮑﮭﺎ۔ ﺍُﺱ ﻧﮯ ﮨﺎﮞ ﮐﺎ ﺟﻮﺍﺑﯽ ﭨﯿﮑﺴﭧ ﮐﺮﺗﮯ ﮨﻮﺋﮯ ﺍُﺳﮯ ﺍﭘﻨﮯ ﺫﮨﻦ ﺳﮯ ﺟﮭﭩﮑﻨﮯ ﮐﯽ ﮐﻮﺷﺶ ﮐﯽ۔
” ﻣﻠﯿﮟ؟ ” ﺍﮔﻼ ﭨﯿﮑﺴﭧ ﻓﻮﺭﺍً ﺁﯾﺎ ﺗﮭﺎ۔ ﻭﮦ ﮐﺎﺭﻥ ﻓﻠﯿﮑﺲ ﮐﮭﺎﺗﮯ ﮨﻮﺋﮯ ﻣﯿﺰ ﭘﺮ ﭘﮍﮮ ﻓﻮﻥ ﭘﺮ ﭼﻤﮑﺘﮯ ﺍُﺱ ﺳﻮﺍﻝ ﮐﻮ ﺩﯾﮑﮭﺘﯽ ﺭﮨﯽ۔ ﮐﮩﻨﺎ ﭼﺎﮨﺘﯽ ﺗﮭﯽ۔ ﺍﺏ ﮐﯿﺴﮯ؟ ﻣﮕﺮ ﻟﮑﮭﺎ ﺗﮭﺎ
” ﻧﮩﯿﮟ، ﻣﯿﮟ ﻣﺼﺮﻭﻑ ﮨﻮﮞ۔ ” ﮐﺎﺭﻥ ﻓﻠﯿﮑﺲ ﺣﻠﻖ ﻣﯿﮟ ﺍﭨﮑﻨﮯ ﻟﮕﮯ ﺗﮭﮯ۔ ﻭﮦ ﺍﺏ ﺍُﺱ ﮐﺎ ﺳﺎﻣﻨﺎ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ۔ ﺩﻝ ﺳﻨﺒﮭﺎﻟﻨﮯ ﮐﯽ ﺳﺎﺭﯼ ﮐﻮﺷﺸﻮﮞ ﮐﮯ ﺑﺎﻭﺟﻮﺩ ﺍُﺱ ﮐﺎ ﺳﺎﻣﻨﺎ ﻣﺸﮑﻞ ﺗﺮﯾﻦ ﺗﮭﺎ۔ ﻭﮦ ﺭﻭﺍﯾﺘﯽ ﻟﮍﮐﯽ ﻧﮩﯿﮟ ﺑﻨﻨﺎ ﭼﺎﮨﺘﯽ ﺗﮭﯽ۔ ﻧﮧ ﮔﻠﮯ ﺷﮑﻮﮮ ﮐﺮﻧﺎ ﭼﺎﮨﺘﯽ ﺗﮭﯽ، ﻧﮧ ﻃﻨﺰ، ﻧﮧ ﺟﮭﮕﮍﺍ، ﺍﻭﺭ ﻧﮧ ﮨﯽ ﺍُﺱ ﮐﮯ ﺳﺎﻣﻨﮯ ﺭﻭ ﭘﮍﻧﺎ ﭼﺎﮨﺘﯽ ﺗﮭﯽ ﻭﮦ ﺑﺤﺮﯾﻦ ﺑﮩﺮﺣﺎﻝ ﺍﺱ ﻟﺌﮯ ﻧﮩﯿﮟ ﮔﯿﺎ ﺗﮭﺎ ﮐﮧ ﺑﭽﮭﮍ ﺟﺎﺗﺎ۔
ﻓﻮﻥ ﮐﯽ ﺍﺳﮑﺮﯾﻦ ﭘﺮ ﺟﻮﺍﺑﺎً ﺍﯾﮏ ﻣﻨﮧ ﭼﮍﺍﺗﯽ smiley ﺁﺋﯽ ﺗﮭﯽ۔ ﯾﻮﮞ ﺟﯿﺴﮯ ﺍُﺱ ﮐﮯ ﺑﮩﺎﻧﮯ ﮐﺎ ﻣﺬﺍﻕ ﺍُﮌﺍ ﺭﮨﯽ ﮨﻮ۔ ﺭﺋﯿﺴﮧ ﻧﮯ ﺍُﺳﮯ ﺍﮔﻨﻮﺭ ﮐﯿﺎ ﺍﻭﺭ ﺍُﺳﮯ ﺟﻮﺍﺑﺎً ﮐﭽﮫ ﻧﮩﯿﮟ ﺑﮭﯿﺠﺎ۔
ﭘﻨﺪﺭﮦ ﻣﻨﭧ ﺑﻌﺪ ﺍُﺱ ﻧﮯ ﺍﭘﻨﮯ ﺍﭘﺎﺭﭨﻤﻨﭧ ﮐﮯ ﺑﺎﮨﺮ ﻧﮑﻠﻨﮯ ﭘﺮ ﮔﺎﮌﯼ ﺳﻤﯿﺖ ﺍُﺳﮯ ﻭﮨﺎﮞ ﭘﺎﯾﺎ ﺗﮭﺎ۔ ﻭﮦ ﺷﺎﯾﺪ ﻭﮨﯿﮟ ﺑﯿﭩﮭﮯ ﮨﻮﺋﮯ ﺍُﺳﮯ text ﺑﮭﯿﺞ ﺭﮨﺎ ﺗﮭﺎ، ﻭﺭﻧﮧ ﺍﺗﻨﯽ ﺟﻠﺪ ﻭﮦ ﻭﮨﺎﮞ ﻧﮩﯿﮟ ﭘﮩﻨﭻ ﺳﮑﺘﺎ ﺗﮭﺎ۔ ﺍُﺳﮯ ﺳﺮﭘﺮﺍﺋﺰ ﺩﯾﻨﺎ ﺍﭼﮭﺎ ﻟﮕﺘﺎ ﺗﮭﺎ ﺍﻭﺭ ﺭﺋﯿﺴﮧ ﮐﻮ ﯾﮧ ﺳﺮﭘﺮﺍﺋﺰ ﻟﯿﻨﺎ۔ ﻣﮕﺮ ﯾﮧ ﮐﭽﮫ ﺩﻥ ﭘﮩﻠﮯ ﮐﯽ ﺑﺎﺕ ﺗﮭﯽ۔
ﻭﮦ ﺍُﺱ ﮐﮯ ﺑﻼﺋﮯ ﺑﻐﯿﺮ ﺍُﺱ ﮐﯽ ﻃﺮﻑ ﺁﺋﯽ ﺗﮭﯽ۔ ﺩﻭﻧﻮﮞ ﮐﮯ ﭼﮩﺮﻭﮞ ﭘﺮ ﺍﯾﮏ ﺩﻭﺳﺮﮮ ﮐﻮ ﺩﯾﮑﮫ ﮐﺮ ﺧﯿﺮ ﻣﻘﺪﻣﯽ ﻣﺴﮑﺮﺍﮨﭧ ﺍُﺑﮭﺮﯼ۔ ﺣﺎﻝ ﺍﺣﻮﺍﻝ ﮐﺎ ﭘﻮﭼﮭﺎ ﮔﯿﺎ، ﺍُﺱ ﮐﮯ ﺑﻌﺪ ﺭﺋﯿﺴﮧ ﻧﮯ ﺍُﺱ ﺳﮯ ﮐﮩﺎ ” ﻣﺠﮭﮯ ﺁﺝ ﯾﻮﻧﯿﻮﺭﺳﭩﯽ ﺿﺮﻭﺭ ﭘﮩﻨﭽﻨﺎ ﮨﮯ، ﮐﭽﮫ ﮐﺎﻡ ﮨﮯ۔ ” ﮨﺸّﺎﻡ ﻧﮯ ﺟﻮﺍﺑﺎً ﮐﮩﺎ۔
” ﻣﯿﮟ ﮈﺭﺍﭖ ﮐﺮ ﺩﯾﺘﺎ ﮨﻮﮞ ﺍﻭﺭ ﺳﺎﺗﮫ ﮐﭽﮫ ﮔﭗ ﺷﭗ ﺑﮭﯽ ﻟﮕﺎ ﻟﯿﮟ ﮔﮯ۔ ﺑﮍﮮ ﺩﻥ ﮨﻮ ﮔﺌﮯ ﮨﻤﯿﮟ ﻣﻠﮯ ﺍﻭﺭ ﺑﺎﺕ ﮐﯿﮯ۔ ” ﺭﺋﯿﺴﮧ ﻧﮯ ﺍُﺱ ﺳﮯ ﻧﻈﺮﯾﮟ ﭼُﺮﺍ ﻟﯿﮟ ﺗﮭﯿﮟ۔ ﻣﺰﯾﺪ ﮐﭽﮫ ﺑﮭﯽ ﮐﮩﮯ ﺑﻐﯿﺮ ﻭﮦ ﮔﺎﮌﯼ ﮐﺎ ﺩﺭﻭﺍﺯﮦ ﮐﮭﻮﻝ ﮐﺮ ﺑﯿﭩﮫ ﮔﺌﯽ ﺗﮭﯽ۔
” ﮐﯿﺎ ﮨﻮﺍ؟ ” ﮈﺭﺍﺋﯿﻮﻧﮓ ﺳﯿﭧ ﭘﺮ ﺑﯿﭩﮭﺘﮯ ﮨﯽ ﮨﺸّﺎﻡ ﻧﮯ ﺍُﺱ ﮐﯽ ﻃﺮﻑ ﻣﮍﺗﮯ ﮨﻮﺋﮯ ﺑﮯ ﺣﺪ ﺳﻨﺠﯿﺪﮔﯽ ﺳﮯ ﮐﮩﺎ۔
” ﮐﯿﺎ؟ ” ﺭﺋﯿﺴﮧ ﻧﮯ ﺍﻧﺠﺎﻥ ﺑﻨﻨﮯ ﮐﯽ ﮐﻮﺷﺶ ﮐﯽ،۔ ﯾﮧ ﮐﮩﻨﺎ ﮐﮧ ﻣﯿﮟ ﻧﺎﺧﻮﺵ ﮨﻮﮞ، ﺩﻝ ﺷﮑﺴﺘﮧ ﮨﻮﮞ، ﮐﯿﻮﻧﮑﮧ ﺗﻢ ﻣﺠﮭﮯ ﺍُﻣﯿﺪﯾﮟ ﺩﻻﺗﮯ ﺩﻻﺗﮯ ﮐﺴﯽ ﺍﻭﺭ ﻟﮍﮐﯽ ﮐﻮ ﺍﭘﻨﯽ ﺯﻧﺪﮔﯽ ﻣﯿﮟ ﻟﮯ ﺁﺋﮯ ﮨﻮ۔ ﯾﮧ ﺳﺐ ﮐﻢ ﺍﺯ ﮐﻢ ﺭﺋﯿﺴﮧ ﮐﯽ ﺯﺑﺎﻥ ﭘﺮ ﻧﮩﯿﮟ ﺁ ﺳﮑﺘﺎ ﺗﮭﺎ۔
” ﮐﯿﺎ؟ ” ﺍُﺱ ﻧﮯ ﺟﻮﺍﺑﺎً ﮨﺸّﺎﻡ ﺳﮯ ﭘﻮﭼﮭﺎ ﺗﮭﺎ۔
” ﺗﻤﮩﺎﺭﺍ ﻣﻮﮈ ﺁﻑ ﮨﮯ؟ ” ﻭﮦ ﺍﺏ ﺑﮍﯼ ﺳﻨﺠﯿﺪﮔﯽ ﺳﮯ ﭘﻮﭼﮫ ﺭﮨﺎ ﺗﮭﺎ۔
” ﻧﮩﯿﮟ، ﻣﻮﮈ ﮐﯿﻮﮞ ﺁﻑ ﮨﻮ ﮔﺎ؟ ” ﺭﺋﯿﺴﮧ ﻧﮯ ﺟﻮﺍﺑﺎً ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﺘﮯ ﮨﻮﺋﮯ ﮐﮩﺎ۔
” ﭘﺘﮧ ﻧﮩﯿﮟ، ﯾﮩﯽ ﺗﻮ ﺟﺎﻧﻨﺎ ﭼﺎﮨﺘﺎ ﮨﻮﮞ۔ ” ﻭﮦ ﺍُﻟﺠﮭﺎ ﮨﻮﺍ ﺗﮭﺎ۔ ” ﺗﻢ ﮐﭽﮫ ﺩﻧﻮﮞ ﺳﮯ ﻣﮑﻤﻞ ﻃﻮﺭ ﭘﺮ ﻏﺎﺋﺐ ﮨﻮ ﻣﯿﺮﯼ ﺯﻧﺪﮔﯽ ﺳﮯ۔ ﺑﺤﺮﯾﻦ ﺳﮯ ﺑﮭﯽ ﺭﺍﺑﻄﮧ ﮐﺮﻧﮯ ﮐﯽ ﮐﻮﺷﺶ ﮐﯽ، ﻟﯿﮑﻦ ﺗﻢ ﮐﺎﻝ ﺭﯾﺴﯿﻮ ﻧﮩﯿﮟ ﮐﺮﺗﯽ، ﻧﮧ ﮨﯽ ﻣﯿﺴﺠﺰ ﮐﺎ ﺟﻮﺍﺏ ﺩﯾﺘﯽ ﮨﻮ۔ ﮨﻮﺍ ﮐﯿﺎ ﮨﮯ؟ ”
” ﺗﻤﮩﯿﮟ ﮐﯿﺎ ﻟﮕﺘﺎ ﮨﮯ، ﮐﯿﺎ ﻭﺟﮧ ﮨﻮ ﺳﮑﺘﯽ ﮨﮯ ﻣﯿﺮﮮ ﺍِﺱ ﺭﻭﯾّﮯ ﮐﯽ؟ ” ﺭﺋﯿﺴﮧ ﻧﮯ ﺟﻮﺍﺑﺎً ﺍُﺱ ﺳﮯ ﭘﻮﭼﮭﺎ۔
” ﻣﺠﮭﮯ ﻧﮩﯿﮟ ﭘﺘﮧ۔ ” ﮨﺸّﺎﻡ ﻧﮯ ﺍﯾﮏ ﻟﻤﺤﮧ ﮐﯽ ﺧﺎﻣﻮﺷﯽ ﮐﮯ ﺑﻌﺪ ﮐﮩﺎ ﺗﮭﺎ۔
” ﻣﯿﮟ ﺍﺏ ﯾﮧ ﺳﺐ ﺧﺘﻢ ﮐﺮﻧﺎ ﭼﺎﮨﺘﯽ ﮨﻮﮞ۔ ” ﺭﺋﯿﺴﮧ ﻧﮯ ﺑﺎﻵﺧﺮ ﺍُﺱ ﺳﮯ ﮐﮩﺎ۔ ﻭﮦ ﭼﻮﻧﮑﺎ ﻧﮩﯿﮟ، ﺍُﺳﮯ ﺩﯾﮑﮭﺘﺎ ﺭﮨﺎ ﭘﮭﺮ ﺳﺮ ﺟﮭﭩﮏ ﮐﺮ ﺑﻮﻻ۔
” ﯾﻌﻨﯽ ﻣﯿﺮﺍ ﺍﻧﺪﺍﺯﮦ ﭨﮭﯿﮏ ﮨﮯ۔ ﺗﻤﮩﺎﺭﺍ ﻣﻮﮈ ﻭﺍﻗﻌﯽ ﮨﯽ ﺁﻑ ﮨﮯ۔ ” ﺭﺋﯿﺴﮧ ﻧﮯ ﺍُﺱ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﭽﮫ ﮐﮩﻨﮯ ﮐﮯ ﺑﺠﺎﺋﮯ ﺍﭘﻨﮯ ﺑﯿﮓ ﺳﮯ ﺍﻧﮕﻮﭨﮭﯽ ﮐﯽ ﻭﮦ ﮈﺑﯿﺎ ﻧﮑﺎﻝ ﻟﯽ ﺍﻭﺭ ﮔﺎﮌﯼ ﮐﮯ ﮈﯾﺶ ﺑﻮﮌ ﭘﺮ ﺭﮐﮫ ﺩﯼ۔ ﮨﺸّﺎﻡ ﺑﻮﻝ ﻧﮩﯿﮟ ﺳﮑﺎ۔ ﮔﺎﮌﯼ ﻣﯿﮟ ﺧﺎﻣﻮﺷﯽ ﺭﮨﯽ، ﭘﮭﺮ ﮨﺸّﺎﻡ ﻧﮯ ﮐﮩﺎ۔
” ﺗﻢ ﻧﮯ engagement ﮐﯽ ﺧﺒﺮ ﭘﮍﮪ ﻟﯽ ﮨﮯ؟ ”
” ﺍُﺱ ﺳﮯ ﺑﮭﯽ ﭘﮩﻠﮯ ﻣﺠﮭﮯ ﯾﮩﯽ ﺧﺪﺷﮧ ﺗﮭﺎ، ﺍﺱ ﻟﺌﮯ ﺍُﺱ ﺧﺒﺮ ﺳﮯ ﻣﯿﮟ ﺣﯿﺮﺍﻥ ﻧﮩﯿﮟ ﮨﻮﺋﯽ۔ ” ﺭﺋﯿﺴﮧ ﻧﮯ ﻣﺪﮨﻢ ﺁﻭﺍﺯ ﻣﯿﮟ ﺍُﺱ ﺳﮯ ﮐﮩﺎ۔ ﺑﮍﮮ ﭨﮭﻨﮉﮮ ﺍﻧﺪﺍﺯ ﻣﯿﮟ، ﺟﺲ ﮐﮯ ﻟﺌﮯ ﻭﮦ ﮨﻤﯿﺸﮧ ﭘﮩﭽﺎﻧﯽ ﺟﺎﺗﯽ ﺗﮭﯽ۔
” ﻣﯿﮟ ﻧﮯ ﺗﻢ ﺳﮯ ﺍﯾﮏ commitment ﮐﯽ ﺗﮭﯽ ﺭﺋﯿﺴﮧ، ﺍﻭﺭ ﻣﯿﮟ ﺍﭘﻨﺎ ﻭﻋﺪﮦ ﻧﮩﯿﮟ ﺗﻮﮌﻭﮞ ﮔﺎ۔ ﻧﯿﻮﺯ ﭘﯿﭙﺮ ﻣﯿﮟ ﺁﻧﮯ ﻭﺍﻟﯽ ﺍﯾﮏ ﺧﺒﺮ ﮨﻢ ﺩﻭﻧﻮﮞ ﮐﮯ ﺩﺭﻣﯿﺎﻥ ﺩﯾﻮﺍﺭ ﻧﮩﯿﮟ ﺑﻦ ﺳﮑﺘﯽ، ﺍﺗﻨﺎ ﮐﭽﺎ ﺭﺷﺘﮧ ﻧﮩﯿﮟ ﮨﮯ ﯾﮧ۔ ” ﮨﺸّﺎﻡ ﺑﮍﯼ ﺳﻨﺠﯿﺪﮔﯽ ﺳﮯ ﮐﮩﺘﺎ ﮔﯿﺎ ﺗﮭﺎ۔
” ﻧﯿﻮﺯ ﭘﯿﭙﺮ ﮐﯽ ﺧﺒﺮ ﮐﯽ ﺑﺎﺕ ﻧﮩﯿﮟ ﮨﮯ ﮨﺸّﺎﻡ، ﺗﻤﮩﺎﺭﯼ ﻓﯿﻤﻠﯽ ﮐﮯ ﻓﯿﺼﻠﮯ ﮐﯽ ﺑﺎﺕ ﮨﮯ۔ ﺗﻢ ﺍﺏ ﻭﻟﯽ ﻋﮩﺪ ﮨﻮ۔ ﺗﻤﮩﺎﺭﯼ ﺫﻣﮧ ﺩﺍﺭﯾﺎﮞ ﺍﻭﺭ ﺗﻢ ﺳﮯ ﺭﮐﮭﯽ ﺟﺎﻧﮯ ﻭﺍﻟﯽ ﺗﻮﻗﻌﺎﺕ ﺍﻭﺭ ﮨﯿﮟ۔ ” ﻭﮦ ﺍُﺱ ﮐﯽ ﺑﺎﺕ ﭘﺮ ﮨﻨﺴﺎ ﺗﮭﺎ۔
” ﻭﻟﯽ ﻋﮩﺪ ! ﻣﯿﮟ ﺍﺑﮭﯽ ﺗﮏ ﻧﮧ ﺍﭘﻨﮯ ﺍﺱ ﺭﻭﻝ ﮐﻮ ﺳﻤﺠﮫ ﭘﺎﯾﺎ ﮨﻮﮞ ﺍﻭﺭ ﻧﮧ ﮨﯽ ﯾﮧ ﺍﻧﺪﺍﺯﮦ ﻟﮕﺎ ﭘﺎ ﺭﮨﺎ ﮨﻮﮞ ﮐﮧ ﻣﯿﮟ ﺍﺱ ﻣﻨﺼﺐ ﮐﮯ ﻟﺌﮯ ﺍﮨﻞ ﮨﻮﮞ ﺑﮭﯽ ﯾﺎ ﻧﮩﯿﮟ۔ ﯾﮧ power politics ﮨﮯ۔ ﺁﺝ ﺟﺲ ﺟﮕﮧ ﭘﺮ ﮨﻢ ﮨﯿﮟ۔ ﮐﻞ ﮨﻮﮞ ﮔﮯ ﺑﮭﯽ ﯾﺎ ﻧﮩﯿﮟ، ﮐﻮﺋﯽ certainity ﻧﮩﯿﮟ۔ ﺍﮔﺮ ﻣﺠﮭﮯ ﻓﯿﺼﻠﮧ ﮐﺮﻧﺎ ﮨﻮﺗﺎ ﺗﻮ ﻣﯿﮟ ﮐﺒﮭﯽ ﯾﮧ ﻋﮩﺪﮦ ﻧﮧ ﻟﯿﺘﺎ ﻣﮕﺮ ﯾﮧ ﻣﯿﺮﮮ ﺑﺎﭖ ﮐﯽ ﺧﻮﺍﮨﺶ ﮨﮯ۔ ” ﻭﮦ ﺍﺏ ﺳﻨﺠﯿﺪﮔﯽ ﺳﮯ ﮐﮩﮧ ﺭﮨﺎ ﺗﮭﺎ۔ ﺭﺋﯿﺴﮧ ﻧﮯ ﺍُﺱ ﮐﯽ ﺑﺎﺕ ﮐﺎﭨﺘﮯ ﮨﻮﺋﮯ ﮐﮩﺎ۔
” ﻏﻠﻂ ﺧﻮﺍﮨﺶ ﻧﮩﯿﮟ ﮨﮯ۔ ﮐﻮﻥ ﻣﺎﮞ ﺑﺎﭖ ﻧﮩﯿﮟ ﭼﺎﮨﯿﮟ ﮔﮯ، ﺍﭘﻨﯽ ﺍﻭﻻﺩ ﮐﮯ ﻟﯿﮯ ﺍﯾﺴﺎ ﻣﻨﺼﺐ۔ ﺗﻢ ﺧﻮﺵ ﻗﺴﻤﺖ ﮨﻮ، ﺗﻤﮩﯿﮟ ﺍﯾﺴﺎ ﻣﻮﻗﻊ ﻣﻼ ﮨﮯ۔ ” ﻭﮦ ﻣﺪﮨﻢ ﺁﻭﺍﺯ ﻣﯿﮟ ﮐﮩﺘﯽ ﮔﺌﯽ۔
” ﭘﮩﻠﮯ ﻣﯿﮟ ﺑﮭﯽ ﯾﮩﯽ ﺳﻤﺠﮭﺘﺎ ﺗﮭﺎ۔ ” ﮨﺸّﺎﻡ ﻧﮯ ﺟﻮﺍﺑﺎً ﮐﮩﺎ۔ ” ﻟﯿﮑﻦ ﺍﺏ ﺍﯾﺴﺎ ﻧﮩﯿﮟ ﮨﮯ۔ ﮨﺮ ﭼﯿﺰ ﮐﯽ ﺍﯾﮏ ﻗﯿﻤﺖ ﮨﻮﺗﯽ ﮨﮯ۔ ﮐﻮﺋﯽ ﺑﮭﯽ ﭼﯿﺰ ﻻﭨﺮﯼ ﻣﯿﮟ ﻧﮩﯿﮟ ﻣﻠﺘﯽ۔ ﯾﮧ ﺿﺮﻭﺭﯼ ﮨﮯ ﻭﻟﯽ ﻋﮩﺪ ﮐﮯ ﻟﺌﮯ ﮐﮧ ﻭﮦ ﺍﯾﮏ ﺷﺎﺩﯼ ﺷﺎﮨﯽ ﺧﺎﻧﺪﺍﻥ ﻣﯿﮟ ﮐﺮﮮ، ﻭﮦ ﺑﮭﯽ ﭘﮩﻠﯽ۔ ﻣﯿﺮﯼ ﺍﻭﺭ ﺗﻤﮩﺎﺭﯼ ﺷﺎﺩﯼ ﮨﻮ ﭼﮑﯽ ﮨﻮﺗﯽ ﺗﻮ ﺍﻭﺭ ﺑﺎﺕ ﺗﮭﯽ۔ ﻟﯿﮑﻦ ﺍﺏ ﻧﮩﯿﮟ ﮨﻮ ﺳﮑﺘﺎ ﮐﮧ ﻣﯿﮟ ﺷﺎﮨﯽ ﺧﺎﻧﺪﺍﻥ ﻣﯿﮟ ﺷﺎﺩﯼ ﺳﮯ ﺍﻧﮑﺎﺭ ﮐﺮﻭﮞ۔ ﺟﻨﮩﻮﮞ ﻧﮯ ﻣﯿﺮﮮ ﺑﺎﭖ ﮐﯽ ﺑﺎﺩﺷﺎﮨﺖ ﮐﺎ ﻓﯿﺼﻠﮧ ﮐﯿﺎ ﮨﮯ، ﺍﻧﮩﻮﮞ ﻧﮯ ﮨﯽ ﯾﮧ ﻓﯿﺼﻠﮧ ﺑﮭﯽ ﮐﯿﺎ ﮨﮯ۔ ﻣﺠﮫ ﺳﮯ ﺍﺱ ﺑﺎﺭﮮ ﻣﯿﮟ ﺭﺍﺋﮯ ﻧﮩﯿﮟ ﻟﯽ ﮔﺌﯽ، ﺑﺘﺎﯾﺎ ﮔﯿﺎ ﺗﮭﺎ۔ ” ﻭﮦ ﺧﺎﻣﻮﺵ ﮨﻮﺍ۔
” ﻣﯿﮟ ﺍﻧﺪﺍﺯﮦ ﮐﺮ ﺳﮑﺘﯽ ﮨﻮﮞ ﺍﻭﺭ ﺍﺳﯽ ﻟﺌﮯ ﺗﻢ ﺳﮯ ﮐﻮﺋﯽ ﺷﮑﺎﯾﺖ ﻧﮩﯿﮟ ﮐﺮ ﺭﮨﯽ۔ ﻣﯿﺮﮮ ﺍﻭﺭ ﺗﻤﮩﺎﺭﮮ ﺩﺭﻣﯿﺎﻥ ﻭﯾﺴﮯ ﺑﮭﯽ ﺍﺗﻨﮯ ﻋﮩﺪ ﻭ ﭘﯿﻤﺎﻥ ﺗﻮ ﮨﻮﺋﮯ ﺑﮭﯽ ﻧﮩﯿﮟ ﺗﮭﮯ ﮐﮧ ﻣﯿﮟ ﺗﻢ ﮐﻮ ﮐﺴﯽ ﺑﺎﺕ ﮐﮯ ﻟﺌﮯ ﺍﻟﺰﺍﻡ ﺩﯾﺘﯽ۔ ﺍﺳﯽ ﻟﺌﮯ ﺧﺘﻢ ﮐﺮﻧﺎ ﭼﺎﮨﺘﯽ ﮨﻮﮞ ﺧﻮﺩ ﯾﮧ ﺳﺐ ﮐﭽﮫ۔ ﺗﺎﮐﮧ ﺗﻢ ﺍﮔﺮ ﮐﻮﺋﯽ obligation ﻣﺤﺴﻮﺱ ﮐﺮ ﺭﮨﮯ ﮨﻮ ﺗﻮ ﻧﮧ ﮐﺮﻭ۔ ﺍﻭﺭ ﻣﯿﮟ hurt ﻧﮩﯿﮟ ﮨﻮﮞ۔ ” ﺍُﺱ ﻧﮯ ﺑﺎﺕ ﺧﺘﻢ ﮐﯽ، ﺗﻮﻗﻒ ﮐﯿﺎ ﭘﮭﺮ ﺁﺧﺮﯼ ﺟﻤﻠﮧ ﺑﻮﻻ۔
” ﺗﻢ ﮨﻮﺋﯽ ﮨﻮ۔ ﻣﯿﮟ ﺟﺎﻧﺘﺎ ﮨﻮﮞ ﺍﻭﺭ ﻣﯿﮟ ﻧﺎﺩﻡ ﺑﮭﯽ ﮨﻮﮞ۔ ” ﮨﺸّﺎﻡ ﻧﮯ ﺍُﺱ ﮐﯽ ﺑﺎﺕ ﮐﮯ ﺍﺧﺘﺘﺎﻡ ﭘﺮ ﮐﮩﺎ۔ ” ﺍﻭﺭ ﻣﯿﮟ ﯾﮧ ﺳﺐ ﺧﺘﻢ ﻧﮩﯿﮟ ﮐﺮﻧﺎ ﭼﺎﮨﺘﺎ، ﻧﮧ ﮨﯽ ﻣﯿﮟ ﺗﻢ ﺳﮯ ﺍﺱ ﻟﺌﮯ ﻣﻠﻨﮯ ﺁﯾﺎ ﮨﻮﮞ۔ ﺭﺋﯿﺴﮧ ﻣﯿﮟ ﺗﻢ ﺳﮯ ﺑﮭﯽ ﺷﺎﺩﯼ ﮐﺮﻭﮞ ﮔﺎ ﺍﻭﺭ ﯾﮧ ﺑﺎﺕ ﻣﯿﮟ ﻧﮯ ﺍﭘﻨﯽ ﻓﯿﻤﻠﯽ ﮐﻮ ﺑﺘﺎ ﺩﯼ ﮨﮯ ﺍﻭﺭ ﺍُﻧﮩﯿﮟ ﺍﻋﺘﺮﺍﺽ ﻧﮩﯿﮟ ﮨﮯ۔ ” ﻭﮦ ﺍُﺱ ﮐﯽ ﺑﺎﺕ ﭘﺮ ﺑﮯ ﺍﺧﺘﯿﺎﺭ ﮨﻨﺴﯽ ﺍﻭﺭ ﮨﻨﺴﺘﯽ ﮨﯽ ﭼﻠﯽ ﮔﺌﯽ۔ ﺍﺗﻨﺎ ﮐﮧ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺁ ﮔﺌﮯ۔
” ﺣﻤﯿﻦ ﺑﺎﻟﮑﻞ ﭨﮭﯿﮏ ﮐﮩﺘﺎ ﺗﮭﺎ۔ ﭘﺘﮧ ﻧﮩﯿﮟ ﺍُﺱ ﮐﯽ ﺯﺑﺎﻥ ﮐﺎﻟﯽ ﮨﮯ ﯾﺎ ﻭﮦ ﺿﺮﻭﺭﺕ ﺳﮯ ﺯﯾﺎﺩﮦ ﻋﻘﻠﻤﻨﺪ ﮨﮯ۔ ” ﻭﮦ ﺑﺎﻵﺧﺮ ﺍﭘﻨﯽ ﺁﻧﮑﮭﯿﮟ ﺭﮔﮍﺗﮯ ﮨﻮﺋﮯ ﺑﻮﻟﯽ۔ ﮨﺸّﺎﻡ ﭘﻮﭼﮭﮯ ﺑﻐﯿﺮ ﻧﮩﯿﮟ ﺭﮦ ﺳﮑﺎ۔
” ﻭﮦ ﮐﯿﺎ ﮐﮩﺘﺎ ﮨﮯ؟ ”
” ﯾﮩﯽ ﺟﻮ ﺗﻢ ﺍﺑﮭﯽ ﮐﮩﮧ ﺭﮨﮯ ﮨﻮ۔ ﺩﻭﺳﺮﯼ ﺷﺎﺩﯼ۔ ﻭﮦ ﮐﮩﺘﺎ ﮨﮯ۔ ﺑﺎﺩﺷﺎﮦ ﺣﺮﻡ ﺭﮐﮭﺘﮯ ﮨﯿﮟ ﺍﻭﺭ ﺣﺮﻡ ﮐﯽ ﻣﻠﮑﮧ ﺑﮭﯽ ﮐﻨﯿﺰ ﮨﯽ ﮨﻮﺗﯽ ﮨﮯ۔ ”
ﮨﺸّﺎﻡ ﮐﭽﮫ ﺩﯾﺮ ﮐﮯ ﻟﺌﮯ ﺑﻮﻝ ﻧﮩﯿﮟ ﺳﮑﺎ، ﯾﻮﮞ ﺟﯿﺴﮯ ﻟﻔﻆ ﮈﮬﻮﻧﮉﻧﮯ ﮐﯽ ﮐﻮﺷﺶ ﮐﺮ ﺭﮨﺎ ﮨﻮ۔ ﭘﮭﺮ ﺍُﺱ ﻧﮯ ﺟﯿﺴﮯ ﻣﺪﺍﻓﻌﺎﻧﮧ ﺍﻧﺪﺍﺯ ﻣﯿﮟ ﮐﮩﺎ۔
” ﻋﺮﺑﻮﮞ ﻣﯿﮟ ﺍﯾﺴﺎ ﻧﮩﯿﮟ ﮨﻮﺗﺎ، ﺍﮔﺮ ﺑﺎﺩﺷﺎﮦ ﮐﯽ ﭼﺎﺭ ﺑﯿﻮﯾﺎﮞ ﺑﮭﯽ ﮨﻮﮞ ﺗﻮ ﺑﮭﯽ۔۔۔۔۔۔۔۔۔۔۔۔۔۔ ” ﺭﺋﯿﺴﮧ ﻧﮯ ﺑﮍﯼ ﻧﺮﻣﯽ ﺳﮯ ﺍُﺱ ﮐﯽ ﺑﺎﺕ ﮐﺎﭦ ﺩﯼ۔
” ﻣﺠﮭﮯ ﮐﺴﯽ ﺑﺎﺩﺷﺎﮦ ﺳﮯ ﺷﺎﺩﯼ ﮐﺮﻧﮯ ﮐﯽ ﺧﻮﺍﮨﺶ ﻧﮩﯿﮟ ﺗﮭﯽ، ﻣﯿﮟ ﮨﺸّﺎﻡ ﺳﮯ ﺷﺎﺩﯼ ﮐﺮﻧﺎ ﭼﺎﮨﺘﯽ ﺗﮭﯽ۔ ﺗﻤﮩﺎﺭﯼ ﻣﺠﺒﻮﺭﯼ ﮨﻮ ﺳﮑﺘﯽ ﮨﮯ ﺍﯾﮏ ﺳﮯ ﺯﯾﺎﺩﮦ ﺷﺎﺩﯾﺎﮞ ﮐﺮﻧﺎ، ﻣﯿﺮﯼ ﻣﺠﺒﻮﺭﯼ ﻧﮩﯿﮟ ﮨﮯ۔ ﻣﯿﮟ ﻣﺤﺒﺖ ﮐﺮﺗﯽ ﮨﻮﮞ ﻟﯿﮑﻦ ﺩﻝ ﮐﮯ ﮨﺎﺗﮭﻮﮞ ﺍﺗﻨﯽ ﻣﺠﺒﻮﺭ ﻧﮩﯿﮟ ﮨﻮﮞ ﮐﮧ ﺗﻤﮩﺎﺭﮮ ﻋﻼﻭﮦ ﮐﺴﯽ ﺍﻭﺭ ﮐﮯ ﺑﺎﺭﮮ ﻣﯿﮟ ﺳﻮﭺ ﮨﯽ ﻧﮧ ﺳﮑﻮﮞ۔ ” ﺍُﺱ ﮐﮯ ﻟﮩﺠﮯ ﻣﯿﮟ ﻭﮨﯽ practicality ﺗﮭﯽ ﺟﺲ ﮐﮯ ﻟﺌﮯ ﮨﺸّﺎﻡ ﺍُﺱ ﮐﻮ ﭘﺴﻨﺪ ﮐﺮﺗﺎ ﺗﮭﺎ۔ ﻣﮕﺮ ﺁﺝ ﭘﮩﻠﯽ ﺑﺎﺭ ﻭﮦ ﻋﻘﻞ، ﻭﮦ ﺳﻤﺠﮫ ﺑﻮﺟﮫ ﺍُﺳﮯ ﺑُﺮﯼ ﻟﮕﯽ ﺗﮭﯽ۔
” ﺍﺗﻨﺎ ﮐﻤﺰﻭﺭ ﺭﺷﺘﮧ ﺗﻮ ﻧﮩﯿﮟ ﮨﮯ ﮨﻤﺎﺭﺍ ﺭﺋﯿﺴﮧ۔ ” ﺍُﺱ ﻧﮯ ﺭﺋﯿﺴﮧ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﮩﺎ۔
” ﻣﯿﺮﺍ ﺑﮭﯽ ﯾﮩﯽ ﺧﯿﺎﻝ ﺗﮭﺎ ﮐﮧ ﺑﮩﺖ ﻣﻀﺒﻮﻁ ﺗﮭﺎ، ﻟﯿﮑﻦ ﻣﯿﺮﺍ ﺧﯿﺎﻝ ﻏﻠﻂ ﺗﮭﺎ۔ ﻣﯿﺮﯼ ﻣﻤّﯽ ﮐﺒﮭﯽ ﺑﮭﯽ intercultural ﺍﻭﺭ interracial ﺷﺎﺩﯾﻮﮞ ﮐﮯ ﺣﻖ ﻣﯿﮟ ﻧﮩﯿﮟ، ﺍﻭﺭ ﻣﯿﮟ ﺳﻤﺠﮭﺘﯽ ﺗﮭﯽ ﯾﮧ bias ﮨﮯ۔ ﻟﯿﮑﻦ ﺁﺝ ﻣﺠﮭﮯ ﺍﺣﺴﺎﺱ ﮨﻮﺍ ﮨﮯ ﮐﮧ ﻭﮦ ﭨﮭﯿﮏ ﮐﮩﺘﯽ ﮨﯿﮟ۔ ﺗﮩﺬﯾﺐ ﮐﺎ ﻓﺮﻕ ﺑﮩﺖ ﺑﮍﺍ ﻓﺮﻕ ﮨﻮﺗﺎ ﮨﮯ۔ ” ﺭﺋﯿﺴﮧ ﮐﮩﮧ ﺭﮨﯽ ﺗﮭﯽ۔ ” ﮐﺒﮭﯽ ﺑﮭﯽ ﺑﮩﺖ ﺑﮍﺍ ﻣﺴﺌﻠﮧ ﺑﻦ ﺳﮑﺘﺎ ﮨﮯ ﺟﯿﺴﮯ ﺍﺑﮭﯽ ﮨﻮﺍ۔ ﻟﯿﮑﻦ ﻣﺠﮭﮯ ﺧﻮﺷﯽ ﮨﮯ ﮐﮧ ﯾﮧ ﺳﺐ ﺍﺏ ﮨﻮﺍ ﮨﮯ۔ ﺑﻌﺪ ﻣﯿﮟ ﮨﻮﺗﺎ ﺗﻮ۔۔۔۔۔۔۔۔۔۔ ” ﻭﮦ ﺭُﮐﯽ، ﮨﺸّﺎﻡ ﻧﮯ ﺍُﺱ ﮐﯽ ﺑﺎﺕ ﭘﻮﺭﯼ ﻧﮩﯿﮟ ﮨﻮﻧﮯ ﺩﯼ۔
” ﻣﯿﮟ ﺗﻤﮩﺎﺭﯼ ﻣﻤّﯽ ﺳﮯ ﻣﺘﻔﻖ ﻧﮩﯿﮟ ﮨﻮﮞ۔ ﻣﺤﺒﺖ ﮐﺎ ﺭﺷﺘﮧ ﮨﺮ ﻓﺮﻕ ﺳﮯ ﺑﮍﺍ ﺍﻭﺭ ﻃﺎﻗﺖ ﻭﺭ ﮨﻮﺗﺎ ﮨﮯ۔ ” ﺭﺋﯿﺴﮧ ﻧﮯ ﮐﮩﺎ۔
” ﻣﺎﻧﺘﯽ ﮨﻮﮞ ﻟﯿﮑﻦ ﻭﮦ ﺗﺐ ﮨﻮﺗﺎ ﮨﮯ ﺟﺐ ﻣﺮﺩ ﮐﯽ ﻣﺤﺒﺖ ﻣﯿﺮﮮ ﺑﺎﺑﺎ ﺟﯿﺴﯽ pure ﮨﻮ ﺍﻭﺭ ﻭﮦ ﻣﯿﺮﮮ ﺑﺎﺑﺎ ﮐﯽ ﻃﺮﺡ ﺍﭘﻨﮯ ﻓﯿﺼﻠﮯ ﭘﺮ ﻗﺎﺋﻢ ﺭﮦ ﺳﮑﮯ۔ ” ﺍُﺱ ﻧﮯ ﺳﺎﻻﺭ ﺳﮑﻨﺪﺭ ﮐﺎ ﺣﻮﺍﻟﮧ ﺩﯾﺎ ﺗﮭﺎ، ﺍﮔﺮ ﻣﺤﺒﺖ ﮐﮯ ﺑﺎﺭﮮ ﻣﯿﮟ ﺍُﺳﮯ ﮐﻮﺋﯽ ﺭﯾﻔﺮﯾﻨﺲ ﯾﺎﺩ ﺗﮭﺎ ﺗﻮ ﻭﮦ ﺍﭘﻨﮯ ﻣﺎﮞ ﺑﺎﭖ ﮐﯽ ﺁﭘﺲ ﻣﯿﮟ ﻣﺤﺒّﺖ ﮨﯽ ﮐﺎ ﺗﮭﺎ۔ ﺍﻭﺭ ﻭﮦ ﺣﻮﺍﻟﮧ ﮨﺸّﺎﻡ ﻧﮯ ﺑﮩﺖ ﺑﺎﺭ ﺳُﻨﺎ ﺗﮭﺎ، ﻟﯿﮑﻦ ﺁﺝ ﭘﮩﻠﯽ ﺑﺎﺭ ﺍُﺱ ﻧﮯ ﮨﺸّﺎﻡ ﮐﺎ ﻣﻮﺍﺯﻧﮧ ﺳﺎﻻﺭ ﺳﮑﻨﺪﺭ ﺳﮯ ﮐﯿﺎ ﺗﮭﺎ، ﺍﻭﺭ ﻋﻠﯽ ﺍﻻﻋﻼﻥ ﮐﯿﺎ ﺗﮭﺎ۔
” ﻣﯿﮟ ﺑﮭﯽ ﺍﭘﻨﯽ ﻣﺤﺒﺖ ﻣﯿﮟ ﺑﮩﺖ ﮐﮭﺮﺍ ﮨﻮﮞ ﺍﻭﺭ ﺗﻤﮩﺎﺭﮮ ﻟﺌﮯ ﻟﮍ ﺳﮑﺘﺎ ﮨﻮﮞ۔ ” ﺍُﺱ ﻧﮯ ﺭﺋﯿﺴﮧ ﺳﮯ ﮐﮩﺎ ﺗﮭﺎ۔ ﺍُﺱ ﮐﺎ ﻭﮦ ﺣﻮﺍﻟﮧ ﺍﻭﺭ ﻣﻮﺍﺯﻧﮧ ﺍُﺳﮯ ﭘﮩﻠﯽ ﺑﺎﺭ ﺷﺪﯾﺪ ﺑُﺮﺍ ﻟﮕﺎ ﺗﮭﺎ۔ ﻭﮦ ﭘﭽﮭﻠﮯ ﮐﺌﯽ ﮨﻔﺘﻮﮞ ﺳﮯ ﺑﺤﺮﯾﻦ ﻣﯿﮟ ﺳﺮ ﺍﻭﺭ ﭘﻠﮑﻮﮞ ﭘﺮ ﺑﭩﮭﺎﯾﺎ ﺟﺎﺭﮨﺎ ﺗﮭﺎ ﺍﻭﺭ ﯾﮩﺎﮞ ﻭﮦ ﺍُﺳﮯ ﺍﯾﮏ ” ﻋﺎﻡ ﺁﺩﻣﯽ ” ﮐﮯ ﺳﺎﻣﻨﮯ ﭼﮭﻮﭨﺎ ﮔﺮﺩﺍﻥ ﺭﮨﯽ ﺗﮭﯽ۔
” ﮨﺎﮞ، ﺗﻢ ﮨﻮ ﻣﺤﺒّﺖ ﻣﯿﮟ ﮐﮭﺮﮮ۔ ﻟﯿﮑﻦ ﺗﻢ ﻟﮍ ﻧﮩﯿﮟ ﺳﮑﺘﮯ ﮨﺸّﺎﻡ ! ﻧﮧ ﻣﺠﮭﮯ ﺯﻧﺪﮔﯽ ﻣﯿﮟ ﺷﺎﻣﻞ ﮐﺮﻧﮯ ﮐﮯ ﻟﺌﮯ، ﻧﮧ ﮨﯽ ﻣﺠﮭﮯ ﺍﭘﻨﯽ ﺯﻧﺪﮔﯽ ﻣﯿﮟ ﺭﮐﮭﻨﮯ ﮐﮯ ﻟﺌﮯ۔ ” ﺭﺋﯿﺴﮧ ﻧﮯ ﺍﺏ ﮔﺎﮌﯼ ﮐﺎ ﺩﺭﻭﺍﺯﮦ ﮐﮭﻮﻝ ﻟﯿﺎ ﺗﮭﺎ۔
” ﻣﯿﮟ ﭘﮭﺮ ﺑﮭﯽ ﺍﭘﻨﮯ ﻣﺎﮞ ﺑﺎﭖ ﮐﻮ ﺗﻤﮩﺎﺭﮮ ﻣﺎﮞ ﺑﺎﭖ ﮐﮯ ﭘﺎﺱ ﺭﺷﺘﮯ ﮐﮯ ﻟﺌﮯ ﺑﮭﯿﺠﻮﮞ ﮔﺎ ﺍﻭﺭ ﯾﮧ ﻭﻗﺖ ﺑﺘﺎﺋﮯ ﮔﺎ ﮐﮧ ﻣﯿﮟ ﺗﻤﮩﺎﺭﮮ ﻟﺌﮯ ﻟﮍ ﺳﮑﺘﺎ ﮨﻮﮞ ﯾﺎ ﻧﮩﯿﮟ۔ ” ﮔﺎﮌﯼ ﺳﮯ ﺑﺎﮨﺮ ﻧﮑﻠﺘﮯ ﮨﻮﺋﮯ ﺭﺋﯿﺴﮧ ﻧﮯ ﺍُﺳﮯ ﮐﮩﺘﮯ ﺳُﻨﺎ ﺗﮭﺎ۔ ﺍُﺱ ﻧﮯ ﭘﻠﭧ ﮐﺮ ﻧﮩﯿﮟ ﺩﯾﮑﮭﺎ ﺗﮭﺎ۔ ﭘﯿﭽﮭﮯ ﮐﭽﮫ ﺑﮭﯽ ﻧﮩﯿﮟ ﺗﮭﺎ۔ ﺍُﺱ ﻧﮯ ﮨﺸّﺎﻡ ﮐﮯ ﺟﻤﻠﮯ ﮐﻮ ﺳُﻨﺘﮯ ﮨﻮﺋﮯ ﺳﻮﭼﺎ ﺗﮭﺎ۔

---

ﻭﮦ ﺍﯾﮏ ﮨﻔﺘﮧ ﺟﺒﺮﯾﻞ ﺳﮑﻨﺪﺭ ﮐﮯ ﻟﺌﮯ ﻋﺠﯿﺐ ﺫﮨﻨﯽ ﺍﻧﺘﺸﺎﺭ ﻻﯾﺎ ﺗﮭﺎ۔ ﺍﺣﺴﻦ ﺳﻌﺪ ﺍﯾﮏ ﺑﮯ ﺣﺪ ﮈﺳﭩﺮﺏ ﮐﺮ ﺩﯾﻨﮯ ﻭﺍﻟﯽ ﺷﺨﺼﯿﺖ ﺭﮐﮭﺘﺎ ﺗﮭﺎ ﺍﻭﺭ ﻭﮦ ﺍُﺳﮯ ﺑﮭﯽ ﮈﺳﭩﺮﺏ ﮨﯽ ﮐﺮ ﮐﮯ ﮔﯿﺎ ﺗﮭﺎ۔ ﺍُﺳﮯ ﺍﻧﺪﺍﺯﮦ ﻧﮩﯿﮟ ﺗﮭﺎ ﮐﮧ ﺍُﺱ ﮐﮯ ﺍﺳﻔﻨﺪ ﮐﯽ ﺳﺮﺟﺮﯼ ﺳﮯ ﻣﺘﻌﻠﻘﮧ ﺍﻧﮑﺸﺎﻑ ﭘﺮ ﺍﺏ ﻭﮦ ﮐﯿﺴﮯ react ﮐﺮﮮ ﮔﺎ۔ ﺟﺲ ﺑﺎﺕ ﮐﺎ ﺍُﺳﮯ ﺧﺪﺷﮧ ﺗﮭﺎ، ﻭﮦ ﺍُﺱ ﮐﯿﺲ ﻣﯿﮟ ﮐﺴﯽ ﺑﮭﯽ ﺣﻮﺍﻟﮯ ﺳﮯ ﺍﭘﻨﯽ ﻧﺎﻣﺰﺩﮔﯽ ﺗﮭﯽ ﺟﻮ ﻭﮦ ﻧﮩﯿﮟ ﭼﺎﮨﺘﺎ ﺗﮭﺎ۔ ﺍﯾﮏ ﮈﺍﮐﭩﺮ ﮐﮯ ﻃﻮﺭ ﭘﺮ ﺍﭘﻨﮯ ﮐﯿﺮﯾﺌﺮ ﮐﮯ ﺍﺱ ﺍﺳﭩﯿﺞ ﻣﯿﮟ ﺍﭘﻨﮯ ﭘﺮﻭﻓﯿﺸﻦ ﺳﮯ ﻣﺘﻌﻠﻘﮧ ﮐﺴﯽ ﺳﮑﯿﻨﮉﻝ ﯾﺎ ﮐﯿﺲ ﮐﺎ ﺣﺼّﮧ ﺑﻨﻨﺎ ﺍﭘﻨﮯ ﮐﯿﺮﯾﺌﺮ ﮐﯽ ﺗﺒﺎﮨﯽ ﮐﮯ ﻣﺘﺮﺍﺩﻑ ﺗﮭﺎ۔ ﻟﯿﮑﻦ ﺍﺏ ﺍﺱ ﭘﺮ ﭘﭽﮭﺘﺎﻧﮯ ﮐﺎ ﻓﺎﺋﺪﮦ ﻧﮩﯿﮟ ﺗﮭﺎ۔ ﺟﻮ ﮨﻮﻧﺎ ﺗﮭﺎ، ﻭﮦ ﮨﻮ ﭼﮑﺎ ﺗﮭﺎ ﺍﻭﺭ ﺍﺳﯽ ﮨﻔﺘﮯ ﻣﯿﮟ ﺑﮯ ﺣﺪ ﺳﻮﭺ ﻭ ﺑﭽﺎﺭ ﮐﮯ ﺑﻌﺪ ﺍُﺱ ﻧﮯ ﯾﮧ ﻓﯿﺼﻠﮧ ﮐﯿﺎ ﺗﮭﺎ ﮐﮧ ﻭﮦ ﻋﺎﺋﺸﮧ ﮐﻮ ﺑﮭﯽ ﺍﺱ ﺳﺮﺟﺮﯼ ﮐﮯ ﺣﻮﺍﻟﮯ ﺳﮯ ﻭﮦ ﺳﺐ ﮐﭽﮫ ﺑﺘﺎ ﺩﮮ ﮔﺎ، ﺟﻮ ﻭﮦ ﺍﺣﺴﻦ ﺳﻌﺪ ﮐﻮ ﺑﺘﺎ ﭼﮑﺎ ﺗﮭﺎ۔ ﺍﻥ ﺣﺎﻻﺕ ﻣﯿﮟ ﺍﯾﺴﺎ ﮐﺮﻧﺎ ﺑﮯ ﺣﺪ ﺿﺮﻭﺭﯼ ﮨﻮ ﮔﯿﺎ ﺗﮭﺎ۔
ﺍُﺱ ﻧﮯ ﮨﻔﺘﮯ ﮐﯽ ﺭﺍﺕ ﮐﻮ ﺍُﺳﮯ ﻓﻮﻥ ﮐﯿﺎ ﺗﮭﺎ، ﻓﻮﻥ ﺑﻨﺪ ﺗﮭﺎ۔ ﺟﺒﺮﯾﻞ ﻧﮯ ﺍُﺱ ﮐﮯ ﻟﺌﮯ ﭘﯿﻐﺎﻡ ﭼﮭﻮﮌﺍ ﺗﮭﺎ ﮐﮧ ﻭﮦ ﺍُﺳﮯ ﮐﺎﻝ ﺑﯿﮏ ﮐﺮﮮ، ﺁﺩﮪ ﮔﮭﻨﭩﮧ ﮐﮯ ﺑﻌﺪ ﺍُﺱ ﻧﮯ ﻋﺎﺋﺸﮧ ﮐﺎ ﻧﺎﻡ ﺍﭘﻨﯽ ﺍﺳﮑﺮﯾﻦ ﭘﺮ ﭼﻤﮑﺘﺎ ﺩﯾﮑﮭﺎ۔
ﮐﺎﻝ ﺭﯾﺴﯿﻮ ﮐﺮﻧﮯ ﮐﮯ ﺑﻌﺪ ﺍُﻥ ﮐﮯ ﺩﺭﻣﯿﺎﻥ ﺣﺎﻝ ﺍﺣﻮﺍﻝ ﮐﮯ ﺣﻮﺍﻟﮯ ﺳﮯ ﭼﻨﺪ ﺳﯿﮑﻨﮉﺯ ﮐﯽ ﮔﻔﺘﮕﻮ ﮨﻮﺋﯽ، ﭘﮭﺮ ﺟﺒﺮﯾﻞ ﻧﮯ ﺍُﺱ ﺳﮯ ﺍﮔﻠﮯ ﺩﻥ ﻣﻼﻗﺎﺕ ﮐﯽ ﺧﻮﺍﮨﺶ ﮐﺎ ﺍﻇﮩﺎﺭ ﮐﯿﺎ۔
” ﮐﺲ ﻟﺌﮯ ﻣﻠﻨﺎ ﭼﺎﮨﺘﮯ ﮨﯿﮟ ﺁﭖ؟ ” ﻋﺎﺋﺸﮧ ﻧﮯ ﺑﮯ ﺗﺎﺛﺮ ﺍﻧﺪﺍﺯ ﻣﯿﮟ ﺍُﺱ ﺳﮯ ﭘﻮﭼﮭﺎ ﺗﮭﺎ۔
” ﯾﮧ ﺑﺎﺕ ﻣﯿﮟ ﺁﭖ ﮐﻮ ﺳﺎﻣﻨﮯ ﺑﯿﭩﮫ ﮐﺮ ﮨﯽ ﺑﺘﺎ ﺳﮑﺘﺎ ﮨﻮﮞ۔ ” ﺍُﺱ ﻧﮯ ﺟﻮﺍﺑﺎً ﮐﮩﺎ ﺗﮭﺎ۔ ﻭﮦ ﭼﻨﺪ ﻟﻤﺤﮯ ﺧﺎﻣﻮﺵ ﺭﮨﯽ ﭘﮭﺮ ﺍُﺱ ﻧﮯ ﭘﻮﭼﮭﺎ ﺗﮭﺎ ﮐﮧ ﻭﮦ ﮐﺲ ﻭﻗﺖ ﺍُﺱ ﺳﮯ ﻣﻠﻨﺎ ﭼﺎﮨﺘﺎ ﺗﮭﺎ۔
” ﮐﺴﯽ ﺑﮭﯽ ﻭﻗﺖ، ﺟﺐ ﺁﭖ ﮐﮯ ﭘﺎﺱ ﻭﻗﺖ ﮨﻮ۔ ” ﺍُﺱ ﻧﮯ ﺟﻮﺍﺑﺎً ﮐﮩﺎ ﺗﮭﺎ۔
” ﮔﯿﺎﺭﮦ، ﺑﺎﺭﮦ ﺑﺠﮯ؟ ” ﻋﺎﺋﺸﮧ ﻧﮯ ﭼﻨﺪ ﻟﻤﺤﮯ ﺳﻮﭺ ﮐﺮ ﺍُﺱ ﺳﮯ ﮐﮩﺎ۔
۔ ”Done” ﺍُﺱ ﻧﮯ ﺟﻮﺍﺑﺎً ﮐﮩﺎ ﺍﻭﺭ ﻋﺎﺋﺸﮧ ﻋﺎﺑﺪﯾﻦ ﻧﮯ ﺧﺪﺍ ﺣﺎﻓﻆ ﮐﮩﮧ ﮐﺮ ﻓﻮﻥ ﺑﻨﺪ ﮐﺮ ﺩﯾﺎ۔ ﺟﺒﺮﯾﻞ ﻓﻮﻥ ﮨﺎﺗﮫ ﻣﯿﮟ ﻟﺌﮯ ﺍﮔﻼ ﺟﻤﻠﮧ ﺳﻮﭼﺘﺎ ﮨﯽ ﺭﮦ ﮔﯿﺎ۔ ﺍﺣﺴﻦ ﺳﻌﺪ ﻧﮯ ﺍُﺱ ﺳﮯ ﮐﮩﺎ ﺗﮭﺎ ﮐﮧ ﺍُﺱ ﻧﮯ ﻋﺎﺋﺸﮧ ﻋﺎﺑﺪﯾﻦ ﮐﮯ ﻟﯿﭗ ﭨﺎﭖ ﻣﯿﮟ ﺍُﺱ ﮐﯽ ﺗﺼﻮﯾﺮﯾﮟ ﺩﯾﮑﮭﯽ ﺗﮭﯿﮟ۔ ﺟﺒﺮﯾﻞ ﮐﻮ ﯾﺎﺩ ﻧﮩﯿﮟ ﭘﮍﺗﺎ ﺗﮭﺎ ﮐﮧ ﺍُﺱ ﮐﮯ ﺍﻭﺭ ﻋﺎﺋﺸﮧ ﮐﮯ ﺩﺭﻣﯿﺎﻥ ﮐﺒﮭﯽ ﺗﺼﻮﯾﺮﻭﮞ ﮐﺎ ﺗﺒﺎﺩﻟﮧ ﮨﻮﺍ ﮨﻮ ﺍﻭﺭ ﺗﺼﻮﯾﺮﻭﮞ ﮐﺎ ﮐﻮﺋﯽ ﺗﺒﺎﺩﻟﮧ ﺗﻮ ﺍُﺱ ﮐﮯ ﺍﻭﺭ ﻧﺴﺎﺀ ﮐﮯ ﺩﺭﻣﯿﺎﻥ ﺑﮭﯽ ﻧﮩﯿﮟ ﮨﻮﺍ ﺗﮭﺎ ﻟﯿﮑﻦ ﻧﺴﺎﺀ ﮐﮯ ﭘﺎﺱ ﺍُﺱ ﮐﯽ ﮔﺮﻭﭖ ﻓﻮﭨﻮﺯ ﺿﺮﻭﺭ ﺗﮭﯿﮟ۔ ﻣﮕﺮ ﻋﺎﺋﺸﮧ ﺍُﻥ ﺗﺼﻮﯾﺮﻭﮞ ﮐﻮ ﺍﭘﻨﮯ ﭘﺎﺱ ﺍﺱ ﻃﺮﺡ ﺍﻟﮓ ﮐﯿﻮﮞ ﺭﮐﮭﮯ ﮨﻮﺋﮯ ﺗﮭﯽ۔ ﻭﮦ ﮔﺮﻭﭖ ﻓﻮﭨﻮﺯ ﮨﻮﺗﯿﮟ ﺗﻮ ﺍﺣﺴﻦ ﺳﻌﺪ ﺍُﺱ ﻣﯿﮟ ﺳﮯ ﺻﺮﻑ ﺟﺒﺮﯾﻞ ﮐﻮ ﭘﮩﭽﺎﻥ ﮐﺮ ﺍُﺱ ﭘﺮ ﺍﻋﺘﺮﺍﺽ ﻧﮧ ﮐﺮﺗﺎ، ﯾﻘﯿﻨﺎً ﻋﺎﺋﺸﮧ ﮐﮯ ﭘﺎﺱ ﺍُﺱ ﮐﯽ ﮐﭽﮫ ﺍﻟﮓ ﺗﺼﻮﯾﺮﯾﮟ ﺑﮭﯽ ﺗﮭﯿﮟ، ﺍﻭﺭ ﻭﮦ ﺗﺼﻮﯾﺮﯾﮟ ﻭﮦ ﮐﮩﺎﮞ ﺳﮯ ﻟﮯ ﺳﮑﺘﯽ ﺗﮭﯽ؟ ﯾﻘﯿﻨﺎً ﻓﯿﺲ ﺑﮏ ﺳﮯ، ﺟﮩﺎﮞ ﻭﮦ ﺍُﺱ ﺯﻣﺎﻧﮯ ﻣﯿﮟ ﺍﭘﻨﯽ ﺗﺼﻮﯾﺮﯾﮟ ﺑﺎﻗﺎﻋﺪﮔﯽ ﺳﮯ upload ﮐﯿﺎ ﮐﺮﺗﺎ ﺗﮭﺎ ﺍﻭﺭ ﺍُﺱ ﺳﮯ ﺑﮭﯽ ﺑﮍﮪ ﮐﺮ ﺣﻤﯿﻦ۔ ﻭﮦ ﺍُﺱ ﮐﮯ ﺑﺎﺭﮮ ﻣﯿﮟ ﺑﮩﺖ ﺳﻮﭼﻨﺎ ﻧﮩﯿﮟ ﭼﺎﮨﺘﺎ ﺗﮭﺎ، ﻟﯿﮑﻦ ﺳﻮﭼﺘﺎ ﭼﻼ ﮔﯿﺎ ﺗﮭﺎ۔ ﺍﺣﺴﻦ ﺳﻌﺪ ﺳﮯ ﻣﻼﻗﺎﺕ ﮐﮯ ﺑﻌﺪ ﻋﺎﺋﺸﮧ ﻋﺎﺑﺪﯾﻦ ﮐﮯ ﻟﺌﮯ ﺍُﺱ ﮐﯽ ﮨﻤﺪﺭﺩﯼ ﻣﯿﮟ ﺩﺱ ﮔﻨﺎ ﺍﺿﺎﻓﮧ ﮨﻮ ﮔﯿﺎ ﺗﮭﺎ۔

---

ﻭﮦ ﺍﮔﻠﮯ ﺩﻥ ﭨﮭﯿﮏ ﻭﻗﺖ ﭘﺮ ﺍُﺱ ﮐﮯ ﺍﭘﺎﺭﭨﻤﻨﭧ ﮐﮯ ﺑﺎﮨﺮ ﮐﮭﮍﺍ ﺗﮭﺎ ﺍﻭﺭ ﭘﮩﻠﯽ ﺑﯿﻞ ﭘﺮ ﮨﯽ ﻋﺎﺋﺸﮧ ﻋﺎﺑﺪﯾﻦ ﻧﮯ ﺩﺭﻭﺍﺯﮦ ﮐﮭﻮﻝ ﺩﯾﺎ ﺗﮭﺎ۔ ﻭﮦ ﺷﺎﯾﺪ ﭘﮩﻠﮯ ﮨﯽ ﺍُﺱ ﮐﯽ ﻣﻨﺘﻈﺮ ﺗﮭﯽ۔ ﺳﯿﺎﮦ ﮈﮬﯿﻠﮯ ﭘﺎﺟﺎﻣﮯ ﺍﻭﺭ ﺍﯾﮏ ﺑﻠﻮ ﭨﯽ ﺷﺮﭦ ﮐﮯ ﺳﺎﺗﮫ flip flops ﭘﮩﻨﮯ، ﺍﭘﻨﮯ ﺑﺎﻟﻮﮞ ﮐﻮ ﺍﯾﮏ ﮈﮬﯿﻠﮯ ﺟﻮﮌﮮ ﮐﯽ ﺷﮑﻞ ﻣﯿﮟ ﺳﻤﯿﭩﮯ، ﻭﮦ ﺟﺒﺮﯾﻞ ﮐﻮ ﭘﮩﻠﮯ ﺳﮯ ﺑﮩﺘﺮ ﻟﮕﯽ ﺗﮭﯽ، ﺍُﺱ ﮐﯽ ﺁﻧﮑﮭﻮﮞ ﮐﮯ ﺣﻠﻘﮯ ﺑﮭﯽ ﮐﻢ ﺗﮭﮯ۔ ﻭﮦ ﺑﮯ ﺣﺪ ﺧﻮﺑﺼﻮﺭﺕ ﺗﮭﯽ ﺍﻭﺭ ﺳﻮﻟﮧ ﺳﺎﻝ ﮐﯽ ﻋﻤﺮ ﻣﯿﮟ ﺑﮭﯽ ﺍُﺱ ﺳﮯ ﻧﻈﺮﯾﮟ ﮨﭩﺎﻧﺎ ﻣﺸﮑﻞ ﮨﻮﺗﺎ ﺗﮭﺎ۔ ﺍُﺱ ﮐﺎ ﭼﮩﺮﮦ ﺍﺏ ﺑﮭﯽ ﮐﺴﯽ ﮐﯽ ﻧﻈﺮﻭﮞ ﮐﻮ ﺭﻭﮎ ﺳﮑﺘﺎ ﺗﮭﺎ۔ ﺟﺒﺮﯾﻞ ﮐﻮ ﺍﺣﺴﺎﺱ ﮨﻮﺍ۔
” ﻭﻋﻠﯿﮑﻢ ﺍﻟﺴﻼﻡ۔ ” ﻭﮦ ﺍُﺱ ﮐﮯ ﺳﻼﻡ ﮐﺎ ﺟﻮﺍﺏ ﺩﯾﺘﮯ ﮨﻮﺋﮯ ﺩﺭﻭﺍﺯﮮ ﮐﮯ ﺳﺎﻣﻨﮯ ﺳﮯ ﮨﭧ ﮔﺌﯽ۔ ﺍُﺱ ﻧﮯ ﺟﺒﺮﯾﻞ ﮐﮯ ﮨﺎﺗﮭﻮﮞ ﻣﯿﮟ ﺍُﺱ ﭼﮭﻮﭨﮯ ﺳﮯ ﮔﻠﺪﺳﺘﮯ ﮐﻮ ﺩﯾﮑﮭﺎ۔ ﺟﺲ ﻣﯿﮟ ﭼﻨﺪ ﺳﻔﯿﺪ ﺍﻭﺭ ﮔﻼﺑﯽ ﭘﮭﻮﻝ ﺗﮭﮯ ﺍﻭﺭ ﺍُﺱ ﮐﯽ ﺳﺎﺗﮫ ﺍﯾﮏ ﮐﻮﮐﯿﺰ ﮐﺎ ﭘﯿﮏ۔ ﺍُﺱ ﮐﺎ ﺧﯿﺎﻝ ﺗﮭﺎ ﻭﮦ ﺩﻭﻧﻮﮞ ﭼﯿﺰﯾﮟ ﺍُﺳﮯ ﺗﮭﻤﺎﺋﮯ ﮔﺎ۔ ﻟﯿﮑﻦ ﻭﮦ ﺩﻭﻧﻮﮞ ﭼﯿﺰﯾﮟ ﺍُﭨﮭﺎﺋﮯ ﺍﻧﺪﺭ ﭼﻼ ﮔﯿﺎ ﺗﮭﺎ۔
ﮐﭽﻦ ﮐﺎﺅﻧﭩﺮ ﭘﺮ ﺍُﺱ ﻧﮯ ﭘﮩﻠﮯ ﭘﮭﻮﻝ ﺭﮐﮭﮯ، ﭘﮭﺮ ﮐﻮﮐﯿﺰ ﮐﺎ ﻭﮦ ﭘﯿﮏ ﺍﻭﺭ ﭘﮭﺮ ﻭﮨﺎﮞ ﭘﮍﮮ ﮐﺎﻓﯽ ﮐﮯ ﺍُﺱ ﻣﮓ ﮐﻮ ﺩﯾﮑﮭﺎ ﺟﺲ ﻣﯿﮟ ﺳﮯ ﺑﮭﺎﭖ ﺍُﮌ ﺭﮨﯽ ﺗﮭﯽ۔ ﻭﮦ ﯾﻘﯿﻨﺎً ﺍُﺱ ﮐﮯ ﺁﻧﮯ ﺳﮯ ﭘﮩﻠﮯ ﻭﮦ ﭘﯽ ﺭﮨﯽ ﺗﮭﯽ۔ ﺍﯾﮏ ﭘﻠﯿﭧ ﻣﯿﮟ ﺁﺩﮬﺎ ﺁﻣﻠﯿﭧ ﺗﮭﺎ ﺍﻭﺭ ﭼﻨﺪ ﭼﮑﻦ ﺳﺎﺳﯿﺠﺰ۔ ﻭﮦ ﻧﺎﺷﺘﮧ ﮐﺮﺗﮯ ﮐﺮﺗﮯ ﺍُﭨﮫ ﮐﺮ ﮔﺌﯽ ﺗﮭﯽ۔
” ﻣﯿﮟ ﺑﮩﺖ ﺟﻠﺪﯼ ﺁ ﮔﯿﺎ ﮨﻮﮞ ﺷﺎﯾﺪ؟ ” ﺟﺒﺮﯾﻞ ﻧﮯ ﭘﻠﭧ ﮐﺮ ﻋﺎﺋﺸﮧ ﮐﻮ ﺩﯾﮑﮭﺎ ﺟﻮ ﺍﺏ ﺍﻧﺪﺭ ﺁ ﮔﺌﯽ ﺗﮭﯽ۔
” ﻧﮩﯿﮟ ﻣﯿﮟ ﺩﯾﺮ ﺳﮯ ﺟﺎﺗﯽ ﮨﻮﮞ۔ ﺁﺝ ﺳﻨﮉﮮ ﺗﮭﺎ ﺍﻭﺭ ﺭﺍﺕ ﮐﻮ ﮨﺎﺳﭙﭩﻞ ﻣﯿﮟ ﮈﯾﻮﭨﯽ ﺗﮭﯽ۔ ” ﺍُﺱ ﻧﮯ ﺟﻮﺍﺑﺎً ﺟﺒﺮﯾﻞ ﺳﮯ ﮐﮩﺎ۔
” ﺁﭖ ﮐﺎ ﺳﻨﮉﮮ ﺧﺮﺍﺏ ﮐﺮ ﺩﯾﺎ ﻣﯿﮟ ﻧﮯ۔ ” ﺟﺒﺮﯾﻞ ﻧﮯ ﻣﺴﮑﺮﺍﺗﮯ ﮨﻮﺋﮯ ﻣﻌﺬﺭﺕ ﺧﻮﺍﮨﺎﻧﮧ ﺍﻧﺪﺍﺯ ﻣﯿﮟ ﮐﮩﺎ۔ ﻭﮦ ﺍﺏ ﻻﺅﻧﺞ ﻣﯿﮟ ﭘﮍﮮ ﺻﻮﻓﮧ ﭘﺮ ﺟﺎ ﮐﺮ ﺑﯿﭩﮫ ﮔﯿﺎ ﺗﮭﺎ۔ ﻋﺎﺋﺸﮧ ﮐﺎ ﺩﻝ ﭼﺎﮨﺎ ﺍُﺱ ﺳﮯ ﮐﮩﮯ۔ ﺍُﺱ ﮐﯽ ﺯﻧﺪﮔﯽ ﻣﯿﮟ ﮨﺮ ﺩﻥ ﭘﮩﻠﮯ ﮨﯽ ﺑﮩﺖ ﺧﺮﺍﺏ ﺗﮭﺎ۔ ﻭﮦ ﮐﭽﮫ ﻧﮩﯿﮟ ﺑﻮﻟﯽ ﺗﮭﯽ ﺍﻭﺭ ﮐﭽﻦ ﮐﺎﺅﻧﭩﺮ ﮐﯽ ﻃﺮﻑ ﭼﻠﯽ ﮔﺌﯽ۔
” ﯾﮧ ﺁﭖ ﻣﯿﺮﮮ ﻟﺌﮯ ﻻﺋﮯ ﮨﯿﮟ؟ ” ﺟﺒﺮﯾﻞ ﻧﮯ ﺍُﺳﮯ ﭘﮭﻮﻝ ﺍُﭨﮭﺎﺗﮯ ﮨﻮﺋﮯ ﺩﯾﮑﮭﺎ۔
” ﺟﯽ ”! ﺍُﺱ ﻧﮯ ﺟﻮﺍﺑﺎً ﮐﮩﺎ۔
” ﺍﺱ ﮐﯽ ﺿﺮﻭﺭﺕ ﻧﮩﯿﮟ ﺗﮭﯽ۔ ” ﺍُﺱ ﻧﮯ ﺟﺒﺮﯾﻞ ﮐﻮ ﺩﯾﮑﮭﺎ، ﭘﮭﺮ ﺍُﻧﮩﯿﮟ ﺍﯾﮏ vase ﻣﯿﮟ ﮈﺍﻟﻨﮯ ﻟﮕﯽ۔
” ﯾﮧ ﺑﮭﯽ ﺟﺎﻧﺘﺎ ﮨﻮﮞ۔ ” ﺟﺒﺮﯾﻞ ﻧﮯ ﮐﮩﺎ۔ ﺍُﻥ ﭘﮭﻮﻟﻮﮞ ﮐﻮ ﺍُﺱ vase ﻣﯿﮟ ﮈﺍﻟﺘﮯ ﮨﻮﺋﮯ ﻋﺎﺋﺸﮧ ﮐﻮ ﺧﯿﺎﻝ ﺁﯾﺎ ﮐﮧ ﻭﮦ ﺷﺎﯾﺪ ﺩﻭ، ﮈﮬﺎﺋﯽ ﺳﺎﻝ ﮐﮯ ﺑﻌﺪ ﺍﭘﻨﮯ ﻟﺌﮯ ﮐﺴﯽ ﮐﮯ ﻻﺋﮯ ﮨﻮﺋﮯ ﭘﮭﻮﻟﻮﮞ ﮐﻮ ﭼﮭﻮ ﺭﮨﯽ ﺗﮭﯽ۔ﺁﺧﺮﯼ ﺑﺎﺭ ﺍُﺱ ﮐﮯ ﮔﮭﺮ ﺁﻧﮯ ﻭﺍﻟﮯ ﭘﮭﻮﻝ ﺍﺳﻔﻨﺪ ﮐﮯ ﻟﺌﮯ ﺍُﺱ ﮐﮯ ﮐﭽﮫ ﻋﺰﯾﺰ ﻭ ﺍﻗﺎﺭﺏ ﮐﮯ ﻻﺋﮯ ﮨﻮﺋﮯ ﭘﮭﻮﻝ ﺗﮭﮯ۔ ﺍُﺱ ﻧﮯ ﺍﻥ ﺗﮑﻠﯿﻒ ﺩﮦ ﯾﺎﺩﻭﮞ ﮐﻮ ﺟﯿﺴﮯ ﺳﺮ ﺳﮯ ﺟﮭﭩﮑﻨﮯ ﮐﯽ ﮐﻮﺷﺶ ﮐﯽ۔
” ﺁﭖ ﺑﺮﯾﮏ ﻓﺎﺳﭧ ﮐﺮ ﻟﯿﮟ، ﮨﻢ ﭘﮭﺮ ﺑﺎﺕ ﮐﺮﺗﮯ ﮨﯿﮟ۔ ” ﺟﺒﺮﯾﻞ ﮐﯽ ﺁﻭﺍﺯ ﻧﮯ ﺍُﺳﮯ ﭼﻮﻧﮑﺎﯾﺎ۔ ﻭﮦ ﺳﯿﻨﭩﺮ ﭨﯿﺒﻞ ﭘﺮ ﭘﮍﯼ ﺍﻭﻥ ﺳﻼﺋﯿﺎﮞ ﺍُﭨﮭﺎ ﮐﺮ ﺩﯾﮑﮫ ﺭﮨﺎ ﺗﮭﺎ۔ ﺑﮯ ﺣﺪ amused ﺍﻧﺪﺍﺯ ﻣﯿﮟ۔
” ﯾﮧ ﺁﭖ ﮐﺎ ﺷﻮﻕ ﮨﮯ؟ ” ﺍُﺱ ﻧﮯ ﺍﺳﮑﺎﺭﻑ ﮐﮯ ﺍُﺱ ﺣﺼّﮯ ﮐﻮ ﭼﮭﻮﺗﮯ ﮨﻮﺋﮯ ﮐﮩﺎ، ﺟﻮ ﺍﺩﮪ ﺑُﻨﺎ ﺗﮭﺎ۔
” ﻭﻗﺖ ﮔﺰﺍﺭﻧﮯ ﮐﯽ ﺍﯾﮏ ﮐﻮﺷﺶ ﮨﮯ۔ ” ﺁﻣﻠﯿﭧ ﮐﯽ ﭘﻠﯿﭧ ﺳﮯ ﺁﻣﻠﯿﭧ ﮐﺎ ﺍﯾﮏ ﭨﮑﮍﺍ ﮐﺎﻧﭩﮯ ﮐﯽ ﻣﺪﺩ ﺳﮯ ﺍُﭨﮭﺎﺗﮯ ﮨﻮﺋﮯ ﻋﺎﺋﺸﮧ ﻧﮯ ﺟﻮﺍﺏ ﺩﯾﺎ۔

،،،،،،،،،،،،
” ” ﺍﭼﮭﯽ ﮐﻮﺷﺶ ﮨﮯ۔ ” ﺟﺒﺮﯾﻞ ﻧﮯ ﻣﺴﮑﺮﺍﺗﮯ ﮨﻮﺋﮯ ﺍﻭﻥ ﺳﻼﺋﯿﻮﮞ ﮐﻮ ﺩﻭﺑﺎﺭﮦ ﺍُﺱ ﺑﺎﮐﺲ ﻣﯿﮟ ﺭﮐﮭﺎ، ﺟﺲ ﻣﯿﮟ ﻭﮦ ﭘﮍﮮ ﺗﮭﮯ۔
” ﺁﭖ ﯾﮧ ﮐﺎﻓﯽ ﻟﮯ ﺳﮑﺘﮯ ﮨﯿﮟ۔ ﻣﯿﮟ ﻧﮯ ﺍﺑﮭﯽ ﺑﻨﺎﺋﯽ ﺗﮭﯽ، ﭘﯽ ﻧﮩﯿﮟ۔ ﻣﯿﮟ ﺍﭘﻨﮯ ﻟﺌﮯ ﺍﻭﺭ ﺑﻨﺎﻟﯿﺘﯽ ﮨﻮﮞ۔ ” ﺍُﺱ ﻧﮯ ﮐﺎﻓﯽ ﮐﺎ ﻣﮓ ﻻ ﮐﺮ ﺍُﺱ ﮐﮯ ﺳﺎﻣﻨﮯ ﭨﯿﺒﻞ ﭘﺮ ﭘﮍﮮ ﺍﯾﮏ mat ﭘﺮ ﺭﮐﮫ ﺩﯾﺎ ﺗﮭﺎ۔ ﻭﮦ ﺧﻮﺩ ﺩﻭﺑﺎﺭﮦ ﻧﺎﺷﺘﮧ ﮐﺮﻧﮯ ﮐﭽﻦ ﮐﺎﺅﻧﭩﺮ ﮐﮯ ﭘﺎﺱ ﭘﮍﮮ ﺳﭩﻮﻝ ﭘﺮ ﺟﺎﮐﺮ ﺑﯿﭩﮫ ﮔﺌﯽ ﺗﮭﯽ۔
” ﻣﯿﺮﺍ ﺧﯿﺎﻝ ﺗﮭﺎ ﺁﭖ ﻣﺠﮭﮯ ﻧﺎﺷﺘﮯ ﮐﯽ ﺑﮭﯽ ﺁﻓﺮ ﮐﺮﯾﮟ ﮔﯽ۔ ” ﺟﺒﺮﯾﻞ ﻧﮯ ﻣﺴﮑﺮﺍﺗﮯ ﮨﻮﺋﮯ ﺍُﺱ ﺳﮯ ﮐﮩﺎ۔
” ﻣﯿﮟ ﻧﮯ ﺍﺱ ﻟﺌﮯ ﺁﻓﺮ ﻧﮩﯿﮟ ﮐﯽ ﮐﯿﻮﻧﮑﮧ ﺁﭖ ﻗﺒﻮﻝ ﻧﮩﯿﮟ ﮐﺮﺗﮯ۔ ” ﺍُﺱ ﻧﮯ ﺳﺎﺳﺠﺰ ﮐﮯ ﭨﮑﮍﮮ ﮐﺮﺗﮯ ﮨﻮﺋﮯ ﺟﻮﺍﺑﺎً ﮐﮩﺎ۔
” ﺿﺮﻭﺭﯼ ﻧﮩﯿﮟ۔ ” ﺟﺒﺮﯾﻞ ﻧﮯ ﺍﺻﺮﺍﺭ ﮐﯿﺎ۔
” ﺁﭖ ﻧﺎﺷﺘﮧ ﮐﺮﯾﮟ ﮔﮯ؟ ” ﭨﮭﮏ ﺳﮯ ﺍُﺱ ﺳﮯ ﭘﻮﭼﮭﺎ ﮔﯿﺎ۔
” ﻧﮩﯿﮟ۔ ” ﺟﺒﺮﯾﻞ ﻧﮯ ﮐﮩﺎ ﺍﻭﺭ ﭘﮭﺮ ﺑﮯ ﺳﺎﺧﺘﮧ ﮨﻨﺴﺎ۔ ” ﻣﯿﮟ ﻧﺎﺷﺘﮧ ﮐﺮ ﮐﮯ ﺁﯾﺎ ﮨﻮﮞ، ﺍﮔﺮ ﭘﺘﮧ ﮨﻮﺗﺎ ﮐﮧ ﺁﭖ ﮐﺮﻭﺍ ﺳﮑﺘﯽ ﮨﯿﮟ ﺗﻮ ﻧﮧ ﮐﺮ ﮐﮯ ﺁﺗﺎ۔ Assumptions ﺑﮍﯼ ﻧﻘﺼﺎﻥ ﺩﮦ ﮨﻮﺗﯽ ﮨﯿﮟ۔ ” ﺍُﺱ ﻧﮯ ﮐﮩﺎ۔ ﻋﺎﺋﺸﮧ ﺧﺎﻣﻮﺷﯽ ﺳﮯ ﺍُﺱ ﮐﯽ ﺑﺎﺕ ﺳﻨﺘﮯ ﮨﻮﺋﮯ ﻧﺎﺷﺘﮧ ﮐﺮﺗﯽ ﺭﮨﯽ۔
” ﻣﯿﮟ ﺁﭖ ﮐﯽ ﮐﺎﻝ ﮐﺎ ﺍﻧﺘﻈﺎﺭ ﮐﺮﺗﺎ ﺭﮨﺎ ﺗﮭﺎ۔ ﺍﺱ ﺗﻮﻗﻊ ﮐﮯ ﺑﺎﻭﺟﻮﺩ ﮐﮧ ﺁﭖ ﮐﺎﻝ ﻧﮩﯿﮟ ﮐﺮﯾﮟ ﮔﯽ۔ ” ﺟﺒﺮﯾﻞ ﻧﮯ ﺍُﺱ ﺳﮯ ﮐﮩﺎ۔ ﻭﮦ ﮐﺎﻓﯽ ﮐﮯ ﺳﭗ ﻟﮯ ﺭﮨﺎ ﺗﮭﺎ۔ ﻋﺎﺋﺸﮧ ﻧﮯ ﭼﮑﻦ ﺳﺎﺳﺠﺰ ﮐﺎ ﺁﺧﺮﯼ ﭨﮑﮍﺍ ﻣﻨﮧ ﻣﯿﮟ ﮈﺍﻟﺘﮯ ﮨﻮﺋﮯ ﺍُﺳﮯ ﺩﯾﮑﮭﺎ۔ ﺍُﺳﮯ ﺍﯾﮏ ﮐﺎﻏﺬ ﭘﺮ ﻟﮑﮭﺎ ﮨﻮﺍ Sorry ﮐﺎ ﻭﮦ ﻟﻔﻆ ﯾﺎﺩ ﺁ ﮔﯿﺎ ﺗﮭﺎ ﺟﻮ ﻭﮦ ﺍُﺳﮯ ﺍﯾﮏ ﻟﻔﺎﻓﮯ ﻣﯿﮟ ﺩﮮ ﮐﺮ ﮔﯿﺎ ﺗﮭﺎ ﺍﻭﺭ ﺟﺴﮯ ﺩﯾﮑﮫ ﮐﺮ ﻭﮦ ﺑﮯ ﺣﺪ ﺍﻟﺠﮭﯽ ﺗﮭﯽ۔ ﻭﮦ ﺍُﺱ ﺳﮯ ﮐﺲ ﺑﺎﺕ ﮐﮯ ﻟﺌﮯ ﻣﻌﺬﺭﺕ ﺧﻮﺍﮦ ﺗﮭﺎ، ﮐﺲ ﭼﯿﺰ ﮐﮯ ﻟﺌﮯ ﺷﺮﻣﻨﺪﮔﯽ ﮐﺎ ﺍﻇﮩﺎﺭ ﮐﺮ ﺭﮨﺎ ﺗﮭﺎ۔ ﻻﮐﮫ ﮐﻮﺷﺶ ﮐﮯ ﺑﺎﻭﺟﻮﺩ ﻭﮦ ﮐﻮﺋﯽ ﻭﺿﺎﺣﺖ، ﮐﻮﺋﯽ ﺗﻮﺟﯿﮩﮧ ﮈﮬﻮﻧﮉﻧﮯ ﻣﯿﮟ ﮐﺎﻣﯿﺎﺏ ﻧﮩﯿﮟ ﮨﻮﺋﯽ ﺗﮭﯽ ﺍﻭﺭ ﺍﺗﻨﺎ ﺍُﻟﺠﮭﻨﮯ ﮐﮯ ﺑﺎﻭﺟﻮﺩ ﺍُﺱ ﻧﮯ ﺟﺒﺮﯾﻞ ﮐﻮ ﻓﻮﻥ ﮐﺮ ﮐﮯ ﺍُﺱ ﺍﯾﮏ ﻟﻔﻆ ﮐﯽ ﻭﺿﺎﺣﺖ ﻧﮩﯿﮟ ﻣﺎﻧﮕﯽ ﺗﮭﯽ۔ ﻭﮦ ﺍُﺱ ﺷﺨﺺ ﺳﮯ ﺭﺍﮦ ﻭ ﺭﺳﻢ ﺑﮍﮬﺎﻧﺎ ﻧﮩﯿﮟ ﭼﺎﮨﺘﯽ ﺗﮭﯽ۔ ﺑﺎﺭ ﺑﺎﺭ ﺍُﺱ ﺳﮯ ﺑﺎﺕ ﮐﺮﻧﺎ، ﺍُﺱ ﺳﮯ ﻣﻠﻨﺎ ﻧﮩﯿﮟ ﭼﺎﮨﺘﯽ ﺗﮭﯽ۔ ﮨﺮ ﺑﺎﺭ ﺍُﺱ ﮐﯽ ﺁﻭﺍﺯ، ﺍُﺱ ﺳﮯ ﻣﻼﻗﺎﺕ، ﻋﺎﺋﺸﮧ ﻋﺎﺑﺪﯾﻦ ﮐﻮ ﭘﺘﮧ ﻧﮩﯿﮟ ﮐﯿﺎ ﮐﯿﺎ ﯾﺎﺩ ﺩﻻﻧﮯ ﻟﮕﺘﺎ ﺗﮭﺎ۔ ﮐﯿﺎ ﮐﯿﺎ ﭘﭽﮭﺘﺎﻭﺍ ﺍﻭﺭ ﺍﺣﺴﺎﺱِ ﺯﯾﺎﮞ ﺗﮭﺎ ﺟﻮ ﺍُﺳﮯ ﮨﻮﻧﮯ ﻟﮕﺘﺎ ﺗﮭﺎ ﺍﻭﺭ ﻋﺎﺋﺸﮧ ﺍﭘﻨﮯ ﻣﺎﺿﯽ ﮐﮯ ﺍُﺱ ﺣﺼّﮯ ﻣﯿﮟ ﻧﮩﯿﮟ ﺟﺎﻧﺎ ﭼﺎﮨﺘﯽ ﺗﮭﯽ ﺟﮩﺎﮞ ﺟﺒﺮﯾﻞ ﺳﮑﻨﺪﺭ ﮐﮭﮍﺍ ﺗﮭﺎ۔ ﻭﮦ closure ﮐﺮ ﭼﮑﯽ ﺗﮭﯽ۔
ﺟﺒﺮﯾﻞ ﻧﮯ ﺍُﺳﮯ ﮐﭽﻦ ﮐﺎﺅﻧﭩﺮ ﮐﮯ ﭘﺎﺭ ﺳﭩﻮﻝ ﭘﺮ ﺑﯿﭩﮭﮯ ﺍﭘﻨﯽ ﺧﺎﻟﯽ ﭘﻠﯿﭧ ﭘﺮ ﻧﻈﺮﯾﮟ ﺟﻤﺎﺋﮯ ﮐﺴﯽ ﮔﮩﺮﯼ ﺳﻮﭺ ﻣﯿﮟ ﺩﯾﮑﮭﺎ۔ ﺍُﺱ ﻧﮯ ﺟﺒﺮﯾﻞ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﭽﮫ ﻧﮩﯿﮟ ﮐﮩﺎ ﺗﮭﺎ۔ ﯾﻮﮞ ﺟﯿﺴﮯ ﺍُﺱ ﻧﮯ ﮐﭽﮫ ﺳُﻨﺎ ﮨﯽ ﻧﮧ ﮨﻮ۔ ﺟﺒﺮﯾﻞ ﮐﻮ ﺳﻤﺠﮫ ﻧﮩﯿﮟ ﺁﯾﺎ ﻭﮦ ﺍُﺱ ﺳﮯ ﺟﻮ ﮐﮩﻨﮯ ﺁﯾﺎ ﺗﮭﺎ، ﻭﮦ ﮐﯿﺴﮯ ﮐﮩﮯ ﮔﺎ۔ ﺍُﺱ ﻭﻗﺖ ﺍُﺱ ﻧﮯ ﺑﮯ ﺍﺧﺘﯿﺎﺭ ﯾﮧ ﺧﻮﺍﮨﺶ ﮐﯽ ﺗﮭﯽ ﮐﮧ ﮐﺎﺵ ﺍُﺱ ﻧﮯ ﺍُﺱ ﺳﺮﺟﺮﯼ ﮐﮯ ﺩﻭﺭﺍﻥ ﮈﺍﮐﭩﺮ ﻭﯾﺰﻝ ﮐﯽ ﻭﮦ ﻏﻠﻄﯽ ﺩﯾﮑﮭﯽ ﮨﯽ ﻧﮧ ﮨﻮﺗﯽ۔
” ﺁﭖ ﮐﺎ ﻭﺯﯾﭩﻨﮓ ﮐﺎﺭﮈ ﻣﺠﮫ ﺳﮯ ﮐﮭﻮ ﮔﯿﺎ ﺗﮭﺎ۔ ﻣﺠﮭﮯ ﯾﺎﺩ ﻧﮩﯿﮟ، ﻭﮦ ﻣﯿﮟ ﻧﮯ ﮐﮩﺎﮞ ﺭﮐﮫ ﺩﯾﺎ ﺗﮭﺎ۔ ” ﻭﮦ ﺑﺎﻵﺧﺮ ﺑﻮﻟﯽ ﺗﮭﯽ ﺍﻭﺭ ﺍُﺱ ﻧﮯ ﺑﮯ ﺣﺪ ﻋﺠﯿﺐ ﺍﯾﮑﺴﮑﯿﻮﺯ ﺩﯼ ﺗﮭﯽ ﺍُﺳﮯ۔ ﯾﻌﻨﯽ ﻭﮦ ﺍُﺳﮯ ﯾﮧ ﺑﺘﺎﻧﺎ ﭼﺎﮦ ﺭﮨﯽ ﺗﮭﯽ ﮐﮧ ﺍُﺱ ﻧﮯ ﺟﺒﺮﯾﻞ ﮐﺎ ﻧﻤﺒﺮ save ﻧﮩﯿﮟ ﮐﯿﺎ ﮨﻮﺍ ﺗﮭﺎ۔
ﮐﭽﮫ ﮐﮩﻨﮯ ﮐﮯ ﺑﺠﺎﺋﮯ ﺟﺒﺮﯾﻞ ﻧﮯ ﺍﭘﻨﯽ ﺟﯿﺐ ﺳﮯ ﻭﺍﻟﭧ ﻧﮑﺎﻝ ﮐﺮ ﺍﯾﮏ ﺍﻭﺭ ﻭﺯﯾﭩﻨﮓ ﮐﺎﺭﮈ ﻧﮑﺎﻻ ﺍﻭﺭ ﺍُﺳﮯ ﺍﻭﻥ ﺳﻼﺋﯿﻮﮞ ﮐﮯ ﺍُﺱ ﮈﺑّﮯ ﻣﯿﮟ ﺭﮐﮭﺘﮯ ﮨﻮﺋﮯ ﮐﮩﺎ۔ ” ﯾﮩﺎﮞ ﺳﮯ ﮔﻢ ﻧﮧ ﮨﻮ ﺷﺎﯾﺪ۔ ” ﻋﺎﺋﺸﮧ ﻧﮯ ﻧﻈﺮﯾﮟ ﭼﺮﺍ ﻟﯽ ﺗﮭﯿﮟ۔ ﻭﮦ ﭘﻠﯿﭩﯿﮟ ﺍُﭨﮭﺎﺗﮯ ﮨﻮﺋﮯ ﺍُﻧﮩﯿﮟ ﺳِﻨﮏ ﻣﯿﮟ ﺭﮐﮫ ﺁﺋﯽ۔
” ﺁﭖ ﻣﺠﮫ ﺳﮯ ﮐﭽﮫ ﺑﺎﺕ ﮐﺮﻧﺎ ﭼﺎﮨﺘﮯ ﺗﮭﮯ۔ ” ﺍﭘﻨﮯ ﻟﺌﮯ ﮐﺎﻓﯽ ﺑﻨﺎﺗﮯ ﮨﻮﺋﮯ ﺍُﺱ ﻧﮯ ﺑﺎﻵﺧﺮ ﺟﺒﺮﯾﻞ ﮐﻮ ﻭﮦ ﺍﯾﺸﻮ ﯾﺎﺩ ﺩﻻﯾﺎ ﺟﺲ ﮐﮯ ﻟﺌﮯ ﻭﮦ ﯾﮩﺎﮞ ﺁﯾﺎ ﺗﮭﺎ۔
” ﺍﺣﺴﻦ ﺳﻌﺪ ﻣﺠﮫ ﺳﮯ ﻣﻠﻨﮯ ﺁﯾﺎ ﺗﮭﺎ۔ ” ﮐﭽﮫ ﺩﯾﺮ ﺧﺎﻣﻮﺵ ﺭﮨﻨﮯ ﮐﮯ ﺑﻌﺪ ﺟﺒﺮﯾﻞ ﻧﮯ ﺍُﺱ ﺳﮯ ﮐﮩﺎ۔ ﺍُﺱ ﮐﺎ ﺧﯿﺎﻝ ﺗﮭﺎ ﻭﮦ ﺑﺮﯼ ﻃﺮﺡ ﭼﻮﻧﮑﮯ ﮔﯽ۔
” ﻣﯿﮟ ﺟﺎﻧﺘﯽ ﮨﻮﮞ۔ ” ﻭﮦ ﺍﻧﺘﮩﺎﺋﯽ ﻏﯿﺮ ﻣﺘﻮﻗﻊ ﺟﻮﺍﺏ ﺗﮭﺎ۔ ﺟﺒﺮﯾﻞ ﭼﻨﺪ ﻟﻤﺤﮯ ﺑﻮﻝ ﻧﮩﯿﮟ ﺳﮑﺎ۔ ﻭﮦ ﺍُﺱ ﮐﯽ ﻃﺮﻑ ﻣﺘﻮﺟﮧ ﻧﮩﯿﮟ ﺗﮭﯽ۔ ﻭﮦ ﮐﺎﻓﯽ ﮐﻮ ﺍﺱ ﺍﻧﮩﻤﺎﮎ ﺳﮯ ﺑﻨﺎ ﺭﮨﯽ ﺗﮭﯽ ﺟﯿﺴﮯ ﺍُﺱ ﮐﯽ ﺯﻧﺪﮔﯽ ﮐﺎ ﻣﻘﺼﺪ ﮐﺎﻓﯽ ﮐﺎ ﻭﮦ ﮐﭗ ﺑﻨﺎﻧﺎ ﮨﯽ ﺗﮭﺎ۔
” ﺍُﺱ ﻧﮯ ﻣﺠﮭﮯ ﮐﺎﻝ ﮐﯽ ﺗﮭﯽ۔ ” ﺟﺒﺮﯾﻞ ﮐﯽ ﺧﺎﻣﻮﺷﯽ ﮐﻮ ﺟﯿﺴﮯ ﺍُﺱ ﻧﮯ decode ﮐﺮﺗﮯ ﮨﻮﺋﮯ ﻣﺰﯾﺪ ﮐﮩﺎ۔ ﺟﺒﺮﯾﻞ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﯾﺎ ﻭﮦ ﺍﺏ ﮐﯿﺎ ﮐﮩﮯ۔ ﺍﮔﺮ ﺍﺣﺴﻦ ﺳﻌﺪ ﻧﮯ ﺍُﺳﮯ ﮐﺎﻝ ﮐﯽ ﺗﮭﯽ، ﺟﺒﺮﯾﻞ ﺳﮯ ﻣﻼﻗﺎﺕ ﮐﮯ ﺑﻌﺪ، ﺗﻮ ﯾﮧ ﻣﻤﮑﻦ ﻧﮩﯿﮟ ﺗﮭﺎ ﮐﮧ ﺍُﺱ ﻧﮯ ﻋﺎﺋﺸﮧ ﮐﻮ ﺍﺳﻔﻨﺪ ﮐﯽ ﺳﺮﺟﺮﯼ ﮐﮯ ﺣﻮﺍﻟﮯ ﺳﮯ ﺍُﺱ ﮐﮯ ﺍﻋﺘﺮﺍﻑ ﮐﮯ ﺣﻮﺍﻟﮯ ﺳﮯ ﮐﭽﮫ ﻧﮧ ﮐﮩﺎ ﮨﻮ ﺍﻭﺭ ﺍﮔﺮ ﺍُﺱ ﻧﮯ ﻋﺎﺋﺸﮧ ﺳﮯ ﺫﮐﺮ ﮐﯿﺎ ﺗﮭﺎ ﺗﻮ ﻋﺎﺋﺸﮧ ﺍﺱ ﻭﻗﺖ ﺍﺗﻨﮯ ﭘﺮﺳﮑﻮﻥ ﺍﻧﺪﺍﺯ ﻣﯿﮟ ﺍُﺱ ﮐﮯ ﺳﺎﻣﻨﮯ ﮐﯿﺴﮯ ﺑﯿﭩﮭﯽ ﺭﮦ ﺳﮑﺘﯽ ﺗﮭﯽ۔ ﺍﺣﺴﻦ ﺳﻌﺪ ﻧﮯ ﺟﺒﺮﯾﻞ ﮐﮯ ﮐﺎﻡ ﮐﻮ ﻣﺸﮑﻞ ﺳﮯ ﺁﺳﺎﻥ ﮐﺮ ﺩﯾﺎ ﺗﮭﺎ، ﻣﮕﺮ ﺍﺏ ﺍﺱ ﮐﮯ ﺑﻌﺪ ﺍﮔﻼ ﺳﻮﺍﻝ ﺟﺒﺮﯾﻞ ﮐﻮ ﺳﻮﺟﮫ ﻧﮩﯿﮟ ﺭﮨﺎ ﺗﮭﺎ۔
ﻭﮦ ﺍﺏ ﺍﭘﻨﺎ ﮐﺎﻓﯽ ﮐﺎ ﻣﮓ ﻟﺌﮯ ﺍُﺱ ﮐﮯ ﺳﺎﻣﻨﮯ ﺻﻮﻓﮧ ﭘﺮ ﺁﮐﺮ ﺑﯿﭩﮫ ﮔﺌﯽ ﺗﮭﯽ۔
” ﺍﺏ ﺁﭖ ﮐﻮ ﯾﮧ ﺗﻮ ﭘﺘﮧ ﭼﻞ ﮔﯿﺎ ﮨﻮﮔﺎ ﮐﮧ ﻣﯿﮟ ﮐﺘﻨﯽ ﮔﻨﺎﮦ ﮔﺎﺭ ﺍﻭﺭ ﻗﺎﺑﻞِ ﻧﻔﺮﺕ ﮨﻮﮞ۔ ” ﻋﺎﺋﺸﮧ ﻋﺎﺑﺪﯾﻦ ﮐﮯ ﻟﮩﺠﮯ ﻣﯿﮟ ﻋﺠﯿﺐ ﺍﻃﻤﯿﻨﺎﻥ ﺗﮭﺎ، ﯾﻮﮞ ﺟﯿﺴﮯ ﻭﮦ ﺧﻮﺩ ﭘﺮ ﻣﻼﻣﺖ ﻧﮩﯿﮟ، ﺍﭘﻨﯽ ﺗﻌﺮﯾﻒ ﮐﺮ ﺭﮨﯽ ﮨﻮ۔ ﺟﺒﺮﯾﻞ ﺍُﺳﮯ ﺩﯾﮑﮭﺘﺎ ﺭﮨﺎ۔ ﻋﺎﺋﺸﮧ ﻋﺎﺑﺪﯾﻦ ﮐﯽ ﺁﻧﮑﮭﻮﮞ ﻣﯿﮟ ﮐﭽﮫ ﺑﮭﯽ ﻧﮩﯿﮟ ﺗﮭﺎ۔ ﻭﮦ ﺗﮑﻠﯿﻒ ﺍﻭﺭ ﺩﺭﺩ ﺑﮭﯽ ﻧﮩﯿﮟ ﺟﻮ ﺟﺒﺮﯾﻞ ﻧﮯ ﮨﺮ ﺑﺎﺭ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺩﯾﮑﮭﺎ ﺗﮭﺎ۔ ﻭﮦ ﺷﺮﻣﻨﺪﮔﯽ ﺍﻭﺭ ﻧﺪﺍﻣﺖ ﺑﮭﯽ ﻧﮩﯿﮟ ﺟﻮ ﮨﺮ ﺑﺎﺭ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺟﮭﻠﮑﺘﯽ ﺗﮭﯽ۔ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺍﺏ ﮐﭽﮫ ﺑﮭﯽ ﻧﮩﯿﮟ ﺗﮭﺎ۔ ﺍﻭﺭ ﺍُﺱ ﮐﮯ ﺟﻤﻠﮯ ﻧﮯ ﺟﺒﺮﯾﻞ ﮐﮯ ﺳﺎﺭﮮ ﻟﻔﻈﻮﮞ ﮐﻮ ﮔﻮﻧﮕﺎ ﮐﺮ ﺩﯾﺎ ﺗﮭﺎ۔
” ﺍﺣﺴﻦ ﻧﮯ ﺁﭖ ﮐﻮ ﯾﮧ ﺑﺘﺎﯾﺎ ﮐﮧ ﺳﺮﺟﺮﯼ ﻣﯿﮟ۔۔۔۔۔۔۔۔۔۔۔۔۔۔۔۔ ” ﺟﺒﺮﯾﻞ ﮐﻮ ﭘﺘﮧ ﻧﮩﯿﮟ ﮐﯿﻮﮞ ﺷﺒﮧ ﮨﻮﺍ ﮐﮧ ﺷﺎﯾﺪ ﺍﺣﺴﻦ ﻧﮯ ﺍُﺳﮯ ﮐﭽﮫ ﻧﮩﯿﮟ ﺑﺘﺎﯾﺎ ﻭﺭﻧﮧ ﻋﺎﺋﺸﮧ ﻋﺎﺑﺪﯾﻦ ﮐﯽ ﺯﺑﺎﻥ ﭘﺮ ﮐﭽﮫ ﺍﻭﺭ ﺳﻮﺍﻝ ﮨﻮﻧﺎ ﭼﺎﮨﯿﮯ ﺗﮭﺎ۔
” ﮨﺎﮞ۔ ” ﺍُﺱ ﯾﮏ ﻟﻔﻈﯽ ﺟﻮﺍﺏ ﻧﮯ ﺟﺒﺮﯾﻞ ﮐﻮ ﺍﯾﮏ ﺑﺎﺭ ﭘﮭﺮ ﮐﭽﮫ ﺑﻮﻟﻨﮯ ﮐﮯ ﻗﺎﺑﻞ ﻧﮩﯿﮟ ﭼﮭﻮﮌﺍ ﺗﮭﺎ۔ ﻭﮦ ﺍﺏ ﺍُﺳﮯ ﻧﮩﯿﮟ ﺩﯾﮑﮫ ﺭﮨﯽ ﺗﮭﯽ ﺍُﺱ ﮐﺎﻓﯽ ﮐﮯ ﻣﮓ ﺳﮯ ﺍُﭨﮭﺘﯽ ﺑﮭﺎﭖ ﮐﻮ ﺩﯾﮑﮫ ﺭﮨﯽ ﺗﮭﯽ ﺟﻮ ﺍُﺱ ﮐﮯ ﺩﻭﻧﻮﮞ ﮨﺎﺗﮭﻮﮞ ﻣﯿﮟ ﺗﮭﺎ۔ ﯾﻮﮞ ﺟﯿﺴﮯ ﻭﮦ ﮨﺎﺗﮭﻮﮞ ﻣﯿﮟ ﮐﻮﺋﯽ ﮐﺮﺳﭩﻞ ﺑﺎﻝ ﻟﺌﮯ ﺑﯿﭩﮭﯽ ﮨﻮ، ﺟﺲ ﻣﯿﮟ ﺍﭘﻨﺎ ﻣﺴﺘﻘﺒﻞ ﺩﯾﮑﮭﻨﮯ ﮐﯽ ﮐﻮﺷﺶ ﮐﺮ ﺭﮨﯽ ﮨﻮ۔ ﻣﺎﺿﯽ ﻭﮦ ﺗﮭﺎ ﺟﺴﮯ ﻭﮦ ﺑﮭﻮﻟﻨﮯ ﮐﮯ ﻋﻼﻭﮦ ﺍﻭﺭ ﮐﭽﮫ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ ﺍﻭﺭ ﺣﺎﻝ ﻣﯿﮟ ﺍُﺳﮯ ﺩﻟﭽﺴﭙﯽ ﻧﮩﯿﮟ ﺗﮭﯽ۔ ﻭﮦ ﺯﻧﺪﮔﯽ ﮐﮯ ﺍُﺱ ﺣﺼﮯ ﺳﮯ ﺑﺲ ﺁﻧﮑﮭﯿﮟ ﺑﻨﺪ ﮐﺮ ﮐﮯ ﮔﺰﺭﻧﺎ ﭼﺎﮨﺘﯽ ﺗﮭﯽ، ﺍﺣﺴﻦ ﺳﻌﺪ ﮐﯽ ﭼﻠّﺎﺗﯽ ﮨﻮﺋﯽ ﺁﻭﺍﺯ ﺍُﺱ ﮐﮯ ﮐﺎﻧﻮﮞ ﻣﯿﮟ ﮔﻮﻧﺞ ﺭﮨﯽ ﺗﮭﯽ۔
” ﮔﺎﻟﯽ … ﮔﺎﻟﯽ … ﮔﺎﻟﯽ … ﺍﻭﺭ ﮔﺎﻟﯿﺎﮞ ”… ﻭﮦ ﻓﻮﻥ ﮐﺎﻥ ﺳﮯ ﻟﮕﺎﺋﮯ ﮐﺴﯽ ﻣﯿﮑﺎﻧﮑﯽ ﺍﻧﺪﺍﺯ ﻣﯿﮟ ﻭﮦ ﮔﺎﻟﯿﺎﮞ ﺳُﻦ ﺭﮨﯽ ﺗﮭﯽ ﺟﻮ ﮐﺌﯽ ﺳﺎﻝ ﺍُﺱ ﮐﯽ ﺯﻧﺪﮔﯽ ﮐﮯ ﺷﺐ ﻭ ﺭﻭﺯ ﮐﺎ ﺣﺼّﮧ ﺭﮨﯽ ﺗﮭﯿﮟ ﺍﻭﺭ ﻭﮦ ﺍُﻧﮩﯿﮟ ﺳﻨﺘﮯ ﮨﻮﺋﮯ ﺍﺏ immune ﮨﻮ ﭼﮑﯽ ﺗﮭﯽ۔ ﺍُﻥ ﺑﺮﮮ ﻟﻔﻈﻮﮞ ﮐﺎ ﺯﮨﺮ ﺍﺏ ﺍُﺱ ﮐﺎ ﮐﭽﮫ ﺑﮭﯽ ﻧﮩﯿﮟ ﺑﮕﺎﮌﺗﺎ ﺗﮭﺎ۔ ﻧﮧ ﺍُﺳﮯ ﺷﺮﻡ ﻣﺤﺴﻮﺱ ﮨﻮﺗﯽ ﺗﮭﯽ، ﻧﮧ ﺗﺬﻟﯿﻞ، ﻧﮧ ﮨِﺘﮏ، ﻧﮧ ﻏﺼﮧ، ﻧﮧ ﭘﺮﯾﺸﺎﻧﯽ۔ ﻃﻼﻕ ﮐﺎ ﮐﯿﺲ ﭼﻠﻨﮯ ﮐﮯ ﺩﻭﺭﺍﻥ، ﻃﻼﻕ ﮨﻮﻧﮯ ﮐﮯ ﺑﻌﺪ ﺍﻭﺭ ﺍﺳﻔﻨﺪ ﮐﯽ ﮐﺴﭩﮉﯼ ﮐﮯ ﮐﯿﺲ ﮐﮯ ﺩﻭﺭﺍﻥ ﺑﮭﯽ ﺍﺣﺴﻦ ﮐﺎ ﺟﺐ ﺩﻝ ﭼﺎﮨﺘﺎ ﺗﮭﺎ، ﻭﮦ ﺍُﺳﮯ ﺍﺳﯽ ﻃﺮﺡ ﻓﻮﻥ ﮐﺮﺗﺎ ﺗﮭﺎ ﺍﻭﺭ ﯾﮩﯽ ﺳﺎﺭﮮ ﻟﻔﻆ ﺩﮨﺮﺍﺗﺎ ﺗﮭﺎ، ﺟﻮ ﺍُﺱ ﻧﮯ ﺍﺏ ﺑﮭﯽ ﺩﮨﺮﺍﺋﮯ ﺗﮭﮯ۔ ﻭﮦ ﮐﻮﺷﺶ ﮐﮯ ﺑﺎﻭﺟﻮﺩ ﺍُﺱ ﮐﯽ ﮐﺎﻝ ﻧﮧ ﻟﯿﻨﮯ ﮐﯽ ﮨﻤﺖ ﻧﮩﯿﮟ ﮐﺮ ﭘﺎﺗﯽ ﺗﮭﯽ۔ ﻧﻔﺴﯿﺎﺗﯽ ﻃﺮﻑ ﭘﺮ ﻭﮦ ﺍﺱ ﻗﺪﺭ ﺧﺎﺋﻒ ﺗﮭﯽ ﮐﮧ ﺍُﺳﮯ ﯾﻮﮞ ﻟﮕﺘﺎ ﺗﮭﺎ ﻭﮦ ﺍُﺱ ﮐﯽ ﮐﺎﻝ ﻧﮩﯿﮟ ﺳُﻨﮯ ﮔﯽ ﺗﻮ ﻭﮦ ﺍُﺱ ﮐﮯ ﮔﮭﺮ ﺁﺟﺎﺋﮯ ﮔﺎ ﻭﮦ ﺍُﺳﮯ ﯾﮩﯽ ﮐﮩﺘﺎ ﺗﮭﺎ ﺍﻭﺭ ﻭﮦ ﯾﮧ ﺑﮭﻮﻝ ﮔﺌﯽ ﺗﮭﯽ ﮐﮧ ﻭﮦ ﺍﻣﺮﯾﮑﮧ ﻣﯿﮟ ﺗﮭﯽ۔ ﺍُﺱ ﮐﯽ ﺍﯾﮏ ﮐﺎﻝ ﭘﺮ ﭘﻮﻟﯿﺲ ﺍﺣﺴﻦ ﺳﻌﺪ ﮐﻮ ﮐﺒﮭﯽ ﺍُﺱ ﮐﮯ ﮔﮭﺮ ﮐﮯ ﭘﺎﺱ ﭘﮭﭩﮑﻨﮯ ﺑﮭﯽ ﻧﮧ ﺩﯾﺘﯽ ﻟﯿﮑﻦ ﻋﺎﺋﺸﮧ ﺍﺗﻨﯽ ﺑﮩﺎﺩﺭ ﮨﻮﺗﯽ ﺗﻮ ﺍُﺱ ﮐﯽ ﺯﻧﺪﮔﯽ ﺍﯾﺴﯽ ﻧﮧ ﮨﻮﺗﯽ۔ Abuse ﮐﯽ ﺍﯾﮏ ﻗﺴﻢ ﻭﮦ ﺗﮭﯽ ﺟﻮ ﺍُﺱ ﻧﮯ ﺍﭘﻨﯽ ﺷﺎﺩﯼ ﻗﺎﺋﻢ ﺭﮐﮭﻨﮯ ﮐﮯ ﻟﺌﮯ، ﺍﯾﮏ ﺍﭼﮭﯽ ﺑﯿﻮﯼ ﺍﻭﺭ ﺍﭼﮭﯽ ﻣﺴﻠﻤﺎﻥ ﻋﻮﺭﺕ ﺑﻨﻨﮯ ﮐﯽ ﺟﺪﻭﺟﮩﺪ ﮐﺮﺗﮯ ﮨﻮﺋﮯ ﺳﮩﯽ ﺗﮭﯽ۔ Abuse ﮐﯽ ﺩﻭﺳﺮﯼ ﻗﺴﻢ ﻭﮦ ﺗﮭﯽ ﺟﻮ ﺍُﺱ ﻧﮯ ﺍﺳﻔﻨﺪ ﮐﯽ ﺯﻧﺪﮔﯽ ﻣﯿﮟ ﺑﺎﭖ ﻧﺎﻡ ﮐﯽ ﺍُﺱ ﻣﺤﺮﻭﻣﯽ ﮐﻮ ﻧﮧ ﺁﻧﮯ ﮐﮯ ﻟﺌﮯ ﺳﮩﯽ ﺗﮭﯽ، ﺟﻮ ﺧﻮﺩ ﺍُﺱ ﮐﯽ ﺯﻧﺪﮔﯽ ﻣﯿﮟ ﺗﮭﯽ۔
ﺍﺳﻔﻨﺪ ﮐﮯ ﺍﯾﮏ ﮐﻨﺪﮬﮯ ﻣﯿﮟ ﭘﯿﺪﺍﺋﺸﯽ ﻧﻘﺺ ﺗﮭﺎ، ﻭﮦ ﺍﭘﻨﺎ ﺑﺎﺯﻭ ﭨﮭﯿﮏ ﺳﮯ ﺍُﭨﮭﺎ ﻧﮩﯿﮟ ﭘﺎﺗﺎ ﺗﮭﺎ ﺍﻭﺭ ﻭﮦ slow learner ﺗﮭﺎ۔ ﺍﻭﺭ ﺍُﺱ ﮐﮯ ﯾﮧ ﺩﻭﻧﻮﮞ ” ﻧﻘﺎﺋﺺ ” ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﮯ ﻟﺌﮯ ﻧﺎﻗﺎﺑﻞِ ﯾﻘﯿﻦ ﺍﻭﺭ ﻧﺎﻗﺎﺑﻞِ ﻣﻌﺎﻓﯽ ﺗﮭﯽ۔ ﺍُﻥ ﮐﯽ ﺳﺎﺕ ﻧﺴﻠﻮﮞ ﻣﯿﮟ ﮐﺒﮭﯽ ﮐﻮﺋﯽ ﺑﭽّﮧ ﮐﺴﯽ ﺫﮨﻨﯽ ﯾﺎ ﺟﺴﻤﺎﻧﯽ ﻧﻘﺺ ﮐﺎ ﺷﮑﺎﺭ ﮐﺒﮭﯽ ﻧﮩﯿﮟ ﮨﻮﺍ ﺗﮭﺎ۔ ﺗﻮ ﺍُﻥ ﮐﮯ ﮔﮭﺮ ﻣﯿﮟ ﺍﺳﻔﻨﺪ ﮐﯽ ﭘﯿﺪﺍﺋﺶ ﮐﯿﺴﮯ ﮨﻮ ﮔﺌﯽ ﺗﮭﯽ۔ ﯾﮧ ﺑﮭﯽ ﻋﺎﺋﺸﮧ ﮐﺎ ﻗﺼﻮﺭ ﺗﮭﺎ۔ ﺍُﺱ ﮐﮯ ﺟﯿﻨﺰ ﮐﺎ، ﺍُﺱ ﮐﮯ ﺍﻋﻤﺎﻝ ﮐﺎ، ﻭﮦ ﺍُﺱ ﮐﺎ ﻋﺬﺍﺏ ﺍﻭﺭ ﺳﺰﺍ ﺗﮭﯽ۔ ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﮯ ﻟﺌﮯ ﺁﺯﻣﺎﺋﺶ ﮐﯿﻮﮞ ﺑﻨﺎ ﺗﮭﺎ۔ ﺍﻭﺭ ﻋﺎﺋﺸﮧ ﮐﮯ ﮐﮭﻮﮐﮭﻠﮯ ﻟﻔﻆ ﺍﺏ ﺑﺎﻟﮑﻞ ﮔﻮﻧﮕﮯ ﮨﻮ ﮔﺌﮯ ﺗﮭﮯ۔ ﺍُﺳﮯ ﺑﮭﯽ ﯾﻘﯿﻦ ﺗﮭﺎ ﺍُﺱ ﮐﯽ ﺍﻭﻻﺩ ﮐﯽ ﯾﮧ ﺗﮑﻠﯿﻒ ﺍُﺱ ﮐﮯ ﮐﺴﯽ ﮔﻨﺎﮦ ﮐﺎ ﻧﺘﯿﺠﮧ ﺗﮭﯽ ﭘﺮ ﮐﯿﺎ ﮔﻨﺎﮦ؟ ﯾﮧ ﺳﻮﺍﻝ ﻭﮦ ﺗﮭﺎ ﺟﺲ ﮐﺎ ﺟﻮﺍﺏ ﺍُﺳﮯ ﻧﮩﯿﮟ ﻣﻠﺘﺎ ﺗﮭﺎ۔ ﺍﻭﺭ ﺍُﺱ ﻣﻌﺬﻭﺭ ﺍﻭﻻﺩ ﮐﮯ ﺳﺎﺗﮫ ﺍُﺱ ﻧﮯ ﺍﺣﺴﻦ ﺳﻌﺪ ﮐﯽ ﺍﻃﺎﻋﺖ ﮐﯽ ﮨﺮ ﺣﺪ ﭘﺎﺭ ﮐﺮ ﻟﯽ ﺗﮭﯽ۔ ﺻﺮﻑ ﺍﺱ ﻟﺌﮯ، ﮐﯿﻮﻧﮑﮧ ﺍُﺳﮯ ﻟﮕﺘﺎ ﺗﮭﺎ ﺍُﺱ ﮐﮯ ﺑﯿﭩﮯ ﮐﻮ ﺑﺎﭖ ﮐﯽ ﺿﺮﻭﺭﺕ ﺗﮭﯽ۔ ﻭﮦ ﺍﮐﯿﻠﯽ ﺍُﺳﮯ ﮐﯿﺴﮯ ﭘﺎﻟﺘﯽ؟ ﻭﮦ ﺍﺳﻔﻨﺪ ﮐﯽ ﭘﯿﺪﺍﺋﺶ ﮐﮯ ﺑﻌﺪ ﺍﻣﺮﯾﮑﮧ ﺁ ﮔﺌﯽ ﺗﮭﯽ ﺍﻭﺭ ﯾﮩﺎﮞ ﺍﺣﺴﻦ ﻧﮯ ﺍُﺳﮯ ﺭﯾﺬﯾﮉﻧﺴﯽ ﮐﺮﻧﮯ ﮐﮯ ﻟﺌﮯ ﮐﮩﺎ ﺗﮭﺎ ﮐﯿﻮﻧﮑﮧ ﻭﮦ financially ﺍﺗﻨﯽ ﺫﻣﮧ ﺩﺍﺭﯾﺎﮞ ﭘﻮﺭﯼ ﻧﮩﯿﮟ ﮐﺮ ﺳﮑﺘﺎ ﺗﮭﺎ۔ ﻋﺎﺋﺸﮧ ﻧﮯ ﺳﻮﭼﮯ ﺳﻤﺠﮭﮯ ﺑﻐﯿﺮ ﺍﭘﻨﯽ ﺗﻌﻠﯿﻢ ﮐﺎ ﺳﻠﺴﻠﮧ ﺩﻭﺑﺎﺭﮦ ﺷﺮﻭﻉ ﮐﺮ ﺩﯾﺎ ﺗﮭﺎ۔ ﻭﮦ ﯾﮧ ﻧﮩﯿﮟ ﺳﻤﺠﮫ ﺳﮑﯽ ﺗﮭﯽ ﮐﮧ ﺍﺣﺴﻦ ﮐﻮ ﯾﮏ ﺩﻡ ﺍﯾﺴﮯ ﮐﻮﻥ ﺳﮯ finances ﻧﻈﺮ ﺁﻧﮯ ﻟﮕﮯ ﺗﮭﮯ ﺟﺲ ﮐﮯ ﻟﺌﮯ ﺍﺱ ﮐﺎ ﮐﺎﻡ ﮐﺮﻧﺎ ﺑﮭﯽ ﺿﺮﻭﺭﯼ ﺗﮭﺎ۔ ﺍﻭﺭ ﻭﮨﺎﮞ ﺁﻧﮯ ﮐﮯ ﺍﯾﮏ ﺳﺎﻝ ﺑﻌﺪ ﺍُﺳﮯ ﭘﺘﮧ ﭼﻼ ﺗﮭﺎ ﮐﮧ ﺍُﺱ ﮐﮯ ﺍﻣﺮﯾﮑﮧ ﺁﻧﮯ ﮐﮯ ﭼﻨﺪ ﻣﮩﯿﻨﮯ ﺑﻌﺪ ﮨﯽ ﺍﺣﺴﻦ ﻧﮯ ﭘﺎﮐﺴﺘﺎﻥ ﻣﯿﮟ ﺩﻭﺳﺮﯼ ﺷﺎﺩﯼ ﮐﺮ ﻟﯽ ﺗﮭﯽ۔ ﻭﮦ ﺍﺏ ﺑﮩﺖ frequently ﭘﺎﮐﺴﺘﺎﻥ ﺁ ﺟﺎ ﺭﮨﺎ ﺗﮭﺎ ﺍﻭﺭ ﻋﺎﺋﺸﮧ ﮐﻮ ﮐﺒﮭﯽ ﺷﮏ ﻧﮩﯿﮟ ﮨﻮﺍ ﺗﮭﺎ ﮐﮧ ﺍُﺱ ﮐﯽ ﺯﻧﺪﮔﯽ ﻣﯿﮟ ﮐﻮﺋﯽ ﺩﻭﺳﺮﯼ ﻋﻮﺭﺕ ﺁ ﭼﮑﯽ ﺗﮭﯽ۔ ﻭﮦ ﺍﻧﮑﺸﺎﻑ ﮐﺴﯽ ﻧﮯ ﺍُﺱ ﮐﯽ ﻓﯿﻤﻠﯽ ﮐﮯ ﺳﺎﻣﻨﮯ ﮐﯿﺎ ﺗﮭﺎ ﺟﻮ ﺍﺣﺴﻦ ﺳﻌﺪ ﮐﯽ ﺩﻭﺳﺮﯼ ﺑﯿﻮﯼ ﺍﻭﺭ ﺍُﺱ ﮐﮯ ﺧﺎﻧﺪﺍﻥ ﮐﻮ ﺟﺎﻧﺘﺎ ﺗﮭﺎ۔ ﻋﺎﺋﺸﮧ ﻋﺎﺑﺪﯾﻦ ﮐﻮ ﺳﻤﺠﮫ ﮨﯽ ﻧﮩﯿﮟ ﺁﺋﯽ ﺗﮭﯽ ﮐﮧ ﻭﮦ ﺍﺱ ﺧﺒﺮ ﭘﺮ ﮐﺲ ﺭﺩِّ ﻋﻤﻞ ﮐﺎ ﺍﻇﮩﺎﺭ ﮐﺮﺗﯽ۔ ﯾﮧ ﺳﺐ ﻓﻠﻤﻮﮞ ﺍﻭﺭ ﮈﺭﺍﻣﻮﮞ ﻣﯿﮟ ﮨﻮﺗﺎ ﺗﮭﺎ ﻣﮕﺮ ﺍُﺱ ﮐﮯ ﺳﺎﺗﮫ ﮨﻮﺍ ﺗﮭﺎ ﺗﻮ ﺍُﺳﮯ ﻓﻠﻤﯿﮟ ﺍﻭﺭ ﮈﺭﺍﻣﮯ ﺑﮭﯽ ﮨﯿﭻ ﻟﮕﻨﮯ ﻟﮕﮯ ﺗﮭﮯ۔
ﺍﺣﺴﻦ ﺳﻌﺪ ﻧﮯ ﺑﮯ ﺣﺪ ﮈﮬﭩﺎﺋﯽ ﺳﮯ ﺩﻭﺳﺮﯼ ﺷﺎﺩﯼ ﮐﺎ ﺍﻋﺘﺮﺍﻑ ﮐﯿﺎ ﺗﮭﺎ ﺍﻭﺭ ﺍُﺳﮯ ﺑﺘﺎﯾﺎ ﺗﮭﺎ ﮐﮧ ﻭﮦ ﻣﺴﻠﻤﺎﻥ ﮨﮯ ﺍﻭﺭ ﭼﺎﺭ ﺷﺎﺩﯾﺎﮞ ﺑﮭﯽ ﮐﺮ ﺳﮑﺘﺎ ﺗﮭﺎ ﺍﻭﺭ ﯾﮩﺎﮞ ﺗﻮ ﺍُﺱ ﮐﮯ ﭘﺎﺱ ﺍﯾﮏ ﺑﮯ ﺣﺪ ﻣﻀﺒﻮﻁ ﻭﺟﮧ ﺗﮭﯽ ﮐﮧ ﺍُﺱ ﮐﯽ ﺑﯿﻮﯼ ﺍُﺳﮯ ﺻﺤﺖ ﻣﻨﺪ ﺍﻭﻻﺩ ﻧﮩﯿﮟ ﺩﮮ ﺳﮑﺘﯽ ﺗﮭﯽ ﺟﻮ ﺍُﺱ ﮐﯽ ﺩﻭﺳﺮﯼ ﺑﯿﻮﯼ ﺍُﺳﮯ ﺩﮮ ﮔﯽ۔ ﺯﻧﺪﮔﯽ ﻣﯿﮟ ﻭﮦ ﭘﮩﻼ ﻟﻤﺤﮧ ﺗﮭﺎ ﺟﺐ ﻋﺎﺋﺸﮧ ﻋﺎﺑﺪﯾﻦ ﺗﮭﮏ ﮔﺌﯽ ﺗﮭﯽ ﺍﻭﺭ ﺍُﺱ ﻧﮯ ﺍﺣﺴﻦ ﺳﻌﺪ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﮯ ﺑﺠﺎﺋﮯ ﺍﭘﻨﯽ ﻓﯿﻤﻠﯽ ﮐﯽ ﺑﺎﺕ ﻣﺎﻧﺘﮯ ﮨﻮﺋﮯ ﺍُﺱ ﺳﮯ ﻋﻠﯿﺤﺪﮔﯽ ﮐﺎ ﻓﯿﺼﻠﮧ ﮐﯿﺎ ﺗﮭﺎ۔ ﺍﻭﺭ ﺍُﺱ ﻓﯿﺼﻠﮯ ﻧﮯ ﺍﺣﺴﻦ ﺳﻌﺪ ﮐﮯ ﮨﻮﺵ ﺍُﮌﺍ ﺩﯾﮯ ﺗﮭﮯ۔ ﺍُﺳﮯ ﻋﺎﺋﺸﮧ ﻋﺎﺑﺪﯾﻦ ﺳﮯ ﺍﯾﺴﮯ ﺭﺩّﻋﻤﻞ ﮐﯽ ﺗﻮﻗﻊ ﻧﮩﯿﮟ ﺗﮭﯽ۔ ﺍﺳﻔﻨﺪ ﮐﮯ ﻧﺎﻡ ﮐﭽﮫ ﺟﺎﺋﯿﺪﺍﺩ ﺗﮭﯽ ﺟﻮ ﻋﺎﺋﺸﮧ ﮐﮯ ﻧﺎﻧﺎ ﻧﮯ ﻋﺎﺋﺸﮧ ﮐﮯ ﻧﺎﻡ ﮐﺮﻧﮯ ﮐﮯ ﺑﺠﺎﺋﮯ ﺟﺎﺋﯿﺪﺍﺩ ﮐﯽ ﺗﻘﺴﯿﻢ ﮐﮯ ﺩﻭﺭﺍﻥ ﺍُﺱ ﮐﮯ ﺑﯿﭩﮯ ﮐﮯ ﻧﺎﻡ gift ﮐﯽ ﺗﮭﯽ ﺍﻭﺭ ﻋﺎﺋﺸﮧ ﮐﮯ ﺍﺣﺴﻦ ﺳﻌﺪ ﮐﮯ ﻟﺌﮯ valuable ﮨﻮﻧﮯ ﮐﯽ ﯾﮧ ﺑﮍﯼ ﻭﺟﮧ ﺗﮭﯽ۔ ﺍُﺳﮯ ﻋﺎﺋﺸﮧ ﮐﮯ ﮐﺮﺩﺍﺭ ﭘﺮ ﺷﮏ ﺗﮭﺎ، ﺍُﺱ ﮐﯽ ﺑﮯ ﻋﻤﻞ ﺍﻭﺭ ﺑﮯ ﮨﺪﺍﯾﺘﯽ ﭘﺮ ﺷﮑﺎﯾﺖ ﺗﮭﯽ، ﻟﯿﮑﻦ ﺍﺱ ﺳﺐ ﮐﮯ ﺑﺎﻭﺟﻮﺩ ﻭﮦ ﻋﺎﺋﺸﮧ ﮐﻮ ﺁﺯﺍﺩ ﮐﺮﻧﮯ ﭘﺮ ﺗﯿﺎﺭ ﻧﮩﯿﮟ ﺗﮭﺎ۔ ﻣﮕﺮ ﺍُﺱ ﮐﺎ ﮐﻮﺋﯽ ﺣﺮﺑﮧ ﮐﺎﺭﮔﺮ ﻧﮩﯿﮟ ﮨﻮﺍ ﺗﮭﺎ۔ ﻋﺎﺋﺸﮧ ﮐﯽ ﻃﻼﻕ ﮐﯽ proceedings ﮐﮯ ﺩﻭﺭﺍﻥ ﭘﺎﮐﺴﺘﺎﻥ ﻣﯿﮟ ﺍﺣﺴﻦ ﺳﻌﺪ ﮐﯽ ﺩﻭﺳﺮﯼ ﺑﯿﻮﯼ ﻧﮯ ﺑﮭﯽ ﺷﺎﺩﯼ ﮐﮯ ﺁﭨﮫ ﻣﺎﮦ ﺑﻌﺪ ﺧﻠﻊ ﮐﺎ ﮐﯿﺲ ﻓﺎﺋﻞ ﮐﺮ ﺩﯾﺎ ﺗﮭﺎ۔ﺍﺣﺴﻦ ﺳﻌﺪ ﺍﻭﺭ ﺍﺱ ﮐﯽ ﻓﯿﻤﻠﯽ ﻧﮯ ﺍﺱ ﮐﮯ ﺑﻌﺪ ﮐﭽﮫ ﻣﺸﺘﺮﮐﮧ ﻓﯿﻤﻠﯽ ﻓﺮﯾﻨﮉﺯ ﮐﮯ ﺫﺭﯾﻌﮯ ﻣﺼﺎﻟﺤﺖ ﮐﯽ ﺑﮯ ﺍﻧﺘﮩﺎ ﮐﻮﺷﺶ ﮐﯽ ﺗﮭﯿﮟ ﻣﮕﺮ۔۔۔۔۔۔۔۔۔ ﻋﺎﺋﺸﮧ ﮐﯽ ﻓﯿﻤﻠﯽ ﻧﮯ ﺍﯾﺴﯽ ﮐﺴﯽ ﮐﻮﺷﺶ ﮐﻮ ﮐﺎﻣﯿﺎﺏ ﻧﮩﯿﮟ ﮨﻮﻧﮯ ﺩﯾﺎ ﺗﮭﺎ، ﺍﻭﺭ ﻋﺎﺋﺸﮧ ﺍﺱ ﺳﺎﺭﮮ ﻋﺮﺻﮧ ﻣﯿﮟ ﺍﯾﮏ ﮐﯿﭽﻮﮮ ﮐﯽ ﻣﺎﻧﻨﺪ ﺭﮨﯽ ﺗﮭﯽ۔ ﺟﻮ ﮨﻮ ﺭﮨﺎ ﺗﮭﺎ، ﻭﮨﯽ ﮨﻮﻧﺎ ﭼﺎﮨﯿﮯ ﺗﮭﺎ۔ ﻣﮕﺮ ﺟﻮ ﺑﮭﯽ ﮨﻮ ﺭﮨﺎ ﺗﮭﺎ، ﻭﮦ ﺧﻮﺩ ﻧﮩﯿﮟ ﮐﺮﻧﺎ ﭼﺎﮨﺘﯽ ﺗﮭﯽ۔ ﻭﮦ ﺗﺐ ﺑﮭﯽ ﯾﮧ ﻓﯿﺼﻠﮧ ﻧﮩﯿﮟ ﮐﺮ ﭘﺎ ﺭﮨﯽ ﺗﮭﯽ ﮐﮧ ﻭﮦ ﺻﺤﯿﺢ ﮐﺮ ﺭﮨﯽ ﺗﮭﯽ ﯾﺎ ﻏﻠﻂ۔ ﺍﻟﻠﮧ ﮐﮯ ﻧﺰﺩﯾﮏ ﺍُﺱ ﮐﺎ ﯾﮧ ﻋﻤﻞ ﮔﻨﺎﮦ ﺗﮭﺎ ﯾﺎ ﻧﮩﯿﮟ۔ ﺍﻭﺭ ﺍﮔﺮ ﻭﮦ ﮔﻨﺎﮦ ﺗﮭﺎ ﺗﻮ ﻭﮦ ﭼﺎﮨﺘﯽ ﺗﮭﯽ ﯾﮧ ﮔﻨﺎﮦ ﮐﻮﺋﯽ ﺍﻭﺭ ﺍﭘﻨﮯ ﺳﺮ ﻟﮯ ﻟﮯ ﻟﯿﮑﻦ ﺍُﺳﮯ ﺍﺣﺴﻦ ﺳﻌﺪ ﺳﮯ ﻧﺠﺎﺕ ﺩﻻ ﺩﮮ۔
ﺟﺲ ﺩﻥ ﺍُﺱ ﮐﯽ ﻃﻼﻕ ﻓﺎﺋﻨﻞ ﮨﻮﺋﯽ ﺗﮭﯽ، ﺍُﺱ ﺩﻥ ﺍُﺱ ﻧﮯ ﺣﺠﺎﺏ ﺍُﺗﺎﺭ ﺩﯾﺎ ﺗﮭﺎ۔ ﮐﯿﻮﻧﮑﮧ ﺍُﺳﮯ ﯾﻘﯿﻦ ﺗﮭﺎ ﺍﺏ ﻭﮦ ﮐﺘﻨﯽ ﺑﮭﯽ ﻧﯿﮑﯿﺎﮞ ﮐﺮ ﻟﮯ، ﻭﮦ ﺍﻟﻠﮧ ﮐﯽ ﻧﻈﺮﻭﮞ ﻣﯿﮟ ﮔﻨﺎﮦ ﮔﺎﺭ ﮨﯽ ﺗﮭﯽ۔ ﺍﺣﺴﻦ ﺳﻌﺪ ﻧﮯ ﺍﯾﮏ ﻟﮍﮐﯽ ﮐﯽ ﺯﻧﺪﮔﯽ ﺗﺒﺎﮦ ﻧﮩﯿﮟ ﮐﯽ ﺗﮭﯽ، ﺍُﺱ ﻧﮯ ﺍُﺳﮯ ﺍُﺱ ﺩﯾﻦ ﺳﮯ ﺑﮭﯽ ﺑﺮﮔﺸﺘﮧ ﮐﺮ ﺩﯾﺎ ﺗﮭﺎ۔ ﺟﺲ ﮐﯽ ﭘﯿﺮﻭﮐﺎﺭ ﮨﻮﻧﮯ ﭘﺮ ﻋﺎﺋﺸﮧ ﻋﺎﺑﺪﯾﻦ ﮐﻮ ﻓﺨﺮ ﺗﮭﺎ۔
” ﺗﻤﮩﺎﺭﮮ ﯾﺎﺭ ﮐﻮ ﺑﺘﺎ ﺁﯾﺎ ﮨﻮﮞ ﺗﻤﮩﺎﺭﮮ ﺳﺎﺭﮮ ﮐﺮﺗﻮﺕ۔ ” ﺍﺣﺴﻦ ﺳﻌﺪ ﻧﮯ ﻓﻮﻥ ﭘﺮ ﺩﮬﺎﮌﺗﮯ ﮨﻮﺋﮯ ﺍُﺱ ﺳﮯ ﮐﮩﺎ ﺗﮭﺎ۔ ” ﺗﻢ ﮐﯿﺎ ﭘﻼﻥ ﮐﺮ ﺭﮨﯽ ﮨﻮ ﮐﮧ ﻣﯿﺮﮮ ﺑﯿﭩﮯ ﮐﻮ ﻣﺎﺭ ﮐﺮ ﺗﻢ ﺍﭘﻨﺎ ﮔﮭﺮ ﺑﺴﺎﺅ ﮔﯽ، ﺭﻧﮓ ﺭﻟﯿﺎﮞ ﻣﻨﺎﺅ ﮔﯽ۔ ﻣﯿﮟ ﺗﻮ ﺻﺮﻑ ﺗﻤﮩﯿﮟ ﺟﯿﻞ ﻧﮩﯿﮟ ﺑﮭﯿﺠﻮﮞ ﮔﺎ، ﺗﻤﮩﺎﺭﮮ ﺍﺱ ﯾﺎﺭ ﮐﻮ ﺑﮭﯽ ﺑﮭﯿﺠﻮﮞ ﮔﺎ ﺟﺲ ﻧﮯ ﻣﯿﺮﮮ ﺑﯿﭩﮯ ﮐﺎ ﺁﭘﺮﯾﺸﻦ ﮐﺮ ﮐﮯ ﺟﺎﻥ ﺑﻮﺟﮫ ﮐﺮ ﺍُﺳﮯ ﻣﺎﺭﺍ ﺍﻭﺭ ﺍُﺱ ﻧﮯ ﺍﭘﻨﯽ ﺯﺑﺎﻥ ﺳﮯ ﻣﺠﮭﮯ ﺑﺘﺎﯾﺎ ﮨﮯ۔ ” ﻭﮦ ﺑﮑﺘﺎ، ﺟﮭﮑﺘﺎ، ﺑﻮﻟﺘﺎ ﮨﯽ ﭼﻼ ﮔﯿﺎ ﺍﻭﺭ ﻭﮦ ﺳﻨﺘﯽ ﺭﮨﯽ ﺗﮭﯽ۔
” ﻋﺎﺋﺸﮧ ”! ﺟﺒﺮﯾﻞ ﮐﯽ ﺁﻭﺍﺯ ﻧﮯ ﺍﯾﮏ ﺑﺎﺭ ﭘﮭﺮ ﺍُﺳﮯ ﭼﻮﻧﮑﺎﯾﺎ۔ ﺍُﺱ ﮐﮯ ﮨﺎﺗﮭﻮﮞ ﻣﯿﮟ ﻣﻮﺟﻮﺩ ﮐﺎﻓﯽ ﮐﮯ ﻣﮓ ﺳﮯ ﺍﺏ ﺑﮭﺎﭖ ﺍُﭨﮭﻨﺎ ﺑﻨﺪ ﮨﻮ ﭼﮑﯽ ﺗﮭﯽ۔ ﮐﺎﻓﯽ ﭨﮭﻨﮉﯼ ﮨﻮ ﭼﮑﯽ ﺗﮭﯽ۔ ﻋﺎﺋﺸﮧ ﻧﮯ ﺳﺮ ﺍُﭨﮭﺎ ﮐﺮ ﺟﺒﺮﯾﻞ ﮐﻮ ﺩﯾﮑﮭﺎ۔ ﻭﮦ ﺍﺏ ﺍُﺳﮯ ﺑﺘﺎ ﺭﮨﺎ ﺗﮭﺎ ﮐﮧ ﺍﺱ ﺁﭘﺮﯾﺸﻦ ﮐﮯ ﺩﻭﺭﺍﻥ ﮐﯿﺎ ﮨﻮﺍ ﺗﮭﺎ۔ ﺍﻭﺭ ﺍُﺳﮯ ﯾﻘﯿﻦ ﻧﮩﯿﮟ ﺗﮭﺎ، ﺻﺮﻑ ﺍﺱ ﮐﺎ ﺍﻧﺪﺍﺯﮦ ﺗﮭﺎ ﮐﮧ ﮈﺍﮐﭩﺮ ﻭﯾﺰﻝ ﺳﮯ ﺍُﺱ ﺁﭘﺮﯾﺸﻦ ﻣﯿﮟ ﮐﭽﮫ ﻏﻠﻄﯿﺎﮞ ﮨﻮﺋﯽ ﺗﮭﯿﮟ ﺍﻭﺭ ﻗﺼﻮﺭﻭﺍﺭ ﻧﮧ ﮨﻮﻧﮯ ﮐﮯ ﺑﺎﻭﺟﻮﺩ ﻭﮦ ﺍﭘﻨﮯ ﺁﭖ ﮐﻮ ﻣﺠﺮﻡ ﻣﺤﺴﻮﺱ ﮐﺮ ﺭﮨﺎ ﺗﮭﺎ۔ ﯾﮧ ﺍُﺱ ﮐﯽ ﺑﮯ ﻭﻗﻮﻓﯽ ﮨﯽ ﺗﮭﯽ ﮐﮧ ﻭﮦ ﯾﮧ ﺍﻧﮑﺸﺎﻑ ﺍﺣﺴﻦ ﺳﻌﺪ ﮐﮯ ﺳﺎﻣﻨﮯ ﮐﺮ ﺑﯿﭩﮭﺎ ﺗﮭﺎ۔
” ﺁﭖ ﭘﺮﯾﺸﺎﻥ ﻧﮧ ﮨﻮﮞ۔ ﺁﭖ ﮐﻮ ﮐﭽﮫ ﻧﮩﯿﮟ ﮨﻮ ﮔﺎ۔ ﺍﺣﺴﻦ ﺳﻌﺪ ﺁﭖ ﮐﻮ ﻧﻘﺼﺎﻥ ﻧﮩﯿﮟ ﭘﮩﻨﭽﺎﺋﮯ ﮔﺎ۔ ” ﺍُﺱ ﮐﯽ ﺑﺎﺕ ﮐﮯ ﺍﺧﺘﺘﺎﻡ ﭘﺮ ﻋﺎﺋﺸﮧ ﮐﯽ ﺯﺑﺎﻥ ﺳﮯ ﻧﮑﻠﻨﮯ ﻭﺍﻟﮯ ﺟﻤﻠﮯ ﻧﮯ ﺟﺒﺮﯾﻞ ﮐﻮ ﺣﯿﺮﺍﻥ ﮐﺮ ﺩﯾﺎ ﺗﮭﺎ۔ ﻭﮦ ﺍُﺳﯽ ﻃﺮﺡ ﭘﺮﺳﮑﻮﻥ ﺗﮭﯽ۔ ﻭﮦ ﺍﮔﺮ ﺍﯾﮏ ﺷﺪﯾﺪ ﺟﺬﺑﺎﺗﯽ ﺭﺩّﻋﻤﻞ ﮐﯽ ﺗﻮﻗﻊ ﮐﺮ ﺭﮨﺎ ﺗﮭﺎ ﺗﻮ ﺍﯾﺴﺎ ﻧﮩﯿﮟ ﮨﻮﺍ ﺗﮭﺎ۔ ﮐﺴﯽ ﻏﺼّﮯ ﮐﺎ ﺍﻇﮩﺎﺭ، ﮐﻮﺋﯽ ﻣﻼﻣﺘﯽ ﻟﻔﻆ ! ﮐﭽﮫ ﺑﮭﯽ ﻧﮩﯿﮟ ! ﻭﮦ ﺟﻮﺍﺑﺎً ﺍُﺳﮯ ﺗﺴﻠّﯽ ﺩﮮ ﺭﮨﯽ ﺗﮭﯽ ﮐﮧ ﺍُﺳﮯ ﮐﭽﮫ ﻧﮩﯿﮟ ﮨﻮ ﮔﺎ۔
” ﻣﯿﮟ ﻧﮯ ﺍﺣﺴﻦ ﮐﻮ ﺑﺘﺎ ﺩﯾﺎ ﮨﮯ ﮐﮧ ﻣﯿﮟ ﺍﭘﻨﮯ ﺍﻭﭘﺮ ﻟﮕﺎﺋﮯ ﮔﺌﮯ ﺍﻟﺰﺍﻣﺎﺕ ﮐﻮ ﻣﺎﻧﺘﮯ ﮨﻮﺋﮯ ﮐﻮﺭﭦ ﻣﯿﮟ ﺍﺳﻔﻨﺪ ﮐﮯ ﻗﺘﻞ ﮐﺎ ﺍﻋﺘﺮﺍﻑ ﮐﺮ ﻟﻮﮞ ﮔﯽ۔ ” ﺍُﺱ ﮐﮯ ﺍﮔﻠﮯ ﺟﻤﻠﮯ ﻧﮯ ﺟﺒﺮﯾﻞ ﮐﺎ ﺩﻣﺎﻍ ﺟﯿﺴﮯ ﺑﮭﮏ ﺳﮯ ﺍُﮌﺍ ﺩﯾﺎ ﺗﮭﺎ۔

---

” ﺗﻢ ﺳﮯ ﮐﻮﺋﯽ ﻣﻠﻨﮯ ﺁﯾﺎ ﮨﮯ۔ ” ﺟﯿﻞ ﮐﮯ ﺍﯾﮏ ﺳﻨﺘﺮﯼ ﻧﮯ ﺍﯾﮏ ﺭﺍﮨﺪﺍﺭﯼ ﺟﺘﻨﯽ ﻟﻤﺒﯽ ﺑﯿﺮﮎ ﮐﯽ ﺍﯾﮏ ﺩﯾﻮﺍﺭ ﮐﮯ ﺳﺎﺗﮫ ﭼﺎﺩﺭ ﺯﻣﯿﻦ ﭘﺮ ﮈﺍﻝ ﮐﺮ ﺳﻮﺋﮯ ﺍُﺱ ﺑﻮﮌﮬﮯ ﺁﺩﻣﯽ ﮐﻮ ﺑﮍﯼ ﺭﻋﻮﻧﺖ ﮐﮯ ﻋﺎﻟﻢ ﻣﯿﮟ ﺍﭘﻨﮯ ﺟﻮﺗﮯ ﮐﯽ ﭨﮭﻮﮐﺮ ﺳﮯ ﺟﮕﺎﯾﺎ ﺗﮭﺎ۔ ﻭﮦ ﮨﮍﺑﮍﺍﯾﺎ ﻧﮩﯿﮟ، ﻭﯾﺴﮯ ﮨﯽ ﭘﮍﺍ ﺭﮨﺎ ﺍﻭﺭ ﻟﯿﭩﮯ ﻟﯿﭩﮯ ﺍُﺱ ﻧﮯ ﺁﻧﮑﮭﯿﮟ ﮐﮭﻮﻝ ﮐﺮ ﺳﺮ ﭘﺮ ﮐﮭﮍﮮ ﺍُﺱ ﺳﻨﺘﺮﯼ ﮐﻮ ﺩﯾﮑﮭﺎ۔ ﺍُﺳﮯ ﯾﻘﯿﻦ ﺗﮭﺎ ﺍُﺳﮯ ﮐﻮﺋﯽ ﻏﻠﻂ ﻓﮩﻤﯽ ﮨﻮﺋﯽ ﺗﮭﯽ۔ ﺍُﺱ ﺳﮯ ﻣﻠﻨﮯ ﮐﻮﻥ ﺁ ﺳﮑﺘﺎ ﺗﮭﺎ۔ ﭘﭽﮭﻠﮯ ﺑﺎﺭﮦ ﺳﺎﻟﻮﮞ ﺳﮯ ﺗﻮ ﮐﻮﺋﯽ ﻧﮩﯿﮟ ﺁﯾﺎ ﺗﮭﺎ، ﭘﮭﺮ ﺍﺏ ﮐﻮﻥ ﺁﺋﮯ ﮔﺎ۔
” ﺍﺭ ﮮ ﺍُﭨﮫ ! ﻣﺮﺍ ﭘﮍﺍ ﮨﮯ ﺳُﻨﺎ ﻧﮩﯿﮟ ﺍﯾﮏ ﺑﺎﺭ ﮐﮧ ﮐﻮﺋﯽ ﻣﻠﻨﮯ ﺁﯾﺎ ﮨﮯ۔ ” ﺳﻨﺘﺮﯼ ﻧﮯ ﺍﺱ ﺑﺎﺭ ﮐﭽﮫ ﺯﯾﺎﺩﮦ ﻃﺎﻗﺖ ﺳﮯ ﺍُﺳﮯ ﭨﮭﻮﮐﺮ ﻣﺎﺭﯼ ﺗﮭﯽ، ﻭﮦ ﺍُﭨﮫ ﮐﮯ ﺑﯿﭩﮫ ﮔﯿﺎ۔
” ﮐﻮﻥ ﺁﯾﺎ ﮨﮯ؟ ” ﺍُﺱ ﻧﮯ ﺳﻨﺘﺮﯼ ﺳﮯ ﭘﻮﭼﮭﺎ۔
” ﻭﮨﯽ ﻣﯿﮉﯾﺎ ﻭﺍﻟﮯ ﮐُﺘّﮯ۔ ” ﺳﻨﺘﺮﯼ ﻧﮯ ﮔﺎﻟﯽ ﺩﯼ۔ ” ﺳﺰﺍﺋﮯ ﻣﻮﺕ ﮐﮯ ﻗﯿﺪﯾﻮﮞ ﺳﮯ ﺍﻧﭩﺮﻭﯾﻮ ﮐﺮﻧﺎ ﮨﮯ ﺍُﻧﮩﯿﮟ۔ ” ﺍُﺱ ﻧﮯ ﺍﯾﮏ ﺑﺎﺭ ﭘﮭﺮ ﻟﯿﭩﻨﮯ ﮐﯽ ﮐﻮﺷﺶ ﮐﯽ ﻟﯿﮑﻦ ﺳﻨﺘﺮﯼ ﮐﮯ ﮨﺎﺗﮫ ﻣﯿﮟ ﭘﮑﮍﮮ ﮈﻧﮉﮮ ﮐﯽ ﺣﺮﮐﺖ ﻧﮯ ﺍُﺳﮯ ﻣﺠﺒﻮﺭ ﮐﺮ ﺩﯾﺎ ﮐﮧ ﻭﮦ ﺍُﺱ ﮐﮯ ﺳﺎﺗﮫ ﭼﻞ ﭘﮍﮮ۔ ﻭﮦ ﺍﻥ ﻣﯿﮉﯾﺎ ﻭﺍﻟﻮﮞ ﺳﮯ ﺑﮯ ﺯﺍﺭ ﺗﮭﺎ ﺍﻭﺭ NGO ﻭﺍﻟﻮﮞ ﺳﮯ ﺑﮭﯽ ﺟﻮ ﻭﻗﺘﺎً ﻓﻮﻗﺘﺎً ﻭﮨﺎﮞ ﺳﺮﻭﮮ ﮐﺮﻧﮯ ﺁﺗﮯ ﺗﮭﮯ۔ ﺍُﻥ ﮐﮯ ﺣﺎﻻﺕِ ﺯﻧﺪﮔﯽ ﺟﺎﻧﻨﮯ، ﺍُﻥ ﮐﮯ ﺟﺮﻡ ﮐﯽ ﻭﺟﻮﮨﺎﺕ ﮐﺮﯾﺪﻧﮯ، ﺟﯿﻞ ﮐﮯ ﺣﺎﻻﺕ ﮐﮯ ﺑﺎﺭﮮ ﻣﯿﮟ ﻣﻌﻠﻮﻣﺎﺕ ﺣﺎﺻﻞ ﮐﺮﻧﮯ۔ ﻭﮦ ﺟﯿﺴﮯ ﺳﺮﮐﺲ ﮐﮯ ﺟﺎﻧﻮﺭ ﺗﮭﮯ ﺟﻨﮩﯿﮟ ﺍُﻥ ﮐﮯ ﺳﺎﻣﻨﮯ ﭘﯿﺶ ﮨﻮ ﮐﺮ ﺑﺘﺎﻧﺎ ﭘﮍﺗﺎ ﮐﮧ ﺍﻧﮩﻮﮞ ﻧﮯ ﺟﻮ ﮐﯿﺎ، ﮐﯿﻮﮞ ﮐﯿﺎ؟ ﮐﯿﺎ ﺍﺏ ﺍُﻧﮩﯿﮟ ﭘﭽﮭﺘﺎﻭﺍ ﺗﮭﺎ؟ ﺍﻭﺭ ﮐﯿﺎ ﺍُﻧﮩﯿﮟ ﺍﭘﻨﮯ ﮔﮭﺮ ﻭﺍﻟﮯ ﯾﺎﺩ ﺁﺗﮯ ﺗﮭﮯ؟
ﺑﮯ ﺯﺍﺭﯼ ﮐﮯ ﺳﺎﺗﮫ ﻟﮍﮐﮭﮍﺍﺗﮯ ﻗﺪﻣﻮﮞ ﺳﮯ ﻭﮦ ﺍُﺱ ﺳﻨﺘﺮﯼ ﮐﮯ ﭘﯿﭽﮭﮯ ﭼﻠﺘﺎ ﮔﯿﺎ ﺟﻮ ﺍُﺳﮯ ﺑﯿﺮﮎ ﺳﮯ ﻧﮑﺎﻝ ﮐﺮ ﻣﻼﻗﺎﺗﯿﻮﮞ ﻭﺍﻟﯽ ﺟﮕﮧ ﮐﮯ ﺑﺠﺎﺋﮯ ﺟﯿﻠﺮ ﮐﮯ ﮐﻤﺮﮮ ﻣﯿﮟ ﻟﮯ ﺁﯾﺎ ﺗﮭﺎ۔ ﺍﻭﺭ ﻭﮨﺎﮞ ﻏﻼﻡ ﻓﺮﯾﺪ ﻧﮯ ﭘﮩﻠﯽ ﺑﺎﺭ ﺍُﻥ ﭼﺎﺭ ﺍﻓﺮﺍﺩ ﮐﻮ ﺩﯾﮑﮭﺎ، ﺟﻦ ﻣﯿﮟ ﺳﮯ ﺩﻭ ﮔﻮﺭﮮ ﺗﮭﮯ ﺍﻭﺭ ﺩﻭ ﻣﻘﺎﻣﯽ ﺧﻮﺍﺗﯿﻦ۔ ﻭﮦ ﭼﺎﺭﻭﮞ ﺍﻧﮕﻠﺶ ﻣﯿﮟ ﺑﺎﺕ ﮐﺮ ﺭﮨﮯ ﺗﮭﮯ ﺍﻭﺭ ﻏﻼﻡ ﻓﺮﯾﺪ ﮐﮯ ﺍﻧﺪﺭ ﺩﺍﺧﻞ ﮨﻮﺗﮯ ﮨﯽ ﺍُﻥ ﮐﮯ ﺍﻭﺭ ﺟﯿﻠﺮ ﮐﮯ ﺩﺭﻣﯿﺎﻥ ﮐﭽﮫ ﺑﺎﺕ ﭼﯿﺖ ﮨﻮﺋﯽ ﺍﻭﺭ ﭘﮭﺮ ﺟﯿﻠﺮ ﺍُﺱ ﺳﻨﺘﺮﯼ ﮐﮯ ﮨﻤﺮﺍﮦ ﻭﮨﺎﮞ ﺳﮯ ﭼﻼ ﮔﯿﺎ۔
” ﻏﻼﻡ ﻓﺮﯾﺪ؟ ” ﺍﯾﮏ ﻋﻮﺭﺕ ﻧﮯ ﺟﯿﺴﮯ ﺗﺼﺪﯾﻘﯽ ﺍﻧﺪﺍﺯ ﻣﯿﮟ ﺍُﺱ ﺳﮯ ﭘﻮﭼﮭﺎ ﺗﮭﺎ۔ ﻏﻼﻡ ﻓﺮﯾﺪ ﻧﮯ ﺳﺮ ﮨﻼﯾﺎ۔ ” ﺑﯿﭩﮭﻮ ”! ﺍُﺳﯽ ﻋﻮﺭﺕ ﻧﮯ ﺍﺷﺎﺭﮮ ﺳﮯ ﺳﺎﻣﻨﮯ ﭘﮍﯼ ﺍﯾﮏ ﮐُﺮﺳﯽ ﭘﺮ ﺍُﺳﮯ ﺑﯿﭩﮭﻨﮯ ﮐﮯ ﻟﺌﮯ ﮐﮩﺎ۔ ﻏﻼﻡ ﻓﺮﯾﺪ ﮐﭽﮫ ﻧﺮﻭﺱ ﮨﻮﺍ ﺗﮭﺎ، ﻟﯿﮑﻦ ﭘﮭﺮ ﻭﮦ ﺟﮭﺠﮭﮑﺘﺎ، ﺳﮑﮍﺗﺎ، ﺳﻤﭩﺘﺎ، ﺍُﻥ ﮐﮯ ﺳﺎﻣﻨﮯ ﭘﮍﯼ ﮐُﺮﺳﯽ ﭘﺮ ﺑﯿﭩﮫ ﮔﯿﺎ ﺗﮭﺎ۔ ﺍﯾﮏ ﮔﻮﺭﮮ ﻧﮯ ﺍُﺱ ﮐﮯ ﺑﯿﭩﮭﺘﮯ ﮨﯽ ﮨﺎﺗﮫ ﻣﯿﮟ ﭘﮑﮍﮮ ﺍﯾﮏ ﻓﻮﻥ ﺳﮯ ﺍُﺱ ﮐﯽ ﮐﭽﮫ ﺗﺼﻮﯾﺮﯾﮟ ﻟﯽ ﺗﮭﯿﮟ۔ ﺟﺲ ﻋﻮﺭﺕ ﻧﮯ ﺍُﺱ ﺳﮯ ﮔﻔﺘﮕﻮ ﮐﺎ ﺁﻏﺎﺯ ﮐﯿﺎ ﺗﮭﺎ ﻭﮦ ﺍﺏ ﭘﻨﺠﺎﺑﯽ ﻣﯿﮟ ﺍُﺱ ﺳﮯ ﭘﻮﭼﮫ ﺭﮨﯽ ﺗﮭﯽ ﮐﮧ ﻭﮦ ﮐﺲ ﺟﺮﻡ ﻣﯿﮟ ﮐﺐ ﻭﮨﺎﮞ ﺁﯾﺎ ﺗﮭﺎ۔ ﻏﻼﻡ ﻓﺮﯾﺪ ﻧﮯ ﺭﭨﮯ ﺭﭨﺎﺋﮯ ﻃﻮﻃﮯ ﮐﯽ ﻃﺮﺡ ﺍُﺱ ﮐﮯ ﺍﻥ ﺩﺱ ﺑﺎﺭﮦ ﺳﻮﺍﻻﺕ ﮐﺎ ﺟﻮﺍﺏ ﺩﯾﺎ ﺗﮭﺎ، ﺍﻭﺭ ﭘﮭﺮ ﺍﻧﺘﻈﺎﺭ ﻣﯿﮟ ﺑﯿﭩﮫ ﮔﯿﺎ ﺗﮭﺎ ﮐﮧ ﻭﮦ ﺍﺏ ﺍﻥ ﺑﻨﯿﺎﺩﯼ ﺳﻮﺍﻻﺕ ﮐﮯ ﺑﻌﺪ ﺍﯾﮏ ﺑﺎﺭ ﭘﮭﺮ ﺳﮯ ﺍُﺱ ﮐﮯ ﻣﺠﺮﻡ ﮐﻮ ﮐُﺮﯾﺪﻧﺎ ﺷﺮﻭﻉ ﮐﺮﯾﮟ ﮔﮯ ﭘﮭﺮ ﺟﯿﻞ ﻣﯿﮟ ﺍُﺱ ﮐﯽ ﺯﻧﺪﮔﯽ ﮐﮯ ﺑﺎﺭﮮ ﻣﯿﮟ ﭘﻮﭼﮭﯿﮟ ﮔﮯ ﺍﻭﺭ ﭘﮭﺮ۔۔۔۔۔۔۔۔۔۔۔۔۔۔۔
ﻣﮕﺮ ﺍُﺱ ﮐﯽ ﺗﻮﻗﻊ ﻏﻠﻂ ﺛﺎﺑﺖ ﮨﻮﺋﯽ ﺗﮭﯽ۔ ﺍﻧﮩﻮﮞ ﻧﮯ ﺍُﺱ ﮐﯽ ﺯﺑﺎﻧﯽ ﺍُﺱ ﮐﺎ ﻧﺎﻡ، ﻭﻟﺪﯾﺖ، ﺭﮨﺎﺋﺶ، ﺟﺮﻡ ﮐﯽ ﻧﻮﻋﯿﺖ ﺍﻭﺭ ﺟﯿﻞ ﻣﯿﮟ ﺁﻧﮯ ﮐﮯ ﺳﻮﺍﻝ ﮐﮯ ﺑﻌﺪ ﺍُﺱ ﺳﮯ ﭘﻮﭼﮭﺎ ﺗﮭﺎ۔
” ﺟﯿﻞ ﺳﮯ ﺑﺎﮨﺮ ﺁﻧﺎ ﭼﺎﮨﺘﮯ ﮨﻮ ﻏﻼﻡ ﻓﺮﯾﺪ؟ ” ﻭﮦ ﮔﻮﺭﺍ ﺗﮭﺎ ﻣﮕﺮ ﺍُﺱ ﺳﮯ ﺷﺴﺘﮧ ﺍُﺭﺩﻭ ﻣﯿﮟ ﺑﺎﺕ ﮐﺮ ﺭﮨﺎ ﺗﮭﺎ۔ ﻏﻼﻡ ﻓﺮﯾﺪ ﮐﻮ ﻟﮕﺎ ﺍُﺳﮯ ﺳﻨﻨﮯ ﻣﯿﮟ ﮐﭽﮫ ﺩﮬﻮﮐﮧ ﮨﻮﺍ ﺗﮭﺎ۔
” ﺟﯿﻞ ﺳﮯ ﺑﺎﮨﺮ ﺁﻧﺎ ﭼﺎﮨﺘﮯ ﮨﻮ؟ ” ﺍُﺱ ﺁﺩﻣﯽ ﻧﮯ ﺟﯿﺴﮯ ﺍُﺱ ﮐﮯ ﭼﮩﺮﮮ ﮐﮯ ﺗﺎﺛﺮﺍﺕ ﭘﮍﮪ ﻟﺌﮯ ﺗﮭﮯ۔
ﺟﯿﻞ ﺳﮯ ﺑﺎﮨﺮ؟ ﻏﻼﻡ ﻓﺮﯾﺪ ﻧﮯ ﺳﻮﭼﺎ، ﺍﯾﮏ ﻟﻤﺤﮧ ﮐﮯ ﻟﺌﮯ۔ ﮐﯿﺎ ﻭﮦ ﺟﯿﻞ ﺳﮯ ﺑﺎﮨﺮ ﺁﻧﺎ ﭼﺎﮨﺘﺎ ﺗﮭﺎ؟ ﭘﮭﺮ ﺍُﺱ ﻧﮯ ﻧﻔﯽ ﻣﯿﮟ ﺳﺮ ﮨﻼﯾﺎ۔ﺟﻮ ﺍُﺱ ﺁﺩﻣﯽ ﮐﮯ ﻟﺌﮯ ﺟﯿﺴﮯ ﻏﯿﺮ ﻣﺘﻮﻗﻊ ﺗﮭﺎ۔
” ﮐﯿﻮﮞ؟ ” ﺍُﺱ ﻧﮯ ﺑﮯ ﺳﺎﺧﺘﮧ ﭘﻮﭼﮭﺎ ﺗﮭﺎ۔
” ﺑﺎﮨﺮ ﺁ ﮐﺮ ﮐﯿﺎ ﮐﺮﻭﮞ ﮔﺎ؟ ” ﻏﻼﻡ ﻓﺮﯾﺪ ﻧﮯ ﺟﻮﺍﺑﺎً ﮐﮩﺎ ﺗﮭﺎ۔
” ﻧﮧ ﮐﻮﺋﯽ ﮔﮭﺮ ﮨﮯ، ﻧﮧ ﺧﺎﻧﺪﺍﻥ۔ ﺍﻭﺭ ﺍﺱ ﻋﻤﺮ ﻣﯿﮟ ﻣﺤﻨﺖ ﻣﺰﺩﻭﺭﯼ ﻧﮩﯿﮟ ﮨﻮﺗﯽ۔ ﺟﯿﻞ ﭨﮭﯿﮏ ﮨﮯ۔ ﯾﮩﺎﮞ ﺳﺐ ﻣﻠﺘﺎ ﮨﮯ۔ ” ﻏﻼﻡ ﻓﺮﯾﺪ ﻧﮯ ﮐﮩﺎ ﺗﮭﺎ۔ ﺍُﺱ ﻧﮯ ﺳﻮﭼﺎ ﺗﮭﺎ ﺍﺏ ﺳﺮﻭﮮ ﮐﮯ ﺳﻮﺍﻝ ﺑﺪﻝ ﮔﺌﮯ ﺗﮭﮯ۔
” ﺍﮔﺮ ﺗﻤﮩﯿﮟ ﮈﮬﯿﺮ ﺳﺎ ﭘﯿﺴﮧ، ﺍﯾﮏ ﺷﺎﻧﺪﺍﺭ ﺳﺎ ﮔﮭﺮ ﺍﻭﺭ ﺍﯾﮏ ﺑﯿﻮﯼ ﺑﮭﯽ ﻣﻞ ﺟﺎﺋﮯ ﺗﻮ ﺑﮭﯽ ﺑﺎﮨﺮ ﺁﻧﺎ ﻧﮩﯿﮟ ﭼﺎﮨﺘﮯ؟ ﺯﻧﺪﮔﯽ ﻧﺌﮯ ﺳﺮﮮ ﺳﮯ ﺷﺮﻭﻉ ﮐﺮﻧﺎ ﻧﮩﯿﮟ ﭼﺎﮨﺘﮯ؟ ” ﺍﺱ ﺑﺎﺭ ﺩﻭﺳﺮﯼ ﻋﻮﺭﺕ ﻧﮯ ﺍُﺱ ﺳﮯ ﮐﮩﺎ ﺗﮭﺎ۔
ﺑﮩﺖ ﺳﺎﺭﺍ ﭘﯿﺴﮧ؟ ﻏﻼﻡ ﻓﺮﯾﺪ ﻧﮯ ﺳﻮﭼﺎ۔ ﺑﮩﺖ ﺳﺎﺭﮮ ﭘﯿﺴﮯ ﮐﯽ ﺧﻮﺍﮨﺶ ﻧﮯ ﮨﯽ ﺗﻮ ﻣﺴﺌﻠﮧ ﭘﯿﺪﺍ ﮐﯿﺎ ﺗﮭﺎ ﺍُﺱ ﮐﮯ ﻟﺌﮯ۔ ﺍُﺳﮯ ﭘﺘﮧ ﻧﮩﯿﮟ ﮐﯿﺎ ﮐﯿﺎ ﯾﺎﺩ ﺁﯾﺎ ﺗﮭﺎ۔ ﺍﺗﻨﮯ ﺳﺎﻝ ﮔﺰﺭ ﺟﺎﻧﮯ ﮐﮯ ﺑﻌﺪ ﺑﮭﯽ ﺟﺐ ﻭﮦ ﺳﻮﭼﺘﺎ ﺗﮭﺎ ﺗﻮ ﺍُﺳﮯ ﺳﺐ ﯾﺎﺩ ﺁﺟﺎﺗﺎ ﺗﮭﺎ۔ ﺍﭘﻨﯽ ﮐﮍﻭﯼ ﺯﺑﺎﻥ ﻭﺍﻟﯽ ﺑﯿﻮﯼ۔۔۔۔۔۔۔۔۔۔۔۔ ﺟﺲ ﮐﮯ ﻭﮦ ﻋﺸﻖ ﻣﯿﮟ ﮔﺮﻓﺘﺎﺭ ﺗﮭﺎ ﺍﻭﺭ ﺟﻮ ﮐﺒﮭﯽ ﺷﮩﺪ ﺟﯿﺴﯽ ﻣﯿﭩﮭﯽ ﺗﮭﯽ۔ ﺍﻭﺭ ﻭﮦ ﺑﭽﮯ۔۔۔۔۔۔۔۔۔۔۔۔ ﺍﯾﮏ ﺩﻭ ﺳﺎﻝ ﮐﮯ ﻭﻗﻔﮯ ﺳﮯ ﺑﺎﺭﯼ ﺑﺎﺭﯼ ﭘﯿﺪﺍ ﮨﻮﻧﮯ ﻭﺍﻟﮯ ﻧﻮ ﺑﭽّﮯ۔۔۔۔۔۔۔۔۔۔۔۔۔ ﺟﻦ ﻣﯿﮟ ﺳﮯ ﭼﻨﺪ ﺑﮍﻭﮞ ﮐﮯ ﻋﻼﻭﮦ ﺍُﺳﮯ ﺍﺏ ﮐﺴﯽ ﮐﺎ ﻧﺎﻡ ﺍﻭﺭ ﺷﮑﻞ ﯾﺎﺩ ﻧﮩﯿﮟ ﺗﮭﯽ۔ ﻭﮦ ﻣﻮﻟﻮﯼ۔۔۔۔۔۔۔۔۔۔۔۔۔ ﺟﻮ ﺍُﺱ ﮐﺎ ﺩﺷﻤﻦ ﺗﮭﺎ ﺍﻭﺭ ﻭﮦ ﺳﻮﺩ۔۔۔۔۔۔۔۔۔۔۔۔۔۔ ﺟﻮ ﺧﺘﻢ ﮨﯽ ﻧﮩﯿﮟ ﮨﻮﺗﺎ ﺗﮭﺎ۔ ﺍُﺳﮯ ﺁﺝ ﺑﮭﯽ ﻭﮦ ﺭﻗﻢ ﯾﺎﺩ ﺗﮭﯽ ﺟﻮ ﺍُﺱ ﻧﮯ ﺳﻮﺩ ﭘﺮ ﻟﯽ ﺗﮭﯽ ﺍﻭﺭ ﻭﮦ ﺭﻗﻢ ﺑﮭﯽ ﺟﻮ ﺑﮍﮬﺘﮯ ﺑﮍﮬﺘﮯ ﺍﺗﻨﯽ ﺑﮍﮪ ﮔﺌﯽ ﺗﮭﯽ ﮐﮧ ﺍﯾﮏ ﺩﻥ ﻭﮦ ﺍﭘﻨﺎ ﺫﮨﻨﯽ ﺗﻮﺍﺯﻥ ﮨﯽ ﮐﮭﻮ ﺑﯿﭩﮭﺎ ﺗﮭﺎ۔
” ﺳﺎﻻﺭ ﺳﮑﻨﺪﺭ ﯾﺎﺩ ﮨﮯ ﺗﻤﮩﯿﮟ؟ ” ﺍُﺱ ﮐﻮ ﺧﺎﻣﻮﺵ ﺩﯾﮑﮫ ﮐﺮ ﺍُﺱ ﮔﻮﺭﮮ ﻧﮯ ﻏﻼﻡ ﻓﺮﯾﺪ ﺳﮯ ﭘﻮﭼﮭﺎ ﺗﮭﺎ۔ ﻏﻼﻡ ﻓﺮﯾﺪ ﮐﯽ ﺁﻧﮑﮭﻮﮞ ﻣﯿﮟ ﺍﯾﮏ ﻋﺠﯿﺐ ﺳﯽ ﻭﺣﺸﺖ ﺁﺋﯽ ﺗﮭﯽ۔ ﺟﮭﺮﯾﻮﮞ ﺳﮯ ﺑﮭﺮﮮ ﭼﮩﺮﮮ، ﺑﮍﮬﮯ ﺑﺎﻟﻮﮞ ﺍﻭﺭ ﺑﮯ ﺗﺮﺗﯿﺐ ﺩﺍﮌﮬﯽ ﮐﮯ ﺳﺎﺗﮫ ﭘﮭﭩﮯ ﭘﺮﺍﻧﮯ، ﻣﻠﮕﺠﮯ ﮐﭙﮍﻭﮞ ﻣﯿﮟ ﻭﮨﺎﮞ ﻧﻨﮕﮯ ﭘﺎﺅﮞ ﺑﯿﭩﮭﮯ ﺑﮭﯽ ﺍُﺳﮯ ﺳﺎﻻﺭ ﺳﮑﻨﺪﺭ ﯾﺎﺩ ﺗﮭﺎ ﺍﻭﺭ ﺍُﺱ ﮐﺎ ﺑﺎﭖ۔ ﺍﻭﺭ ﻭﮦ ﻧﻔﺮﺕ ﺑﮭﯽ ﺟﻮ ﺍُﺱ ﮐﮯ ﺩﻝ ﻣﯿﮟ ﺍُﻥ ﮐﮯ ﻟﺌﮯ ﺗﮭﯽ ﺍﻭﺭ ﺑﮩﺖ ﺳﮯ ﺍُﻥ ﺩﻭﺳﺮﮮ ﻟﻮﮔﻮﮞ ﮐﮯ ﻟﺌﮯ ﺑﮭﯽ ﺟﻨﮩﻮﮞ ﻧﮯ ﺍُﺱ ﮐﺎ ﺍﺳﺘﻌﻤﺎﻝ ﮐﯿﺎ ﺗﮭﺎ۔
ﻏﻼﻡ ﻓﺮﯾﺪ ﻧﮯ ﺯﻣﯿﻦ ﭘﺮ ﺗﮭﻮﮐﺎ ﺗﮭﺎ۔ ﮐﻤﺮﮮ ﻣﯿﮟ ﺑﯿﭩﮭﮯ ﭼﺎﺭﻭﮞ ﺍﻓﺮﺍﺩ ﮐﮯ ﭼﮩﺮﻭﮞ ﭘﺮ ﻣﺴﮑﺮﺍﮨﭧ ﺍُﺑﮭﺮﯼ۔

---

” ﻣﯿﺮﮮ ﺑﭽﭙﻦ ﻣﯿﮟ، ﻣﯿﺮﯼ ﺯﻧﺪﮔﯽ ﻣﯿﮟ، ﺟﺘﻨﺎ ﺑﮍﺍ ﺭﻭﻝ ﺁﭖ ﻟﻮﮔﻮﮞ ﮐﯽ ﻓﯿﻤﻠﯽ ﮐﺎ ﺗﮭﺎ، ﭘﭽﮭﻠﮯ ﭘﺎﻧﭻ ﺳﺎﻟﻮﮞ ﻣﯿﮟ ﺍﺗﻨﺎ ﮨﯽ ﺑﮍﺍ ﺭﻭﻝ ﺍﺱ ﺷﺨﺺ ﮐﺎ ﮨﮯ۔ ” ﻋﺒﺪﺍﻟﻠﮧ ﻧﮯ ﻋﻨﺎﯾﮧ ﮐﻮ ﺑﺘﺎﯾﺎ ﺗﮭﺎ۔ ﭼﻨﺪ ﮨﻔﺘﻮﮞ ﺑﻌﺪ ﮨﻮﻧﮯ ﻭﺍﻟﯽ ﺍﭘﻨﯽ ﻣﻨﮕﻨﯽ ﺳﮯ ﭘﮩﻠﮯ ﯾﮧ ﺍُﻥ ﮐﯽ ﺩﻭﺳﺮﯼ ﻣﻼﻗﺎﺕ ﺗﮭﯽ۔ ﻋﻨﺎﯾﮧ ﺍﯾﮏ ﺳﯿﻤﻨﺎﺭ ﻣﯿﮟ ﺷﺮﮐﺖ ﮐﮯ ﻟﺌﮯ ﮐﯿﻠﯽ ﻓﻮﺭﻧﯿﺎ ﺁﺋﯽ ﺗﮭﯽ ﺍﻭﺭ ﻋﺒﺪﺍﻟﻠﮧ ﻧﮯ ﺍُﺳﮯ ﮈﻧﺮ ﭘﺮ ﺑﻼﯾﺎ ﺗﮭﺎ۔ ﻭﮦ ﺍُﺳﮯ ﮈﺍﮐﭩﺮ ﺍﺣﺴﻦ ﺳﻌﺪ ﺳﮯ ﻣﻠﻮﺍﻧﺎ ﭼﺎﮨﺘﺎ ﺗﮭﺎ ﺟﻮ ﺍُﺳﯽ ﮐﮯ ﮨﺎﺳﭙﭩﻞ ﻣﯿﮟ ﮐﺎﻡ ﮐﺮﺗﮯ ﺗﮭﮯ ﺍﻭﺭ ﻭﮦ ﮨﻤﯿﺸﮧ ﺳﮯ ﺍُﻥ ﺳﮯ ﺑﮩﺖ ﻣﺘﺎﺛﺮ ﺗﮭﺎ۔ ﻋﻨﺎﯾﮧ ﻧﮯ ﮐﺌﯽ ﺑﺎﺭ ﺍُﺱ ﺳﮯ ﭘﭽﮭﻠﮯ ﺳﺎﻟﻮﮞ ﻣﯿﮟ ﺍﺱ ﺷﺨﺺ ﮐﮯ ﺣﻮﺍﻟﮯ ﺳﮯ ﺳُﻨﺎ ﺗﮭﺎ ﺟﺲ ﺳﮯ ﻭﮦ ﺍﺏ ﺗﮭﻮﮌﯼ ﺩﯾﺮ ﻣﯿﮟ ﻣﻠﻨﮯ ﻭﺍﻟﯽ ﺗﮭﯽ۔
” ﻣﺴﻠﻤﺎﻥ ﮨﻮﻧﺎ ﺁﺳﺎﻥ ﺗﮭﺎ ﻣﯿﺮﮮ ﻟﺌﮯ۔ ﻟﯿﮑﻦ ﻣﺴﻠﻤﺎﻥ ﺭﮨﻨﺎ ﺍﻭﺭ ﺑﻨﻨﺎ ﺑﮍﺍ ﻣﺸﮑﻞ ﺗﮭﺎ۔ ﮈﺍﮐﭩﺮ ﺍﺣﺴﻦ ﻧﮯ ﯾﮧ ﮐﺎﻡ ﺑﮍﺍ ﺁﺳﺎﻥ ﮐﺮ ﺩﯾﺎ ﻣﯿﺮ ﮮ ﻟﺌﮯ۔ ﺟﺒﺮﯾﻞ ﮐﮯ ﺑﻌﺪ ﯾﮧ ﺩﻭﺳﺮﺍ ﺷﺨﺺ ﮨﮯ ﺟﺴﮯ ﻣﯿﮟ ﺭﻭﻝ ﻣﺎﮈﻝ ﺳﻤﺠﮭﺘﺎ ﮨﻮﮞ ﮐﮧ ﻭﮦ ﺩﯾﻦ ﺍﻭﺭ ﺩُﻧﯿﺎ ﺩﻭﻧﻮﮞ ﮐﻮ ﺳﺎﺗﮫ ﻟﮯ ﮐﺮ ﭼﻞ ﺭﮨﮯ ﮨﯿﮟ۔ ” ﻋﺒﺪﺍﻟﻠﮧ ﺑﮍﮮ ﭘﺮﺟﻮﺵ ﺍﻧﺪﺍﺯ ﻣﯿﮟ ﻋﻨﺎﯾﮧ ﮐﻮ ﺑﺘﺎ ﺭﮨﺎ ﺗﮭﺎ ﺍﻭﺭ ﻭﮦ ﻣﺴﮑﺮﺍﺗﮯ ﮨﻮﺋﮯ ﺳُﻦ ﺭﮨﯽ ﺗﮭﯽ ۔ ﻋﺒﺪﺍﻟﻠﮧ ﺟﺬﺑﺎﺗﯽ ﻧﮩﯿﮟ ﺗﮭﺎ، ﺑﮯﺣﺪ ﺳﻮﭺ ﺳﻤﺠﮫ ﮐﺮ ﺑﻮﻟﻨﮯ ﻭﺍﻟﻮﮞ ﻣﯿﮟ ﺳﮯ ﺗﮭﺎ ﺍﻭﺭ ﮐﺴﯽ ﮐﯽ ﺑﮯ ﺟﺎ ﺗﻌﺮﯾﻒ ﮐﺮﻧﮯ ﻭﺍﻟﻮﮞ ﻣﯿﮟ ﺳﮯ ﻧﮩﯿﮟ ﺗﮭﺎ۔
” ﮐﭽﮫ ﺯﯾﺎﺩﮦ ﮨﯽ ﻣﺘﺎﺛﺮ ﮨﻮ ﮔﺌﮯ ﮨﻮ ﺗﻢ ﺍُﻥ ﺳﮯ۔ ” ﻋﻨﺎﯾﮧ ﮐﮩﮯ ﺑﻐﯿﺮ ﻧﮩﯿﮟ ﺭﮦ ﺳﮑﯽ ﺗﮭﯽ۔ ﻭﮦ ﮨﻨﺲ ﭘﮍﺍ۔
” ﺗﻢ jealous ﺗﻮ ﻧﮩﯿﮟ ﮨﻮ ﺭﮨﯽ؟ ” ﺍُﺱ ﻧﮯ ﻋﻨﺎﯾﮧ ﮐﻮ tease ﮐﯿﺎ۔
” ﮨﻮﺋﯽ ﺗﻮ ﻧﮩﯿﮟ، ﻟﯿﮑﻦ ﮨﻮ ﺟﺎﺅﮞ ﮔﯽ۔ ” ﺍُﺱ ﻧﮯ ﺟﻮﺍﺑﺎً ﻣﺴﮑﺮﺍﺗﮯ ﮨﻮﺋﮯ ﮐﮩﺎ،
” ﻣﺠﮭﮯ ﯾﻘﯿﻦ ﮨﮯ، ﺗﻢ ﺍُﻥ ﺳﮯ ﻣﻠﻮ ﮔﯽ ﺗﻮ ﺗﻢ ﺑﮭﯽ ﻣﯿﺮﯼ ﮨﯽ ﻃﺮﺡ ﻣﺘﺎﺛﺮ ﮨﻮ ﺟﺎﺅ ﮔﯽ ﺍُﻥ ﺳﮯ۔ ” ﻋﺒﺪﺍﻟﻠﮧ ﻧﮯ ﮐﮩﺎ۔
” ﻣﯿﮟ ﺍﭘﻨﮯ ﻧﮑﺎﺡ ﻣﯿﮟ ﺍﯾﮏ ﮔﻮﺍﮦ ﺍُﻧﮩﯿﮟ ﺑﻨﺎﺅﮞ ﮔﺎ۔ ” ﻋﻨﺎﯾﮧ ﺍﺱ ﺑﺎﺭ ﻗﮩﻘﮩﮧ ﻣﺎﺭ ﮐﺮ ﮨﻨﺴﯽ ﺗﮭﯽ۔
” ﻋﺒﺪﺍﻟﻠﮧ ! ﺗﻢ ﺍﺱ ﻗﺪﺭ inspired ﮨﻮ ﺍُﻥ ﺳﮯ؟ ﻣﺠﮭﮯ ﺗﮭﻮﮌﺍ ﺑﮩﺖ ﺗﻮ ﺍﻧﺪﺍﺯﮦ ﺗﮭﺎ ﻟﯿﮑﻦ ﺍﺱ ﺣﺪ ﺗﮏ ﻧﮩﯿﮟ۔ ﻣﺠﮭﮯ ﺍﺏ ﺍﻭﺭ ﺍﺷﺘﯿﺎﻕ ﮨﻮ ﺭﮨﺎ ﮨﮯ ﺍُﻥ ﺳﮯ ﻣﻠﻨﮯ ﮐﺎ۔ ” ﻋﻨﺎﯾﮧ ﻧﮯ ﺍُﺱ ﺳﮯ ﮐﮩﺎ۔ ” ﻭﮦ ﯾﻘﯿﻨﺎً ﺑﮍﮮ ﺍﭼﮭﮯ ﺷﻮﮨﺮ ﺑﮭﯽ ﮨﻮﮞ ﮔﮯ۔ ﺍﮔﺮ ﺗﻢ ﻧﮑﺎﺡ ﻣﯿﮟ ﺑﮭﯽ ﺍُﻧﮩﯿﮟ ﮔﻮﺍﮦ ﺑﻨﺎﻧﺎ ﭼﺎﮨﺘﮯ ﮨﻮ ﺗﻮ۔ ” ﻋﻨﺎﯾﮧ ﮐﻮ ﻣﺰﯾﺪ ﺗﺠﺴﺲ ﮨﻮﺍ ﺗﮭﺎ۔
” ﺑﺲ ﺍﺱ ﺍﯾﮏ ﻣﻌﺎﻣﻠﮯ ﻣﯿﮟ ﺧﻮﺵ ﻗﺴﻤﺖ ﻧﮩﯿﮟ ﺭﮨﮯ ﻭﮦ۔ ” ﻋﺒﺪﺍﻟﻠﮧ ﯾﮏ ﺩﻡ ﺳﻨﺠﯿﺪﮦ ﮨﻮ ﮔﯿﺎ۔ ” ﺍﭼﮭﯽ ﺑﯿﻮﯼ ﺍﯾﮏ ﻧﻌﻤﺖ ﮨﻮﺗﯽ ﮨﮯ ﺍﻭﺭ ﺑُﺮﯼ ﺍﯾﮏ ﺁﺯﻣﺎﺋﺶ۔ ﺍﻭﺭ ﺍُﻧﮩﯿﮟ ﺩﻭ ﺑﺎﺭ ﺍﺱ ﺁﺯﻣﺎﺋﺶ ﺳﮯ ﮔﺰﺭﻧﺎ ﭘﮍﺍ۔ ﺍُﻥ ﮐﯽ ﻧﺮﻣﯽ ﺍﻭﺭ ﺍﭼﮭﺎﺋﯽ ﮐﺎ ﻧﺎﺟﺎﺋﺰ ﻓﺎﺋﺪﮦ ﺍُﭨﮭﺎﯾﺎ ﺍُﻥ ﮐﯽ ﺑﯿﻮﯾﻮﮞ ﻧﮯ۔ ” ﻋﺒﺪﺍﻟﻠﮧ ﮐﮩﮧ ﺭﮨﺎ ﺗﮭﺎ۔
۔ ” Ohhh that’s sad ” ﻋﻨﺎﯾﮧ ﻧﮯ ﮐﺮﯾﺪﮮ ﺑﻐﯿﺮ ﺍﻓﺴﻮﺱ ﮐﺎ ﺍﻇﮩﺎﺭ ﮐﯿﺎ۔
” ﺗﻤﮩﯿﮟ ﭘﺘﮧ ﮨﮯ، ﺗﻢ ﺳﮯ ﺷﺎﺩﯼ ﮐﮯ ﻟﺌﮯ ﺑﮭﯽ ﻣﯿﮟ ﻧﮯ ﺍُﻥ ﺳﮯ ﺑﮩﺖ ﺩُﻋﺎ ﮐﺮﻭﺍﺋﯽ ﺗﮭﯽ ﺍﻭﺭ ﺩﯾﮑﮫ ﻟﻮ ﺍُﻥ ﮐﯽ ﺩﻋﺎ ﻣﯿﮟ ﮐﺘﻨﺎ ﺍﺛﺮ ﮨﮯ۔ ﻭﺭﻧﮧ ﺗﻤﮩﺎﺭﮮ ﭘﯿﺮﻧﭩﺲ ﺁﺳﺎﻧﯽ ﺳﮯ ﻣﺎﻧﻨﮯ ﻭﺍﻟﮯ ﺗﻮ ﻧﮩﯿﮟ ﺗﮭﮯ۔ ” ﻋﺒﺪﺍﻟﻠﮧ ﺍﺏ ﺑﮍﮮ ﻓﺨﺮﯾﮧ ﺍﻧﺪﺍﺯ ﻣﯿﮟ ﮐﮩﮧ ﺭﮨﺎ ﺗﮭﺎ۔
” ﻣﯿﺮﮮ ﭘﯿﺮﻧﭩﺲ ﮐﺴﯽ ﮐﯽ ﺩﻋﺎﺅﮞ ﮐﮯ ﺑﺠﺎﺋﮯ ﺗﻤﮩﺎﺭﮮ ﮐﺮﺩﺍﺭ ﺍﻭﺭ ﺍﺧﻼﺹ ﺳﮯ ﻣﺘﺎﺛﺮ ﮨﻮﺋﮯ ﮨﯿﮟ ﻋﺒﺪﺍﻟﻠﮧ۔ ” ﻋﻨﺎﯾﮧ ﻧﮯ ﺍُﺳﮯ ﺟﺘﺎﯾﺎ۔
ﺍﺳﮯ ﺍﭘﻨﯽ ﺑﮯ ﯾﻘﯿﻨﯽ ﮐﺎ ﻭﮦ ﻋﺎﻟﻢ ﺍﺑﮭﯽ ﺑﮭﯽ ﯾﺎﺩ ﺗﮭﺎ ﺟﺐ ﭼﻨﺪ ﻣﮩﯿﻨﮯ ﭘﮩﻠﮯ ﻋﺒﺪﺍﻟﻠﮧ ﺳﮯ ﭘﺎﮐﺴﺘﺎﻥ ﻣﯿﮟ ﻣﻠﻨﮯ ﮐﮯ ﺑﻌﺪ ﺍﻣﺎﻣﮧ ﻧﮯ ﺍُﺳﮯ ﻓﻮﻥ ﮐﯿﺎ ﺗﮭﺎ ﺍﻭﺭ ﺍُﺳﮯ ﺑﺘﺎﯾﺎ ﺗﮭﺎ ﮐﮧ ﺍﻧﮩﻮﮞ ﻧﮯ ﺍُﺱ ﮐﺎ ﺭﺷﺘﮧ ﺍﻣﺮﯾﮑﮧ ﻣﯿﮟ ﻣﻘﯿﻢ ﺍﯾﮏ ﮨﺎﺭﭦ ﺳﺮﺟﻦ ﮐﮯ ﺳﺎﺗﮫ ﻃﮯ ﮐﺮ ﺩﯾﺎ ﺗﮭﺎ،۔ﻭﮦ ﮐﭽﮫ ﺩﯾﺮ ﮐﮯ ﻟﺌﮯ ﺑﮭﻮﻧﭽﮑﺎ ﺭﮦ ﮔﺌﯽ ﺗﮭﯽ۔ ﺍﺱ ﺳﮯ ﭘﮩﻠﮯ ﺟﻮ ﺑﮭﯽ ﭘﺮﻭﭘﺮﻭﺯﻟﺰ ﺍُﺱ ﮐﮯ ﻟﺌﮯ ﺯﯾﺮ ِﻏﻮﺭ ﺁﺗﮯ ﺗﮭﮯ، ﻋﻨﺎﯾﮧ ﺳﮯ ﻣﺸﻮﺭﮦ ﮐﯿﺎ ﺟﺎﺗﺎ ﺗﮭﺎ ﺍﻭﺭ ﭘﮭﺮ ﺍُﺳﮯ ﻣﻠﻮﺍﯾﺎ ﺟﺎﺗﺎ ﺗﮭﺎ۔ ﯾﮧ ﭘﮩﻼ ﭘﺮﻭﭘﻮﺯﻝ ﺗﮭﺎ، ﺟﺲ ﮐﮯ ﺑﺎﺭﮮ ﻣﯿﮟ ﺍُﺳﮯ ﺍُﺱ ﻭﻗﺖ ﺍﻃﻼﻉ ﺩﯼ ﺟﺎ ﺭﮨﯽ ﺗﮭﯽ ﺟﺐ ﺭﺷﺘﮧ ﻃﮯ ﮐﺮ ﺩﯾﺎ ﮔﯿﺎ ﺗﮭﺎ۔ ﻋﺠﯿﺐ ﺻﺪﻣﮯ ﮐﯽ ﺣﺎﻟﺖ ﻣﯿﮟ ﺍُﺱ ﻧﮯ ﺍﻣﺎﻣﮧ ﺳﮯ ﮐﮩﺎ ﺗﮭﺎ۔
”ًﻣﮕﺮ ﻣﻤّﯽ ﺁﭖ ﮐﻮ ﻣﺠﮭﮯ ﭘﮩﻠﮯ ﻣﻠﻮﺍﻧﺎ ﭼﺎﮨﯿﮯ ﺗﮭﺎ ﺍُﺱ ﺳﮯ۔ ﺍُﺱ ﮐﮯ ﺑﺎﺭﮮ ﻣﯿﮟ ﺗﻮ ﻣﺠﮫ ﺳﮯ ﮐﭽﮫ ﭘﻮﭼﮭﺎ ﺗﮏ ﻧﮩﯿﮟ ﺁﭖ ﻧﮯ۔ ”
” ﺗﻤﮩﺎﺭﮮ ﺑﺎﺑﺎ ﻧﮯ ﺑﺎﺕ ﻃﮯ ﮐﯽ ﮨﮯ۔ ” ﺍﻣﺎﻣﮧ ﻧﮯ ﺟﻮﺍﺑﺎً ﮐﮩﺎ۔ﻋﻨﺎﯾﮧ ﺧﺎﻣﻮﺵ ﮨﻮ ﮔﺌﯽ۔ ﻋﺠﯿﺐ ﺩﮬﭽﮑﺎ ﻟﮕﺎ ﺗﮭﺎ ﺍُﺳﮯ۔
” ﺗﻢ ﻧﮩﯿﮟ ﮐﺮﻧﺎ ﭼﺎﮨﺘﯽ؟ ” ﺍﻣﺎﻣﮧ ﻧﮯ ﺍُﺱ ﺳﮯ ﭘﻮﭼﮭﺎ ﺗﮭﺎ۔
” ﻧﮩﯿﮟ ﻣﯿﮟ ﻧﮯ ﺍﯾﺴﺎ ﻧﮩﯿﮟ ﮐﮩﺎ، ﭘﮩﻠﮯ ﺑﮭﯽ ﺁﭖ ﻟﻮﮔﻮﮞ ﮨﯽ ﮐﻮ ﮐﺮﻧﺎ ﺗﮭﺎ، ﺗﻮ ﭨﮭﯿﮏ ﮨﮯ۔ ” ﻋﻨﺎﯾﮧ ﻧﮯ ﮐﭽﮫ ﺑﺠﮭﮯ ﺩﻝ ﮐﮯ ﺳﺎﺗﮫ ﮐﮩﺎ ﺗﮭﺎ۔ ﺍُﺳﮯ ﻋﺒﺪﺍﻟﻠﮧ ﯾﺎﺩ ﺁﯾﺎ ﺗﮭﺎ ﺍﻭﺭ ﺑﺎﻟﮑﻞ ﺍُﺳﯽ ﻟﻤﺤﮯ ﺍﻣﺎﻣﮧ ﻧﮯ ﺍُﺱ ﺳﮯ ﮐﮧ۔
” ﻋﺒﺪﺍﻟﻠﮧ ﻧﺎﻡ ﮨﮯ ﺍُﺱ ﮐﺎ۔ ” ﻧﺎﻡ ﺳُﻦ ﮐﺮ ﺑﮭﯽ ﻟﺤﻈﮧ ﺑﮭﺮ ﮐﮯ ﻟﺌﮯ ﺑﮭﯽ ﺍﺳﮯ ﯾﮧ ﺧﯿﺎﻝ ﻧﮩﯿﮟ ﺁﯾﺎ ﺗﮭﺎ ﮐﮧ ﻭﮦ ﺍﯾﺮﮎ ﻋﺒﺪﺍﻟﻠﮧ ﮐﯽ ﺑﺎﺕ ﮐﺮ ﺭﮨﯽ ﺗﮭﯿﮟ۔ ﺍﻣﺎﻣﮧ ﺍﺱ ﻗﺪﺭ ﮐﭩﺮ ﻣﺨﺎﻟﻒ ﺗﮭﯿﮟ ﺍﯾﺮﮎ ﻋﺒﺪﺍﻟﻠﮧ ﺳﮯ ﺷﺎﺩﯼ ﮐﯽ ﮐﮧ ﻋﻨﺎﯾﮧ ﯾﮧ ﺳﻮﭺ ﺑﮭﯽ ﻧﮩﯿﮟ ﺳﮑﺘﯽ ﺗﮭﯽ ﮐﮧ ﻭﮦ ﺟﺲ ﻋﺒﺪﺍﻟﻠﮧ ﮐﺎ ﺍﺗﻨﮯ ﺩﻭﺳﺘﺎﻧﮧ ﺍﻧﺪﺍﺯ ﻣﯿﮟ ﺫﮐﺮ ﮐﺮ ﺭﮨﯽ ﺗﮭﯿﮟ، ﻭﮦ ﻭﮨﯽ ﺗﮭﺎ۔
۔ ”Ok” ﻋﻨﺎﯾﮧ ﻧﮯ ﺑﻤﺸﮑﻞ ﮐﮩﺎ۔
” ﺗﻢ ﺳﮯ ﻣﻠﻨﺎ ﺑﮭﯽ ﭼﺎﮨﺘﺎ ﮨﮯ ﻭﮦ۔ ﻧﯿﻮﯾﺎﺭﮎ ﺁﯾﺎ ﮨﻮﺍ ﮨﮯ۔ ﻣﯿﮟ ﻧﮯ ﺍُﺳﮯ ﺗﻤﮩﺎﺭﺍ ﺍﯾﮉﺭﯾﺲ ﺩﯾﺎ ﺗﮭﺎ۔ ” ﺍﻣﺎﻣﮧ ﮐﮩﮧ ﺭﮨﯽ ﺗﮭﯽ۔ ﻋﻨﺎﯾﮧ ﻧﮯ ﺑﮯ ﺳﺎﺧﺘﮧ ﮐﮩﺎ۔
” ﻣﻤّﯽ ﭘﻠﯿﺰ ! ﺍﺏ ﺍﺱ ﻃﺮﺡ ﻣﯿﺮﮮ ﺳﺮ ﭘﺮ ﻣﺖ ﺗﮭﻮﭘﯿﮟ ﺍُﺳﮯ ﮐﮧ ﺁﺝ ﻣﺠﮭﮯ ﺭﺷﺘﮧ ﻃﮯ ﮨﻮﻧﮯ ﮐﯽ ﺧﺒﺮ ﺩﮮ ﺭﮨﯽ ﮨﯿﮟ ﺍﻭﺭ ﺁﺝ ﮨﯽ ﻣﺠﮭﮯ ﺍُﺱ ﺳﮯ ﻣﻠﻨﮯ ﮐﺎ ﺑﮭﯽ ﮐﮩﮧ ﺭﮨﯽ ﮨﯿﮟ۔ ﻭﯾﺴﮯ ﺑﮭﯽ ﺍﺏ ﺭﺷﺘﮧ ﻃﮯ ﮨﻮ ﮔﯿﺎ ﮨﮯ، ﻣﻠﻨﮯ، ﻧﮧ ﻣﻠﻨﮯ ﺳﮯ ﮐﯿﺎ ﻓﺎﺋﺪﮦ ﮨﻮ ﮔﺎ۔ ” ﺍُﺱ ﻧﮯ ﺟﯿﺴﮯ ﺍﭘﻨﮯ ﺍﻧﺪﺭ ﮐﺎ ﻏﺼّﮧ ﻧﮑﺎﻻ ﺗﮭﺎ۔
” ﺍُﺱ ﮐﯽ ﻓﯿﻤﻠﯽ ﺑﮭﯽ ﺷﺎﯾﺪ ﺳﺎﺗﮫ ﮨﻮ۔ ﺍُﺱ ﮐﯽ ﻣﻤّﯽ ﺳﮯ ﺑﺎﺕ ﮨﻮﺋﯽ ﮨﮯ ﻣﯿﺮﯼ۔ ﺍﮔﻠﮯ ﭨﺮﭖ ﭘﺮ ﻣﯿﮟ ﺑﮭﯽ ﻣﻠﻮﮞ ﮔﯽ ﺍُﺱ ﮐﯽ ﻓﯿﻤﻠﯽ ﺳﮯ۔ ﻣﻨﮕﻨﯽ ﮐﺎ ﻓﺎﺭﻣﻞ ﻓﻨﮑﺸﻦ ﺗﻮ ﭼﻨﺪ ﻣﮩﯿﻨﻮﮞ ﺑﻌﺪ ﮨﻮ ﮔﺎ۔ ” ﺍﻣﺎﻣﮧ ﻧﮯ ﺍﺱ ﻃﺮﺡ ﺑﺎﺕ ﺟﺎﺭﯼ ﺭﮐﮭﯽ ﺗﮭﯽ ﺟﯿﺴﮯ ﺍُﺱ ﻧﮯ ﻋﻨﺎﯾﮧ ﮐﯽ ﺧﻔﮕﯽ ﮐﻮ ﻧﻮﭨﺲ ﮨﯽ ﻧﮩﯿﮟ ﮐﯿﺎ ﺗﮭﺎ۔
ﻋﻨﺎﯾﮧ ﺻﺪﻣﮧ ﮐﯽ ﺣﺎﻟﺖ ﻣﯿﮟ ﺍﮔﻠﮯ ﺍﯾﮏ ﮔﮭﻨﭩﮯ ﺗﮏ ﻭﮨﯿﮟ ﺑﯿﭩﮭﯽ ﺭﮨﯽ ﺗﮭﯽ ﺍﻭﺭ ﺍﯾﮏ ﮔﮭﻨﭩﮯ ﮐﮯ ﺑﻌﺪ ﺍُﺱ ﮐﮯ ﺩﺭﻭﺍﺯﮮ ﭘﺮ ﺑﯿﻞ ﺑﺠﻨﮯ ﭘﺮ ﺍُﺱ ﻧﮯ ﺟﺲ ﺷﺨﺺ ﮐﻮ ﺩﯾﮑﮭﺎ ﺗﮭﺎ، ﺍُﺳﮯ ﻟﮕﺎ ﺗﮭﺎ ﺳﺮﺩﯾﻮﮞ ﮐﮯ ﻣﻮﺳﻢ ﻣﯿﮟ ﮨﺮ ﻃﺮﻑ ﺑﮩﺎﺭ ﺁ ﮔﺌﯽ ﺗﮭﯽ۔ ﮔﻼﺏ ﮐﺎ ﺍﯾﮏ ﺍﺩﮪ ﮐﮭﻼ ﭘﮭﻮﻝ ﭨﮩﻨﯽ ﺳﻤﯿﺖ ﺍُﺳﮯ ﭘﮑﮍﺍﺗﮯ ﮨﻮﺋﮯ ﺩﺭﻭﺍﺯﮮ ﭘﺮ ﮨﯽ ﺍُﺱ ﻧﮯ ﻋﻨﺎﯾﮧ ﺳﮯ ﭘﮭﺎﻭﮌﺍ ﻣﺎﻧﮕﺎ ﺗﮭﺎ ﺗﺎﮐﮧ ﺍُﺱ ﮐﮯ ﺩﺭﻭﺍﺯﮮ ﮐﮯ ﺑﺎﮨﺮ ﭘﮍﯼ ﺑﺮﻑ ﮨﭩﺎ ﺳﮑﮯ۔ ﻭﮦ ﮐﺌﯽ ﺳﺎﻟﻮﮞ ﺑﻌﺪ ﻣﻞ ﺭﮨﮯ ﺗﮭﮯ ﺍﻭﺭ ﻋﻨﺎﯾﮧ ﮐﻮ ﻭﮨﯿﮟ ﺍﯾﺮﮎ ﯾﺎﺩ ﺁﯾﺎ ﺗﮭﺎ۔۔

---

۔
۔ ” He is here ” ﻋﺒﺪﺍﻟﻠﮧ ﮐﯽ ﺁﻭﺍﺯ ﺍُﺳﮯ ﺧﯿﺎﻟﻮﮞ ﺳﮯ ﺑﺎﮨﺮ ﻟﮯ ﺁﺋﯽ ﺗﮭﯽ۔ ﻭﮦ ﺭﯾﺴﭩﻮﺭﻧﭧ ﮐﮯ ﺩﺭﻭﺍﺯﮮ ﭘﺮ ﻧﻤﻮﺩﺍﺭ ﮨﻮﻧﮯ ﻭﺍﻟﮯ ﮐﺴﯽ ﺷﺨﺺ ﮐﻮ ﺩﯾﮑﮭﺘﮯ ﮨﻮﺋﮯ ﮐﮭﮍﺍ ﮨﻮﺍ ﺗﮭﺎ۔ ﻋﻨﺎﯾﮧ ﻧﮯ ﮔﺮﺩﻥ ﻣﻮﮌ ﮐﺮ ﺩﯾﮑﮭﺎ۔ ﻭﮦ ﺍﺣﺴﻦ ﺳﻌﺪ ﺳﮯ ﺍُﺱ ﮐﯽ ﭘﮩﻠﯽ ﻣﻼﻗﺎﺕ ﺗﮭﯽ۔ ﺍُﺳﮯ ﺍﻧﺪﺍﺯﮦ ﻧﮩﯿﮟ ﺗﮭﺎ ﺍُﺱ ﺳﮯ ﮨﻮﻧﮯ ﻭﺍﻻ ﺍﮔﻼ ﺳﺎﻣﻨﺎ ﺍُﺱ ﮐﯽ ﺯﻧﺪﮔﯽ ﻣﯿﮟ ﮐﺘﻨﺎ ﺑﮍﺍ ﺑﮭﻮﻧﭽﺎﻝ ﻻﻧﮯ ﻭﺍﻻ ﺗﮭﺎ۔

---

” ﺗﻤﮩﺎﺭﮮ ﻟﺌﮯ ﮐﻮﺋﯽ ﻟﮍﮐﯽ ﺩﯾﮑﮭﯿﮟ؟ ” ﺍﻣﺎﻣﮧ ﻧﮯ ﺣﻤﯿﻦ ﺳﮯ ﺍُﺱ ﺻﺒﺢ ﻧﺎﺷﺘﮯ ﮐﯽ ﭨﯿﺒﻞ ﭘﺮ ﮐﮩﺎ ﺗﮭﺎ۔ ﻭﮦ ﺍُﻥ ﮐﮯ ﭘﺎﺱ ﭼﻨﺪ ﺩﻧﻮﮞ ﮐﮯ ﻟﺌﮯ ﭘﺎﮐﺴﺘﺎﻥ ﺁﯾﺎ ﮨﻮﺍ ﺗﮭﺎ۔ ﯾﮧ ﺍُﺱ ﮐﯽ ﺭﻭﭨﯿﻦ ﻣﯿﮟ ﺷﺎﻣﻞ ﺗﮭﺎ، ﺑﻨﺎ ﺑﺘﺎﺋﮯ ﮐﭽﮫ ﺩﻧﻮﮞ ﮐﮯ ﻟﺌﮯ ﺍﻣﺎﻣﮧ ﺍﻭﺭ ﺳﮑﻨﺪﺭ ﻋﺜﻤﺎﻥ ﺳﮯ ﻣﻠﻨﮯ ﺁ ﺟﺎﻧﺎ۔ ﺍﭘﻨﯽ ﺯﻧﺪﮔﯽ ﺍﻭﺭ ﺑﺰﻧﺲ ﮐﯽ ﺑﮯ ﭘﻨﺎﮦ ﻣﺼﺮﻭﻓﯿﺎﺕ ﻣﯿﮟ ﺑﮭﯽ ﻭﮦ ﮐﺒﮭﯽ ﯾﮧ ﻧﮩﯿﮟ ﺑﮭﻮﻟﺘﺎ ﺗﮭﺎ۔
” ﺻﺮﻑ ﺍﯾﮏ ﻟﮍﮐﯽ؟ ” ﺣﻤﯿﻦ ﻧﮯ ﺑﮍﯼ ﺳﻨﺠﯿﺪﮔﯽ ﺳﮯ ﺍﻣﺎﻣﮧ ﺳﮯ ﮐﮩﺎ ﺟﻮ ﺍُﺱ ﮐﯽ ﭘﻠﯿﭧ ﻣﯿﮟ ﮐﭽﮫ ﺍﻭﺭ ﺁﻣﻠﯿﭧ ﮈﺍﻝ ﺭﮨﯽ ﺗﮭﯽ۔ ﻭﮦ ﭘﭽﮭﻠﮯ ﮐﭽﮫ ﻋﺮﺻﮧ ﺳﮯ ﮨﺮ ﺑﺎﺭ ﺍُﺱ ﮐﮯ ﭘﺎﮐﺴﺘﺎﻥ ﺁﻧﮯ ﭘﺮ ﺍﺳﮯ ﺷﺎﺩﯼ ﮐﮯ ﺣﻮﺍﻟﮯ ﺳﮯ ﮐﭽﮫ ﻧﮧ ﮐﭽﮫ ﮐﮩﺘﯽ ﺭﮨﺘﯽ ﺗﮭﯽ۔ ﻭﮦ ﮨﻨﺲ ﮐﺮ ﺍﯾﮏ ﮐﺎﻥ ﺳﮯ ﺳُﻦ ﮐﺮ ﺩﻭﺳﺮﮮ ﮐﺎﻥ ﺳﮯ ﻧﮑﺎﻝ ﺩﯾﺘﺎ ﺗﮭﺎ۔
” ﻣﯿﮟ ﺳﯿﺮﯾﺲ ﮨﻮﮞ۔ ﻣﺬﺍﻕ ﮐﮯ ﻣﻮﮈ ﻣﯿﮟ ﻧﮩﯿﮟ ﮨﻮﮞ۔ ” ﺍﻣﺎﻣﮧ ﻧﮯ ﺍُﺳﮯ ﮔﮭﻮﺭﺍ ﺗﮭﺎ۔
” ﺑﺎﻗﯽ ﺗﯿﻨﻮﮞ ﻣﯿﮟ ﺳﮯ ﮨﺮ ﺍﯾﮏ ﺁﺯﺍﺩ ﭘﮭﺮ ﺭﮨﺎ ﮨﮯ، ﺗﻮ ﻣﯿﮟ ﻧﮯ ﮐﯿﺎ ﮔﻨﺎﮦ ﮐﯿﺎ ﮨﮯ۔ ” ﺣﻤﯿﻦ ﻧﮯ ﺍُﺱ ﺳﮯ ﮐﮩﺎ ﺗﮭﺎ۔
” ﺟﺒﺮﯾﻞ ﮐﮯ ﭘﺎﺱ ﺍﺑﮭﯽ ﺷﺎﺩﯼ ﮐﮯ ﻟﺌﮯ ﻭﻗﺖ ﻧﮩﯿﮟ۔ ﻋﻨﺎﯾﮧ ﮐﯽ ﺗﻮ ﺭﯾﺬﯾﮉﻧﺴﯽ ﻣﮑﻤﻞ ﮨﻮﺗﮯ ﮨﯽ ﮐﺮ ﺩﻭﮞ ﮔﯽ۔ ﺭﺋﯿﺴﮧ ﺍﻭﺭ ﺗﻤﮩﺎﺭﮮ ﻟﺌﮯ ﺍﺏ ﺗﻼﺵ ﺷﺮﻭﻉ ﮐﺮﺗﯽ ﮨﻮﮞ۔ ” ﺍﻣﺎﻣﮧ ﻧﮯ ﺍﭘﻨﮯ ﻟﺌﮯ ﮐﭗ ﻣﯿﮟ ﭼﺎﺋﮯ ﮈﺍﻟﺘﮯ ﮨﻮﺋﮯ ﮐﮩﺎ۔
۔ ” You should do something more productive ” ﺣﻤﯿﻦ ﻧﮯ ﺍُﺳﮯ ﭼﮭﯿﮍﺍ۔
” ﻣﺜﻼً؟ ” ﺍُﺱ ﻧﮯ ﺟﻮﺍﺑﺎً ﺑﮍﯼ ﺳﻨﺠﯿﺪﮔﯽ ﺳﮯ ﺍُﺱ ﺳﮯ ﭘﻮﭼﮭﺎ۔
” ﮈﮬﻮﻧﮉﺗﺎ ﮨﻮﮞ ﺁﭖ ﮐﮯ ﻟﺌﮯ ﮐﻮﺋﯽ productive ﮐﺎﻡ۔ ” ﺣﻤﯿﻦ ﻧﮯ ﺁﻣﻠﯿﭧ ﮐﺎ ﺁﺧﺮﯼ ﭨﮑﮍﺍ ﻣﻨﮧ ﻣﯿﮟ ﮈﺍﻟﺘﮯ ﮨﻮﺋﮯ ﮐﮩﺎ۔
” ﯾﮩﺎﮞ ﮐﺮﻧﮯ ﮐﮯ ﻟﺌﮯ ﮐﭽﮫ ﺑﮭﯽ ﻧﮩﯿﮟ ﮨﮯ ﺍﻭﺭ ﺍﺱ ﻋﻤﺮ ﻣﯿﮟ ﻧﺌﮯ ﺳﺮﮮ ﺳﮯ ﮐﻮﺋﯽ activity ﮈﮬﻮﻧﮉﻧﺎ ﻣﺸﮑﻞ ﮨﻮﺗﺎ ﮨﮯ۔ ﺍﺗﻨﮯ ﺳﺎﻟﻮﮞ ﺳﮯ ﺍﯾﮏ routine ﮐﯽ ﻋﺎﺩﯼ ﮨﻮﮞ ﺍﻭﺭ ﭘﺎﭘﺎ ﮐﻮ ﺍﺱ ﻃﺮﺡ ﮔﮭﺮ ﭼﮭﻮﮌ ﮐﺮ ﻣﯿﮟ ﮐﻮﺋﯽ activity ﮈﮬﻮﻧﮉﻧﺎ ﺑﮭﯽ ﻧﮩﯿﮟ ﭼﺎﮨﺘﯽ۔ ” ﺍﻣﺎﻣﮧ ﻧﮯ ﺍُﺱ ﺳﮯ ﺑﮍﯼ ﺳﻨﺠﯿﺪﮔﯽ ﺳﮯ ﮐﮩﺎ۔ ﯾﻮﮞ ﺟﯿﺴﮯ ﺍُﺳﮯ ﺧﺪﺷﮧ ﮨﻮ، ﻭﮦ ﻭﺍﻗﻌﯽ ﺍُﺱ ﮐﮯ ﻟﺌﮯ ﮐﻮﺋﯽ activity ﮈﮬﻮﻧﮉﻧﮯ ﻧﮧ ﭼﻞ ﭘﮍﮮ۔ ﻭﮦ ﺗﮭﺎ ﺑﮭﯽ ﺗﻮ ﺍﯾﺴﺎ ﮨﯽ۔
ﺣﻤﯿﻦ ﻧﮯ ﺍﻣﺎﻣﮧ ﮐﻮ ﺑﮍﮮ ﭘﯿﺎﺭ ﺳﮯ ﺩﯾﮑﮭﺎ۔ ﻭﮨﺎﮞ ﺍﺳﻼﻡ ﺁﺑﺎﺩ ﮐﮯ ﺍﯾﮏ ﮔﮭﺮ ﻣﯿﮟ ﺍﭘﻨﯽ ﻣﻨﺘﺨﺐ ﮐﺮﺩﮦ ﮔﻮﺷﮧ ﻧﺸﯿﻨﯽ ﮐﯽ ﺯﻧﺪﮔﯽ ﮔﺰﺍﺭﺗﮯ ﮨﻮﺋﮯ ﺑﮭﯽ ﻭﮦ ﺍُﻥ ﺳﺐ ﮐﯽ ﺯﻧﺪﮔﯽ ﮐﺎ ﻣﺤﻮﺭ ﺗﮭﯿﮟ۔ ﺣﻤﯿﻦ ﻧﮯ ﺟﻮ ﺳﺎﻝ ﺑﭽﭙﻦ ﻣﯿﮟ ﯾﮩﺎﮞ ﺳﺎﻻﺭ ﺍﻭﺭ ﺟﺒﺮﯾﻞ ﮐﯽ ﻋﺪﻡ ﻣﻮﺟﻮﺩﮔﯽ ﻣﯿﮟ ﺍﻣﺎﻣﮧ ﮐﮯ ﺳﺎﺗﮫ ﮔﺰﺍﺭﮮ ﺗﮭﮯ، ﻭﮦ ﺍُﻥ ﺩﻭﻧﻮﮞ ﮐﻮ ﺑﮩﺖ ﻗﺮﯾﺐ ﻟﮯ ﺁﺋﮯ ﺗﮭﮯ۔ ﻭﮦ ﺍﺱ ﺳﮯ ﭘﮩﻠﮯ ﺍﭘﻨﮯ ﮨﺮ ﺩﮐﮫ ﺳﮑﮫ ﮐﯽ ﺑﺎﺕ ﺟﺒﺮﯾﻞ ﺳﮯ ﮐﺮﻧﮯ ﮐﯽ ﻋﺎﺩﯼ ﺗﮭﯽ، ﺍﺏ ﺣﻤﯿﻦ ﺳﮯ ﮐﺮﻧﮯ ﻟﮕﯽ ﺗﮭﯽ۔ ﺍُﺱ ﻧﮯ ﺍﻣﺎﻣﮧ ﮐﯽ ﺑﺎﺕ ﺳﻨﻨﮯ ﺍﻭﺭ ﻣﺎﻧﻨﮯ ﮐﯽ ﻋﺎﺩﺕ ﺍُﻥ ﮨﯽ ﺳﺎﻟﻮﮞ ﻣﯿﮟ ﺳﯿﮑﮭﯽ ﺗﮭﯽ۔
” ﻣﻤّﯽ ! ﺁﭖ ﻧﮯ ﻓﯿﻤﻠﯽ ﮐﮯ ﻟﺌﮯ ﺳﺐ ﺳﮯ ﺯﯾﺎﺩﮦ ﻗﺮﺑﺎﻧﯿﺎﮞ ﺩﯼ ﮨﯿﮟ۔ ” ﺣﻤﯿﻦ ﻧﮯ ﯾﮏ ﺩﻡ ﭘﺘﮧ ﻧﮩﯿﮟ ﮐﺲ ﺫﮨﻨﯽ ﺭﻭ ﻣﯿﮟ ﺍُﺱ ﺳﮯ ﮐﮩﺎ ﺗﮭﺎ۔ ﻭﮦ ﺍُﺱ ﮐﯽ ﺑﺎﺕ ﭘﺮ ﭼﺎﺋﮯ ﮐﺎ ﺳﭗ ﻟﯿﺘﮯ ﻟﯿﺘﮯ ﻣﺴﮑﺮﺍ ﺩﯼ ﺗﮭﯽ۔
” ﮨﻤﯿﺸﮧ ﻋﻮﺭﺕ ﮨﯽ ﺩﯾﺘﯽ ﮨﮯ ﺣﻤﯿﻦ۔ ﻣﯿﮟ ﻧﮯ ﮐﻮﺋﯽ ﺍﻟﮓ ﮐﺎﻡ ﻧﮩﯿﮟ ﮐﯿﺎ۔ ” ﺍُﺱ ﻧﮯ ﺑﮍﯼ ﻻﭘﺮﻭﺍﮨﯽ ﺳﮯ ﺣﻤﯿﻦ ﺳﮯ ﮐﮩﺎ ﺗﮭﺎ۔
” ﺍﮔﺮ ﺁﭖ ﮐﻮ ﮐﺒﮭﯽ ﺍﭘﻨﮯ ﺟﯿﺴﯽ ﮐﻮﺋﯽ ﻋﻮﺭﺕ ﻣﻠﮯ ﺗﻮ ﻣﺠﮭﮯ ﺍُﺱ ﺳﮯ ﺿﺮﻭﺭ ﻣﻠﻮﺍﺋﯿﮟ۔ ﮨﻮ ﺳﮑﺘﺎ ﮨﮯ، ﻣﯿﮟ ﺷﺎﺩﯼ ﮐﺮ ﻟﻮﮞ ﺍُﺱ ﺳﮯ، ﺑﻠﮑﮧ ﻓﻮﺭﺍً ﮐﺮ ﻟﻮﮞ ﮔﺎ۔ ” ﺍُﺱ ﻧﮯ ﮐﮩﺎ۔ ﺍﻣﺎﻣﮧ ﺑﮍﮮ ﭘﺮﺍﺳﺮﺍﺭ ﺍﻧﺪﺍﺯ ﻣﯿﮟ ﻣﺴﮑﺮﺍﺋﯽ۔
” ﯾﮧ ﺗﻮ ﮐﺎﻡ ﺑﮍﺍ ﺁﺳﺎﻥ ﮐﺮ ﺩﯾﺎ ﮨﮯ ﺗﻢ ﻧﮯ، ﻣﯿﺮﮮ ﻟﺌﮯ۔ ” ﻭﮦ ﺑﮭﯽ ﻣﺴﮑﺮﺍﯾﺎ۔
” ﺗﻤﮩﺎﺭﮮ ﺳﺎﺗﮫ ﭼﻠﻨﺎ ﺍﻭﺭ ﺯﻧﺪﮔﯽ ﮔﺰﺍﺭﻧﯽ ﺑﮭﯽ ﺑﮩﺖ ﻣﺸﮑﻞ ﮨﻮ ﮔﺎ ﺣﻤﯿﻦ، ﺗﻢ ﺑﮭﯽ ﮐﺎﻡ ﮐﮯ ﻣﻌﺎﻣﻠﮯ ﻣﯿﮟ ﺍﭘﻨﮯ ﺑﺎﺑﺎ ﺟﯿﺴﮯ ﮨﻮ۔ workaholic ﺟﻮ ﮐﺎﻡ ﺳﺎﻣﻨﮯ ﮨﻮﻧﮯ ﭘﺮ ﺳﺐ ﮐﭽﮫ ﺑﮭﻮﻝ ﺑﯿﭩﮭﮯ۔ ” ﺍﻣﺎﻣﮧ ﻧﮯ ﺍُﺱ ﺳﮯ ﮐﮩﺎ ﺗﮭﺎ۔ ” ﺑﺎﺑﺎ ﺳﮯ ﻣﻮﺍﺯﻧﮧ ﻧﮧ ﮐﺮﯾﮟ ﻣﯿﺮﺍ۔ ﺍُﻥ ﮐﯽ ﺍﻭﺭ ﻣﯿﺮﯼ ﺳﭙﯿﮉ ﻣﯿﮟ ﺑﮩﺖ ﻓﺮﻕ ﮨﮯ۔ ” ﻭﮦ ﺧﻮﺵ ﺩﻟﯽ ﺳﮯ ﮨﻨﺴﺎ ﺗﮭﺎ۔
” ﺭﺋﯿﺴﮧ ﺍﭼﮭﯽ ﻟﮍﮐﯽ ﮨﮯ۔ ” ﺍﻣﺎﻣﮧ ﻧﮯ ﯾﮏ ﺩﻡ ﮐﮩﺎ ﺗﮭﺎ۔ ﺣﻤﯿﻦ ﮐﻮ ﺳﻤﺠﮫ ﻧﮩﯿﮟ ﺁﺋﯽ۔ ﺍُﻧﮩﯿﮟ ﺑﯿﭩﮭﮯ ﺑﭩﮭﺎﺋﮯ ﺭﺋﯿﺴﮧ ﮐﯿﻮﮞ ﯾﺎﺩ ﺁ ﮔﺌﯽ ﺗﮭﯽ۔ ﺍﻣﺎﻣﮧ ﻧﮯ ﺑﮭﯽ ﺍُﺱ ﺳﮯ ﺁﮔﮯ ﮐﭽﮫ ﻧﮩﯿﮟ ﮐﮩﺎ ﺗﮭﺎ۔
” ﮨﺎﮞ ! ﺭﺋﯿﺴﮧ ﺑﮩﺖ ﺍﭼﮭﯽ ﻟﮍﮐﯽ ﮨﮯ۔ ” ﺍُﺱ ﻧﮯ ﺑﮭﯽ ﺳﻮﭼﮯ ﺳﻤﺠﮭﮯ ﺑﻐﯿﺮ ﻣﺎﮞ ﮐﯽ ﺑﺎﺕ ﮐﯽ ﺗﺎﺋﯿﺪ ﮐﯽ ﺗﮭﯽ ﺍﻭﺭ ﺍُﺳﮯ ﮨﺸّﺎﻡ ﺍﻭﺭ ﺭﺋﯿﺴﮧ ﮐﺎ ﻣﺴﺌﻠﮧ ﯾﺎﺩ ﺁ ﮔﯿﺎ ﺗﮭﺎ، ﺟﺴﮯ ﮈﺳﮑﺲ ﮐﺮﻧﮯ ﮐﮯ ﻟﺌﮯ ﻭﮦ ﺍﻣﺎﻣﮧ ﮐﮯ ﭘﺎﺱ ﺁﯾﺎ ﺗﮭﺎ۔ ﻣﮕﺮ ﺍﮔﻠﮯ ﺩﻥ ﺳﮑﻨﺪﺭ ﻋﺜﻤﺎﻥ ﮐﯽ ﺍﭼﺎﻧﮏ ﻣﻮﺕ ﻧﮯ ﺍُﺳﮯ ﯾﮧ ﮐﺮﻧﮯ ﻧﮩﯿﮟ ﺩﯾﺎ۔

---

---

ﺳﮑﻨﺪﺭ ﻋﺜﻤﺎﻥ ﺍُﻥ ﺳﺐ ﮐﯽ ﺯﻧﺪﮔﯽ ﺳﮯ ﺑﮯ ﺣﺪ ﺧﺎﻣﻮﺷﯽ ﺳﮯ ﭼﻠﮯ ﮔﺌﮯ ﺗﮭﮯ۔ ﻭﮦ ﺣﻤﯿﻦ ﮐﯽ ﻭﮨﺎﮞ ﺁﻣﺪ ﮐﮯ ﺩﻭﺳﺮﮮ ﺩﻥ ﻧﯿﻨﺪ ﺳﮯ ﻧﮩﯿﮟ ﺟﺎﮔﮯ ﺗﮭﮯ۔ ﺍُﺱ ﻭﻗﺖ ﺍُﺱ ﮔﮭﺮ ﭘﺮ ﺻﺮﻑ ﺍﻣﺎﻣﮧ ﺍﻭﺭ ﺣﻤﯿﻦ ﮨﯽ ﺗﮭﮯ، ﻃﯿﺒﮧ ﺍﻣﺮﯾﮑﮧ ﻣﯿﮟ ﺗﮭﯿﮟ۔
ﺍُﺱ ﺭﺍﺕ ﺣﻤﯿﻦ ﺳﮑﻨﺪﺭ ﻋﺜﻤﺎﻥ ﮐﮯ ﭘﺎﺱ ﺑﮩﺖ ﺩﯾﺮ ﺗﮏ ﺑﯿﭩﮭﺎ ﺭﮨﺎ ﺗﮭﺎ۔ ﮨﻤﯿﺸﮧ ﮐﯽ ﻃﺮﺡ۔ ﻭﮦ ﺟﺐ ﺑﮭﯽ ﯾﮩﺎﮞ ﺁﺗﺎ ﺗﮭﺎ ﺍﻣﺎﻣﮧ ﺍﻭﺭ ﺍُﻥ ﮐﮯ ﻟﺌﮯ ﮨﯽ ﺁﺗﺎ ﺗﮭﺎ۔ ﺳﮑﻨﺪﺭ ﻋﺜﻤﺎﻥ ﺳﮯ ﻭﮦ ﺳﺎﻻﺭ ﮐﮯ ﺩﻭﺳﺮﮮ ﺑﭽﻮﮞ ﮐﯽ ﻧﺴﺒﺖ ﺯﯾﺎﺩﮦ ﺍُﻧﺴﯿﺖ ﺭﮐﮭﺘﺎ ﺗﮭﺎ ﺍﻭﺭ ﺍﯾﺴﺎ ﮨﯽ ﺍُﻧﺲ ﺳﮑﻨﺪﺭ ﻋﺜﻤﺎﻥ ﺑﮭﯽ ﺍُﺱ ﺳﮯ ﺭﮐﮭﺘﮯ ﺗﮭﮯ۔ ﺍﻟﺰﺍﺋﻤﺮ ﮐﯽ ﺍﺱ advanced stage ﭘﺮ ﺑﮭﯽ ﺣﻤﯿﻦ ﮐﮯ ﺳﺎﻣﻨﮯ ﺁﻧﮯ ﭘﺮ ﺍُﻥ ﮐﯽ ﺁﻧﮑﮭﯿﮟ ﭼﻤﮑﺘﯽ ﺗﮭﯿﮟ ﯾﺎ ﮐﻢ ﺍﺯ ﮐﻢ ﺩﻭﺳﺮﻭﮞ ﮐﻮ ﻟﮕﺘﯽ ﺗﮭﯿﮟ۔ ﮐﭽﮫ ﺑﮭﯽ ﺑﻮﻝ ﻧﮧ ﺳﮑﻨﮯ ﮐﮯ ﺑﺎﻭﺟﻮﺩ ﻭﮦ ﺍُﺳﮯ ﺩﯾﮑﮭﺘﮯ ﺭﮨﺘﮯ ﺗﮭﮯ ﺍﻭﺭ ﻭﮦ ﺩﺍﺩﺍ ﮐﺎ ﮨﺎﺗﮫ ﭘﮑﮍﮮ ﺍُﻥ ﮐﮯ ﭘﺎﺱ ﺑﯿﭩﮭﺎ ﺭﮨﺘﺎ ﺗﮭﺎ۔ ﺍُﻥ ﺳﮯ ﺧﻮﺩ ﮨﯽ ﺑﺎﺕ ﭼﯿﺖ ﮐﯽ ﮐﻮﺷﺶ ﮐﺮﺗﺎ ﺭﮨﺘﺎ۔ ﺧﻮﺩ ﺳﻮﺍﻝ ﮐﺮﺗﺎ، ﺧﻮﺩ ﺟﻮﺍﺏ ﺩﯾﺘﺎ۔ ﺟﯿﺴﮯ ﺑﭽﭙﻦ ﻣﯿﮟ ﮐﺮﺗﺎ ﺗﮭﺎ۔ ﺍﻭﺭ ﻭﯾﺴﯽ ﮨﯽ ﺑﺎﺗﯿﮟ ﺟﻮ ﺑﭽﭙﻦ ﻣﯿﮟ ﮨﻮﺗﯽ ﺗﮭﯿﮟ، ﺍﻭﺭ ﺗﺐ ﺳﮑﻨﺪﺭ ﻋﺜﻤﺎﻥ ﺍُﻥ ﮐﮯ ﺟﻮﺍﺏ ﺩﯾﺎ ﮐﺮﺗﮯ ﺗﮭﮯ۔
” ﺩﺍﺩﺍ ﺑﺘﺎﺋﯿﮟ، ﺷﺘﺮ ﻣﺮﻍ ﮐﯽ ﮐﺘﻨﯽ ﭨﺎﻧﮕﯿﮟ ﮨﻮﺗﯽ ﮨﯿﮟ؟ ” ﻭﮦ ﺍُﻥ ﮐﮯ ﺳﺎﺗﮫ ﻭﺍﮎ ﮐﺮﺗﮯ ﮐﺮﺗﮯ ﯾﮏ ﺩﻡ ﺍُﻥ ﺳﮯ ﭘﻮﭼﮭﺘﺎ۔ ﺳﮑﻨﺪﺭ ﻋﺜﻤﺎﻥ ﺍُﻟﺠﮭﺘﮯ، ﺷﺘﺮ ﻣﺮﻍ ﮐﯽ ﺗﺼﻮﯾﺮ ﺫﮨﻦ ﻣﯿﮟ ﻻﻧﮯ ﮐﯽ ﮐﻮﺷﺶ ﮐﺮﺗﮯ، ﭘﮭﺮ ﮨﺎﺭ ﻣﺎﻧﺘﮯ۔
” ﻣﺮﻍ ﮐﯽ ﺩﻭ ﮨﻮﮞ ﮔﯽ ﺗﻮ ﺷُﺘﺮ ﻣﺮﻍ ﮐﯽ ﺑﮭﯽ ﺩﻭ ﮨﻮﮞ ﮔﯽ ﺩﺍﺩﺍ۔ ﯾﮧ ﺗﻮ ﺳﻮﭼﮯ ﺑﻐﯿﺮ ﺑﺘﺎ ﺩﯾﻨﮯ ﻭﺍﻻ ﺟﻮﺍﺏ ﺗﮭﺎ۔ ” ﺳﮑﻨﺪﺭ ﻋﺜﻤﺎﻥ ﺍُﺱ ﮐﯽ ﺑﺎﺕ ﭘﺮ ﺳﺮ ﮨﻼﻧﮯ ﻟﮕﺘﮯ۔
ﺳﮑﻨﺪﺭ ﻋﺜﻤﺎﻥ ﮐﯽ ﯾﺎﺩﺩﺍﺷﺖ ﮐﮯ ﺩﯾﻮﮞ ﮐﻮ ﺣﻤﯿﻦ ﺳﮑﻨﺪﺭ ﻧﮯ ﺍﭘﻨﮯ ﺳﺎﻣﻨﮯ ﺍﯾﮏ ﺍﯾﮏ ﮐﺮ ﮐﮯ ﺑﺠﮭﺘﮯ ﺩﯾﮑﮭﺎ ﺗﮭﺎ ﺍﻭﺭ ﺍﯾﮏ ﺑﭽّﮯ ﮐﮯ ﻃﻮﺭ ﭘﺮ ﺍﻟﺰﺍﺋﻤﺮ ﮐﻮ ﻧﮧ ﺳﻤﺠﮭﻨﮯ ﮐﮯ ﺑﺎﻭﺟﻮﺩ ﺍُﺱ ﻧﮯ ﺍﭘﻨﮯ ﺩﺍﺩﺍ ﮐﮯ ﺳﺎﺗﮫ ﻣﻞ ﮐﺮ ﺍُﻥ ﺩﯾﻮﮞ ﮐﯽ ﺭﻭﺷﻨﯽ ﮐﻮ ﺑﭽﺎﻧﮯ ﮐﯽ ﺑﮯ ﭘﻨﺎﮦ ﮐﻮﺷﺶ ﮐﯽ ﺗﮭﯽ۔
ﻭﮦ ﮐﺴﯽ ﺑﮭﯽ ﭼﯿﺰ ﮐﺎ ﻧﺎﻡ ﺑﮭﻮﻝ ﺟﺎﻧﮯ ﭘﺮ ﺍُﻧﮩﯿﮟ ﺗﺴﻠﯽ ﺩﮮ ﺩﯾﺎ ﮐﺮﺗﺎ ﺗﮭﺎ ﮐﮧ ﯾﮧ ﻧﺎﺭﻣﻞ ﺑﺎﺕ ﺗﮭﯽ۔ ﺍﻭﺭ ﺑﮭﻮﻟﻨﺎ ﺗﻮ ﺍﭼﮭﺎ ﮨﻮﺗﺎ ﮨﮯ ﺍﺳﯽ ﻟﺌﮯ ﻭﮦ ﺑﮭﯽ ﺑﮩﺖ ﺳﺎﺭﯼ ﭼﯿﺰﯾﮟ ﺑﮭﻮﻟﺘﺎ ﮨﮯ۔ ﻭﮦ ﺑﭽّﮯ ﮐﯽ logic ﺗﮭﯽ ﺍﻭﺭ ﺑﮍﮮ ﮐﮯ ﺳﺎﻣﻨﮯ ﻟﻨﮕﮍﯼ ﺗﮭﯽ ﻣﮕﺮ ﺳﮑﻨﺪﺭ ﻋﺜﻤﺎﻥ ﮐﻮ ﺍُﺱ ﻋﻤﺮ ﻣﯿﮟ ﺍُﺱ ﺑﯿﻤﺎﺭﯼ ﺳﮯ ﻟﮍﺗﮯ ﮨﻮﺋﮯ ﻭﯾﺴﯽ ﮨﯽ logic ﭼﺎﮨﯿﮯ ﺗﮭﯽ ﺟﻮ ﺍُﻧﮩﯿﮟ ﯾﮧ ﯾﻘﯿﻦ ﺩﻻ ﺩﯾﺘﯽ ﮐﮧ ﻭﮦ ﭨﮭﯿﮏ ﺗﮭﮯ، ﺳﺐ ﮐﭽﮫ ” ﻧﺎﺭﻣﻞ ” ﺗﮭﺎ۔
ﺣﻤﯿﻦ ﺍُﻥ ﮐﯽ ﺑﯿﻤﺎﺭﯼ ﮐﮯ ﺑﮍﮬﺘﮯ ﺟﺎﻧﮯ ﭘﺮ ﺁﮨﺴﺘﮧ ﺁﮨﺴﺘﮧ ﮐﺮ ﮐﮯ ﺍُﻥ ﮐﮯ ﮐﻤﺮﮮ ﮐﯽ ﮨﺮ ﭼﯿﺰ ﭘﺮ ﺍُﺱ ﭼﯿﺰ ﮐﺎ ﻧﺎﻡ ﮐﺎﻏﺬ ﮐﯽ ﭼﭩﻮﮞ ﭘﺮ ﻟﮑﮫ ﮐﺮ ﭼﺴﭙﺎﮞ ﮐﺮ ﺩﯾﺎ ﮐﺮﺗﺎ ﺗﮭﺎ ﺗﺎﮐﮧ ﺩﺍﺩﺍ ﮐﭽﮫ ﻧﮧ ﺑﮭﻮﻟﯿﮟ، ﻭﮦ ﺟﺲ ﭼﯿﺰ ﮐﻮ ﺩﯾﮑﮭﯿﮟ، ﺍُﺱ ﮐﺎ ﻧﺎﻡ ﯾﺎﺩ ﮐﺮﻧﮯ ﮐﮯ ﻟﺌﮯ ﺍُﻧﮩﯿﮟ ﺗﺮﺩّﺩ ﻧﮧ ﮐﺮﻧﺎ ﭘﮍﮮ۔ ﻭﮦ ﭼﭩﯿﮟ ﺳﯿﻨﮑﮍﻭﮞ ﮐﯽ ﺗﻌﺪﺍﺩ ﻣﯿﮟ ﺗﮭﯿﮟ ﺍﻭﺭ ﺍُﺱ ﮐﻤﺮﮮ ﻣﯿﮟ ﺁﻧﮯ ﻭﺍﻟﮯ ﮨﺮ ﺷﺨﺺ ﮐﻮ ﺍﯾﮏ ﺑﺎﺭ ﺳﮑﻨﺪﺭ ﻋﺜﻤﺎﻥ ﮐﮯ ﺳﺎﺗﮫ ﺍُﺱ ﺑﯿﻤﺎﺭﮮ ﺳﮯ ﻟﮍﻧﮯ ﻭﺍﻟﮯ ﺍُﺱ ﺩﻭﺳﺮﮮ ﺷﺨﺺ ﮐﮯ ﺑﺎﺭﮮ ﻣﯿﮟ ﺳﻮﭼﻨﮯ ﭘﺮ ﺑﮭﯽ ﻣﺠﺒﻮﺭ ﮐﺮ ﺩﯾﺘﺎ ﺍﻭﺭ ﺣﻤﯿﻦ ﻧﮯ ﺍُﺱ ﺑﯿﻤﺎﺭﯼ ﮐﮯ ﺳﺎﻣﻨﮯ ﭘﮩﻠﯽ ﮨﺎﺭ ﺍُﺱ ﺩﻥ ﻣﺎﻧﯽ ﺗﮭﯽ ﺟﺲ ﺩﻥ ﺳﮑﻨﺪﺭ ﻋﺜﻤﺎﻥ ﺍُﺱ ﮐﺎ ﻧﺎﻡ ﺑﮭﻮﻝ ﮔﺌﮯ ﺗﮭﮯ۔ ﻭﮦ ﺑﮯ ﯾﻘﯿﻨﯽ ﺳﮯ ﺍُﻥ ﮐﺎ ﭼﮩﺮﮦ ﺩﯾﮑﮭﺘﺎ ﺭﮨﺎ ﺗﮭﺎ۔ ﻭﮦ ﺁﺧﺮ ﺍُﺱ ﮐﺎ ﻧﺎﻡ ﮐﯿﺴﮯ ﺑﮭﻮﻝ ﮔﺌﮯ ﺗﮭﮯ۔ ﺍُﺱ ﻭﺟﻮﺩ ﮐﺎ، ﺟﻮ ﭼﻮﺑﯿﺲ ﻣﯿﮟ ﺳﮯ ﺑﺎﺭﮦ ﮔﮭﻨﭩﮯ ﺍُﻥ ﮐﮯ ﺍﺭﺩﮔﺮﺩ ﻣﻨﮉﻻﺗﺎ ﺭﮨﺘﺎ ﺗﮭﺎ۔ ﺍُﺱ ﮐﮯ ﺳﺎﻣﻨﮯ ﮐﮭﮍﮮ ﺳﮑﻨﺪﺭ ﻋﺜﻤﺎﻥ ﺍُﺱ ﮐﺎ ﻧﺎﻡ ﯾﺎﺩ ﮐﺮﺗﮯ، ﺍﭨﮑﺘﮯ، ﺍُﻟﺠﮭﺘﮯ، ﮨﮑﻼﺗﮯ، ﮔﮍﮔﮍﺍﺗﮯ ﺭﮨﮯ ﺍﻭﺭ ﺣﻤﯿﻦ ﺍُﻥ ﮐﯽ ﺟﺪﻭﺟﮩﺪ ﺍﻭﺭ ﺑﮯ ﺑﺴﯽ ﺩﯾﮑﮭﺘﺎ ﺭﮨﺎ۔ ﭘﮭﺮ ﻭﮦ ﺑﮍﯼ ﺧﺎﻣﻮﺷﯽ ﺳﮯ ﺳﯿﻨﭩﺮ ﭨﯿﺒﻞ ﮐﮯ ﭘﺎﺱ ﮔﮭﭩﻨﮯ ﭨﯿﮏ ﮐﺮ ﺑﯿﭩﮭﺎ۔ ﻭﮨﺎﮞ ﭘﮍﯼ ﺍﯾﮏ stick on ﭼﭧ ﺍُﺱ ﻧﮯ ﺍُﭨﮭﺎﺋﯽ، ﺍُﺱ ﭘﺮ ﺍﭘﻨﺎ ﻧﺎﻡ ﻟﮑﮭﺎ ﺍﻭﺭ ﭘﮭﺮ ﺍﭘﻨﮯ ﻣﺎﺗﮭﮯ ﭘﺮ ﺍُﺳﮯ ﭼﺴﭙﺎﮞ ﮐﺮﺗﮯ ﮨﻮﺋﮯ ﻭﮦ ﺳﮑﻨﺪﺭ ﻋﺜﻤﺎﻥ ﮐﮯ ﺳﺎﻣﻨﮯ ﺁ ﮐﺮ ﮐﮭﮍﺍ ﮨﻮ ﮔﯿﺎ۔ﺍُﺱ ﻭﻗﺖ ﻭﮦ ﭘﮭﻮﭦ ﭘﮭﻮﭦ ﮐﺮ ﺭﻭﻧﺎ ﭼﺎﮨﺘﺎ ﺗﮭﺎ ﺍﻭﺭ ﺷﺎﯾﺪ ﺯﻧﺪﮔﯽ ﻣﯿﮟ ﭘﮩﻠﯽ ﺑﺎﺭ، ﻟﯿﮑﻦ ﻭﮦ ﻧﮩﯿﮟ ﺭﻭﯾﺎ ﺗﮭﺎ، ﺍُﺱ ﻧﮯ ﺟﯿﺴﮯ ﺳﮑﻨﺪﺭ ﻋﺜﻤﺎﻥ ﮐﮯ ﺳﺎﻣﻨﮯ ﺍُﺱ ﺑﺎﺕ ﮐﻮ ﻣﺬﺍﻕ ﻣﯿﮟ ﺍُﮌﺍﻧﮯ ﮐﯽ ﮐﻮﺷﺶ ﮐﯽ ﺗﮭﯽ ﻟﯿﮑﻦ ﻭﮦ ﺑﺎﺕ ﺍﻟﺰﺍﺋﻤﺮ ﺳﮯ ﺟﻨﮓ ﮐﺮﺗﮯ ﺍُﺱ ﺷﺨﺺ ﮐﮯ ﻟﺌﮯ ﻣﺬﺍﻕ ﻧﮩﯿﮟ ﺗﮭﯽ۔ ﻭﮦ ﺍُﺱ ﮐﮯ ﻧﺎﻡ ﮐﮯ spelling ﮐﺮﺗﮯ ﮨﻨﺲ ﭘﮍﮮ ﺗﮭﮯ ﺍﻭﺭ ﭘﮭﺮ ﮨﻨﺴﺘﮯ ﮨﻨﺴﺘﮯ ﻭﮦ ﻭﮨﯿﮟ ﮐﮭﮍﮮ ﮐﮭﮍﮮ ﺍﭘﻨﯽ ﻣﭩﮭﯿﺎﮞ ﺑﮭﯿﻨﭽﺘﮯ ﺭﻭﻧﮯ ﻟﮕﮯ ﺗﮭﮯ ﺍﻭﺭ ﺍُﻥ ﺳﮯ ﻗﺪ ﺍﻭﺭ ﻋﻤﺮ ﻣﯿﮟ ﭼﮭﻮﭨﮯ ﺣﻤﯿﻦ ﻧﮯ ﺍﭘﻨﯽ ﻋﻤﺮ ﺳﮯ ﺑﮍﮮ ﺍُﺱ ﺑﻮﮌﮬﮯ ﺷﺨﺺ ﮐﻮ ﺗﮭﭙﮑﺘﮯ ﮨﻮﺋﮯ ﺗﺴﻠﯽ ﺩﯼ ﺗﮭﯽ، ﺟﻮ ﺍﭘﻨﯽ ” ﻧﺎﺍﮨﻠﯽ ” ﺍﻭﺭ ” ﻣﺠﺒﻮﺭﯼ ” ﭘﺮ ﻧﺎﺩﻡ ﺗﮭﺎ ﺍﻭﺭ ﺟﻮ ﺍﭘﻨﮯ ﭼﮩﯿﺘﮯ ﺗﺮﯾﻦ ﺭﺷﺘﮯ ﮐﺎ ﻧﺎﻡ ﯾﺎﺩ ﺭﮐﮭﻨﮯ ﺳﮯ ﺑﮭﯽ ﻗﺎﺻﺮ ﺗﮭﺎ۔ ﺍُﻥ ﮐﯽ ﺍﺱ ﺑﯿﻤﺎﺭﯼ ﻧﮯ ﺣﻤﯿﻦ ﺳﮑﻨﺪﺭ ﮐﻮ ﻭﻗﺖ ﺳﮯ ﭘﮩﻠﮯ ﻣﯿﭽﻮﺭ ﮐﺮ ﺩﯾﺎ ﺗﮭﺎ۔ ﺟﺒﺮﯾﻞ ﻧﮯ ﺳﺎﻻﺭ ﺳﮑﻨﺪﺭ ﮐﯽ ﺑﯿﻤﺎﺭﯼ ﮐﻮ ﺟﮭﯿﻼ ﺗﮭﺎ، ﺣﻤﯿﻦ ﻧﮯ ﺳﮑﻨﺪﺭ ﻋﺜﻤﺎﻥ ﮐﯽ۔
ﻭﮦ ﺍُﺳﮯ ﺍﭘﻨﮯ ﺳﺎﺗﮫ ﺟﻮﮌﮮ ﺭﮐﮭﻨﮯ ﮐﮯ ﻟﺌﮯ ﺍُﺳﮯ ﺍﭘﻨﯽ ﭼﯿﺰﯾﮟ ﺩﯾﻨﺎ ﺷﺮﻭﻉ ﮨﻮ ﮔﺌﮯ ﺗﮭﮯ . Dada, you don’t have to do it ” ﺣﻤﯿﻦ ﺟﯿﺴﮯ ﺳﻤﺠﮫ ﺟﺎﺗﺎ ﺗﮭﺎ ﮐﮧ ﻭﮦ Bater Deal ﮐﺲ ﺷﮯ ﮐﮯ ﻟﺌﮯ ﺗﮭﯽ۔ ” I have all the time in the world for you ” ﻭﮦ ﺟﯿﺴﮯ ﺍُﻧﮩﯿﮟ ﯾﻘﯿﻦ ﺩﮨﺎﻧﯽ ﮐﺮﻭﺍﻧﮯ ﮐﯽ ﮐﻮﺷﺶ ﮐﺮﺗﺎ۔ ﻭﮦ ﭘﮭﺮ ﺑﮭﯽ ﺍُﺳﮯ ﮐﭽﮫ ﻧﮧ ﮐﭽﮫ ﺩﯾﻨﮯ ﮐﯽ ﮐﻮﺷﺶ ﮐﺮﺗﮯ، ﺣﻤﯿﻦ ﺍُﻥ ﮐﮯ ﺑﮩﺖ ﺳﺎﺭﮮ ﺭﺍﺯﻭﮞ ﺳﮯ ﻭﺍﻗﻒ ﺗﮭﺎ۔ ﺍُﻥ ﺑﮩﺖ ﺳﺎﺭﯼ ﺟﮕﮩﻮﮞ ﺳﮯ ﺑﮭﯽ ﺟﮩﺎﮞ ﻭﮦ ﺍﭘﻨﯽ ﻗﯿﻤﺘﯽ ﭼﯿﺰﯾﮟ ﭼﮭﭙﺎﺗﮯ ﺗﮭﮯ۔ ﺍُﺱ ﭘﺮ ﺍُﻥ ﮐﮯ ﺍﻋﺘﺒﺎﺭ ﮐﺎ ﯾﮧ ﻋﺎﻟﻢ ﺗﮭﺎ ﮐﮧ ﻭﮦ ﮨﺮ ﭼﯿﺰ ﭼﮭﭙﺎﺗﮯ ﮨﻮﺋﮯ ﺻﺮﻑ ﺣﻤﯿﻦ ﺳﮑﻨﺪﺭ ﮐﻮ ﺑﺘﺎﺗﮯ ﺗﮭﮯ، ﺻﺮﻑ ﺍﺱ ﻟﺌﮯ ﮐﯿﻮﻧﮑﮧ ﺍﻧﮩﯿﮟ ﯾﮧ ﺧﺪﺷﮧ ﺗﮭﺎ ﮐﮧ ﻭﮦ ﮐﮩﯿﮟ ﺍﺱ ﺟﮕﮧ ﮐﻮ ﺑﮭﯽ ﻧﮧ ﺑﮭﻮﻝ ﺟﺎﺋﯿﮟ ﺟﮩﺎﮞ ﻭﮦ ﺳﺐ ﮐﭽﮫ ﭼﮭﭙﺎ ﺭﮨﮯ ﺗﮭﮯ۔ ﺍﻭﺭ ﺍﯾﺴﺎ ﮨﯽ ﮨﻮﺗﺎ ﺗﮭﺎ ﺍُﻥ ﮐﮯ ﺑﮭﻮﻟﻨﮯ ﭘﺮ ﺣﻤﯿﻦ ﺍُﻧﮩﯿﮟ ﻭﮦ ﭼﯿﺰ ﻧﮑﺎﻝ ﮐﺮ ﺩﯾﺘﺎ ﺗﮭﺎ۔ ﻭﮦ ﮐﻤﺮﮦ ﺟﯿﺴﮯ ﺍُﻥ ﺩﻭﻧﻮﮞ ﺩﺍﺩﺍ ﺍﻭﺭ ﭘﻮﺗﮯ ﮐﮯ ﻟﺌﮯ hide and seek ﻭﺍﻟﯽ ﺟﮕﮧ ﺑﻦ ﮔﯿﺎ ﺗﮭﺎ۔
” ﺍﯾﮏ ﺩﻥ ﺗﻢ ﺑﮩﺖ ﺑﮍﮮ ﺁﺩﻣﯽ ﺑﻨﻮ ﮔﮯ۔ ” ﺳﮑﻨﺪﺭ ﻋﺜﻤﺎﻥ ﺍُﺳﮯ ﺍﮐﺜﺮ ﮐﮩﺎ ﮐﺮﺗﮯ ﺗﮭﮯ۔ ” ﺍﭘﻨﮯ ﺑﺎﺑﺎ ﺳﮯ ﺑﮭﯽ ﺑﮍﮮ ﺁﺩﻣﯽ۔ ” ﻭﮦ ﺍُﻥ ﮐﯽ ﺑﺎﺕ ﺯﯾﺎﺩﮦ ﻏﻮﺭ ﻭ ﻓﮑﺮ ﮐﮯ ﺑﻐﯿﺮ ﺳﻨﺘﺎ ﭘﺮ ﺑﯿﭻ ﻣﯿﮟ ﺍُﻧﮩﯿﮟ ﭨﻮﮎ ﮐﺮ ﭘﻮﭼﮭﺘﺎ۔
” ﺧﺎﻟﯽ ﺑﮍﺍ ﺁﺩﻣﯽ ﺑﻨﻮﮞ ﮔﺎ ﯾﺎ rich ﺑﮭﯽ؟ ” ﺑﺎﺑﺎ ﺗﻮ rich ﻧﮩﯿﮟ ﮨﯿﮟ۔ ” ﺍُﺳﮯ ﺟﯿﺴﮯ ﻓﮑﺮ ﻻﺣﻖ ﮨﻮﺋﯽ۔ ﺳﮑﻨﺪﺭ ﻋﺜﻤﺎﻥ ﮨﻨﺲ ﭘﮍﮮ۔
” ﺑﮩﺖ ﺍﻣﯿﺮ ﮨﻮ ﺟﺎﺅ ﮔﮯ، ﺑﮩﺖ ﺯﯾﺎﺩﮦ۔ ”
” ﭘﮭﺮ ﭨﮭﯿﮏ ﮨﮯ۔ ” ﺍُﺳﮯ ﺟﯿﺴﮯ ﺍﻃﻤﯿﻨﺎﻥ ﮨﻮﺗﺎ۔ ” ﻟﯿﮑﻦ ﺁﭖ ﮐﻮ ﮐﯿﺴﮯ ﭘﺘﮧ ﮨﮯ؟ ” ﺍُﺳﮯ ﯾﮏ ﺩﻡ ﺧﯿﺎﻝ ﺁﺗﺎ۔
” ﮐﯿﻮﻧﮑﮧ ﻣﯿﮟ ﺗﻤﮩﺎﺭﮮ ﻟﺌﮯ ﺩﻋﺎ ﮐﺮﺗﺎ ﮨﻮﮞ۔ ” ﺳﮑﻨﺪﺭ ﻋﺜﻤﺎﻥ ﺑﮍﮬﺎﭘﮯ ﮐﯽ ﺍُﺱ ﻻﭨﮭﯽ ﮐﻮ ﺩﯾﮑﮭﺘﮯ ﺟﻮ ﺍُﻥ ﮐﮯ ﺳﺐ ﺳﮯ ﻋﺰﯾﺰ ﺑﯿﭩﮯ ﮐﺎ ﺍُﻥ ﮐﮯ ﻟﺌﮯ ﺗﺤﻔﮧ ﺗﮭﺎ۔
۔ ”Ok” ﺣﻤﯿﻦ ﮐﮯ ﺫﮨﻦ ﻣﯿﮟ ﻣﺰﯾﺪ ﺳﻮﺍﻻﺕ ﺁﺋﮯ ﺗﮭﮯ ﻟﯿﮑﻦ ﻭﮦ ﺩﺍﺩﺍ ﺳﮯ ﺍﺏ ﺑﺤﺚ ﻧﮩﯿﮟ ﮐﺮﺗﺎ ﺗﮭﺎ۔
” ﻣﯿﮟ ﺗﻢ ﭘﺮ ﺩﻧﯿﺎ ﻣﯿﮟ ﺳﺐ ﺳﮯ ﺯﯾﺎﺩﮦ ﺍﻋﺘﻤﺎﺩ ﮐﺮﺗﺎ ﮨﻮﮞ۔ ” ﻭﮦ ﺍﮐﺜﺮ ﺍُﺱ ﺳﮯ ﮐﮩﺘﮯ ﺗﮭﮯ ﺍﻭﺭ ﻭﮦ ﺑﮍﯼ ﺳﻨﺠﯿﺪﮔﯽ ﺳﮯ ﺍُﻧﮩﯿﮟ ﮐﮩﺘﺎ ﺗﮭﺎ ” You are the only one who does it ” ﺍﻭﺭ ﺳﮑﻨﺪﺭ ﻋﺜﻤﺎﻥ ﺟﻮﺍﺑﺎً ﮐﺴﯽ ﺑﭽﮯ ﮐﯽ ﻃﺮﺡ ﮨﻨﺴﻨﮯ ﻟﮕﺘﮯ ﺗﮭﮯ۔
” ﺟﺐ ﻣﯿﮟ ﺍﺱ ﺩُﻧﯿﺎ ﺳﮯ ﭼﻼ ﺟﺎﺅﮞ ﮔﺎ ﺗﻮ ﯾﮧ ring ﺗﻢ ﺍﻣﺎﻣﮧ ﮐﻮ ﺩﮮ ﺩﯾﻨﺎ۔ ” ﺍﻋﺘﻤﺎﺩ ﮐﮯ ﺍﯾﺴﮯ ﮨﯽ ﮐﭽﮫ ﻟﻤﺤﻮﮞ ﻣﯿﮟ ﺍﻧﮩﻮﮞ ﻧﮯ ﺣﻤﯿﻦ ﮐﻮ ﻭﮦ ﺍﻧﮕﻮﭨﮭﯽ ﺩﮐﮭﺎﺋﯽ ﺗﮭﯽ ﺟﻮ ﻭﮦ ﮐﺌﯽ ﺳﺎﻝ ﺍﭘﻨﯽ ﻣﺎﮞ ﮐﯽ ﺍﻧﮕﻠﯽ ﻣﯿﮟ ﺩﯾﮑﮭﺘﺎ ﺭﮨﺎ ﺗﮭﺎ۔
” ﯾﮧ ﺗﻮ ﻣﻤّﯽ ﮐﯽ ring ﮨﮯ۔ ” ﺣﻤﯿﻦ ﺟﯿﺴﮯ ﭼﻠّﺎﯾﺎ ﺗﮭﺎ۔
” ﮨﺎﮞ، ﺗﻤﮩﺎﺭﯼ ﻣﻤّﯽ ﮐﯽ ﮨﮯ۔ ﺳﺎﻻﺭ ﻧﮯ ﺷﺎﺩﯼ ﭘﺮ ﮔﻔﭧ ﮐﯽ ﺗﮭﯽ ﺍُﺳﮯ۔ ﭘﮭﺮ ﻭﮦ ﺍﺳﮯ ﺑﯿﭻ ﮐﺮ ﺳﺎﻻﺭ ﮐﮯ ﭘﺮﺍﺟﯿﮑﭧ ﻣﯿﮟ ﮐﭽﮫ investment ﮐﺮﻧﺎ ﭼﺎﮨﺘﯽ ﺗﮭﯽ، ﺗﻮ ﻣﯿﮟ ﻧﮯ ﺍﺳﮯ ﻟﮯ ﮐﺮ ﺍُﺳﮯ ﻭﮦ ﺭﻗﻢ ﺩﮮ ﺩﯼ۔ ﻣﯿﮟ ﺍُﺳﮯ ﻭﺍﭘﺲ ﺩﻭﮞ ﮔﺎ ﺗﻮ ﻭﮦ ﻧﮩﯿﮟ ﻟﮯ ﮔﯽ ﺍﻭﺭ ﻣﯿﮟ ﻧﮩﯿﮟ ﭼﺎﮨﺘﺎ ﻭﮦ ﺍﻭﺭ ﺳﺎﻻﺭ ﺍﺳﮯ ﺑﯿﭻ ﮐﺮ ﻣﺠﮭﮯ ﻣﯿﺮﺍ ﻗﺮﺽ ﻭﺍﭘﺲ ﺩﯾﻨﮯ ﮐﯽ ﮐﻮﺷﺶ ﮐﺮﯾﮟ۔ ” ﺳﮑﻨﺪﺭ ﻋﺜﻤﺎﻥ ﺑﺘﺎﺗﮯ ﮔﺌﮯ ﺗﮭﮯ۔ ﺍُﻧﮩﯿﮟ ﻧﮯ ﺍُﺳﮯ ﺍﯾﮏ ﺗﮭﯿﻠﯽ ﻣﯿﮟ ﮈﺍﻝ ﮐﺮ ﺍﭘﻨﯽ ﻭﺍﺭﮈﺭﻭﺏ ﮐﮯ ﺍﯾﮏ ﭼﻮﺭ ﺧﺎﻧﮯ ﻣﯿﮟ ﺣﻤﯿﻦ ﮐﮯ ﺳﺎﻣﻨﮯ ﺭﮐﮭﺎ ﺗﮭﺎ۔ ﻭﮦ ﭼﻮﺭ ﺧﺎﻧﮧ ﺣﻤﯿﻦ ﻧﮯ ﺑﮭﯽ ﭘﮩﻠﯽ ﺑﺎﺭ ﮨﯽ ﺩﯾﮑﮭﺎ ﺗﮭﺎ۔
” ﺁﭖ ﺍﺳﮯ ﻻﮐﺮ ﻣﯿﮟ ﮐﯿﻮﮞ ﻧﮩﯿﮟ ﺭﮐﮭﻮﺍ ﺩﯾﺘﮯ؟ ” ﺍُﺱ ﻧﮯ ﺳﮑﻨﺪﺭ ﻋﺜﻤﺎﻥ ﮐﻮ ﻣﺸﻮﺭﮦ ﺩﯾﺎ ﺗﮭﺎ۔ ﻭﮦ ﻣﺴﮑﺮﺍ ﺩﯾﮯ ﺗﮭﺎ۔
” ﻣﯿﺮﮮ ﻣﺮﻧﮯ ﮐﮯ ﺑﻌﺪ ﻻﮐﺮ ﺳﮯ ﺟﻮ ﺑﮭﯽ ﻧﮑﻠﮯ ﮔﺎ، ﻭﮦ ﺳﺎﺭﯼ ﺍﻭﻻﺩ ﮐﯽ ﻣﺸﺘﺮﮐﮧ ﻣﻠﮑﯿﺖ ﮨﻮ ﮔﺎ۔ ﮐﻮﺋﯽ ﯾﮧ ﺍﻣﺎﻣﮧ ﮐﻮ ﻧﮩﯿﮟ ﺩﮮ ﮔﺎ۔ ” ﺳﮑﻨﺪﺭ ﻧﮯ ﮐﮩﺎ۔
” ﻟﯿﮑﻦ ﺁﭖ will ﻣﯿﮟ ﻟﮑﮫ ﺳﮑﺘﮯ ﮨﯿﮟ۔ ” ﺳﮑﻨﺪﺭ ﺍُﺱ ﮐﯽ ﺑﺎﺕ ﭘﺮ ﮨﻨﺲ ﭘﮍﮮ ﺗﮭﮯ۔
” ﻣﯿﺮﯼ ﺍﻭﻻﺩ ﺑﮩﺖ ﺍﭼﮭﯽ ﮨﮯ۔ ﻟﯿﮑﻦ ﻣﯿﮟ ﺯﻧﺪﮔﯽ ﻣﯿﮟ ﺍُﻥ ﺳﮯ ﺑﮩﺖ ﺳﺎﺭﯼ ﺑﺎﺗﯿﮟ ﻧﮩﯿﮟ ﻣﻨﻮﺍ ﺳﮑﺘﺎ ﺗﻮ ﻣﺮﻧﮯ ﮐﮯ ﺑﻌﺪ ﮐﯿﺴﮯ ﻣﻨﻮﺍ ﺳﮑﻮﮞ ﮔﺎ ﺟﺐ ﺗﻤﮩﺎﺭﯼ ﺍﻭﻻﺩ ﮨﻮ ﮔﯽ ﺗﻮ ﺗﻤﮩﯿﮟ ﺳﻤﺠﮫ ﺁ ﺟﺎﺋﮯ ﮔﯽ ﻣﯿﺮﯼ ﺑﺎﺗﻮﮞ ﮐﯽ۔ ” ﺍﻧﮩﻮﮞ ﻧﮯ ﺟﯿﺴﮯ ﺑﮍﮮ ﭘﯿﺎﺭ ﮐﮯ ﺳﺎﺗﮫ ﺍُﺳﮯ ﮐﮩﺎ ﺗﮭﺎ۔
ﺳﮑﻨﺪﺭ ﻋﺜﻤﺎﻥ ﮐﯽ ﻣﻮﺕ ﮐﮯ ﺍﯾﮏ ﮨﻔﺘﮯ ﮐﮯ ﺑﻌﺪ ﺍُﺱ ﮔﮭﺮ ﻣﯿﮟ ﺍُﻥ ﮐﯽ ﺍﻭﻻﺩ ﺗﺮﮐﮯ ﮐﯽ ﺗﻘﺴﯿﻢ ﮐﮯ ﻟﺌﮯ ﺍﮐﭩﮭﯽ ﮨﻮﺋﯽ ﺗﮭﯽ ﺍﻭﺭ ﺣﻤﯿﻦ ﺳﮑﻨﺪﺭ ﮐﻮ ﻭﮦ ﺑﺎﺕ ﺳﻤﺠﮫ ﺁ ﮔﺌﯽ ﺗﮭﯽ۔ﺳﮑﻨﺪﺭ ﻋﺜﻤﺎﻥ ﺍﭘﻨﯽ ﺯﻧﺪﮔﯽ ﻣﯿﮟ ﮨﯽ ﺳﺐ ﮐﭽﮫ ﺗﻘﺴﯿﻢ ﮐﺮ ﭼﮑﮯ ﺗﮭﮯ، ﺍﻧﮩﻮﮞ ﻧﮯ ﺍﭘﻨﮯ ﭘﺎﺱ ﺻﺮﻑ ﭼﻨﺪ ﭼﯿﺰﯾﮟ ﺭﮐﮭﯽ ﺗﮭﯿﮟ ﺟﻦ ﻣﯿﮟ ﻭﮦ ﮔﮭﺮ ﺑﮭﯽ ﺗﮭﺎ۔ ﻟﯿﮑﻦ ﺍُﻥ ﭼﻨﺪ ﭼﯿﺰﻭﮞ ﮐﯽ ﻣﻠﮑﯿﺖ ﭘﺮ ﺑﮭﯽ ﺳﺐ ﻣﯿﮟ ﮐﭽﮫ ﺍﺧﺘﻼﻓﺎﺕ ﺁﺋﮯ ﺗﮭﮯ ﺍﻭﺭ ﯾﮧ ﺍﺧﺘﻼﻓﺎﺕ ﺑﮍﮪ ﺟﺎﺗﮯ ﺍﮔﺮ ﺳﺎﻻﺭ ﺳﮑﻨﺪﺭ ﺍﻭﺭ ﺍُﺱ ﮐﺎ ﺧﺎﻧﺪﺍﻥ ﺳﮑﻨﺪﺭ ﻋﺜﻤﺎﻥ ﮐﮯ ﺭﮦ ﺟﺎﻧﮯ ﻭﺍﻟﮯ ﺍﺛﺎﺛﻮﮞ ﭘﺮ ﺍﭘﻨﮯ ﺣﺼّﮯ ﮐﮯ ﺣﻮﺍﻟﮯ ﺳﮯ claim ﮐﺮﺗﺎ۔ ﻭﮦ ﺍُﻥ ﮐﮯ ﺧﺎﻧﺪﺍﻥ ﮐﺎ ﻣﺸﺘﺮﮐﮧ ﻓﯿﺼﻠﮧ ﺗﮭﺎ۔ ﺳﮑﻨﺪﺭ ﻋﺜﻤﺎﻥ ﮐﮯ ﺑﭽﻨﮯ ﻭﺍﻟﮯ ﺍﺛﺎﺛﻮﮞ ﻣﯿﮟ ﺳﮯ ﺳﺎﻻﺭ ﺳﮑﻨﺪﺭ ﺍﻭﺭ ﺍُﺱ ﮐﮯ ﺧﺎﻧﺪﺍﻥ ﻧﮯ ﮐﭽﮫ ﻧﮩﯿﮟ ﻟﯿﺎ ﺗﮭﺎ۔ ﺍﻟﺒﺘﮧ ﺳﮑﻨﺪﺭ ﻋﺜﻤﺎﻥ ﮐﺎ ﻭﮦ ﮔﮭﺮ ﺣﻤﯿﻦ ﺳﮑﻨﺪﺭ ﻧﮯ ﺧﺮﯾﺪﻧﮯ ﮐﯽ ﺁﻓﺮ ﮐﯽ ﺗﮭﯽ۔ ﮐﯿﻮﻧﮑﮧ ﻃﯿّﺒﮧ ﭘﮩﻠﮯ ﺑﮭﯽ ﺯﯾﺎﺩﮦ ﺗﺮ ﺍﭘﻨﮯ ﺑﯿﭩﻮﮞ ﮐﮯ ﭘﺎﺱ ﺑﯿﺮﻭﻥِ ﻣﻠﮏ ﺭﮨﺘﯽ ﺗﮭﯿﮟ ﺍﻭﺭ ﻭﮦ ﺍﺏ ﻣﺴﺘﻘﻞ ﻃﻮﺭ ﭘﺮ ﺍُﻥ ﮐﮯ ﭘﺎﺱ ﺭﮨﻨﺎ ﭼﺎﮨﺘﯽ ﺗﮭﯿﮟ ﺍﻭﺭ ﺍُﻥ ﮐﮯ ﻭﮨﺎﮞ ﺳﮯ ﺷﻔﭧ ﮨﻮ ﺟﺎﻧﮯ ﮐﮯ ﻓﯿﺼﻠﮯ ﮐﮯ ﺑﻌﺪ ﺍُﺱ ﮔﮭﺮ ﮐﻮ dispose off ﮐﺮﻧﮯ ﮐﺎ ﻓﯿﺼﻠﮧ ﮐﯿﺎ ﮔﯿﺎ ﺗﮭﺎ ﺍﻭﺭ ﺍُﺱ ﻓﯿﺼﻠﮯ ﮐﮯ ﺩﻭﺭﺍﻥ ﮐﺴﯽ ﻧﮯ ﺍﻣﺎﻣﮧ ﮐﮯ ﺑﺎﺭﮮ ﻣﯿﮟ ﻧﮩﯿﮟ ﺳﻮﭼﺎ ﺗﮭﺎ، ﺳﺎﻻﺭ ﺳﮑﻨﺪﺭ ﺍﻭﺭ ﺍُﺱ ﮐﮯ ﺍﭘﻨﮯ ﺑﭽﻮﮞ ﮐﮯ ﻋﻼﻭﮦ۔ ﺟﻨﮩﯿﮟ ﯾﮧ ﺍﺣﺴﺎﺱ ﮨﻮ ﺭﮨﺎ ﺗﮭﺎ ﮐﮧ ﺳﮑﻨﺪﺭ ﻋﺜﻤﺎﻥ ﮐﮯ ﭼﻠﮯ ﺟﺎﻧﮯ ﮐﮯ ﺑﻌﺪ ﺍُﺱ ﮔﮭﺮ ﮐﮯ ﻧﮧ ﺭﮨﻨﮯ ﺳﮯ ﺍﯾﮏ ﺷﺨﺺ ﺍﯾﮏ ﺑﺎﺭ ﭘﮭﺮ ﺩﺭﺑﺪﺭ ﮨﻮﻧﮯ ﻭﺍﻻ ﺗﮭﺎ۔ ﺣﻤﯿﻦ ﻧﮯ ﺍُﺱ ﮔﮭﺮ ﮐﻮ ﺻﺮﻑ ﺍﻣﺎﻣﮧ ﮐﮯ ﻟﺌﮯ ﺧﺮﯾﺪﺍ ﺗﮭﺎ ﺍﻭﺭ ﺍُﻥ ﯾﺎﺩﻭﮞ ﮐﮯ ﻟﺌﮯ ﺟﻮ ﺍُﻥ ﺳﺐ ﮐﯽ ﺍُﺱ ﮔﮭﺮ ﺳﮯ ﻭﺍﺑﺴﺘﮧ ﺗﮭﯿﮟ۔ ﺍﻭﺭ ﺍُﺱ ﻧﮯ ﺟﺲ ﻗﯿﻤﺖ ﭘﺮ ﺍُﺳﮯ ﺧﺮﯾﺪﺍ ﺗﮭﺎ، ﻭﮦ ﻣﺎﺭﮐﯿﭧ ﺳﮯ ﺩﻭﮔﻨﯽ ﺗﮭﯽ۔

---

ﻣﻤّﯽ ﻣﺠﮭﮯ ﺁﭖ ﮐﻮ ﺍﯾﮏ ﺍﻣﺎﻧﺖ ﭘﮩﻨﭽﺎﻧﯽ ﮨﮯ۔ ” ﺣﻤﯿﻦ ﺭﺍﺕ ﮐﻮ ﺳﺎﻻﺭ ﺍﻭﺭ ﺍﻣﺎﻣﮧ ﮐﮯ ﮐﻤﺮﮮ ﻣﯿﮟ ﺁﯾﺎ ﺗﮭﺎ۔ ﻭﮦ ﺻﺒﺢ ﻭﺍﭘﺲ ﺟﺎ ﺭﮨﺎ ﺗﮭﺎ۔ ﺑﺎﺭﯼ ﺑﺎﺭﯼ ﮐﺮ ﮐﮯ ﺳﺐ ﮨﯽ ﻭﺍﭘﺲ ﺟﺎﺭﮨﮯ ﺗﮭﮯ۔ ﺳﺎﻻﺭ ﺍﻭﺭ ﻭﮦ ﺩﻭﻧﻮﮞ ﮐﭽﮫ ﺩﯾﺮ ﭘﮩﻠﮯ ﮨﯽ ﮐﻤﺮﮮ ﻣﯿﮟ ﺁﺋﮯ ﺗﮭﮯ، ﺟﺐ ﻭﮦ ﺩﺳﺘﮏ ﺩﮮ ﮐﺮ ﺍُﻥ ﮐﮯ ﮐﻤﺮﮮ ﻣﯿﮟ ﺁﯾﺎ ﺗﮭﺎ۔
” ﺍﻣﺎﻧﺖ؟ ” ﻭﮦ ﮐﭽﮫ ﺣﯿﺮﺍﻥ ﮨﻮﺋﯽ ﺗﮭﯽ۔ ﺣﻤﯿﻦ ﻧﮯ ﺍﯾﮏ ﺗﮭﯿﻠﯽ ﺍُﺱ ﮐﮯ ﮨﺎﺗﮫ ﭘﺮ ﺭﮐﮭﯽ ﺍﻭﺭ ﺍُﺱ ﮐﮯ ﻗﺮﯾﺐ ﺻﻮﻓﮧ ﭘﺮ ﺑﯿﭩﮫ ﮔﯿﺎ۔
” ﯾﮧ ﮐﯿﺎ ﮨﮯ؟ ” ﺍُﺱ ﻧﮯ ﮐﭽﮫ ﺣﯿﺮﺍﻥ ﮨﻮﺗﮯ ﮨﻮﺋﮯ ﭘﮩﻠﮯ ﺣﻤﯿﻦ، ﭘﮭﺮ ﺳﺎﻻﺭ ﮐﻮ ﺩﯾﮑﮭﺎ۔ ﺟﻮ ﻓﻮﻥ ﭘﺮ ﮐﺴﯽ ﺳﮯ ﺑﺎﺕ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﺎ۔
” ﺁﭖ ﺧﻮﺩ ﺩﯾﮑﮫ ﻟﯿﮟ۔ ” ﺣﻤﯿﻦ ﻧﮯ ﺍُﺳﮯ ﮐﮩﺎ۔ ﺍﻣﺎﻣﮧ ﻧﮯ ﺗﮭﯿﻠﯽ ﻣﯿﮟ ﮨﺎﺗﮫ ﮈﺍﻝ ﮐﺮ ﺍﻧﺪﺭ ﻣﻮﺟﻮﺩ ﭼﯿﺰ ﻧﮑﺎﻟﯽ ﺗﮭﯽ ﺍﻭﺭ ﺳﺎﮐﺖ ﺭﮦ ﮔﺌﯽ ﺗﮭﯽ۔ ﻓﻮﻥ ﭘﺮ ﺑﺎﺕ ﮐﺮﺗﺎ ﺳﺎﻻﺭ ﺑﮭﯽ ﺍُﺳﯽ ﻃﺮﺡ ﭨﮭﭩﮭﮑﺎ ﺗﮭﺎ۔ ﯾﮧ ﮐﯿﺴﮯ ﻣﻤﮑﻦ ﺗﮭﺎ۔ ﻭﮦ ﺩﻭﻧﻮﮞ ﺍُﺱ ﺍﻧﮕﻮﭨﮭﯽ ﮐﻮ ﺳﯿﮑﻨﮉﺯ ﻣﯿﮟ ﻧﮧ ﭘﮩﭽﺎﻥ ﺟﺎﺗﮯ ﺟﻮ ﺍُﻥ ﮐﯽ ﺯﻧﺪﮔﯽ ﮐﯽ ﺑﮩﺘﺮﯾﻦ ﺍﻭﺭ ﻗﯿﻤﺘﯽ ﺗﺮﯾﻦ ﯾﺎﺩﻭﮞ ﻣﯿﮟ ﺳﮯ ﺍﯾﮏ ﺗﮭﯽ۔
” ﯾﮧ ﺗﻤﮩﯿﮟ ﮐﮩﺎﮞ ﺳﮯ ﻣﻠﯽ؟ ” ﺍﻣﺎﻣﮧ ﻧﮯ ﻟﺮﺯﺗﯽ ﮨﻮﺋﯽ ﺁﻭﺍﺯ ﻣﯿﮟ ﭘﻮﭼﮭﺎ ﺗﮭﺎ۔ ﺳﺎﻻﺭ ﻧﮯ ﻓﻮﻥ ﻣﻨﻘﻄﻊ ﮐﺮ ﺩﯾﺎ ﺗﮭﺎ۔
” ﺩﺍﺩﺍ ﻧﮯ ﺑﭽﭙﻦ ﻣﯿﮟ ﻣﯿﺮﮮ ﺳﺎﻣﻨﮯ ﻭﺍﺭﮈ ﺭﻭﺏ ﻣﯿﮟ ﺍﯾﮏ ﺩﺭﺍﺯ ﻣﯿﮟ ﺭﮐﮭﺘﮯ ﮨﻮﺋﮯ ﻣﺠﮭﮯ ﮐﮩﺎ ﺗﮭﺎ ﮐﮧ ﺍﮔﺮ ﻭﮦ ﺍﺳﮯ ﺑﮭﻮﻝ ﺟﺎﺋﯿﮟ ﺗﻮ ﺍُﻥ ﮐﮯ ﻣﺮﻧﮯ ﮐﮯ ﺑﻌﺪ ﻣﯿﮟ ﺍﺳﮯ ﻭﮨﺎﮞ ﺳﮯ ﻧﮑﺎﻝ ﮐﺮ ﺁﭖ ﮐﻮ ﺩﮮ ﺩﻭﮞ۔ ” ﺣﻤﯿﻦ ﮐﮩﮧ ﺭﮨﺎ ﺗﮭﺎ۔
” ﻭﮦ ﺁﭖ ﮐﻮ ﯾﮧ ﻭﺍﭘﺲ ﺩﮮ ﺩﯾﻨﺎ ﭼﺎﮨﺘﮯ ﺗﮭﮯ ﻟﯿﮑﻦ ﺍُﻧﮩﯿﮟ ﺧﺪﺷﮧ ﺗﮭﺎ ﮐﮧ ﺁﭖ ﺍﺳﮯ ﻧﮩﯿﮟ ﻟﯿﮟ ﮔﯽ ﺍﻭﺭ ﺍﯾﺴﺎ ﻧﮧ ﮨﻮ ﺁﭖ ﺍﻭﺭ ﺑﺎﺑﺎ ﺍُﻥ ﮐﺎ ﻗﺮﺽ ﺍﺩﺍ ﮐﺮﻧﮯ ﮐﮯ ﻟﺌﮯ ﺍﺳﮯ ﺑﯿﭻ ﺩﯾﮟ۔ ”
ﺁﻧﺴﻮ ﺳﯿﻼﺏ ﮐﯽ ﻃﺮﺡ ﺍﻣﺎﻣﮧ ﮐﯽ ﺁﻧﮑﮭﻮﮞ ﺳﮯ ﻧﮑﻞ ﮐﺮ ﺍُﺱ ﮐﮯ ﭼﮩﺮﮮ ﮐﻮ ﺑﮭﮕﻮﺗﮯ ﮔﺌﮯ ﺗﮭﮯ۔ ﺳﮑﻨﺪﺭ ﻋﺜﻤﺎﻥ ﮨﻤﯿﺸﮧ ﺍُﺱ ﮐﺎ ﺑﮩﺖ ﺷﮑﺮﯾﮧ ﺍﺩﺍ ﮐﺮﺗﮯ ﺭﮨﺘﮯ ﺗﮭﮯ۔ ﻟﯿﮑﻦ ﺍُﺱ ﺗﺸﮑﺮ ﮐﻮ ﺍﻧﮩﻮﮞ ﻧﮯ ﺟﺲ ﻃﺮﺡ ﺍﭘﻨﮯ ﺟﺎﻧﮯ ﮐﮯ ﺑﻌﺪ ﺍُﺳﮯ ﭘﮩﻨﭽﺎﯾﺎ ﺗﮭﺎ، ﺍُﺱ ﻧﮯ ﺍﻣﺎﻣﮧ ﮐﻮ ﺑﻮﻟﻨﮯ ﮐﮯ ﻗﺎﺑﻞ ﻧﮩﯿﮟ ﭼﮭﻮﮌﺍ ﺗﮭﺎ۔ ﻭﮦ ﺍﯾﮏ ﺷﻔﯿﻖ ﺑﺎﭖ ﺗﮭﮯ ﻟﯿﮑﻦ ﺍُﺱ ﺳﮯ ﺑﮍﮪ ﮐﺮ ﺍﯾﮏ ﺷﻔﯿﻖ ﺳﺴﺮ ﺗﮭﮯ۔
” ﺗﻢ ﻧﮯ ﮐﺒﮭﯽ ﺑﮭﯽ ﭘﮩﻠﮯ ﺍﺱ ring ﮐﮯ ﺑﺎﺭﮮ ﻣﯿﮟ ﺫﮐﺮ ﻧﮩﯿﮟ ﮐﯿﺎ۔ ” ﺳﺎﻻﺭ ﻧﮯ ﺍﭘﻨﮯ ﺳﺎﻣﻨﮯ ﺑﯿﭩﮭﮯ ﺍﭘﻨﮯ ﺍُﺱ ﺑﯿﭩﮯ ﮐﻮ ﺩﯾﮑﮭﺎ ﺟﻮ ﺁﺝ ﺑﮭﯽ ﻭﯾﺴﺎ ﮨﯽ ﻋﺠﯿﺐ ﺍﻭﺭ ﮔﮩﺮﺍ ﺗﮭﺎ ﺟﯿﺴﺎ ﺑﭽﭙﻦ ﻣﯿﮟ ﺗﮭﺎ۔
” ﻣﯿﮟ ﻧﮯ ﺍُﻥ ﺳﮯ ﻭﻋﺪﮦ ﮐﯿﺎ ﺗﮭﺎ ﮐﮧ ﻣﯿﮟ ﮐﺒﮭﯽ ﮐﺴﯽ ﮐﻮ ﺍﺱ ﺍﻧﮕﻮﭨﮭﯽ ﮐﮯ ﺑﺎﺭ ﮮ ﻣﯿﮟ ﻧﮩﯿﮟ ﺑﺘﺎﺅﮞ ﮔﺎ۔ ﯾﮧ ﺍﯾﮏ ﺍﻣﺎﻧﺖ ﺗﮭﯽ، ﻣﯿﮟ ﺧﯿﺎﻧﺖ ﻧﮩﯿﮟ ﮐﺮ ﺳﮑﺘﺎ ﺗﮭﺎ۔ ” ﺍُﺱ ﻧﮯ ﻋﺠﯿﺐ ﺳﯽ ﻣﺴﮑﺮﺍﮨﭧ ﮐﮯ ﺳﺎﺗﮫ ﺑﺎﭖ ﺳﮯ ﮐﮩﺎ ﺍﻭﺭ ﭘﮭﺮ ﺍُﭨﮫ ﮐﺮ ﮐﮭﮍﺍ ﮨﻮ ﮔﯿﺎ۔ ﮨﻤﻮﺍﺭ ﻗﺪﻣﻮﮞ ﺳﮯ ﭼﻠﺘﺎ ﮨﻮﺍ ﻭﮦ ﺩﺭﻭﺍﺯﮦ ﮐﮭﻮﻝ ﮐﺮ ﺑﺎﮨﺮ ﻧﮑﻞ ﮔﯿﺎ ۔ ﻭﮦ ﺩﻭﻧﻮﮞ ﺗﺐ ﺗﮏ ﺍُﺳﮯ ﺩﯾﮑﮭﺘﮯ ﺭﮨﮯ، ﺟﺐ ﺗﮏ ﻭﮦ ﻏﺎﺋﺐ ﻧﮩﯿﮟ ﮨﻮ ﮔﯿﺎ۔
” ﻣﯿﮟ ﯾﮧ ﺍﻧﮕﻮﭨﮭﯽ ﺣﻤﯿﻦ ﮐﯽ ﺑﯿﻮﯼ ﮐﻮ ﺩﻭﮞ ﮔﯽ۔ ﺍﺱ ﭘﺮ ﺍﮔﺮ ﮐﺴﯽ ﮐﺎ ﺣﻖ ﮨﮯ ﺗﻮ ﻭﮦ ﺣﻤﯿﻦ ﮐﺎ ﮨﮯ۔ ” ﺍُﺱ ﮐﮯ ﺟﺎﻧﮯ ﮐﮯ ﺑﻌﺪ ﺍﻣﺎﻣﮧ ﻧﮯ ﻣﺪﮨﻢ ﺁﻭﺍﺯ ﻣﯿﮟ ﺳﺎﻻﺭ ﺳﮯ ﮐﮩﺎ ﺗﮭﺎ۔ ﻭﮦ ﺍﻧﮕﻮﭨﮭﯽ ﺍﺑﮭﯽ ﺑﮭﯽ ﺍُﺱ ﮐﯽ ﮨﺘﮭﯿﻠﯽ ﭘﺮ ﺗﮭﯽ ﺟﺴﮯ ﻭﮦ ﺑﮩﺘﮯ ﺁﻧﺴﻮﺅﮞ ﮐﮯ ﺳﺎﺗﮫ ﺩﯾﮑﮫ ﺭﮨﯽ ﺗﮭﯽ ﮐﺌﯽ ﺳﺎﻟﻮﮞ ﮐﮯ ﺑﻌﺪ ﺍﻭﺭ ﮐﺌﯽ ﺳﺎﻟﻮﮞ ﭘﮩﻠﮯ ﮐﯽ ﺳﺎﺭﯼ ﯾﺎﺩﯾﮟ ﺍﯾﮏ ﺑﺎﺭ ﭘﮭﺮ ﺯﻧﺪﮦ ﮨﻮ ﮔﺌﯽ ﺗﮭﯿﮟ۔
ﺳﺎﻻﺭ ﻧﮯ ﺍُﺱ ﮐﯽ ﺑﺎﺕ ﮐﮯ ﺟﻮﺍﺏ ﻣﯿﮟ ﮐﭽﮫ ﻧﮩﯿﮟ ﮐﮩﺎ، ﺍُﺱ ﻧﮯ ﺍﻣﺎﻣﮧ ﮐﮯ ﮨﺎﺗﮫ ﺳﮯ ﻭﮦ ﺍﻧﮕﻮﭨﮭﯽ ﻟﯽ ﺍﻭﺭ ﺑﮍﯼ ﻧﺮﻣﯽ ﺳﮯ ﺍُﺱ ﮐﯽ ﺍﻧﮕﻠﯽ ﻣﯿﮟ ﭘﮩﻨﺎ ﺩﯼ۔ ﺍُﺱ ﮐﯽ ﻣﺨﺮﻭﻃﯽ ﺍﻧﮕﻠﯿﻮﮞ ﻣﯿﮟ ﺁﺝ ﺑﮭﯽ ﺑﮯ ﺣﺪ ﺁﺳﺎﻧﯽ ﺳﮯ ﭘﻮﺭﯼ ﺁ ﮔﺌﯽ ﺗﮭﯽ۔
” ﺗﻤﮩﺎﺭﺍ ﺑﮩﺖ ﺷﮑﺮﯾﮧ ﺍﺩﺍ ﮐﺮﻧﺎ ﭼﺎﮨﺘﺎ ﺗﮭﺎ ﻣﯿﮟ ﺍﻣﺎﻣﮧ۔ ” ﺍُﺱ ﻧﮯ ﺍﻣﺎﻣﮧ ﮐﮯ ﺩﻭﻧﻮﮞ ﮨﺎﺗﮫ ﺍﭘﻨﮯ ﮨﺎﺗﮭﻮﮞ ﻣﯿﮟ ﻟﯿﺘﮯ ﮨﻮﺋﮯ ﮐﮩﻨﺎ ﺷﺮﻭﻉ ﮐﯿﺎ۔ ” ﺗﻢ ﻧﮯ ﭘﺎﭘﺎ ﮐﯽ ﺟﺘﻨﯽ ﺧﺪﻣﺖ ﮐﯽ ﮨﮯ، ﻭﮦ ﻣﯿﮟ ﻧﮩﯿﮟ ﮐﺮ ﺳﮑﺘﺎ ﺗﮭﺎ، ﻧﮧ ﮨﯽ ﻣﯿﮟ ﻧﮯ ﮐﯽ ﮨﮯ۔ ” ” ﺳﺎﻻﺭ ”! ﺍﻣﺎﻣﮧ ﻧﮯ ﺍُﺳﮯ ﭨﻮﮐﺎ ﺗﮭﺎ۔ ” ﺗﻢ ﻣﺠﮭﮯ ﺷﺮﻣﻨﺪﮦ ﮐﺮ ﺭﮨﮯ ﮨﻮ۔ ”
” ﻣﺠﮭﮯ ﺍﮔﺮ ﺯﻧﺪﮔﯽ ﻣﯿﮟ ﺩﻭﺑﺎﺭﮦ ﺷﺮﯾﮏِ ﺣﯿﺎﺕ ﮐﺎ ﺍﻧﺘﺨﺎﺏ ﮐﺮﻧﮯ ﮐﺎ ﻣﻮﻗﻊ ﻣﻠﮯ ﺗﻮ ﻣﯿﮟ ﺁﻧﮑﮭﯿﮟ ﺑﻨﺪ ﮐﺮ ﮐﮯ ﺗﻤﮩﯿﮟ ﭼﻨﻮﮞ ﮔﺎ۔ ” ﻭﮦ ﻧﻢ ﺁﻧﮑﮭﻮﮞ ﮐﮯ ﺳﺎﺗﮫ ﮐﮭﻠﮑﮭﻼ ﮐﺮ ﮨﻨﺲ ﭘﮍﯼ۔ ﺍﭘﻨﺎ ﮨﺎﺗﮫ ﭼﮭﮍﺍﺗﮯ ﮨﻮﺋﮯ ﺍُﺱ ﻧﮯ ﮨﺎﺗﮫ ﮐﯽ ﭘﺸﺖ ﭘﺮ ﺳﺠﯽ ﺍُﺱ ﺍﻧﮕﻮﭨﮭﯽ ﮐﻮ ﺩﻭﺑﺎﺭﮦ ﺩﯾﮑﮭﺎ۔ ﺳﻮﻟﮧ ﺳﺎﻝ ﮐﯽ ﺟﺪﺍﺋﯽ ﺗﮭﯽ ﺟﻮ ﺍُﺱ ﻧﮯ ﺍﺱ ﮔﮭﺮ ﻣﯿﮟ ﺳﺎﻻﺭ ﺳﮯ ﺍﻟﮓ ﺭﮦ ﮐﺮ ﺟﮭﯿﻠﯽ ﺗﮭﯽ۔ ﻭﮦ ﺗﺐ ﭼﻨﺪ ﺳﺎﻝ ﯾﮩﺎﮞ ﮔﺰﺍﺭﻧﮯ ﺁﺋﯽ ﺗﮭﯽ ﺍﻭﺭ ﺗﺐ ﻭﮦ ﺟﯿﺴﮯ ﺗﻠﻮﺍﺭ ﮐﯽ ﺍﯾﮏ ﺩﮬﺎﺭ ﭘﺮ ﻧﻨﮕﮯ ﭘﺎﺅﮞ ﭼﻞ ﺭﮨﯽ ﺗﮭﯽ۔ ﻭﮦ ﺳﮑﻨﺪﺭ ﻋﺜﻤﺎﻥ ﮐﺎ ﺧﯿﺎﻝ ﺭﮐﮭﺘﮯ ﮨﻮﺋﮯ ﺩﻥ ﺭﺍﺕ ﺳﺎﻻﺭ ﮐﮯ ﻟﺌﮯ ﺧﻮﻓﺰﺩﮦ ﺭﮨﺘﯽ ﺗﮭﯽ ﺍﻭﺭ ﺍُﺱ ﻧﮯ ﺳﺎﻻﺭ ﮐﻮ ﯾﮧ ﻧﮩﯿﮟ ﺑﺘﺎﯾﺎ ﺗﮭﺎ ﻣﮕﺮ ﺍُﺱ ﻧﮯ ﯾﮧ ﺩﻋﺎ ﮐﯽ ﺗﮭﯽ ﺗﺐ ﮐﮧ ﺍﮔﺮ ﺳﮑﻨﺪﺭ ﻋﺜﻤﺎﻥ ﮐﯽ ﺧﺪﻣﺖ ﮐﮯ ﻋﻮﺽ ﺍُﺳﮯ ﺍﻟﻠﮧ ﻧﮯ ﮐﻮﺋﯽ ﺻﻠﮧ ﺩﯾﻨﺎ ﺗﮭﺎ ﺗﻮ ﻭﮦ ﺳﺎﻻﺭ ﺳﮑﻨﺪﺭ ﮐﯽ ﺯﻧﺪﮔﯽ ﺍﻭﺭ ﺻﺤﺖ ﯾﺎﺑﯽ ﮐﯽ ﺷﮑﻞ ﻣﯿﮟ ﺩﮮ ﺍﻭﺭ ﺁﺝ ﺳﻮﻟﮧ ﺳﺎﻝ ﺑﻌﺪ ﺍُﺳﮯ ﻟﮕﺘﺎ ﺗﮭﺎ ﺷﺎﯾﺪ ﺍﯾﺴﺎ ﮨﯽ ﮨﻮﺍ ﺗﮭﺎ۔ ﺍُﺱ ﮐﯽ ﺯﻧﺪﮔﯽ ﮐﺎ ﻭﮦ ﺳﺎﺗﮭﯽ ﺁﺝ ﺑﮭﯽ ﺍُﺱ ﮐﮯ ﺑﺮﺍﺑﺮ ﺑﯿﭩﮭﺎ ﮨﻮﺍ ﺗﮭﺎ۔ ﻭﮦ ﺍﻧﮕﻮﭨﮭﯽ ﺍﯾﮏ ﺑﺎﺭ ﭘﮭﺮ ﺳﮯ ﺍُﺱ ﮐﮯ ﮨﺎﺗﮫ ﭘﺮ ﺳﺞ ﮔﺌﯽ ﺗﮭﯽ ﺍﻭﺭ ﻭﮦ ﺳﻮﻟﮧ ﺳﺎﻝ ﺑﻌﺪ ﺑﺎﻵﺧﺮ ﺍﯾﮏ ﺑﺎﺭ ﭘﮭﺮ ﺳﮯ ﺳﺎﻻﺭ ﺍﻭﺭ ﺍﭘﻨﮯ ﺑﭽﻮﮞ ﮐﮯ ﺳﺎﺗﮫ ﻣﺴﺘﻘﻞ ﻃﻮﺭ ﭘﺮ ﺍﻣﺮﯾﮑﮧ ﺟﺎ ﮐﺮ ﺭﮦ ﺳﮑﺘﯽ ﺗﮭﯽ۔ ﺑﮯ ﺷﮏ ﻭﮦ ﺍﭘﻨﮯ ﺭﺏ ﮐﯽ ﮐﺴﯽ ﺑﮭﯽ ﻧﻌﻤﺖ ﮐﺎ ﺷﮑﺮ ﺍﺩﺍ ﻧﮩﯿﮟ ﮐﺮ ﺳﮑﺘﯽ ﺗﮭﯽ۔
” ﻣﯿﮟ ﻧﮯ ﺁﺝ ﺑﮩﺖ ﻋﺮﺻﮯ ﺑﻌﺪ ﺍﯾﮏ ﺧﻮﺍﺏ ﺩﯾﮑﮭﺎ، ﻭﮨﯽ ﺧﻮﺍﺏ۔ ” ﻭﮦ ﭼﻮﻧﮑﯽ، ﺳﺎﻻﺭ ﺍُﺳﮯ ﮐﭽﮫ ﺑﺘﺎ ﺭﮨﺎ ﺗﮭﺎ۔

---

---

” ﮨﺸّﺎﻡ ﻣﺠﮫ ﺳﮯ ﻣﻠﻨﺎ ﭼﺎﮨﺘﺎ ﮨﮯ۔ ” ﺍﭘﻨﮯ ﺳﺎﻣﺎﻥ ﮐﯽ ﭘﯿﮑﻨﮓ ﮐﺮﺗﮯ ﮨﻮﺋﮯ ﺣﻤﯿﻦ ﻧﮯ ﺭﺋﯿﺴﮧ ﺳﮯ ﮐﮩﺎ۔ ﻭﮦ ﺑﮭﯽ ﺍﺑﮭﯽ ﺳﮑﻨﺪﺭ ﻋﺜﻤﺎﻥ ﮐﮯ ﮔﮭﺮ ﭘﺮ ﮨﯽ ﺗﮭﯽ ﺍﻭﺭ ﭼﻨﺪ ﺩﻥ ﺍُﺳﮯ ﺑﮭﯽ ﻭﮨﺎﮞ ﭨﮭﮩﺮﻧﺎ ﺗﮭﺎ۔ ﻭﮦ ﺣﻤﯿﻦ ﮐﻮ ﺍُﺱ ﮐﺎ ﮐﭽﮫ ﺳﺎﻣﺎﻥ ﺩﯾﻨﮯ ﺁﺋﯽ ﺗﮭﯽ ﺟﺐ ﺍُﺱ ﻧﮯ ﺍﭼﺎﻧﮏ ﺍُﺱ ﺳﮯ ﮐﮩﺎ ﺗﮭﺎ۔
” ﻭﮦ ﺷﺎﯾﺪ ﺩﺍﺩﺍ ﮐﯽ ﺗﻌﺰﯾﺖ ﮐﮯ ﻟﺌﮯ ﻣﻠﻨﺎ ﭼﺎﮨﺘﺎ ﮨﻮ ﮔﺎ۔ ” ﻭﮦ ﺍﯾﮏ ﻟﻤﺤﮧ ﮐﮯ ﻟﺌﮯ ﺍﭨﮑﯽ ﭘﮭﺮ ﺍُﺱ ﻧﮯ ﺭﻭﺍﻧﯽ ﺳﮯ ﺍُﺱ ﺳﮯ ﮐﮩﺎ ۔
۔ ” I don’t think so ” ﺣﻤﯿﻦ ﻧﮯ ﺍﺳﯽ ﻃﺮﺡ ﮐﺎﻡ ﻣﯿﮟ ﻣﺼﺮﻭﻑ ﮨﻮﺗﮯ ﮨﻮﺋﮯ ﮐﮩﺎ۔ ” ﺗﻌﺰﯾﺖ ﮐﮯ ﻟﺌﮯ ﻭﮦ ﺗﻢ ﺳﮯ ﻣﻠﺘﺎ ﯾﺎ ﺑﺎﺑﺎ ﺳﮯ ﻣﻠﺘﺎ، ﻣﺠﮫ ﺳﮯ ﻣﻠﻨﮯ ﮐﯽ ﺿﺮﻭﺭﺕ ﻧﮩﯿﮟ ﺗﮭﯽ۔ ﺗﻢ ﺩﻭﻧﻮﮞ ﮐﮯ ﺩﺭﻣﯿﺎﻥ ﮐﭽﮫ ﺑﺎﺕ ﭼﯿﺖ ﮨﻮﺗﯽ ﮨﮯ ﮐﯿﺎ؟ ” ﺍُﺱ ﻧﮯ ﺍﭘﻨﮯ ﮨﻤﯿﺸﮧ ﮐﮯ calculated ﺍﻭﺭ direct ﺍﻧﺪﺍﺯ ﻣﯿﮟ ﺭﺋﯿﺴﮧ ﺳﮯ ﺑﯿﮓ ﮐﯽ ﺯﭖ ﺑﻨﺪ ﮐﺮﺗﮯ ﮨﻮﺋﮯ ﭘﻮﭼﮭﺎ۔ ﺭﺋﯿﺴﮧ ﭼﻨﺪ ﻟﻤﺤﮯ ﺳﻮﭼﺘﯽ ﺭﮨﯽ ﭘﮭﺮ ﺍُﺱ ﻧﮯ ﺣﻤﯿﻦ ﺳﮯ ﺍﭘﻨﯽ ﺍﻭﺭ ﮨﺸّﺎﻡ ﮐﯽ ﮐﭽﮫ ﮨﻔﺘﮯ ﭘﮩﻠﮯ ﮨﻮﻧﮯ ﻭﺍﻟﯽ ﻣﻼﻗﺎﺕ ﺍﻭﺭ ﮔﻔﺘﮕﻮ ﺩﮨﺮﺍﺋﯽ ﺗﮭﯽ۔
” ﺗﻮ ﺍﺏ ﻭﮦ ﮐﯿﺎ ﭼﺎﮨﺘﺎ ﮨﮯ؟ ” ﺣﻤﯿﻦ ﻧﮯ ﭘﻮﺭﯼ ﺑﺎﺕ ﺳُﻨﻨﮯ ﮐﮯ ﺑﻌﺪ ﺻﺮﻑ ﺍﯾﮏ ﺳﻮﺍﻝ ﮐﯿﺎ ﺗﮭﺎ ﮐﻮﺋﯽ ﺗﺒﺼﺮﮦ ﻧﮩﯿﮟ۔ ” ﭘﺘﮧ ﻧﮩﯿﮟ ! ﺷﺎﯾﺪ ﺗﻢ ﺳﮯ ﮐﮩﮯ ﮔﺎ ﮐﮧ ﺗﻢ ﻣﺠﮭﮯ ﻣﻨﺎ ﻟﻮ۔ ” ﺣﻤﯿﻦ ﻧﮯ ﻧﻔﯽ ﻣﯿﮟ ﺳﺮ ﮨﻼﯾﺎ۔
” ﻧﮩﯿﮟ، ﻭﮦ ﻣﺠﮫ ﺳﮯ ﯾﮧ ﮐﺒﮭﯽ ﻧﮩﯿﮟ ﮐﮩﮯ ﮔﺎ ﮐﮧ ﻣﯿﮟ ﺗﻤﮩﯿﮟ ﺍُﺱ ﮐﯽ ﺩﻭﺳﺮﯼ ﺑﯿﻮﯼ ﺑﻨﻨﮯ ﭘﺮ ﺁﻣﺎﺩﮦ ﮐﺮﻭﮞ۔ ﺍﺗﻨﺎ ﻋﻘﻞ ﻣﻨﺪ ﺗﻮ ﮨﮯ ﻭﮦ ﮐﮧ ﺍﯾﺴﺎ ﭘﺮﻭﭘﻮﺯﻝ ﻣﯿﺮﮮ ﭘﺎﺱ ﻟﮯ ﮐﺮ ﻧﮧ ﺁﺋﮯ۔ ” ﺍُﺱ ﻧﮯ ﮐﭽﮫ ﺳﻮﭼﺘﮯ ﮨﻮﺋﮯ ﮐﮩﺎ۔
” ﺭﺋﯿﺴﮧ ﺗﻢ ﮐﯿﺎ ﭼﺎﮨﺘﯽ ﮨﻮ؟ ” ﭼﻨﺪ ﻟﻤﺤﮯ ﺑﻌﺪ ﺍُﺱ ﻧﮯ ﺩﻭﭨﻮﮎ ﺍﻧﺪﺍﺯ ﻣﯿﮟ ﺭﺋﯿﺴﮧ ﺳﮯ ﭘﻮﭼﮭﺎ۔

---

ﺭﺋﯿﺴﮧ ﺗﻢ ﮐﯿﺎ ﭼﺎﮨﺘﯽ ﮨﻮ؟ ” ﭼﻨﺪ ﻟﻤﺤﮯ ﺑﻌﺪ ﺍُﺱ ﻧﮯ ﺩﻭﭨﻮﮎ ﺍﻧﺪﺍﺯ ﻣﯿﮟ ﺭﺋﯿﺴﮧ ﺳﮯ ﭘﻮﭼﮭﺎ۔
” ﻣﯿﺮﯼ ﭼﻮﺍﺋﺲ ﮐﺎ ﺍﯾﺸﻮ ﻧﮩﯿﮟ ﮨﮯ۔ ” ﻭﮦ ﮐﭽﮫ ﺑﮯ ﺩﻟﯽ ﺳﮯ ﻣﺴﮑﺮﺍﺋﯽ۔ ” ﺍﺱ ﮐﺎ ﻣﺴﺌﻠﮧ genuine ﮨﮯ، ﺗﻢ ﻧﮯ ﭨﮭﯿﮏ ﮐﮩﺎ ﺗﮭﺎ۔ ﻭﮦ ﺷﺎﮨﯽ ﺧﺎﻧﺪﺍﻥ ﮨﮯ، ﺍُﻥ ﮐﮯ ﺍﭘﻨﮯ ﻗﻮﺍﻋﺪ ﻭ ﺿﻮﺍﺑﻂ ﮨﯿﮟ، ﺍﭘﻨﯽ ﺳﻮﭺ ﮨﮯ۔ ﻣﺠﮭﮯ ﺑﮩﺖ ﭘﮩﻠﮯ ﮨﯽ ﺍﺱ relationship ﻣﯿﮟ ﻧﮩﯿﮟ ﭘﮍﻧﺎ ﭼﺎﮨﯿﮯ ﺗﮭﺎ۔ ” ﺣﻤﯿﻦ ﺍُﺳﮯ ﺩﯾﮑﮭﺘﺎ ﺭﮨﺎ، ﺍُﺱ ﮐﮯ ﺳﺎﻣﻨﮯ ﺑﯿﭩﮭﯽ ﻭﮦ ﺟﯿﺴﮯ ﺧﻮﺩ ﮐﻼﻣﯽ ﮐﮯ ﺍﻧﺪﺍﺯ ﻣﯿﮟ ﺑﻮﻟﺘﯽ ﺟﺎ ﺭﮨﯽ ﺗﮭﯽ۔ ﯾﻮﮞ ﺟﯿﺴﮯ ﺍﭘﻨﮯ ﺁﭖ ﮐﻮ ﺳﻤﺠﮭﺎﻧﮯ ﮐﯽ ﮐﻮﺷﺶ ﮐﺮ ﺭﮨﯽ ﺗﮭﯽ۔
” ﺑﺎﺩﺷﺎﮦ ﺑﺰﺩﻝ ﮨﮯ۔ ” ﺣﻤﯿﻦ ﻧﮯ ﻣﺪﮨﻢ ﺁﻭﺍﺯ ﻣﯿﮟ ﺍُﺱ ﺳﮯ ﮐﮩﺎ۔ ﻭﮦ ﺑﺎﺕ ﮐﺮﺗﮯ ﮐﺮﺗﮯ ﺭُﮎ ﮔﺌﯽ۔ ” ﺍﻭﺭ ﺑﺰﺩﻝ ﻧﮧ ﭘﯿﺎﺭ ﮐﺮ ﺳﮑﺘﮯ ﮨﯿﮟ، ﻧﮧ ﺣﮑﻮﻣﺖ، ﻧﮧ ﻭﻋﺪﮦ ﻧﺒﮭﺎ ﺳﮑﺘﮯ ﮨﯿﮟ، ﻧﮧ ﺗﻌﻠﻖ۔ ” ﺣﻤﯿﻦ ﻧﮯ ﺟﯿﺴﮯ ﺍُﺳﮯ ﮨﺸّﺎﻡ ﺑﻦ ﺻﺒﺎﺡ ﮐﺎ ﻣﺴﺌﻠﮧ ﭼﺎﺭ ﺟﻤﻠﻮﮞ ﻣﯿﮟ ﺳﻤﺠﮭﺎﯾﺎ ﺗﮭﺎ۔ ﺟﻮ ﻭﮦ ﺳﻤﺠﮭﻨﮯ ﺳﮯ ﮔﺮﯾﺰﺍﮞ ﺗﮭﯽ۔
” ﻟﻮﮒ ﭘﯿﺎﺭ ﮐﮯ ﻟﺌﮯ ﺗﺨﺖ ﻭ ﺗﺎﺝ ﭨﮭﮑﺮﺍﺗﮯ ﮨﯿﮟ ﻧﺎ ﺗﻮ ﻭﮦ ﭨﮭﮑﺮﺍﺋﮯ۔ ﺍﮔﺮ ﺑﺎﺩﺷﺎﮦ ﺭﮦ ﮐﺮ ﺗﻤﮩﯿﮟ ﺯﻧﺪﮔﯽ ﮐﺎ ﺳﺎﺗﮭﯽ ﻧﮩﯿﮟ ﺑﻨﺎ ﺳﮑﺘﺎ ﺗﻮ ﺑﺎﺩﺷﺎﮨﺖ ﭼﮭﻮﮌ ﺩﮮ۔ ” ﺭﺋﯿﺴﮧ ﮨﻨﺲ ﭘﮍﯼ۔
” ﺑﺎﺩﺷﺎﮨﺖ ﭼﮭﻮﮌ ﺩﮮ، ﻣﯿﺮﮮ ﻟﺌﮯ؟ ﻣﯿﮟ ﺍﺗﻨﯽ valuable ﻧﮩﯿﮟ ﮨﻮﮞ ﺣﻤﯿﻦ ! ﮐﮧ ﮐﻮﺋﯽ ﻣﯿﺮﮮ ﻟﺌﮯ ﺑﺎﺩﺷﺎﮨﺖ ﭼﮭﻮﮌﺗﺎ ﭘﮭﺮﮮ۔ ” ﺍُﺱ ﻧﮯ ﺑﮍﯼ ﺻﺎﻑ ﮔﻮﺋﯽ ﺳﮯ ﮐﮩﺎ ﺗﮭﺎ۔
” ﮨﻮ ﺳﮑﺘﺎ ﮨﮯ ﮨﻮ، ﮨﻮ ﺳﮑﺘﺎ ﮨﮯ، ﺗﻤﮩﯿﮟ ﭘﺘﮧ ﻧﮧ ﮨﻮ۔ ﺍﻭﺭ ﺍﮔﺮ ﻭﮦ ﺗﻤﮩﺎﺭﯼ ﻗﺪﺭ ﻭ ﻗﯿﻤﺖ ﭘﮩﭽﺎﻧﻨﮯ ﮐﮯ ﻗﺎﺑﻞ ﻧﮩﯿﮟ ﮨﮯ ﺗﻮ ﺳﺎﺗﮫ ﺯﻧﺪﮔﯽ ﮔﺰﺍﺭﻧﮯ ﮐﮯ ﻗﺎﺑﻞ ﺗﻮ ﺑﺎﻟﮑﻞ ﻧﮩﯿﮟ ﮨﮯ۔ ” ﻭﮦ ﺩﻭ ﭨﻮﮎ ﺍﻧﺪﺍﺯ ﻣﯿﮟ ﮐﮩﮧ ﺭﮨﺎ ﺗﮭﺎ۔
” ﺗﻮ ﺣﻞ ﻣﯿﺮﮮ ﭘﺎﺱ ﮨﮯ۔ ﺍﺏ ﺩﯾﮑﮭﺘﮯ ﮨﯿﮟ ﺍُﺱ ﮐﻮ ﺳﻤﺠﮫ ﻣﯿﮟ ﺁﺗﺎ ﮨﮯ ﯾﺎ ﻧﮩﯿﮟ۔ ﻣﯿﮟ ﻭﺍﭘﺲ ﺟﺎ ﮐﺮ ﺍُﺱ ﺳﮯ ﻣﻠﻮﮞ ﮔﺎ۔ ” ﺣﻤﯿﻦ ﻧﮯ ﺍﻋﻼﻥ ﮐﺮﺗﮯ ﮨﻮﺋﮯ ﮐﮩﺎ۔ ﺭﺋﯿﺴﮧ ﺍُﺱ ﮐﺎ ﭼﮩﺮﮦ ﺩﯾﮑﮭﺘﯽ ﺭﮦ ﮔﺌﯽ۔

---

” ﮈﺍﮐﭩﺮ ﺍﺣﺴﻦ ﺳﻌﺪ ﺁﭖ ﮐﻮ ﺑﮍﯼ ﺍﭼﮭﯽ ﻃﺮﺡ ﺟﺎﻧﺘﮯ ﮨﯿﮟ۔ ﺑﻠﮑﮧ ﻭﮦ ﺑﺘﺎ ﺭﮨﮯ ﺗﮭﮯ ﮐﮧ ﺍُﻥ ﮐﮯ ﻭﺍﻟﺪ ﺻﺎﺣﺐ ﺑﺎﺑﺎ ﮐﮯ ﺑﮭﯽ ﺑﮍﮮ ﻗﺮﯾﺒﯽ ﺩﻭﺳﺖ ﺗﮭﮯ۔ ﻋﺒﺪﺍﻟﻠﮧ ﮨﯽ ﺑﺘﺎ ﺭﮨﺎ ﺗﮭﺎ ﮐﮧ ﻭﮦ ﺍﻭﺭ ﺍُﻥ ﮐﮯ ﻭﺍﻟﺪ، ﺩﺍﺩﺍ ﮐﯽ ﺗﻌﺰﯾﺖ ﮐﮯ ﻟﺌﮯ ﺍﻣﺮﯾﮑﮧ ﻣﯿﮟ ﺁ ﮐﺮ ﻣﻠﯿﮟ ﮔﮯ ﺑﺎﺑﺎ ﺳﮯ۔ ” ﻋﻨﺎﯾﮧ ﭼﮩﻞ ﻗﺪﻣﯽ ﮐﺮﺗﮯ ﮨﻮﺋﮯ ﮐﮩﮧ ﺭﮨﯽ ﺗﮭﯽ۔
ﻭﮦ ﺍﻭﺭ ﺟﺒﺮﯾﻞ ﻻﻥ ﻣﯿﮟ ﭼﮩﻞ ﻗﺪﻣﯽ ﮐﺮ ﺭﮨﮯ ﺗﮭﮯ ﺟﺐ ﻋﻨﺎﯾﮧ ﮐﻮ ﺍﭼﺎﻧﮏ ﻋﺒﺪﺍﻟﻠﮧ ﮐﮯ ﺫﮐﺮ ﭼﮭﯿﮍﮮ ﺟﺎﻧﮯ ﭘﺮ ﺍﺣﺴﻦ ﺳﻌﺪ ﯾﺎﺩ ﺁﯾﺎ ﺍﻭﺭ ﺍُﺱ ﮐﮯ ﺳﺎﺗﮫ ﮨﻮﻧﮯ ﻭﺍﻟﯽ ﮔﻔﺘﮕﻮ۔ ﺍﻭﺭ ﺍُﺱ ﻧﮯ ﺟﺒﺮﯾﻞ ﺳﮯ ﺍُﺱ ﮐﺎ ﺫﮐﺮ ﮐﺮﻧﺎ ﺿﺮﻭﺭﯼ ﺳﻤﺠﮭﺎ۔
ﺍﺣﺴﻦ ﺳﻌﺪ ﮐﺎ ﻧﺎﻡ ﮨﯽ ﺟﺒﺮﯾﻞ ﮐﻮ ﭼﻮﻧﮑﺎﻧﮯ ﮐﮯ ﻟﺌﮯ ﮐﺎﻓﯽ ﺗﮭﺎ، ﻟﯿﮑﻦ ﻭﮦ ﯾﮧ ﺳُﻦ ﮐﺮ ﺯﯾﺎﺩﮦ ﺣﯿﺮﺍﻥ ﮨﻮﺍ ﺗﮭﺎ ﮐﮧ ﺟﺲ ﺍﺣﺴﻦ ﺳﻌﺪ ﮐﯽ ﻭﮦ ﺑﺎﺕ ﮐﺮ ﺭﮨﯽ ﺗﮭﯽ ﻭﮦ ﻧﮧ ﺻﺮﻑ ﺟﺒﺮﯾﻞ ﺳﮑﻨﺪﺭ ﮐﻮ ﺟﺎﻧﺘﺎ ﺗﮭﺎ ﺑﻠﮑﮧ ﺍُﺱ ﮐﺎ ﺑﺎﭖ ﺳﺎﻻﺭ ﮐﺎ ﻗﺮﯾﺒﯽ ﺩﻭﺳﺖ ﺗﮭﺎ۔ ﻭﮦ ﺍُﻟﺠﮭﺎ ﺗﮭﺎ، ﺟﺲ ﺍﺣﺴﻦ ﺳﮯ ﻭﮦ ﻣﻼ ﺗﮭﺎ ﺍُﺱ ﻧﮯ ﺍﯾﺴﺎ ﮐﻮﺋﯽ ﺫﮐﺮ ﯾﺎ ﺣﻮﺍﻟﮧ ﻧﮩﯿﮟ ﺩﯾﺎ ﺗﮭﺎ۔ ﺍُﺳﮯ ﻋﺎﺋﺸﮧ ﮐﮯ ﺳﺎﺑﻘﮧ ﺷﻮﮨﺮ ﮐﯽ ﺗﻔﺼﯿﻼﺕ ﮐﺎ ﭘﺘﮧ ﻧﮩﯿﮟ ﺗﮭﺎ ﺳﻮﺍﺋﮯ ﺍُﺱ ﮐﮯ ﻧﺎﻡ، ﭘﺮﻭﻓﯿﺸﻦ ﺍﻭﺭ ﺳﭩﯿﭧ ﮐﮯ۔ ﻓﻮﺭﯼ ﻃﻮﺭ ﭘﺮ ﻭﮦ ﯾﮧ ﺳﻤﺠﮫ ﻧﮩﯿﮟ ﺳﮑﺎ ﮐﮧ ﯾﮧ ﻭﮨﯽ ﺍﺣﺴﻦ ﺳﻌﺪ ﺗﮭﺎ ﯾﺎ ﻭﮦ ﮐﺴﯽ ﺍﻭﺭ ﮐﮯ ﺳﺎﺗﮫ ﺍُﺳﮯ ﮐﻨﻔﯿﻮﺯ ﮐﺮ ﺭﮨﺎ ﺗﮭﺎ۔
” ﻋﺒﺪﺍﻟﻠﮧ ﺗﻮ ﺑﮯ ﺣﺪ ﺍﻧﺴﭙﺎﺋﺮﮈ ﮨﮯ ﺍُﺱ ﺳﮯ، ﮐﮩﮧ ﺭﮨﺎ ﺗﮭﺎ ﻧﮑﺎﺡ ﮐﮯ ﮔﻮﺍﮨﻮﮞ ﻣﯿﮟ ﺳﮯ ﺍﯾﮏ ﻭﮦ ﺍﺣﺴﻦ ﺳﻌﺪ ﮐﻮ ﺭﮐﮭﮯ ﮔﺎ۔ ﺍُﺱ ﻧﮯ ﺗﻮ ﺍﺣﺴﻦ ﺳﻌﺪ ﮐﻮ ﭘﯿﺮ ﻭ ﻣﺮﺷﺪ ﺑﻨﺎﯾﺎ ﮨﻮﺍ ﮨﮯ، ﮨﺮ ﺑﺎﺕ ﻣﯿﮟ ﺍُﺱ ﮐﺎ ﺣﻮﺍﻟﮧ ﺩﯾﺘﺎ ﮨﮯ۔ ” ﻭﮦ ﮐﮩﺘﯽ ﺟﺎ ﺭﮨﯽ ﺗﮭﯽ ﺍﻭﺭ ﺟﺒﺮﯾﻞ ﺑﮯ ﭼﯿﻦ ﮨﻮﻧﮯ ﻟﮕﺎ ﺗﮭﺎ۔
” ﻋﺒﺪﺍﻟﻠﮧ ﺍُﻥ ﮨﯽ ﮐﮯ ﺳﺎﺗﮫ ﭘﺎﻧﭻ ﻭﻗﺖ ﮐﯽ ﻧﻤﺎﺯ ﭘﮍﮬﺘﺎ ﮨﮯ۔ ﻣﺠﮭﮯ ﺑﮭﯽ ﺍﭼﮭﺎ ﻟﮕﺎ ﻭﮦ۔ ﺫﮐﺮ ﺗﻮ ﭘﮩﻠﮯ ﺑﮭﯽ ﻋﺒﺪﺍﻟﻠﮧ ﺳﮯ ﺳﻨﺘﯽ ﺭﮨﯽ ﺗﮭﯽ ﻟﯿﮑﻦ ﻣﻞ ﮐﺮ ﻣﺠﮭﮯ ﺣﯿﺮﺍﻧﯽ ﮨﻮﺋﯽ ﮐﮧ ﻭﮦ ﮐﺎﻓﯽ young ﮨﮯ۔ ﺑﮩﺖ ﺑﺎﻋﻠﻢ ﮨﮯ، ﺩﯾﻦ ﮐﮯ ﺑﺎﺭﮮ ﻣﯿﮟ۔ ﺍﻭﺭ ﺣﺎﻓﻆِ ﻗﺮﺁﻥ ﺑﮭﯽ ﮨﮯ۔ ”
۔ Similarities ﺑﮍﮬﺘﯽ ﮨﯽ ﺟﺎ ﺭﮨﯽ ﺗﮭﯿﮟ۔ ﺟﺒﺮﯾﻞ ﺍﺏ ﺑﻮﻟﮯ ﺑﻐﯿﺮ ﻧﮩﯿﮟ ﺭﮦ ﺳﮑﺎ۔
۔ Married” ﮨﮯ؟ ” ﺍُﺱ ﻧﮯ ﺧﻮﺍﮨﺶ ﮐﯽ ﺗﮭﯽ ﻭﮦ ﮐﻮﺋﯽ ﺍﻭﺭ ﺍﺣﺴﻦ ﺳﻌﺪ ﮨﻮ۔
” ﻧﮩﯿﮟ، ﺑﺲ ﯾﮩﯽ ﺑﮍﯼ tragedy ﮨﻮﺋﯽ ﮨﮯ ﺍُﺱ ﮐﮯ ﺳﺎﺗﮫ۔ ” ﻋﻨﺎﯾﮧ ﮐﮯ ﺟﻮﺍﺏ ﻧﮯ ﺟﯿﺴﮯ ﺍُﺱ ﮐﺎ ﺩﻝ ﻧﮑﺎﻝ ﮐﺮ ﺭﮐﮫ ﺩﯾﺎ ﺗﮭﺎ۔
” ﺑﯿﻮﯼ ﺳﺎﺋﯿﮑﻮ ﺍﻭﺭ ﺑُﺮﮮ ﮐﺮﯾﮑﭩﺮ ﮐﯽ ﺗﮭﯽ۔ ﮐﺴﯽ ﮐﮯ ﺳﺎﺗﮫ ﺍُﺱ ﮐﺎ affair ﭼﻠﺘﺎ ﺭﮨﺎ ﺍﻭﺭ ﺍﺣﺴﻦ ﺳﻌﺪ ﺑﯿﭽﺎﺭﮮ ﮐﻮ ﭘﺘﮧ ﮨﯽ ﻧﮩﯿﮟ ﺗﮭﺎ۔ ﭘﮭﺮ divorce ﮨﻮ ﮔﺌﯽ ﻟﯿﮑﻦ ﺑﯿﻮﯼ ﻧﮯ ﺑﭽﮯ ﮐﯽ ﮐﺴﭩﮉﯼ ﺑﮭﯽ ﻧﮩﯿﮟ ﺩﯼ ﺍﻭﺭ ﺍﭘﻨﮯ ﺑﻮﺍﺋﮯ ﻓﺮﯾﻨﮉ ﮐﮯ ﺳﺎﺗﮫ ﻣﻞ ﮐﺮ ﺍُﺱ ﻣﻌﺬﻭﺭ ﺑﭽّﮯ ﮐﻮ ﺟﺎﻥ ﺳﮯ ﻣﺎﺭ ﺩﯾﺎ۔ ﺗﺎﮐﮧ ﺩﻭﻧﻮﮞ ﺷﺎﺩﯼ ﮐﺮ ﺳﮑﯿﮟ ﺍﻭﺭ ﺑﭽّﮯ ﮐﮯ ﻧﺎﻡ ﺟﻮ ﺟﺎﺋﯿﺪﺍﺩ ﺗﮭﯽ، ﻭﮦ ﺍُﺳﮯ ﻣﻞ ﺟﺎﺋﮯ۔ ﺍﺣﺴﻦ ﺳﻌﺪ ﻧﮯ ﮐﯿﺲ ﮐﯿﺎ ﺗﮭﺎ ﺍﭘﻨﯽ ﺳﺎﺑﻘﮧ ﺑﯿﻮﯼ ﮐﮯ ﺧﻼﻑ ﻗﺘﻞ ﮐﺎ ﺗﻮ ﺍﺑﮭﯽ ﺍُﺱ ﻋﻮﺭﺕ ﻧﮯ ﮐﭽﮫ patch up ﮐﺮﻧﮯ ﮐﯽ ﮐﻮﺷﺶ ﻣﯿﮟ ﺍُﺱ ﺑﭽّﮯ ﮐﮯ ﻧﺎﻡ ﺟﻮ ﺑﮭﯽ ﺟﺎﺋﯿﺪﺍﺩ ﺗﮭﯽ ﻭﮦ ﺍُﺱ ﮐﮯ ﻧﺎﻡ ﮐﺮ ﮐﮯ ﻣﻌﺎﻓﯽ ﻣﺎﻧﮕﯽ ﮨﮯ۔ ﺑﮩﺖ ﺍﭼﮭﺎ ﺍﻧﺴﺎﻥ ﺗﮭﺎ ﻭﮦ، ﮐﮩﮧ ﺭﮨﺎ ﺗﮭﺎ ﮐﮧ ﻣﻌﺎﻑ ﮐﺮ ﺩﮮ ﮔﺎ، ﺍﺏ ﺑﯿﭩﺎ ﺗﻮ ﭼﻼ ﮔﯿﺎ۔ ” ﻋﻨﺎﯾﮧ ﺑﮍﯼ ﮨﻤﺪﺭﺩﯼ ﮐﮯ ﺳﺎﺗﮫ ﻭﮦ ﺗﻔﺼﯿﻼﺕ ﺳُﻨﺎ ﺭﮨﯽ ﺗﮭﯽ۔
” ﺗُﻢ ﺟﺎﻧﺘﯽ ﮨﻮ ﻭﮦ ﺑﻮﺍﺋﮯ ﻓﺮﯾﻨﮉ ﮐﻮﻥ ﮨﮯ ﺟﺲ ﻧﮯ ﺍﺣﺴﻦ ﺳﻌﺪ ﮐﯽ ﺑﯿﻮﯼ ﮐﮯ ﺳﺎﺗﮫ ﻣﻞ ﮐﺮ ﺍُﺱ ﮐﮯ ﻣﻌﺬﻭﺭ ﺑﭽّﮯ ﮐﺎ ﻗﺘﻞ ﮐﯿﺎ ﮨﮯ؟ ” ﺟﺒﺮﯾﻞ ﻧﮯ ﯾﮏ ﺩﻡ ﺍُﺳﮯ ﭨﻮﮐﺎ ﺗﮭﺎ۔ ﻋﻨﺎﯾﮧ ﻧﮯ ﺣﯿﺮﺍﻧﯽ ﺳﮯ ﺍُﺱ ﮐﺎ ﭼﮩﺮﮦ ﺩﯾﮑﮭﺎ۔ ﺟﺒﺮﯾﻞ ﮐﺎ ﺳﻮﺍﻝ ﺟﺘﻨﺎ ﻋﺠﯿﺐ ﺗﮭﺎ، ﺍُﺱ ﮐﺎ ﻟﮩﺠﮧ ﺍﻭﺭ ﺗﺎﺛﺮﺍﺕ ﺍُﺱ ﺳﮯ ﺯﯾﺎﺩﮦ ﻋﺠﯿﺐ۔
” ﻧﮩﯿﮟ، ﻣﯿﮟ ﮐﯿﺴﮯ ﺟﺎﻥ ﺳﮑﺘﯽ ﮨﻮﮞ، ﻭﯾﺴﮯ ﻋﺒﺪﺍﻟﻠﮧ ﺍﺣﺴﻦ ﺳﻌﺪ ﺳﮯ ﮐﮩﮧ ﺭﮨﺎ ﺗﮭﺎ ﮐﮧ ﺍُﺳﮯ ﺍﭘﻨﯽ ﺳﺎﺑﻘﮧ ﺑﯿﻮﯼ ﺍﻭﺭ ﺍُﺱ ﮐﮯ ﺑﻮﺍﺋﮯ ﻓﺮﯾﻨﮉ ﮐﻮ ﻣﻌﺎﻑ ﻧﮩﯿﮟ ﮐﺮﻧﺎ ﭼﺎﮨﯿﮯ۔ ﻣﯿﺮﺍ ﺑﮭﯽ ﯾﮩﯽ ﺧﯿﺎﻝ ﺗﮭﺎ۔ ” ﻋﻨﺎﯾﮧ ﻧﮯ ﺭﻭﺍﻧﯽ ﻣﯿﮟ ﮐﮩﺎ ﺍﻭﺭ ﺟﺒﺮﯾﻞ ﮐﮯ ﺍﮔﻠﮯ ﺟﻤﻠﮯ ﻧﮯ ﺍُﺱ ﮐﺎ ﺫﮨﻦ ﺟﯿﺴﮯ ﺑﮭﮏ ﺳﮯ ﺍُﮌﺍ ﺩﯾﺎ ﺗﮭﺎ۔
” ﻭﮦ ﺑﻮﺍﺋﮯ ﻓﺮﯾﻨﮉ ﻣﯿﮟ ﮨﻮﮞ۔ ” ﺑﮯ ﺣﺪ ﺑﮯ ﺗﺎﺛﺮ ﺁﻭﺍﺯ ﻣﯿﮟ ﺟﺒﺮﯾﻞ ﻧﮯ ﺍُﺱ ﺳﮯ ﮐﮩﺎ ﺗﮭﺎ۔
” ﺍﻭﺭ ﻋﻨﺎﯾﮧ ﻣﯿﮟ ﺍﯾﺮﮎ ﻋﺒﺪﺍﻟﻠﮧ ﺳﮯ ﺗﻤﮩﺎﺭﯼ ﺷﺎﺩﯼ ﺑﮭﯽ ﻧﮩﯿﮟ ﮨﻮﻧﮯ ﺩﻭﮞ ﮔﺎ۔ ” ﺍﺱ ﮐﺎ ﺍﮔﻼ ﺟﻤﻠﮧ ﭘﮩﻠﮯ ﺳﮯ ﺑﮭﯽ ﺯﯾﺎﺩﮦ ﻧﺎﻗﺎﺑﻞِ ﯾﻘﯿﻦ ﺗﮭﺎ۔

---

ﺳﺎﻻﺭ ﺳﮑﻨﺪﺭ، ﺳﮑﻨﺪﺭ ﻋﺜﻤﺎﻥ ﮐﮯ ﺑﯿﮉﺭﻭﻡ ﮐﺎ ﺩﺭﻭﺍﺯﮦ ﮐﮭﻮﻝ ﮐﺮ ﺍﻧﺪﺭ ﭼﻼ ﮔﯿﺎ۔ ﻻﺋﭧ ﺁﻥ ﮐﺮ ﮐﮯ ﺍﺱ ﻧﮯ ﺳﮑﻨﺪﺭ ﻋﺜﻤﺎﻥ ﮐﮯ ﺑﺴﺘﺮﮐﻮ ﺩﯾﮑﮭﺎ۔ ﻭﮨﺎﮞ ﺍﺏ ﮐﻮﺋﯽ ﻧﮩﯿﮟ ﺗﮭﺎ۔ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﮨﻠﮑﯽ ﻧﻤﯽ ﺩﻭﮌﯼ ﺗﮭﯽ۔ ﮐﺌﯽ ﺳﺎﻟﻮﮞ ﺳﮯ ﺍﺏ ﺍُﺱ ﮐﮯ ﺍﻭﺭ ﺍُﻥ ﮐﮯ ﺩﺭﻣﯿﺎﻥ ﺻﺮﻑ ﺧﺎﻣﻮﺷﯽ ﮐﺎ ﺭﺷﺘﮧ ﮨﯽ ﺭﮦ ﮔﯿﺎ ﺗﮭﺎ۔ ﺑﺎﺕ ﭼﯿﺖ ﻧﮩﯿﮟ ﺭﮦ ﮔﺌﯽ ﺗﮭﯽ۔ ﺍﺱ ﮐﮯ ﺑﺎﻭﺟﻮﺩ ﺍُﺳﮯ ﺍُﻥ ﮐﮯ ﻭﺟﻮﺩ ﺳﮯ ﺍﯾﮏ ﻋﺠﯿﺐ ﺳﯽ ﻃﻤﺎﻧﯿﺖ ﮐﺎ ﺍﺣﺴﺎﺱ ﮨﻮﺗﺎ ﺗﮭﺎ۔
ﻣﯿﮟ ﺍﭘﻨﯽ ﻧﻈﺮﻭﮞ ﮐﮯ ﺳﺎﻣﻨﮯ ﺗﻤﮩﯿﮟ ﺟﺎﺗﺎ ﮨﻮﺍ ﻧﮩﯿﮟ ﺩﯾﮑﮫ ﺳﮑﺘﺎ ﺳﺎﻻﺭ ! ﺍﺱ ﻟﺌﮯ ﺑﺲ ﯾﮩﯽ ﺩﻋﺎ ﮐﺮﺗﺎ ﮨﻮﮞ ﮐﮧ ﺗﻢ ﺳﮯ ﭘﮩﻠﮯ ﭼﻼ ﺟﺎﺅﮞ ﺗﻤﮩﺎﺭﺍ ﺩُﮐﮫ ﻧﮧ ﺩﮐﮭﺎﺋﮯ ﺍﻟﻠﮧ ﮐﺴﯽ ﺑﮭﯽ ﺣﺎﻟﺖ ﻣﯿﮟ ﻣﺠﮭﮯ۔ ” ﺳﺎﻻﺭ ﮐﻮ ﻟﮕﺎ ﺟﯿﺴﮯ ﯾﮧ ﺟﻤﻠﮯ ﭘﮭﺮ ﺍُﺱ ﮐﻤﺮﮮ ﻣﯿﮟ ﮔﻮﻧﺠﮯ ﺗﮭﮯ۔ ﺍﻧﮩﻮﮞ ﻧﮯ ﺍُﺱ ﮐﯽ ﺑﯿﻤﺎﺭﯼ ﮐﮯ ﺩﻭﺭﺍﻥ ﮐﺌﯽ ﺑﺎﺭ ﺍُﺱ ﺳﮯ ﯾﮧ ﺑﺎﺗﯿﮟ ﮐﮩﯿﮟ ﺗﮭﯿﮟ۔ ﺍﻭﺭ ﺍُﻥ ﮐﯽ ﺩﻋﺎ ﻗﺒﻮﻝ ﮨﻮ ﮔﺌﯽ ﺗﮭﯽ، ﻭﮦ ﺳﺎﻻﺭ ﮐﺎ ﺩُﮐﮫ ﺩﯾﮑﮫ ﮐﺮ ﻧﮩﯿﮟ ﮔﺌﮯ ﺗﮭﮯ۔
” ﮐﯿﺎ ﻓﺮﻕ ﭘﮍﺗﺎ ﮨﮯ ﭘﺎﭘﺎ ! ﮨﺮ ﺍﯾﮏ ﻧﮯ ﺟﺎﻧﺎ ﮨﻮﺗﺎ ﮨﮯ ﺩُﻧﯿﺎ ﺳﮯ۔ ﺟﺲ ﮐﺎ ﺭﻭﻝ ﺧﺘﻢ ﮨﻮ ﺟﺎﺋﮯ، ﻭﮦ ﭼﻼ ﺟﺎﺗﺎ ﮨﮯ۔ ” ﺳﺎﻻﺭ ﮐﺌﯽ ﺑﺎﺭ ﺍُﻧﮩﯿﮟ ﺟﻮﺍﺑﺎً ﮐﮩﺘﺎ ﺗﮭﺎ۔
” ﺟﻮﺍﻥ ﺑﯿﭩﮯ ﮐﺎ ﻏﻢ ﺍﻟﻠﮧ ﮐﺴﯽ ﮐﻮ ﻧﮧ ﺩﮐﮭﺎﺋﮯ ﺳﺎﻻﺭ۔ ” ﻭﮦ ﺭﻭ ﭘﮍﮮ ﺗﮭﮯ ﺍﻭﺭ ﯾﮧ ﺁﻧﺴﻮ ﺳﺎﻻﺭ ﻧﮯ ﺍُﻥ ﮐﯽ ﺁﻧﮑﮭﻮﮞ ﻣﯿﮟ ﺻﺮﻑ ﺍﭘﻨﯽ ﺑﯿﻤﺎﺭﯼ ﮐﯽ ﺗﺸﺨﯿﺺ ﮐﮯ ﺑﻌﺪ ﺩﯾﮑﮭﻨﺎ ﺷﺮﻭﻉ ﮐﯿﮯ ﺗﮭﮯ، ﻭﺭﻧﮧ ﺳﮑﻨﺪﺭ ﻋﺜﻤﺎﻥ ﮐﮩﺎﮞ ﺑﺎﺕ ﺑﺎﺕ ﭘﺮ ﺭﻭ ﭘﮍﻧﮯ ﻭﺍﻟﮯ ﺁﺩﻣﯽ ﺗﮭﯽ۔
ﻭﮦ ﺍُﻥ ﮐﯽ ﮐُﺮﺳﯽ ﭘﺮ ﺟﺎ ﮐﺮ ﺑﯿﭩﮫ ﮔﯿﺎ۔ ﻭﮦ ﺍﻭﺭ ﺍﻣﺎﻣﮧ ﺍﺏ ﻭﮨﺎﮞ ﺳﮯ ﭼﻠﮯ ﺟﺎﻧﮯ ﻭﺍﻟﮯ ﺗﮭﮯ۔ ﻭﮦ ﮐﻤﺮﮦ ﺍﻭﺭ ﻭﮦ ﮔﮭﺮ ﺍﺏ ﺑﮯ ﻣﮑﯿﻦ ﮨﻮﻧﮯ ﻭﺍﻻ ﺗﮭﺎ۔ ﻭﮦ ﺩﻭ ﮨﻔﺘﻮﮞ ﺳﮯ ﻭﮨﺎﮞ ﺗﮭﺎ ﺍﻭﺭ ﺍﺱ ﺳﮯ ﺯﯾﺎﺩﮦ ﻭﮨﺎﮞ ﻧﮩﯿﮟ ﭨﮭﮩﺮ ﺳﮑﺘﺎ ﺗﮭﺎ۔ ﺣﻤﯿﻦ ﭘﮩﻠﮯ ﺟﺎ ﭼﮑﺎ ﺗﮭﺎ ﺍﻭﺭ ﺍﺏ ﺟﺒﺮﯾﻞ ﺍﻭﺭ ﻋﻨﺎﯾﮧ ﺑﮭﯽ ﺍُﺱ ﮐﮯ ﭘﯿﭽﮭﮯ ﭼﻠﮯ ﺟﺎﺗﮯ، ﭘﮭﺮ ﺍﻣﺎﻣﮧ۔ ﺟﻮ ﺳﺐ ﺳﮯ ﺁﺧﺮ ﻣﯿﮟ ﻭﮨﺎﮞ ﺳﮯ ﺟﺎﺗﯽ ﺍﻭﺭ ﭘﮭﺮ ﭘﺘﮧ ﻧﮩﯿﮟ ﺍُﺱ ﮔﮭﺮ ﻣﯿﮟ ﺩﻭﺑﺎﺭﮦ ﮐﺒﮭﯽ ﻭﮦ ﯾﻮﮞ ﺍﮐﭩﮭﮯ ﺑﮭﯽ ﮨﻮ ﭘﺎﺗﮯ ﯾﺎ ﻧﮩﯿﮟ۔ ﺍﻭﺭ ﺍﮐﭩﮭﮯ ﮨﻮﺗﮯ ﺑﮭﯽ ﺗﻮ ﺑﮭﯽ ﭘﺘﮧ ﻧﮩﯿﮟ ﮐﺐ۔
ﺯﻧﺪﮔﯽ ﮐﯿﺎ ﺷﮯ ﮨﮯ، ﮐﯿﺴﮯ ﮨﺎﺗﮫ ﺳﮯ ﻧﮑﻞ ﺟﺎﺗﯽ ﮨﮯ۔ ﻭﻗﺖ ﮐﯿﺎ ﺷﮯ ﮨﮯ، ﺭُﮐﺘﺎ ﮨﮯ ﺗﻮ ﺭُﮎ ﮨﯽ ﺟﺎﺗﺎ ﮨﮯ، ﭼﻠﺘﺎ ﮨﮯ ﺗﻮ ﭘﮩﯿﻮﮞ ﭘﺮ۔
” ﻣﯿﮟ ﺁﭖ ﺟﯿﺴﺎ ﺑﺎﭖ ﮐﺒﮭﯽ ﻧﮩﯿﮟ ﺑﻦ ﺳﮑﺎ ﺍﭘﻨﯽ ﺍﻭﻻﺩ ﮐﮯ ﻟﺌﮯ ﭘﺎﭘﺎ۔ ” ﺍُﺱ ﻧﮯ ﻣﺪﮨﻢ ﺁﻭﺍﺯ ﻣﯿﮟ ﻭﮨﺎﮞ ﺑﯿﭩﮭﮯ ﺧﻮﺩ ﮐﻼﻣﯽ ﮐﯽ۔
” ﻣﯿﮟ ﺁﭖ ﺟﯿﺴﺎ ﺑﯿﭩﺎ ﺑﮭﯽ ﮐﺒﮭﯽ ﻧﮩﯿﮟ ﺑﻦ ﺳﮑﺎ۔ ” ﻭﮦ ﺭُﮎ ﮐﺮ ﺩﻭﺑﺎﺭﮦ ﺑﻮﻻ۔
” ﻟﯿﮑﻦ ﻣﯿﺮﮮ ﺑﯿﭩﮯ ﺁﭖ ﺟﯿﺴﮯ ﺑﺎﭖ ﺑﻨﯿﮟ، ﺍﻭﺭ ﺁﭖ ﺟﯿﺴﮯ ﮨﯽ ﺑﯿﭩﮯ، ﻣﯿﺮﮮ ﺟﯿﺴﮯ ﻧﮩﯿﮟ۔ ﻣﯿﺮﯼ ﺻﺮﻑ ﯾﮧ ﺩُﻋﺎ ﮨﮯ۔ ” ﺍُﺱ ﻧﮯ ﻧﻢ ﺁﻧﮑﮭﻮﮞ ﮐﮯ ﺳﺎﺗﮫ ﭨﯿﺒﻞ ﭘﮧ ﭘﮍﮮ ﺍُﻥ ﮐﮯ ﮔﻼﺳﺰ ﺍُﭨﮭﺎ ﮐﺮ ﭼﮭﻮﺋﮯ ﭘﮭﺮ ﺍُﻧﮩﯿﮟ ﭨﯿﺒﻞ ﭘﺮ ﺭﮐﮫ ﮐﺮ ﺩﻭﺑﺎﺭﮦ ﺍُﭨﮫ ﮔﯿﺎ۔

---

” ﺑﯿﻮﯼ ﮐﻮ ﮐﯿﻮﮞ ﻣﺎﺭﺍ؟ ”
” ﺍﯾﮏ ﺑﮍﮮ ﺁﺩﻣﯽ ﮐﮯ ﺳﺎﺗﮫ ﺍُﺱ ﮐﮯ ﻧﺎﺟﺎﺋﺰ ﺗﻌﻠﻘﺎﺕ ﺗﮭﮯ۔ ”
” ﭘﮭﺮ؟ ”
” ﭘﮭﺮ ﻣﺠﮭﮯ ﭘﺘﮧ ﭼﻼ ﮐﮧ ﺟﺴﮯ ﻣﯿﮟ ﺍﭘﻨﯽ ﺑﯿﭩﯽ ﺳﻤﺠﮭﺘﺎ ﺗﮭﺎ، ﻭﮦ ﺑﮭﯽ ﺍُﺱ ﮐﯽ ﺑﯿﭩﯽ ﺗﮭﯽ۔ ”
” ﭘﮭﺮ؟ ”
” ﭘﮭﺮ، ﺑﺲ ﺑﺮﺩﺍﺷﺖ ﻧﮩﯿﮟ ﮐﺮ ﺳﮑﺎ ﻣﯿﮟ۔ ﻣﯿﮟ ﻏﯿﺮﺕ ﻣﻨﺪ ﺗﮭﺎ، ﺍُﺳﮯ ﺑﮭﯽ ﻗﺘﻞ ﮐﺮ ﺩﯾﺎ، ﺑﺎﻗﯽ ﺍﻭﻻﺩ ﮐﻮ ﺑﮭﯽ۔ ﭘﺘﮧ ﻧﮩﯿﮟ ﻭﮦ ﺑﮭﯽ ﻣﯿﺮﯼ ﺗﮭﯽ ﯾﺎ ﻧﮩﯿﮟ۔ ”
۔ CNN ﭘﺮ ﻏﻼﻡ ﻓﺮﯾﺪ ﮐﮯ ﺳﺎﺗﮫ ﮨﻮﻧﮯ ﻭﺍﻻ ﻭﮦ ﺍﻧﭩﺮﻭﯾﻮ ﺍﻧﮕﻠﺶ ﺳﺐ ﭨﺎﺋﭩﻠﺰ ﮐﮯ ﺳﺎﺗﮫ ﭼﻞ ﺭﮨﺎ ﺗﮭﺎ ﺍﻭﺭ ﺩُﻧﯿﺎ ﮐﮯ ﺗﻤﺎﻡ ﻣﯿﺠﺮ channels ﺍﺳﯽ ﻭﻗﺖ ﺍﺱ ﺍﻧﭩﺮﻭﯾﻮ ﮐﻮ ﺑﺮﯾﮑﻨﮓ ﻧﯿﻮﺯ ﮐﮯ ﻃﻮﺭ ﭘﺮ ﭘﯿﺶ ﮐﺮ ﺭﮨﮯ ﺗﮭﮯ۔ ﺻﺮﻑ ﺩﺱ ﻣﻨﭩﻮﮞ ﻣﯿﮟ ﺩُﻧﯿﺎ ﺑﮭﺮ ﻣﯿﮟ ﺳﺎﻻﺭ ﺳﮑﻨﺪﺭ ﺍﻭﺭ SIF ﺍﯾﮏ ﺑﺎﺭ ﭘﮭﺮ ﺯﺑﺎﻥ ﺯﺩِ ﻋﺎﻡ ﮨﻮﻧﮯ ﻭﺍﻟﯽ ﺗﮭﯽ ﺍﻭﺭ ﺍﺱ ﺑﺎﺭ ﯾﮧ ” ﺷﮩﺮﺕ ” ﻧﮩﯿﮟ ﺭﺳﻮﺍﺋﯽ ﺗﮭﯽ ﺟﻮ ﺍُﺱ ﺧﺎﻧﺪﺍﻥ ﮐﮯ ﺣﺼّﮯ ﻣﯿﮟ ﺁﻧﮯ ﻭﺍﻟﯽ ﺗﮭﯽ۔
” ﻭﮦ ﺑﮍﺍ ﺁﺩﻣﯽ ﮐﻮﻥ ﺗﮭﺎ؟ ” ﺍﻧﭩﺮﻭﯾﻮﺭ ﻧﮯ ﻏﻼﻡ ﻓﺮﯾﺪ ﺳﮯ ﺍﮔﻼ ﺳﻮﺍﻝ ﮐﯿﺎ۔
” ﻣﯿﮟ ﺍُﺱ ﮐﺎ ﭼﻮﮐﯿﺪﺍﺭ ﺗﮭﺎ، ﺍُﺱ ﮐﮯ ﺳﮑﻮﻝ ﮐﺎ۔ ﺍُﺱ ﻧﮯ ﻣﺠﮭﮯ ﺍﺱ ﻟﺌﮯ ﻭﮨﺎﮞ ﺳﮯ ﻧﮑﺎﻝ ﺩﯾﺎ ﮐﮧ ﺍُﺱ ﮐﮯ ﻣﯿﺮﯼ ﺑﯿﻮﯼ ﺳﮯ ﺗﻌﻠﻘﺎﺕ ﺗﮭﮯ۔ ” ﺍﻧﭩﺮﻭﯾﻮ ﮐﺮﻧﮯ ﻭﺍﻟﮯ ﻧﮯ ﻏﻼﻡ ﻓﺮﯾﺪ ﮐﻮ ﭨﻮﮐﺎ۔
” ﺍُﺱ ﺑﮍﮮ ﺁﺩﻣﯽ ﮐﺎ ﻧﺎﻡ ﮐﯿﺎ ﺗﮭﺎ؟ ”
” ﺳﺎﻻﺭ ﺳﮑﻨﺪﺭ۔ ” ﻏﻼﻡ ﻓﺮﯾﺪ ﻧﮯ ﺑﮯ ﺣﺪ ﺭﻭﺍﻧﯽ ﺳﮯ ﮐﮩﺎ۔
ﺩُﻧﯿﺎ ﺑﮭﺮ ﮐﯽ TV ﺍﺳﮑﺮﯾﻨﺰ ﭘﺮ ﺑﺎﻟﮑﻞ ﺍﺳﯽ ﻟﻤﺤﮯ ﺳﺎﻻﺭ ﺳﮑﻨﺪﺭ ﮐﯽ ﺗﺼﻮﯾﺮ ﻧﻤﻮﺩﺍﺭ ﮨﻮﺋﯽ ﺗﮭﯽ ﺍﻭﺭ ﭘﮭﺮ ﺍُﺱ ﮐﮯ ﭼﻨﺪ ﻟﻤﺤﮯ ﺑﻌﺪ ﺭﺋﯿﺴﮧ ﺳﺎﻻﺭ ﮐﯽ۔ ﺑﯿﮏ ﻭﻗﺖ۔ ﺍﯾﮏ ﮨﯽ ﺟﯿﺴﯽ ﺗﺼﻮﯾﺮﯾﮟ۔
ﻭﮦ CIA ﮐﺎ Sting Operation ﻧﮩﯿﮟ ﺗﮭﺎ، ﻭﮦ ﺍﻧﮩﻮﮞ ﻧﮯ ﭘﻮﺭﯼ ﻗﻮّﺕ ﺍﻭﺭ ﻃﺎﻗﺖ ﺳﮯ ﻣﻐﺮﺑﯽ ﺍﻧﭩﯿﻠﯽ ﺟﯿﻨﺲ ﺍﯾﺠﻨﺴﯿﺰ ﮐﮯ ﺍﺷﺘﺮﺍﮎ ﺳﮯ ﺩُﻧﯿﺎ ﮐﮯ ﮐﺎﻣﯿﺎﺏ ﺗﺮﯾﻦ ﺍﺳﻼﻣﯽ ﻣﺎﻟﯿﺎﺗﯽ ﻧﻈﺎﻡ ﮐﮯ ﺑﺎﻧﯽ ﺍﻭﺭ SIF ﮐﯽ ﺑﻨﯿﺎﺩﻭﮞ ﭘﺮ ﺩﻥ ﺩﮨﺎﮌﮮ ﺣﻤﻠﮧ ﮐﯿﺎ ﺗﮭﺎ۔
” ﻏﻼﻡ ﻓﺮﯾﺪ ﺗﻢ ﮐﯿﺎ ﭼﺎﮨﺘﮯ ﮨﻮ؟ ” ﺍﻧﭩﺮﻭﯾﻮﺭ ﺍﺏ ﺍُﺱ ﺳﮯ ﭘﻮﭼﮫ ﺭﮨﺎ ﺗﮭﺎ۔ ﻏﻼﻡ ﻓﺮﯾﺪ ﺍﯾﮏ ﻟﺤﻈﮧ ﮐﮯ ﻟﺌﮯ ﺭﮐﺎ، ﭘﮭﺮ ﺍُﺱ ﻧﮯ ﮐﮩﺎ۔
” ﺳﺎﻻﺭ ﺳﮑﻨﺪﺭ ﮐﮯ ﻟﺌﮯ ﭘﮭﺎﻧﺴﯽ ﮐﯽ ﺳﺰﺍ۔ ”

---

ﻧﯿﺮﻭﺑﯽ ﮐﮯ ﺍُﺱ ﻓﺎﺋﯿﻮ ﺳﭩﺎﺭ ﮨﻮﭨﻞ ﻣﯿﮟ ﮨﻮﻧﮯ ﻭﺍﻟﯽ ﺗﻘﺮﯾﺐ، ﺍﻓﺮﯾﻘﮧ ﮐﯽ ﺗﺎﺭﯾﺦ ﮐﮯ ﯾﺎﺩﮔﺎﺭ ﺗﺮﯾﻦ ﻟﻤﺤﻮﮞ ﻣﯿﮟ ﺳﮯ ﺍﯾﮏ ﺗﮭﺎ۔ ﮐﭽﮫ ﮔﮭﻨﭩﻮﮞ ﮐﮯ ﻟﺌﮯ ﺩﻧﯿﺎ ﮐﯽ ﺗﻤﺎﻡ ﺍﮐﻨﺎﻣﮏ ﻣﺎﺭﮐﯿﭩﺲ ﺟﯿﺴﮯ ﺍُﺱ ﺍﯾﮏ ﺗﻘﺮﯾﺐ ﭘﺮ ﻓﻮﮐﺲ ﮐﺮ ﮐﮯ ﺑﯿﭩﮫ ﮔﺌﯽ ﺗﮭﯿﮟ، ﺟﮩﺎﮞ SIF ﺣﻤﯿﻦ ﺳﮑﻨﺪﺭ ﮐﯽ ﮐﻤﭙﻨﯽ TAI ﮐﮯ ﺳﺎﺗﮫ ﻣﻞ ﮐﺮ ﺍﻓﺮﯾﻘﮧ ﻣﯿﮟ ﺩﻧﯿﺎ ﮐﮯ ﺳﺐ ﺳﮯ ﺑﮍﮮ ﻣﺎﻟﯿﺎﺗﯽ ﻓﻨﮉﺯ ﮐﮯ ﻗﯿﺎﻡ ﮐﺎ ﺍﻋﻼﻥ ﮐﺮﻧﮯ ﻭﺍﻟﯽ ﺗﮭﯽ۔ ﻭﮦ merger ﻧﮩﯿﮟ ﺗﮭﺎ، ﺍﺷﺘﺮﺍﮎ ﺗﮭﺎ ﺍﻭﺭ ﺩُﻧﯿﺎ ﮐﺎ ﮐﻮﺋﯽ ﺑﮍﺍ ﻣﺎﻟﯿﺎﺗﯽ ﺍﺩﺍﺭﮦ ﻧﮩﯿﮟ ﺗﮭﺎ، ﺟﺲ ﮐﺎ ﺳﺮﺑﺮﺍﮦ ﻭﮨﺎﮞ ﺍُﺱ ﻓﺎﺋﯿﻮ ﺳﭩﺎﺭ ﮨﻮﭨﻞ ﮐﮯ ﺑﯿﻨﮑﻮﺋﯿﭧ ﮨﺎﻝ ﻣﯿﮟ ﻣﻮﺟﻮﺩ ﻧﮩﯿﮟ ﺗﮭﺎ۔ ﻭﮨﺎﮞ ﺻﺮﻑ ﺩُﻧﯿﺎ ﮐﮯ ﺑﮩﺘﺮﯾﻦ ﺩﻣﺎﻍ ﺗﮭﮯ۔ ﺍﭘﻨﯽ ﺍﭘﻨﯽ ﻓﯿﻠﮉ ﮐﮯ ﻧﺎﻣﻮﺭ ﻟﻮﮒ ﺍﻭﺭ ﺍﻥ ﻟﻮﮔﻮﮞ ﮐﮯ ﺟﻤﮕﮭﭩﮯ ﻣﯿﮟ ﻭﮨﺎﮞ ﺳﺎﻻﺭ ﺳﮑﻨﺪﺭ ﺍﻭﺭ ﺣﻤﯿﻦ ﺳﮑﻨﺪﺭ ﺍُﺱ ﮔﻠﻮﺑﻞ ﻓﻨﮉ ﮐﺎ ﺍﻋﻼﻥ ﮐﺮﻧﮯ ﻭﺍﻟﮯ ﺗﮭﮯ۔ ﺟﺲ ﮐﯽ ﻣﺎﻟﯿﺖ ﺩُﻧﯿﺎ ﮐﮯ ﺗﻤﺎﻡ ﺑﮍﮮ ﻣﺎﻟﯿﺎﺗﯽ ﺍﺩﺍﺭﻭﮞ ﮐﻮ ﭘﭽﮭﺎﮌﻧﮯ ﻭﺍﻟﯽ ﺗﮭﯽ۔
9:14 ﭘﺮ ﺑﮭﯽ ﭨﯿﻠﯽ ﺳﮑﻮﭖ ﮐﯽ ﺁﻧﮑﮫ ﺳﮯ ﺍُﺱ ﭨﺎﺭﮔﭧ ﮐﻠﺮ ﮐﻮ ﻭﮦ ” ﻣﮩﻤﺎﻥ ” ﻟﻔﭧ ﮐﮯ ﺩﺭﻭﺍﺯﮮ ﺳﮯ ﻧﻤﻮﺩﺍﺭ ﮨﻮﺗﺎ ﻧﻈﺮ ﻧﮩﯿﮟ ﺁﯾﺎ۔ ﻟﯿﮑﻦ ﻭﮦ ﺩﻡ ﺳﺎﺩﮬﮯ، ﺁﻧﮑﮫ ﭨﯿﻠﯽ ﺳﮑﻮﭖ ﭘﺮ ﭨﮑﺎﺋﮯ، ﺍﯾﮏ ﺍﻧﮕﻠﯽ ﭨﺮﯾﮕﺮ ﭘﺮ ﺭﮐﮭﮯ ﻟﻔﭧ ﮐﺎ ﺩﺭﻭﺍﺯﮦ ﮐﮭﻠﻨﮯ ﮐﺎ ﻣﻨﺘﻈﺮ ﺗﮭﺎ۔
ﺩﺱ …… ﻧﻮ …… ﺁﭨﮫ …… ﺳﺎﺕ …… ﭼﮭﮯ …… ﭘﺎﻧﭻ …… ﭼﺎﺭ …… ﺗﯿﻦ …… ﺩﻭ …… ﺍﯾﮏ ……

---

ﺍُﺱ ﺑﯿﻨﮑﻮﺋﯿﭧ ﮨﺎﻝ ﮐﮯ ﺍﻭﭘﺮ ﻭﺍﻟﮯ ﻓﻠﻮﺭ ﮐﮯ ﺍﯾﮏ ﮐﻤﺮﮮ ﮐﯽ ﺍﯾﮏ ﮐﮭﮍﮐﯽ ﮐﮯ ﺷﯿﺸﻮﮞ ﺳﮯ ﺍﯾﮏ ﺍﻭﺭ ﭨﯿﻠﯽ ﺳﮑﻮﭘﮏ ﺭﺍﺋﻔﻞ ﺑﺎﻟﮑﻞ ﺍُﺳﯽ ﻃﺮﺡ ﺍُﺱ ﭨﺎﺭﮔﭧ ﮐﻠﺮ ﮐﻮ ﻧﺸﺎﻧﮧ ﺑﻨﺎﺋﮯ ﺍُﻟﭩﯽ ﮔﻨﺘﯽ ﮔﻨﻨﮯ ﻣﯿﮟ ﻣﺼﺮﻭﻑ ﺗﮭﯽ۔ ﻭﮦ ﭼﻮﺗﮭﺎ ﻓﻠﻮﺭ ﺗﮭﺎ ﺍﻭﺭ ﻭﮦ ﮐﻤﺮﮦ ﺍﺱ ﻓﻠﻮﺭ ﮐﮯ ﺳﭩﻮﺭ ﺭﻭﻣﺰ ﻣﯿﮟ ﺳﮯ ﺍﯾﮏ ﺗﮭﺎ ﺟﮩﺎﮞ ﭘﺮ ﺻﻔﺎﺋﯽ ﺳُﺘﮭﺮﺍﺋﯽ ﺍﻭﺭ ﺍﺳﯽ ﻃﺮﺡ ﮐﺎ ﺳﺎﻣﺎﻥ trollies ﻣﯿﮟ ﺑﮭﺮﺍ ﭘﮍﺍ ﺗﮭﺎ۔ ﺟﻦ ﻟﻮﮔﻮﮞ ﻧﮯ ﺍُﺱ ﺑﯿﻨﮑﻮﺋﯿﭧ ﮨﺎﻝ ﻣﯿﮟ ﺍُﺱ ﻣﮩﻤﺎﻥ ﮐﮯ ﻟﺌﮯ ﺍُﺱ ﭘﯿﺸﮧ ﻭﺭﺍﻧﮧ ﻗﺎﺗﻞ ﮐﺎ ﺍﻧﺘﺨﺎﺏ ﮐﯿﺎ ﺗﮭﺎ۔ ﺍُﻥ ﮨﯽ ﻟﻮﮔﻮﮞ ﻧﮯ ﺍُﺱ ﻗﺎﺗﻞ ﮐﮯ ﻟﺌﮯ ﺍﺱ ﺷﺨﺺ ﮐﺎ ﺍﻧﺘﺨﺎﺏ ﮐﯿﺎ ﺗﮭﺎ ﺍﻭﺭ ﺍُﺱ ﺟﮕﮧ ﮐﺎ ﺑﮭﯽ، ﺟﮩﺎﮞ ﻭﮦ 40 ﺳﺎﻟﮧ ﺷﺨﺺ ﺭﺍﺋﻔﻞ ﮐﮯ ﭨﺮﯾﮕﺮ ﭘﺮ ﺍﻧﮕﻠﯽ ﺭﮐﮭﮯ ﺁﻧﮑﮭﯿﮟ ﺍُﺱ ﭨﺎﺭﮔﭧ ﮐﻠﺮ ﭘﺮ ﻟﮕﺎﺋﮯ ﺑﯿﭩﮭﺎ ﺗﮭﺎ۔ ﺍُﺱ ﻧﮯ ﺍﺱ ﮐﻤﺮﮮ ﮐﻮ ﺍﻧﺪﺭ ﺳﮯ ﻻﮎ ﮐﺮ ﺭﮐﮭﺎ ﺗﮭﺎ۔ ﻭﮦ ﺍﯾﮏ ﭨﺮﺍﻟﯽ ﺩﮬﮑﯿﻠﺘﺎ ﮨﻮﺍ ﺍُﺱ ﮐﻤﺮﮮ ﻣﯿﮟ ﺻﺒﺢ ﮐﮯ ﻭﻗﺖ ﺁﯾﺎ ﺗﮭﺎ ﺟﺐ ﺍُﺱ floor ﮐﮯ ﮐﻤﺮﻭﮞ ﮐﯽ house keeping ﮨﻮ ﺭﮨﯽ ﺗﮭﯽ ﺍﻭﺭ ﭘﮭﺮ ﻭﮦ ﺍﭘﻨﯽ ﭨﺮﺍﻟﯽ ﮐﻮ ﺍﻧﺪﺭ ﺭﮐﮫ ﮐﺮ ﺑﺎﮨﺮ ﺟﺎﻧﮯ ﮐﮯ ﺑﺠﺎﺋﮯ ﺧﻮﺩ ﺑﮭﯽ ﺍﻧﺪﺭ ﮨﯽ ﺭﮦ ﮔﯿﺎ ﺗﮭﺎ۔ ﻭﻗﺘﺎً ﻓﻮﻗﺘﺎً ﮐﭽﮫ ﺍﻭﺭ ﺑﮭﯽ ﭨﺮﺍﻟﯿﺎﮞ ﻻﻧﮯ ﻭﺍﻟﮯ ﺍﻧﺪﺭ ﺁﺗﮯ ﺍﻭﺭ ﺟﺎﺗﮯ ﺭﮨﮯ ﺗﮭﮯ ﺍﻭﺭ ﺍُﺱ ﮐﮯ ﺳﺎﺗﮫ ﮨﯿﻠﻮ ﮨﺎﺋﮯ ﮐﺎ ﺗﺒﺎﺩﻟﮧ ﺑﮭﯽ ﮐﺮﺗﮯ ﺭﮨﮯ ﺗﮭﮯ، ﻣﮕﺮ ﮐﺴﯽ ﮐﻮ ﺍُﺱ ﭘﺮ ﺷﺒﮧ ﻧﮩﯿﮟ ﮨﻮﺍ ﺗﮭﺎ۔ ﺍﯾﮏ ﻣﻘﺮﺭﮦ ﻭﻗﺖ ﭘﺮ ﺍُﺱ ﻧﮯ ﺳﭩﻮﺭ ﺭﻭﻡ ﮐﻮ ﺍﻧﺪﺭ ﺳﮯ ﻻﮎ ﮐﺮ ﻟﯿﺎ ﺗﮭﺎ ﮐﯿﻮﻧﮑﮧ ﺍُﺳﮯ ﭘﺘﮧ ﺗﮭﺎ ﺍﺏ ﺍُﺱ ﻓﻠﻮﺭ ﮐﻮ ﺑﮭﯽ ﻭﻗﺘﯽ ﻃﻮﺭ ﭘﺮ ﺳﯿﻞ ﮐﯿﺎ ﺟﺎﻧﺎ ﺗﮭﺎ۔ ﺟﺐ ﺗﮏ ﻭﮦ ﮐﺎﻧﻔﺮﻧﺲ ﻭﮨﺎﮞ ﺟﺎﺭﯼ ﺗﮭﯽ۔
ﺳﭩﻮﺭ ﺭﻭﻡ ﮐﯽ ﮐﮭﮍﮐﯽ ﮐﮯ ﺷﯿﺸﮯ ﻣﯿﮟ ﺍُﺱ ﮐﯽ ﭨﯿﻠﯽ ﺳﮑﻮﭘﮏ ﺭﺍﺋﻔﻞ ﮐﮯ ﻟﺌﮯ ﺳﻮﺭﺍﺥ ﭘﮩﻠﮯ ﺳﮯ ﻣﻮﺟﻮﺩ ﺗﮭﺎ ﺟﺴﮯ tape ﻟﮕﺎ ﮐﺮ ﻭﻗﺘﯽ ﻃﻮﺭ ﭘﺮ ﺑﻨﺪ ﮐﯿﺎ ﮔﯿﺎ ﺗﮭﺎ۔ ﺍُﺱ ﻧﮯ tape ﮨﭩﺎﻧﮯ ﺳﮯ ﭘﮩﻠﮯ ﺍﯾﮏ ﺩﻭﺳﺮﯼ ﭨﯿﻠﯽ ﺳﮑﻮﭖ ﺳﮯ ﺳﮍﮎ ﮐﮯ ﭘﺎﺱ ﺍُﺱ ﻋﻤﺎﺭﺕ ﮐﮯ ﺍُﺱ ﻓﻠﯿﭧ ﮐﯽ ﺍُﺱ ﮐﮭﮍﮐﯽ ﮐﻮ ﺩﯾﮑﮭﺎ ﺍﻭﺭ ﭘﮭﺮ ﺍُﺱ ﭘﯿﺸﮧ ﻭﺭ ﻗﺎﺗﻞ ﮐﻮ ﺟﻮ ﮔﮭﺎﺕ ﻟﮕﺎﻧﮯ ﮐﯽ ﺗﯿﺎﺭﯼ ﮐﺮ ﺭﮨﺎ ﺗﮭﺎ۔ ﭘﮭﺮ ﺍُﺱ ﻧﮯ ﺍﭘﻨﯽ ﮔﮭﮍﯼ ﮐﻮ ﺩﯾﮑﮫ ﮐﺮ ﻭﻗﺖ ﮐﺎ ﺍﻧﺪﺍﺯﮦ ﻟﮕﺎﯾﺎ۔ ﺍﺑﮭﯽ ﺑﮩﺖ ﻭﻗﺖ ﺗﮭﺎ ﺍﻭﺭ ﺍُﺱ ﮐﯽ ﮐﮭﮍﮐﯽ ﺳﮯ ﺍُﺱ ﭘﯿﺸﮧ ﻭﺭ ﻗﺎﺗﻞ ﮐﯽ ﮐﮭﮍﮐﯽ ﮐﺎ view ﺑﮯ ﺣﺪ ﺯﺑﺮﺩﺳﺖ ﺗﮭﺎ۔ ﻭﮦ ﭘﮩﻼ ﻓﺎﺋﺮ ﻣﺲ ﺑﮭﯽ ﮐﺮ ﺟﺎﺗﺎ ﺗﻮ ﺑﮭﯽ ﻭﮦ ﻗﺎﺗﻞ ﺍُﺱ ﮐﯽ ﺭﯾﻨﺞ ﻣﯿﮟ ﺭﮨﺘﺎ۔ ﺑﮭﺎﮔﺘﮯ ﮨﻮﺋﮯ ﺑﮭﯽ، ﮐﮭﮍﮐﯽ ﺳﮯ ﮨﭩﻨﮯ ﮐﯽ ﮐﻮﺷﺶ ﮐﮯ ﺩﻭﺭﺍﻥ ﺑﮭﯽ، ﺍﻧﮩﻮﮞ ﻧﮯ ﺟﯿﺴﮯ ﺍُﺱ ﮐﮯ ﻟﺌﮯ ﺣﻠﻮﮦ ﺑﻨﺎ ﺩﯾﺎ ﺗﮭﺎ۔
ﺍُﺳﮯ ﯾﻘﯿﻦ ﺗﮭﺎ ﺍُﺱ ﮐﮭﮍﮐﯽ ﻣﯿﮟ ﮔﮭﺎﺕ ﻟﮕﺎﻧﮯ ﮐﮯ ﺑﻌﺪ ﺍُﺱ ﭘﯿﺸﮧ ﻭﺭ ﻗﺎﺗﻞ ﻧﮯ ﺍُﺱ ﮨﻮﭨﻞ ﮐﮯ ﺍﻭﭘﺮ ﻧﯿﭽﮯ ﮐﮯ ﮨﺮ ﻓﻠﻮﺭ ﮐﯽ ﮐﮭﮍﮐﯿﻮﮞ ﮐﻮ ﺍﭘﻨﯽ ﭨﯿﻠﯽ ﺳﮑﻮﭘﮏ ﺭﺍﺋﻔﻞ ﺳﮯ ﺍﯾﮏ ﺑﺎﺭ ﺟﯿﺴﮯ ﮐﮭﻮﺟﺎ ﮨﻮ ﮔﺎ۔ ﮐﮩﯿﮟ ﮐﻮﺋﯽ ﻏﯿﺮ ﻣﻌﻤﻮﻟﯽ ﺣﺮﮐﺖ ﯾﺎ ﺷﺨﺺ ﮐﻮ trace ﮐﺮﻧﮯ ﮐﯽ ﮐﻮﺷﺶ ﮐﯽ ﮨﻮ ﮔﯽ، ﻭﮦ ﭨﯿﻠﯽ ﺳﮑﻮﭘﮏ ﺭﺍﺋﻔﻞ ﮐﮭﮍﮐﯽ ﮐﮯ ﺷﯿﺸﮯ ﺳﮯ ﻟﮕﺎ ﮐﺮ ﺑﯿﭩﮭﺘﺎ ﺧﻮﺩ ﺍُﺱ ﮐﯽ ﻧﻈﺮ ﻣﯿﮟ ﻧﮧ ﺁﺗﺎ ﺗﺐ ﺑﮭﯽ ﺍُﺱ ﮐﯽ ﺭﺍﺋﻔﻞ ﮐﯽ ﻧﺎﻝ ﺍُﺱ ﮐﯽ ﻧﻈﺮ ﻣﯿﮟ ﺁﺟﺎﺗﯽ۔ ﺍﺱ ﻟﺌﮯ ﺁﺧﺮﯼ ﻣﻨﭩﻮﮞ ﺗﮏ ﻭﮦ ﮐﮭﮍﮐﯽ ﮐﮯ ﭘﺎﺱ ﻧﮩﯿﮟ ﮔﯿﺎ ﺗﮭﺎ۔ ﺍُﺳﮯ ﺍُﺱ ﭘﯿﺸﮧ ﻭﺭ ﻗﺎﺗﻞ ﭘﺮ ﺍﯾﮏ ﭘﮩﻼ ﺍﻭﺭ ﺁﺧﺮﯼ ﮐﺎﺭﮔﺮ shot ﻓﺎﺋﺮ ﮐﺮﻧﮯ ﮐﮯ ﻟﺌﮯ ﮔﮭﻨﭩﻮﮞ ﭼﺎﮨﯿﮯ ﺑﮭﯽ ﻧﮩﯿﮟ ﺗﮭﮯ۔ ﻭﮦ ﺑﮯ ﺣﺪ close range ﻣﯿﮟ ﺗﮭﺎ۔
ﺍﻭﺭ ﺍﺏ ﺑﺎﻟﮑﻞ ﺁﺧﺮﯼ ﻣﻨﭩﻮﮞ ﻣﯿﮟ ﺍُﺱ ﻧﮯ ﺑﺎﻵﺧﺮ ﺭﺍﺋﻔﻞ ﮐﻮ ﺍُﺱ ﺳﻮﺭﺍﺥ ﻣﯿﮟ ﭨﮑﺎﯾﺎ ﺗﮭﺎ۔
ﺍُﺳﮯ ﺍُﺱ ﭘﯿﺸﮧ ﻭﺭ ﻗﺎﺗﻞ ﮐﻮ ﺍُﺱ ﻭﻗﺖ ﻣﺎﺭﻧﺎ ﺗﮭﺎ ﺟﺐ ﻭﮦ ﻓﺎﺋﺮ ﮐﺮ ﭼﮑﺎ ﮨﻮﺗﺎ۔ ﺍُﺱ ﻣﮩﻤﺎﻥ ﮐﻮ ﺻﺮﻑ ﻣﺎﺭﻧﺎ ﺿﺮﻭﺭﯼ ﻧﮩﯿﮟ ﺗﮭﺎ ﺑﻠﮑﮧ ﺍُﺱ ﺳﺎﺯﺵ ﮐﮯ ﺳﺎﺭﮮ ﺛﺒﻮﺕ ﻣﭩﺎﺋﮯ ﺟﺎﻧﮯ ﺑﮭﯽ ﺿﺮﻭﺭﯼ ﺗﮭﮯ۔
ﮔﮭﮍﯼ ﮐﯽ ﺳﻮﺋﯿﺎﮞ ﺟﯿﺴﮯ ﺑﮭﺎﮔﺘﯽ ﺟﺎ ﺭﮨﯽ ﺗﮭﯿﮟ ﭨﮏ …… ﭨﮏ …… ﭨﮏ ﮐﺮﺗﮯ … ﺩﻭ ﺍﻧﮕﻠﯿﺎﮞ،، ﺩﻭ ﭨﺮﯾﮕﺮ ﭘﺮ ﺍﭘﻨﺎ ﺩﺑﺎﺅ ﺑﮍﮬﺎ ﺭﮨﯽ ﺗﮭﯿﮟ
٭٭٭
ﺣﻤﯿﻦ ﺳﮑﻨﺪﺭ ﺳﮯ ﮨﺸﺎﻡ ﻣﺘﺎﺛﺮ ﺯﯾﺎﺩﮦ ﺗﮭﺎ ﯾﺎ ﻣﺮﻋﻮﺏ، ﺍُﺳﮯ ﮐﺒﮭﯽ ﺍﻧﺪﺍﺯﮦ ﻧﮩﯿﮟ ﮨﻮﺍ ﺗﮭﺎ۔ ﻣﮕﺮ ﻭﮦ ﺍُﺱ ﺳﮯ jealous ﺗﮭﺎ، ﺍﺱ ﮐﮯ ﺑﺎﺭﮮ ﻣﯿﮟ ﺍُﺳﮯ ﺷﺒﮧ ﻧﮩﯿﮟ ﺗﮭﺎ۔
ﺭﺋﯿﺴﮧ ﺳﮯ ﻣﻠﻨﮯ ﺍﻭﺭ ﺍُﺱ ﮐﯽ ﻓﯿﻤﻠﯽ ﮐﮯ ﺑﺎﺭﮮ ﻣﯿﮟ ﺟﺎﻧﻨﮯ ﺳﮯ ﺑﮭﯽ ﭘﮩﻠﮯ ﻭﮦ ﺣﻤﯿﻦ ﺳﮑﻨﺪﺭ ﮐﮯ ﺑﺎﺭﮮ ﻣﯿﮟ ﺟﺎﻧﺘﺎ ﺗﮭﺎ۔ ﺍﭘﻨﮯ ﺗﻘﺮﯾﺒﺎ ًﮨﻢ ﻋﻤﺮ ﺍُﺱ ﻧﻮﺟﻮﺍﻥ ﮐﮯ ﺑﺎﺭﮮ ﻣﯿﮟ ﻭﮦ ﺍﺗﻨﺎ ﮨﯽ ﺗﺠﺴﺲ ﺭﮐﮭﺘﺎ ﺗﮭﺎ ﺟﺘﻨﺎ ﺑﺰﻧﺲ ﺍﻭﺭ ﻓﺎﺋﻨﺎﻧﺲ ﮐﯽ ﺩُﻧﯿﺎ ﻣﯿﮟ ﺩﻟﭽﺴﭙﯽ ﺭﮐﮭﻨﮯ ﻭﺍﻻ ﮐﻮﺋﯽ ﺑﮭﯽ ﺷﺨﺺ۔
ﮨﺸّﺎﻡ ﮐﺎ ﺑﺎﭖ ﺍﻣﺮﯾﮑﮧ ﻣﯿﮟ ﺳﻔﺎﺭﺕ ﮐﺎﺭﯼ ﮐﮯ ﺩﻭﺭﺍﻥ ﺑﮭﯽ ﺑﮩﺖ ﺳﺎﺭﯼ ﮐﻤﭙﻨﯿﺰ ﭼﻼ ﺭﮨﺎ ﺗﮭﺎ ﺍﻭﺭ ﺍُﻥ ﮐﻤﭙﻨﯿﺰ ﻣﯿﮟ ﺳﮯ ﮐﭽﮫ ﮐﺎ ﻭﺍﺳﻄﮧ ﺣﻤﯿﻦ ﺳﮑﻨﺪﺭ ﮐﯽ ﮐﻤﭙﻨﯿﺰ ﺳﮯ ﺑﮭﯽ ﭘﮍﺗﺎ ﺗﮭﺎ۔ ﻭﮦ ﺧﻮﺩ ﺣﻤﯿﻦ ﺳﮯ ﺭﺋﯿﺴﮧ ﺳﮯ ﻣﺘﻌﺎﺭﻑ ﮨﻮﻧﮯ ﺳﮯ ﭘﮩﻠﮯ ﮐﺒﮭﯽ ﻧﮩﯿﮟ ﻣﻼ ﺗﮭﺎ ﻟﯿﮑﻦ ﺍُﺱ ﮐﺎ ﺑﺎﭖ ﻣﻞ ﭼﮑﺎ ﺗﮭﺎ ﺍﻭﺭ ﺍُﺱ ﮐﺎ ﻣﺪﺍﺡ ﺗﮭﺎ۔ ﺍﭘﻨﯽ ﺯﻧﺪﮔﯽ ﮐﯽ ﺩﻭﺳﺮﯼ ﺩﮨﺎﺋﯽ ﮐﮯ ﺍﻭﺍﺋﻞ ﻣﯿﮟ ﻭﮦ ﺟﻦ ﺑﺰﻧﺲ ﭨﺎﺋﯿﮑﻮﻧﺰ ﺳﮯ ﮈﯾﻞ ﮐﺮ ﺭﮨﺎ ﺗﮭﺎ، ﻭﮦ ﻋﻤﺮ ﻣﯿﮟ ﺍﺱ ﺳﮯ ﺩﻭﮔﻨﺎ ﻧﮩﯿﮟ ﭼﺎﺭ ﮔﻨﺎ ﺑﮍﮮ ﺗﮭﮯ ﺍﺱ ﮐﮯ ﺑﺎﻭﺟﻮﺩ ﺣﻤﯿﻦ ﺳﮑﻨﺪﺭ ﮐﯽ ﺑﺰﻧﺲ ﺍﻭﺭ ﻓﺎﺋﻨﺎﻧﺲ ﮐﯽ ﺳﻤﺠﮫ ﺑﻮﺟﮫ ﮐﻮ ﮐﻮﺋﯽ ﺳﻮﺍﻝ ﻧﮩﯿﮟ ﮐﺮﺗﺎ ﺗﮭﺎ۔ ﻭﮦ ﺑﻮﻟﺘﺎ ﺗﮭﺎ ﺗﻮ ﻟﻮﮒ ﺳﻨﺘﮯ ﺗﮭﮯ۔ ﺑﯿﺎﻥ ﺟﺎﺭﯼ ﮐﺮﺗﺎ ﺗﮭﺎ ﺗﻮ ﺍُﺱ ﭘﺮ ﺗﺒﺼﺮﮮ ﺁﺗﮯ ﺗﮭﮯ۔ ﭘﺮﺍﮈﮐﭧ ﭘﻼﻥ ﺩﯾﺘﺎ ﺗﮭﺎ ﺗﻮ ﯾﮧ ﻣﻤﮑﻦ ﻧﮩﯿﮟ ﺗﮭﺎ ﮐﮧ ﻭﮦ ﻣﺎﺭﮐﯿﭧ ﻣﯿﮟ ﻧﻮﭨﺲ ﻧﮧ ﮨﻮ، ﺍﻭﺭ business ventures ﮐﺮﺗﺎ ﺗﮭﺎ ﺗﻮ ﯾﮧ ﻣﻤﮑﻦ ﻧﮩﯿﮟ ﺗﮭﺎ ﮐﮧ ﻧﺎﮐﺎﻣﯽ ﺳﮯ ﺩﻭﭼﺎﺭ ﮨﻮ۔ ﺍﻭﺭ ﺍﺱ ﺣﻤﯿﻦ ﺳﮑﻨﺪﺭ ﺳﮯ ﻣﺘﺎﺛﺮ ﮨﻮﻧﮯ ﻭﺍﻟﻮﮞ ﻣﯿﮟ ﺍﯾﮏ ﮨﺸّﺎﻡ ﺑﮭﯽ ﺗﮭﺎ۔ ﻣﺘﺎﺛﺮ ﺑﮭﯽ، ﻣﺮﻋﻮﺏ ﺑﮭﯽ ﻟﯿﮑﻦ ﺍُﺱ ﺳﮯ ﺭﻗﺎﺑﺖ ﮐﺎ ﺟﺬﺑﮧ ﺍُﺱ ﻧﮯ ﺭﺋﯿﺴﮧ ﮐﯽ ﻭﺟﮧ ﺳﮯ ﺭﮐﮭﻨﺎ ﺷﺮﻭﻉ ﮐﯿﺎ۔ ﻭﮦ ﻟﮍﮐﯽ ﺟﺲ ﭘﺮ ﮨﺸّﺎﻡ ﺟﺎﻥ ﭼﮭﮍﮐﺘﺎ ﺗﮭﺎ۔ ﻭﮦ ﺻﺮﻑ ﺍﯾﮏ ﺷﺨﺺ ﭘﺮ ﺍﻧﺪﮬﺎ ﺍﻋﺘﻤﺎﺩ ﮐﺮﺗﯽ ﺗﮭﯽ، ﺻﺮﻑ ﺍﯾﮏ ﺷﺨﺺ ﮐﺎ ﺣﻮﺍﻟﮧ ﺑﺎﺭ ﺑﺎﺭ ﺩﯾﺘﯽ ﺗﮭﯽ ﺍﻭﺭ ﺑﺪﻗﺴﻤﺘﯽ ﺳﮯ ﻭﮦ ﺷﺨﺺ ﻭﮦ ﺗﮭﺎ، ﺟﺲ ﺳﮯ ﮨﺸّﺎﻡ ﭘﮩﻠﮯ ﮨﯽ ﻣﺮﻋﻮﺏ ﺗﮭﺎ۔ ﭘﮭﺮ ﺭﻗﺎﺑﺖ ﮐﮯ ﻋﻼﻭﮦ ﮐﻮﺋﯽ ﺍﻭﺭ ﺟﺬﺑﮧ ﮨﺸّﺎﻡ ﺍﭘﻨﮯ ﺩﻝ ﻣﯿﮟ ﻣﺤﺴﻮﺱ ﮐﺮ ﮨﯽ ﻧﮩﯿﮟ ﺳﮑﺘﺎ ﺗﮭﺎ۔ ﯾﮧ ﺟﺎﻧﻨﮯ ﮐﮯ ﺑﺎﻭﺟﻮﺩ ﮐﮧ ﺭﺋﯿﺴﮧ ﺍُﺳﮯ ﺻﺮﻑ ﺍﯾﮏ ﺩﻭﺳﺖ ﺍﻭﺭ ﺑﮭﺎﺋﯽ ﺳﻤﺠﮭﺘﯽ ﺗﮭﯽ ﺍﻭﺭ ﯾﮧ ﺟﺎﻧﻨﮯ ﮐﮯ ﺑﺎﻭﺟﻮﺩ ﮐﮧ ﺣﻤﯿﻦ ﮐﮯ ﺑﮭﯽ ﺭﺋﯿﺴﮧ ﮐﮯ ﻟﺌﮯ ﺍﺣﺴﺎﺳﺎﺕ ﺍﯾﺴﮯ ﮨﯽ ﺗﮭﮯ۔
ﻭﮦ ﺭﺋﯿﺴﮧ ﺳﮯ ﻣﺘﻌﺎﺭﻑ ﮨﻮﻧﮯ ﮐﮯ ﺑﻌﺪ ﺣﻤﯿﻦ ﺳﮯ ﭼﻨﺪ ﺑﺎﺭ ﺳﺮﺳﺮﯼ ﻃﻮﺭ ﭘﺮ ﻣﻞ ﭼﮑﺎ ﺗﮭﺎ۔ ﻣﮕﺮ ﯾﮧ ﭘﮩﻼ ﻣﻮﻗﻊ ﺗﮭﺎ ﺟﺐ ﻭﮦ ﺍُﺱ ﺳﮯ ﺗﻨﮩﺎ ﻣﻠﻨﮯ ﺟﺎ ﺭﮨﺎ ﺗﮭﺎ ﺍﻭﺭ ﻭﮦ ﺑﮭﯽ ﺍُﺱ ﮐﮯ ﮔﮭﺮ ﭘﺮ ﻭﮦ ﺍﺏ ﺑﺤﺮﯾﻦ ﮐﺎ ﻭﻟﯽ ﻋﮩﺪ ﻧﮧ ﮨﻮﺗﺎ ﺗﻮ ﺍُﺱ ﺷﺨﺺ ﺳﮯ ﻣﻠﻨﮯ ﮐﮯ ﻟﺌﮯ ﺟﺎﺗﮯ ﮨﻮﺋﮯ ﺑﮯ ﺣﺪ ﺍﺣﺴﺎﺱِ ﮐﻤﺘﺮﯼ ﮐﺎ ﺷﮑﺎﺭ ﮨﻮ ﺭﮨﺎ ﮨﻮﺗﺎ۔ ﺣﻤﯿﻦ ﺳﮑﻨﺪﺭ ﮐﯽ ﮐﺎﻣﯿﺎﺑﯽ ﺍﻭﺭ ﺫﮨﺎﻧﺖ ﮐﺴﯽ ﮐﻮ ﺑﮭﯽ ﺍﺱ ﺍﺣﺴﺎﺱ ﺳﮯ ﺩﻭﭼﺎﺭ ﮐﺮ ﺳﮑﺘﯽ ﺗﮭﯽ۔
ﻧﯿﻮﯾﺎﺭﮎ ﮐﮯ ﺍﯾﮏ ﻣﮩﻨﮕﮯ ﺗﺮﯾﻦ ﻋﻼﻗﮯ ﻣﯿﮟ ﺍﯾﮏ 57 ﻣﻨﺰﻟﮧ ﻋﻤﺎﺭﺕ ﮐﯽ ﭼﮭﺖ ﭘﺮ ﺑﻨﮯ ﺍُﺱ pent house ﻣﯿﮟ ﺣﻤﯿﻦ ﺳﮑﻨﺪﺭ ﻧﮯ ﺑﮯ ﺣﺪ ﮔﺮﻡ ﺟﻮﺷﯽ ﺳﮯ ﺍُﺱ ﮐﺎ ﺍﺳﺘﻘﺒﺎﻝ ﮐﯿﺎ ﺗﮭﺎ۔ ﺍُﺱ ﮐﮯ ﺳﺎﺗﮫ ﺍﺏ ﺳﺎﺋﮯ ﮐﯽ ﻃﺮﺡ ﺭﮨﻨﮯ ﻭﺍﻟﮯ ﺑﺎﮈﯼ ﮔﺎﺭﮈﺯ ﺍُﺱ ﻋﻤﺎﺭﺕ ﮐﮯ ﺍﻧﺪﺭ ﻧﮩﯿﮟ ﺁ ﺳﮑﺘﮯ ﺗﮭﮯ ﮐﯿﻮﻧﮑﮧ entrance ﭘﺮ visitors ﻣﯿﮟ ﺻﺮﻑ ﮨﺸّﺎﻡ ﮐﺎ ﻧﺎﻡ ﺗﮭﺎ ﻭﻟﯽ ﻋﮩﺪ ﯾﺎ ﺷﺎﮨﯽ ﺧﺎﻧﺪﺍﻥ ﮐﮯ ﺍﻟﻘﺎﺑﺎﺕ ﮐﮯ ﺑﻐﯿﺮ۔
ﺍﻥ ﭼﻨﺪ ﻣﮩﯿﻨﻮﮞ ﻣﯿﮟ ﭘﮩﻠﯽ ﺑﺎﺭ His Royal Highness ﺻﺮﻑ ﮨﺸّﺎﻡ ﺑﻦ ﺻﺒﺎﺡ ﮐﮯ ﻃﻮﺭ ﭘﺮ ﭘﮑﺎﺭﮮ ﮔﺌﮯ ﺗﮭﮯ۔ ﺍُﺳﮯ ﺑُﺮﺍ ﻧﮩﯿﮟ ﻟﮕﺎ، ﺻﺮﻑ ﻋﺠﯿﺐ ﻟﮕﺎ۔ ﻭﮦ ﻧﺎﻡ ﺍُﺱ ﮐﮯ ﭘﯿﻨﭧ ﮨﺎﺅﺱ ﮐﮯ ﺩﺭﻭﺍﺯﮮ ﭘﺮ ﺍﻧﺪﺭ ﺩﺍﺧﻠﮯ ﮐﮯ ﻭﻗﺖ ﺣﻤﯿﻦ ﻧﮯ ﺍﻭﺭ ﺑﮭﯽ ﭼﮭﻮﭨﺎ ﮐﺮ ﺩﯾﺎ ﺗﮭﺎ
” ﻣﺠﮭﮯ ﺧﻮﺷﯽ ﮨﮯ ﮐﮧ ﺗﻢ ﺑﺎﻟﮑﻞ ﻭﻗﺖ ﭘﺮ ﺁﺋﮯ ﮨﻮ ﮨﺸّﺎﻡ۔ ” ﺍُﺱ ﺳﮯ ﻣﺼﺎﻓﺤﮧ ﮐﺮﺗﮯ ﮨﻮﺋﮯ ﺍﯾﮏ ﺳﯿﺎﮦ ﭨﺮﺍﺅﺯﺭ ﺍﻭﺭ ﺳﻔﯿﺪ ﭨﯽ ﺷﺮﭦ ﻣﯿﮟ ﻣﻠﺒﻮﺱ ﺣﻤﯿﻦ ﺳﮑﻨﺪﺭ ﻧﮯ ﮐﮩﺎ ﺗﮭﺎ۔
ﻭﮦ ﺍﺗﻮﺍﺭ ﮐﺎ ﺍﯾﮏ ﺩﻥ ﺗﮭﺎ ﺍﻭﺭ ﻭﮦ ﻟﻨﭻ ﮐﮯ ﺑﻌﺪ ﻣﻞ ﺭﮨﮯ ﺗﮭﮯ۔ ﻭﮦ ﺩُﻧﯿﺎ ﮐﮯ ﺍﻣﯿﺮ ﺗﺮﯾﻦ ﻧﻮﺟﻮﺍﻧﻮﮞ ﻣﯿﮟ ﺳﮯ ﺍﯾﮏ ﮐﮯ ﮔﮭﺮ ﭘﺮ ﺗﮭﺎ ﺍﻭﺭ ﮨﺸّﺎﻡ ﮐﺎ ﺧﯿﺎﻝ ﺗﮭﺎ ﺍُﺱ pent house ﻣﯿﮟ ﺑﮭﯽ ﻭﮨﯽ ﺳﺐ ﻟﻮﺍﺯﻣﺎﺕ ﮨﻮﮞ ﮔﮯ ﺟﻮ ﻭﮦ ﺍﭘﻨﮯ ﺧﺎﻧﺪﺍﻧﯽ ﻣﺤﻼﺕ ﺍﻭﺭ ﺍﭘﻨﮯ ﺳﻮﺷﻞ ﺳﺮﮐﻞ ﻣﯿﮟ ﺩﯾﮑﮭﺘﺎ ﺁﯾﺎ ﺗﮭﺎ۔ ﭘﺮ ﺗﻌﯿﺶ ﺭﮨﺎﺋﺶ ﮔﺎﮦ، ﺟﮩﺎﮞ ﭘﺮ ﺩُﻧﯿﺎ ﮐﯽ ﮨﺮ ﺁﺳﺎﺋﺶ ﮨﻮ ﮔﯽ، ﮨﺮ ﻃﺮﺡ ﮐﮯ ﻟﻮﺍﺯﻣﺎﺕ ﮐﮯ ﺳﺎﺗﮫ۔ ﺑﮩﺘﺮﯾﻦ interior ، ﻓﺮﻧﯿﭽﺮ، ﺷﻮ ﭘﯿﺴﺰ، bars ﺍﻭﺭ ﺩُﻧﯿﺎ ﮐﯽ ﺑﮩﺘﺮﯾﻦ ﺳﮯ ﺑﮩﺘﺮﯾﻦ ﺷﺮﺍﺏ۔ ﺍُﺱ ﮐﺎ ﺧﯿﺎﻝ ﺗﮭﺎ، ﻧﯿﻮﯾﺎﺭﮎ ﮐﮯ ﺍُﺱ ﻣﮩﻨﮕﮯ ﺗﺮﯾﻦ ﻋﻼﻗﮯ ﻣﯿﮟ ﺍُﺱ pent house ﻣﯿﮟ ﺣﻤﯿﻦ ﺳﮑﻨﺪﺭ ﻧﮯ ﺍﯾﮏ ﺩﻧﯿﺎﻭﯼ ﺟﻨّﺖ ﺑﺴﺎ ﺭﮐﮭﯽ ﮨﻮ ﮔﯽ ﮐﯿﻮﻧﮑﮧ ﮨﺸّﺎﻡ ﺍﯾﺴﯽ ﺟﻨّﺘﯿﮟ ﺩﯾﮑﮭﺘﺎ ﺁﯾﺎ ﺗﮭﺎ۔
ﺣﻤﯿﻦ ﺳﮑﻨﺪﺭ ﮐﮯ ﺍُﺱ pent house ﻣﯿﮟ ﮐﭽﮫ ﺑﮭﯽ ﻧﮩﯿﮟ ﺗﮭﺎ۔ ﺑﮩﺖ ﻣﺨﺘﺼﺮ، ﺗﻘﺮﯾﺒﺎً ﻧﮧ ﮨﻮﻧﮯ ﮐﮯ ﺑﺮﺍﺑﺮ ﻓﺮﻧﯿﭽﺮ، ﺩﯾﻮﺍﺭﻭﮞ ﭘﺮ ﭼﻨﺪ ﮐﯿﻠﯽ ﮔﺮﺍﻓﯽ ﮐﮯ ﺷﺎﮨﮑﺎﺭ، ﺍﻭﺭ ﮐﭽﻦ ﮐﺎﺅﻧﭩﺮ ﭘﺮ ﺍﯾﮏ ﺭﺣﻞ ﻣﯿﮟ ﮐُﮭﻼ ﻗﺮﺁﻥ ﭘﺎﮎ ﺟﺲ ﮐﮯ ﻗﺮﯾﺐ ﭘﺎﻧﯽ ﮐﺎ ﺍﯾﮏ ﮔﻼﺱ ﺍﻭﺭ ﮐﺎﻓﯽ ﮐﺎ ﺍﯾﮏ ﻣﮓ ﺗﮭﺎ۔
ﮨﺸّﺎﻡ ﺑﻦ ﺻﺒﺎﺡ ﻋﺠﯿﺐ ﮨﯿﺒﺖ ﻣﯿﮟ ﺁﯾﺎ ﺗﮭﺎ، ﺍُﺱ ﺷﺨﺺ ﮐﯽ ﺟﺲ ﺳﮯ ﻭﮦ ” ﻣﻞ ” ﺭﮨﺎ ﺗﮭﺎ۔ ﺟﺴﮯ ﺑﺰﻧﺲ ﺍﻭﺭ ﻓﺎﺋﻨﺎﻧﺲ ﮐﯽ ﺩﻧﯿﺎ ﮐﺎ guru ﻧﮩﯿﮟ ﺟﻦ ﻣﺎﻧﺎ ﺟﺎﺗﺎ ﺗﮭﺎ ﺍﻭﺭ ﺟﺲ ﮐﮯ ﮐﺮﻭﮌﻭﮞ ﺭﻭﭘﮯ ﮐﮯ ﺍُﺱ pent house ﻣﯿﮟ ﺩﮐﮭﺎﻭﮮ ﮐﮯ ﻟﺌﮯ ﺑﮭﯽ ﺭﮐﮭﯽ ﺟﺎﻧﮯ ﻭﺍﻟﯽ ﭼﯿﺰ ﻗﺮﺁﻥ ﭘﺎﮎ ﺗﮭﺎ۔ ﻭﮦ ﺳﺎﻻﺭ ﺳﮑﻨﺪﺭ ﮐﺎ ﺧﺎﻧﻮﺍﺩﮦ ﺗﮭﺎ۔
” ﯾﮧ ﻣﯿﺮﮮ ﺩﺍﺩﺍ ﮐﺎ ﺩﯾﺎ ﮨﻮﺍ ﻗﺮﺁﻥ ﭘﺎﮎ ﮨﮯ، ﺍِﺳﮯ ﮨﻤﯿﺸﮧ ﺳﺎﺗﮫ ﺭﮐﮭﺘﺎ ﮨﻮﮞ ﻣﯿﮟ۔ ﮔﮭﺮ ﭘﺮ ﺗﮭﺎ، ﻓﺮﺻﺖ ﺑﮭﯽ، ﺗﻮ ﺗﻤﮩﺎﺭﮮ ﺁﻧﮯ ﺳﮯ ﭘﮩﻠﮯ ﭘﮍﮪ ﺭﮨﺎ ﺗﮭﺎ۔ ” ﺣﻤﯿﻦ ﻧﮯ ﺭﺣﻞ ﭘﺮ ﺭﮐﮭﮯ ﻗﺮﺁﻥ ﭘﺎﮎ ﮐﻮ ﺑﻨﺪ ﮐﺮﺗﮯ ﮨﻮﺋﮯ ﮐﮩﺎ۔
” ﺑﯿﭩﮭﻮ ”! ﻭﮦ ﺍﺏ ﮨﺸّﺎﻡ ﺳﮯ ﮐﮩﮧ ﺭﮨﺎ ﺗﮭﺎ ﺍُﺱ ﮐﻮ ﺍُﺱ ﮐﺎﺅﻧﭩﺮ ﮐﮯ ﻗﺮﯾﺐ ﭘﮍﮮ ﮐﭽﻦ ﺳﭩﻮﻟﺰ ﮐﮯ ﺑﺠﺎﺋﮯ ﻻﺅﻧﺞ ﻣﯿﮟ ﭘﮍﮮ ﺻﻮﻓﻮﮞ ﮐﯽ ﻃﺮﻑ ﺍﺷﺎﺭﮦ ﮐﺮﺗﮯ ﮨﻮﺋﮯ۔
ﻭﮦ ﭘﻮﺭﺍ pent house ﺍُﺱ ﻭﻗﺖ ﺩﮬﻮﭖ ﺳﮯ ﭼﻤﮏ ﺭﮨﺎ ﺗﮭﺎ۔ ﺳﻔﯿﺪ ﺍﻧﭩﯿﺮﯾﺌﺮ ﻣﯿﮟ ﮔﻼﺱ ﺳﮯ ﭼﮭﻦ ﭼﮭﻦ ﮐﺮ ﺁﺗﯽ ﮨﻮﺋﯽ ﺭﻭﺷﻨﯽ ﮐﯽ ﮐﺮﻧﯿﮟ ﺍُﻥ ﺻﻮﻓﻮﮞ ﺗﮏ ﺑﮭﯽ ﺁ ﺭﮨﯽ ﺗﮭﯿﮟ ﺟﻦ ﭘﺮ ﺍﺏ ﻭﮦ ﺑﯿﭩﮭﮯ ﮨﻮﺋﮯ ﺗﮭﮯ۔ ﮨﺸّﺎﻡ ﺑﻦ ﺻﺒﺎﺡ ﺷﺎﮨﯽ ﻣﺤﻞ ﮐﮯ ﺗﺨﺖ ﭘﺮ ﺑﯿﭩﮫ ﮐﺮ ﺁﯾﺎ ﺗﮭﺎ۔ ﻣﮕﺮ ﺍُﺱ ﮐﮯ ﺳﺎﻣﻨﮯ ﺻﻮﻓﮯ ﭘﺮ ﭨﺎﻧﮓ ﭘﺮ ﭨﺎﻧﮓ ﺭﮐﮫ ﮐﺮ ﺑﯿﭩﮭﮯ ﮨﻮﺋﮯ ﺷﺨﺺ ﮐﮯ ﺟﯿﺴﺎ ﻃﻤﻄﺮﺍﻕ ﺍُﺱ ﻧﮯ ﮐﺒﮭﯽ ﻧﮩﯿﮟ ﺩﯾﮑﮭﺎ ﺗﮭﺎ۔
ﺑﺎﺕ ﮐﺎ ﺁﻏﺎﺯ ﻣﺸﮑﻞ ﺗﺮﯾﻦ ﺗﮭﺎ ﺍﻭﺭ ﺑﺎﺕ ﮐﺎ ﺁﻏﺎﺯ ﺣﻤﯿﻦ ﻧﮯ ﮐﯿﺎ ﺗﮭﺎ، ﺍُﺳﮯ ﭼﺎﺋﮯ ﮐﺎﻓﯽ ﮐﯽ ﺁﻓﺮ ﮐﮯ ﺳﺎﺗﮫ۔
” ﮐﺎﻓﯽ۔ ” ﺍُﺱ ﻧﮯ ﺟﻮﺍﺑﺎً ﺁﻓﺮ ﻗﺒﻮﻝ ﮐﺮﺗﮯ ﮨﻮﺋﮯ ﮐﮩﺎ۔ ﺣﻤﯿﻦ ﺍُﭨﮫ ﮐﺮ ﺍﺏ ﺳﺎﻣﻨﮯ ﮐﭽﻦ ﺍﯾﺮﺍ ﻣﯿﮟ ﮐﺎﻓﯽ ﻣﯿﮑﺮ ﺳﮯ ﮐﺎﻓﯽ ﺑﻨﺎﻧﮯ ﻟﮕﺎ۔
” ﺭﺋﯿﺴﮧ ﺳﮯ ﺗﻤﮩﺎﺭﺍ ﺑﮩﺖ ﺫﮐﺮ ﺳُﻨﺎ ﮨﮯ ﻣﯿﮟ ﻧﮯ ﺍﻭﺭ ﮨﻤﯿﺸﮧ ﺍﭼﮭﺎ۔ ” ﻭﮦ ﮐﺎﻓﯽ ﺑﻨﺎﺗﮯ ﮨﻮﺋﮯ ﺍُﺱ ﺳﮯ ﮐﮩﮧ ﺭﮨﺎ ﺗﮭﺎ۔
” ﻣﯿﮟ ﻧﮯ ﺑﮭﯽ۔ ” ﮨﺸّﺎﻡ ﮐﮩﮯ ﺑﻐﯿﺮ ﻧﮩﯿﮟ ﺭﮦ ﺳﮑﺎ۔ ﺣﻤﯿﻦ ﮐﺎﻓﯽ ﺍﻧﮉﯾﻠﺘﮯ ﮨﻮﺋﮯ ﻣﺴﮑﺮﺍﯾﺎ ﺍﻭﺭ ﺍُﺱ ﻧﮯ ﮐﮩﺎ ” I am not surprised ”
ﻭﮦ ﺍﺏ ﮐﺎﻓﯽ ﮐﮯ ﺩﻭ ﻣﮓ ﺍﻭﺭ ﮐﻮﮐﯿﺰ ﮐﯽ ﺍﯾﮏ ﭘﻠﯿﭧ ﺍﯾﮏ ﭨﺮﮮ ﻣﯿﮟ ﺭﮐﮭﮯ ﻭﺍﭘﺲ ﺁ ﮐﺮ ﺑﯿﭩﮫ ﮔﯿﺎ ﺗﮭﺎ۔
ﮨﺸّﺎﻡ ﻧﮯ ﮐﭽﮫ ﮐﮩﮯ ﺑﻐﯿﺮ ﮐﺎﻓﯽ ﮐﺎ ﺍﭘﻨﺎ ﻣﮓ ﺍُﭨﮭﺎﯾﺎ، ﺣﻤﯿﻦ ﻧﮯ ﺍﯾﮏ ﮐﻮﮐﯽ۔
” ﺗﻢ ﻣﺠﮫ ﺳﮯ ﻣﻠﻨﺎ ﭼﺎﮨﺘﮯ ﺗﮭﮯ۔ ” ﮐﻮﮐﯽ ﮐﻮ ﮐﮭﺎﻧﺎ ﺷﺮﻭﻉ ﮐﺮﻧﮯ ﺳﮯ ﭘﮩﻠﮯ ﺍُﺱ ﻧﮯ ﺟﯿﺴﮯ ﮨﺸّﺎﻡ ﮐﻮ ﺍﯾﮏ reminder ﺩﯾﺎ۔
” ﮨﺎﮞ۔ ” ﮨﺸّﺎﻡ ﮐﻮ ﯾﮏ ﺩﻡ ﮐﺎﻓﯽ ﭘﯿﻨﺎ ﻣﺸﮑﻞ ﻟﮕﻨﮯ ﻟﮕﺎ ﺗﮭﺎ ﺟﺲ ﻣﺴﺌﻠﮯ ﮐﮯ ﻟﺌﮯ ﻭﮦ ﻭﮨﺎﮞ ﺁﯾﺎ ﺗﮭﺎ، ﻭﮦ ﻣﺴﺌﻠﮧ ﭘﮭﺮ ﮔﻠﮯ ﮐﮯ ﭘﮭﻨﺪﮮ ﮐﯽ ﻃﺮﺡ ﯾﺎﺩ ﺁﯾﺎ ﺗﮭﺎ۔
” ﻣﯿﮟ ﺭﺋﯿﺴﮧ ﺳﮯ ﺑﮩﺖ ﻣﺤﺒﺖ ﮐﺮﺗﺎ ﮨﻮﮞ۔ ” ﺍُﺱ ﻧﮯ ﺑﺎﻵﺧﺮ ﺍُﺱ ﺟﻤﻠﮯ ﺳﮯ ﺁﻏﺎﺯ ﮐﯿﺎ ﺟﺲ ﺟﻤﻠﮯ ﺳﮯ ﻭﮦ ﺁﻏﺎﺯ ﮐﺮﻧﺎ ﻧﮩﯿﮟ ﭼﺎﮨﺘﺎ ﺗﮭﺎ۔
” ۔ ”Good ﺣﻤﯿﻦ ﻧﮯ ﺑﮯ ﺣﺪ ﺍﻃﻤﯿﻨﺎﻥ ﺳﮯ ﺟﯿﺴﮯ ﮐﻮﮐﯽ ﮐﻮ ﻧﮕﻠﻨﮯ ﺳﮯ ﭘﮩﻠﮯ ﯾﻮﮞ ﮐﮩﺎ ﺟﯿﺴﮯ ﻭﮦ ﺍُﺱ ﮐﺎ ﭼﯿﺲ ﮐﺎ ﺳﮑﻮﺭ ﺗﮭﺎ۔
” ﻣﯿﮟ ﺍُﺱ ﺳﮯ ﺷﺎﺩﯼ ﮐﺮﻧﺎ ﭼﺎﮨﺘﺎ ﮨﻮﮞ۔ ” ﮨﺸّﺎﻡ ﻧﮯ ﺍﮔﻼ ﺟﻤﻠﮧ ﺍﺩﺍ ﮐﯿﺎ۔ ﺍُﺳﮯ ﺍﭘﻨﺎ ﺁﭖ ﻋﺠﯿﺐ ﭼﻐﺪ ﻣﺤﺴﻮﺱ ﮨﻮ ﺭﮨﺎ ﺗﮭﺎ ﺍُﺱ ﻭﻗﺖ۔
” ﻣﯿﮟ ﺟﺎﻧﺘﺎ ﮨﻮﮞ۔ ” ﺣﻤﯿﻦ ﻧﮯ ﮐﺎﻓﯽ ﮐﺎ ﭘﮩﻼ ﺳﭗ ﻟﯿﺘﮯ ﮨﻮﺋﮯ ﮐﮩﺎ۔ ” ﻣﮕﺮ ﺳﻮﺍﻝ ﯾﮧ ﮨﮯ ﮐﮧ ﯾﮧ ﮐﺮﻭﮔﮯ ﮐﯿﺴﮯ؟ ”
ﺍُﺱ ﻧﮯ ﺟﯿﺴﮯ ﮨﺸّﺎﻡ ﮐﯽ ﻣﺪﺩ ﮐﺮﺗﮯ ﮨﻮﺋﮯ ﮐﮩﺎ۔ ﻭﮦ ﺍُﺳﮯ ﺳﯿﺪﮬﺎ ﺍُﺱ ﻣﻮﺿﻮﻉ ﭘﺮ ﺑﺎﺕ ﮐﺮﻧﮯ ﮐﮯ ﻟﺌﮯ ﻟﮯ ﺁﯾﺎ ﺗﮭﺎ ﺟﺲ ﭘﺮ ﺑﺎﺕ ﮐﺮﻧﮯ ﮐﮯ ﻟﺌﮯ ﻭﮦ ﺁﯾﺎ ﺗﮭﺎ۔ ﮨﺸّﺎﻡ ﺍﮔﻠﮯ ﮐﺌﯽ ﻟﻤﺤﮯ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻟﮯ ﺩﯾﮑﮭﺘﺎ ﺭﮨﺎ ﯾﮩﺎﮞ ﺗﮏ ﮐﮧ ﺣﻤﯿﻦ ﮐﻮ ﺍُﺱ ﭘﺮ ﺗﺮﺱ ﺁﻧﮯ ﻟﮕﺎ ﺗﮭﺎ۔
” ﺍﮔﺮ ﺗﻢ ﻣﯿﺮﯼ ﺟﮕﮧ ﮨﻮﺗﮯ ﺗﻮ ﮐﯿﺎ ﮐﺮﺗﮯ؟ ” ﮨﺸّﺎﻡ ﻧﮯ ﯾﮏ ﺩﻡ ﺍُﺱ ﺳﮯ ﭘﻮﭼﮭﺎ۔ ﺣﻤﯿﻦ ﮐﮯ ﭼﮩﺮﮮ ﭘﺮ ﺍﯾﮏ ﮨﻠﮑﯽ ﺳﯽ ﻣﺴﮑﺮﺍﮨﭧ ﺁﺋﯽ۔
” ﺟﻮ ﻣﯿﮟ ﮐﺮﺗﺎ، ﻭﮦ ﺗﻢ ﮐﺮﻧﮯ ﮐﯽ ﺟﺮﺍٔﺕ ﺑﮭﯽ ﻧﮩﯿﮟ ﮐﺮ ﺳﮑﺘﮯ۔ ” ﺣﻤﯿﻦ ﻧﮯ ﺟﻮﺍﺑﺎً ﮐﮩﺎ۔ ﮨﺸﺎﻡ ﮐﻮ ﻋﺠﯿﺐ ﺳﯽ ﮨﺘﮏ ﻣﺤﺴﻮﺱ ﮨﻮﺋﯽ۔ ﻭﮦ ﺍُﺳﮯ ﭼﯿﻠﻨﺞ ﮐﺮ ﺭﮨﺎ ﺗﮭﺎ۔
” ﺗﻢ ﺑﺘﺎﺋﮯ ﺑﻐﯿﺮ ﻣﺠﮭﮯ judge ﻧﮩﯿﮟ ﮐﺮ ﺳﮑﺘﮯ۔ ” ﺍُﺱ ﻧﮯ ﺣﻤﯿﻦ ﺳﮯ ﮐﮩﺎ۔
” ﭨﮭﯿﮏ ﮨﮯ، ﺑﺘﺎ ﺩﯾﺘﺎ ﮨﻮﮞ۔ ” ﺣﻤﯿﻦ ﻧﮯ ﮐﺎﻓﯽ ﮐﺎ ﮐﭗ ﺭﮐﮭﺘﮯ ﮨﻮﺋﮯ ﮐﮩﺎ۔
” ﺭﺋﯿﺴﮧ ﮐﻮ ﭼﮭﻮﮌ ﺩﯾﻨﮯ ﮐﮯ ﻋﻼﻭﮦ ﮐﻮﺋﯽ ﺑﮭﯽ ﺣﻞ ﺑﺘﺎ ﺩﻭ ﻣﺠﮭﮯ، ﻣﯿﺮﮮ ﻣﺴﺌﻠﮯ ﮐﺎ۔ ” ﭘﺘﮧ ﻧﮩﯿﮟ ﺍُﺳﮯ ﮐﯿﺎ ﻭﮨﻢ ﮨﻮﺍ ﺗﮭﺎ ﮐﮧ ﺣﻤﯿﻦ ﮐﮯ ﺑﻮﻟﻨﮯ ﺳﮯ ﭘﮩﻠﮯ ﻭﮦ ﺍﯾﮏ ﺑﺎﺭ ﭘﮭﺮ ﺑﻮﻝ ﺍُﭨﮭﺎ ﺗﮭﺎ۔ ﺣﻤﯿﻦ ﺍﺱ ﺑﺎﺭ ﻣﺴﮑﺮﺍﯾﺎ ﻧﮩﯿﮟ، ﺻﺮ ﻑ ﺍُﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻝ ﮐﺮ ﺩﯾﮑﮭﺘﺎ ﺭﮨﺎ۔
” ﻣﯿﮟ ﺍﮔﺮ ﺗﻤﮩﺎﺭﯼ ﺟﮕﮧ ﮨﻮﺗﺎ ﺗﻮ ”……

(جاری ہے)